Qoʻshkoʻpir tumanida qishloq xoʻjaligi va meliorativ texnikalarni, mashina-traktor parklari, ustaxonalar va servis punktlarining asbob-uskunalarini majburiy texnik koʻrikdan oʻtkazish toʻgʻrisida (425-son)

20.02.2014

Xorazm viloyati Qoʻshkoʻpir tumani hokimining

Qarori

“Mahalliy davlat hokimiyati toʻgʻrisida”gi Oʻzbekiston Respublikasi Qonuniga, Oʻzbekiston Respublikasi Vazirlar Mahkamasining 2012-yil 6-dekabrdagi “Qishloq xoʻjaligi va meliorativ texnikani, asbob-uskunalarni hisobga olish va ularning texnik xolatini nazorat qilish tizimini takomillashtirish chora-tadbirlari toʻgʻrisida”gi 345-sonli qaroriga hamda Oʻzbekiston Respublikasi Qishloq va suv xoʻjaligi vazirining 2013-yil 2-apreldagi 58-sonli buyrugʻi bilan tasdiqlangan “Qishloq xoʻjaligi va meliorativ texnikani, shuningdek mashina-traktor parklari, ustaxonalar va servis punktlarining asbob-uskunalarini texnik koʻrikdan oʻtkazish tartibi toʻgʻrisida”gi nizom (roʻyxat raqami 2452, Oʻzbekiston Respublikasi qonun hujjatlari toʻplami, 2013-y., 17-son, 229-modda) talablariga asosan, tuman hududidagi mulkchilik shaklidan qatʼi nazar, yuridik va jismoniy shaxslarga tegishli boʻlgan va tuman qishloq xoʻjaligi texnikalari boʻyicha davlat inspektori tomonidan belgilangan tartibda roʻyxatdan oʻtkazilgan qishloq xoʻjaligi va meliorativ texnikalarni, shuningdek mashina-traktor parklari, ustaxonalar va servis punktlarining asbob-uskunalarini texnik koʻrikdan oʻtkazish maqsadida qaror qilaman:

1. Tumandagi yuridik va jismoniy shaxslarga tegishli boʻlgan qishloq xoʻjaligi va meliorativ texnikalarni, shuningdek mashina-traktor parklari, ustaxonalar va servis punktlarining asbob-uskunalarini (keyingi oʻrinlarda matnda “texnika” deb yuritiladi) texnik koʻrikdan oʻtkazish komissiyasi tarkibi 1-ilovaga muvofiq, texnikalarni majburiy texnik koʻrikdan oʻtkazish jadvali 2-ilovaga* muvofiq tasdiqlansin va joriy yilning 1-fevralidan 1-avgustigacha texnik koʻrikdan oʻtkazilishini taʼminlasin.

* 2-ilova berilmaydi.

2. Texnik koʻrikdan oʻtkazuvchi tuman komissiyasi:

texnikalarni, texnik koʻrikdan oʻtkazishda ulardan foydalanish qoidalariga rioya etilishi ustidan samarali nazoratni tashkil etish, amalda mavjudligini, mashinalar sonini, ularning xolatini, roʻyxatdan oʻtkazish maʼlumotlarini aniqlashtirish;

qishloq xoʻjaligi va meliorativ texnikalarni, shuningdek mashina-traktor parklari, ustaxonalar va servis punktlarining asbob-uskunalari mavsumga tayyorgarligiga;

texnikalar texnik koʻrikdan oʻtkazilganligi uchun eng kam oylik ish haqining;

traktorlar, traktor tirkamalari, meliorativ texnika va oʻziyurar mashinalariga — 0,18 foizi;

qishloq xoʻjalik mashinalariga — 0,10 foizi;

mashina-traktor parklari, ustaxonalar va servis punktlarining asbob-uskunalari — 0,37 foizi miqdorda yigʻim undirilishini taʼminlasin.

3. Tuman qishloq xoʻjaligi texnikasi boʻyicha davlat inspektori (M. Abdullayev) belgilangan tartibda roʻyxatdan yoki majburiy texnik koʻrikdan oʻtkazilmagan nosoz mashinalarni yoʻlga chiqarilishini oldini olish va ulardan foydalanish qoidalariga rioya etilishi ustidan nazoratni kuchaytirsin.

4. Mazkur qaror qabul qilinishi bilan tuman hokimining 2013-yil 5-apreldagi 701q-sonli qarori oʻz kuchini yoʻqotgan hisoblansin.

5. Qaror “Hayot koʻzgusi” gazetasida eʼlon qilinsin va davlat hisobiga olish uchun adliya boshqarmasiga taqdim etilsin.

6. Ushbu qarorni nazorat qilishni oʻz zimmamda qoldiraman.

Hokim K. SABIROV

Qoʻshkoʻpir t.,

2014-yil 20-fevral,

425-son

Tuman hokimining 2014-yil 20-fevraldagi 425-sonli qaroriga 1-ILOVA

Tumandagi yuridik va jismoniy shaxslarga tegishli boʻlgan qishloq xoʻjaligi va meliorativ texnikalarni, shuningdek mashina-traktor parklari, ustaxonalar va servis punktlarining asbob-uskunalarini texnik koʻrikdan oʻtkazish komissiyasi

TARKIBI

M. Abdullayev — Tuman qishloq xoʻjaligi texnikasi boʻyicha inspektori, komissiya raisi Komissiya aʼzosi: A. Allanazarov D. Jabbarov B. Quvoqov S. Oʻrazmetov Sh. Kenjayev Sh. Xudayorov — — — — — — Tuman IIB boshligʻi oʻrinbosari Tuman IIB YoXB boshligʻi Tuman QSXB boshligʻi Tuman fermyerlar kengashi raisi Tuman MTP DAJ raisi Tuman “Agrotexservis” MChJ raisi