Budjet tashkilotlari va budjet mablagʻlari oluvchilarning xarajatlar smetasi va shtat jadvallarini tuzish, tasdiqlash va roʻyxatdan oʻtkazish tartibi toʻgʻrisidagi nizomni tasdiqlash haqida (2634-son)

15.12.2014

Oʻzbekiston Respublikasi Moliya vazirining

buyrugʻi

[Oʻzbekiston Respublikasi Adliya vazirligi tomonidan 2014-yil 15-dekabrda roʻyxatdan oʻtkazildi, roʻyxat raqami 2634]

Oʻzbekiston Respublikasining Budjet kodeksiga muvofiq buyuraman:

1. Budjet tashkilotlari va budjet mablagʻlari oluvchilarning xarajatlar smetasi va shtat jadvallarini tuzish, tasdiqlash va roʻyxatdan oʻtkazish tartibi toʻgʻrisidagi nizom ilovaga muvofiq tasdiqlansin.

2. Quyidagilar oʻz kuchini yoʻqotgan deb hisoblansin:

Oʻzbekiston Respublikasi moliya vazirining 2010-yil 29-oktabrdagi 92-son “Oʻzbekiston Respublikasi Davlat budjetida turuvchi tashkilotlarning xarajatlar smetasi va shtatlar jadvalini tuzish, koʻrib chiqish, tasdiqlash va roʻyxatdan oʻtkazish tartibi toʻgʻrisidagi nizomni tasdiqlash haqida”gi buyrugʻi (roʻyxat raqami 2157, 2010-yil 19-noyabr) (Oʻzbekiston Respublikasi qonun hujjatlari toʻplami, 2010-y., 47-son, 440-modda);

Oʻzbekiston Respublikasi moliya vazirining 2013-yil 24-iyundagi 63-son “Oʻzbekiston Respublikasi Davlat budjetida turuvchi tashkilotlarning xarajatlar smetasi va shtatlar jadvalini tuzish, koʻrib chiqish, tasdiqlash va roʻyxatdan oʻtkazish tartibi toʻgʻrisidagi nizomga oʻzgartirish va qoʻshimchalar kiritish haqida”gi buyrugʻi (roʻyxat raqami 2157-1, 2013-yil 29-iyul) (Oʻzbekiston Respublikasi qonun hujjatlari toʻplami, 2013-y., 31-son, 416-modda).

3. Mazkur buyruq rasmiy eʼlon qilingan kundan eʼtiboran kuchga kiradi.

Vazir R. AZIMOV

Toshkent sh.,

2014-yil 14-noyabr,

74-son

Oʻzbekiston Respublikasi moliya vazirining 2014-yil 14-noyabrdagi 74-son buyrugʻiga ILOVA

Budjet tashkilotlari va budjet mablagʻlari oluvchilarning xarajatlar smetasi va shtat jadvallarini tuzish, tasdiqlash va roʻyxatdan oʻtkazish tartibi toʻgʻrisidagi

NIZOM

Mazkur Nizom Oʻzbekiston Respublikasi Davlat budjetidan moliyalashtiriladigan budjet tashkiloti va budjet mablagʻlari oluvchilarning xarajatlar smetasi va shtat jadvallarini, daromadlar va xarajatlar smetalarini, shuningdek budjet mablagʻlarini taqsimlovchilarning va markazlashtirilgan moliya-buxgalteriya xizmatlarining jamlanma xarajatlar smetasi hamda shtat jadvallarini tuzish, tasdiqlash va roʻyxatdan oʻtkazish tartibini belgilaydi.

1-bob. Umumiy qoidalar

1. Budjet tashkiloti va budjet mablagʻlari oluvchilarning Oʻzbekiston Respublikasi Davlat budjeti hisobidan xarajatlari budjetdan ajratiladigan mablagʻlar doirasida va ularning xarajatlar smetalarida koʻrsatilgan maqsadlarda amalga oshiriladi.

11. Ushbu Nizomda quyidagi asosiy tushunchalar qoʻllaniladi:

budjet mablagʻlarini taqsimlovchi — birinchi darajali budjet mablagʻlarini taqsimlovchi va ikkinchi darajali budjet mablagʻlarini taqsimlovchi;

birinchi darajali budjet mablagʻlarini taqsimlovchi — Oʻzbekiston Respublikasining respublika budjetidan qonun bilan belgilangan miqdorda ajratiladigan budjet mablagʻlarini taqsimlovchi yuridik shaxs;

daromadlar va xarajatlar smetasi — budjet tashkilotlari budjetdan tashqari jamgʻarmalarining tegishli yil choragi yoki moliya yili uchun kutilayotgan tushumlari va xarajatlari aks ettiriladigan hujjat;

jamlanma xarajatlar smetasi — budjet mablagʻlarini taqsimlovchi tomonidan oʻz tasarrufidagi budjet tashkilotlarining va budjet mablagʻlari oluvchilarning xarajatlar smetalari asosida tuziladigan xarajatlar smetasi;

ikkinchi darajali budjet mablagʻlarini taqsimlovchi — Oʻzbekiston Respublikasi Vazirlar Mahkamasi tomonidan birinchi darajali budjet mablagʻlarini taqsimlovchilarga biriktiriladigan va oʻziga ajratiladigan budjet mablagʻlarini taqsimlovchi yuridik shaxs;

shtat jadvali — doimiy xodimlar lavozimlari va boʻsh oʻrinlar nomlarining soni va lavozim maoshlarining miqdorlari koʻrsatilgan roʻyxatni oʻz ichiga oladigan, budjet tashkiloti tomonidan tuziladigan hujjat;

xarajatlar moddasi — budjet tizimi budjetlari xarajatlarining iqtisodiy yoʻnalishi va toʻlovlarning aniq turlari boʻyicha belgilovchi budjet tasnifining bir qismi;

elektron raqamli imzo (bundan buyon matnda ERI deb yuritiladi) — elektron hujjatdagi mazkur elektron hujjat axborotini elektron raqamli imzoning yopiq kalitidan foydalangan holda maxsus oʻzgarishlar natijasida hosil qilingan hamda elektron raqamli imzoning ochiq kaliti yordamida elektron hujjatdagi axborotda xatolik mavjud emasligini aniqlash va elektron raqamli imzo kalitining egasini identifikatsiya qilish imkonini beradigan imzo.

2. Budjet tashkilotlari xarajatlarni qoplash uchun budjetdan ajratiladigan mablagʻlardan tashqari boshqa daromad manbalari mavjud boʻlganda, mazkur koʻrsatilgan mablagʻlar boʻyicha ham daromadlar va xarajatlar smetalarini tuzadi.

3. Budjet tashkilotlari va budjet mablagʻlari oluvchilar xarajatlar smetalarini, daromadlar va xarajatlar smetalarini, shuningdek shtat jadvallarini normativ-huquqiy hujjatlar asosida mustaqil ravishda tuzadilar.

Umumtaʼlim maktablari, maktabgacha taʼlim tashkilotlari va tibbiyot muassasalarining xarajatlar smetalari, daromadlar va xarajatlar smetalari hamda shtat jadvallari markazlashtirilgan moliya-buxgalteriya xizmatlari tomonidan tuziladi, roʻyxatga olinadi, shuningdek tegishli jamlanma smetalariga va shtat jadvallariga umumlashtiriladi.

4. Xarajatlar smetalari, daromadlar va xarajatlar smetalari, shtat jadvallari, shuningdek jamlanma xarajatlar smetalari va shtat jadvallari bir moliya yili muddatiga, mavsumiy yoki yil mobaynida tuzilgan tashkilotlar boʻyicha esa, ularning mazkur moliya yilidagi faoliyat koʻrsatish davriga tuziladi va amal qiladi.

5. Xarajatlar smetalarini, daromadlar va xarajatlar smetalarini tuzishda mehnatga haq toʻlash miqdorlari va shartlari, tovarlar (ishlar, xizmatlar) uchun narx va tariflar:

barcha tashkilotlar (mavsumiy yoki moliya yili mobaynida yangidan tuzilayotgan tashkilotlardan tashqari) boʻyicha — mazkur smetalar tuzilayotgan joriy moliya yilining 1-dekabrida amalda boʻlgan shartlarda;

mavsumiy yoki moliya yili mobaynida yangidan tuzilayotgan tashkilotlar boʻyicha — mazkur tashkilot faoliyat koʻrsatishi boshlangan oyning birinchi sanasi holatiga koʻra hisobga olinadi.

6. Budjet tizimi budjetlari ijrosi jarayonida yuzaga keladigan barcha qoʻshimcha xarajatlarga budjet tashkilotlari va budjet mablagʻlari oluvchilarning xarajatlar smetalariga budjet toʻgʻrisidagi qonunchilik hujjatlarida va mazkur Nizomda belgilangan tartibda tegishli oʻzgartirishlar kiritiladi.

7. Xarajatlar smetasi, daromadlar va xarajatlar smetasi, jamlanma xarajatlar smetasi, jamlanma daromadlar va xarajatlar smetasi, shuningdek shtat jadvallari va jamlanma shtat jadvallari soʻmda tuziladi.

Oʻzbekiston Respublikasining xorijdagi har bir diplomatik vakolatxonasi va konsullik muassasasi hamda vazirlik va idoralarning vakolatxonalari boʻyicha xarajatlar smetalari Oʻzbekiston Respublikasining xorijdagi diplomatik vakolatxonalari va konsullik muassasalari hamda vazirlik va idoralar vakolatxonalarining Oʻzbekiston Respublikasi Iqtisodiyot va moliya vazirligi bilan kelishilgan yillik jamlanma xarajatlar smetalari asosida xorijiy va milliy valyutada tuziladi.

71. “UzASBO” dasturiy majmuasiga (bundan buyon matnda dasturiy majmua deb yuritiladi) ulangan budjet tashkilotlari, budjet mablagʻlari oluvchilar, budjet mablagʻlarini taqsimlovchilar va markazlashtirilgan moliya-buxgalteriya xizmatlarining xarajatlar smetasi, daromadlar va xarajatlar smetasi, shtat jadvallari, jamlanma xarajatlar smetasi, jamlanma daromadlar va xarajatlar smetasi va jamlanma shtat jadvallari dasturiy majmuada ushbu tashkilotlar tomonidan shakllantiriladi va tuziladi.

Dasturiy majmuada shakllantirilgan va tuzilgan xarajatlar smetasi, daromadlar va xarajatlar smetasi, shtat jadvallari, jamlanma xarajatlar smetasi, jamlanma daromadlar va xarajatlar smetasi va jamlanma shtat jadvallari mazkur Nizom talablari asosida tasdiqlanib, har biriga xos “QR” kodlar qoʻyish orqali dasturiy majmuada roʻyxatga olinadi.

72. Oʻzbekiston Respublikasi Budjet kodeksining 112-moddasi oltinchi qismida koʻrsatilgan quyidagi mablagʻlarga xarajatlar smetalarini tuzish talab qilinmaydi:

a) budjet tashkilotlari va budjet mablagʻlari oluvchilarning xarajatlar smetalarini roʻyxatdan oʻtkazish hamda ijro etish jarayonida boʻshaydiga;

b) tovar-moddiy qimmatliklarning normativdan ortiq zaxiralari boʻyicha hisobga olingan;

v) advokatlar tomonidan koʻrsatilgan yuridik yordam uchun davlat hisobidan toʻlanishi nazarda tutiladigan;

g) qoʻshilgan qiymat soligʻi summasini soliq toʻlovchilarga qaytarish uchun nazarda tutiladigan;

d) davlat organlari yoki ular mansabdor shaxslarining qonunga xilof harakatlari (harakatsizligi) natijasida jismoniy yoki yuridik shaxslarga yetkazilgan zararning oʻrnini qoplash uchun nazarda tutiladigan;

e) budjet tashkilotlarida ishlovchi ayollarga homiladorlik va tugʻish nafaqasini toʻlash uchun nazarda tutiladigan, budjet tashkilotlarining xarajatlar smetalariga qonunchilikda belgilangan tartibda oʻzgartirishlar kiritilgan hollar bundan mustasno;

j) bir yoʻla beriladigan davlat pul mukofotlari va mukofotlarini toʻlash uchun nazarda tutiladigan;

z) Chernobil AES halokati oqibatlarini tugatish ishtirokchilariga kompensatsiyalar toʻlash uchun nazarda tutiladigan;

i) transportda imtiyozli yurishni qoplash uchun nazarda tutiladigan;

k) davlat qarzi boʻyicha xizmat koʻrsatish, Oʻzbekiston Respublikasi ishtirokchi boʻlgan xalqaro tashkilotlarga aʼzolik badallarini toʻlash va ularni moliyalashtirishda ishtirok etish uchun moʻljallangan;

l) davlat ehtiyojlari uchun qishloq xoʻjaligi mahsulotlarini yetishtirayotgan qishloq xoʻjaligi korxonalarini moliyaviy qoʻllab-quvvatlash uchun nazarda tutiladigan;

m) saylov va referendumlar oʻtkazish uchun nazarda tutiladigan;

n) budjetlararo transfertlar ajratish uchun nazarda tutiladigan;

o) tijorat banklari va boshqa moliya institutlarining ustav kapitalini shakllantirish va koʻpaytirish uchun nazarda tutiladigan;

p) rezident-yuridik shaxslarga budjet ssudalari ajratish va Oʻzbekiston Respublikasi Iqtisodiyot va moliya vazirligining kredit liniyalarini ochish uchun nazarda tutiladigan;

r) soliq va budjet siyosatining asosiy yoʻnalishlarida nazarda tutilgan tadbirlar hamda moliya yili mobaynida amalga oshirilishi nazarda tutilgan va Davlat budjeti xarajatlarini koʻpaytirishni talab qiladigan boshqa tadbirlar uchun moʻljallangan;

s) davlat maqsadli jamgʻarmalariga oʻtkazib beriladigan;

t) Oʻzbekiston Respublikasi Vazirlar Mahkamasining, Qoraqalpogʻiston Respublikasi respublika budjetining, viloyatlar viloyat budjetlarining va Toshkent shahri shahar budjetining tumanlar va shaharlar budjetlarining zaxira jamgʻarmalarini shakllantirish uchun budjetdan ajratiladigan mablagʻlar.

Bunda, ushbu bandda koʻrsatilgan mablagʻlar Oʻzbekiston Respublikasi Iqtisodiyot va moliya vazirligi, Qoraqalpogʻiston Respublikasining Iqtisodiyot va moliya vazirligi, viloyatlar va Toshkent shahar iqtisodiyot va moliya bosh boshqarmalari, tumanlar va shaharlar iqtisodiyot va moliya boʻlimlari (bundan buyon matnda iqtisodiyot va moliya organlari deb yuritiladi)ning shaxsiy gʻazna hisovaraqlarida aks ettiriladi (mazkur bandning “m”, “s” va “t” kichik bandlarida keltirilgan mablagʻlar bundan mustasno).

73. Budjet tashkilotlari, budjet mablagʻlari oluvchilar, budjet mablagʻlarini taqsimlovchilar va markazlashtirilgan moliya-buxgalteriya xizmatlarining dasturiy majmua orqali tuzilib, belgilangan tartibda tasdiqlangan hamda roʻyxatdan oʻtkazilgan xarajatlar smetasi, daromadlar va xarajatlar smetasi, shtat jadvallari, jamlanma xarajatlar smetasi, jamlanma daromadlar va xarajatlar smetasi va jamlanma shtat jadvallarini qogʻozga chop etish talab etilmaydi.

2-bob. Xarajatlar smetasi va shtat jadvallarini tuzish va tasdiqlash

1-§. Xarajatlar smetasini tuzish va tasdiqlash

8. Xarajatlar smetasi budjet tashkilotlari va budjet mablagʻlari oluvchilari tomonidan mazkur Nizomning 1-ilovasiga muvofiq shaklda tuziladi.

