Qashqadaryo viloyatida 2015-yilda yangi ish oʻrinlari tashkil etish va aholi bandligini taʼminlash dasturi toʻgʻrisida (11/3-5-son)

30.01.2015

Xalq deputatlari Qashqadaryo viloyat kengashining

qarori

“Aholini ish bilan taʼminlash toʻgʻrisida”gi Oʻzbekiston Respublikasining Qonuni (Oʻzbekiston Respublikasi Oliy Majlisi Axborotnomasi, 1998-y., 5-6-son, 17-modda), Oʻzbekiston Respublikasi Oliy Majlisi Qonunchilik palatasining 2014-yil 22-oktabrdagi 991-II-sonli “Oʻzbekiston Respublikasining 2015-yilgi Davlat budjeti, davlat maqsadli jamgʻarmalarining budjetlari hamda soliq va budjet siyosatining asosiy yoʻnalishlari toʻgʻrisida”gi va Oʻzbekiston Respublikasi Oliy Majlisi Senatining 2014-yil 13-noyabrdagi “2015-yilda ish oʻrinlari tashkil etish va aholi bandligini taʼminlash dasturi toʻgʻrisida”gi SQ-454-II-sonli qarorlariga (Oʻzbekiston Respublikasi Oliy Majlisi Axborotnomasi, 2014-y., 11-son, 317-modda) muvofiq viloyatda 2015-yilda ish oʻrinlari tashkil etish va aholi bandligini taʼminlash maqsadida “Mahalliy davlat hokimiyati toʻgʻrisida”gi Qonuni (Oʻzbekiston Respublikasi Oliy Kengashining Axborotnomasi, 1993-y., 9-son, 24-modda)ga asosan Xalq deputatlari viloyat Kengashi qaror qiladi:

1. 2015-yil davomida viloyatda yaratiladigan yangi ish oʻrinlarining parametrlari 1-ilovaga, Qarshi shahar va tumanlarda yangi ish oʻrinlari tashkil etish parametrlari 2-ilovaga hamda viloyat Ishchi komissiyasi roʻyxati 3-ilovaga muvofiq tasdiqlansin.

2. Tuman (shahar) hokimliklari tomonidan 2015-yilda yangi ish oʻrinlari yaratish hududiy dasturlari parametrlari Oʻzbekiston Respublikasi Prezidentining 2008-yil 28-noyabrdagi “Iqtisodiyotning real sektori korxonalarini qoʻllab-quvvatlash, ularning barqaror ishlashini taʼminlash va eksport salohiyatini oshirish chora-tadbirlari dasturi toʻgʻrisida”gi PF-4058-sonli Farmoni (Oʻzbekiston Respublikasi qonun hujjatlari toʻplami, 2008-y., 49-son, 477-modda) bilan tasdiqlangan moliyaviy inqirozga qarshi kurash choralari doirasida takliflari inobatga olinsin.

Ishchi komissiyasining hududlarga biriktirilgan aʼzolari:

har oyda biriktirilgan hududga chiqqan holda 2015-yilda yangi ish oʻrinlari yaratish va aholi bandligini taʼminlash dasturi ijrosini tanqidiy oʻrganib, hokimliklar va mutasaddi tashkilotlar ishtirokida muhokama etib borish;

hududiy dasturlarni amalga oshirishda yoʻl qoʻyilayotgan qoloqlik va muammolarni aniqlab, ularni bartaraf etish yuzasidan tegishli choralarni koʻrish;

belgilangan vazifalarni talab darajasida bajarmagan tarmoqlar, hokimliklar, masʼul davlat organlari, tijorat banklari va korxonalar rahbarlarining masʼuliyatini koʻrib chiqish yuzasidan viloyat Ishchi komissiyasiga takliflar kiritib borish;

hududiy dasturlarga kiritilgan obyektlarning oʻz vaqtida ishga tushirilishi, dastur parametrlarining toʻliq va sifatli bajarilishi ustidan qatʼi nazorat oʻrnatsin.

