Olmazor tumanida 2015-yilda qishloq xoʻjaligi va meliorativ texnikani, mashina-traktor parklari, ustaxonalar va servis punktlarining asbob-uskunalarini texnik koʻrikdan oʻtkazish toʻgʻrisida (10-son)

13.01.2015

TOShKENT ShAHAR Olmazor tumani hokimining

Qarori

Oʻzbekiston Respublikasi Vazirlar Mahkamasining 2012-yil 6-dekabrdagi 345-son qarori bilan tasdiqlangan “Oʻzbekiston Respublikasi Qishloq va suv xoʻjaligi vazirligining mashina va asbob-uskunalarning texnik holatini nazorat qilish davlat bosh inspeksiyasi toʻgʻrisida”gi nizomi (Oʻzbekiston Respublikasi qonun hujjatlari toʻplami, 2012-y., 50-son, 559-modda), Oʻzbekiston Respublikasi Qishloq va suv xoʻjaligi vazirining 2013-yil 2-apreldagi 58-son buyrugʻi bilan tasdiqlangan “Qishloq xoʻjaligi va meliorativ texnikani, shuningdek mashina-traktor parklari, ustaxonalar va servis punktlarining asbob-uskunalarini texnik koʻrikdan oʻtkazish tartibi toʻgʻrisida”gi nizom (Oʻzbekiston Respublikasi qonun hujjatlari toʻplami, 2013-y., 17-son, 229-modda) ijrosini taʼminlash hamda tumanda 2015-yilda qishloq xoʻjaligi va meliorativ texnika, mashina-traktor parklari, ustaxonalar va servis punktlarining asbob-uskunalarini (bundan buyon matnda texnika deb yuritiladi) har yillik texnik koʻrikdan oʻtkazish maqsadida qaror qilaman:

1. Olmazor tumanida 2015-yilda mulkchilik shaklidan qatʼi nazar, tashkilotlarda qishloq hoʻjaligi va meliorativ texnikani, mashina-traktor parklari, ustaxonalar va servis punktlarining asbob-uskunalarini texnik koʻrikdan oʻtkazish ish rejasi 1-ilovaga va komissiya tarkibi 2-ilovaga muvofiq tasdiqlansin.

2. Tuman qishloq xoʻjaligi texnikalari boʻyicha davlat inspektori (komissiya raisi) M. Karimkulovaga:

texnikaga mulk huquqi asosida ega shaxslarga (bundan buyon matnda mulkdor deb yuritiladi) texnikalarini texnik koʻrikdan oʻtkazish toʻgʻrisidagi bildirishnomani texnik koʻrik oʻtkazish kunidan kamida oʻttiz kun oldin yuborishni taʼminlash;

mulkchilik shaklidan qatʼi nazar, barcha rusumdagi qishloq xoʻjalik va meliorativ yoʻl qurilish texnika vositalari, mashina asbob-uskunalarni yillik texnik koʻrikdan oʻtkazish toʻgʻrisidagi ish rejasi va komissiya tarkibini yuridik va jismoniy shaxslarga yetkazish;

mulkchilik shaklidan qatʼi nazar, barcha rusumdagi qishloq xoʻjalik va meliorativ yoʻl qurilish texnika vositalarini yillik texnik koʻrikdan oʻtkazish maydonchalariga yigʻish;

texnik koʻrikdan oʻtgan texnikalarni dalolatnomalar asosida ishlashga ruxsat berishni tashkil qilish;

texnik koʻrikdan oʻtmagan yoki texnik koʻrikka taqdim etilmagan texnikalar yuzasidan mulkdorga yozma koʻrsatma berilishi va qayta texnik koʻrikdan oʻtkazish uchun oʻn kundan kam boʻlmagan muddatni belgilash;

texnikani qayta koʻrikdan oʻtkazish uchun mulkdordan yigʻim undirilmaslik;

mulkdor koʻrsatmada belgilangan muddatda texnikani qayta texnik koʻrikdan oʻtkazmagan holda tuman hokimligiga maʼlumot berish ishlarini amalga oshirish topshirilsin.

3. Boshqa tumanlarda foydalanilayotgan texnika ushbu manzildagi davlat inspektori tomonidan texnika doimiy roʻyxatdan oʻtgan davlat inspektorining soʻrovnomasiga asosan texnik koʻrikdan oʻtkazilishi belgilansin.

4. Mulkdorlarga:

bildirishnomani olgandan soʻng texnik koʻrik oʻtkazilishidan kamida besh kun oldin texnik koʻrikdan oʻtkaziladigan texnikalar toʻgʻrisida dalolatnoma toʻldirilsin;

texnik koʻrikdan oʻtkazish uchun belgilangan yigʻim toʻlanganligini tasdiqlovchi hujjatni texnika doimiy roʻyxatdan oʻtgan joydagi davlat inspektoriga taqdim etilsin.

5. “Davtexnazorat” inspeksiyasi (S. Xaitov):

tashkilotlar rahbarlari tomonidan mazkur qarorni toʻliq bajarish yuzasidan qatʼiy nazorat oʻrnatsin.