Oʻzbekiston Respublikasi Tashqi ishlar vazirligi hamda vazirlik va idoralarning har bir diplomatik muassasalari va vakolatxonalari boʻyicha xarajatlar smetasi xorijiy va milliy valyutalarda har bir diplomatik muassasa va vakolatxonalar boʻyicha alohida mazkur Nizomning 1a-ilovasiga muvofiq shaklda tuziladi.

Kapital qurilish obyektlari boʻyicha xarajatlar smetasi mazkur Nizomning 2-ilovasiga muvofiq shaklda tuziladi.

9. Xarajatlar smetasi budjet tashkilotlari, markazlashtirilgan moliya-buxgalteriya xizmatlari va budjet mablagʻlari oluvchilar tomonidan ularga tegishli moliya yili uchun yetkazilgan budjetdan ajratiladigan mablagʻlar hajmi doirasida tuziladi.

Budjet tashkilotlari, markazlashtirilgan moliya-buxgalteriya xizmatlari va budjet mablagʻlari oluvchilarga tegishli moliya yili uchun budjetdan ajratiladigan mablagʻlar hajmini yetkazish tegishli iqtisodiyot va moliya organlari yoki budjet mablagʻlarini taqsimlovchilari tomonidan budjet toʻgʻrisidagi qonunchilik hujjatlarida belgilangan muddatlarda amalga oshiriladi.

Budjet mablagʻlarini taqsimlovchilarga tegishli moliya yili uchun budjetdan ajratiladigan mablagʻlar hajmini yetkazish Oʻzbekiston Respublikasi Iqtisodiyot va moliya vazirligi tomonidan budjet toʻgʻrisidagi qonunchilik hujjatlarida belgilangan muddatlarda amalga oshiriladi.

Xarajatlar smetasining birinchi va ikkinchi guruh xarajatlari Oʻzbekiston Respublikasi Vazirlar Mahkamasi tomonidan belgilangan shakllarga muvofiq tuzilgan shtat jadvalidagi mehnatga haq toʻlash jamgʻarmasi miqdoridan kelib chiqqan holda dasturiy majmuada avtomatik tarzda shakllantiriladi.

Agar yetkazilgan budjetdan ajratiladigan mablagʻlar hajmi tuzilgan shtat jadvalidagi mehnatga haq toʻlash jamgʻarmasi miqdoridan kam boʻlsa, xarajatlar smetasida kelgusi moliya yilining dekabr oyidan boshlab ketma-ket ravishda oldingi oylarga qarab yetishmagan qismiga kamaytiriladi.

10. Xarajatlar smetasini tuzish boʻyicha ishlarni tashkil etish davomida Oʻzbekiston Respublikasi va Qoraqalpogʻiston Respublikasi vazirliklari, qoʻmitalari va idoralari, tegishli hokimiyatlarning boshqarma va boʻlimlari oʻzlariga boʻysunuvchi tashkilotlarga budjet toʻgʻrisidagi qonunchilik hujjatlari va iqtisodiyot va moliya organining mazkur masala boʻyicha koʻrsatmalaridan kelib chiqib, kelgusi yil uchun smetalarni tuzish tartibi va muddatlari toʻgʻrisida koʻrsatmalar beradi.

Buning uchun Oʻzbekiston Respublikasi va Qoraqalpogʻiston Respublikasi vazirliklari, qoʻmitalari va idoralari, tegishli hokimiyatlarning boshqarma va boʻlimlari boʻysunuvidagi budjet tashkilotlari va budjet mablagʻlari oluvchilarning rahbarlari hamda tegishli xodimlarining kengashini chaqiradilar va xarajatlar smetasini tuzish tartibi va muddatlari toʻgʻrisida yoʻl-yoʻriqlar koʻrsatadilar, ularga tashkilotlarning xarajatlar smetasini tuzish tartibi masalalari boʻyicha qonunchilik hujjatlari talablarini tushuntiradilar, budjet mablagʻlari boʻyicha xarajatlar smetasi hisob-kitoblarini qonunchilik hujjatlariga muvofiq kelishi majburiyligi, xarajat qilishda smeta-shtat intizomiga va tejamkorlik rejimiga rioya qilish haqida koʻrsatmalar beradilar, shuningdek xarajatlar smetasini tuzish hamda blankalarni toʻldirish texnikasi masalalari boʻyicha yoʻl-yoʻriqlar koʻrsatadilar.

Bir vaqtning oʻzida boʻysunuvidagi budjet tashkilotlari va budjet mablagʻlari oluvchilarga kelgusi yil uchun iqtisodiy va ijtimoiy rivojlanish dasturlariga muvofiq asosiy koʻrsatkichlarni (sinflar, oʻquvchilar, bolalar, shifoxonalarda joy-kunlar, bola-kunlar soni va boshqalar) yozma ravishda xabar qiladilar.

11. Xarajatlar smetasi boʻyicha xarajatlarni hisoblab chiqarish iqtisodiy va ijtimoiy rivojlantirish dasturlari koʻrsatkichlariga va tejamkorlikning qatʼiy rejimini hisobga olgan holda mablagʻlarga boʻlgan ehtiyojga muvofiq amalga oshirilishi lozim.

12. Xarajatlarni hisoblab chiqarishda quyidagilarga amal qilinishi zarur:

belgilangan tartibda tasdiqlangan ijtimoiy va iqtisodiy rivojlantirish dasturlariga;

davlat hokimiyati va boshqaruvi organlari tomonidan ularga taqdim etilgan budjet sohasidagi vakolatlari doirasida qabul qilingan normativ-huquqiy hujjatlarga;

belgilangan tartibda tasdiqlangan budjet tashkilotlari xarajatlarining normativlariga;

tovar va xizmatlarning davlat tomonidan tartibga solinadigan narxlari va tariflariga.

Jumladan:

xarajatlar smetasiga ish haqi uchun budjetdan ajratiladigan mablagʻlar qonunchilik hujjatlari bilan belgilangan lavozim maoshlari va bazaviy mehnatga haq toʻlash stavkalari, ularga qoʻshimcha haq toʻlash va ustamalar hamda amaldagi namunaviy shtatlar va shtat normativlariga rioya etilgan holda kiritiladi. Ishbay shaklida bajariladigan ishlar uchun ish haqi, moliya yiliga xarajatlar smetasida nazarda tutilgan shunday ishlarning hajmidan kelib chiqib xarajatlar smetasiga kiritiladi;

pedagog xodimlar ish haqi uchun budjetdan ajratiladigan mablagʻlarni aniqlashda qonunchilik hujjatlarida belgilangan bazaviy mehnatga haq toʻlash stavkalaridan, daftarlarni tekshirganlik, sinf rahbarligi va boshqalar uchun qoʻshimcha haq toʻlashni hisobga olgan holda oʻquv rejasiga muvofiq tuzilgan tarifikatsiyalardan kelib chiqilishi lozim;

tibbiyot xodimlari ish haqi uchun budjetdan ajratiladigan mablagʻlarni aniqlashda qonunchilik hujjatlariga muvofiq bazaviy mehnatga haq toʻlash stavkalari va shartlarini hisobga olgan holda tuzilgan tarifikatsiyalardan kelib chiqilishi lozim;

stipendiya xarajatlari stipendiyalar miqdorlari va stipendiya bilan taʼminlash tartibiga muvofiq hisoblanadi;

ijtimoiy soliqni toʻlash xarajatlari xarajatlar smetasiga belgilangan stavkalardan va qonunchilik hujjatlariga muvofiq ijtimoiy soliq toʻlanadigan barcha toʻlov summalaridan kelib chiqqan holda kiritiladi;

ish beruvchining fuqarolik javobgarligini majburiy sugʻurta qilish boʻyicha sugʻurta mukofotini toʻlash xarajatlari xarajatlar smetasiga qonunchilik hujjatlarida belgilangan tartibda ish beruvchining barcha xodimlarining oʻtgan yilgi ish haqining haqiqiy xarajatlaridan kelib chiqqan holda kiritiladi;

xoʻjalik xarajatlari, jumladan, kommunal xizmatlar uchun xarajatlar har bir tashkilotga koʻrsatiladigan xizmatga oʻtgan hisobot davridagi haqiqiy xarajatdan kelib chiqib yoki belgilangan limit (jismoniy hajmlar) doirasida hamda narx va tariflarni hisobga olgan holda hisoblanadi;

telefon va boshqa telekommunikatsiya xizmatlari xarajatlari abonent raqamlari soni va xizmatlar uchun tasdiqlangan tariflaridan kelib chiqib hisoblanadi;

davolash, bolalar va boshqa ijtimoiy soha budjet tashkilotlarida ovqatlanishga ketadigan xarajatlar budjet tashkilotlarining har bir turi uchun tasdiqlangan ovqatlanish kunining natural meʼyorlaridan va oʻrtacha yillik sonidan kelib chiqib hisoblanadi;

dori-darmonlarga ketadigan xarajatlar kuniga bir bemorga hisoblangan dori-darmonlar meʼyoriga qarab belgilanadi;

ijtimoiy-madaniy tashkilotlarni ayrim guruhi uchun kiyim-kechak, poyabzal, choyshab, koʻrpa-toʻshak anjomlari va boshqa yumshoq anjomlar sotib olishga ketadigan xarajatlar mavjud moddiy taʼminotning meʼyorlari asosida ajratilgan mablagʻlar doirasida hisoblanadi;

suv, oʻrmon xoʻjaligi va boshqa tashkilotlarni saqlash xarajatlari ularning bajarayotgan ish meʼyori va hajmidan kelib chiqqan holda aniqlanadi;

qoʻriqlash faoliyati xizmatlarining toʻlovi bilan bogʻliq xarajatlar mazkur xizmatlarni yetkazib beruvchilarning tariflariga muvofiq aniqlanadi;

tashkilotlarning binolar, inshootlar, transport vositalaridan foydalanish, binolar va transport vositalari, shuningdek boshqa mulk ijarasi bilan bogʻliq xarajatlari qonunchilik hujjatlarida belgilangan xarajatlar meʼyori, limitlar va natural koʻrsatkichlardan kelib chiqib aniqlanadi;

xizmat safarlariga xarajatlar tashkilotlarning oldiga qoʻyilgan vazifalaridan, shuningdek qonunchilik hujjatlarida belgilangan meʼyorlardan kelib chiqqan holda aniqlanadi;

epizootik kasalliklarga qarshi tadbirlar va qishloq xoʻjaligi zararkunandalariga (chigirtkalar, tut parvonasi va boshqalar) qarshi kurashish bilan bogʻliq xarajatlar prognoz ish hajmlari va kimyoviy preparatlarga boʻlgan ehtiyojlar, shuningdek bajariladigan ish turlaridan kelib chiqqan holda aniqlanadi.

Budjet tizimi budjetlari xarajatlarining iqtisodiy tasnifi boʻyicha boshqa xarajatlarni aniqlashda oʻzgacha koʻrsatkichlar va uslublar qoʻllanishi mumkin, ularning asoslanganligi xarajatlar smetasini roʻyxatdan oʻtkazuvchi tegishli budjet mablagʻlarini taqsimlovchilar hamda iqtisodiyot va moliya organlari tomonidan tekshiriladi.

13. Yuridik shaxs maqomiga ega boʻlmagan va/yoki tegishli davlat hokimiyati va boshqaruvi organlari (bosh boʻlinma sifatida belgilangan) huzuridagi buxgalteriyalar tomonidan xizmat koʻrsatilayotgan tashkilotlar boʻyicha quyidagi alohida hollarda boʻlimlar va kichik boʻlimlar (tashkilotlar turi) kesimida xarajatlar smetasi tuzilishi va tasdiqlanishi mumkin:

bir turdagi kichik tashkilotlar boʻyicha — veterinar uchastkalar va punktlar hamda boshqa kichik tashkilotlar boʻyicha;

bir turdagi yirik tashkilotlar boʻyicha, agar ularga xoʻjalik xizmatlarini koʻrsatish xoʻjalik xizmatlarni koʻrsatuvchi maxsus guruhlar orqali markazlashtirilgan holda amalga oshirilsa;

fuqarolarning oʻzini oʻzi boshqarish organlari boʻyicha;

ozodlikdan mahrum etish joylaridan ozod boʻlgan shaxslarning ijtimoiy moslashuv markazlari hamda voyaga yetmaganlarga ijtimoiy-huquqiy yordam koʻrsatish markazlari boʻyicha.

14. Mazkur Nizomning 13-bandida koʻrsatilgan tashkilotlarning xarajatlar smetasi boʻyicha budjetdan ajratiladigan mablagʻlarni taqsimlovchilari boʻlib xarajatlar smetasini tasdiqlagan bosh tashkilotlarning rahbarlari hisoblanadi.

15. Mazkur Nizomning 13-bandida koʻrsatilgan tashkilotlarning xarajatlar smetasi, xizmat koʻrsatiladigan tashkilotlarning rahbarlaridan olingan buyurtmalar asosida hamda markazlashtirilgan buxgalteriyada mavjud boʻlgan hisob va hisobot, shuningdek iqtisodiy va ijtimoiy rivojlanish koʻrsatkichlariga muvofiq markazlashtirilgan buxgalteriya tomonidan tuziladi.

Xarajatlar smetasini tuzish uchun buyurtmalar hokimiyatlarning tegishli boshqarma va boʻlimlari tomonidan belgilangan shakllar yoki koʻrsatkichlar roʻyxati boʻyicha xarajatlarning guruhlari va ilovalari boʻyicha, shuningdek xarajatlar smetalariga doir hisob-kitoblarni ilova qilgan holda tashkilotlar tomonidan taqdim qilinadi.

16. Buyurtmalarda quyidagi maʼlumotlar koʻrsatiladi:

isitish, yoritish, suv taʼminoti xarajatlarini hisoblash uchun zarur natural koʻrsatkichlar;

sotib olish uchun moʻljallangan asbob-uskunalar va jihozlar roʻyxati;

kapital va joriy taʼmirlash uchun asosiy ishlar roʻyxati;

oʻrmon xoʻjaligi tashkilotlari tomonidan bajariladigan ishlar hajmi;

qonunchilik hujjatlariga muvofiq belgilangan kadastr yuritish va boshqa koʻrsatkichlar hisobi boʻyicha ishlar hajmi;

bino va inshootlarni kapital taʼmirlash boʻyicha manzilli roʻyxatga kiritish uchun asoslangan hisob-kitoblar;

budjetdan ajratiladigan mablagʻlarni ajratishni asoslash uchun boshqa zarur hisob-kitoblar.

Tashkilotlar tomonidan taqdim qilingan buyurtmalar markazlashtirilgan buxgalteriyalar tomonidan tegishli tashkilotlarning vakillari ishtirokida oldindan koʻrib chiqiladi hamda xarajatlar smetasini tuzishda hisobga olinadi.

17. Oʻzbekiston Respublikasi va Qoraqalpogʻiston Respublikasi vazirliklari, qoʻmitalari va idoralari, hokimiyatlarning boshqarmalari va boʻlimlari tomonidan markazlashtirilgan holda amalga oshiriladigan xarajatlar boʻyicha ular tomonidan oʻzini saqlash uchun xarajatlar smetasidan tashqari markazlashtirilgan tadbirlarga xarajatlar smetasi tuzilishi mumkin.