3. Viloyat iqtisodiyot bosh boshqarmasi (A. Umirov):

ushbu parametrlar boʻyicha hokimliklar bilan hamkorlikda 2015-yilda har bir hududlar (Qarshi shahri va tumanlar)da yaratiladigan yangi ish oʻrinlari parametrlarining ijrosini tahlil qilib, viloyat hokimligiga taqdim etib borsin;

2015-yilda yangi ish oʻrinlari yaratish va aholi bandligini taʼminlash dasturining ijrosi monitoringini yuritishda investitsiya, lokalizatsiya, tarmoqlar, hududlarni, ishlab chiqarish va ijtimoiy infratuzilmani rivojlantirish va boshqa maqsadli dasturlar ijrosiga alohida eʼtibor qaratsin.

4. Xususiylashtirish, monopoliyadan chiqarish va raqobatni rivojlantirish hududiy boshqarmasi (I. Joʻrayev) tuman (shahar) hokimliklari bilan birgalikda moliyaviy sogʻlomlashtirish choralari qoʻllanilgan sharoitda ish oʻrinlarini tiklash, ulardagi boʻsh ish oʻrinlari, ishlab chiqarish quvvatlaridan foydalanish darajasini oshirish, ishlamasdan turgan korxonalar faoliyatini tiklash hisobiga yaratiladigan yangi ish oʻrinlari hisobini yuritsin va nazoratga olsin.

5. Markaziy bank viloyat bosh boshqarmasi (T. Karimov)ga:

viloyatdagi barcha tijorat banklari bilan birgalikda yangi ish oʻrinlari yaratishga yoʻnaltiriladigan kredit resurslari hajmlarini hududlar (shahar, tumanlar), tijorat banklari va maqsadli yoʻnalishlar kesimida ajratishning reja jadvalini ishlab chiqish va joylarga yetkazish;

tasdiqlangan reja-grafigiga muvofiq tijorat banklari tomonidan 2015-yilda yangi ish oʻrinlari yaratish uchun kreditlarning belgilangan muddatlarda ajratilishini qatʼi nazoratga olish, mablagʻlar ajratilishini joylarga chiqqan holda hokimliklar, tijorat banklari va tadbirkorlar ishtirokida muhokama etib, zarur choralarini koʻrish tavsiya etilsin.

6. Xususiylashtirish, monopoliyadan chiqarish va raqobatni rivojlantirish hududiy boshqarmasi (I. Joʻrayev), Savdo-sanoat palatasi viloyat boshqarmasi (S. Boboqulov)ga:

xususiy tadbirkorlik, kichik biznes va xizmatlar sohasini rivojlantirish, ularga qulay shart-sharoitlar yaratib berish hamda sohada yangi ish oʻrinlari yaratish;

kichik biznes subyektlarining tashkil etilishi va faoliyat koʻrsatishi uchun zarur shart-sharoitlar yaratilishini joylarga chiqib oʻrganish hamda mavjud muammolarni hal etish boʻyicha zaruriy choralarni koʻrish tavsiya etilsin.

7. Xususiylashtirish, monopoliyadan chiqarish va raqobatni rivojlantirish hududiy boshqarmasi (I. Joʻrayev)ga, Markaziy bank viloyat Bosh boshqarmasi (T. Karimov)ga, viloyat tijorat banklari, tuman (shahar) hokimliklari bilan birgalikda iqtisodiy nochor va ishlamasdan turgan korxonalar faoliyatini qayta tiklash, ularda yangi ish oʻrinlari yaratish chora-tadbirlariga asosiy masʼul ekanligini inobatga olgan holda, ushbu yoʻnalishda belgilangan yangi ish oʻrinlari yaratishning prognoz parametrlari ijrosining taʼminlanishini qatʼi nazoratga olish tavsiya etilsin.

