Qishloq xoʻjaligiga oid texnika va mexanizmlarni 2014-yil majburiy texnik koʻrikdan oʻtkazish toʻgʻrisida (13-q-son)

15.01.2014

Andijon viloyati Izboskan tumani hokimining

Qarori

Oʻzbekiston Respublikasi Qishloq va suv xoʻjaligi vazirining 2013-yil 2-apreldagi 58-sonli “Qishloq xoʻjaligi va meliorativ texnikani, shuningdek mashina-traktor parklari, ustaxonalar va servis punktlarining asbob-uskunalarini texnik koʻrikdan oʻtkazish tartibi toʻgʻrisidagi nizomni tasdiqlash haqida”gi (Oʻzbekiston Respublikasi Adliya vazirligi tomonidan 2013-yil 25-aprelda roʻyxatdan oʻtkazilgan, roʻyxat raqami 2452) buyrugʻi ijrosini taʼminlash hamda Izboskan tuman qishloq xoʻjaligi texnikalari boʻyicha davlat inspektorining 2014-yil 10-yanvardagi 07/1-sonli xatini koʻrib chiqib Oʻzbekiston Respublikasi “Mahalliy davlat hokimiyati toʻgʻrisida”gi Qonuniga muvofiq qaror qilaman:

1. Izboskan tuman qishloq xoʻjaligi texnikalari boʻyicha davlat inspektorining 2014-yil 10-yanvardagi 07/1-sonli xati inobatga olinsin.

2. Qishloq xoʻjaligi va meliorativ texnikalar, shuningdek mashina-traktor parklari, ustaxonalar va servis punktlarining asbob-uskunalari 2014-yil majburiy texnik koʻrikdan oʻtkazilsin.

3. Texnika koʻrigini oʻz vaqtida va sifatli oʻtkazish uchun tuzilgan ishchi guruhi tarkibi 1-ilovaga, texnik koʻrik oʻtkazish jadvali 2-ilovaga muvofiq tasdiqlansin.

4. Tuman qishloq xoʻjaligi texnikalari boʻyicha davlat inspektori (A. Komilov)ga:

tashkilot, korxona, muassasa va fermer xoʻjaliklari, kichik korxonalardagi mavjud qishloq xoʻjaligi va meliorativ texnikalarini belgilangan jadval asosida texnik koʻrikka tayyorlanishi va tegishli hujjatlarni oʻz muddatida rasmiylashtirilishini nazorat qilish;

tuman hududidagi fuqarolarga tegishli boʻlgan shaxsiy qishloq xoʻjaligi va meliorativ texnikalarini belgilangan jadval asosida toʻla texnik koʻrikdan oʻtkazilishini taʼminlash vazifasi topshirilsin.

5. Tuman “Paxtakor” roʻznomasi tahririyati davlat korxonasi (A. Komilov)ga yillik texnik koʻrikni oʻtish jarayonini roʻznoma sahifalarida yoritib borish tavsiya etilsin.

6. Mazkur qarorning ijrosini nazorat qilish tuman hokimining birinchi oʻrinbosari D. Usmonov zimmasiga yuklatilsin.

7. Ushbu qaror rasmiy eʼlon qilingan kundan eʼtiboran kuchga kiradi.

Hokim U. ABDULLAYEV

Izboskan t.,

2014-yil 15-yanvar,

13-q-son

Tuman hokimining 2014-yil 15-yanvardagi 13-q-sonli qaroriga 1-ILOVA

Tumanda texnik koʻrikni oʻtkazish boʻyicha ishchi guruhi

TARKIBI

1. A. Komilov Tuman qishloq xoʻjaligi texnikalari boʻyicha davlat inspektori, ishchi guruh raisi 2. E. Qodirov Tuman qishloq va suv xoʻjaligi boʻlimi mutaxassisi, ishchi guruh raisining oʻrinbosari AʼZOLARI: 3. K. Azizov Tuman MTP MChJ muhandisi 4. M. Umarov Tillaboyev muqobil MTP rahbari 5. M. Bakirov Loʻgʻumbek muqobil MTP rahbari

Tuman hokimining 2014-yil 15-yanvardagi 13-q-sonli qaroriga 2-ILOVA

Tumanda qishloq xoʻjaligiga oid texnika va mexanizmlarni 2014-yil majburiy texnik koʻrikdan oʻtkazish

JADVALI

T/r Texnikaning nomi Texnik koʻrikdan oʻtkazish manzili Texnik koʻrikdan oʻtkazish muddati Texnik koʻrikdan oʻtkazish sanasi 1. Chopiq traktor Tuman MTP MChJ fevral-mart 20-fevraldan 15-martgacha 2. Kombaynlar Tuman MTP MChJ aprel-may 25-fevraldan 20-maygacha 3. Traktor tirkamalari Tuman MTP MChJ avgust 1-avgustdan 25-avgustgacha 4. Transport traktorlari Tuman MTP MChJ avgust 1-avgustdan 25-avgustgacha 5. Haydov traktorlari Tuman MTP MChJ sentyabr-oktyabr 15-sentabrdan 15-oktabrgacha