Tumanda ijtimoiy himoyaga muhtoj shaxslar uchun ish joylarining eng kam miqdorini belgilash toʻgʻrisida (19-Q-son)

22.01.2014

Andijon viloyati Boʻz tumani hokimining

qarori

Oʻzbekiston Respublikasining “Aholini ish bilan taʼminlash toʻgʻrisida”gi Qonunining 17-moddasiga va Vazirlar Mahkamasining 2008-yil 20-avgustdagi “Ijtimoiy muhofazaga muhtoj va ish topishda qiynalayotgan shaxslarni ishga joylashtirish uchun ish oʻrinlarini band qilib qoʻyish tartibi toʻgʻrisidagi nizomni tasdiqlash haqida”gi 186-son qaroriga hamda Oʻzbekiston Respublikasining “Mahalliy davlat hokimiyati toʻgʻrisida”gi Qonunining 6-moddasiga asoslanib qaror qilaman:

1. Oʻzbekiston Respublikasining “Aholini ish bilan taʼminlash toʻgʻrisida”gi Qonunining 17-moddasiga va Oʻzbekiston Respublikasi Vazirlar Mahkamasining 2008-yil 20-avgustdagi “Ijtimoiy muhofazaga muhtoj va ish topishda qiynalayotgan shaxslarni ishga joylashtirish uchun ish oʻrinlarini band qilib qoʻyish tartibi toʻgʻrisidagi nizomni tasdiqlash haqida”gi 186-son qarori rahbarlik va ijro uchun qabul qilinsin.

2. Ijtimoiy muhofazaga muhtoj va ish topishda qiynalayotgan shaxslar ishga joylashtirish boʻyicha tuman komissiyasining tarkibi 1-ilovaga muvofiq tasdiqlansin.

3. Tumanda 2014-yil ijtimoiy himoyaga muhtoj va ish topishda qiynalayotgan shaxslarni ishga joylashtirish uchun ish oʻrinlari band qilib qoʻyish tartibi 2-ilovaga asosan tasdiqlansin.

4. Oʻzbekiston Respublikasining “Aholini ish bilan taʼminlash toʻgʻrisida”gi Qonunining 17-moddasiga asosan 2-ilovadagi korxonalarda ijtimoiy muhofazaga muhtoj va ish topishda qiynalayotgan shaxslarni ishga joylashtirish uchun ish oʻrinlarini band qilib qoʻyish, xodimlarning maʼlumotnomada koʻrsatilgan roʻyxatdagi oʻrtacha soni yaʼni 4338 nafarini 9 % miqdorida belgilansin xamda 129 nafar fuqarolarning ish oʻrinlari tashkil etilishi quyidagi tartibda koʻrsatib oʻtilsin:

oʻn toʻrt yoshgacha bolalari va nogiron bolalari boʻlgan yolgʻiz ota va yolgʻiz ona va koʻp bolali ota-onalar uchun;

kichik yoshli bolalari bor boʻlgan ishlaydigan ayollar uchun;

nogironlar uchun;

oʻrta maxsus, kasb-hunar taʼlimi muassasalarini tamomlagan yoshlarga, shuningdek oliy oʻquv yurtlarining davlat grantlari asosida taʼlim olgan bitiruvchilariga;

Oʻzbekiston Respublikasi Qurolli Kuchlaridan muddatli harbiy xizmatdan boʻshatilganlarga;

bandlikka koʻmaklashuvchi markazda ish qidiruvchi hisobida turgan pensiya yoshiga yaqinlashib qolgan shaxslar;

jazoni oʻtash muassasalaridan ozod qilingan, jazoni oʻtayotgan yoki sud qaroriga koʻra tibbiy xarakterdagi majburiy choralar koʻrilgan shaxslar uchun;

odam savdosidan jabrlanganlarga.

