Ikki tomonlama soliq solishga yoʻl qoʻymaslik hamda daromad (foyda)ga va mulkka soliqlar toʻlashdan boʻyin tovlashlarning oldini olish toʻgʻrisida

27.05.1996

Oʻzbekiston Respublikasi Hukumati va Ozarbayjon Respublikasi Hukumati oʻrtasida

Bitim

Oʻzbekiston Respublikasi Hukumati va Ozarbayjon Respublikasi Hukumati,

ikki tomonlama soliq solishga yoʻl qoʻymaslik hamda daromad (foyda)ga va mulkka solinadigan soliqlarni toʻlashdan boʻyin tovlashlarning oldini olish toʻgʻrisida bitim tuzishga xohish bildirib, shuningdek, ikkala mamlakat oʻrtasida iqtisodiy hamkorlikni rivojlantirish va mustahkamlash maqsadida,

quyidagilar haqida ahdlashib oldilar

1-modda Qoʻllanish sohasi

Ushbu Bitim Ahdlashayotgan Davlatlarning biri yoki har ikkalasining rezidentlari hisoblanadigan shaxslarga qoʻllaniladi.

2-modda Bitim qoʻllaniladigan soliqlar

1. Mazkur Bitim Ahdlashayotgan Davlatlardan undiriladigan, ularni undirish usullaridan qatʼi nazar, daromad (foyda)ga va mulkka solinadigan soliqlarga qoʻllaniladi.

2. Umumiy daromaddan yoki uning bir qismidan olinadigan barcha soliqlar, jumladan, koʻchar mulk yoki koʻchmas mulkni sotishdan olinadigan daromad (foyda)ga solinadigan soliqlar va. korxonalar tomonidan toʻlanadigan ish haqi yoki mukofotlarning umumiy summasidan olinadigan soliqlar daromad (foyda)ga va mulkka solinadigan soliqlarga kiradi.

3. Mazkur Bitim qoʻllaniladigan mavjud soliqlar koʻpincha quyidagilar hisoblanadi:

a) Oʻzbekiston Respublikasiga nisbatan:

(I) korxonalar, birlashmalar va tashkilotlarning daromadlari (foydalari)dan olinadigan soliqlar;

(II) Oʻzbekiston Respublikasi fuqarolaridan, xorijiy fuqarolar va fuqaroligi boʻlmagan shaxslardan olinadigan daromad soligʻi; va

(III) mol-mulkka solinadigan soliq;

(bundan keyin “Oʻzbekistonning soliqlari” deyiladi);

v) Ozarbayjon Respublikasiga nisbatan:

(I) foydadan va yuridik shaxslar daromadlari ayrim turlaridan olinadigan soliqlar;

(II) jismoniy shaxslardan olinadigan daromad soligʻi;

(III) mol-mulkka solinadigan soliq

(bundan keyin “Ozarbayjonning soliqlari” deyiladi) .

4. Mazkur Bitim har qanday bir-biriga oʻxshash soliqlarga ham qoʻllaniladi. Bu soliqlar ushbu Bitim imzolangan sanadan keyin soliqlarga qoʻshimcha yoki amaldagi soliqlarning oʻrniga Ahdlashayotgan Davlatlarning biridan undiriladi. Ahdlashayotgan Davlatlarning vakolatli organlari oʻzlarining soliq qonunlaridagi jiddiy oʻzgarishlar haqida bir-birlarini xabardor qilib turadilar.

3-modda Umumiy taʼriflar

1. Mazkur Bitim maqsadi uchun, agar matnning mazmunidan boshqacha maʼno kelib chiqmasa:

a) “Oʻzbekiston” atamasi, Oʻzbekiston Respublikasini anglatadi va geografik maʼnoda qoʻllanilganda Oʻzbekiston Respublikasining hududini, jumladan, hududiy suvlarini, havo fazosini anglatadi. Bunda Oʻzbekiston Respublikasi oʻz huquqi doirasida suveren huquqlarini va sud qilish huquqini, shuningdek, yer osti konlari va tabiiy resurslardan foydalanishga oid huquqlarini Oʻzbekiston Respublikasi qonuniga koʻra va xalqaro huquqqa muvofiq amalga oshirishi mumkin.

v) “Ozarbayjon” atamasi Ozarbayjon Respublikasini, jumladan, keng dengiz sathi va Ozarbayjon Respublikasining xalqaro huquqlari va ichki qonuniga muvofiq belgilangan yoki hudud sifatida bundan keyin belgilanadigan har qanday hududni anglatadi. Bunda dengiz osti, konlar, kontinental shelfga nisbatan va soliq qonuni qoʻllaniladigan tabiiy resurslarga nisbatan Ozarbayjon Respublikasining huquqlari amalga oshirilishi mumkin.

c) “Ahdlashayotgan Davlat” va “boshqa Ahdlashayotgan Davlat” atamalari matn mazmuniga koʻra Oʻzbekiston Respublikasini va Ozarbayjon Respublikasini bildiradi;

d) “shaxs” atamasi jismoniy shaxsni, yuridik shaxsni yoki har qanday shaxslar birlashmasini anglatadi;

e) “korxona” atamasi daromad (foyda) soligʻi solinadigan korporativ birlashmani yoki soliqqa tortish maqsadlari uchun korporativ birlashma sifatida qaraladigan har qanday korporativ birlashmani, jumladan, aksionerlik jamiyatini, masʼuliyati cheklangan jamiyat, qoʻshma korxonani, shirkatni yoki xar qanday yuridik shaxsni yoki tashkilotni anglatadi;

f) “Ahdlashayotgan Davlat korxonasi” va “boshqa Ahdlashayotgan Davlat korxonasi” atamalari tegishlicha Ahdlashayotgan Davlatning rezidenti tomonidan boshqariladigan korxonani va boshqa Ahdlashayotgan Davlatning rezidenti tomonidan boshqariladigan korxonani anglatadi;

g) “xalqaro yuk tashish” atamasi dengiz, havo kemasi, temir yoʻl yoki avtomobil transporti vositasi bilan bir Ahdlashayotgan Davlat korxonasi tomonidan foydalaniladigan har qanday yuk tashishni anglatadi, dengiz, havo kemasi, temir yoʻl yoki avtomobil transporti vositasidan boshqa Ahdlashayotgan Davlat hududidagi punktlar orasida alohida foydalanilgan hollar bundan mustasnodir:

h) “vakolatli organ” atamasi Oʻzbekiston Respublikasiga muvofiq ravishda — Oʻzbekiston Respublikasi Davlat soliq qoʻmitasini yoki uning vakolatli vakilini;

Ozarboyjon Respublikasiga muvofiq ravishda Moliya vazirini yoki uning vakolatli vakilini anglatadi;

i) “milliy shaxs” atamasi:

ushbu Davlat fuqarosi boʻlgan har qanday jismoniy shaxsni;

ushbu Davlatning amaldagi qonuniga koʻra oʻz maqomini olgan har qanday yuridik shaxs, shaxslar birlashmasini anglatadi.

2 Ahdlashayotgan Davlat tomonidan mazkur Bitim qoʻllanilganda unda belgilanmagan har qanday atama, agar matn mazmunidan boshqa maʼno kelib chiqmasa. ushbu Bitim qoʻllanilayotgan soliqlarga nisbatan oʻsha Davlatning qonunlaridagi maʼnoni bildiradi.