Agarda Oʻzbekiston Respublikasi va Qoraqalpogʻiston Respublikasi vazirliklari, qoʻmitalari va idoralari, hokimiyatlarning boshqarmalari va boʻlimlari tomonidan markazlashtirilgan holda bir necha tadbirlar (tizimdagi barcha tashkilotlar boʻyicha qoʻriqlash xizmatini toʻlash, xizmat kiyimini sotib olish, yagona axborot-kompyuter tizimiga xizmat koʻrsatish, seminarlar oʻtkazish va boshqalar) boʻyicha xarajatlar amalga oshirilayotganda, xarajatlar smetasiga har bir markazlashtirilgan holda toʻlanadigan tadbirlar boʻyicha hisob-kitoblar ilova qilinadi.

18. Kelgusi moliya yilida ochilishi rejalashtiriladigan budjet tashkilotlari boʻyicha xarajatlar smetasi tegishli vazirliklar, qoʻmitalar va idoralar, tegishli hokimiyatlarning boshqarmalari, boʻlimlari tomonidan har bir tashkilotga alohida, mehnatga haq toʻlash shartlari va faoliyat koʻrsatayotgan shunga oʻxshash tashkilotlarda mavjud boʻlgan xarajatlarning oʻrtacha meʼyorlaridan kelib chiqqan holda tuziladi.

Bunda, yangi budjet tashkilotlarini saqlash xarajatlari mazkur tashkilotlar faoliyatining boshlanishi moʻljallanayotgan muddatlardan kelib chiqqan holda hisoblanadi.

19. Davlat ilmiy dasturlarini bajarishga budjetdan ajratiladigan mablagʻlar boʻyicha xarajatlar smetasi ijrochi-tashkilotlar boʻyicha barcha ilmiy loyihalarning umumiy summasini smetada budjet tizimi budjetlari iqtisodiy xarajatlar tasnifining bir satrida aks ettirgan holda tuziladi. Bunda xarajatlar smetalariga ilmiy-tadqiqot ishlanmalarini bajarish uchun ish haqi, unga tenglashtirilgan toʻlovlar, ish beruvchilarning ajratmalari va boshqa xarajatlarni oʻz ichiga olgan loyiha boʻyicha barcha xarajatlarni oʻzida aks ettirgan xarajatlar kalkulyatsiyasi ilova qilinadi.

20. Dasturiy majmuaga ulangan budjet tashkiloti va budjet mablagʻlari oluvchilarning xarajatlar smetasi, shuningdek, budjet mablagʻlarini taqsimlovchilar va markazlashtirilgan moliya-buxgalteriya xizmatlarining jamlanma xarajatlar smetasi tashkilot rahbari yoki u vakolat bergan shaxsning ERIsi bilan tasdiqlanadi.

Dasturiy majmuaga ulanmagan budjet tashkiloti va budjet mablagʻlari oluvchilarning xarajatlar smetasi, shuningdek, markazlashtirilgan moliya-buxgalteriya xizmatlarining jamlanma xarajatlar smetasi tashkilot rahbari yoki u vakolat bergan shaxs tomonidan tasdiqlanadi, tasdiqlangan kuni koʻrsatilgan holda ularning imzolari hamda mazkur smetaning barcha nusxalari tashkilot muhri izini aks ettirish bilan rasmiylashtiriladi.

Oʻzbekiston Respublikasining xorijdagi diplomatik vakolatxonalari va konsullik muassasalari, vazirlik va idoralar vakolatxonalarining yillik jamlanma xarajatlar smetasi Oʻzbekiston Respublikasi Tashqi ishlar vazirligi hamda vazirlik va idoralar tomonidan Oʻzbekiston Respublikasi Iqtisodiyot va moliya vazirligi bilan kelishilgan holda joriy yilning 20-dekabriga qadar Oʻzbekiston Respublikasi tashqi ishlar vazirining hamda vazirlik va idoralar rahbarining ERIsi bilan tasdiqlanadi.

Dasturiy majmuaga ulanmagan Oʻzbekiston Respublikasining xorijdagi diplomatik vakolatxonalari va konsullik muassasalari, vazirlik va idoralar vakolatxonalarining xarajatlar smetasi Oʻzbekiston Respublikasi tashqi ishlar vaziri hamda vazirlik va idoralar rahbari tomonidan tasdiqlanadi, tasdiqlangan kuni koʻrsatilgan holda ularning imzolari hamda mazkur smetaning barcha nusxalari tashkilot muhri izini aks ettirish bilan rasmiylashtiriladi.

Dasturiy majmua orqali tuzilgan kapital qurilish obyektlari boʻyicha xarajatlar smetasi buyurtmachi rahbarining ERIsi bilan tasdiqlanadi.

Dasturiy majmua orqali tuzilmagan kapital qurilish obyektlari boʻyicha xarajatlar smetasi buyurtmachi rahbari tomonidan tasdiqlanadi, tasdiqlangan kuni koʻrsatilgan holda imzosi hamda mazkur smetaning barcha nusxalari tashkilot muhri izini aks ettirish bilan rasmiylashtiriladi. Bunda, smeta boʻyicha xarajatlarning umumiy summasi koʻrsatiladi.

21. Davlat ilmiy dasturlarini bajarish uchun ijrochi-tashkilotlarga yoʻnaltiriladigan budjetdan ajratiladigan mablagʻlar boʻyicha xarajatlar smetasi ular bilan mazkur dasturlarga kiritilgan loyihalarni bajarishga budjet mablagʻlarini taqsimlovchi sifatida shartnoma tuzgan tegishli vazirlik, qoʻmita va idora tomonidan tuziladi hamda uning rahbari (u vakolat bergan shaxs) ERIsi bilan tasdiqlanadi. Bunda xodimlar ish haqi jamgʻarmasining summasini ajratgan holda smetada xarajatlarning umumiy summasi koʻrsatiladi.

22. Xarajatlar smetalarini tasdiqlash joriy moliya yilining 20-dekabridan kechiktirmay amalga oshiriladi. Bunda, budjet mablagʻlarini taqsimlovchi boʻysunuvidagi budjet tashkilotlari va budjet mablagʻlari oluvchilar xarajatlar smetasini budjet mablagʻlarini taqsimlovchi tomonidan belgilangan muddatlarda, biroq joriy moliya yilining 20-dekabridan kechiktirmay tasdiqlaydi.

221. Markazlashtirilgan moliya-buxgalteriya xizmatlari boʻysunuvidagi budjet tashkilotlarining jamlanma xarajatlar smetasini, jamlanma daromadlar va xarajatlar smetasini mazkur Nizom 46-bandining ikkinchi xatboshisiga muvofiq tartibda tuzadi.

2-§. Shtat jadvallarini tuzish va tasdiqlash

23. Shtat jadvali Oʻzbekiston Respublikasi Vazirlar Mahkamasi tomonidan belgilangan shakllarga muvofiq tuziladi.

24. Budjet tashkilotining shtat jadvalida va markazlashtirilgan moliya-buxgalteriya xizmatining jamlanma shtat jadvalida mehnatga haq toʻlash shartlarida nazarda tutilgan, bir yilga hisob-kitob qilingan ustamalar toʻlashga, qoʻshimcha haq toʻlash va xodimlarni moddiy ragʻbatlantirishga yoʻnaltiriladigan mehnatga haq toʻlash jamgʻarmasi alohida satrda koʻrsatiladi, masalan:

qonunchilik hujjatlariga muvofiq shakllantiriladigan Budjet tashkilotlari xodimlarini moddiy ragʻbatlantirish maxsus fondi (tibbiyot muassasalari, barcha tipdagi umumtaʼlim maktablari va oʻrta maxsus, kasbiy taʼlim tashkilotlari bundan mustasno);

mukofotlash, moddiy yordam koʻrsatish, koʻp yillik mehnati uchun bir martalik ragʻbatlantirish uchun mehnatga haq toʻlash jamgʻarmasi;

koʻp yillik mehnati va maxsus unvonlarga (malaka darajasi, darajali unvon, diplomatik martaba va boshqalar) oylik ustamalar va qoʻshimcha haq toʻlashni belgilash uchun mehnatga haq toʻlash jamgʻarmasi;

mehnat taʼtilidagi shaxslarning oʻrnini bosuvchi xodimlarning mehnatiga haq toʻlash uchun mehnatga haq toʻlash jamgʻarmasi;

Umumtaʼlim, oʻrta-maxsus, kasbiy taʼlim tashkilotlarining direktor jamgʻarmasi va boshqalar.

241. Markazlashtirilgan moliya-buxgalteriya xizmatlari boʻysunuvidagi budjet tashkilotlarining jamlanma shtat jadvalini mazkur Nizom 46-bandining uchinchi xatboshisiga muvofiq tartibda tuzadi.

25. Budjet tashkilotining shtat jadvalini va markazlashtirilgan moliya-buxgalteriya xizmatining jamlanma shtat jadvalini tasdiqlash joriy moliya yilining 20-dekabridan kechiktirmay amalga oshiriladi. Budjet mablagʻlarini taqsimlovchi boʻysunuvidagi budjet tashkilotlari shtat jadvallarini budjet mablagʻlarini taqsimlovchi tomonidan belgilangan, biroq joriy moliya yilining 20-dekabridan kechiktirmay tasdiqlaydi.

Bunda, budjet tashkilotlarining jamlanma shtat jadvali va shtat jadvalini tasdiqlash budjet tashkilotlarining jamlanma xarajatlar smetasi va xarajatlar smetalarini tasdiqlash uchun belgilangan talablarga muvofiq tartibda amalga oshiriladi.

4-bob. Budjet tashkilotlarining budjetdan tashqari jamgʻarmalari boʻyicha daromadlar va xarajatlar smetalarini tuzish va tasdiqlash

29. Budjetdan tashqari jamgʻarmalarga ega boʻlgan budjet tashkilotlari mazkur Nizomning 5-ilovasiga muvofiq shaklda budjetdan tashqari jamgʻarmalar boʻyicha daromadlar va xarajatlar smetasini har yili tuzadi va tasdiqlaydi. Bunda, budjetdan tashqari mablagʻlar tushumlari va xarajatlarini rejalashtirish budjet tashkilotlari tomonidan qonunchilik hujjatlariga muvofiq belgilangan daromadlar manbai va xarajatlar yoʻnalishlaridan kelib chiqqan holda amalga oshiriladi.

30. Budjet tashkilotlari quyidagi budjetdan tashqari jamgʻarmalar boʻyicha smetalar tuzadilar:

Budjet tashkilotining rivojlantirish jamgʻarmasi;

Tibbiyot tashkilotlarining moddiy ragʻbatlantirish va rivojlantirish jamgʻarmasi;

vazirliklar, qoʻmitalar va idoralarning budjetdan tashqari jamgʻarmalari;

budjet tashkilotlariga undiriladigan ota-onalar toʻlovlari hisobidan shakllantiriladigan budjetdan tashqari mablagʻlar, shu jumladan oʻquvchilar va tarbiyalanuvchilar davlat maktabgacha taʼlim tashkilotlarida, umumtaʼlim maktablarining kuni uzaytirilgan guruhlarida, maktab-internatlarda, olimpiya va paralimpiya sport turlariga tayyorlash markazlari va boshqa taʼlim tashkilotlarida tarbiyalanayotganligi uchun, oʻquvchilar bolalar musiqa va sanʼat maktablari hamda qoʻshimcha taʼlim tashkilotlarida taʼlim olganligi uchun, oliy, oʻrta maxsus va kasbiy taʼlim tashkilotlarida taʼlim olganlik uchun, statsionar davolash-profilaktika muassasalarida davolanayotganlar tarkibi ovqatlanishi uchun hamda qonunchilik hujjatlariga muvofiq boshqa turdagi toʻlovlar;

Davlat maktabgacha taʼlim tashkilotlarida tarbiyalanuvchilar uchun undiriladigan ota-onalar toʻlovlari hisobidan shakllantiriladigan, shuningdek tibbiyot muassasalarida statsionar davolash-profilaktika muassasalarida davolanayotganlar tarkibi ovqatlanishi uchun undiriladigan toʻlovlar hisobidan shakllantiriladigan budjetdan tashqari mablagʻlar boʻyicha daromadlar va xarajatlar smetasi tuzilmaydi. Bu mablagʻlar mazkur muassasalarning xarajatlar smetasida hisobga olinadi.

31. Budjet tashkilotlarining budjetdan tashqari jamgʻarmalari boʻyicha daromadlar va xarajatlar smetalarini tuzish hamda tasdiqlash budjet tashkilotlarining xarajatlar smetalari uchun belgilangan tartibga oʻxshash tartibda amalga oshiriladi.

Budjet tashkilotlarining budjetdan tashqari jamgʻarmalari boʻyicha daromadlar va xarajatlar smetasida tushumlar manbaini koʻrsatgan holda budjetdan tashqari mablagʻlar tushumlarining hajmi va mazkur mablagʻlardan foydalanish yoʻnalishlari qonunchilik hujjatlari talablaridan kelib chiqqan holda aniqlanadi.

Budjet tashkilotlarining budjetdan tashqari jamgʻarmalari boʻyicha daromadlar va xarajatlar smetasining daromad qismi moliya yili boshidagi mablagʻlar qoldigʻi hamda daromadlarning manbalar kesimidagi prognozidan tashkil topadi.

Qonunchilik hujjatlariga muvofiq budjet tashkilotlarining budjetdan tashqari jamgʻarmalari hisobidan xodimlar soni saqlab turilgan taqdirda, budjetdan tashqari jamgʻarmalar boʻyicha daromadlar va xarajatlar smetasida koʻrsatilgan xodimlar soni boʻyicha shtat jadvali ilova qilinadi. Bunda, mazkur shtat jadvali budjet tashkilotining shtat jadvaliga oʻxshash holda tuziladi hamda tegishli budjet mablagʻlarini taqsimlovchi tomonidan yoki iqtisodiyot va moliya organida mazkur Nizomga muvofiq muddatlarda va tartibda roʻyxatdan oʻtkazilishi kerak.

32. Budjetdan tashqari jamgʻarmalar boʻyicha daromadlar va xarajatlar smetalari tegishli budjet mablagʻlarini taqsimlovchilar tomonidan yoki iqtisodiyot va moliya organlarida xarajatlar smetasi uchun belgilangan muddatlarda va tartibda roʻyxatdan oʻtkazilishi kerak. Budjet tashkilotlarini rivojlantirish jamgʻarmasi va Tibbiyot muassasalarini moddiy ragʻbatlantirish va rivojlantirish jamgʻarmasi bundan mustasno.

5-bob. Budjet mablagʻlarini taqsimlovchilar tomonidan ularning boʻysunuvidagi budjet tashkilotlari va budjet mablagʻlari oluvchilarning xarajatlar smetalari, daromadlar va xarajatlar smetalari hamda shtat jadvallarini roʻyxatdan oʻtkazish

1-§. Budjet mablagʻlarini taqsimlovchilar tomonidan ularning boʻysunuvidagi budjet tashkilotlari va budjetdan mablagʻ oluvchilarning xarajatlar smetalari, daromadlar va xarajatlar smetalari hamda shtat jadvallarini koʻrib chiqish

33. Budjet mablagʻlarini taqsimlovchilar ularga yetkazilgan budjetdan ajratiladigan mablagʻlar hajmi doirasida boʻysunuvidagi budjet tashkilotlari va budjet mablagʻlari oluvchilarning xarajatlar smetalarini koʻrib chiqishni taʼminlaydi.

