Sugʻurtalovchilar va qayta sugʻurtalovchilarning toʻlov qobiliyati toʻgʻrisidagi nizomga oʻzgartirishlar va qoʻshimcha kiritish haqida (1806-2-son)

11.11.2014

OʻZBEKISTON RESPUBLIKASI MOLIYA VAZIRINING

buyrugʻi

[Oʻzbekiston Respublikasi Adliya vazirligi tomonidan 2014-yil 11-noyabrda roʻyxatdan oʻtkazildi, roʻyxat raqami 1806-2]

Oʻzbekiston Respublikasining “Sugʻurta faoliyati toʻgʻrisida”gi Qonuniga muvofiq buyuraman:

1. Oʻzbekiston Respublikasi moliya vazirining 2008-yil 22-apreldagi 41-sonli buyrugʻi (roʻyxat raqami 1806, 2008-yil 12-may) (Oʻzbekiston Respublikasi qonun hujjatlari toʻplami, 2008-y., 20-21-son, 178-modda) bilan tasdiqlangan Sugʻurtalovchilar va qayta sugʻurtalovchilarning toʻlov qobiliyati toʻgʻrisidagi nizomga ilovaga muvofiq oʻzgartirishlar va qoʻshimcha kiritilsin.

2. Mazkur buyruq rasmiy eʼlon qilingan kundan eʼtiboran kuchga kiradi.

Vazir R. AZIMOV

Toshkent sh.,

2014-yil 27-oktabr,

69-son

Oʻzbekiston Respublikasi moliya vazirining 2014-yil 27-oktabrdagi 69-sonli buyrugʻiga ILOVA

Sugʻurtalovchilar va qayta sugʻurtalovchilarning toʻlov qobiliyati toʻgʻrisidagi nizomga kiritilayotgan oʻzgartirishlar va qoʻshimcha

1. 18-banddagi “sugʻurta faoliyati, shuningdek sugʻurta faoliyatini taʼminlashga yoʻnaltirilgan faoliyatni amalga oshiradigan shuʼba korxonalar” degan soʻzlar “sugʻurta faoliyati, sugʻurta faoliyatini taʼminlashga yoʻnaltirilgan faoliyatni, shuningdek mulk huquqi asosida sugʻurtalovchiga (qayta sugʻurtalovchiga) tegishli boʻlgan xizmat binolaridan foydalanish boʻyicha faoliyatni amalga oshiradigan shuʼba korxonalar (shuʼba xoʻjalik jamiyatlari)” degan soʻzlar bilan almashtirilsin.

2. 29-bandda:

birinchi xatboshidagi “qonun hujjatlarida nazarda tutilgan hollar bundan mustasno” degan soʻzlar “agar qonun hujjatlarida boshqa qoida nazarda tutilmagan boʻlsa, sugʻurta faoliyati, sugʻurta faoliyatini taʼminlashga yoʻnaltirilgan faoliyatni, shuningdek mulk huquqi asosida sugʻurtalovchiga (qayta sugʻurtalovchiga) tegishli boʻlgan xizmat binolaridan foydalanish boʻyicha faoliyatni amalga oshiradigan shuʼba korxonalar (shuʼba xoʻjalik jamiyatlari) bundan mustasno” degan soʻzlar bilan almashtirilsin;

ikkinchi xatboshi “, agar qonun hujjatlarida boshqa qoida nazarda tutilmagan boʻlsa, sugʻurta faoliyati, sugʻurta faoliyatini taʼminlashga yoʻnaltirilgan faoliyatni, shuningdek mulk huquqi asosida sugʻurtalovchiga (qayta sugʻurtalovchiga) tegishli boʻlgan xizmat binolaridan foydalanish boʻyicha faoliyatni amalga oshiradigan shuʼba korxonalar (shuʼba xoʻjalik jamiyatlari) bundan mustasno.” degan soʻzlar bilan toʻldirilsin.