Oʻzbekiston Respublikasi Oliy Majlisi huzuridagi Amaldagi qonun hujjatlari monitoringi institutining tarkibiy tuzilishiga oʻzgartishlar kiritish toʻgʻrisida (98-XII-son)

19.06.2000

Oʻzbekiston Respublikasi Oliy Majlisi KENGAShIning

Qarori

Amaldagi qonun hujjatlari monitoringi institutining ilmiy-tadqiqot ishlari samaradorligini oshirish maqsadida Oʻzbekiston Respublikasi Oliy Majlisining Kengashi qaror qiladi:

Amaldagi qonun hujjatlari monitoringi institutining Oʻzbekiston Respublikasi Oliy Majlisi Kengashining 1996-yil 3-dekabrdagi Qarori bilan tasdiqlangan tarkibiy tuzilishiga quyidagi oʻzgartishlar va qoʻshimchalar kiritilsin:

1) tahririyat-noshirlik boʻlimi tugatilsin;

2) boʻshatib olinayotgan shtat birliklari hisobidan ish haqi fondi doirasida norma yaratish faoliyati istiqbolini belgilash va qonun loyihalari ekspertizasi boʻlimida bosh ilmiy xodim va I toifali ish yurituvchi-kotiba, amaldagi qonun hujjatlarini ijro etish tajribasini oʻrganish boʻlimida esa bosh ilmiy xodim lavozimlari joriy etilsin.

Oʻzbekiston Respublikasi Oliy Majlisining Raisi E. XALILOV

Toshkent sh.,

2000-yil 19-iyun,

98-XII-son