34. Budjet tashkilotlari va budjet mablagʻlari oluvchilar tomonidan taqdim etilgan xarajatlar smetalari zarur hollarda mazkur tashkilotlarning rahbarlari ishtirokida koʻrib chiqiladi. Bunda, xarajatlar smetalarini koʻrib chiquvchi budjet mablagʻlarini taqsimlovchilar quyidagilarga majbur:

qonunchilik hujjatlari talablariga, shuningdek kelgusi yil xarajatlar smetalarini tuzish boʻyicha koʻrsatmalarga qatʼiy rioya qilinishini taʼminlash;

tejamkorlik rejimiga amal qilgan holda xarajatlar smetalarida talab etilmaydigan tadbirlar uchun budjetdan ajratiladigan mablagʻlar kiritishga yoʻl qoʻymaslik;

alohida tadbirlarni oʻtkazish muddatlarini va ularni moliyalashtirishni taʼminlash imkonini hisobga olgan holda xarajatlar smetasi boʻyicha budjetdan ajratiladigan mablagʻlarni chorak (oy)larga taqsimlashni taʼminlash;

hisob-kitoblar va asoslantirishlar bilan tasdiqlanmagan summalarni xarajatlar smetalarida qabul qilishga yoʻl qoʻymaslik.

35. Budjet mablagʻlarini taqsimlovchilar quyidagilarni tekshirishi lozim:

budjet tashkiloti xodimlariga ish haqi toʻlovi uchun xarajatlar smetasi boʻyicha tasdiqlangan summalarining shtat jadvaliga (bunda, xarajatlar smetasidagi ish haqi jamgʻarmasi xodimlar toʻliq toʻldirilmaganligi dinamikasidan kelib chiqib, shtat jadvalidagidan kam miqdorda tasdiqlanishi mumkinligini nazarda tutish lozim) binoan tasdiqlangan ish haqi summalariga muvofiqligini;

roʻyxatdan oʻtkazish uchun taqdim etilgan shtat jadvallarini belgilangan namunaviy shtat jadvallari va shtat normativlariga muvofiqligini;

shtat jadvalida koʻrsatilgan lavozimlarni Mashgʻulotlarning milliy klassifikatoriga va namunaviy shtatlarga muvofiqligini;

lavozim maoshlari hamda ularga ustamalarning toʻgʻri belgilanganligini;

Budjet tashkilotlari xodimlarini moddiy ragʻbatlantirish maxsus fondining toʻgʻri tashkil qilinganligini;

Umumtaʼlim, oʻrta-maxsus, kasbiy taʼlim tashkilotlarining direktor jamgʻarmasining toʻgʻri tashkil qilinganligini;

xarajatlar smetasida tasdiqlangan stipendiyalar uchun xarajatlar summasini talabalar tarkibi boʻyicha hisobot maʼlumotlari va xarajatlar smetasiga doir hisob-kitoblarga muvofiqligini;

toʻrtinchi guruh boʻyicha xarajatlar summasining toʻrtinchi guruh xarajatlari yoyilmasida koʻrsatilgan summaga muvofiqligini;

xarajatlar smetasiga kiritilgan xarajatlar boʻyicha boshqa hisob-kitoblar va asoslantirishlarni.

36. Budjet mablagʻlarini taqsimlovchilar xarajatlar smetasini asoslanganligini chuqurroq oʻrganish maqsadida boʻysunuvidagi budjet tashkilotlari va budjet mablagʻlari oluvchilarning xarajatlar smetasini tuzish va ijro etishning istalgan bosqichida ularga doir hisob-kitoblarni talab qilishga haqli.

37. Agar budjet tashkiloti va budjet mablagʻlari oluvchilarning roʻyxatdan oʻtkazish uchun taqdim etilgan xarajatlar smetasi boʻyicha xarajatlar summasi belgilangan tartibda ularga yetkazilganiga nisbatan ortiq boʻlsa, budjet mablagʻlarini taqsimlovchi tegishli summaga boʻysunuvidagi mazkur budjet tashkiloti va/yoki budjet mablagʻlari oluvchining xarajatlar smetasi boʻyicha xarajatlarni qisqartirishga majbur.

Roʻyxatdan oʻtkazish uchun taqdim etilgan xarajatlar smetasida xarajatlar summasining oshirilishiga yoʻl qoʻyilmaydi.

38. Respublika budjetidan moliyalashtiriladigan va budjet mablagʻlarini taqsimlovchilar boʻysunuvidagi budjet tashkilotlari va budjet mablagʻlari oluvchilarning belgilangan tartibda tasdiqlangan xarajatlar smetasi, daromadlar va xarajatlar smetasi hamda shtat jadvallari budjet mablagʻlarini taqsimlovchi tomonidan roʻyxatdan oʻtkazilgandan soʻng hamda budjet mablagʻlarini taqsimlovchining jamlanma xarajatlar smetasi Oʻzbekiston Respublikasi Iqtisodiyot va moliya vazirligida roʻyxatdan oʻtkazilgandan soʻng amalga kiritiladi.

Budjet mablagʻlarini taqsimlovchilar smeta va shtat jadvallari roʻyxatdan oʻtkazilishi lozim boʻlgan oʻzining boʻysunuvidagi budjet tashkilotlari va budjet mablagʻlari oluvchilarning hisobini yuritishlari shart.

39. Budjet mablagʻlarini taqsimlovchi boʻysunuvidagi har bir budjet tashkiloti yoki budjet mablagʻlari oluvchilarning roʻyxatdan oʻtkazish muddatlarini belgilangan muddatda roʻyxatga olishni toʻliq yakunlashni va Oʻzbekiston Respublikasi Iqtisodiyot va moliya vazirligi tomonidan joriy moliya yilining 25-dekabriga qadar belgilangan muddatda jamlanma xarajatlar smetasini topshirishni hisobga olgan holda belgilaydi.

40. Budjet tashkilotlari va budjet mablagʻlari oluvchilarning shtat jadvallarini roʻyxatdan oʻtkazishda budjet mablagʻlarini taqsimlovchi normativ-huquqiy hujjatlar bilan belgilangan shtat jadvallariga nisbatan ortiqcha shtat birliklarni qisqartirishi lozim. Aniqlangan kamchiliklar bartaraf etilganidan keyingina roʻyxatdan oʻtkazishni amalga oshirish lozim.

41. Yangidan tashkil etilayotgan (jumladan, qayta tashkil etish natijasida tashkil qilingan) budjet tashkilotlari yoki budjet mablagʻlari oluvchilarning xarajatlar smetasi, daromadlar va xarajatlar smetasi va shtat jadvallarini roʻyxatdan oʻtkazish mazkur tashkilotlarni belgilangan tartibda tashkil qilinishi toʻgʻrisidagi tegishli qaror koʻrsatilganidan soʻng amalga oshiriladi.

42. Dasturiy majmuaga ulanmagan budjet tashkilotlari va budjet mablagʻlari oluvchilarning xarajatlar smetasi, daromadlar va xarajatlar smetasi va shtat jadvallarini roʻyxatga olish mazkur Nizomning 6-ilovasiga muvofiq shakldagi roʻyxatdan oʻtkazish kartochkasini berish yoʻli bilan rasmiylashtiriladi.

Xarajatlar smetasi, daromadlar va xarajatlar smetasi va shtat jadvallari roʻyxatdan oʻtkazilganligi toʻgʻrisidagi maʼlumotlar mazkur Nizomning 7-ilovasiga muvofiq shakldagi Budjet tashkilotlari va budjetdan mablagʻ oluvchilarning roʻyxatga olingan (jamlanma) xarajatlar smetasi, daromadlar va xarajatlar smetasi va shtat jadvallarini hisobga olish jurnaliga kiritiladi.

Dasturiy majmuaga ulangan budjet tashkilotlari yoki budjetdan mablagʻ oluvchilarning xarajatlar smetasi, daromadlar va xarajatlar smetasi va shtat jadvallarini roʻyxatga olish elektron tarzda mazkur Nizomning 6-ilovasiga muvofiq shakldagi roʻyxatdan oʻtkazish kartochkasini berish yoʻli bilan rasmiylashtiriladi.

Bunda, dasturiy majmua orqali roʻyxatdan oʻtkazilgan xarajatlar smetasi, daromadlar va xarajatlar smetasi va shtat jadvallarining hisobi Budjet tashkilotlari va budjetdan mablagʻ oluvchilarning roʻyxatga olingan (jamlanma) xarajatlar smetasi, daromadlar va xarajatlar smetasi va shtat jadvallarini hisobga olish jurnalida elektron tarzda yuritiladi.

43. Roʻyxatdan oʻtkazilganligi toʻgʻrisidagi hujjatlar (roʻyxatdan oʻtkazish kartochkalari, smetalar va shtat jadvallari) budjet mablagʻlarini taqsimlovchilarning rahbarlari yoki ularning oʻrinbosarlari va moliya-iqtisod boʻlinmasi boshliqlari tomonidan imzolanadi. Bunda, dasturiy majmua orqali joʻnatilgan ushbu hujjatlar budjet mablagʻlarini taqsimlovchilarning rahbarlari yoki ularning oʻrinbosarlari va moliya-iqtisod boʻlinmasi boshliqlarining ERIsi bilan tasdiqlanadi.

44. Dasturiy majmua orqali tuzilmagan xarajatlar smetasi, daromadlar va xarajatlar smetasi va shtat jadvallari roʻyxatga olinganligi toʻgʻrisidagi shtamp bilan:

birinchi nusxasi — tegishli budjet tashkiloti yoki budjet mablagʻlari oluvchiga qaytariladi;

ikkinchi nusxasi — har bir budjet tashkiloti yoki budjet mablagʻlari oluvchilar uchun alohida papkalarda budjet mablagʻlarini taqsimlovchining tegishli moliya-iqtisod boʻlinmalarida (bunda, budjet mablagʻlarini taqsimlovchilari mavjud boʻlmagan hollarda tegishli iqtisodiyot va moliya organlarida) saqlanadi.

45. Mamlakatda mudofaa qobiliyatini, xavfsizlikni taʼminlash, ichki tartibni saqlash bilan bogʻliq xarajatlari bilan bogʻliq xarajatlar smetasi, daromadlar va xarajatlar smetasi, shtat jadvallarini tuzish, tasdiqlash va roʻyxatdan oʻtkazish qonunchilik hujjatlarida belgilangan tartibda amalga oshiriladi.

2-§. Budjet mablagʻlarini taqsimlovchi tomonidan jamlanma xarajatlar smetasi, daromadlar va xarajatlar smetasi va shtat jadvallarini tuzish va tasdiqlash

46. Budjet mablagʻlarini taqsimlovchilar:

jamlanma xarajatlar smetasini budjet tasnifiga muvofiq boʻlim, kichik boʻlim, bob va xarajat guruhlari kesimida, boʻysunuvidagi budjet tashkilotlari va budjet mablagʻlari oluvchilarning xarajatlar smetasi, markazlashtirilgan tadbirlar xarajatlar smetasini, budjet mablagʻlarini taqsimlovchilar xarajatlar smetasini jamlash yoʻli bilan mazkur Nizomning 8-ilovasiga muvofiq shaklda;

jamlanma daromadlar va xarajatlar smetasini budjet tasnifiga muvofiq boʻlim, kichik boʻlim, bob va xarajatlar moddalari kesimida, boʻysunuvidagi budjet tashkilotlari va budjet mablagʻlari oluvchilarning daromadlar va xarajatlar smetasini, markazlashtirilgan tadbirlar xarajatlar smetasini, budjet mablagʻlarini taqsimlovchilar daromadlar va xarajatlar smetasini jamlash yoʻli bilan mazkur Nizomning 9-ilovasiga muvofiq shaklda;

jamlanma shtat jadvalini budjet tasnifiga muvofiq boʻlim va kichik boʻlimlari kesimida boʻysunuvidagi budjet tashkilotlari xodimlarining va budjet mablagʻlarini taqsimlovchi xodimlarining lavozimlari yoki toifalari boʻyicha sonini guruhlashtirish yoʻli bilan Oʻzbekiston Respublikasi Vazirlar Mahkamasi tomonidan belgilangan shakllar asosida tuzadi.

Jamlanma xarajatlar smetasiga set, shtat va kontingentlar (sinflar, koykalar miqdori, xodimlar soni va shu kabilar) boʻyicha jamlanma hisobotlar ilova qilinadi.

47. Budjet mablagʻlarini taqsimlovchi tomonidan davlat bojlari, yigʻimlar va soliq boʻlmagan toʻlovlar, maʼmuriy jarimalar hamda moliyaviy sanksiyalardan ajratmalar hisobidan belgilangan tartibda shakllantiriladigan vazirliklar, qoʻmitalar va idoralarning budjetdan tashqari jamgʻarmalari boʻyicha jamlanma daromadlar va xarajatlar smetasi mazkur Nizomning 11-ilovasiga muvofiq shaklda tuziladi.

Qonunchilik hujjatlariga muvofiq vazirliklar, qoʻmitalar va idoralarning budjetdan tashqari jamgʻarmalari boʻyicha jamlanma daromadlar va xarajatlar smetalari hisobidan belgilangan miqdorda xodimlar birliklari saqlab turilgan hollarda smetaga Oʻzbekiston Respublikasi Vazirlar Mahkamasi tomonidan belgilangan shaklda moliyalashtirish manbai koʻrsatilgan holda shtat jadvali ilova qilinadi.

48. Budjet mablagʻlarini taqsimlovchilarning jamlanma xarajatlar smetasi, jamlanma daromadlar va xarajatlar smetasi va jamlanma shtat jadvallari budjet mablagʻlari taqsimlovchilarning bosh buxgalteri (uning oʻrinbosari) va moliya-iqtisod boʻlinmasi boshligʻi (shtat jadvaliga muvofiq moliya-iqtisod masalalar boʻyicha mutaxassisi) tomonidan imzolanadi hamda budjet mablagʻlarini taqsimlovchi rahbari yoki u vakolat bergan shaxs tomonidan tasdiqlanadi.

49. Budjet mablagʻlarini taqsimlovchilar Oʻzbekiston Respublikasi Iqtisodiyot va moliya vazirligiga jamlanma xarajatlar smetasi, jamlanma daromadlar va xarajatlar smetasi hamda jamlanma shtat jadvallari bilan bir vaqtda boʻysunuvlaridagi budjet tashkilotlari hamda budjet mablagʻlarini oluvchilar boʻyicha tasdiqlangan daromadlar va xarajatlar smetasini va shtat jadvallarini dasturiy majmua orqali yuboradi.

Mazkur bandning birinchi xatboshisida koʻrsatilgan hujjatlardan tashqari tarkibida ichki audit va moliyaviy nazorat xizmatlari mavjud boʻlgan budjet mablagʻlarini taqsimlovchilar ichki audit va moliyaviy nazorat xizmatlarining xulosalarini taqdim etadi.

Dasturiy majmuaga ulanmagan budjet mablagʻlarini taqsimlovchilar jamlanma xarajatlar smetasi, jamlanma daromadlar va xarajatlar smetasi va jamlanma shtat jadvallarini tegishincha Oʻzbekiston Respublikasi Iqtisodiyot va moliya vazirligi hamda uning hududiy organlariga roʻyxatdan oʻtkazish uchun taqdim qiladi.

6-bob. Oʻzbekiston Respublikasi Iqtisodiyot va moliya vazirligi hamda hududiy iqtisodiyot va moliya organlarida budjet tashkilotlari hamda budjet mablagʻlari oluvchilarning xarajatlar smetasini, daromadlar va xarajatlar smetasini va shtat jadvallarini, shuningdek budjet mablagʻlarini taqsimlovchilarning va markazlashtirilgan moliya-buxgalteriya xizmatlarining jamlanma xarajatlar smetasi, jamlanma daromadlar va xarajatlar smetasini va jamlanma shtat jadvallarini roʻyxatdan oʻtkazish

1-§. Umumiy qoidalar

50. Belgilangan tartibda tasdiqlangan budjet tashkilotlari va budjet mablagʻlari oluvchilarning xarajatlar smetasi, daromadlar va xarajatlar smetasi hamda shtat jadvallari, shuningdek budjet mablagʻlarini taqsimlovchilarning va markazlashtirilgan moliya-buxgalteriya xizmatlarining jamlanma xarajatlar smetasi, jamlanma daromadlar va xarajatlar smetasi hamda jamlanma shtat jadvallari, ular iqtisodiyot va moliya organlarida roʻyxatdan oʻtkazilganidan keyin amalga kiritiladi.

