Davlat oliy taʼlim muassasalarida eksternat asosida oʻqish amalga oshirilmaydigan bakalavriat taʼlimi yoʻnalishlari roʻyxatini tasdiqlash toʻgʻrisida (16-son)

29.01.2015

Oʻzbekiston Respublikasi Vazirlar Mahkamasining

qarori

Oʻzbekiston Respublikasining “Taʼlim toʻgʻrisida”gi Qonuni va Oʻzbekiston Respublikasi Prezidentining 2013-yil 15-iyuldagi “Qonunlarning havolaki normalarni amalga oshirishga qaratilgan normativ-huquqiy va boshqa hujjatlarni ishlab chiqish rejalarini tasdiqlash toʻgʻrisida” gi PQ-2003-son qaroriga muvofiq Vazirlar Mahkamasi qaror qiladi:

1. Davlat oliy taʼlim muassasalarida eksternat asosida oʻqish tartibida amalga oshirilmaydigan bakalavriat taʼlimi yoʻnalishlari roʻyxati ilovaga muvofiq tasdiqlansin.

2. Davlat oliy taʼlim muassasalarida magistratura mutaxassisliklari boʻyicha eksternat tartibda oʻqitish amalga oshirilmasligi belgilansin.

3. Oʻzbekiston Respublikasi Oliy va oʻrta maxsus taʼlim vazirligiga tasarrufida oliy taʼlim muassasalari boʻlgan vazirliklar va idoralar bilan birgalikda Oʻzbekiston Respublikasi Vazirlar Mahkamasi bilan kelishgan holda davlat oliy taʼlim muassasalarida eksternat asosida oʻqish tartibida amalga oshirilmaydigan bakalavriat taʼlim yoʻnalishlari roʻyxatiga oʻzgartish va qoʻshimchalar kiritish huquqi berilsin.

4. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.I. Ikramov zimmasiga yuklansin.

Oʻzbekiston Respublikasining Bosh vaziri Sh. MIRZIYOYEV

Toshkent sh.,

2015-yil 29-yanvar,

16-son

Vazirlar Mahkamasining 2015-yil 29-yanvardagi 16-son qaroriga ILOVA

Davlat oliy taʼlim muassasalarida eksternat asosida oʻqish tartibida amalga oshirilmaydigan bakalavriat taʼlimi yoʻnalishlari

ROʻYXATI

Izoh: oʻquv jarayoni ishlab chiqarishda malaka stajirovkalari bilan birga olib boriladigan maxsus jihozlangan laboratoriyalarda mashgʻulotlar oʻtkazishni talab qiladigan bakalavriat taʼlim yoʻnalishlari boʻyicha kadrlar tayyorlash eksternat asosida oʻqish tartibida amalga oshirilmaydi.