Tumanda traktorlar, oʻziyurar shassilar, meliorativ yoʻl-qurilish mashinalari va traktor tirkamalarini majburiy texnik koʻrikdan oʻtkazish toʻgʻrisida (161-q-son)

23.02.2015

Samarqand viloyati Paxtachi tumani hokimining

qarori

Oʻzbekiston Respublikasi Qishloq va suv xoʻjaligi vazirligining 2013-yil 2-apreldagi 58-sonli buyrugʻi, Vazirlar Mahkamasining 2012-yil 6-dekabrdagi 345-sonli qarori bilan tasdiqlangan “Boshdavtexnazorat” inspeksiyasining Nizomiga asosan hamda viloyat hokimligi huzuridagi “Mashina va asbob-uskunalarni texnik holatini nazorat qilish boʻyicha Davlat bosh inspeksiyasi”ning 2015-yil 7-yanvardagi 1-A-sonli qabul qilgan buyrugʻini inobatga olgan holda, Oʻzbekiston Respublikasi “Mahalliy davlat hokimiyati toʻgʻrisida”gi Qonunning 6-moddasiga asoslanib qaror qilaman:

1. Tuman hududida joylashgan barcha yuridik va jismoniy shaxslarga tegishli boʻlgan traktorlar, oʻziyurar shassilar, meliorativ yoʻl-qurilish mashinalari va traktor tirkamalar majburiy texnik koʻrikdan oʻtkazilsin.

2. Majburiy texnik koʻrikdan oʻtkazish boʻyicha tuman komissiyasining tarkibi 1-ilovaga, texnik koʻrikdan oʻtkazish jadvali 2-ilovaga muvofiq tasdiqlansin.

3. Tuman “Davtexnazorat” inspeksiyasi boʻlimi boshligʻi S. Xujanovga:

majburiy texnik koʻrikdan oʻtkaziladigan traktor, tirkama, oʻzi yurar shassilar, meliorativ, yoʻl qurilish mashinalarini texnik pasportlari, nazorat texnik talonlari, davlat raqam belgilari haqiqatda mavjudligini koʻrib chiqish va aniqlangan kamchiliklar boʻyicha ularni bartaraf etish choralarini koʻrish;

mashinalar sonini, ularning holatini, amalda mavjudligini, tegishliligini va boshqa roʻyxatdan oʻtkazish maʼlumotlarini aniqlashtirish;

oʻtkaziladigan majburiy texnik koʻrik uchun tushadigan tushumlarni tumandagi yuridik va jismoniy shaxslardan undirish choralarini koʻrish yuklatilsin.

4. Ushbu qarorning ijrosini nazorat qilish tuman Qishloq va suv xoʻjaligi boʻlimi boshligʻi N. Eshdavlatov zimmasiga yuklatilsin.

5. Mazkur qaror rasmiy eʼlon qilingan kundan eʼtiboran kuchga kiradi.

Hokim K. QURBONOV

Paxtachi t.,

2015-yil 23-fevral,

161-q-son

Tuman hokimining 2015-yil 23-fevraldagi 161-q-sonli qaroriga 1-ILOVA

Tumandagi traktorlar, oʻziyurar shassilar, meliorativ yoʻl-qurilish mashinalari va traktor tirkamalarini majburiy texnik koʻrikdan oʻtkazish komissiyasi

tarkibi

1. Xujanov S. — Davlat texnika nazorati inspeksiyasi tuman boʻlimi inspektori, komissiya raisi 2. Abdualimov O. — tuman Qishloq va suv xoʻjaligi boʻlimi mutaxassisi, komissiya kotibi Komissiya aʼzolari: 3. Roʻziqulov N. — “Paxtachiagrotexservis” MChJ raisi 4. Xudoyqulov M. — tuman MTP DAJ xodimi 5. Sattarov B. — tuman Qishloq va suv xoʻjaligi boʻlimi xodimi

Tuman hokimining 2015-yil 23-fevraldagi 161-q-sonli qaroriga 2-ILOVA

Tuman hududidagi shirkat va fermer xoʻjaliklari, MMTP, MTP, hamda tashkilotlar hisobida boʻlgan traktorlar va tirkama, oʻzi yurar shassilar, meliorativ, yoʻl qurilish mashinalari, asbob-uskuna va jihozlarni koʻrikdan oʻtkazish

jadvali:

T/R Shirkat xoʻjaligi, MMTPM, korxona va tashkilot nomi Texnik koʻrikdan oʻtkazish sanasi Texnik koʻrikdan oʻtkazish vaqti 1. Nodim-Ziyovuddin MMTP 20.02.2015y. 10-00 2. Paxtakor-Sultonobod MMTP 21.02.2015y. 10-00 3. Sh.Qahhorov shogirdlari MMTP 22.02.2015y. 14-00 4. Oqtepa MMTP 22.02.2015y. 10-00 5. Obod-Dehkonobod MMTP 23.02.2015y. 14-00 6. Barhayot-K.Rajabov MMTP 25.02.2015y. 10-00 7. A. Allayarov oltin dalalari MMTP 26.02.2015y. 14-00 8. T. Kenjayev Taʼmirchi MMTP 27.02.2015y. 10-00 9. Yangi-Diyor JUT MMTP 27.02.2015y. 14-00 10. Sh.Nazarov — Shogirdlari MMTP 28.02.2015y. 10-00 11. R. Maxmanov-Qurbanovich MMTP 01.03.2015y. 10-00 12. Navroʻz-Poʻlatchi MMTP 01.03.2015y. 14-00 13. Qarnabota shirkat xoʻjaligi 02.03.2015y. 10-00 14. “Paxtachiagrotexservis” MChJ 04.03.2015y. 10-00 15. MTP-DAJ 01.03.2015y. 14-00 16. “Qishloq xoʻjalikkimyo” AJ tuman filiali 04.03.2015y. 10-00 17. Fermer xoʻjaliklari 05.03.2015y. 16.03.2015y. 18. Ishlab chiqarish korxonalari 18.03.2015y. 10-00 19. Boshqa korxonalar 20.03.2015y. 14-00 20. Shaxsiy korxonalar 21.03.2015y. 25.03.2015y.