8. Viloyat Moliya boshqarmasi (N. Qulmatov) sugʻurta idoralari bilan birgalikda yirik sugʻurta idoralarining har bir shahar, tumanlardagi filiallari (vakolatxonalari) tarmogʻini kengaytirishning qoʻshimcha chora-tadbirlarini ishlab chiqsin va shahar, tumanlar kesimida 2015-yilda yangidan tashkil etiladigan obyektlarining manzilli roʻyxatlarini tasdiqlasin.

9. Viloyat Davlat soliq boshqarmasi (X. Xolboyev) belgilangan tartibda roʻyxatdan oʻtmasdan tadbirkorlik faoliyati bilan shugʻullanayotgan fuqarolarni qonunchilikda belgilangan tartibda roʻyxatdan oʻtkazishni taʼminlasin.

10. Oʻzbekiston Respublikasi Prezidentining 2010-yil 28-iyuldagi “Taʼlim muassasalari bitiruvchilarini tadbirkorlik faoliyatiga jalb etish borasidagi qoʻshimcha chora-tadbirlar toʻgʻrisida”gi PF-4232-sonli Farmonining (Oʻzbekiston Respublikasi qonun hujjatlari toʻplami, 2010-y., 30-son, 251-modda) 1-bandiga muvofiq mikrofirmalar, kichik korxonalar tomonidan respublikaning kasb-hunar kollejlari, akademik litseylari va oliy taʼlim muassasalari bitiruvchilari bilan mehnat shartnomalari tuzilganda, band boʻlgan xodimlarning oʻrtacha yillik soni qonun hujjatlarida belgilangan cheklangan normativdan koʻpi bilan 50 foiz oshgan hollarda, ular uchun imtiyozlar, kafolatlar va huquqlar saqlab qolinsin.

11. Viloyat Mehnat va aholini ijtimoiy muhofaza qilish bosh boshqarmasi (Sh. Rajabov)ga, Statistika (F. Toʻrayev), Iqtisodiyot (A. Umirov) boshqarmalari bilan birgalikda 2015-yilda yangi ish oʻrinlari yaratish va aholi bandligini taʼminlash dasturi ijrosining har oylik monitoringini hududlar va tarmoqlar kesimida olib borsin, dastur ijrosi haqida umumlashgan maʼlumotlarni viloyat hokimligiga har oyda taqdim etish, dastur ijrosini taʼminlash yuzasidan hududlar, tarmoq va korxonalar boʻyicha aniq takliflar kiritish vazifalari topshirilsin.

12. Viloyat Davlat statistika boshqarmasi (F. Toʻrayev)ga, Mehnat va aholini ijtimoiy muhofaza qilish (Sh. Rajabov), Iqtisodiyot (A. Umirov) boshqarmalari bilan birgalikda barcha chora-tadbirlar hisobiga yaratilayotgan yangi ish oʻrinlari hisobining yuritilishini taʼminlasin.

yangidan tashkil etilgan ish oʻrinlarining hisobi Oʻzbekiston Respublikasi Mehnat va aholini ijtimoiy muhofaza qilish vazirligi, Iqtisodiyot vazirligi va Davlat statistika qoʻmitasining 2013-yil 6-maydagi 28-q, 31, 4q-2013-son qarori bilan tasdiqlangan “Tashkil etilgan ish oʻrinlarini hisobga olish va monitoringini yuritish tartibi toʻgʻrisidagi” nizom (roʻyxat raqami 2473, 27.06.2013-y.) (Oʻzbekiston Respublikasi qonun hujjatlari toʻplami, 2013-y., 26-son, 344-modda) hamda Oʻzbekiston Respublikasi mehnat va aholini ijtimoiy muhofaza qilish vazirligi va Davlat statistika qoʻmitasining 2013-yil 1-maydagi 26, 3q-2013-son qarori bilan tasdiqlangan “Yangidan tashkil etilgan ish oʻrinlari boʻyicha tezkor maʼlumotlar va davlat statistika hisobotlarining oʻzaro muvofiqligini taʼminlash hamda ularning haqqoniyligini tanlov asosida oʻrganish toʻgʻrisidagi” nizom (roʻyxat raqami 2474, 27.06.2013-y.) (Oʻzbekiston Respublikasi qonun hujjatlari toʻplami, 2013-y., 26-son, 344-modda) asosida amalga oshirsin.

