Jizzax viloyatining 2015-yilgi asosiy makroiqtisodiy koʻrsatkichlari prognozi va mahalliy budjetning parametrlari toʻgʻrisida (297-son)

17.12.2014

Jizzax viloyati hokimi

Qarori

Oʻzbekiston Respublikasi Oliy Majlisi Qonunchilik palatasining 2014-yil 22-oktabrdagi “Oʻzbekiston Respublikasining 2015-yilgi Davlat budjeti, maqsadli davlat jamgʻarmalarining budjetlari hamda soliq va budjet siyosatining asosiy yoʻnalishlari toʻgʻrisida”gi 991-II-sonli, Oʻzbekiston Respublikasi Oliy Majlisi Senatining 2014-yil 13-noyabrdagi “Oʻzbekiston Respublikasining 2015-yilgi Davlat budjeti, maqsadli davlat jamgʻarmalarining budjetlari hamda soliq va budjet siyosatining asosiy yoʻnalishlari toʻgʻrisida”gi SQ-453-II-sonli va Oʻzbekiston Respublikasi Prezidentining 2014-yil 4-dekabrdagi “Oʻzbekiston Respublikasining 2015-yilgi asosiy makroiqtisodiy koʻrsatkichlari prognozi va Davlat budjeti parametrlari toʻgʻrisida”gi PQ-2270-sonli qarorlari (Oʻzbekiston Respublikasi qonun hujjatlari toʻplami 2014-y., 50-son, 590-modda) ijrosini taʼminlash maqsadida, Oʻzbekiston Respublikasining “Mahalliy davlat hokimiyati toʻgʻrisida”gi Qonunining 6-moddasiga asosan qaror qilaman:

1. Oʻzbekiston Respublikasi Prezidentining 2014-yil 4-dekabrdagi “Oʻzbekiston Respublikasining 2015-yilgi asosiy makroiqtisodiy koʻrsatkichlari prognozi va Davlat budjeti parametrlari toʻgʻrisida”gi PQ-2270-sonli qarori rahbarlik va ijro uchun qabul qilinsin.

2. 2015-yil uchun:

Jizzax viloyatining asosiy makroiqtisodiy koʻrsatkichlar prognozi 1-ilovaga muvofiq;

Jizzax viloyatining mahalliy budjeti asosiy parametrlari 2-ilovaga muvofiq;

viloyat budjeti, Jizzax shahri va tumanlar mahalliy budjetlarining daromadlar va xarajatlar hajmlari, viloyat budjetidan budjet subvensiyalarining cheklangan miqdorlari 3-ilovaga* muvofiq;

Jizzax shahri va tumanlar mahalliy budjetlariga umumdavlat soliqlar tushumlaridan ajratmalar normativlari 4-ilovaga* muvofiq;

viloyat budjeti, Jizzax shahri va tumanlar mahalliy budjetlarining naqd pul kassa aylanmasining yoʻl qoʻyiladigan eng kam miqdorlari 5-ilovaga muvofiq;

tadbirkorlik faoliyatining ayrim turlari boʻyicha yuridik shaxslardan va yakka tartibdagi tadbirkorlardan olinadigan qatʼiy belgilangan soliq stavkalari 6-ilovaga muvofiq;

yakka tartibdagi tadbirkorlardan olinadigan soliq stavkalari 7-ilovaga muvofiq;

mahalliy soliqlar va yigʻimlar stavkalari 8-ilovaga muvofiq;

savdo va umumiy ovqatlanish korxonalariga, shuningdek shu sohaga tegishli mikrofirmalar va kichik korxonalar uchun yagona soliq toʻlovi stavkalari 9-ilovaga muvofiq tasdiqlansin.

3. 2015-yil uchun viloyat mahalliy budjetining zaxira jamgʻarmasi 976,2 mln soʻm miqdorida belgilansin.

4. Oʻzbekiston Respublikasi Prezidentining 2014-yil 4-dekabrdagi PQ-2270-sonli qaroridagi tegishli ilovalar bilan:

yuridik shaxslardan olinadigan foyda soligʻi stavkalari;

jismoniy shaxslardan olinadigan daromad soligʻi stavkalari;

yagona soliq toʻlovi stavkalari;

respublikada ishlab chiqariladigan va uning hududiga chetdan keltiriladigan aksiz soligʻiga tortiladigan tovarlarga aksiz soligʻi stavkalari;

suv resurslaridan foydalanganlik uchun soliq stavkalari;

yer qaʼridan foydalanganlik uchun soliq stavkalari;

imzolanadigan bonus va tijoratbop topilma bonusi stavkalari;

ayrim turdagi mahsulotlar boʻyicha qoʻshimcha foyda soligʻi stavkalari;

yuridik va jismoniy shaxslarning mol-mulkiga solinadigan soliq stavkalari;

yuridik va jismoniy shaxslardan olinadigan yer soligʻi stavkalari;

yagona yer soligʻi stavkalari;

Oʻzbekiston Respublikasi rezidentlariga dividendlar va foizlar tarzida toʻlanadigan daromad soligʻi stavkalari 10 foiz miqdorda;

qoʻshilgan qiymat soligʻi stavkasi 20 foiz miqdorida;