Iqtisodiyot va moliya organlari budjet mablagʻlarini taqsimlovchilar, budjet tashkilotlari va budjet mablagʻlari oluvchilari bilan birgalikda mazkur bandning birinchi xatboshisida koʻrsatilgan hujjatlarni har bir tashkilotni roʻyxatdan oʻtkazish muddatlarini budjet toʻgʻrisidagi qonunchilik hujjatlari bilan belgilangan muddatda roʻyxatga olishni toʻliq yakunlashni hisobga olgan holda belgilaydilar.

51. Xarajatlar smetasi, daromadlar va xarajatlar smetasi, shtat jadvallari, shuningdek jamlanma xarajatlar smetasi, jamlanma daromadlar va xarajatlar smetasi va jamlanma shtat jadvallarini roʻyxatdan oʻtkazish:

budjet mablagʻlarini taqsimlovchilarning jamlanma xarajatlar smetasi, jamlanma daromadlar va xarajatlar smetasi va jamlanma shtat jadvallari — Oʻzbekiston Respublikasi Iqtisodiyot va moliya vazirligi tomonidan (bunda boʻysunuvida budjet tashkilotlari hamda budjet mablagʻlari oluvchilari boʻlmagan budjet mablagʻlarini taqsimlovchilar boʻyicha xarajatlar smetasi, daromadlar va xarajatlar smetasi hamda shtat jadvallari roʻyxatdan oʻtkaziladi);

Qoraqalpogʻiston Respublikasining respublika budjetidan, viloyatlarning viloyat budjetlaridan va Toshkent shahrining shahar budjetidan moliyalashtiriladigan budjet tashkilotlari hamda budjet mablagʻlari oluvchilar xarajatlar smetasi, daromadlar va xarajatlar smetasi, shtat jadvallari — Qoraqalpogʻiston Respublikasining Iqtisodiyot va moliya vazirligi, viloyatlar va Toshkent shahar iqtisodiyot va moliya bosh boshqarmalari tomonidan;

shahar va tuman budjetlaridan moliyalashtiriladigan budjet tashkilotlari, markazlashtirilgan moliya-buxgalteriya xizmatlari hamda budjet mablagʻlari oluvchilarning (jamlanma) xarajatlar smetasi, daromadlar va xarajatlar smetasi, shtat jadvallari — tegishli tumanlar va shaharlar iqtisodiyot va moliya boʻlimlari tomonidan amalga oshiriladi.

Bunda, Qoraqalpogʻiston Respublikasining Iqtisodiyot va moliya vazirligi, viloyatlar va Toshkent shahar iqtisodiyot va moliya boshqarmalari kasbiy taʼlim tashkilotlarining xarajatlar smetasi va shtat jadvallarini, ular uchun Oʻzbekiston Respublikasi respublika budjeti shaxsiy gʻazna hisobvaraqlarini ochib, roʻyxatdan oʻtkazadi va Qoraqalpogʻiston Respublikasi, viloyatlar va Toshkent shahri boʻyicha kasbiy taʼlim tashkilotlarining jamlanma xarajatlar smetasi va jamlanma shtat jadvallarini Oʻzbekiston Respublikasi Iqtisodiyot va moliya vazirligiga belgilangan muddatlarda roʻyxatdan oʻtkazish uchun taqdim etadi.

52. Oʻzbekiston Respublikasi Tashqi ishlar vazirligining diplomatik muassasalarini hamda vazirlik va idoralar vakolatxonalarini saqlab turish uchun tasdiqlangan jamlanma xarajatlar smetasi Oʻzbekiston Respublikasi Iqtisodiyot va moliya vazirligining sohalarni moliyalashtiruvchi tegishli boʻlinmasi tomonidan roʻyxatdan oʻtkaziladi.

53. Iqtisodiyot va moliya organlari xarajatlar smetasi va shtat jadvallari roʻyxatdan oʻtkazilishi lozim boʻlgan tashkilotlar hisobini olib borishga majburlar.

2-§. Iqtisodiyot va moliya organlarida budjet tashkilotlari va budjet mablagʻlari oluvchilarning xarajatlar smetasi, daromadlar va xarajatlar smetasi hamda shtat jadvallari, shuningdek budjet mablagʻlarini taqsimlovchilarning va markazlashtirilgan moliya-buxgalteriya xizmatlarining jamlanma xarajatlar smetasi, jamlanma daromadlar va xarajatlar smetasini va shtat jadvallarini roʻyxatdan oʻtkazish

54. Xarajatlar smetasi tasdiqlangan xarajatlar boʻyicha quyidagi xarajatlar guruhiga ajratgan holda umumiy tarzda roʻyxatdan oʻtkaziladi:

ish haqi va unga tenglashtirilgan toʻlovlar;

ish beruvchilarning ajratmalari;

boshqa xarajatlar.

541. Markazlashtirilgan moliya-buxgalteriya xizmatlari tomonidan, jamlanma xarajatlar smetasi, jamlanma daromadlar va xarajatlar smetasi va jamlanma shtat jadvallari roʻyxatdan oʻtkazilgandan soʻng mazkur smetalar boʻyicha moliyalashtiriladigan boʻysunuvdagi tashkilotlarga 10 ish kuni ichida quyidagi maʼlumotlar taqdim etiladi:

shtat jadvallari va mazkur tashkilot xodimlari ish haqi stavkalari;

ishlab chiqarish koʻrsatkichlari (oʻquvchilar, sinflar, bolalar, koykalar, koyka-kun, bola-kunlari va boshqalar soni), bepul yoki imtiyozli oziq-ovqat oluvchi oʻquvchilar soni, birinchi sinf oʻquvchilarining soni, bepul qishki kiyim va poyafzal ajratiladigan, Ijtimoiy reyestrga kiritilgan oilalarning boshlangʻich sinflarda tahsil olayotgan oʻquvchilari soni va boshqa tarmoq koʻrsatkichlari;

budjet ajratilgan mablagʻlar doirasida sotib olishga moʻljallangan jihozlar va asbob-uskunalar roʻyxati;

joriy va kapital taʼmirlash boʻyicha asosiy ishlar roʻyxati.

Maʼlumotlar tegishli iqtisodiyot va moliya organlari tomonidan tasdiqlangan shakllarda taqdim etiladi.

55. Oʻzbekiston Respublikasi Vazirlar Mahkamasining zaxira jamgʻarmasi, Qoraqalpogʻiston Respublikasi respublika budjetining, viloyatlar viloyat budjetlarining va Toshkent shahri shahar budjetining zaxira jamgʻarmalari, shuningdek moliya yili boshidagi mavjud erkin qoldiqlar va tegishli budjet tizimi budjetlari ijrosi boʻyicha qoʻshimcha olingan daromadlar hisobidan tashkilotlar xarajatlarini moliyalashtirish (toʻlash) mazkur Nizom talablariga muvofiq tuzilgan va tegishli iqtisodiyot va moliya organida roʻyxatdan oʻtkazilgan xarajatlar smetasi asosida amalga oshiriladi.

56. Namunaviy shtatlar belgilangan tashkilotlarning shtat jadvali namunaviy shtatlarga muvofiq hamda xarajatlar smetasida nazarda tutilgan mehnatga haq toʻlash jamgʻarmasi doirasida roʻyxatdan oʻtkazish uchun qabul qilinadi.

Tashkilotlarga ish hajmiga koʻra namunaviy shtatlar qoʻllanishi mumkin boʻlmagan yoki tashkilotlar uchun tasdiqlangan shtatlar normativlari (namunaviy shtatlar) mavjud boʻlmagan hollarda, shtatlarni tasdiqlash huquqi berilgan tegishli rahbarlar tomonidan ular uchun belgilangan mehnatga haq toʻlash jamgʻarmasi doirasida tasdiqlangan shtatlar jadvali roʻyxatdan oʻtkazish uchun qabul qilinadi.

57. Tashkilotlar xodimlarining lavozim boʻyicha maoshlari va tarif stavkalari qonunchilik hujjatlariga muvofiq belgilanadi hamda roʻyxatdan oʻtkazish uchun xarajatlar smetasida nazarda tutilgan mehnatga haq toʻlash jamgʻarmasi doirasida qabul qilinadi.

58. Ish haqi miqdori tarifikatsiya boʻyicha belgilanadigan, yaʼni, attestatsiya natijalari boʻyicha beriladigan tegishli malaka toifasi mavjudligiga, ish vaqtining haqiqiy hajmiga va boshqalarga koʻra belgilanadigan xodimlar mehnatiga haq toʻlash jamgʻarmasi shtat jadvallarida koʻrsatiladi va u rahbar, bosh buxgalteri (buxgalter) tomonidan imzolanadigan tarifikatsiya roʻyxatidagi mehnatga haq toʻlash jamgʻarmasiga muvofiq boʻlishi lozim.

59. Xarajatlar smetasi mazkur xarajatlar smetasida tasdiqlangan barcha guruhlar boʻyicha xarajatlarni, xarajatlar yoyilmasiga va ularning hisob-kitoblariga toʻliq mos kelishini tekshirgan holda roʻyxatdan oʻtkazish uchun qabul qilinadi.

3-§. Xarajatlar smetasi va shtat jadvallarining tasdiqlanishi hamda roʻyxatdan oʻtkazilishining rasmiylashtirilishi toʻgʻriligini tekshirish

60. Tegishli iqtisodiyot va moliya organlari tashkilotlarning xarajatlar smetasini chuqur oʻrganish maqsadida budjet tashkilotlari hamda budjet mablagʻlari oluvchilarning xarajatlar smetasini, budjet mablagʻlarini taqsimlovchilarning va markazlashtirilgan moliya-buxgalteriya xizmatlarining jamlanma xarajatlar smetasini tuzish va ijro etishning istalgan bosqichida qoʻshimcha hisob-kitoblarini talab qilishga haqli.

61. Xarajatlar smetasi va shtat jadvallari, jamlanma xarajatlar smetasi va jamlanma shtat jadvallarini roʻyxatdan oʻtkazishdan oldin iqtisodiyot va moliya organlari quyidagilarni:

budjet tashkiloti xodimlariga ish haqi toʻlovi uchun xarajatlar smetasi boʻyicha tasdiqlangan summalarining shtat jadvaliga binoan tasdiqlangan ish haqi summalariga muvofiqligini (bunda, xarajatlar smetasidagi ish haqi jamgʻarmasi xodimlar toʻliq toʻldirilmaganligi dinamikasidan kelib chiqib, shtat jadvalidagidan kam miqdorda tasdiqlanishi mumkinligini nazarda tutish lozim);

roʻyxatdan oʻtkazish uchun taqdim etilgan shtat jadvallarini belgilangan namunaviy shtatlar va shtat normativlariga muvofiqligi;

shtat jadvallarida belgilangan lavozimlar boʻyicha maoshlar hamda ularga qoʻshimchalarning toʻgʻri belgilanganligi;

Budjet tashkilotlari xodimlarini moddiy ragʻbatlantirish maxsus jamgʻarmasining toʻgʻri shakllantirilganligini;

Umumtaʼlim, oʻrta maxsus, kasbiy taʼlim tashkilotlarining direktor jamgʻarmasi toʻgʻri shakllantirilganligini;

xarajatlar smetasida tasdiqlangan stipendiyalar uchun xarajatlar summasining xarajatlar smetasiga doir hisob-kitoblarga muvofiqligini;

budjet tashkilotlari budjetdan tashqari jamgʻarmalari boʻyicha tushumlarni hisobga olgan holda “Boshqa xarajatlar” guruhi xarajatlari summasining xarajatlar smetasida tasdiqlangan summasiga muvofiqligini;

konsullik yigʻimlarining kelib tushishini hisobga olgan holda Oʻzbekiston Respublikasi Tashqi ishlar vazirligining diplomatik muassasalarini saqlash uchun budjetdan ajratiladigan mablagʻlar xarajatlari hisob-kitobi toʻgʻriligini tekshirishi lozim.

62. Tashkilotlarning xarajatlar smetasi va shtat jadvallarini roʻyxatdan oʻtkazishda iqtisodiyot va moliya organlari ortiqcha shtatlarni chiqarib tashlashlari lozim. Aniqlangan kamchiliklar bartaraf etilganidan keyingina roʻyxatdan oʻtkazishni amalga oshirish lozim.

63. Yangidan tashkil etilayotgan jumladan, qayta tashkil etish natijasida tashkil qilingan tashkilotlarning xarajatlar smetasi va shtat jadvallarini roʻyxatdan oʻtkazish mazkur tashkilotlarni belgilangan tartibda tashkil qilinishi toʻgʻrisidagi tegishli qaror koʻrsatilganidan soʻng amalga oshiriladi.

64. Budjet tashkilotlari, markazlashtirilgan moliya-buxgalteriya xizmatlari yoki budjetdan mablagʻ oluvchilarning xarajatlar smetasi va shtat jadvallarini roʻyxatga olish mazkur Nizomning 6-ilovasiga muvofiq shakldagi roʻyxatdan oʻtkazish kartochkasini berish yoʻli bilan rasmiylashtiriladi.

Roʻyxatdan oʻtkazish kartochkasi yuridik shaxs maqomiga ega tashkilotlarga beriladi.

Yuridik shaxs maqomiga ega boʻlmagan, boshqa tashkilotning tuzilmaviy boʻlinmasi boʻlgan tuzilmalar oʻzlari qarashli boʻlgan tashkilotlar bilan birga bitta roʻyxatdan oʻtkazish kartochkasi boʻyicha roʻyxatdan oʻtkaziladi. Bunda, zarur hollarda, roʻyxatdan oʻtkazish kartochkasidagi shtatlar boʻyicha koʻrsatkichlar tashkilotlar boʻyicha va ularning tuzilmalari boʻyicha alohida beriladi.

Bunda, dasturiy majmuaga ulangan budjet tashkilotlari yoki budjetdan mablagʻ oluvchilarning xarajatlar smetasi, daromadlar va xarajatlar smetasi va shtat jadvallarini roʻyxatga olish elektron tarzda amalga oshiriladi.

65. Xarajatlar smetasi va shtat jadvallari roʻyxatdan oʻtkazilganligi toʻgʻrisidagi maʼlumotlar mazkur Nizomning 7-ilovasiga muvofiq shakldagi Budjet tashkilotlari, markazlashtirilgan moliya-buxgalteriya xizmatlari va budjetdan mablagʻ oluvchilarning roʻyxatga olingan (jamlanma) xarajatlar smetasi, daromadlar va xarajatlar smetasi va shtat jadvallarini hisobga olish jurnaliga kiritiladi.

Budjet mablagʻlarini taqsimlovchilarning jamlanma xarajatlar smetasi, jamlanma daromadlar va xarajatlar smetasi roʻyxatdan oʻtkazilganligi toʻgʻrisidagi maʼlumotlar mazkur Nizomning 7-ilovasiga muvofiq shakldagi Budjet tashkilotlari, markazlashtirilgan moliya-buxgalteriya xizmatlari va budjetdan mablagʻ oluvchilarning roʻyxatga olingan (jamlanma) xarajatlar smetasi, daromadlar va xarajatlar smetasi va shtat jadvallarini hisobga olish jurnaliga roʻyxatdan oʻtkazish kartochkasi rasmiylashtirmasdan kiritiladi.

Bunda, dasturiy majmua orqali roʻyxatdan oʻtkazilgan jamlanma xarajatlar smetasi, jamlanma daromadlar hamda xarajatlar smetasi va shtat jadvallarining hisobi Budjet tashkilotlari va budjetdan mablagʻ oluvchilarning roʻyxatga olingan (jamlanma) xarajatlar smetasi, daromadlar va xarajatlar smetasi va shtat jadvallarini hisobga olish jurnalida elektron tarzda yuritiladi.