13. Viloyat Davlat soliq boshqarmasi (X. Xolboyev), Markaziy banki viloyat bosh boshqarmasi (T. Karimov), Iqtisodiyot boshqarmasi (A. Umirov), Fermyerlar Kengashi (B. Safarov), Mehnat va aholini ijtimoiy muhofaza qilish bosh boshqarmasi (Sh. Rajabov), Xususiylashtirish, monopoliyadan chiqarish va raqobatni qoʻllab-quvvatlash viloyat boshqarma (I. Joʻrayev)larga:

2015-yilda ish oʻrinlari tashkil etish va aholi bandligini taʼminlash dasturining bajarilishini borishi toʻgʻrisidagi maʼlumotlarni har oyning 25-sanasiga qadar viloyat ishchi komissiyasi (Gʻ. Djavliyev)ga taqdim etib borish vazifalari yuklatilsin.

14. Qarshi shahar, tumanlar hokimlariga:

2015-yilda ish oʻrinlari tashkil etish va aholi bandligini taʼminlash dasturining asosiy yoʻnalishlari va parametrlari tegishli hududda bajarilishini taʼminlash;

hududlarni ijtimoiy-iqtisodiy va industrial rivojlantirish, xizmatlar koʻrsatish va servis sohasini, qishloq joylarda yakka tartibdagi uy-joy qurilishini va pudrat asosidagi qurilish ishlarini, koʻp tarmoqli fermer xoʻjaliklarini yanada rivojlantirish, bekor turgan korxonalarni qayta tiklash, ish oʻrinlari tashkil etish va aholining bandligini taʼminlash bilan bogʻliq dasturlarni amalga oshirish boʻyicha zarur chora-tadbirlarni koʻrish;

shahar va tumanlar markazlarida, yirik korxona va tashkilotlar ish beruvchilari ishtirokida ixtisoslashtirilgan ish oʻrinlari yarmarkalari oʻtkazilishini tashkil etish;

2015-yilda yangi ish oʻrinlari yaratish va aholi bandligini taʼminlash dasturi ijrosi haqidagi maʼlumotlarni har oyda Mehnat va aholini ijtimoiy muhofaza qilish bosh boshqarmasiga taqdim etib borish;

2015-yilda yangi ish oʻrinlari yaratish, aholi bandligini taʼminlash dasturining tasdiqlangan asosiy parametrlarini 2015-yilda yangi tashkil etiladigan va kengaytiriladigan obyektlar (korxonalar, tashkilotlar, muassasalar, tadbirkorlik subyektlari, fermer va dehqon xoʻjaliklari va sh.k.) kesimida muddatlar, moliyaviy manbalar, masʼullar boʻyicha aniqlashtirilgan holda tasdiqlash;

har oyda Xalq deputatlari mahalliy Kengashlari deputatlari bilan birgalikda 2015-yilda yangi ish oʻrinlari yaratish va aholi bandligini taʼminlash hududiy dasturining tasdiqlangan parametrlari bajarilishi, manzilli roʻyxatlarga kiritilgan obyektlarning ishga tushirilishi va belgilangan ish oʻrinlarining yaratilishini muhokama etib borish;

har bir tuman, shaharda hokimlar boshchiligidagi tarkibiga manfaatdor tashkilotlar rahbarlari kiritilgan ishchi guruhlari tashkil etish, ular zimmasiga yangi ish oʻrinlari yaratish va aholi bandligini taʼminlash choralarini koʻrish, manzilli dasturga kiritilgan korxonalarning tashkil etilishi va faoliyat yuritishini har tomonlama qoʻllab-quvvatlash, jumladan roʻyxatdan oʻtkazish, moddiy-texnika resurslaridan va muhandislik kommunikatsiyalaridan foydalanish, dastlabki sarmoyani shakllantirish va kreditlar olish, soliqqa tortish, mahsulotni sotish kabi muammolarni aniqlash va joyida hal etish choralarini koʻrish vazifalari topshirilsin.

