Iqtisodiy maʼlumotlar almashinuvi toʻgʻrisida

26.06.1992

Bitim

Mazkur Bitimga aʼzo davlatlar hukumatlari, keyingi oʻrinlarda “Ahdlashuvchi Tomonlar” deb ataluvchilar, 1991-yil 8-dekabrdagi Mustaqil Davlatlar Hamdoʻstligini tashkil etish toʻgʻrisidagi Bitim va yagona axborot makonini shakllantirish istagiga tayangan holda,

quyidagilar toʻgʻrisida kelishib oldilar:

1-modda

Mazkur Bitimni imzolagan Kelishuvchi Tomonlar oʻzlarining iqtisodiy, moliyaviy va boshqa organlar, ilmiy muassasalar va axborot agentliklari orqali tegishli davlatlarning ijtimoiy-iqtisodiy ahvolini, iqtisodiy oʻzgarishlarni amalga oshirish, Kelishuvchi Tomonlar va tashqi dunyo bilan iqtisodiy munosabatlarni rivojlantirishni tavsiflovchi axborot almashinuvini har tomonlama rivojlantirish boʻyicha muvofiqlashtirilgan chora-tadbirlarni amalga oshiradilar va zarur hujjatlarni taqdim etadilar.

2-modda

Mazkur Bitimni imzolagan Ahdlashuvchi Tomonlarning iqtisodiy, moliyaviy va boshqa organlari, ilmiy muassasalari va axborot agentliklari davlatlarda amalda boʻlgan qonun hujjatlariga muvofiq ikki yoki koʻp tomonlama asosda iqtisodiy axborot almashishni taʼminlaydilar va ijtimoiy-iqtisodiy tadqiqotlar oʻtkazadilar.

3-modda

Ahdlashuvchi Tomonlar oʻrtasida statistik axborotlar almashinuvi Mustaqil Davlatlar Hamdoʻstligi statistika xizmatini tashkil etish toʻgʻrisidagi Bitimga hamda uslubiy va statistik ishlarning yillik dasturlariga muvofiq, shuningdek bevosita milliy statistika xizmatlari tomonidan ikki yoki koʻp tomonlama asosda Hamdoʻstlik statistika qoʻmitasi orqali amalga oshiriladi.

4-modda

Ahdlashuvchi Tomonlarning vazirliklari (idoralar, tashkilotlar) quyidagilarni qamrab oluvchi oʻzaro axborot almashuv paketini shakllantiradilar:

davlatlarning iqtisodiy hamkorligi toʻgʻrisidagi yillik bitimlarda nazarda tutilgan koʻrsatkichlar;

Hamdoʻstlik statistika qoʻmitasi tomonidan ishlab chiqilgan materiallarda mavjud boʻlmagan maʼlumotlar;

oʻzaro qiziqish uygʻotadigan boshqa materiallar.

5-modda

Iqtisodiy axborot oʻzaro kelishuv asosida, qoida tariqasida, bepul taqdim etiladi va uni qabul qiluvchi davlat organlari tomonidan rasmiy tarzda foydalaniladi va faqat Ahdlashuvchi Tomonlar bilan kelishilgan holda ochiq matbuotda eʼlon qilinishi mumkin.

6-modda

Mazkur Bitim qoidalari uni imzolagan Ahdlashuvchi Tomonlarning oʻzaro kelishuvi bilan toʻldirilishi yoki oʻzgartirilishi mumkin.

7-modda

Mazkur Bitim Hamdoʻstlikka aʼzo davlatlar va boshqa davlatlar tomonidan imzolanishi uchun ochiq boʻlib, imzolangan kundan boshlab imzolovchilar uchun kuchga kiradi. Har bir Ahdlashuvchi Tomon mazkur Bitimdan chiqish toʻgʻrisidagi yozma xabarnomani depozitariyga yuborgan sanadan olti oy oʻtib chiqib ketishi mumkin.

1992-yil 26-iyun kuni Minsk shahrida rus tilidagi bir asl nusxada imzolandi. Asl nusxa Belarus Respublikasi Hukumati arxivida saqlanadi, mazkur Bitimni imzolagan davlatlarga tasdiqlangan nusxani yuboradi.

(imzolar)