Oʻzbekiston Respublikasi Moliya vazirligi huzuridagi Respublika yoʻl jamgʻarmasiga majburiy ajratmalar va yigʻimlar stavkalari;

belgilangan soliqqa tortish obyektlaridan Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasiga majburiy ajratmalar stavkalari 1,6 foiz, Oʻzbekiston Respublika Moliya vazirligi huzuridagi Respublika yoʻl jamgʻarmasiga majburiy ajratmalar stavkalari 1,4 foiz va Oʻzbekiston Respublika Moliya vazirligi huzuridagi budjetdan tashqari Umumtaʼlim maktablari, kasb-hunar kollejlari, akademik litseylar va tibbiyot muassasalarini rekonstruksiya qilish, mukammal taʼmirlash va jihozlash jamgʻarmasiga majburiy ajratmalar stavkalari 0,5 foiz miqdorida;

mablagʻlarni budjetdan tashqari Pensiya jamgʻarmasi, Bandlikka koʻmaklashish davlat jamgʻarmasi va Oʻzbekiston Kasaba uyushmalari Federatsiyasi Kengashi oʻrtasida Oʻzbekiston Respublikasi Prezidentining mazkur PQ-2270-sonli qarorining 25-ilovasida keltirilgan normativlarga muvofiq taqsimlangan holda yagona ijtimoiy toʻlov stavkalari;

fuqarolarning Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasiga majburiy sugʻurta badallari stavkasi 7,0 foiz miqdorida tasdiqlanganligi maʼlumot uchun qabul qilinsin.

5. Mol-mulkni ijaraga berishdan olingan daromadlarga soliq solish shartnomada belgilangan ijara toʻlovi summasidan kelib chiqqan holda, lekin:

yuridik shaxslar uchun — davlat koʻchmas mulkidan foydalanganlik uchun ijara toʻlovining eng kam stavkalaridan;

mol-mulkni ijaraga beruvchi jismoniy shaxslar uchun — mazkur qarorning 10-ilovasiga muvofiq belgilangan ijara toʻlovining eng kam stavkalaridan kelib chiqqan holda hisoblangan summadan kam boʻlmagan miqdorda amalga oshirilishi maʼlumot uchun qabul qilinsin.

6. Yagona soliq toʻlovi tushumlari Oʻzbekiston Respublikasi Davlat budjeti, budjetdan tashqari Pensiya jamgʻarmasi, Respublika yoʻl jamgʻarmasi hamda budjetdan tashqari Umumtaʼlim maktablari, kasb-hunar kollejlari, akademik litseylar va tibbiyot muassasalarini rekonstruksiya qilish, mukammal taʼmirlash va jihozlash jamgʻarmasiga oʻrtasida Oʻzbekiston Respublikasi Moliya vazirligi tomonidan belgilanadigan miqdorlarda taqsimlanishi;

qarzni undirishni soliq toʻlovchilar mol-mulkiga qaratish uchun soliq boʻyicha qarzlarning eng kam miqdorlari mazkur qarorning 11-ilovasiga muvofiq tasdiqlanganligi maʼlumot uchun qabul qilinsin.

7. 2015-yilning 1-yanvaridan boshlab:

“Oʻztransgaz” AK tomonidan avtomobillarni gaz bilan toʻldirish kompressor stansiyalariga (balansida avtomobillarni gaz bilan toʻldirish kompressor stansiyalari mavjud yuridik shaxslarni oʻz ichiga olgan holda) sotadigan tabiiy gazning ulgurji-sotish narxiga soliqqa tortilmaydigan maxsus investitsiyaviy qoʻshimcha haqi bir kubometriga 400 soʻm miqdorida;

mobil aloqa xizmati koʻrsatuvchi yuridik shaxslar (uyali aloqa kompaniyalari) tomonidan abonent raqamidan foydalanganlik uchun toʻlov haqi, mablagʻlarni Oʻzbekiston Respublikasi Prezidentining mazkur (PQ-2270) qarorining 27-ilovasiga muvofiq taqsimlangan holda, oyiga 750,0 soʻm miqdorida belgilanganligi maʼlumot uchun qabul qilinsin.

8. Mintaqalarning oʻzini-oʻzi moliyaviy taʼminlash darajasini oshirish, davlat boshqaruvi organlarining va mahalliy davlat hokimiyati organlarining mahalliy budjetlar daromadlari va xarajatlarini shakllantirishdagi roli, mustaqilligi va masʼuliyatini oshirish, mahalliy budjetlarning Oʻzbekiston Respublikasi Davlat budjetidagi ulushini koʻpaytirish maqsadida quyidagi umumdavlat soliqlari va boshqa daromadlar boʻyicha tushumlar:

suv resurslaridan foydalanganlik uchun soliq;

6-ilovada nazarda tutilgan yuridik shaxslar va yakka tartibdagi tadbirkorlarning tadbirkorlik faoliyati ayrim turlari boʻyicha qatʼiy belgilangan soliq;

7-ilovada nazarda tutilgan yakka tartibdagi tadbirkorlardan olinadigan qatʼiy belgilangan soliq;

viloyatda ishlab chiqariladigan pivo va oʻsimlik yogʻiga aksiz soligʻi;

chakana savdo tarmoqlarida sotiladigan oltindan yasalgan zargarlik buyumlariga aksiz soligʻi;

12-ilovaga muvofiq davlat bojlari, yigʻimlar va jarimalar toʻliq hajmda viloyat, shahar va tumanlarining mahalliy budjetlar daromadlariga oʻtkazilsin.

Shuningdek, mobil aloqa xizmatini koʻrsatuvchi yuridik shaxslarning (uyali aloqa kompaniyalari) tomonidan abonent raqamidan foydalanganlik uchun toʻlovning Oʻzbekiston Respublikasi Davlat budjetiga yoʻnaltiriladigan qismi, abonentning roʻyxatga olingan joyiga qarab viloyatlar mahalliy budjetlariga oʻtkazilishi belgilanganligi maʼlumot uchun qabul qilinsin.