15. Xalq deputatlari Qashqadaryo viloyati Kengashining 2013-yil 23-noyabrdagi “Viloyatda 2014-yilda moliyalashning barcha manbalari hisobidan yaratilayotgan yangi ish oʻrinlarining parametrlari toʻgʻrisida”gi IV/36-121-sonli qarori 2014-yil 31-dekabrdan oʻz kuchini yoʻqotgan deb hisoblansin.

16. Mazkur qarorning ijrosini nazorat qilish Xalq deputatlari viloyat Kengashining doimiy komissiyalari raislari zimmasiga yuklatilsin.

17. Ushbu qaror rasman eʼlon qilingan kundan eʼtiboran kuchga kiradi.

Xalq deputatlari viloyat Kengashining raisi Z. ROʻZIYEV

Qarshi sh.,

2015-yil 30-yanvar,

11/3-5-son

Xalq deputatlari viloyat Kengashining 2015-yil 30-yanvardagi 11/3-5-sonli qaroriga 1-ILOVA

Qashqadaryo viloyatida 2015-yilda ish oʻrinlari tashkil etish va aholi bandligini taʼminlash

parametrlari

T/r Yoʻnalishlar Jami 1. Jami Dastur boʻyicha 88 961 shu jumladan: 2. Maqsadli dasturlarga muvofiq tashkil etiladigan ish oʻrinlari, jami 14 758 ulardan: 2.1. sanoatda 6 684 2.2. xizmat koʻrsatishda 3 674 2.3. qishloq xoʻjaligida (shu jumladan chorvachilik, parrandachilik, bogʻdorchilik, baliqchilik, asalarichilik, sabzavotchilik, ipakchilik, uzumchilikda) 3 747 2.4. ishlamasdan turgan korxonalarning faoliyatini tiklash 653 3. Bundan tashqari 74 203 quyidagilar hisobiga: 3.1. tijorat banklarining kichik korxonalar va mikrofirmalarni tashkil etish uchun ajratiladigan kreditlari 25 871 3.2. yakka tartibdagi tadbirkorlikni rivojlantirish 14 444 3.3. uy mehnatini tashkil qilish 23 444 3.4. dehqon va fermer xoʻjaliklari 10 444

Xalq deputatlari viloyat Kengashining 2015-yil 30-yanvardagi 11/3-5-sonli qaroriga 2-ILOVA

Qashqadaryo viloyatida 2015-yilda ish oʻrinlari tashkil etish va aholi bandligini taʼminlash

parametrlari

T/r Yoʻnalishlar jami shu jumladan, tuman (shahar)lar boʻyicha: Qarshi sh. Gʻuzor Dehqonobod Qamashi Qarshi Kasbi Kitob Koson Mirishkor Muborak Nishon Chiroqchi Shahrixon Yakkabogʻ 1. Jami dastur boʻyicha 88961 8 718 6 130 5 184 5 189 6 785 5 470 6 110 5 710 3 965 5 178 4 580 9 016 11 094 5 832 shu jumladan: 2. Maqsadli dasturlarga muvofiq tashkil etiladigan ish oʻrinlari, jami 14758 914 3 265 603 612 1 698 548 1 229 689 737 483 1 174 642 1 007 1 157 ulardan: 2.1. sanoatda 6684 272 2 905 290 100 1 161 60 251 157 206 275 604 133 131 139 2.2. xizmat koʻrsatishda 3674 459 228 225 341 237 193 286 251 207 133 242 329 289 254 2.3. qishloq xoʻjaligida (shu jumladan chorvachilik, parrandachilik, bogʻdorchilik, baliqchilik, asalarichilik, sabzavotchilik, ipakchilik, uzumchilikda) 3747 0 114 53 155 258 280 654 256 313 54 304 155 512 639 2.4. ishlamasdan turgan korxonalarning faoliyatini tiklash 653 183 18 35 16 42 15 38 25 11 21 24 25 75 125 3. Bundan tashqari 74203 7 804 2 865 4 581 4 577 5 087 4 922 4 881 5 021 3 228 4 695 3 406 8 374 10 087 4 675 quyidagilar hisobiga: 3.1. tijorat banklarining kichik korxonalar va mikrofirmalarni tashkil etish uchun ajratiladigan kreditlari 25871 3 444 511 1 812 1 573 986 1 979 1 213 2 171 836 2 069 786 3 433 3 461 1 597 3.2. yakka tartibdagi tadbirkorlikni rivojlantirish 14444 1 780 564 713 752 1 257 669 957 927 568 836 575 1 542 2 467 837 3.3. uy mehnatini tashkil qilish 23444 2 580 985 1 428 1 377 1 976 1 459 1 879 1 130 895 1 255 1 189 2 567 3 320 1 404 3.4. dehqon va fermer xoʻjaliklari 10444 0 805 628 875 868 815 832 793 929 535 856 832 839 837