4-modda Rezident

1. Mazkur Bitim maqsadi uchun “Ahdlashayotgan Davlat rezidenti” atamasi ushbu Ahdlashayotgan Davlatning qonuniga koʻra undagi haqiqiy rahbar organning turar joyi, doimiy oʻrnashgan joyi, yuridik shaxs sifatida roʻyxatga olingan joyi, turgan joyi yoki shunga oʻxshash belgisi asosida soliq solinishi kerak boʻlgan har qanday shaxsni anglatadi. Lekin bu atama ushbu Ahdlashayotgan Davlatda soliq solinishi kerak boʻlgan har qanday shaxsni faqat shu asosda oʻz ichiga olmaydi, chunki u shu Ahdlashayotgan Davlatning oʻzidagi manbalardan yoki mulkdan daromad oladi.

2. Agar mazkur moddaning 1-bandi qoidalariga muvofiq jismoniy shaxs ikkala Ahdlashayotgan Davlatning rezidenti hisoblansa, uning maqomi quyidagicha belgilanadi:

a) ushbu Davlatda doimiy turar joyga ega boʻlsa, oʻsha Davlatning rezidenti hisoblanadi; agar u ikkala Ahdlashayotgan Davlatda oʻzi uchun doimiy turar joyga ega boʻlsa, yakin shaxsiy va iqtisodiy aloqalari (hayotiy manfaatlar markazi) ancha qalin boʻlgan oʻsha Ahdlashayotgan Davlatning rezidenti hisoblanadi:

v) agar hayotiy manfaatlari markaziga ega boʻlgan Davlatni aniqlash mumkin boʻlmasa, yoki agar u Ahdlashayotgan Davlatlardan hech birida doimiy turar joyga ega boʻlmasa, u odatda oʻzi yashaydigan shu Davlatning rezidenti hisoblanadi;

c) agar shaxs odatda ikkala Ahdlashayotgan Davlatda yashasa, yoki agar u odatda ulardan hech birida yashamasa, u Ahdlashayotgan Davlatlardan qaysi birining fuqarosi boʻlsa, shu Ahdlashayotgan Davlatning rezidenti hisoblanadi;

d) agar Ahdlashayotgan Davlatlardan har biri unga oʻz rezidenti sifatida qarasa yoki davlatlardan hech biri uni oʻz rezidenti deb hisoblamasa, Ahdlashayotgan Davlatlarning vakolatli organlari ushbu masalani oʻzaro kelishuvga koʻra hal qiladilar;

e) agar u davlatlardan hech birining milliy shaxsi hisoblanmasa, unda Ahdlashayotgan Davlatlarning vakolatli organlari maslahatlashish yoʻli bilan ushbu shaxs mazkur Bitim maqsadida rezident boʻlib hisoblanadigan Ahdlashayotgan Davlatni aniqlashga urinib koʻradilar.

3. Agar mazkur moddaning 1-bandi qoidalariga muvofiq jismoniy shaxs hisoblanmaydigan shaxs ikkala Ahdlashayotgan Davlatning rezidenti hisoblansa, u oʻzining yuridik shaxs sifatida tashkil etilgan Ahdlashayotgan Davlatning rezidenti hisoblanadi.

5-modda Doimiy muassasa

1. Mazkur Bitimning maqsadi uchun “doimiy muassasa (vakolatxona)” atamasi faoliyatning doimiy joyini anglatadi, bu orqali Ahdlashayotgan Davlat korxonasi tadbirkorlik faoliyatini boshqa Ahdlashayotgan davlatda toʻliq yoki qisman amalga oshiradi.

2. “Doimiy muassasa (vakolatxona)” atamasi, jumladan, quyidagilarni oʻz ichiga oladi:

a) boshqaruv joyi;

v) boʻlinma (filial);

c) ofis (idora);

d) fabrika;

e) ustaxona;

f) shaxta, kon, neft yoki gaz qudugʻi, karyer, qurilma, inshoot yoki tabiiy resurslar qidiriladigan har qanday boshqa joy.

3. “Doimiy muassasa (vakolatxona)” atamasi quyidagilarni ham oʻz ichiga oladi:

a) qurilish maydoni yoki montaj qilinadigan joy yoki yigʻuv obyekti yoki bu ishlarga tayyorgarlik koʻrish joyi, biroq faqat ushbu maydon, obyekt yoki ishlar 6 oydan koʻp ishlab tursa;

v) xizmatlar koʻrsatish, shuningdek, korxonalar tomonidan shunday maqsadlar uchun yollangan xizmatchilar yoki boshqa xodimlar orqali korxonalar tomonidan koʻrsatiladigan maslahat xizmatlari, lekin faqat bunday turdagi faoliyat (bir yoki bir nechta obyektlar uchun) oʻn ikki oylik davr mobaynida davr yoki davrlarda mamlakat miqyosida olti oydan koʻp muddatdan iborat boʻlsa.

4. Ushbu moddaning oldingi qoidalariga qaramasdan “doimiy muassasa (vakolatxona)” atamasi quyidagilarni oʻz ichiga olmaydi

a) inshootlardan foydalanish, shuningdek, ushbu korxonaga tegishli tovarlar yoki buyumlar zaxiralarini faqat saqlash, namoyish qilish maqsadlari uchun saqlash;

v) shu korxonaga tegishli tovarlar yoki buyumlar zaxiralarini boshqa korxonalar tomonidan faqat qayta ishlash maqsadlari uchun saqlash:

c) doimiy faoliyat joyini tovarlar yoki buyumlarni xarid qilish yoki shu korxona uchun axborotlar yigʻish maqsadida saqlash;

d) doimiy faoliyat joyini korxona uchun har qanday boshqa tayyorlov yoki yordamchi tusdagi faoliyatni faqat ushbu korxona manfaatlari yoʻlida amalga oshirish maqsadida saqlash;

e) doimiy faoliyat joyini a) dan e) gacha boʻlgan kichik bandlarda eslatib oʻtilgan faoliyat turlarining har qanday uygʻunlashuvini amalga oshirish uchun saqlash.

5. Mazkur moddaning 1 va 2-bandlari qoidalariga qaramay. agar 7-band qoʻllaniladigan mustaqil maqomli agentdan farq qiluvchi shaxs Ahdlashayotgan Davlatda boshqa Ahdlashayotgan Davlat korxonasi nomidan ish tutsa, unda ushbu korxona har qanday faoliyatga nisbatan birinchi eslatib oʻtilgan Davlatda doimiy muassasa (vakolatxona)ga ega boʻlgan korxona deb hisoblanadi, agar ushbu shaxs Ahdlashayotgan Davlatda korxona nomidan kontraktlar tuzish vakolatiga ega boʻlsa va odatda undan foydalansa, bu shaxs korxona uchun, agar bu shaxs 4-bandda koʻrsatilgan cheklanishdan tashqari faoliyat bilan shugʻullansa, va u doimiy faoliyat joyi orqali amalga oshirilsa, agar doimiy faoliyat joyidan ushbu band qoidasiga muvofiq doimiy muassasa (vakolatxona)ga aylantirmasa unda bu korxonani ushbu davlatda deyarli har qanday faoliyat boʻyicha doimiy muassasa (vakolatxona)ga ega deb hisoblash mumkin, yoki bunday vakolatlarga ega boʻlmaydi, biroq birinchi eslatib oʻtilgan Davlatda korxona nomidan tovarlar va mahsulotlarni muntazam saqlaydi.

6. Ushbu moddaning oldingi qoidalariga qaramay Ahdlashayotgan Davlatning sugʻurta korxonasi, qayta sugʻurtalash hollaridan tashqari, boshqa Ahdlashayotgan Davlatda doimiy muassasa (vakolatxona)ga ega boʻlgan korxona hisoblanadi, bunda u ushbu boshqa Davlat hududida sugʻurta mukofotini yigʻadi yoki 7-band kiradigan mustaqil maqomi boʻlgan agentdan farq qiluvchi vositachi shaxsni boʻlishi mumkin boʻlgan tavakkalchilikdan ehtiyot qiladi.