66. Roʻyxatdan oʻtkazish kartochkalari, xarajatlar smetasi, daromadlar va xarajatlar smetasi hamda shtat jadvallari, shuningdek jamlanma xarajatlar smetasi, jamlanma daromadlar va xarajatlar smetasi va jamlanma shtat jadvallari quyidagi tarzda:

smetalar va shtat jadvallari Oʻzbekiston Respublikasi Iqtisodiyot va moliya vazirligida roʻyxatdan oʻtkaziladigan tashkilotlar boʻyicha — iqtisodiyot va moliya vazirining oʻrinbosari, vazirlikning tegishli tarkibiy boʻlinmalari (tashkilotlari) rahbarlari tomonidan;

hududiy iqtisodiyot va moliya organlarida — Qoraqalpogʻiston Respublikasi iqtisodiyot va moliya vaziri yoki uning oʻrinbosari, iqtisodiyot va moliya organlari boshliqlari (mudirlari) yoki ularning oʻrinbosarlari hamda iqtisodiyot va moliya organlari budjet boʻlimlari va iqtisodiyot va moliya organlarining tegishli (boʻlimlari) sektorlari boshliqlari tomonidan imzolanadi.

Bunda, dasturiy majmuaga ulangan budjet tashkilotlari va budjetdan mablagʻ oluvchilarning roʻyxatdan oʻtkazish kartochkalari, xarajatlar smetasi, daromadlar va xarajatlar smetasi hamda shtat jadvallari, shuningdek, jamlanma xarajatlar smetasi, jamlanma daromadlar va xarajatlar smetasi va jamlanma shtat jadvallari yuqoridagi masʼul shaxslarning ERIsi bilan imzolanadi.

68. Dasturiy majmuaga ulanmagan budjet tashkilotlari va budjetdan mablagʻ oluvchilarning roʻyxatdan oʻtkazilgan (jamlanma) xarajatlar smetasi va shtat jadvallarining bir nusxasi Oʻzbekiston Respublikasi Iqtisodiyot va moliya vazirligining sohalarni moliyalashtiruvchi tegishli boʻlinmalarida va hududiy iqtisodiyot va moliya organlarida alohida papkalarda saqlanadi.

69. Dasturiy majmuaga ulanmagan budjet tashkilotlari va budjet mablagʻlari oluvchilarning axborot tizimiga belgilangan tartibda roʻyxatdan oʻtkazilgan xarajatlar smetasi, daromadlar va xarajatlar smetasi koʻrsatkichlarini kiritish:

Oʻzbekiston Respublikasi respublika budjetidan moliyalashtiriladigan budjet tashkilotlari va budjet mablagʻlari oluvchilar boʻyicha — Oʻzbekiston Respublikasi Iqtisodiyot va moliya vazirligining sohalarni moliyalashtiruvchi tegishli boʻlinmalari;

Qoraqalpogʻiston Respublikasining respublika budjetidan, viloyatlarning viloyat budjetlaridan va Toshkent shahrining shahar budjetidan moliyalashtiriladigan budjet tashkilotlari va budjet mablagʻlari oluvchilar boʻyicha — Qoraqalpogʻiston Respublikasining Iqtisodiyot va moliya vazirligi, viloyatlar va Toshkent shahar iqtisodiyot va moliya boshqarmalarining tegishli boʻlimlari;

tuman va shahar budjetidan moliyalashtiriladigan budjet tashkilotlari va budjet mablagʻlari oluvchilar boʻyicha — tumanlar va shaharlar iqtisodiyot va moliya boʻlimlari tomonidan amalga oshiriladi.

70. Tashkilotlar rahbarlarining xarajatlar smetasi va shtat jadvallarini roʻyxatdan oʻtkazish masalalari boʻyicha arizalari mazkur hujjatlar roʻyxatdan oʻtkazilgan hududiy iqtisodiyot va moliya organining rahbari tomonidan uch kunlik muddatda koʻrib chiqiladi.

Xarajatlar smetasi va shtat jadvallarini roʻyxatdan oʻtkazgan hududiy iqtisodiyot va moliya organining qarori boʻyicha norozilik toʻgʻrisidagi arizalar yuqori turuvchi iqtisodiyot va moliya organlari tomonidan koʻrib chiqiladi.

Oʻzbekiston Respublikasi iqtisodiyot va moliya vazirining oʻrinbosari qarori boʻyicha norozilik toʻgʻrisidagi ariza Oʻzbekiston Respublikasi iqtisodiyot va moliya vaziri tomonidan koʻrib chiqiladi.

7-bob. Budjet tashkilotlari hamda budjet mablagʻlari oluvchilarning xarajatlar smetasi, daromadlar va xarajatlar smetasi, shtat jadvallariga, shuningdek budjet mablagʻlarini taqsimlovchining va markazlashtirilgan moliya-buxgalteriya xizmatlarining jamlanma xarajatlar smetasi, jamlanma daromadlar va xarajatlar smetasi hamda jamlanma shtat jadvallariga oʻzgartirishlar kiritish

71. Xarajatlar smetasiga oʻzgartirishlar budjet toʻgʻrisidagi qonunchilik hujjatlarida belgilangan tartib va miqdorlar doirasida roʻyxatdan oʻtkazish uchun qabul qilinadi.

Tasdiqlangan xarajatlar smetasiga yil mobaynida qonunchilik hujjatlari bilan belgilangan tartibda kiritiladigan oʻzgartirishlar toʻgʻrisida iqtisodiyot va moliya organlari (budjet mablagʻlarini taqsimlovchilar va markazlashtirilgan moliya-buxgalteriya xizmatlari oʻz boʻysunuvidagi) budjet tashkilotlari va budjet mablagʻlari oluvchilarni yozma shaklda xabardor qilishi lozim.

Mazkur oʻzgartirishlar budjet tashkilotlari tomonidan tasdiqlangan smetalarga tuzatishlar kiritmay, Budjet tashkilotlarida buxgalteriya hisobi toʻgʻrisidagi yoʻriqnoma (roʻyxat raqami 2169, 2010-yil 22-dekabr) bilan tasdiqlangan 294-son shakldagi kassa va haqiqiy xarajatlarni hisobga olish daftarida hisobga olib boriladi.

72. Budjet mablagʻlarini, markazlashtirilgan moliya-buxgalteriya xizmatlari taqsimlovchilarning, budjet tashkilotlari va budjet mablagʻlari oluvchilarning soʻrovi boʻyicha oʻzgartirishlardan tashqari barcha oʻzgartirishlar:

Oʻzbekiston Respublikasi Iqtisodiyot va moliya vazirligining sohalarni moliyalashtiruvchi tegishli boʻlinmalari mazkur Nizomning 12-ilovasiga muvofiq 17-son shakldagi maʼlumotnoma-bildirishnomani budjet mablagʻlarini taqsimlovchilarga yoʻllaydi. Bunda, boʻysunuvida budjet tashkiloti va budjet mablagʻlari oluvchilar mavjud budjet mablagʻlarini taqsimlovchilar 17-son shakldagi maʼlumotnoma-bildirishnoma asosida Oʻzbekiston Respublikasi Iqtisodiyot va moliya vazirligi bilan kelishilgan mazkur Nizomning 13-ilovasiga muvofiq 18-son shakldagi maʼlumotnoma-bildirishnomani boʻysunuvidagi tashkilotlarga yoʻllaydi;

tegishli hududiy iqtisodiyot va moliya organlari Qoraqalpogʻiston Respublikasi budjeti, viloyatlar va Toshkent shahar mahalliy budjetlaridan moliyalashtiriladigan budjet tashkiloti, markazlashtirilgan moliya-buxgalteriya xizmatlari va budjet mablagʻlari oluvchilarga 17-son shakldagi maʼlumotnoma-bildirishnomani yoʻllaydi.

73. Maʼlumotnoma-bildirishnomani olgandan soʻng budjet mablagʻlarini taqsimlovchilar, budjet tashkiloti, markazlashtirilgan moliya-buxgalteriya xizmatlari va budjet mablagʻlari oluvchilar mazkur Nizomning 14-ilovasiga muvofiq shaklda xarajatlar smetasidagi oʻzgartirishlar roʻyxatini:

budjet mablagʻlarini taqsimlovchi boʻysunuvidagi budjet tashkilotlari va budjet mablagʻlari oluvchilar — budjet mablagʻlarini taqsimlovchiga;

budjet mablagʻlarini taqsimlovchilar, hamda markazlashtirilgan moliya-buxgalteriya xizmatlari shuningdek yuqori turuvchi boʻysunuvga boʻlmagan budjet tashkilotlari va budjet mablagʻlari oluvchilar — tegishli iqtisodiyot va moliya organlariga taqdim etadi.

74. Manzilli va titul roʻyxatiga kiritilgan aniqliklar asosida kapital qurilish obyektlari boʻyicha xarajatlar smetasiga mazkur Nizomga asosan oʻzgartirishlar kiritiladi.

75. Budjet toʻgʻrisidagi qonunchilik hujjatlariga muvofiq budjet tashkilotining va budjet mablagʻlari oluvchining soʻroviga koʻra xarajatlar smetasiga oʻzgartirishlar mazkur Nizomning 14-ilovasiga muvofiq shaklda:

Oʻzbekiston Respublikasining respublika budjetidan moliyalashtiriladigan budjet tashkilotlari va budjet mablagʻlari oluvchilar, Oʻzbekiston Respublikasining xorijdagi diplomatik vakolatxonasi va konsullik muassasasi hamda vazirlik va idoralarning vakolatxonalari, shuningdek, ikkinchi darajali budjet mablagʻlari taqsimlovchilar boʻyicha birinchi darajali budjet mablagʻlarini taqsimlovchi tomonidan. Bunda, budjet mablagʻlarini taqsimlovchilar tomonidan tasarrufidagi tizim tashkilotlariga budjetdan ajratiladigan mablagʻlari doirasida faqat guruhlar boʻyicha oʻzgartirishlar kiritilishi mumkin;

birinchi darajali budjet mablagʻlarini taqsimlovchilar boʻyicha — Oʻzbekiston Respublikasi Iqtisodiyot va moliya vazirligi tomonidan;

Qoraqalpogʻiston Respublikasining respublika budjetidan, viloyatlarning viloyat budjetlaridan va Toshkent shahrining shahar budjetidan moliyalashtiriladigan budjet tashkilotlari va budjet mablagʻlari oluvchilar boʻyicha — Qoraqalpogʻiston Respublikasi Iqtisodiyot va moliya vazirligi, viloyatlar va Toshkent shahar iqtisodiyot va moliya bosh boshqarmalari tomonidan;

tumanlar va shaharlar budjetlaridan moliyalashtiriladigan budjet tashkilotlari, markazlashtirilgan moliya-buxgalteriya xizmatlari va budjet mablagʻlari oluvchilar boʻyicha — tumanlar va shaharlar iqtisodiyot va moliya boʻlimlari tomonidan roʻyxatdan oʻtkaziladi. Bunda markazlashtirilgan moliya-buxgalteriya xizmatlari boʻysunuvidagi budjet tashkilotlari kesimida va ularning rahbarlari bilan kelishgan holda oʻzgartirishlarning jamlanma soʻrovini ishlab chiqadi va taqdim etadi.

76. Dasturiy majmuaga ulanmagan budjet tashkilotlarining belgilangan tartibda roʻyxatdan oʻtkazilgan xarajatlar smetasidagi oʻzgartirishlar axborot tizimiga tegishli iqtisodiyot va moliya organlari tomonidan kiritiladi.

Dasturiy majmuaga ulangan budjet tashkilotlarining roʻyxatdan oʻtkazilgan xarajatlar smetasidagi oʻzgartirishlar ular tomonidan axborot tizimiga dasturiy majmua orqali joʻnatiladi.

Xarajatlar smetasining IV guruh xarajatlari (dori vositalari va oziq-ovqat mahsulotlariga xarajatlardan tashqari) boʻyicha oʻzgartirishlar, xarajatlar iqtisodiy tasnifi modda, kichik modda va elementlari doirasida kiritilishi mumkin. Ushbu oʻzgartirishlar budjet tashkilotlari va markazlashtirilgan moliya-buxgalteriya xizmatlari (ularning boʻysunuvidagi budjet tashkilotlari boʻyicha) tomonidan kiritiladi.

77. Daromadlar va xarajatlar smetasiga oʻzgartirishlarni roʻyxatdan oʻtkazish tartibi mazkur Nizomda daromadlar va xarajatlar smetasini roʻyxatdan oʻtkazish uchun belgilangan tartibda amalga oshiriladi va axborot tizimiga tegishli iqtisodiyot va moliya organlari tomonidan kiritiladi.

78. Budjet tashkilotlari, budjet mablagʻlari oluvchilar va budjet mablagʻlarini taqsimlovchilar xodimlarining lavozim boʻyicha maoshlari va tarif stavkalarida oldingi roʻyxatdan oʻtkazilganlariga nisbatan oʻzgartirishlar Oʻzbekiston Respublikasi Prezidentining ish haqini oshirish haqidagi farmonlariga muvofiq, shuningdek belgilangan tartibda xodimlarning navbatdagi attestatsiyasini oʻtkazish vaqtida budjet tashkilotlari uchun belgilangan mehnatga haq toʻlash jamgʻarmasi doirasida kiritilishi mumkin. Mazkur hollarda shtat jadvallariga oʻzgartirishlar roʻyxatdan oʻtkazilmaydi.

Boshqa barcha hollarda shtat jadvallariga kiritiladigan oʻzgartirishlar shtat jadvallarini roʻyxatdan oʻtkazish uchun belgilangan tartibda mazkur Nizomning 15-ilovasiga muvofiq shaklda roʻyxatdan oʻtkazilishi lozim.

79. Joriy moliya yilining oʻtgan oy (chorak)ida ishlatilmay qolgan budjetdan ajratiladigan mablagʻlar qoldigʻi joriy moliya yilining keyingi oyi (choragi)ga xarajatlar smetasiga oʻzgartirishlarni roʻyxatdan oʻtkazmasdan oʻtadi.

80. Tashkilotlar boshqa shahar yoki tumandan belgilangan tartibda oʻtkazilgan holda yuqori tashkilotlar rahbarlari oʻn kunlik muddatda yangi joylashgan joydagi iqtisodiyot va moliya organiga avval roʻyxatdan oʻtkazilgan smeta, shtat jadvallari va roʻyxatdan oʻtkazish kartochkasini taqdim etishlari lozim.

Bir vaqtning oʻzida iqtisodiyot va moliya organi tashkilotlarni saqlab turish xarajatlari smetasi va shtat jadvallarini roʻyxatdan oʻtkazish boʻyicha maʼlumotlarni oldingi roʻyxatdan oʻtkazish joyidagi iqtisodiyot va moliya organidan talab qiladi hamda mazkur maʼlumotlar taqdim qilingandan soʻng Budjet tashkilotlari va budjetdan mablagʻ oluvchilarning roʻyxatga olingan (jamlanma) xarajatlar smetasi, daromadlar va xarajatlar smetasi va shtat jadvallarini hisobga olish jurnaliga “hisobga qabul qilindi” deb yozadi yoki dasturiy majmuada hisobga qabul qilinadi. Bunda, roʻyxatdan oʻtkazish kartochkasi tegishli oʻzgartirishlar bilan yangisiga almashtiriladi.

Iqtisodiyot va moliya organi tashkilot boshqa joyga oʻtkazilganligi toʻgʻrisida ham Budjet tashkilotlari va budjetdan mablagʻ oluvchilarning roʻyxatga olingan (jamlanma) xarajatlar smetasi, daromadlar va xarajatlar smetasi va shtat jadvallarini hisobga olish jurnaliga yoki dasturiy majmuada tegishli yozuvni yozadi.

