Oʻzbekiston Respublikasi Vazirlar Mahkamasiga Respublikada Milliy valyuta joriy etish toʻgʻrisida qarorlar qabul qilish vakolatini berish haqida (952-XII-son)

03.09.1993

Oʻzbekiston Respublikasi Oliy Kengashining

Qarori

Oʻzbekiston Respublikasi Oliy Kengashi qaror qiladi:

1. Oʻzbekiston Respublikasi Prezidenti I. A. Karimovning maʼruzasida bayon qilingan Mustaqil Davlatlar Hamdoʻstligi mamlakatlaridagi pul islohoti masalalariga doir xulosalar va takliflar toʻla-toʻkis qoʻllab-quvvatlansin. Rossiya va Qozogʻiston bilan kelishilgan holda Oʻzbekistonni rubl zonasida saqlab qolish hamda 1961—1992-yillarda chiqarilgan pullarni 1993-yilda chiqarilgan pullarga almashtirish yuzasidan barcha zarur chora-tadbirlar koʻrilsin.

2. Oʻzbekiston Respublikasi Vazirlar Mahkamasiga zarurat boʻlsa milliy valyuta joriy etish yuzasidan uzil-kesil qaror qabul qilish vakolati berilsin.

Oʻzbekiston Respublikasi Oliy Kengashining Raisi Sh. YOʻLDOShEV

Toshkent sh.,

1993-yil 3-sentabr,

952-XII-son