Pensiya ishlarini rasmiylashtirish va yuritish tartibi hamda pensiya hujjatlarining shakllari va ularni toʻldirish qoidalari toʻgʻrisidagi yoʻriqnomaning 51-bandiga oʻzgartirish kiritish haqida (2282-3-son)

15.12.2014

OʻZBEKISTON RESPUBLIKASI MOLIYA VAZIRINING

buyrugʻi

[Oʻzbekiston Respublikasi Adliya vazirligi tomonidan 2014-yil 15-dekabrda roʻyxatdan oʻtkazildi, roʻyxat raqami 2282-3]

Oʻzbekiston Respublikasining 2014-yil 4-dekabrdagi OʻRQ-379-son “Soliq va budjet siyosatining 2015-yilga moʻljallangan asosiy yoʻnalishlari qabul qilinganligi munosabati bilan Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida”gi Qonuniga muvofiq buyuraman:

1. Oʻzbekiston Respublikasi moliya vazirining 2011-yil 14-oktabrdagi 63-son buyrugʻi (roʻyxat raqami 2282, 2011-yil 17-noyabr) (Oʻzbekiston Respublikasi qonun hujjatlari toʻplami, 2011-y., 45-46-son, 483-modda) bilan tasdiqlangan Pensiya ishlarini rasmiylashtirish va yuritish tartibi hamda pensiya hujjatlarining shakllari va ularni toʻldirish qoidalari toʻgʻrisidagi yoʻriqnomaning 51-bandi birinchi xatboshisidagi “uch yildan” degan soʻzlar “oʻn ikki oydan” degan soʻzlar bilan almashtirilsin.

2. Mazkur buyruq 2015-yil 1-yanvardan kuchga kiradi.

Vazir R. AZIMOV

Toshkent sh.,

2014-yil 10-dekabr,

82-son