2014-yil uchun mol-mulk va yer soligʻi toʻlovchi jismoniy shaxslarni hisobga olish ularga soliqlarni hisoblash toʻgʻrisida (262-son)

06.03.2014

Xorazm viloyati Yangibozor tumani hokimining

Qarori

“Mahalliy davlat hokimiyati toʻgʻrisida”gi va “Davlat soliq xizmati toʻgʻrisida”gi Oʻzbekiston Respublikasi qonunlari hamda Oʻzbekiston Respublikasi Soliq kodeksi ijrosi yuzasidan tuman hududidagi jismoniy shaxslar tasarrufida boʻlgan mol-mulk, yer soligʻi obyektlari va subyektlari, shuningdek yakka tartibdagi tadbirkorlik faoliyati bilan shugʻullanuvchi jismoniy shaxslarni toʻliq roʻyxatga olish, soliqlarni hisoblash, tegishli imtiyozlarni toʻgʻri qoʻllash hamda belgilangan muddatlarda mahalliy budjetga tushumlar tushishini taʼminlash maqsadida qaror qilaman:

1. 2014-yilda mol-mulk, yer soligʻi obyektlari va subyektlari hamda yakka tartibdagi tadbirkorlik faoliyati bilan shugʻullanuvchi jismoniy shaxslarni toʻliq roʻyxatga olish, soliqlarni hisoblash, tegishli imtiyozlarni toʻgʻri qoʻllashni toʻliq va sifatli oʻtkazish, ularga tegishli boʻlgan maʼlumotlarni vakolatli idoralar tomonidan tuman Davlat soliq inspeksiyasiga toʻliq takdim etilishini taʼminlash maqsadida 2014-yilning 10-yanvaridan 2014-yilning 1-martiga qadar “Soliq toʻlovchi jismoniy shaxslarni hisobga olish” davri etib belgilansin.

2. Yangibozor tuman Davlat soliq inspeksiyasi (X. Ibroximov)ga:

soliq toʻlovchilarni hisobga olish davrida tuman xududidagi mol-mulk, yer soligʻi obyektlari va subyektlari hamda yakka tartibdagi tadbirkorlik faoliyati bilan shugʻullanuvchi jismoniy shaxslarni toʻliq roʻyxatga olish, ularga soliq hisoblash va soliq qonunchiligida belgilangan imtiyozlarni qoʻllash;

barcha mahallalarda soliqlarning ahamiyati, ayrim toifadagi jismoniy shaxslarga soliqlardan imtiyozlar toʻgʻrisida, 2014-yil uchun toʻlanishi kerak boʻlgan soliqlarning muddatidan oldin toʻlanishi haqida keng tushuntirish ishlarini olib borish;

aholi oʻrtasida Oʻzbekiston Respublikasi soliq qonunchiligi boʻyicha amaldagi meʼyoriy-huquqiy hujjatlarning mohiyati yuzasidan qishloq (mahalla) fuqarolar yigʻini raisi va faollari ishtirokida muntazam ravishda seminar yigʻilishlar oʻtkazish vazifasi yuklatilsin.

3. Tuman hududida faoliyat yuritayotgan qishloq fuqarolar yigʻini hamda mahalla fuqarolar yigʻini raislari, jamoat tashkilotlari, uy-joy mulkdorlar shirkatlari, korxona va tashkilotlarning rahbarlari jismoniy shaxslarni roʻyxatga olish, hisoblangan soliqlarni belgilangan muddatlarda mahalliy budjetga undirilishi yuzasidan tuman Davlat soliq inspeksiyasi uchastka soliq inspektorlariga doimiy ravishda yaqindan amaliy yordam berish vazifasi yuklatilsin.