9. Shahar va tuman hokimliklari iqtisodiyot va moliya boʻlimlari hamda Davlat soliq inspeksiyalariga Iqtisodiyot, Moliya va Davlat soliq boshqarmalari bilan kelishilgan holda:

ikki hafta muddatda hududning subvensiya olish darajasini pasaytirish Dasturini ishlab chiqish va viloyat hokimligiga kiritish;

2015-yilning 1-choragi yakunlari boʻyicha mahalliy budjetning daromad keltiradigan bazasini koʻpaytirish, tushumlarning qoʻshimcha rezervlarini topish va tegishli hududlarda soliqqa tortiladigan bazani kengaytirish boʻyicha viloyat hokimligiga takliflar kiritish;

subvensiya olish darajasini qisqartirish dasturini amalga oshirishning borishi va tegishli budjetlarning daromad keltiradigan bazasini koʻpaytirish chora-tadbirlarining natijalari toʻgʻrisida maʼlumotlarni har chorakda viloyat hokimligiga taqdim etib borish vazifalari topshirilsin.

Oʻz navbatida viloyat hokimligi, iqtisodiyot, moliya va soliq boshqarmalari Oʻzbekiston Respublikasi Moliya vazirligi va Davlat soliq qoʻmitasi bilan kelishilgan holda:

uch hafta muddatda viloyatning subvensiya olish darajasini pasaytirish Dasturini ishlab chiqish va Vazirlar Mahkamasiga kiritish;

2015-yilning 1-choragi yakunlari boʻyicha mahalliy budjetning daromad keltiradigan bazasini koʻpaytirish, tushumlarning qoʻshimcha rezervlarini topish va tegishli hududlarda soliqqa tortiladigan bazani kengaytirish boʻyicha Vazirlar Mahkamasiga takliflar kiritish;

subvensiya olish darajasini qisqartirish dasturini amalga oshirishning borishi va tegishli budjetlarning daromad keltiradigan bazasini koʻpaytirish chora-tadbirlarining natijalari toʻgʻrisida maʼlumotlarni har chorakda Vazirlar Mahkamasiga taqdim etib borish vazifalari yuklatilsin.

Belgilansinki, mahalliy budjetlarning daromadiga qoʻshiladigan soliq va boshqa majburiy toʻlovlar tegishli budjet parametrlarida koʻzda tutilmagan xarajatlarga yoʻnaltirilishi mumkin emas.

10. Viloyat hokimligi Moliya boshqarmasiga tegishli mahalliy budjetlarga budjetdan subvensiyalar va ssudalar (daromadlar va xarajatlar oʻrtasidagi vaqtinchalik kassa tafovutlarini qoplash uchun) ajratishda ularning miqdorlarini hududlar boʻyicha barcha soliqlar va boshqa majburiy toʻlovlarning toʻliq tushishidan, shuningdek ish haqi (yagona ijtimoiy toʻlov bilan birga), nafaqalar va ularga tenglashtirilgan toʻlovlar boʻyicha xarajatlarni soʻzsiz moliyalashtirish zarurligidan kelib chiqqan holda aniqlashtirish huquqi berilsin.

Shu bilan birga, budjet tashkilotlari va budjet mablagʻlaridan foydalanuvchilarning xarajatlar smetasi tuzilayotganda birinchi navbatda ish haqi (yagona ijtimoiy toʻlov bilan birga), nafaqalar va unga tenglashtirilgan toʻlovlarga sarflanadigan xarajatlar tegishli budjetlarning tasdiqlangan xarajatlari parametri doirasida nazarda tutilishi;

mahalliy budjetlarga yuqori budjetning naqd aylanma kassa mablagʻlari hisobiga budjet ssudalari olish uchun soʻrovnoma bilan Oʻzbekiston Respublikasi Moliya vazirligi yoki moliya boshqarmasiga murojaat qilinganda, ularni qoplash muddati va manbalari toʻgʻrisida toʻliq axborot taqdim etilishi belgilansin.

11. Oʻzbekiston Respublikasi Sogʻliqni saqlash vazirligi hamda Moliya vazirligining tuman (shahar) markaziy shifoxonalarida xizmat koʻrsatilayotgan aholi sonini hisobga olgan holda, kasalliklar yoʻnalishi boʻyicha profil oʻrinlar diapazonini belgilashni nazarda tutuvchi oʻrinlar fondini aniqlashning normativ usuliga bosqichma-bosqich oʻtish toʻgʻrisidagi taklifi qabul qilinganligi va bu toʻgʻrisidagi normativ-huquqiy hujjat loyihasi bir oy muddatda ishlab chiqilishi maʼlumot uchun qabul qilinsin.

12. Viloyat Xalq taʼlimi va Oʻrta maxsus kasb-hunar taʼlimi boshqarmalari Moliya boshqarmasi bilan birgalikda respublikada zamonaviy axborot-kommunikatsiya texnologiyalarining rivojlanishini hisobga olib, umumtaʼlim maktablari, akademik litseylar va kasb-hunar kollejlarining namunaviy shtatlarini yanada takomillashtirish ishlarini davom ettirsin, unda umumtaʼlim maktablari oʻqituvchilariga informatika xonasi mudirligi uchun eng kam ish haqining 50 foizi miqdorida belgilash yoʻli bilan moddiy ragʻbatlantirishni kuchaytirishni hamda dasturchi muhandis lavozimini maqbullashtirishni nazarda tutsin.

