Paxtaobod tumani hududida 2014-yilda davlat va shaxsiy avtoulovlarni yillik texnik koʻrikdan oʻtkazish toʻgʻrisida (31-q-son)

25.01.2014

Andijon viloyati Paxtaobod tumani hokimining

Qarori

Oʻzbekiston Respublikasi Vazirlar Mahkamasining 2003-yil 31-yanvardagi “Transport vositalarini majburiy koʻrikdan oʻtkazish tartibi toʻgʻrisidagi nizomni tasdiqlash haqida”gi 54-sonli qarori, Oʻzbekiston Respublikasi Ichki ishlar vazirligining 2012-yil 4-yanvardagi “Transport vositalarini majburiy texnik koʻrikdan oʻtkazish haqida”gi 2-sonli buyrugʻi ijrosini taʼminlash maqsadida Paxtaobod tumani hududida 2014-yilda davlat va shaxsiy avtoulovlarni yillik texnik koʻrikdan oʻtkazish, shuningdek Paxtaobod tuman ichki ishlar boʻlimining 2013-yil 7-yanvar kungi 40/11-8-sonli xatiga hamda Oʻzbekiston Respublikasi “Mahalliy davlat hokimiyati toʻgʻrisida”gi Qonunining 6, 25-moddalariga asosan qaror qilaman:

1. Paxtaobod tumani hududida 2014-yilda davlat va shaxsiy avtoulovlarni yillik texnik koʻrikdan oʻtkazish, shuningdek Paxtaobod tuman ichki ishlar boʻlimining 2014-yil 7-yanvar kungi 40/11-8-sonli xati inobatga olinsin.

2. Tuman ichki ishlar boʻlimi (M. Nishonov), tuman mudofaa ishlari boʻlimi (F. Boymatov)larga Paxtaobod tumani hududida joylashgan avtoxoʻjalik, avtokorxona, muassasa, fermer xoʻjaliklar, kichik korxonalar uyushmasi va fuqarolarga tegishli avtoulovlarni yillik majburiy texnik koʻrikdan oʻtkazish vazifasi topshirilsin.

3. Yillik texnik koʻrikdan oʻtkazish muddatining 1-bosqichi 2014-yil 1-martdan 2014-yil 30-aprelga qadar, 2-bosqichi 2014-yil 1-sentabrdan 31-sentabrgacha belgilansin hamda fuqarolarga tegishli shaxsiy avtoulovlarni yillik majburiy texnik koʻrikdan oʻtkazish, 2014-yil 20-yanvardan 2014-yil 31-avgustgacha belgilansin.

4. Paxtaobod tumani hududida 2014-yilda davlat va shaxsiy avtoulovlarni yillik texnik koʻrikdan oʻtkazish uchun tuman texnika koʻrik hayʼati aʼzolari tarkibi 1-ilovaga muvofiq tasdiqlansin.

5. Hayʼat aʼzolari 2014-yil 1-maygacha oʻz ish joylarida ish haqlari saqlangan holda tuman ichki ishlar boʻlimi yoʻl harakati xavfsizligi guruhiga yuborishini taʼminlash tashkilot va xoʻjalik rahbarlariga topshirilsin.

6. Xoʻjalik va korxonalarni avtoulovlarini yillik texnik koʻrikdan oʻtkazish jadvali 2-ilovaga asosan tasdiqlansin.

7. Xoʻjalik va korxonalar avtoulovlarini yillik texnik koʻrikdan oʻtkazish boʻyicha jadvalda koʻrsatilgan kunga qadar viloyat ichki ishlar boshqarmasi yoʻl harakati xavfsizligi boshqarmasi roʻyxatga olish, imtihon qabul qilish boʻlinmasidan avtoulovlarni solishtirish dalolatnomasini tasdiqlangan holda hujjatlarni, har bir avtoulov uchun davlat sugʻurtasi hamda texnik koʻrik uchun toʻlovlarni taqdim etish, xoʻjalik va avtokorxona rahbarlari zimmasiga yuklatilsin.

8. Tuman “Davr sadosi” gazetasi muharririyati (Z. Kimsanova)ga mazkur qaror matnini matbuotda eʼlon qilish hamda amalga oshirilayotgan ishlarni gazeta sahifalarida muntazam yoritib berish vazifasi topshirilsin.