7. Agar faqat korxona boshqa Davlatda broker, komissioner yoki har qanday boshqa mustaqil maqomli agent orqali, ushbu shaxslarning odatdagi faoliyatlari doirasida harakat qilishlari sharti bilan tadbirkorlik faoliyatini amalga oshirsa Ahdlashayotgan Davlatning bir korxonasi boshqa Ahdlashayotgan Davlatda doimiy muassasa (vakolatxona)ga ega boʻlgan korxona deb hisoblanmaydi.

8. Ahdlashayotgan Davlatning rezidenti deb hisoblanadigan korxona, boshqa Ahdlashayotgan Davlatning rezidenti hisoblanadigan yoki ushbu boshqa Ahdlashayotgan Davlatda (doimiy muassasa (vakolatxona) orqali yoki boshqa tarzda) tadbirkorlik faoliyatini amalga oshiradigan korxona nazorat qilinadigan yoki u orqali nazorat qilinish fakti ushbu kompaniyalardan birini boshqa korxonalarning doimiy muassasasi (vakolatxona)ga oʻzidan oʻzi aylantirmaydi.

6-modda Koʻchmas mulkdan olinadigan daromadlar

1. Bir Ahdlashayotgan Davlatning rezidenti tomonidan boshqa Ahdlashayotgan Davlatdagi koʻchmas mulk (jumladan, qishloq xoʻjaligi yoki oʻrmon xoʻjaligidan olinadigan daromad)dan olinadigan daromadlarga shu boshqa Davlatda soliq solinishi mumkin.

2. Mazkur Bitimdagi “koʻchmas mulk” atamasi mazkur mulk turgan Ahdlashayotgan Davlat qonunchiligida ifodalangan tushunchaga ega boʻladi. Ushbu atama har qanday holatda koʻchmas mulkka nisbatan yordamchi mulkni, qishloq va oʻrmon xoʻjaligida foydalaniladigan hayvonlar va inventarlarni, baliqlarni, yer mulkiga nisbatan umumiy qonunchilik qoidalari bilak belgilangan huquqni, koʻchmas mulkning uzufruktini va toʻlovlarning oʻzgaruvchan yoki belgilangan toʻlovlar kabi mineral zaxiralar, manbalar va boshqa tabiiy resurslarning ishlanmalari uchun yoki ishlanma uchun huquqqa kompensatsiya toʻlovlarini oʻz ichiga oladi. Kemalar, havo kemalari, temir yoʻl va avtomobil transporti vositalari koʻchmas mulk hisoblanmaydi.

3. “Uzufrukt” atamasi mazkur moddada foydalanilganda begona mulkdan va undan olinadigan daromaddan umrbod foydalanish huquqini anglatadi.

4. Mazkur moddaning 1-bandidagi qoidalar koʻchmas mulkdan toʻgʻridan toʻgʻri foydalanishdan, ijaraga berishdan yoki har qanday boshqa shakldagi koʻchmas mulkdan foydalanishdan olingan daromadga qoʻllaniladi.

5. Mazkur moddaning 1 va 3-bandlaridagi qoidalar korxonalarning koʻchmas mulkidan olingan daromadga va mustaqil shaxsiy xizmatlarni amalga oshirish uchun foydalaniladigan koʻchmas mulkdan olinadigan daromadlarga ham qoʻllaniladi.

7-modda Tadbirkorlik faoliyatidan olinadigan foyda

1. Ahdlashayotgan Davlat korxonasining foydasiga faqat shu Davlatda, agar faqat shu korxona boshqa Ahdlashayotgan Davlatda unda joylashgan doimiy muassasa (vakolatxona) orqali tadbirkorlik faoliyatini amalga oshirmasa, soliq solinadi. Agar korxona, yuqorida aytib oʻtilgani kabi, oʻzining tadbirkorlik faoliyatini amalga oshirsa, korxona foydasiga boshqa Ahdlashayotgan Davlatda, lekin quyidagilargagina tegishli qismiga solinadi:

a) ushbu doimiy muassasa (vakolatxona) faoliyatiga;

v) ushbu boshqa Davlatdagi doimiy muassasa (vakolatxona) orqali sotiladigan tovarlarga yoki mahsulotlarga toʻgʻri keladigan shunday yoki oʻxshashlari sotilganda;

s) ushbu boshqa Davlatda doimiy muassasa (vakolatxona) orqali amalga oshiriladigan tadbirkorlik faoliyatiga oʻxshash yoki toʻgʻri keladigan boshqa tadbirkorlik faoliyati.

2. Mazkur moddaning 3-bandi qoidalariga muvofiq, agar bir Ahdlashayotgan Davlatning korxonasi boshqa Ahdlashayotgan Davlatda u yerdagi doimiy muassasa (vakolatxona) orqali tadbirkorlik faoliyatini amalga oshirsa, unda har bir Ahdlashayotgan Davlatdagi bunday doimiy muassasa (vakolatxona)ga, agar shunga oʻxshash yoki shu kabi faoliyatni amalga oshiradigan alohida yoki mustaqil korxona boʻlsa va oʻzi umumiy muassasa hisoblangan korxonadan toʻliq mustaqil boʻlgan holda harakat qilsa olishi mumkin boʻlgan daromad tegishli boʻladi.

3. Doimiy muassasa (vakolatxona) daromadi (foydasi)ni aniqlashda mazkur doimiy muassasa (vakolatxona) faoliyati maqsadlari uchun sarflangan xarajatlarni chegirib qolishga shu Davlatning ichki qonuni bilan belgilangan normalar doirasida yoʻl qoʻyiladi, sarflangan boshqaruv va umumiy maʼmuriy xarajatlar ular doimiy muassasa joylashgan Davlatda ham, boshqa har qanday joyda ham shular jumlasiga kiradi.

Doimiy muassasa (vakolatxona) daromadi (foydasi)ni belgilashda doimiy muassasa (vakolatxona) oʻzining bosh muassasasiga yoki boshqa muassasalarning xohlagan biriga toʻlangan rezidentning pulini royaltilar, yigʻimlar va shunga oʻxshash toʻlovlarni patentlardan va boshqa huquqlardan foydalanganlik uchun toʻlovlarni toʻlash yoʻli bilan, yoki koʻrsatilgan aniq xizmatlar uchun yoki menejment uchun komission toʻlovlar toʻlash yoʻli bilan, yoki doimiy muassasa (vakolatxona)ga qarz berilgan summa uchun foizlar toʻlash yoʻli bilan chegirib qolishga yoʻl qoʻyilmaydi.

4. Korxona. foydasining umumiy summasini oʻzining turli xil boʻlinmalariga mutanosib taqsimlash asosida doimiy muassasa (vakolatxona)ga tegishli boʻlgan foyda Ahdlashayotgan Davlatda belgilanilishiga qaramay, odatdagi ish deb hisoblanadi, 2-banddagi hech narsa Ahdlashayotgan Davlatga bunday taqsimlanadigan soliq solinadigan foydani aniqlashga xalaqit qilmaydi, ish tajribasi shuni koʻrsatmoqda; taqsimlashning tanlangan usuli ushbu moddadagi qoidalarga muvofiq natijalarni berishi kerak.

5. Doimiy muassasa (vakolatxona) tomonidan ushbu korxona uchun tovarlar yoki buyumlarni faqat xarid qilish asosida doimiy muassasa (vakolatxona)ga qandaydir foyda tegishli boʻlmaydi.

6. Yuqoridagi bandlar maqsadlari uchun doimiy muassasa (vakolatxona)ga tegishli daromad (foyda)lar har yili bir xil ayni oʻsha usulda aniqlanadi.