13. Ota-onalardan olinadigan toʻlov miqdorlari quyidagicha belgilansin:

mahalliy budjet mablagʻlari hisobidan moliyalashtiriladigan maktabgacha taʼlim muassasalarida bolalar taʼminoti uchun toʻlov miqdori 13-ilovaga muvofiq;

bolalarni bolalar musiqa va sanʼat maktablarida oʻqitish uchun toʻlov miqdorlari 14-ilovaga* muvofiq tasdiqlansin.

* 3, 4 va 14-ilovalar berilmaydi.

14. Oʻzbekiston Respublikasi Prezidentining 2009-yil 22-dekabrdagi “Oʻzbekiston Respublikasining 2010-yilgi asosiy makroiqtisodiy koʻrsatkichlari prognozi va Davlat budjeti parametrlari toʻgʻrisida” PQ-1245-sonli qarori 24-bandining amal qilishi 2016-yilning 1-yanvarigacha uzaytirilganligi maʼlumot uchun qabul qilinsin.

15. Oʻzbekiston Respublikasining davlat soliq xizmati organlarida hisobga qoʻyilgan doimiy muassasalarni tashkil etib, faoliyat yuritayotgan Oʻzbekiston Respublikasi norezidentlariga tuzilgan shartnomalarni amalga oshirish doirasida tovarlar olib kirish huquqi berilganligi maʼlumot uchun qabul qilinsin.

16. Viloyat hokimligi Moliya boshqarmasining 2013-yilgi mahalliy budjetning asosiy parametrlarini quyidagi hajmlarda aniqlashtirish toʻgʻrisidagi taklifi qabul qilinsin:

mahalliy budjetning daromadlari 674638,4 mln soʻm, shundan, Respublika budjetidan ajratilgan subvensiya 309386,7 mln soʻm, oʻtkazib berilgan oʻzaro hisob-kitoblar 103844,0 mln soʻm va xarajatlari 676376,6 mln soʻm miqdorida.

Viloyat Moliya va Gʻaznachilik boshqarmalari viloyat Markaziy banki Bosh boshqarmasi bilan birgalikda 2015-yilning yanvar oyida, oʻtkazilgan operatsiyalarni 2014-yilgi mahalliy budjetning ijrosi toʻgʻrisidagi hisobotda aks ettirgan holda, 2014-yilgi mahalliy budjet ijrosi boʻyicha, qonun hujjatlarida belgilangan tartibda yakuniy operatsiyalar oʻtkazsinlar.

17. Oʻzbekiston Respublikasi Prezidentining mazkur (PQ-2270) qarorining 36-ilovasiga muvofiq 2015-yilning 1-yanvaridan Oʻzbekiston Respublikasi Prezidentining va Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritilishi maʼlumot uchun qabul qilinsin.

18. Tegishli boshqarma va tashkilotlar, shahar va tumanlar hokimliklari bir hafta muddatda meʼyoriy-huquqiy hujjatlarini mazkur qarorga muvofiqlashtirsinlar.

19. Ushbu qaror “Jizzax haqiqati” va “Djizakskaya pravda” gazetalarida eʼlon qilinsin hamda tegishli tartibda — www.jizzax.uz rasmiy veb-saytda joylashtirilsin

20. Mazkur qarorning bajarilishini nazorat qilish viloyat hokimining oʻrinbosari R. Kenjayev zimmasiga yuklatilsin.

21.Ushbu qaror 2015-yilning 1-yanvaridan kuchga kiradi.

Hokim S. ISMOILOV

Jizzax sh.,

2014-yil 17-dekabr,

297-son

Viloyat hokimining 2014-yil 17-dekabrdagi 297-sonli qaroriga 1-ILOVA

Jizzax viloyatining 2015-yilga asosiy makroiqtisodiy koʻrsatkichlari

(oʻtgan yilga nisbatan foiz hisobida) Koʻrsatkichlar 2015-yilga istiqbol koʻrsatgichlari Yalpi hududiy mahsulot (YaHM) 109,7 Sanoat mahsulotlari hajmi 113,3 Qishlok xoʻjaligi mahsulotlarini ishlab chiqarish hajmi 105,8 Kapital qoʻyilmalar hajmi 106,3 Chakana tovar aylanishi hajmi 116,1 Pullik xizmat 118,0