4. “Soliq toʻlovchi jismoniy shaxslarni hisobga olish” davrini keng qamrovli va sifatli oʻtkazilishi yuzasidan Oʻzbekiston Respublikasi Soliq kodeksi, Oʻzbekiston Respublikasi “Davlat soliq xizmati toʻgʻrisida”gi Qonuniga asosan, davlat soliq inspeksiyasi tomonidan mol-mulk, yer soligʻi obyektlari va subyektlari hamda yakka tartibdagi tadbirkorlik faoliyati bilan shugʻullanuvchi jismoniy shaxslarni toʻliq hisobga olish, soliq hisoblash hamda tegishli imtiyozlarni toʻgʻri qoʻllanilishini taʼminlash maqsadida:

Yangibozor tuman hoʻjalik hisobidagi Yer tuzish va koʻchmas mulk kadastr xizmati davlat unitar korxonasi (Sh. Abdullayev) zimmasiga 2014-yil 1-martga qadar 1-ilovaga muvofiq, tuman hududida jismoniy shaxslarning egaligida boʻlgan mol-mulk obyektlari, yer maydoni miqdori va ularning 1-yanvar holatiga inventarizatsiya qiymatlari toʻgʻrisidagi maʼlumotlarni;

Yangibozor tuman Arxitektura va qurilish boʻlimi (E. Eshmatov) zimmasiga 2014-yil 1-martga qadar 2-ilovaga muvofiq 2013-yilda fuqarolarga tuman hududida (tadbirkorlik, yakka tartibda uy-joy qurilishi uchun dehqon xoʻjaligi va boshqalar) 1-yanvar holatiga ajratilgan yer maydonlari va ularning egalari toʻgʻrisidagi maʼlumotlarni;

Budjetdan tashkari pensiya jamgʻarmasi tuman boʻlimi (R. Avezov) zimmasiga 2014-yil 1-martga qadar 3-ilovaga muvofiq, 2014-yil 1-yanvar holatiga Yangibozor tumanida istikomat qiluvchi, nafaqa oluvchi sifatida roʻyxatga olingan barcha turdagi nafaqahoʻrlarning toʻliq maʼlumotlarini;

Yangibozor tuman mudofaa ishlari boʻlimi (D. Poʻlatov) zimmasiga 2014-yil 1-martga qadar 4-ilovaga muvofiq. 2014-yil 1-yanvar holatiga Yangibozor tumani xududida yashovchi 1941—1945-yillar urush katnashchilari va nogironlari, Afgʻonistonda harbiy xizmatni oʻtagan fuqarolar va boshqa mavjud maʼlumotlarni;

Yangibozor tuman Sanitariya Epidemiologiya nazorati markazi (M. Yusupov) zimmasiga 2014-yil 1-martga qadar 5-ilovaga muvofiq, 2014-yil 1-yanvar holatiga Yangibozor tuman xududida tadbirkorlik faoliyati yuritish uchun belgilangan tartib sanitariya ruxsatnomasi olgan fuqarolar toʻgʻrisidagi maʼlumotlarni;

Yangibozor tuman Veterinariya xizmati (B. Yusupov) zimmasiga 2014yil 1-martga qadar 6-ilovaga muvofiq, 2014-yil 1-yanvar holatiga Yangibozor tuman xududida goʻsht sotish faoliyati va qishloq xoʻjaligi mahsulotlarini chakana sotuvchi fuqarolar (oʻzi yetishtirgan qishloq xoʻjaligi maxsulotlari bundan mustasno) toʻgʻrisidagi maʼlumotlarni;

Shimolgaztaʼminoti unitar korxonasi Yangibozor tuman filiali (Sh. Roʻzmetov) zimmasiga 2014-yil 1-martga qadar 7-ilovaga muvofiq 2014-yil 1-yanvar holatiga, tadbirkorlik faoliyati bilan shugʻullanish uchun gaz taʼminoti uchun shartnoma tuzgan jismoniy shaxslar toʻgʻrisidagi maʼlumotlarni;

Yangibozor tuman Elektr tarmoqlari korxonasi (Sh. Qoʻziyev) zimmasiga 2014-yil 1-martga qadar 8-ilovaga muvofiq 2014-yil 1-yanvar holatiga, tadbirkorlik faoliyati bilan shugʻullanish uchun elektr isteʼmoli uchun shartnoma tuzgan jismoniy shaxslar toʻgʻrisidagi maʼlumotlarni;

Yangibozor tuman ichki ishlar boʻlimi (M. Muxatov) va yoʻl harakati xavfsizligi guruhi (S. Xolbayev) zimmalariga 2014-yil 1-martga qadar 9-10-ilovaga muvofiq, 2014-yil 1-yanvar holatida Yangibozor tuman xududida yashovchi fuqarolarni pasport maʼlumotlari va shaxsiy yuk transport vositalari egalari toʻgʻrisidagi maʼlumotlarni;