7. Agar foyda mazkur Bitimning boshqa moddalarida alohida aytib oʻtiladigan daromad turlarini oʻz ichiga olsa, unda ushbu moddaning qoidalari mazkur moddaning qoidalariga daxl qilmaydi.

8-modda Xalqaro yuklarni tashishlar

1. Bir Ahdlashayotgan Davlat korxonasining dengiz, daryo, havo, temir yoʻl yoki avtomobil transporti vositalaridan xalqaro yuklarni tashishlarda olgan daromad (foydasi)ga faqat shu Davlatda soliq solinadi.

2. 1-bandning qoidalari quyidagilarga ham qoʻllaniladi:

a) xalqaro yuk tashishlarda foydalaniladigan kemalar yoki samolyotlarni ekipajsiz ijaraga olish asosida, shu jumladan, ijaraga berishdan olinadigan tasodifiy foydalarga;

v) konteynyerlar (shu jumladan, konteynyerlarni tashish bilan bogʻliq treylyerlar va asbob-uskunalar)dan foydalanish, saqlash yoki ijaraga berishdan olingan foydalarga, agar bunday foydalar 1-band qoʻllaniladigan foydalarga nisbatan qoʻshimcha yoki tasodifiy boʻlsa;

3. 1-band qoidalari pulda (umumiy fondda), qoʻshma korxonada yoki transport vositalaridan foydalanish boʻyicha xalqaro tashkilotda qatnashishdan olingan foydaga ham qoʻllaniladi.

9-modda Birlashgan korxonalar

1. Kuyidagi xollarda:

a) Ahdlashayotgan Davlat korxonasi bevosita yoki bilvosita boshqa Ahdlashuvchi Davlat korxonasining boshqaruvida, nazorat qilish yoki kapitalida qatnashganda, yoki

v) ayni oʻsha shaxslar bir Ahdlashayotgan Davlatning korxonasini va boshqa Ahdlashayotgan Davlatning korxonasini boshqarishda, nazorat qilishda yoki kapitalida bevosita yoki bilvosita qatnashganlarida va har qanday holatda ikki korxona oʻrtasidagi ularning tijoratchilik va moliyaviy oʻzaro munosabatlarida ikkala mustaqil korxonalar oʻrtasida farq qiluvchi sharoitlar yaratilsa yoki oʻrnatilsa, unda har qanday daromad (foyda) korxonalardan biriga oʻtkazilsa, lekin bunday sharoitlar mavjudligi tufayli unga oʻtkazilmagan boʻlsa, ushbu korxona daromadi (foydasi)ga kiritilishi mumkin va tegishlicha umumiy summada soliq solinishi mumkin.

2. Bir Ahdlashayotgan Davlat shu Ahdlashayotgan Davlat korxonasi daromadi (foydasi)ga boshqa. Ahdlashayotgan Davlat korxonasiga shu boshqa Davlatda soliq solinadigan daromad (foyda)ni kiritsa va shunga muvofiq soliq solsa va shu yoʻsinda kiritilgan daromad (foyda) agarda ikkala mustaqil korxona oʻrtasida mavjud boʻlgan shartlar boʻlsa, birinchi Ahdlashayotgan Davlat korxonasiga oʻtkazilgan daromad (foyda) hisoblanadi, unda bu boshqa Davlat shu daromad (foyda)dan olinadigan soliq summasiga muvofiq keluvchi tuzatishlar kiritish kerak boʻladi. Ahdlashayotgan Davlatlarning vakolatli organlari ikkala Ahdlashayotgan Davlatda daromad (foyda)ni oʻtkazish toʻgʻrisida kelishuvga erishish maqsadida maslahatlashuvlar oʻtkazishlari mumkin.

10-modda Dividendlar

1. Bir Ahdlashayotgan Davlat rezidenti boʻlgan korxona tomonidan boshqa Ahdlashayotgan Davlat rezidentiga toʻlangan dividendlarga ushbu boshqa Davlatda soliq solinishi mumkin.

2. Biroq bunday dividendlarga dividendlarni toʻlagan va ushbu Davlatning qonuniga muvofiq rezidenti hisoblangan oʻsha Ahdlashayotgan Davlatda soliq solinishi mumkin, lekin dividendlarni oluvchi haqiqatdan ham uning egasi hisoblansa va dividendlarga nisbatan shu boshqa Ahdlashayotgan Davlatda soliq solinishi kerak boʻlsa, soliq dividendlar umumiy summasining 10 foizidan oshib ketmasligi kerak.

Bu band dividendlar toʻlanadigan foydaga nisbatan korxonalarga soliq solishga daxl qilmaydi.

3. “Dividendlar” atamasi mazkur moddada ishlatilganda aksiyalardan olinadigan yoki aksiyalardan foydalanishdan yoki taʼsischilar aksiyalaridan foydalanishdan olinadigan foydada qatnashish huquqini beruvchi qarz olishning berish bilan bogʻliq talabnomalar hisoblanmaydigan boshqa huquqlarni, shuningdek, soliq solishni tartibga solishi kerak boʻlgan boshqa korporativ huquqlardan olingan daromad kabi, Davlat soliq qonunchiligiga muvofiq aksiyalardan olinadigan daromadni anglatadi, uning rezidenti boʻlib foyda (daromad)larni taqsimlovchi korxona hisoblanadi.

4. Agar aslida dividendlar olish huquqiga ega shaxs Ahdlashayotgan Davlatning rezidenti boʻlgani holda dividendlarni toʻlayotgan korxona rezidenti boʻlgan oʻzga Ahdlashayotgan Davlatda oʻz faoliyatini unda joylashgan doimiy muassasa (vakolatxona) orqali amalga oshirsa yoki ushbu boshqa Davlatda u yerda joylashgan doimiy bazadan mustaqil shaxsiy xizmatlar koʻrsatsa va xolding (dividendlar unga nisbatan toʻlanadi) aslida shu doimiy muassasa (vakolatxona) yoki doimiy bazaga., haqiqatdan tegishli boʻlsa mazkur moddaning 1 va 2-bandlaridagi qoidalar qoʻllanilmaydi. Bunday holda sharoitga qarab mazkur Bitimning 7 yoki 14-moddasi qoidalari qoʻllaniladi.

5. Agar Ahdlashayotgan Davlat rezidenti hisoblanadigan korxona boshqa Ahdlashayotgan Davlatda daromad (foyda) olsa, bu boshqa Davlat shu korxona toʻlayotgan dividendlarga soliq solmasligi mumkin, bundan bunday dividendlar shu boshqa Davlat rezidentiga toʻlanadigan yoki dividendlar toʻlashda asos boʻlgan xolding haqiqatdan ham shu ^boshqa Davlatda. joylashgan doimiy muassasa (vakolatxona) yoki doimiy baza bilan bogʻliq holatlar istisnodir, shuningdek, korxonaning taqsimlanmagan foydasiga, hatto toʻlanayotgan dividendlar yoki taqsimlanmagan daromad (foyda) toʻliq yoki qisman shu boshqa Ahdlashayotgan Davlatda yuzaga keluvchi foyda yoki daromad.dan iborat boʻlsa ham soliq solinmasligi mumkin.

11-modda Foizlar

1. Bir Ahdlashayotgan Davlatda paydo boʻladigan va Ahdlashayotgan Davlat rezidentiga toʻlanadigan foizlarga oʻsha boshqa Davlatda soliq solinishi mumkin.

2. Biroq bunday foizlarga ushbu Davlatning qonunchiligiga muvofiq ular paydo boʻlgan oʻsha Ahdlashayotgan Davlatda soliq solinishi mumkin, lekin bu yerda oluvchi haqiqatda foiz olish huquqiga ega boʻluvchi shaxs boshqa. Ahdlashayotgan Davlatning rezidenti hisoblansa, bunday holda soliq foizlar yalpi summasining 10 foizidan oshmasligi kerak.