Viloyat hokimining 2014-yil 17-dekabrdagi 297-sonli qaroriga 2-ILOVA

Jizzax viloyati mahalliy budjetining 2015-yilgi

ASOSIY PARAMETRLARI

Koʻrsatkichlar mln soʻm I. Daromadlar — hammasi 414 887,9 1. Toʻgʻri soliqlar 177 051,7 1.1 Yuridik shaxslardan olinadigan foyda soligʻi 7 507,9 1.2 Savdo va umumiy ovqatlanish korxonalari uchun yagona soliq toʻlovidan Davlat budjetiga ajratmalar 22 241,9 1.3 Yagona soliq toʻlovidan Davlat budjetiga ajratmalar, shu jumladan kichik korxona va mikrofirmalar boʻyicha 27 620,9 1.4 Jismoniy shaxslardan olinadigan daromad soligʻi 96 220,4 1.5 Tadbirkorlik faoliyati bilan shugʻullanuvchi yuridik va jismoniy shaxslardan olinadigan qatʼiy belgilangan daromad soligʻi 20 740,1 1.6 Obodonlashtirish va ijtimoiy infratuzilmani rivojlantirish soligʻi 2 720,5 2. Egri soliqlar 156 229,9 2.1 Qoʻshilgan qiymat soligʻi 102 775,7 2.2 Aksiz soligʻi 9 562,3 2.3 Transport vositalari uchun benzin, dizel yoqilgʻisi va gaz isteʼmol qilganlik uchun soliq 43 891,9 3. Resurs toʻlovlari va mol-mulk soligʻi 45 755,1 3.1 Mol-mulk soligʻi 22 820,6 3.2 Yer soligʻi 22 234,3 3.3 Suv resurslaridan foydalanganlik uchun soliq 700,2 4. Boshqa daromadlar 35 851,3 Xarajatlar — jami 814 441,7 1. Ijtimoiy soha va aholini ijtimoiy qoʻllab-quvvatlashga xarajatlar — jami 735 613,4 jumladan: 1.1 Maorif 490 895,3 umumiy taʼlim 390 939,1 kadrlar tayyorlash 99 956,1 1.2 Sogʻliqni saqlash 167 451,4 1.3 Madaniyat va sport, ommaviy axborot vositalari 5 562,9 madaniyat va ommaviy axborot vositalari 5 429,7 sport 133,2 1.4 Fan 476,7 1.5 Ijtimoiy taʼminot 5 051,7 1.6 Bolali oilalarga va kam taʼminlangan oilalarga nafaqalar 65 668,0 1.7 Chernobil falokatini bartaraf etishda qatnashganlarni ijtimoiy himoyalash 2,0 1.8 Davlat mukofotlarini toʻlash boʻyicha xarajatlar 5,9 1.9 Ijtimoiy koʻnikma markazlari 295,6 1.10 Isitish qozonxonalari va kommunal xoʻjalikning isitish tizimlarini kapital taʼmirlash 203,9 2. Iqtisodiyotga xarajatlar 32 293,6 jumladan: 2.1 Qishloq xoʻjaligi vazirligi tashkilotlari 5 135,1 2.2 Obodonlashtirish 27 158,5 3. Markazlashgan investitsiyalarni moliyalashtirishga xarajatlar 19 912,3 4. Davlat hokimiyati va boshqaruv organlarini saqlash 11 502,1 jumladan: 4.1 Davlat boshqaruv idoralari 11 502,1 5. Fuqarolarning oʻzini oʻzi boshqarish organlarini saqlash 12 569,5 6. Zahira jamgʻarmasi 976,2 7. Boshqa xarajatlar 1 574,6 jumladan: 7.1 Mahalliy budjetdan moliyalashtiriladigan boshqa muassasalar va tadbirlar 972,7 7.2 Qabullar uyini saqlash xarajatlari 601,9

Viloyat hokimining 2014-yil 17-dekabrdagi 297-sonli qaroriga 5-ILOVA

Jizzax viloyat tumanlari va Jizzax shahar mahalliy budjetlari aylanma kassa mablagʻining eng kam zarur

MIQDORLARI

(ming soʻm) Hududlar nomi aylanma kassa mablagʻi miqdori Arnasoy 91 450,0 Baxmal 239 800,0 Gʻallaorol 259 850,0 Jizzax 296 430,0 Doʻstlik 130 700,0 Zomin 276 150,0 Zarbdor 130 700,0 Zafarobod 110 420,0 Mirzachoʻl 110 420,0 Paxtakor 119 900,0 Forish 189 930,0 Yangiobod 51 100,0 Jizzax sh 254 600,0 Viloyat budjeti 1 980 250,0 Hammasi 4 241 700,0

Viloyat hokimining 2014-yil 17-dekabrdagi 297-sonli qaroriga 6-ILOVA

Tadbirkorlik faoliyati ayrim turlari boʻyicha belgilangan soliqlarning bazaviy stavkalari hamda ularga tuzatuvchi koeffitsiyentlar

T/r Faoliyat turi Soliq toʻlovchilar Mazkur faoliyat turini xarakterlovchi fizik koʻrsatkichlar Bir oyga birlik koʻrsatkich uchun qatʼiy belgilangan soliq stavkasi (bitta birlik uchun eng kam oylik ish haqi koʻpaytmasi hisobida) Jizzax shahri tumanlar, qishloq joylari qoʻshilgan holda 1. Avtotransport vositalarini vaqtinchalik saqlash uchun joylar yuridik shaxslar egallagan maydon (1 kv.metr) 0,06 0,04 2. Bolalar oʻyin avtomatlari yuridik va jismoniy shaxslar jihozlangan oʻrinlari soni (bir birlikda) 2,0 1,0

Izoh:

1. Qatʼiy belgilangan soliq stavkalari 2015-yil 1-yanvar holatiga belgilangan eng kam ish haqi (118 400 sum) miqdoridan kelib chiqib hisoblanadi hamda eng kam ish haqining yil davomidagi oʻzgarishi davomida qayta koʻrib chiqilmaydi.

2. Qatʼiy belgilangan soliq hisob-kitoblari taqdim etilganda, hisobga olinmagan birlik koʻrsatkichlari aniqlanganda, bu holat soliqqa tortiluvchi obyektni yashirish deb hisoblanadi.