9. Mazkur qaror rasmiy eʼlon qilingan kundan eʼtiboran kuchga kiradi.

10. Ushbu qarorning bajarilishini nazorat qilish tuman hokimining birinchi oʻrinbosari S. Raximov zimmasiga yuklatilsin.

Hokim J. XODJIYEV

Paxtaobod t.,

2014-yil 25-yanvar,

31-q-son

Tuman hokimining 2014-yil 25-yanvardagi 31-q-sonli qaroriga 1-ILOVA

Paxtaobod tumani hududida 2014-yilda davlat va shaxsiy avtoulovlarni yillik texnik koʻrikdan oʻtkazish uchun tuman texnika koʻrik hayʼati aʼzolari

TARKIBI

1. B. Ergashev Paxtaobod tumani ichki ishlar boʻlimi yoʻl harakat xavfsizligi guruhi inspektori, serjant 2. A. Madraximov “Avtomotohavaskorlar” koʻngillilar jamiyati raisi 3. Sh. Bozorboyev Paxtaobod tumani mudofaa ishlari boʻlimi boshligʻining oʻrinbosari 4. I. Isroilov Mudofaaga koʻmaklashuvchi Vatanparvar tashkiloti Paxtaobod tumani Kengashi muhandisi 5. I. Normatov Paxtaobod tumani “Koʻktoʻnlik avtotrans” masʼuliyati cheklangan jamiyati avtomexanigi 6. Sh. Abdullajonov “Oʻzagrosugʻurta” Davlat aksiyadorlik kompaniyasi Paxtaobod tuman boʻlimi xodimi

Tuman hokimining 2014-yil 25-yanvardagi 31-q-sonli qaroriga 2-ILOVA

Paxtaobod tumani hududida 2014-yilda xoʻjalik va korxonalarni avtoulovlarini yillik texnik koʻrikdan oʻtkazish

JADVALI

T/r Avtoxoʻjaliklar Texnik koʻrikka taqdim etilishi lozim Texnik koʻrik oʻtkazish Texnik koʻrik oʻtkazish joyi avto moto tirkama kuni 1. Paxtaobod shagʻal saralash MChJ 16 — — 03.03.2014-y. Avtosaroyda 2. MKT Vatanparvar tuman Kengashi 13 1 — 04.03.2014-y. Avtosaroyda 3. Paxtaobod tumani SICH MChJ 7 — — 05.03.2014-y. Avtosaroyda 4. Paxtaobod mexanizatsiyalashgan koʻchma jamlanmasi MChJ 7 — — 06.03.2014-y. Avtosaroyda 5. “Paxtaobod 114-qurilish” MChJ 7 — — 07.03.2014-y. Avtosaroyda 6. Koʻktoʻnlik avtotrans MChJ 8 — 4 10.03.2014-y. Avtosaroyda 7. Paxtaobod qishloq xoʻjalik kolleji 13 — — 11.03.2014-y. Avtosaroyda 8. Paxtaobod tumani tibbiyot birlashmasi tez-tibbiy yordam boʻlimi 12 — — 12.03.2014-y. Avtosaroyda 9. Madaniyat matlubot MChJ 6 — — 13.03.2014-y. Avtosaroyda 10. Andijon MMTP 6 — — 14.03.2014-y. Avtosaroyda 11. Namuna MMTP 4 — — 15.03.2014-y. Avtosaroyda 12. Guliston MMTP 4 — — 17.03.2014-y. Avtosaroyda 13. Oq yoʻl texnika MMTP 2 — — 18.03.2014-y. Avtosaroyda 14. Turkiston MMTP 2 — — 19.03.2014-y. Avtosaroyda 15. Haqiqat MMTP 5 — — 20.03.2014-y. Avtosaroyda 16. Oxunboboyev Lyuks MMTP 5 — — 22.03.2014-y. Avtosaroyda 17. Yoqubov MMTP 5 — — 24.03.2014-y. Avtosaroyda 18. O. Qurbonov MMTP 5 — — 25.03.2014-y. Avtosaroyda 19. Ozod MMTP 1 — — 26.03.2014-y. Avtosaroyda 20. Madaniyat MMTP 1 — — 27.03.2014-y. Avtosaroyda 21. