Oʻzbekiston Respublikasi Ichki i ishlar vazirligi Davlat yongʻin xavfsizligi xizmati bino va inshootlarini qurilish va rekonstruksiya qilish chora-tadbirlari toʻgʻrisida (42-son)

03.03.2015

Oʻzbekiston Respublikasi Vazirlar Mahkamasining

qarori

Oʻzbekiston Respublikasi Ichki ishlar vazirligi Davlat yongʻin xavfsizligi xizmati boʻlinmalari faoliyati samaradorligini oshirish, shuningdek ularning faoliyati uchun tegishli shart-sharoitlar yaratish maqsadida Vazirlar Mahkamasi qaror qiladi:

1. Oʻzbekiston Respublikasi Ichki ishlar vazirligi, Davlat arxitektura qurilish va Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklarining tomonidan ishlab chiqilgan Oʻzbekiston Respublikasi Ichki ishlar vazirligi Davlat yongʻin xavfsizligi xizmatining bino va inshootlarini 2016 — 2030-yillar davrida bosqichma-bosqich qurish va rekonstruksiya qilish dasturi (keyingi oʻrinlarda Dastur) ilovaga muvofiq tasdiqlansin.

2. Dastur doirasidagi obyektlarni qurish va rekonstruksiya qilishda:

buyurtmachilar — Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari huzuridagi “Yagona buyurtmachi xizmati” injiniring kompaniyalari;

loyihalash va pudratchi tashkilotlar — oʻrnatilgan tartibda tanlov savdolari yoki tanlov natijalariga koʻra belgilansin.

3. Belgilansinki, Dastur doirasida loyiha-smeta hujjatlarini tayyorlash, tashqi muhandislik tarmoqlarini oʻrnatish, obyektlarni qurish va rekonstruksiya qilish bilan bogʻliq xarajatlar Oʻzbekiston Respublikasining tegishli yilga moʻljallangan Investitsiya dasturining markazlashtirilgan kapital qoʻyilmalar doirasida amalga oshiriladi.

4. Oʻzbekiston Respublikasi Iqtisodiyot vazirligi, Moliya vazirligi, belgilangan tartibda tasdiqlangan loyiha-smeta hujjatlari mavjud boʻlganda, Oʻzbekiston Respublikasining 2016-yil va undan keyingi yillarga moʻljallangan Investitsiya dasturini shakllantirishda Dasturda nazarda tutilgan obyektlarni qurish va rekonstruksiya qilish uchun tegishli markazlashtirilgan kapital qoʻyilmalar limitlarni nazarda tutsin.

5. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari Davlat arxitektura qurilish bilan birgalikda:

obyektlarni qurish va rekonstruksiya qilish uchun texnik topshiriqlarni Oʻzbekiston Respublikasi Ichki ishlar vazirligi Yongʻin xavfsizligi bosh boshqarmasi bilan majburiy kelishilgan holda sifatli tayyorlanishi;

loyiha-smeta hujjatlarini ishlab chiqishda optimal loyiha va texnik yechimlar va tannarx parametrlaridan foydalanishi;

Oʻzbekiston Respublikasi Ichki ishlar vazirligining asosli takliflaridan kelib chiqqan holda yangi yongʻin depo binolarini qurish uchun yer uchastkalari ajratilishini, shuningdek, Dastur doirasida ajratilgan markazlashtirilgan kapital qoʻyilmalardan maqsadli va samarali foydalanishi taʼminlasin.

6. Oʻzbekiston Respublikasi Davlat arxitektura qurilish belgilangan tartibda loyiha-smeta hujjatlarining davlat ekspertizasidan oʻtkazilishi taʼminlansin hamda qurilish-montaj ishlari sifati ustidan davlat arxitektura-qurilish nazoratini oʻrnatsin.

7. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari B.I. Zokirovga yuklansin.

Oʻzbekiston Respublikasining Bosh vaziri Sh. MIRZIYOYEV

Toshkent sh.,

2015-yil 3-mart,

42-son

Vazirlar Mahkamasining 2015-yil 3-martdagi 42-son qaroriga ILOVA

Oʻzbekiston Respublikasi Ichki ishlar vazirligi Davlat yongʻin xavfsizligi xizmatining bino va inshootlarini 2016 — 2030-yillar davrida bosqichma-bosqich qurish va rekonstruksiya qilish

DASTURI

* Yaratilayotgan va rekonstruksiya qilinayotgan yongʻin depolarining turlari SHNK 2.09.21-13 “Yongʻin depo”ga muvofiq belgilanadi.

** Qoraqalpogʻiston Respublikasi, Toshkent shahar va viloyatlar yongʻin xavfsizligi boshqarmalarining bino va inshootlarini qurish va rekonstruksiya qilish uchun loyiha-smeta hujjatlarini ishlab chiqishda yongʻinni oʻchirish kuchlari va vositalarini boshqarish va muvofiqlashtirish markazlari, Axborot-kommunikatsiya texnologiyalari va kommunikatsiyalari markazi, yongʻin-texnik laboratoriyalarni joylashtirish uchun xonalar nazarda tutiladi.