Viloyat hokimining 2014-yil 17-dekabrdagi 297-sonli qaroriga 7-ILOVA

Yakka tartibdagi tadbirkorlardan olinadigan qatʼiy belgilangan soliqlarning bazaviy stavkalari

T/r Faoliyat turi Bir oyga birlik koʻrsatkich uchun qatʼiy belgilangan soliq stavkasi (bitta birlik uchun eng kam oylik ish haqi koʻpaytmasi hisobida) Jizzax shahri tumanlar, qishloq joylari qoʻshilgan holda 1. Chakana savdo oziq-ovqat tovarlari bilan 6,0 3,0 dehqon bozorlarida qishloq xoʻjalik mahsulotlari bilan * 4,0 2,0 nooziq-ovqat tovarlari bilan 6,5 3,0 gazetalar, jurnallar va kitob mahsulotlari bilan 3,0 0,5 oziq-ovqat va nooziq-ovqat tovarlari bilan (statsionar nuqtalardagi aralash savdo ) 6,5 3,0 2. Maishiy xizmatlar 1,5 0,5 3. Xususiy mahsulot ishlab chiqarish shu jumladan milliy shirinliklar va non-bulka mahsulotlari tayyorlash va sotish, shuningdek uy sharoitlarida yoki davlat hokimiyati organlarining qarori bilan maxsus ajratilgan joylarda oʻtirish joylari tashkil qilmasdan donalab sotiladigan ovqatlarning ayrim turlarini tayyorlash va sotish 1,5 1,0 4. Boshqa faoliyat turlari 1,5 1,0 5. Avtomobil transportida yuklarni tashishga oid xizmatlar: 3 tonnagacha yuk koʻtarish quvvatiga ega yuk avtomobillari uchun 2,0 8 tonnagacha yuk koʻtarish quvvatiga ega yuk avtomobillari uchun 3,0 8 tonnadan ortiq yuk koʻtarish quvvatiga ega yuk avtomobillari uchun 4,0

*) Dehqon xoʻjaligida parvarishlangan, ham tirik koʻrinishda, ham ularni soʻyib, xom va qayta ishlangan koʻrinishdagi mahsulotlari sifatida chorva mollari, quyonlar, nutriyalar, baliq, parrandani, shuningdek natura va qayta ishlangan koʻrinishda asalarichilik va dehqonchilik (gulchilikdan tashqari) mahsulotlarini sotish bundan mustasno.

Etishtirilgan qishloq xoʻjaligi maxsulotlar uchun fuqarolar tomonidan unga yoki oilasiga ajratilgan yer maydonida ishlab chiqarilganligini joydagi Davlat hokimiyati organi, oʻzini oʻzi boshqarish organi, bogʻdorchilik boshqaruvi, bogʻdorchilik-polizchilik uyushmalari tomonidan berilgan tegishli shakldagi tasdiqlovchi xujjatlar taqdim etilganda soliq toʻlovidan ozod etiladi.

Izoh:

1. Qatʼiy belgilangan soliq stavkalari 2015-yil 1-yanvar holatiga belgilangan eng kam ish haqi (118 400 soʻm) miqdoridan kelib chiqib hisoblanadi hamda eng kam ish haqining yil davomidagi oʻzgarishi davomida qayta koʻrib chiqilmaydi.

2. Jismoniy shaxs:

a) bir necha faoliyat turi bilan shugʻullansa har bir faoliyat turi uchun alohida soliq toʻlaydi;

b) tadbirkorlik faoliyatini ijaraga olingan uskunalar va binoda amalga oshirsa, yashash joyidagi davlat soliq xizmati organiga ijaraga beruvchi toʻgʻrisida maʼlumotnoma (axborot) taqdim etishi shart.

v) davlat roʻyxatidan oʻtmagan hududda tadbirkorlik faoliyati bilan shugʻullangan taqdirda, soliq hududlar stavkalari oʻrtasidagi ijobiy farqini olgan holda toʻlanadi. Shunda stavkalar oʻrtasidagi ijobiy farq tadbirkorning davlat roʻyxatidan oʻtgan hududga toʻlanadi.

3. Jismoniy shaxslar tomonidan Davlat roʻyxatidan oʻtmasdan turib alohida yakka tartibdagi tadbirkorlik faoliyati bilan shugʻullanganligi aniqlangan taqdirda, hududiy davlat soliq xizmati organlari tomonidan faoliyat turiga belgilangan qatʼiy soliq stavkalari boʻyicha bir yillik miqdorida soliq undiriladi, ammo jismoniy shaxs yakka tartibdagi tadbirkor sifatida Davlat roʻyxatidan oʻtmasdan turib alohida yakka tartibdagi tadbirkorlik faoliyati bilan shugʻullanganligi aniqlangan vaqtdan 30 kun ichida belgilangan tartibda roʻyxatdan oʻtgan xollar bundan mustasno. Bunday jismoniy shaxsga qatʼiy belgilangan soliqning bir yillik miqdorini Moliya vazirligi va Davlat soliq qoʻmitasi tomonidan tasdiqlangan tartibga muvofiq shu davrdagi qatʼiy soliq boʻyicha majburiyatlar hisobidan 12 oy davomida toʻlash huquqi beriladi.

4. Jismoniy shaxslarning mol-mulkni ijaraga berishdan olgan daromadlariga Oʻzbekiston Respublikasi Prezidentining 2014-yil 4-dekabrdagi PQ-2270-sonli qarorining 8-ilovasida koʻrsatilgan stavkalar (yaʼni jismoniy shaxslardan olinadigan daromadlar) boʻyicha soliq solinadi.