Xalq deputatlari viloyat Kengashining 2015-yil 30-yanvardagi 11/3-5-sonli qaroriga 3-ILOVA

2015-yilda yangi ish oʻrinlarini tashkil etish va aholi bandligini taʼminlash parametrlari ijrosi va nazoratini amalga oshirish boʻyicha viloyat Ishchi komissiyasi

TARKIBI

1. Z. Roʻziyev — Viloyat hokimi, ishchi komissiya raisi 2. Gʻ. Djavliyev — Viloyat hokimining ijtimoiy-iqtisodiy masalalar boʻyicha oʻrinbosari, ishchi komissiya raisi oʻrinbosari 3. B. Radjapov — Viloyat hokimining oʻrinbosari, ishchi komissiya raisi oʻrinbosari 4. X. Joʻrayev — Viloyat hokimining iqtisodiy-ijtimoiy rivojlantirish masalalari boʻyicha kotibiyat mudiri, ishchi komissiya aʼzosi 5. A. Umirov — Viloyat Iqtisodiyot bosh boshqarmasi boshligʻi, ishchi komissiya aʼzosi 6. Sh. Rajabov — Viloyat Mehnat va aholini ijtimoiy muhofaza qilish bosh boshqarmasi boshligʻi v.v.b, ishchi komissiya aʼzosi 7. N. Qulmatov — Viloyat Moliya boshqarmasi boshligʻi, ishchi komissiya aʼzosi 8. X. Xolboyev — Viloyat Davlat soliq boshqarmasi boshligʻi, ishchi komissiya aʼzosi 9. I. Joʻrayev — Xususiylashtirish, monopoliyadan chiqarish va raqobatni rivojlantirish hududiy boshqarmasi boshligʻi, ishchi komissiya aʼzosi 10. F. Toʻrayev — Viloyat Statistika boshqarmasi boshligʻi, ishchi komissiya aʼzosi 11. Z. Qobilov — Viloyat Oʻrta maxsus, kasb-hunar taʼlimi boshqarmasi boshligʻi, ishchi komissiya aʼzosi 12. T. Karimov — Markaziy bank viloyat bosh boshqarmasi boshligʻi, ishchi komissiya aʼzosi 13. Q. Sariqov — ATB “Mikrokredit” bank viloyat filiali boshqaruvchisi v.v.b, ishchi komissiya aʼzosi 14. S. Boboqulov — Viloyat Savdo-sanoat Palatasi raisi, ishchi komissiya aʼzosi 15. Y. Tursunov — Viloyat “Mahalla” jamgʻarmasi raisi, ishchi komissiya aʼzosi 16. F. Normatov — Viloyat “Kamolot” yoshlar ijtimoiy harakati raisi, ishchi komissiya aʼzosi 17. I. Norqulov — Viloyat Mehnat va aholini ijtimoiy muhofaza qilish bosh boshqarmasi boʻlimi boshligʻi, ishchi komissiya kotibi 18. — Qarshi shahri va tumanlar hokimlari