3. Mazkur moddaning 2-bandidan qatʼi nazar, bir Ahdlashayotgan Davlatda paydo boʻladigan va Hukumatga yoki ular tomonidan boshqa Ahdlashayotgan Davlatning vakil qilingan organiga toʻlanadigan foizga soliq solinmaydi.

4. “Foizlar” atamasi mazkur Bitimda foydalanilganda, ipotet taʼminlashidan va foydada qatnashish huquqi borligidan qatʼi nazar, qarz olish-berish bilan bogʻliq talabnomalardan daromadni, va koʻpincha hukumat qimmatli qogʻozlaridan olingan daromadni, obligatsiyalardan yoki qarz olish-berish bilan bogʻliq majburiyatlardan, shuningdek, ushbu qimmatli qogʻozlar, obligatsiyalar yoki qarz olish-berish bilan bogʻliq majburiyatlar boʻyicha toʻlanadigan pul mukofotlari va mukofotlardan olinadigan daromadlarni anglatadi.

Toʻlovlar oʻz vaqtida toʻlanmaganligi uchun jarimalarga ushbu modda maqsadlari uchun foizlar sifatida qaralmaydi.

5. Ushbu moddaning 1 va 2-bandlari qoidalari, agar, bir Ahdlashayotgan Davlatning rezidenti foiz olishga haqiqiy huquqi boʻlgan shaxs foizlar paydo boʻlayotgan boshqa Ahdlashayotgan Davlatda unda joylashgan doimiy muassasa (vakolatxona) orqali faoliyatni amalga oshirsa, yoki ushbu boshqa Davlatda mustaqil shaxsiy xizmatlarni u yerdagi doimiy bazalar va qarz olish-berish talabnomalari orqali koʻrsatsa, shular boʻyicha foizlar toʻlanadi, shunday doimiy muassasa (vakolatxona) yoki doimiy bazaga tegishli boʻlsa, qoʻllanilmaydi. Bunday holda mazkur Bitimning 7-moddasidagi yoki 14-moddasidagi qoidalar qoʻllaniladi.

6. Toʻlovchi Davlatning oʻzi, uning organi yoki ushbu Davlat rezidenti boʻlgan taqdirda foizlar Ahdlashuvchi Davlatlarda paydo boʻlgan deb hisoblanadi. Biroq, foizlarni toʻlovchi shaxs Ahdlashayotgan Davlatning rezidenti boʻlishi yoki boʻlmasligidan qatʼi nazar Ahdlashayotgan Davlatda doimiy muassasa (vakolatxona)ga yoki doimiy bazaga ega boʻlsa. shu sababli qarzlar boʻyicha foizlar toʻlash hollari paydo boʻlsa, bunday holda foizlar doimiy muassasa (vakolatxona) yoki doimiy baza joylashgan Ahdlashayotgan Davlatda paydo boʻlgan hisoblanadi.

7. Agar foizlarga haqiqatda huquqi boʻlgan toʻlovchilar va. shaxslar oʻrtasidagi, yoki ularning oʻrtasidagi va biror boshqa shaxslar oʻrtasidagi alohida munosabatlar oqibatida ular toʻlaydigan qarz talabiga nisbatan tegishli boʻlgan foizlar summasi bunga. haqiqatda huquqi boʻlgan toʻlovchi va shaxs oʻrtasida kelishilgan summadan ortiq boʻlsa, bunday munosabatlar boʻlmaganda, mazkur modda qoidasi faqat oxirgi tilga olingan summaga nisbatan qoʻllaniladi. Bunday holda ushbu Bitimning boshqa qoidalarini hisobga olgan holda har bir Ahdlashayotgan Davlatning qonuniga muvofiq toʻlovning ortiqcha qismidan soliq olinishi davom etadi.

12-modda Royalti

1. Bir Ahdlashayotgan Davlatda paydo boʻladigan va boshqa Ahdlashayotgan Davlatda rezidentga toʻlanadigan royalti, agar bu rezident ushbu royaltilarning haqiqiy egasi hisoblansa, ushbu boshqa Davlatda unga soliq solinishi mumkin.

2. Ammo bu royaltilarga ular yuzaga keladigan Ahdlashayotgan Davlatda ham shu Davlat qonunchiligiga muvofiq soliq solinishi mumkin, biroq bunda ularni oluvchilar royalti egalaridan foyda oluvchilar hisoblansalar, soliq royalti yalpi summasining 10 foizidan oshib ketmasligi kerak.

3. “Royalti” atamasi mazkur moddada foydalanilganda istalgan adabiyot, sanʼat, fan asarlari, kinematografiya filmlaridan ham, istalgan patent, “nou-xau”, tovar belgilari, chizmalar yoki modellar, sxemalar, kompyuter dasturlari, maxfiy formula yoki jarayondan foydalanganlik yoki foydalanish huquqini berganlik yoki sanoat, tijorat ilmiy tajriba bilan bogʻliq axborot uchun va sanoat yoki ilmiy uskunalardan foydalanganlik yoki ulardan foydalanish huquqini berganlik uchun toʻlovlarga foydalanganlik yoki mualliflik huquqlaridan foydalanish huquqini berganlik yoki uni sotganlik uchun olinadigan had sifatidagi har qanday turdagi toʻlovlarni anglatadi.

4. Agar royaltining haqiqiy egasi bir Ahdlashayotgan Davlatning rezidenti boʻla turib, royalti yuzaga keladigan boshqa Ahdlashayotgan Davlatda tadbirkorlik faoliyatini oʻsha yerda joylashgan doimiy muassasa (vakolatxona) yoki undagi baza orqali boshqa Davlatda mustaqil shaxsiy xizmatlarni amalga oshirsa yoki royalti nisbatan toʻlanadigan huquq yoki mulk haqiqatdan ham shu doimiy muassasa (vakolatxona) yoki doimiy baza bilan bogʻlangan boʻlsa, mazkur moddaning 1 va 2-bandlari qoʻllanilmaydi. Bunday holatda mazkur Bitimning 7 yoki 14-moddalari qoidalari qoʻllaniladi.

5. Agar toʻlovchi ushbu Davlatning oʻzi, uning organi yoki rezidenti hisoblansa, royalti Ahdlashayotgan Davlatda paydo boʻlgan hisoblanadi. Agar royalti toʻlovchi shaxs Ahdlashayotgan Davlatning rezidenti hisoblanishi yoki hisoblanmasligidan qatʼi nazar, Ahdlashayotgan Davlatda doimiy muassasa (vakolatxona) yoki doimiy bazaga ega boʻlsa, u boʻyicha royalti toʻlanadigan majburiyat paydo boʻlishi munosabati bilan, ushbu royaltilarni toʻlash boʻyicha xarajatlarni bundan doimiy muassasa (vakolatxona) yoki doimiy baza joylashgan Ahdlashayotgan Davlatda paydo boʻlgan deb hisoblanadi.

6. Agarda toʻlovchi va royaltiga haqiqiy egalik qiluvchi oʻrtasida yoki ularning ikkalasi oʻrtasida va biror bir shaxs oʻrtasidagi alohida munosabatlar oqibatida toʻlashga asos boʻladigan foydalanish, huquq yoki axborotga taalluqli royalti summasi qandaydir sabablarga koʻra bunday munosabatlar yoʻq boʻlgan taqdirda toʻlovchi va haqiqiy egalik qiluvchi oʻrtasida kelishilinishi mumkin boʻlgan summadan ortiq boʻlsa, mazkur moddaning qoidalari faqat keyingi eslatilgan summaga nisbatan qoʻllaniladi. Bunday holda toʻlovning ortiqcha qismiga har bir Ahdlashayotgan Davlat qonuniga muvofiq mazkur Bitimning boshqa qoidalarini hisobga olib soliq solinaveradi.