6. Tuman hokimligining tashkiliy-nazorat guruhi (A. Akramov) va Toshkent shahar hokimligining “Kompyuterlashtirish markazi” DUKning Olmazor tuman tarmoq administratori (D. Shonazorov):

“Toshkent oqshomi” va “Vecherniy Tashkent” gazetalarida mazkur qaror rasmiy eʼlon qilinishi va www.olmazor.uz veb-saytiga joylashtirilishi taʼminlansin.

7. Ushbu qaror rasmiy eʼlon qilingan kundan eʼtiboran kuchga kiradi.

8. Tuman hokimining 2014-yil 10-yanvar kunidagi “Olmazor tumanida 2014-yilda qishloq hoʻjaligi va meliorativ texnikani, mashina-traktor parklari, ustaxonalar va servis punktlarining asbob-uskunalarini texnik koʻrikdan oʻtkazish toʻgʻrisida”gi 24-sonli qarori oʻz kuchini yoʻqotgan deb hisoblansin.

9. Ushbu qarorning bajarilishini nazorat qilish tuman hokimining oʻrinbosari D. Iskandarov zimmasiga yuklansin.

Hokim B. GAIBNAZAROV

Toshkent sh.,

2015-yil 13-yanvar,

10-son

Tuman hokimining 2015-yil 13-yanvardagi 10-sonli qaroriga 1-ILOVA

Olmazor tumanida 2015-yilda mulkchilik shaklidan qatʼi nazar, tashkilotlarda qishloq hoʻjaligi va meliorativ texnikani, mashina-traktor parklari, ustaxonalar va servis punktlarining asbob-uskunalarini texnik koʻrikdan oʻtkazish

ISh REJASI

T/r‎ Texnikaning nomi‎ Texnika rusumi‎ Texnik koʻrikdan oʻtkazish muddati‎ Texnik koʻrikdan oʻtkazish manzili‎ Texnik koʻrikdan oʻtkazish sanasi‎ 1.‎ Traktor‎ TTZ-100K11 01.06.2015-y.‎ Toshkent shahar, Yashnobod tumani, T. Malik koʻchasi, 146-uy‎ 15.05.2015-y.‎ 2.‎ Ekskavator‎ Robex-1400W-7‎ 01.06.2015-y.‎ Toshkent shahar, Yashnobod tumani, T. Malik koʻchasi, 146-uy‎ 15.05.2015-y.‎ 3.‎ Greyder GR-135 01.06.2015-y.‎ Toshkent shahar, Yashnobod tumani, T. Malik koʻchasi, 146-uy‎ 15.05.2015-y.‎ 4.‎ Asfalt-tekislagich DEMAG DF115P 01.06.2015-y.‎ Toshkent shahar, Yashnobod tumani, T. Malik koʻchasi, 146-uy‎ 15.05.2015-y.‎ 5.‎ Katok DV6-4.2 01.06.2015-y.‎ Toshkent shahar, Yashnobod tumani, T. Malik koʻchasi, 146-uy‎ 15.05.2015-y.‎ 6.‎ Katok DV8-4.2 01.06.2015-y.‎ Toshkent shahar, Yashnobod tumani, T. Malik koʻchasi, 146-uy‎ 15.05.2015-y.‎ 7.‎ Katok BW138AD 01.06.2015-y.‎ Toshkent shahar, Yashnobod tumani, T. Malik koʻchasi, 146-uy‎ 15.05.2015-y.‎

Tuman hokimining 2015-yil 13-yanvardagi 10-sonli qaroriga 2-ILOVA

Olmazor tumanida 2015-yilda mulkchilik shaklidan qatʼi nazar, tashkilotlarda qishloq hoʻjaligi va meliorativ texnikani, mashina-traktor parklari, ustaxonalar va servis punktlarining asbob-uskunalarini texnik koʻrikdan oʻtkazish boʻyicha komissiya

TARKIBI

‎‎Komissiya raisi: M. Karimkulova‎ — Toshkent shahar “Davtexnazorat” inspeksiyasining qishloq xoʻjaligi boʻyicha davlat inspektori‎ Komissiya raisi oʻrinbosari: S. Xaitov‎ — Toshkent shahar “Davtexnazorat” inspeksiyasi boshligʻi‎ ‎Komissiya aʼzolari: D. Iskandarov‎ — Olmazor tumani Favqulodda vaziyatlar komissiya raisi — tuman hokimining oʻrinbosari‎ Sh. Artikov‎ — Toshkent shahar IIBB YXXB texnik-nazorat boʻlimi inspektori A. Sayfullayev — Olmazor tumani Mudofaa ishlari boʻlimining texnika ishlari boʻyicha oʻrinbosari K. Esaliyev — Olmazor tumani hokimligi Obodonlashtirish boshqarmasi boshligʻi‎ M. Xidirova — “Kafolat” Davlat aksiyadorlik sugʻurta kompaniyasi Toshkent shahar filiali Olmazor tumani boʻlimi boshligʻi