81. Tashkilotlar rahbarlarining xarajatlar smetasi va shtat jadvallariga oʻzgartirishlarni roʻyxatdan oʻtkazish masalalari boʻyicha arizalari mazkur hujjatlar roʻyxatdan oʻtkazilgan hududiy iqtisodiyot va moliya organining rahbari tomonidan oʻn kunlik muddatda koʻrib chiqiladi.

Xarajatlar smetasi va shtat jadvallariga oʻzgartirishlarni roʻyxatdan oʻtkazgan hududiy iqtisodiyot va moliya organining qarori boʻyicha norozilik toʻgʻrisidagi arizalar yuqori iqtisodiyot va moliya organida koʻrib chiqiladi.

Oʻzbekiston Respublikasi iqtisodiyot va moliya vazirining oʻrinbosari qarori boʻyicha norozilik toʻgʻrisidagi ariza Oʻzbekiston Respublikasi iqtisodiyot va moliya vaziri tomonidan koʻrib chiqiladi.

8-bob. Nazorat va javobgarlik

82. Budjet va smeta-shtat intizomiga rioya qilinishining nazorat etilishini taʼminlash maqsadida, xarajatlar smetasi va shtat jadvallari roʻyxatdan oʻtkazilgandan soʻng bir haftalik muddatda budjet tizimi budjetidan moliyalashtiriladigan vazirliklar, qoʻmitalar va idoralarning rahbarlari tomonidan vazirliklar, qoʻmitalar va idoralarda, shuningdek ular boʻysunuvidagi budjet tashkilotlari va budjet mablagʻlari oluvchilarning budjet va smeta-shtat intizomiga rioya qilinishini taʼminlovchi buyruqlar chiqariladi. Buyruqlarda quyidagilar tartibga solinadi:

budjet va smeta-shtat intizomiga rioya qilish, xarajatlarni tasdiqlangan budjetdan ajratiladigan mablagʻlar doirasida amalga oshirish;

ular boʻysunuvidagi budjet tashkilotlari va budjet mablagʻlari oluvchilar rahbarlarining quyidagilar boʻyicha majburiyatlari:

budjet va smeta-shtat intizomiga rioya qilinishi nazoratini tashkil qilish va amalga oshirish;

budjetga keltirilgan zararni qoplash boʻyicha choralarni qabul qilish;

budjet va smeta-shtat intizomini buzgan shaxslarni javobgarlikka tortish.

83. Kommunal xizmatlar (issiqlik va elektr energiyasi, gaz, issiq va sovuq suv, oqova suvlarni chiqarib yuborish) boʻyicha tashkilotlar uchun belgilangan pul va naturadagi limitlarga rioya qilishni taʼminlash maqsadida buyruqlarda, shuningdek quyidagilarga javobgar boʻlgan mansabdor shaxslar koʻrsatiladi:

kommunal xizmatlar isteʼmol qilish limitlarini boʻysunuvlaridagi budjet tashkilotlari va budjet mablagʻlari oluvchilarga yetkazish;

belgilangan limitlar doirasida kommunal xizmatlar yetkazib beruvchilari bilan shartnomalar tuzishni taʼminlash;

kommunal xizmatlar isteʼmoli hisobini oʻlchash asboblarini oʻrnatish va ularning ishlashi ustidan nazorat oʻrnatish;

belgilangan limitlardan ortiqcha xarajatga yoʻl qoʻygan oʻz boʻysunuvidagi budjet tashkilotlari va budjet mablagʻlari oluvchilarning rahbarlari hamda bosh buxgalterlarini (buxgalterlarini) javobgarlikka tortish yuzasidan choralar koʻrish;

kommunal xizmatlar yetkazib beruvchilarini shartnomalarda oʻrnatilgan hajmlardan va budjet mablagʻlari limitlaridan ortiqcha koʻrsatayotgan xizmatlar uchun haq toʻlanmasligi toʻgʻrisida ogohlantirish;

buyruqda koʻrsatilgan koʻrsatmalarni bajarish.

84. Buyruq chiqarilgandan soʻng uch kun muddat ichida uning bir nusxasi Oʻzbekiston Respublikasi Iqtisodiyot va moliya vazirligiga taqdim etiladi.

85. Buyruqlar bilan quyidagilar bir haftalik muddat ichida imzo qoʻydirib tanishtiriladilar:

budjetdan moliyalashtiriladigan vazirliklar, qoʻmitalar va idoralar rahbarlarining oʻrinbosarlari;

budjetdan moliyalashtiriladigan vazirliklar, qoʻmitalar va idoralarning moliya reja-iqtisod xizmatlari xodimlari;

budjetdan ajratiladigan mablagʻlarning sarflanishiga masʼul boʻlgan boshqa xodimlar;

oʻz boʻysunuvidagi budjet tashkilotlari va budjet mablagʻlari oluvchilarning rahbarlari hamda bosh buxgalterlari (buxgalterlari).

86. Har yili iqtisodiyot va moliya organlari kelgusi moliya yilining birinchi choragida barcha budjet tashkilotlari va budjet mablagʻlari oluvchilarning xarajatlar smetasi (daromadlar va xarajatlar smetasi), budjet mablagʻlarini taqsimlovchining va markazlashtirilgan moliya-buxgalteriya xizmatlarining jamlanma xarajatlar smetasi tuzilishi, tasdiqlanishining toʻgʻriligini va oʻz vaqtida yetkazilishini tekshirishdan oʻtkazishi, hududiy iqtisodiyot va moliya organlari tomonidan mazkur ishlarning oʻz vaqtida va sifatli olib borilganligini tizimli nazorat qilishi, tekshiruvlarni tashkillashtirishda va oʻtkazishda ularga zarur yordamni koʻrsatishi lozim.

87. Mazkur Nizomning 86-bandida koʻrsatilgan tekshirishlarni oʻtkazishda:

smeta-moliya hujjatlarini chuqur tahlil qilishni va har tomonlama oʻrganishni amalga oshirish;

Oʻzbekiston Respublikasi va Qoraqalpogʻiston Respublikasi vazirliklar, qoʻmitalari va idoralari, hokimiyatlarining tegishli boshqarmalari va boʻlimlarida xarajatlar smetasini koʻrib chiqish, tasdiqlash, roʻyxatdan oʻtkazish va oʻz vaqtida tashkilotlarga yetkazish boʻyicha ishlarni toʻgʻri tashkillashtirishga erishish;

daromadlarning toʻliq hisobi, pul mablagʻlarining oʻtuvchi qoldiqlari, bu mablagʻlardan tejamli va maqsadli foydalanilishini inobatga olgan holda, daromadlar va xarajatlar smetasining daromadlar shakllanishining qonuniyligi va xarajatlar rejalashtirilishining asoslanganligini eʼtiborga olish;

xarajatlarni rejalashtirishda aniqlangan kamchiliklarni bartaraf etishda tezkor holda chora-tadbirlarni qoʻllash, xarajatlar smetasi boʻyicha aniqlangan ortiqcha budjetdan ajratiladigan mablagʻlar summasini bu haqda budjet tashkilotlari va budjet mablagʻlari oluvchilar, shuningdek budjet mablagʻlarini taqsimlovchilar rahbarlariga xabar bergan holda oʻz vaqtida budjetdan moliyalashtirish miqdorini qisqartirish zarur.

88. Budjet tashkilotlari, budjet mablagʻlari oluvchilar, Oʻzbekiston Respublikasi va Qoraqalpogʻiston Respublikasi vazirliklari, qoʻmitalari va idoralari, hokimiyatning boshqarmalari va boʻlimlarida xarajatlarni rejalashtirish holatini tekshirish natijalari boʻyicha zarur hollarda Oʻzbekiston Respublikasi Vazirlar Mahkamasiga, Qoraqalpogʻiston Respublikasi Vazirlar Kengashiga, tegishli hokimiyatlarga qoida buzilishlarni bartaraf etish va aniqlangan ortiqcha budjetdan ajratilgan mablagʻlar summasini xarajatlar smetasidan kamaytirish toʻgʻrisida takliflar kiritish bilan axborot berilishi mumkin.

Tashkilotlarning xarajatlar smetasining toʻgʻri tuzilishi, tasdiqlanishi va oʻz vaqtida yetkazilishi boʻyicha tekshirish natijalari Oʻzbekiston Respublikasi Iqtisodiyot va moliya vazirligi va hududiy iqtisodiyot va moliya organlarida, shuningdek, Oʻzbekiston Respublikasi vazirliklari, qoʻmitalari, idoralarida muntazam umumlashtiriladi va koʻrib chiqiladi hamda mazkur ishlarni yanada takomillashtirish boʻyicha chora-tadbirlar qabul qilinadi.

89. Budjet tashkilotlari, markazlashtirilgan moliya-buxgalteriya xizmatlari va budjet mablagʻlari oluvchilarning (jamlanma) smeta ijrosi bevosita mazkur tashkilot rahbarlari tomonidan amalga oshiriladi. Budjet mablagʻlaridan tasdiqlanmagan xarajatlar smetasi, budjet tashkilotlari, markazlashtirilgan moliya-buxgalteriya xizmatlari va budjet mablagʻlari oluvchilarning (jamlanma) xarajatlar smetasida nazarda tutilmagan tadbirlar, shuningdek daromadlar va xarajatlar smetasi boʻyicha smetada yoki jamlanma xarajatlar smetasi va alohida xarajatlar smetasida tasdiqlangandan ortiq summalarda xarajat qilish taqiqlanadi.

90. Vazirliklar, qoʻmitalar va idoralar, budjet tashkilotlari hamda budjet mablagʻlari oluvchilar rahbarlari, shuningdek ular boʻysunuvidagi tashkilotlar smeta-shtat intizomiga va smeta-shtat hujjatlarining taqdim etish muddatiga rioya qilinishi uchun shaxsan javob beradilar.

Roʻyxatdan oʻtkazish uchun taqdim qilingan xarajatlar smetasiga keltirilgan hisob-kitoblarda koʻrsatilgan budjet tashkilotlari va budjet mablagʻlari oluvchilarning iqtisodiy va ishlab chiqarish koʻrsatkichlari (tarifikatsiya roʻyxati, maydoni, hajmi, sarflanayotgan kommunal xizmatlari boʻyicha tabiiy koʻrsatkichlar hajmi hamda ular boʻyicha xarajatlarning tasdiqlangan xarajatlar smetasiga va pasport maʼlumotiga, shartnomalar va boshqalarga mosligi)ning toʻgʻriligi va asoslanganligi uchun tashkilotlarining rahbarlari va bosh buxgalterlari (buxgalterlari), moliya-iqtisod boʻlimi boshliqlari (shtat jadvallariga muvofiq moliya-iqtisod masalalari boʻyicha mutaxassis) shaxsan javobgar boʻladi.

Roʻyxatdan oʻtkazish uchun taqdim qilingan jamlanma xarajatlar smetasiga keltirilgan hisob-kitoblarda koʻrsatilgan budjet mablagʻlarini taqsimlovchilarning va markazlashtirilgan moliya-buxgalteriya xizmatlarining iqtisodiy va ishlab chiqarish koʻrsatkichlarining toʻgʻriligi va asoslanganligi uchun budjet mablagʻlarini taqsimlovchilar rahbarlari va bosh buxgalterlari (buxgalterlari), moliya-iqtisod boʻlimi boshliqlari shaxsan javobgar boʻladi.

Iqtisodiyot va moliya organlari va budjet mablagʻlarini taqsimlovchilarning masʼul xodimlari tashkilotlarning xarajatlar smetasi va shtat jadvallarining, shuningdek ularga kiritilgan oʻzgartirishlarning roʻyxatdan oʻtkazilishi toʻgʻriligi uchun javobgar boʻladilar.

91. Mazkur Nizom talablari buzilishida aybdor boʻlgan shaxslar qonunchilik hujjatlarida belgilangan tartibda javobgar boʻladilar.

Budjet tashkilotlari va budjet mablagʻlari oluvchilarning xarajatlar smetasi va shtat jadvallarini tuzish, tasdiqlash va roʻyxatdan oʻtkazish tartibi toʻgʻrisidagi nizomga 1-ILOVA

_____yil uchun ____________________________________(roʻyxatdan oʻtkazuvchi tashkilotning nomi)_______________________________roʻyxatdan oʻtkazildi____________________________da___-son roʻyxatdan oʻtkazish kartochkasi 20___yil “____” ______________________________(imzo)__________________(imzo)M.Oʻ.ming soʻm miqdorida tasdiqlangan(summa yozuv va raqam bilan)Jumladan ish haqiming soʻm(summa yozuv va raqam bilan)Budjet tashkiloti (budjet mablagʻlari oluvchi)ning rahbari__________________________________________________(imzo)(F.I.O.)20___yil “___” ____________M.Oʻ.

‎‎‎‎______ yil uchun xarajatlar ‎SMETASI ‎‎‎Tashkilotning toʻliq nomi: _________________________________________‎‎‎‎Toʻliq manzil: ____________________________________________________‎‎‎‎Budjet darajasi: ________________________________________________‎‎‎‎Boʻlim: __________________________________________________________‎‎‎‎Kichik boʻlim:_____________________________________________________‎‎‎‎Bob: _____________________________________________________________‎‎‎‎Oʻlchov birligi: ___________________________________________________‎‎

Moddalar nomi ‎‏‎‏ ‎‏ ‎‏Toifa ‎‎‏ ‎‏ ‏Modda va kichik modda ‎Element‎‏‏ ‎‏ ‎_____ yil‎‎_____ yil‎_________________ yil‎‎kiritilgan oʻzgartirishlar bilan tasdiqlangan ‎‏‎‏ ‎tashkilot tomonidan hisoblangan ‎‏tasdiqlangan‎‎hammasi‎‏shu jumladan, choraklar boʻyicha‎‎I chorak boʻyicha jami ‎‏jumladan, oylar boʻyicha ‎‎II chorak boʻyicha jami ‎‏jumladan, oylar boʻyicha ‎‎III chorak boʻyicha jami ‎‏jumladan, oylar boʻyicha ‎‎IV chorak boʻyicha jami ‎‏jumladan, oylar ‎boʻyicha ‎‎yanvar‎fevral‎mart‎aprel‎may‎iyun‎iyul‎avgust‎sentabr‎oktabr‎noyabr‎dekabr‎I guruh xarajatlari — ish haqi va unga tenglashtirilgan toʻlovlar‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎I guruh xarajatlari boʻyicha jami‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎II guruh xarajatlari — ish beruvchining ajratmalari‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎II guruh xarajatlari boʻyicha jami‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎IV guruh xarajatlari — boshqa xarajatlar‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎IV guruh xarajatlari boʻyicha jami‎‎‎‎‎‎‎‎‎‎‎‎‎‎‎‎‎‎‎‎‎‎‎Smeta boʻyicha jami:‎‎‎‎‎‎‎‎‎‎‎‎‎‎‎‎‎‎‎‎‎‎‎Xarajatlar qoplanadi:‎‎‎‎‎‎‎‎‎‎‎‎‎‎‎‎‎‎‎‎‎‎‎budjet mablagʻlari hisobidan‎‎‎‎‎‎‎‎‎‎‎‎‎‎‎‎‎‎‎‎‎‎‎ota-onalar (MTM uchun) mablagʻlari hisobidan‎‎‎‎‎‎‎‎‎‎‎‎‎‎‎‎‎‎‎‎‎‎‎statsionar davolash-profilaktika muassasalarida davolanayotganlar tarkibi ovqatlanishi uchun toʻlanadigan mablagʻlar hisobidan ‎‎‎‎‎‎‎‎‎‎‎‎‎‎‎‎‎‎‎‎‎‎‎Bundan tashqari xarajatlar tashkilotlarning daromadlaridan (teatr tomoshalari, ommaviy axborot vositalari va boshqalar) qoplanadi‎‎‎‎‎‎‎‎‎‎‎‎‎‎‎‎‎‎‎‎‎‎‎