13-modda Mol-mulkni sotishdan olinadigan daromadlar

1. Ahdlashayotgan Davlat rezidenti tomonidan 6-moddada eslatilgan boshqa bir Ahdlashayotgan Davlatda joylashgan koʻchmas mulkni sotishdan olinadigan daromadlarga shu boshqa Ahdlashayotgan Davlatda soliq solinishi mumkin.

2. Bir Ahdlashayotgan Davlat korxonasi boshqa Ahdlashayotgan Davlatda ega boʻlgan doimiy muassasa mulkning bir qismini tashkil etuvchi koʻchadigan mulkni sotishdan olingan daromadlarga, yoki doimiy bazaga tegishli boʻlgan hamda bir Ahdlashayotgan Davlat rezidenti mustaqil shaxsiy xizmatlarni amalga oshirish maqsadida foydalaniladigan boshqa Ahdlashayotgan Davlatdagi koʻchadigan mulkdan olinadigan daromadlarga, bunday doimiy muassasa (vakolatxona)ni (alohida yoki korxona bilan birgalikda) yoki bunday doimiy bazani sotishdan olinadigan daromadlar ham shu jumlaga kiradi, mana shu boshqa Ahdlashayotgan Davlatda soliq solinishi mumkin.

3. Ahdlashayotgan Davlat korxonasi tomonidan xalqaro yuk tashishlarda foydalaniladigan dengiz, daryo, havo, temir yoʻl yoki avtomobil transporti vositalarini yoki ushbu transport vositalaridan foydalanish bilan bogʻliq boʻlgan koʻchadigan mulkni sotishdan olingan daromadlarga faqat mana shu Ahdlashayotgan Davlatda soliq solinishi mumkin.

4. Mol-mulkni asosan bevosita yoki bilvosita Ahdlashayotgan Davlat hududida boʻlgan koʻchmas mulkdan iborat korxonaning aksiyalari yoki aksionerlik sarmoyasini sotishdan olinadigan daromadlarga mana shu Davlatda soliq solinishi mumkin.

5. Mazkur moddaning 1, 2, 3 va 4-bandlarida sanab oʻtilmagan istalgan boshqa mulkni sotayotgan shaxs rezidenti boʻlgan Ahdlashayotgan Davlatdagina soliq solinishi mumkin.

14-modda Mustaqil shaxsiy xizmatlardan olinadigan daromadlar

1. Bir Ahdlashayotgan Davlat rezidenti tomonidan professional xizmatlar koʻrsatishdan yoki, xususiyatidan qatʼi nazar, boshqa xizmatlar koʻrsatishdan olinadigan daromaddan faqat mana shu Davlatda soliq olinishi mumkin. Biroq bunday daromadga ikkinchi Ahdlashayotgan Davlatda ham soliq solinishi mumkin:

a) agar u oʻz xizmatlari maqsadi uchun boshqa Ahdlashayotgan Davlatda muntazam ravishda borishi mumkin boʻlgan doimiy bazaga ega boʻlsa bunday holatda uning daromadiga ushbu boshqa Ahdlashayotgan Davlatda, faqat doimiy bazaga tegishli boʻlgan qismiga soliq solinishi mumkin eki,

b) agar uning boʻlishi boshqa Ahdlashayotgan Davlatda bu Davlatda qancha muddat boʻlishidan qatʼi nazar, daromad olish bilan bogʻliq boʻlsa.

2. “Professional xizmatlar” atamasi, jumladan, mustaqil ilmiy, adabiy, artistlik, taʼlim yoki oʻqituvchilik faoliyatini, shuningdek, shifokorlar, yuristlar, muhandislar, arxitektorlar, stomatologlar va buxgaltyerlar faoliyatini oʻz ichiga oladi.

15-modda Mustaqil boʻlmagan shaxsiy xizmatlardan olinadigan daromadlar

1. Mazkur Bitimning 16, 18 va 19-moddalari qoidalarini hisobga olib, Ahdlashayotgan Davlat rezidenti yollash boʻyicha ishlashi munosabati bilak oladigan ish haqi va boshqa toʻlanadigan haqlarga. faqat shu Davlatda, agarda yollash boʻyicha ish boshqa Ahdlashayotgan Davlatda amalga oshirilmasa, faqat shu Davlatda soliq solinadi.

Agar yollashga oid ish shu yoʻsinda amalga oshirilsa, bunga nisbatan olingan haqlarga boshqa. shu Davlatda soliq solinishi mumkin.

2. Mazkur moddaning 1-bandi qoidalariga qaramay bir Ahdlashayotgan Davlatning rezidenti boshqa Ahdlashayotgan Davlatda amalga oshiriladigan yollashga oid ish munosabati bilan oladigan haqlarga faqat birinchi eslatilgan Davlatda soliq solinadi, agar:

a) haq oluvchi 90 kundan oshmaydigan davr yoki davrlari mobaynida boshqa Ahdlashayotgan davlatda boʻlsa, va

v) toʻlanadigan haqlar boshqa Davlatning rezidenti boʻlmagan yollovchi yoki yollovchi nomidan toʻlanadigan boʻlsa, va

s) toʻlanadigan haqlar boʻyicha xarajatlar yollovchi boshqa. Davlatda ega boʻlgan doimiy muassasa (vakolatxona) yoki doimiy baza hisobidan qilinmaydigan boʻlsa.

3. Ahdlashayotgan Davlatlardan birining rezidenti yollash boʻyicha amalga oshiriladigan xalqaro tashishlarda foydalaniladigan dengiz, daryo, havo, temir yoʻl yoki avtomobil transporti vositalaridagi ish uchun oladigan haqlarga mazkur moddaning oldingi qoidalaridan qatʼi nazar, rezidenti shu transport vositalaridan foydalanuvchi korxona hisoblangan ushbu Davlatda soliq solinishi mumkin.

16-modda Direktorlarning gonorarlari

Bir Ahdlashayotgan Davlatning rezidenti boshqa Ahdlashayotgan Davlatning rezidenti hisoblanadigan direktorlar kengashi yoki korxonaning shunga oʻxshash organi aʼzosi sifatida oladigan direktorlarning gonorarlari va boshqa shunga oʻxshash haqlarga mana shu boshqa Davlatda soliq solinishi mumkin.

17-modda Sanʼat xodimlari va sportchilar

1. Mazkur Bitimning 14 va 15-moddalari qoidalariga qaramay bir Ahdlashayotgan Davlatning rezidenti tomonidan sanʼat xodimi, teatr, kino, radio yoki televideniye artisti yoki musiqachi, yoki sportchi sifatida uning boshqa Ahdlashayotgan Davlatda amalga oshiriladigan shaxsiy faoliyatidan olinadigan daromadga mana shu boshqa Davlatda soliq solinishi mumkin.

2. Agar sanʼat xodimi yoki sportchi oʻzining shu kabi amalga oshiriladigan shaxsiy faoliyatidan oladigan daromadi sanʼat xodimi yoki sportchining oʻziga emas, balki boshqa shaxsga oʻtkaziladigan boʻlsa, ushbu daromadga mazkur Bitimning 7, 14 va 15-moddalari qoidalariga qaramay, sanʼat xodimi yoki sportchi faoliyati amalga oshiriladigan Ahdlashayotgan Davlatda soliq solinadi.