Tuman Fuqarolik holati dalolatnomalari yozish boʻlimi (A. Bayjanova) 2014-yil 1-martga qadar 11-ilovaga muvofiq, tuman xududida 2012-2013-yillarda vafot etgan fuqarolar toʻgʻrisidagi maʼlumotlarni;

Tuman Davlat notarial idorasi notariusi (O. Sobirov) belgilangan tartibda jismoniy shaxslar tomonidan koʻchmas mulk ijara shartnomasi tasdiqlanganligi va ijara haqi mikdori, shuningdek meros kilib olish yoki hadya tarzida fuqarolarning mulkiga oʻtayotgan mol-mulk qiymati toʻgʻrisida maʼlumotlarni oʻz vaqtida takdim etib borishi tavsiya etilsin.

5. Tuman hokimligi “Maxalla” jamoat fondi, qishloq (mahalla) fuqarolar yigʻinlari raislariga, “Soliq toʻlovchilarni hisobga olish” davri tadbirini oʻtkazishda faol katnashishlari va joylarda uchastka Davlat soliq inspektorlari bilan hamkorlikda 2014-yil uchun mahalliy soliq toʻlovchilarni soliq organlarida belgilangan shakllarga asosan toʻliq hisobga olishni amalga oshirilishi tavsiya etilsin.

6. Mazkur qaror “Yangibozor koʻzgusi” gazetasida elon kilinsin.

7. Mazkur qarorning bajarilishini nazorat qilish tuman hokimining oʻrinbosari S. Saidjonov zimmasiga yuklatilsin.

Hokim O. MADRAXIMOV

Yangibozor t.,

2014-yil 6-mart,

262-son

Tuman hokimining 2014-yil 6-martdagi 262-son qaroriga 1-ILOVA

T/r Obyekt egasining I.F.O. Yashash manzili Obyekt joylashgan manzil Unikal kodi Egalik huquqini tasdiqlovchi hujjat Asosiy yer maydoni Qoʻshimcha yer maydoni Qurilish osti maydoni 01.01.2014-yilga boʻlgan mulk qiymati sanasi raqami 1. 2. 3. 4. 5. 6. 7. 8. 9. Yangibozor tumani Yer tuzish va koʻchmas mulk kadastr xizmati boshligʻi

Tuman hokimining 2014-yil 6-martdagi 262-son qaroriga 2-ILOVA

T/r Obyekt egasining I.F.O. Yashash manzili Obyekt joylashgan manzil Egalik huquqini tasdiqlovchi hujjat Mulk turi Umumiy yer maydoni sanasi raqami 1. 2. 3. 4. 5. 6. 7. 8. 9. Yangibozor tumani Bosh arxitektori:

Tuman hokimining 2014-yil 6-martdagi 262-son qaroriga 3-ILOVA

Tuman hokimining 2014-yil 6-martdagi 262-son qaroriga 4-ILOVA

Tuman hokimining 2014-yil 6-martdagi 262-son qaroriga 5-ILOVA

Tuman hokimining 2014-yil 6-martdagi 262-son qaroriga 6-ILOVA

Tuman hokimining 2014-yil 6-martdagi 262-son qaroriga 7-ILOVA

T/r I.F.O. Yashash manzili Tugʻilgan yili Pasport Gaz taʼminotidan qaysi faoliyat turi bilan roʻyxatga olinganligi kun oy Yil seriyasi raqami sanasi shartnoma raqami shartnoma muddati faoliyat turi faoliyatni amalga oshirish joyi 1. 2. 3. 4. 5. 6. 7. 8. 9. Yangibozor tuman Gaz taʼminoti rahbari :

Tuman hokimining 2014-yil 6-martdagi 262-son qaroriga 8-ILOVA

Tuman hokimining 2014-yil 6-martdagi 262-son qaroriga 9-ILOVA

Tuman hokimining 2014-yil 6-martdagi 262-son qaroriga 10-ILOVA

Tuman hokimining 2014-yil 6-martdagi 262-son qaroriga 11-ILOVA

Tuman hokimining 2014-yil 6-martdagi 262-son qaroriga 12-ILOVA

(“Yangibozor koʻzgusi” gazetasi, 21.03.2014-y., 6-son)