5. Mazkur qarorning 2-ilovasida koʻrsatilgan korxona rahbarlari, tashkilotdagi (mexanik, nazoratchi, qorovul, oʻt oʻchiruvchi, chilangar payvandlovchi, traktorchi, farrosh va har xil toifadagi ish oʻrinlari) kasb va lavozimlarini band qilib qoʻysinlar hamda koʻrsatilgan korxonalarning rahbarlari ijtimoiy himoyaga muhtoj shaxslar uchun ajratilgan ish joylari koʻrsatib oʻtilgan sonini bajarilishini taʼminlamagan taqdirda Oʻzbekiston Respublikasi Vazirlar Mahkamasining 2008-yil 20-avgustdagi “Ijtimoiy muhofazaga muhtoj va ish topishda qiynalayotgan shaxslarni ishga joylashtirish uchun ish oʻrinlarini band qilib qoʻyish tartibi toʻgʻrisida”gi nizomning 15-bandiga asosan intizomiy jazoga tortilishlari koʻrsatib oʻtilsin.

6. Ijtimoiy muhofazaga muhtoj ish joylarini yaratishda eng kam miqdori mazkur qaror bilan belgilangandan ortiq barpo etilgan taqdirda korxonalar uchun imtiyozlar belgilanishi koʻrsatib oʻtilsin.

7. Ushbu qaror qabul qilinishi munosabati bilan tuman hokimining 2012-yil 5-dekabr kungi 614-Q sonli qarori oʻz kuchini yoʻqotgan deb hisoblansin.

8. Ushbu qaror rasmiy nashrda eʼlon qilingan kundan kuchga kirgan deb hisoblansin.

9. “Boʻz hayoti” gazetasi tahririyati (S. Xazratqulov)ga ushbu qarorni tuman gazetasida chop etish hamda tumandagi korxona, tashkilot va hoʻjaliklarda aholini ijtimoiy himoyaga muhtoj qatlamiga ixtisoslashtirilgan ish oʻrinlari band qilish boʻyicha amalga oshirilayotgan ishlarni gazeta sahifasida keng yoritib borish tavsiya etilsin.

10. Tuman Bandlikka koʻmaklashish va aholini ijtimoiy muhofaza qilish markazi (A. Akbarov)ga mazkur qarorning bajarilishi yuzasidan yil yakuni boʻyicha 2013-yil dekabr oyigacha tuman hokimligiga yozma axborot berish vazifasi topshirilsin.

11. Ushbu qarorning Bajarilishini nazorat qilish tuman hokimining oʻrinbosari R. Sodiqova va bandlikka koʻmaklashuvchi markazi direktori vazifasini bajaruvchi A. Akbarov zimmalariga yuklatilsin.

Hokim D. ADILBOYEV

Boʻz t.,

2014-yil 22-yanvar,

19-Q-son

Tuman hokimining 2014-yil 22-yanvardagi 19-Q-sonli qaroriga 1-ILOVA

Ijtimoiy himoyaga muhtoj va ish topishda qiynalayotgan shaxslarni ishga joylashtirish boʻyicha tuman komissiyasining

tarkibi

1. R. Sodiqova — Tuman hokimining oʻrinbosari, komissiya raisi 2. A. Akbarov — Tuman Bandlikka koʻmaklashuvchi markaz direktori vazifasini bajaruvchi, komissiya raisining oʻrinbosari Komissiya aʼzolari: 3. O. Rasulov — Tuman hokimligi ijtimoiy masalalari boʻyicha bosh mutaxassisi 4. K. Tojixalilova — Tuman hokimligi, xotin-qizlar qoʻmitasi bosh mutaxassisi 5. T. Abdurahimova — “Mahalla” xayriya jamoat fondi raisi vazifasini bajaruvchi 6. N. Ahmadjonova — Boʻz shaharcha fuqarolar yigʻini raisi 7. F. Isroilova — “M.Jalolov” qishloq fuqarolar yigʻini raisi 8. O. Xojimurodov — “Xoldevonbek” qishloq fuqarolar yigʻini raisi 9. A. Dehqonov — “Xovos” qishloq fuqarolar yigʻini raisi

Tuman hokimining 2014-yil 22-yanvardagi 19-Q-sonli qaroriga 2-ILOVA

2014-yilda Boʻz tumanida Ijtimoiy muhofazaga muhtoj va ish topishda qiynalayotgan shaxslarni ishga joylashtirish uchun band qilib qoʻyilgan ish oʻrinlariga ishga joylashtirish

DASTURI