3. Mazkur moddaning 1 va 2-bandlari qoidalari Ahdlashayotgan Davlatda sanʼat xodimlari yoki sportchilar tomonidan amalga oshiriladigan faoliyatdan olinadigan daromadlarga nisbatan, agar ushbu davlatda boʻlish boshqa Ahdlashayotgan Davlat tomonidan yoki uning mahalliy hokimiyatlari tomonidan toʻliq mablagʻ bilan taʼminlansa, qoʻllanilmaydi. Bu kabi hollarda bunday daromaddan ushbu sanʼat xodimi yoki sportchi rezidenti hisoblangan Ahdlashayotgan Davlatda soliq olinadi.

18-modda Pensiyalar va alimentlar

1. Ahdlashayotgan Davlatda tashkil topadigan va ularning haqiqiy egalari hisoblanadigan boshqa Ahdlashayotgan Davlat rezidentiga toʻlanadigan pensiyalarga va boshqa shunga oʻxshash toʻlovlarga faqat ushbu boshqa Davlatda soliq solinadi.

2. Ahdlashayotgan Davlatda paydo boʻladigan va boshqa Ahdlashayotgan Davlat rezidentiga toʻlanadigan alimentlardan va boshqa shunga oʻxshash toʻlovlardan faqat boshqa Davlatda soliq olinadi.

19-modda Davlat xizmati

1. Ahdlashayotgan Davlat yoki uning mahalliy hokimiyatlari tomonidan har qanday jismoniy shaxsga shu Davlat yoki uning mahalliy hokimiyatiga koʻrsatiladigan davlat xizmati uchun toʻlanadigan pensiya boʻlmagan boshqa haqlarga faqat mana shu Davlatda soliq solinadi.

2. Biroq bunday haqqa, agar xizmat shu davlatda amalga oshirilayotgan boʻlsa va jismoniy shaxs shu Davlatning rezidenti hisoblanib, u;

a) shu Davlatning milliy shaxsi hisoblansa, yoki

v) xizmatni amalga oshirish maqsadidagina shu Davlat rezidenti boʻlmagan boʻlsa, mana shu boshqa Ahdlashayotgan Davlatda soliq solinadi.

20-modda Talabalar

Ahdlashayotgan Davlatdan biriga kelgunga qadar bevosita boshqa Ahdlashayotgan Davlat rezidentlari hisoblanuvchi yoki hisoblangan va birinchi eslatilgan Davlatda faqat oʻqish yoki maʼlumot olish uchun turgan va talaba yoki praktikant tomonidan olinadigan yashash, oʻqish hamda maʼlumot olishga moʻljallangan toʻlovlarga, agar bu toʻlovlar manbalari shu Davlat hududidan tashqarida boʻlsa, birinchi eslatib oʻtilgan Davlatda soliq solinmaydi.

21-modda Boshqa daromadlar

Ahdlashayotgan Davlatning manbalaridan paydo boʻladigan va mazkur Bitimning oldingi moddalarida aytib oʻtilmagan daromad (foyda, turlaridan faqat ana shu Davlatda soliq olinishi mumkin.

22-modda Mol-mulk

1. Boshqa Ahdlashayotgan Davlatdagi bir Ahdlashayotgan Davlat rezidentining koʻchmas mulkiga boshqa Davlatda soliq solinishi mumkin.

2. Bir Ahdlashayotgan Davlat korxonasi boshqa Ahdlashayotgan Davlatda mavjud boʻlgan doimiy muassasa (vakolatxona) tadbirkorlik mulkining bir qismi hisoblanadigan koʻchmas mulkka yoki bir Ahdlashayotgan Davlat rezidentiga boshqa Ahdlashayotgan Davlatdagi yakka tartibdagi mustaqil xizmat koʻrsatish maqsadida foydalanish mumkin boʻlgan doimiy baza bilan bogʻliq koʻchmas mulk tarzidagi mulkka mana shu boshqa Davlatda soliq solinishi mumkin.

3. Ahdlashayotgan Davlat korxonasining mulki hisoblangan va xalqaro tashishlarda ishlatiladigan dengiz, daryo, havo va temir yoʻl yoki avtomobil transporti vositalari sifatidagi mulkka va bunday transport vositalari va konteynyerlardan foydalanish bilan bogʻliq koʻchmas mulkka faqat yuridik shaxs sifatida u tashkil topgan joydagi Ahdlashayotgan Davlatda soliq solinishi mumkin.

4. Ahdlashayotgan Davlat rezidenti mulkining boshqa hamma turi va qismiga shu Davlatdagina soliq solinadi.

23-modda Ikki tomonlama soliq solishni bartaraf etish

1. Agar bir Ahdlashayotgan Davlatning rezidenti daromad (foyda) olsa yoki mazkur Bitim qoidalariga muvofiq mulkka egalik qilsa, boshqa Ahdlashayotgan Davlatda soliq olinishi mumkin, unda daromad (foyda)ga yoki mol-mulkka shu Davlatda toʻlanishi kerak boʻlgan soliq summasi birinchi eslatib oʻtilgan Davlatdagi bunday daromad (foyda) munosabati bilan bunday rezidentdan olinadigan soliqdan chiqarib tashlanishi kerak.

Lekin bunday chegirish birinchi davlatning uning soliq qonunchiligiga muvofiq moʻljallangan bunday daromad (foyda) yoki mulkka solinadigan soliq summasidan oshmaydi.

2. Agar bir Ahdlashayotgan Davlat rezidentining daromadi (foydasi) yoki mulki Bitimning istalgan qoidasiga muvofiq ushbu Davlatda soliqdan ozod etilgan boʻlsa. bu Davlat shunday boʻlsa-da, mazkur rezident daromadi (foydasi) yoki mulkining qolgan qismiga solinadigan soliq summasini hisoblashda soliqdan ozod etilgan daromad (foyda) yoki mulkni hisobga olishi kerak.

3. Soliq summasi Ahdlashayotgan Davlatning ichki qonun hujjatlari bilan taqdim etilgan belgilangan maxsus imtiyozli choralarga muvofiq soliqdan ozod qilinganda yoki kamaytirilganda. unda u Ahdlashayotgan Davlatda toʻlangan hisoblanadi, bu bilan u boshqa Ahdlashayotgan Davlatning soligʻidan chegirib tashlangan boʻlishi kerak.

24-modda Kamsitmaslik

1. .Ahdlashayotgan Davlatlar milliy shaxslari boshqa Ahdlashayotgan Davlatda boshqa Davlat milliy shaxslariga xuddi ana shunday vaziyatlarda solinadigan soliqlardan boshqa soliq solishlarga yoki u bilan bogʻliq majburiyatlarga, yoki soliq solishdan ham koʻra ogʻirroq yoki u bilan bogʻliq majburiyatga tortilmaydilar, ayniqsa, rezidensiyaga nisbatan. Bu qoida, 1-modda qoidalaridan qatʼi nazar, (Vitim qoʻllaniladigan shaxslarga) bir yoki ikkala Ahdlashayotgan Davlat rezidentlari hisoblanmaydigan jismoniy shaxslarga nisbatan ham qoʻllaniladi.

2. Bir Ahdlashayotgan Davlat korxonasi boshqa Ahdlashayotgan Davlatda ega boʻlgan doimiy muassasa (vakolatxona)ga soliq solish ana shunday faoliyatni amalga oshirayotgan shu boshqa Davlat korxonalariga solinadigan soliqdan qulay boʻlmaydi. Mazkur qoida bir Ahdlashayotgan Davlatning boshqa Ahdlashayotgan Davlat rezidentlariga qandaydir majburiy xususiy imtiyozlar berish, oʻz rezidentlariga beriladigan ularning fuqarolik maqomlari yoki oilaviy sharoitlari asosida soliq solishdan ozod qilish yoki chegirish sifatida talqin qilinmasligi kerak.