‎‎Bosh buxgalter (buxgalter)_____________________‎‎‎‎‎‎Moliya-iqtisod boʻlimi boshligʻi ‎(moliyaviy-iqtisodiy masalalar boʻyicha mutaxassis)_____________________‎‎‎(imzo)‎‎‎‎‎‎(imzo) ‎M.Oʻ.‎‎‎‎‎‎‎‎‎‎‎

Xarajatlar smetasiga 1-ILOVA

(2-ilova Oʻzbekiston Respublikasi iqtisodiyot va moliya vazirining 2023-yil 28-martdagi 5-sonli buyrugʻiga (roʻyxat raqami 2634-4, 05.05.2023-y.) asosan oʻz kuchini yoʻqotgan — Qonunchilik maʼlumotlari milliy bazasi, 10.05.2023-y., 10/23/2634-4/0264-son)

Budjet tashkilotlari va budjet mablagʻlari oluvchilarning xarajatlar smetasi va shtat jadvallarini tuzish, tasdiqlash va roʻyxatdan oʻtkazish tartibi toʻgʻrisidagi nizomga 1a-ILOVA

“TASDIQLAYMAN”Budjet mablagʻlarini taqsimlovchi rahbari_____________________(imzo)M.Oʻ.20 ___ y. “___” __________________________________________ miqdorida tasdiqlangan(summa yozuv va raqam bilan)Jumladan ish haqi _______________________________________(summa yozuv va raqam bilan)______ yil uchun xarajatlarSMETASI_______________________________________________________(diplomatik muassasa, konsullik idora, vakolatxona nomi)Moddalar nomiToifaModda va kichik moddaElement___ yil___ yil_________________ yilkiritilgan oʻzgartirishlar bilan tasdiqlangantashkilot tomonidan hisoblangantasdiqlanganhammasishu jumladan, choraklar boʻyichaI chorak boʻyicha jamijumladan, oylar boʻyichaII chorak boʻyicha jamijumladan, oylar boʻyichaIII chorak boʻyicha jamijumladan, oylar boʻyichaIV chorak boʻyicha jamijumladan, oylar boʻyichayanvarfevralmartaprelmayiyuniyulavgustsentabroktabrnoyabrdekabrI guruh xarajatlari — ish haqi va unga tenglashtirilgan toʻlovlarI guruh xarajatlari boʻyicha jamiII guruh xarajatlari — ish beruvchining ajratmalariII guruh xarajatlari boʻyicha jamiIV guruh xarajatlari — boshqa xarajatlarIV guruh xarajatlari boʻyicha jamiJami:Xarajatlar qoplanadi:Konsullik tushumlari hamda qoldiq mablagʻlar hisobidanRespublika budjeti hisobidan* Aviachiptalarni sotib olish uchun Oʻzbekiston Respublikasi Markaziy banki tomonidan xarid kunida belgilangan kurs boʻyicha milliy valyutada ajratiladigan mablagʻlar.** Mazkur shakl boʻyicha jamlanma xarajatlar smetasi (“Boshqa xarajatlar” boʻyicha IV guruh xarajatlari yoyilmasi ilova qilingan holda) Oʻzbekiston Respublikasi Iqtisodiyot va moliya vazirligi bilan kelishilgan holda tasdiqlanadi.Vazirlik va idora rahbari oʻrinbosariVazirlik va idoraning moliya-iqtisod boshqarmasi boshligʻi__________________(imzo)(imzo)Vazirlik va idoraning bosh hisobchisi_________(imzo)

* Aviachiptalarni sotib olish uchun Oʻzbekiston Respublikasi Markaziy banki tomonidan xarid kunida belgilangan kurs boʻyicha milliy valyutada ajratiladigan mablagʻlar.

** Mazkur shaklda jamlanma xarajatlar smetasi (“Boshqa xarajatlar” boʻyicha IV guruh xarajatlari yoyilmasi ilova qilingan holda) tasdiqlanadi.

Xarajatlar smetasiga ILOVA

“Boshqa xarajatlar” boʻyicha IV guruh xarajatlariYOYILMASIModdalar nomiToifaModda va kichik moddaElement_________________ yiltasdiqlanganhammasishu jumladan, choraklar boʻyichaI chorak boʻyicha jamijumladan, oylar boʻyichaII chorak boʻyicha jamijumladan, oylar boʻyichaIII chorak boʻyicha jamijumladan, oylar boʻyichaIV chorak boʻyicha jamijumladan, oylar boʻyichayanvarfevralmartaprelmayiyuniyulavgustsentabroktabrnoyabrdekabrIV guruh xarajatlari — boshqa xarajatlarBoshqa xarajatlar — jami jumladan:....* Aviachiptalarni sotib olish uchun Oʻzbekiston Respublikasi Markaziy banki tomonidan xarid kunida belgilangan kurs boʻyicha milliy valyutada ajratiladigan mablagʻlar.** Mazkur shakl boʻyicha jamlanma xarajatlar smetasi (Boshqa xarajatlar” boʻyicha IV guruh xarajatlari yoyilmasi ilova qilingan holda) Oʻzbekiston Respublikasi Iqtisodiyot va moliya vazirligi bilan kelishilgan holda tasdiqlanadi.Vazirlik va idora rahbari oʻrinbosariVazirlik va idoraning moliya-iqtisod boshqarmasi boshligʻi__________________(imzo)(imzo)Vazirlik va idoraning bosh hisobchisi_________(imzo)

* Aviachiptalarni sotib olish uchun Oʻzbekiston Respublikasi Markaziy banki tomonidan xarid kunida belgilangan kurs boʻyicha milliy valyutada ajratiladigan mablagʻlar.

** Mazkur shaklda jamlanma xarajatlar smetasi (“Boshqa xarajatlar” boʻyicha IV guruh xarajatlari yoyilmasi ilova qilingan holda) tasdiqlanadi.

Budjet tashkilotlari va budjet mablagʻlari oluvchilarning xarajatlar smetasi va shtat jadvallarini tuzish, tasdiqlash va roʻyxatdan oʻtkazish tartibi toʻgʻrisidagi nizomga 2-ILOVA

(3-ilova Oʻzbekiston Respublikasi iqtisodiyot va moliya vazirining 2024-yil 15-noyabrdagi 192-sonli buyrugʻiga (roʻyxat raqami 2634-6, 29.11.2024-y.) asosan oʻz kuchini yoʻqotgan — Qonunchilik maʼlumotlari milliy bazasi, 02.12.2024-y., 10/24/2634-6/0990-son)

Budjet tashkilotlari va budjet mablagʻlari oluvchilarning xarajatlar smetasi va shtat jadvallarini tuzish, tasdiqlash va roʻyxatdan oʻtkazish tartibi toʻgʻrisidagi nizomga 5-ILOVA

Budjet tashkilotlarining budjetdan tashqari mablagʻlar boʻyicha daromadlar va xarajatlar smetasiga ILOVA

Budjet tashkilotlari va budjet mablagʻlari oluvchilarning xarajatlar smetasi va shtat jadvallarini tuzish, tasdiqlash va roʻyxatdan oʻtkazish tartibi toʻgʻrisidagi nizomga 6-ILOVA

(6-ilova Oʻzbekiston Respublikasi adliya vazirining 2024-yil 12-fevraldagi 7-mh-sonli buyrugʻi (roʻyxat raqami 3496, 12.02.2024-y.) tahririda — Qonunchilik maʼlumotlari milliy bazasi, 13.02.2024-y., 10/24/3496/0121-son)

Budjet tashkilotlari va budjet mablagʻlari oluvchilarning xarajatlar smetasi va shtat jadvallarini tuzish, tasdiqlash va roʻyxatdan oʻtkazish tartibi toʻgʻrisidagi nizomga 7-ILOVA

Budjet tashkilotlari, markazlashtirilgan moliya-buxgalteriya xizmatlari va budjetdan mablagʻ oluvchilarning roʻyxatga olingan (jamlanma) xarajatlar smetasi, daromadlar va xarajatlar smetasi va shtat jadvallarini hisobga olish

JURNALI

Izoh: moliya yili mobaynida tashkil qilingan barcha yangi tashkilotlar jurnalning alohida betida roʻyxatdan oʻtkaziladi

Budjet tashkilotlari va budjet mablagʻlari oluvchilarning xarajatlar smetasi va shtat jadvallarini tuzish, tasdiqlash va roʻyxatdan oʻtkazish tartibi toʻgʻrisidagi nizomga 8-ILOVA

Oʻzbekiston Respublikasi Iqtisodiyot va moliya vazirligida____ yil uchun roʻyxatdan oʻtkazildi20__ yil “___” ________ dagi___-son roʻyxatdan oʻtkazish kartochkasi __________________(imzo)__________________(imzo)M.Oʻ.ming soʻm miqdorida tasdiqlangan(summa yozuv va raqam bilan)Jumladan ish haqiming soʻm(summa yozuv va raqam bilan)Budjet mablagʻlarini taqsimlovchi rahbari__________________________________________________(imzo)(F.I.O.)20___ yil “___” ____________M.Oʻ.______ yil uchun jamlanma xarajatlarSMETASITashkilot shaklining toʻliq nomi: ______Toʻliq manzil: _______________________Budjet darajasi: ____________________Boʻlim: ______________________________Kichik boʻlim: _________________________Bob: _________________________________Oʻlchov birligi: ________________________Guruhlarning nomlanishi _____ yil_____ yil_________________ yilkiritilgan oʻzgartirishlar bilan tasdiqlangan tashkilot tomonidan hisoblangan tasdiqlanganHammasishu jumladan, choraklar boʻyichaI chorak boʻyicha jami jumladan, oylar boʻyicha II chorak boʻyicha jami jumladan, oylar boʻyichaIII chorak boʻyicha jami jumladan, oylar boʻyichaIV chorak boʻyicha jamiyanvarfevralmartaprelmayiyuniyulavgustsentabroktabrnoyabrdekabrI guruh xarajatlari boʻyicha jamiII guruh xarajatlari boʻyicha jamiIV guruh xarajatlari — boshqa xarajatlarJami:Xarajatlar qoplanadi:budjet mablagʻlari hisobidanota-onalar (MTM uchun) mablagʻlari hisobidanstatsionar davolash-profilaktika muassasalarida davolanayotganlar tarkibi ovqatlanishi uchun toʻlanadigan mablagʻlar hisobidan Bundan tashqari xarajatlar tashkilotlarning daromadlaridan (teatr tomoshalari, ommaviy axborot vositalari va boshqalar) qoplanadi

Budjet tashkilotlari va budjet mablagʻlari oluvchilarning xarajatlar smetasi va shtat jadvallarini tuzish, tasdiqlash va roʻyxatdan oʻtkazish tartibi toʻgʻrisidagi nizomga 9-ILOVA

Budjet tashkilotlarining budjetdan tashqari jamgʻarmalari boʻyicha jamlanma daromadlar va xarajatlar smetasiga ILOVA

(10-ilova Oʻzbekiston Respublikasi iqtisodiyot va moliya vazirining 2024-yil 15-noyabrdagi 192-sonli buyrugʻiga (roʻyxat raqami 2634-6, 29.11.2024-y.) asosan oʻz kuchini yoʻqotgan — Qonunchilik maʼlumotlari milliy bazasi, 02.12.2024-y., 10/24/2634-6/0990-son)

Budjet tashkilotlari va budjet mablagʻlari oluvchilarning xarajatlar smetasi va shtat jadvallarini tuzish, tasdiqlash va roʻyxatdan oʻtkazish tartibi toʻgʻrisidagi nizomga 11-ILOVA

Budjetdan tashqari mablagʻlar boʻyicha vazirliklar va idoralarining jamlanma daromadlar va xarajatlar smetasiga ILOVA

(11-ilova Oʻzbekiston Respublikasi adliya vazirining 2024-yil 12-fevraldagi 7-mh-sonli buyrugʻi (roʻyxat raqami 3496, 12.02.2024-y.) tahririda — Qonunchilik maʼlumotlari milliy bazasi, 13.02.2024-y., 10/24/3496/0121-son)

Budjet tashkilotlari va budjet mablagʻlari oluvchilarning xarajatlar smetasi va shtat jadvallarini tuzish, tasdiqlash va roʻyxatdan oʻtkazish tartibi toʻgʻrisidagi nizomga 12-ILOVA

Budjet tashkilotlari va budjet mablagʻlari oluvchilarning xarajatlar smetasi va shtat jadvallarini tuzish, tasdiqlash va roʻyxatdan oʻtkazish tartibi toʻgʻrisidagi nizomga 13-ILOVA

Budjet tashkilotlari va budjet mablagʻlari oluvchilarning xarajatlar smetasi va shtat jadvallarini tuzish, tasdiqlash va roʻyxatdan oʻtkazish tartibi toʻgʻrisidagi nizomga 14-ILOVA

* faqat oʻzgartirish kiritilayotgan oylar koʻrsatiladi.

(14a-ilova Oʻzbekiston Respublikasi iqtisodiyot va moliya vazirining 2026-yil 12-yanvardagi 318-sonli buyrugʻiga (roʻyxat raqami 2634-9, 24.01.2026-y.) asosan oʻz kuchini yoʻqotgan — Qonunchilik maʼlumotlari milliy bazasi, 26.01.2026-y., 10/26/2634-9/0074-son)

Budjet tashkilotlari va budjet mablagʻlari oluvchilarning xarajatlar smetasi va shtat jadvallarini tuzish, tasdiqlash va roʻyxatdan oʻtkazish tartibi toʻgʻrisidagi nizomga 15-ILOVA

________________________da roʻyxatdan (roʻyxatdan oʻtkazilgan tashkilot nomi) oʻtkazildi 20__ yil “___” __________dagi ___-son roʻyxatdan oʻtkazish kartochkasi ____________________ (imzo) ____________________ (imzo) M.Oʻ. “Tasdiqlayman” 1. Maʼmuriy-boshqaruv, maʼmuriy-xoʻjalik, oʻquv-yordamchi va boshqa xodimlar shtat miqdori kiritilgan oʻzgartirishlar hisobi bilan ______ birlik 2. Yillik mehnatga haq toʻlash jamgʻarmasi kiritilgan oʻzgartirishlar hisobi bilan __________________ soʻm Budjet tashkiloti (budjetdan mablagʻ oluvchi) rahbari __________________ (imzo) 20___yil “____”______________ M.Oʻ.

(Oʻzbekiston Respublikasi qonun hujjatlari toʻplami, 2014-y., 51-son, 612-modda; 2017-y., 3-son, 47-modda; Qonun hujjatlari maʼlumotlari milliy bazasi, 09.11.2018-y., 10/18/2634-2/2175-son; Qonunchilik maʼlumotlari milliy bazasi, 30.11.2021-y., 10/21/3338/1117-son; 28.10.2022-y., 10/22/2634-3/0975-son; 10.05.2023-y., 10/23/2634-4/0264-son; 31.07.2023-y., 10/23/2634-5/0541-son; 13.02.2024-y., 10/24/3496/0121-son; 02.12.2024-y., 10/24/2634-6/0990-son; 28.12.2024-y., 10/24/3595/1086-son; 20.01.2025-y., 10/25/2634-7/0050-son; 14.10.2025-y., 10/25/2634-8/0930-son; 26.01.2026-y., 10/26/2634-9/0074-son; 15.07.2026-y., 10/26/2634-10/0738-son)