Oʻzbekiston Respublikasi Davlat-tijorat Xalq bankining bino va inshootlaridan samarali foydalanish chora-tadbirlari toʻgʻrisida (310-son)

07.11.2014

Oʻzbekiston Respublikasi Vazirlar Mahkamasining

qarori

Oʻzbekiston Respublikasi Davlat tijorat Xalq bankining operativ boshqaruvidagi bino va inshootlardan kelgusida yanada samarali foydalanish, davlat mulkini oqilona boshqarishni taʼminlash maqsadida Vazirlar Mahkamasi qaror qiladi:

1. Oʻzbekiston Respublikasi Davlat tijorat Xalq banki (bundan buyon matnda Xalq banki deb yuritiladi) va Davlat raqobat qoʻmitasining quyidagilarni oʻtkazish toʻgʻrisidagi taklifiga rozilik berilsin:

Xalq banki operativ boshqaruvida va foydalanishda boʻlgan 1-ilovaga muvofiq roʻyxatdagi bino va inshootlarni — tasarruf yetish huquqi bilan;

joylardagi tegishli davlat organlariga Halq banki operativ boshqaruvida boʻlgan va foydalanilmaydigan 2-ilovaga muvofiq roʻyxatdagi bino va inshootlarni — operativ boshqaruv huquqi bilan.

2. Oʻzbekiston Respublikasi yer resurslari, geodeziya, kartografiya va davlat kadastri davlat qoʻmitasi va Xalq banki Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda ikki oy muddatda ushbu qarorning 1-ilovasida koʻrsatilgan bino va inshootlar hamda ularga tegishli yer maydoni bilan kadastr hujjatlari rasmiylashtirilishi hamda ularni davlat roʻyxatidan oʻtkazilishini taʼminlasin.

3. Ushbu qarorning 2-ilovasida koʻrsatilgan bino va inshootlarni Xalq banki belgilangan tartibda topshirsin, mahalliy davlat hokimiyati organlari esa qabul qilib olsin.

4. Qoraqalpogʻiston Respublikasi Vazirlar Kengashiga, viloyatlar va Toshkent shahar hokimliklari:

qabul qilinayotgan obyektlardan samarali foydalanishni taʼminlasin, ularda mahalla qoʻmitalari va aholi oʻrtasida madaniy-maʼrifiy, sport-sogʻlomlashtirish markazlarini joylashtirishga alohida eʼtibor qaratsin;

mahalliy davlat hokimiyati organlariga berilgan va balansida saqlanayotgan bino va binolardan oqilona va samarali foydalanish, shuningdek ularga toʻgʻri texnik xizmat koʻrsatish ustidan qatʼiy va tizimli nazorat oʻrnatsin.

5. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R. S. Azimov zimmasiga yuklatilgan.

Oʻzbekiston Respublikasining Bosh vaziri Sh. MIRZIYOYEV

Toshkent sh.,

2014-yil 7-noyabr,

310-son

Vazirlar Mahkamasining 2014-yil 7-noyabrdagi 310-son qaroriga 1-ILOVA

Xalq banki tasarrufida boʻlgan, operativ boshqarilayotgan va Xalq banki muassasalari tomonidan foydalaniladigan binolar va binolar — tasarruf etish huquqi bilan

ROʻYXAT

* Kadastr hujjatlarini rasmiylashtirishda Yergeodezkadastr Davlat qoʻmitasi tomonidan aniqlashtirilishi lozim.

Izoh: berilgan binolar va inshootlarning joylashuvi ularning taʼsis hujjatlariga muvofiq belgilanadi.

Vazirlar Mahkamasining 2014-yil 7-noyabrdagi 310-son qaroriga 2-ILOVA

Mahalliy davlat hokimiyati organlariga operativ boshqaruvda boʻlgan va Xalq banki muassasalari tomonidan foydalanilmayotgan binolar va binolarga — operativ boshqaruv huquqi asosida

ROʻYXAT

* Kadastr hujjatlarini rasmiylashtirishda Yergeodezkadastr Davlat qoʻmitasi tomonidan aniqlashtirilishi lozim.

Izoh: berilgan binolar va inshootlaming joylashuvi ularning taʼsis hujjatlariga muvofiq belgilanadi.