3. Ahdlashayotgan Davlatning mulki boshqa Ahdlashayotgan Davlat bir yoki bir necha rezidentlariga toʻliq yoki qisman taalluqli boʻlgan yoki ular tomonidan bevosita yoki bilvosita boshqariladigan korxonalari birinchi eslatilgan Davlatda birinchi eslatilgan davlatdagi shunday korxonalarga solinadigan boshqa har qanday soliqqa yoki ularga aloqador majburiyatlarga yoki soliq solishdan koʻra ogʻirroq va ular bilan bogʻliq majburiyatlarga tortilmaydilar.

25-modda Oʻzaro kelishuv tartibi

1. Agar shaxs bir yoki ikkala Ahdlashayotgan Davlat xatti-harakati unga ushbu Bitimga muvofiq boʻlmagan soliq solinishiga olib keladi deb hisoblasa, u, ushbu Davlatlarning ichki qonunchiligida nazarda tutilgan himoya vositalaridan qatʼi nazar, oʻz arizasini oʻzi rezidenti hisoblangan Ahdlashayotgan Davlatning vakolatli organiga. yoki uning vaziyati 24-moddaning 1-bandi amal qilishi taʼsiriga tushsa, oʻzi milliy shaxsi hisoblangan Ahdlashayotgan Davlatga taqdim etishi mumkin. Ariza Bitim qoidalariga muvofiq boʻlmagan soliq solishga olib keluvchi xatti-harakatlar toʻgʻrisida birinchi bildirishnoma. berilgan paytdan boshlab uch yil davomida taqdim etilishi kerak.

2. Vakolatli organ, agar arizani asosli deb hisoblasa, va agar uning oʻzi qoniqarli qaror qabul qila olmasa, Bitimga muvofiq boʻlmagan soliq solishga yoʻl qoʻymaslik maqsadida boshqa Ahdlashayotgan Davlatning vakolatli organi bilan oʻzaro kelishuv boʻyicha masalani hal qilishga intiladi. Har qanday erishilgan ahdlashuv, Ahdlashayotgan Davlatlar milliy qonunchiligida nazarda tutilgan biror-bir vaqtinchalik cheklashlardan qatʼi nazar, bajariladi.

3. Ahdlashayotgan Davlatlarning vakolatli organlari Bitimni talqin qilish yoki qoʻllanish paytida paydo boʻladigan har qanday masalalarni oʻzaro kelishib hal etishga intiladilar. Ular ushbu Bitimda nazarda tutilmagan hollarda ikki tomonlama soliq solishni bartaraf etish maqsadida bir-birlari bilan maslahatlashib olishlari ham mumkin.

4. Ahdlashayotgan Davlatlarning vakolatli organlari oldingi bandlarning maʼnosini tushunishda kelishuvga erishish maqsadida bir-birlari bilan bevosita aloqaga kirishishlari mumkin.

26-modda Axborot ayirboshlash

1. Ahdlashayotgan Davlatlarning vakolatli organlari mazkur Bitim qoidalarini yoki Ahdlashayotgan Davlatlarning mazkur Bitim tatbiq qilinadigan soliqlarga oid ichki qonunchiligini, bu qonunchilik boʻyicha soliq solishki mazkur Bitimga zid kelmaydigan darajada qoʻllash, koʻpincha, aldashning oldini olish va qonun bilan belgilangan qonuniy bosh tortishlarga qarshi qoidalarni boshqarishga koʻmaklashish uchun zarur axborot bilak almashinib turadilar. Ahdlashayotgan Davlat olgan har qanday axborot maxfiy hisoblanadi va faqat mazkur Bitim qoʻllaniladigan soliqlarni belgilash, olish, majburiy undirish yoki sudlashuv yoki shikoyatlarni koʻrib chiqish bilan bogʻliq shaxslar yoki organlarga, sudlar va maʼmuriy organlarga ham berilishi mumkin. Bunday shaxslar yoki organlar bu axborotdan faqat ana shu maqsadlarda foydalanadilar. Ular ushbu axborotni ochiq sud majlisida yoki yuridik qaror qabul qilinishida ochiq aytishlari mumkin.

2. Har qanday holatda ham mazkur moddaning 1-bandi qoidalari Ahdlashayotgan Davlatlardan istalgan birining vakolatli organiga:

a) bir yoki boshqa Ahdlashayotgan Davlatning qonunlariga yoki maʼmuriy amaliyotga zid boʻlgan maʼmuriy choralar koʻrish;

v) bir yoki boshqa Ahdlashayotgan Davlatning qonunlari yoki odatdagi maʼmuriy amaliyotida olish mumkin boʻlmagan axborotki taqdim etish;

s) birorta savdo, sanoat, tijorat, tadbirkorlik yoki kasb sirini oshkor qiluvchi axborotni yoki oshkor qilinishi davlat siriga zid keluvchi axborotlarni berish majburiyatini yuklash sifatida talqin qilinmaydi.

27-modda Diplomatik vakolatxonalar va konsullik muassasalari xodimlari

Mazkur Bitimning hech bir qoidasi xalqaro huquqning umumiy normalari yoki maxsus bitimlarning Qoidalariga muvofiq diplomatik vakolatxonalar va konsullik muassasalari xodimlariga berilgan soliq imtiyozlariga daxl qilmaydi.

28-modda Kuchga kirishi

Ahdlashayotgan Davlatlardan har biri mazkur Bitimni ichki qonunchilikka muvofiq kuchga kiritish uchun talab qilingan tadbirlar yakunlanganligi toʻgʻrisida bir-birlarini diplomatik yoʻllar orqali xabardor qiladilar. Mazkur Bitim ana shunday oxirgi axborot olingan kundan boshlab kuchga kiradi va uning qoidalari:

a.) mazkur Bitim kuchga kiradigan yildan keyingi yilning birinchi yanvaridan boshlab daromadlar olinadigan manbadan undiriladigan soliqlarga;

v) Bitim kuchga kirgan yildan bevosita keyin keluvchi kalendar yilning 1-yanvaridan yoki undan keyingi kundan boshlab har bir soliq yili uchun daromaddan olinadigan soliqqa va mulk soliqlariga taʼsir qiladi.

29-modda Amal qilishni toʻxtatish

Mazkur Bitim Ahdlashayotgan Davlatlardan biri uning amal qilishini toʻxtatmagunga qadar kuchda boʻladi. Har bir Ahdlashayotgan Davlat istalgan kalendar yil tamom boʻlishidan kamida olti oy oldin uning amal qilishini toʻxtatish toʻgʻrisida diplomatik yoʻllar orqali bildirishnoma berish yoʻli bilan Bitimning amal qilishini toʻxtatishi mumkin.

Bunday holda Bitim:

a) bekor qilish haqida bildirishnoma berilgan yildan keyingi yilning birinchi yanvaridan boshlab daromadlar olinadigan manbadan undiriladigan soliqlarga;

v) bekor qilish haqida bildirishnoma berilgan yildan bevosita keyin keluvchi kalendar yilning 1-yanvaridan yoki undan keyingi kundan boshlab har bir soliq yili uchun daromaddan olinadigan soliqqa va mulk soliqlariga nisbatan toʻxtatiladi.

Tegishli ravishda Bitimni tasdiqlashga vakil qilingan shaxslar uni tasdiqladilar.

1996-yil 27-may Baku shahrida ikki nusxada, har biri oʻzbek, ozarbayjon va rus tillarida tuzildi, lekin barcha matnlar bir xil kuchga egadir.

Mazkur Bitim qoidalarini talqin qilishda anglashilmovchiliklar yuzaga kelsa rus tilidagi matn asos qilib olinadi.

(imzolar)