Viloyat hokimining 2014-yil 17-dekabrdagi 297-sonli qaroriga 8-ILOVA

Jizzax viloyati hududida joriy qilingan mahalliy soliqlar va yigʻimlar

MEʼYORIY STAVKALARI

T/r Soliq va yigʻim turi Meʼyoriy stavkalar 1. Obodonlashtirish va ijtimoiy infratuzilmani rivojlantirish soligʻi korxona ixtiyorida qoladigan sof foydaning 8% i 2. Isteʼmol uchun jismoniy shaxslardan undiriladigan soliq: * transport vositalari uchun benzin yoqilgʻisi 1 litr uchun 290 soʻm / 1 tonna uchun 385 200 sum** transport vositalari uchun dizel yoqilgʻisi 1 litr uchun 290 soʻm / 1 tonna uchun 352 400 sum** transport vositalari uchun suyultirilgan gaz 1 litr uchun 200 soʻm transport vositalari uchun siqilgan gaz 1 kub metr uchun 240 soʻm 3. Chakana savdo qilish huquqi uchun litsenzion yigʻim *** Alkogolli mahsulotlar, umumiy ovqatlanish korxonalari tomonidan alkogol mahsulotlarni sotishni qoʻshgan holda bir oylik savdosi uchun eng kam oylik ish hakining 5 barobari mikdorida qimmatbaho metallar va toshlardan yasalgan buyumlar bir oylik savdosi uchun eng kam oylik ish haqining 3,5 barobari miqdorida 4. Avtotransport vositalarini saqlash joylarida koʻrsatiladigan pullik xizmatdan yigʻim **** eng kam oylik ish haqining 8 barobari

Izoh:

* koʻrsatib oʻtilgan stavkalar hajmi Jizzax viloyatining barcha hududlarida yagona hisoblanadi.

** Yuridik va jismoniy shaxslarga benzin, dizel yonilgʻisi va gazning yonilgʻi quyish shoxobchalari orqali sotilganda transport vositalari uchun benzin, dizel yonilgʻisi va gaz isteʼmoli uchun soliq 1 litr hisobidan hisoblanadi, boshqa holatlarda 1 tonna hisobidan hisoblanadi.

*** Yigʻim yagona xisob raqamga tushib, undan keyin Moliya vazirligi tomonidan belgilangan tartibga asosan budjetga va hokimliklarning budjetdan tashqari (maxsus) xisob rakamlariga taqsimlanadi.

**** Yigʻim miqdori viloyat markazida eng kam ish haqining 3 barobaridan, boshqa aholi punktlarida eng kam ish haqining 2 barobaridan kam boʻlmagan miqdorda belgilanishi lozim.

Viloyat hokimining 2014-yil 17-dekabrdagi 297-sonli qaroriga 9-ILOVA

Savdo va umumiy ovqatlanish korxonalaridan yagona soliq toʻlovi stavkalari mikrofirmalar va kichik korxonalar qoʻshilgan holda

T/r Toʻlovchilar Soliq solinadigan bazaga soliq stavkasi %da 1. Umumiy ovqatlanish korxonalari 10 ulardan: umumiy taʼlim maktablari, maktab-internatlari, oʻrta maxsus va oliy oʻquv yurtlariga xizmat koʻrsatuvchi ixtisoslashgan korxonalar 8 2. Chakana savdo korxonalari (5-bandni hisobga olinmagan holda) joylashuvga qarab* Jizzax shahri 4 Boshqa aholi punktlari 2 Borishi qiyin hamda togʻli axoli punktlari** 1 3. Ulgurji savdo bilan shugʻullanuvchi korxonalar (5-bandni hisobga olmagan holda): 5 4. “Sharobsavdo”ning hududiy maxsus bazalari chakana va ulgurja tovar aylanmasi boʻyicha 5 5. Ulgurji va chakana savdo bilan shugʻullanuvchi dorixonalar joylashuviga qarab: Jizzax shahri 3 Boshqa aholi punktlari 2 Borishi qiyin hamda togʻli aholi punktlari** 1 6. 1 — 5-bandlarda koʻrsatilgan korxonalar uchun bajarilgan xizmatlar hajmidan plastik kartochkalar orqali amalga oshirilgan toʻlovlar oʻrnatilgan stavka 5 %ga pasaytiriladi

* Agarda ulgurji savdo korxonalarining boshqa hududlarda alohida mustaqil yuridik maqomiga ega boʻlmagan savdo shoxobchalari mavjud boʻlsa, ushbu korxonalar har bir savdo shohobchalari boʻyicha alohida tovar aylanmasi xisob-kitobini olib, ushbu shohobchalar joylashgan hududiga belgilangan yagona soliq stavkasini toʻlaydilar.

** Borishi qiyin va togʻli aholi punktlari Oʻzbekiston Respublikasi Adliya vazirligidan 2008-yil 11-noyabrda roʻyxatdan oʻtgan № 1868-sonli Yoʻriqnoma asosida va Jizzax viloyati Yer resurslari va Davlat kadastri boshqarmasi “Yer tuzish va koʻchmas mulk kadastr xizmati Davlat unitar korxonasi” tomonidan taqdim etilgan roʻyxatda belgilanadi.

Viloyat hokimining 2014-yil 17-dekabrdagi 297-sonli qaroriga 10-ILOVA

Jismoniy shaxslar uchun mulkni ijaraga berishdan tushadigan ijara toʻlovi

STAVKASI ENG KAM MIQDORLARI

T/r Toʻlovchilar Belgilangan stavkalarni xarakterlovchi oʻlchov koʻrsatgichlar Bir oyga ijara toʻlovlarning eng kam stavka miqdorlari (soʻmda) Viloyat markazida Boshqa hududlarda 1. Bino Turar joy binosi 1 kv.m umumiy maydon uchun 2 000 1 000 Noturar joy binosi 4 000 2 000 2. Avtomobil transporti Yengil avtomobil (haydovchi oʻrnini qoʻshmagan holda yukxona va 8 ta yoʻlovchi oʻrindiqdan koʻp boʻlmagan yoʻlovchi tashishga moʻljallangan avtotransport vositasi) 1 ta avtotransport vositasi uchun 220 000 mikroavtobuslar, avtobuslar va yuk avtomobillari 430 000

Izoh.

