2014-yilda haq toʻlanadigan jamoat ishlarini tashkil etish toʻgʻrisida (1305k-son)

22.08.2014

Xorazm viloyati Urganch tumani hokimining

Qarori

“Mahalliy davlat hokimiyati toʻgʻrisida”gi, “Aholini ish bilan taʼminlash toʻgʻrisida”gi Oʻzbekiston Respublikasi qonunlariga, Oʻzbekiston Respublikasi Vazirlar Mahkamasining 1999-yil 19-iyuldagi 353-sonli qarori bilan tasdiqlangan “Haq toʻlanadigan jamoat ishlarini tashkil qilish toʻgʻrisida”gi nizomga asosan, tumanda haq toʻlanadigan jamoat ishlarini tashkil qilish va moliyalash tartibini, ishsiz deb eʼtirof etilgan fuqarolarning bunday ishlarda ishtirok etish shartlarini belgilash maqsadida qaror qilaman:

1. 2014-yilda ishsiz deb eʼtirof etilgan fuqarolar uchun haq toʻlanadigan jamoat ishlarini tashkil etish ilovaga muvofiq korxona, tashkilotlarga yuklatilsin.

2. Bandlikka koʻmaklashish va aholini ijtimoiy muhofaza qilish markazi (J. Toʻrayev)ga ilovada keltirilgan korxona, tashkilot va fermer xoʻjaliklari bilan tegishli shartnomalar tuzib, haq toʻlanadigan jamoat ishlarini tashkil etish vazifasi topshirilsin.

3. Tegishlicha korxona, tashkilotlar rahbarlari:

tashkil etiladigan haq toʻlanadigan jamoat ishlarini belgilangan tartibda ishsiz deb eʼtirof etilgan fuqarolar uchun ularning maxsus dastlabki kasb tayyorgarligini talab qilmaydigan, mehnat faoliyatining vaqtincha turlariga muvofiq boʻlishini;

Bandlikka koʻmaklashish va aholini ijtimoiy muhofaza qilish markazi tomonidan yuborilgan fuqarolarni har oy davomida kamida ikki hafta muddatga haq toʻlanadigan jamoat ishlari bilan taʼminlanishini;

Bandlikka koʻmaklashish va aholini ijtimoiy muhofaza qilish markazi tomonidan yuborilgan fuqaro bilan ish beruvchi muddatli mehnat shartnomasi tuzsin va amaldagi qonun hujjatlariga muvofiq amalga oshirilishini taʼminlasin;

haq toʻlanadigan jamoat ishlariga jalb qilingan fuqarolar mehnatiga haq toʻlash xarajatlari, Urganch tuman hokimligiga qarashli korxonalar, muassasalar va tashkilotlar boʻyicha — ellik foizi ish beruvchilar mablagʻlari va ellik foiz mahalliy budjet va ish bilan taʼminlashga koʻmaklashish davlat jamgʻarmasi mablagʻlari hisobiga;

boshqa korxonalar, muassasalar va tashkilotlar boʻyicha — yetmish besh foizi ish beruvchilar mablagʻlari va yigirma besh foizi ish bilan taʼminlashga koʻmaklashish davlat jamgʻarmasi mablagʻlari hisobiga amalga oshirilsin.

4. Bandlikka koʻmaklashish va aholini ijtimoiy muhofaza qilish markazi (J. Toʻrayev) bir hafta mobaynida ilovada koʻrsatilgan korxona, tashkilotlar rahbarlari eʼtiboriga yetkazsin va qarorning bajarilishi ustidan qatʼiy nazorat oʻrnatilishini taʼminlasin.

5. Mazkur qaror qabul qilinishi bilan Urganch tuman hokimining “Haq toʻlanadigan jamoat ishlarini tashkil etish toʻgʻrisida”gi 2013-yil 5-iyundagi 794-sonli qarori oʻz kuchini yoʻqotgan deb hisoblansin.

6. Ushbu qaror “Urganch haqiqati” gazetasida eʼlon qilinsin.

7. Ushbu qarorning ijrosini nazorat qilish tuman hokimining oʻrinbosari R. Sapayev zimmasiga yuklatilsin.

Hokim Sh. RUSTAMOV

Urganch t.,

2014-yil 22-avgust,

1305k-son

Tuman hokimining 2014-yil 22-avgustdagi 1305k-sonli qaroriga ILOVA

Belgilangan muddatlarda haq toʻlanadigan jamoat ishlarini tashkil qiluvchi korxona va tashkilotlar

ROʻYXATI