Mazkur stavkalar jismoniy shaxslarning mol-mulkni ijaraga berishdan olingan daromadlariga soliq solish maqsadida qoʻllaniladi.

Viloyat hokimining 2014-yil 17-dekabrdagi 297-sonli qaroriga 11-ILOVA

Undirishni soliq toʻlovchilarning mulkiga qaratish uchun soliq qarzdorligining eng kam miqdorlari

T/r Toʻlovchilar Eng kam oylik ish haqi koʻpaytmasi hisobida 1. Oʻzbekiston Respublikasi Soliq kodeksiga muvofiq soliq va boshqa majburiy toʻlovlarni amalga oshirish majburiyati yuklangan yuridik shaxslar 20 2. Jismoniy shaxslar 5

Izoh.

Undirishni soliq toʻlovchilarning mulkiga qaratish uchun soliq qarzdorligining eng kam miqdorlari 2015-yil 1-yanvar holatiga belgilangan eng kam ish haqi (118 400 soʻm) miqdoridan kelib chiqib aniqlanadi hamda eng kam ish haqining yil davomidagi oʻzgarishi davomida qayta koʻrib chiqilmaydi.

Viloyat hokimining 2014-yil 17-dekabrdagi 297-sonli qaroriga 12-ILOVA

Mahalliy budjetlar daromadlariga oʻtkaziladigan davlat bojlari, yigʻimlari va jarimalari

T/r Nomi 1. Davlat bojlari (alohida faoliyat turini amalga oshirish uchun beriladigan litsenziyalarga davlat bojlari va patent bojlari bundan mustasno) 2. Soliq organlari tomonidan solinadigan jarimalar 3. Umumiy yurisdiksiyali sudlar tomonidan solinadigan jarimalar 4. Xoʻjalik sudlari tomonidan solinadigan jarimalar 5. Boshqa jarimalar, 2 — 4*-bandlarda koʻrsatilganlardan tashqari 6. Ichki ishlar vazirligi yoʻl harakati xavfsizligi Davlat xizmatining hududiy boʻlimlari tomonidan undiriladigan yigʻimlar

* Jizzax shahri boʻyicha tushumlardan tashqari

Izoh.

Davlat bojlari, yigʻimlar va jarimalar tushumlarining mahalliy budjet va vazirlik hamda idoralarning budjetdan tashqari jamgʻarmalari oʻrtasidagi taqsimoti belgilangan tartibda amalga oshiriladi.

Viloyat hokimining 2014-yil 17-dekabrdagi 297-sonli qaroriga 13-ILOVA

2015-yil uchun Davlat budjeti mablagʻlari hisobidan moliyalashtiriladigan maktabgacha taʼlim muassasalarida bolalarni saqlash uchun ota-onalar badali

MIQDORI

T/r Umumtaʼlim muassasasining joylashgan joyi va bir kunlik bola qatnovi vaqti Yasli guruhlar Maktabgacha guruhlarda Taʼlim muassasasiga qatnaydigan oiladagi bir bola uchun Taʼlim muassasasiga oiladan bittadan koʻp bola qatnagan taqdirda, har bir bola uchun* Taʼlim muassasasiga qatnaydigan oiladagi bir bola uchun Taʼlim muassasasiga oiladan bittadan koʻp bola qatnagan taqdirda, har bir bola uchun* I. Maktabgacha tarbiya bolalar muassasalarida 5 kunlik ish kuni boʻlgan maktabgacha bolalar tarbiya muassasalarida 1. Jizzax shahrida bolalar qatnovi 1.1. 4-5 soatli 28000 20200 37400 27000 1.2. 9-10,5 soatli 74200 52700 98000 69600 1.3. 12 soatli 97000 69600 115700 83100 1.4. 24 soatli 97000 69600 127400 91100 2. Tumanlar markazi va boshqa hududlarda bolalar qatnovi 2.1. 4-5 soatli 19900 18000 26400 23900 2.2. 9-10,5 soatli 52600 48100 69300 63300 2.3. 12 soatli 69000 63200 81800 74900 2.4. 24 soatli 69000 63200 90100 81400 6-kunlik ish kuni boʻlgan bolalar maktabgacha taʼlim muassasalarida 1. Jizzax shahrida bolalar qatnovi 1.1. 4-5 soatli 33300 23300 44200 30900 1.2. 9-10,5 soatli 88100 61900 116300 81700 1.3. 12 soatli 115000 82300 138200 98900 1.4. 24 soatli 115000 82300 151400 107600 2. Tumanlar markazi va boshqa hududlarda bolalar qatnovi 2.1. 4-5 soatli 23700 21200 31600 28100 2.2. 9-10,5 soatli 62300 56400 82500 74800 2.3. 12 soatli 81500 73400 97100 87300 2.4. 24 soatli 81500 73400 107700 98000

* Taʼlim muassasasida bir oiladan bittadan koʻp bola turli hil yoshdagi guruhlarga qatnaganda, har bir bola uchun ota-onalar badali toʻlovi bola yoshidan kelib chiqqan holda guruhlarga ajratish orqali belgilanadi.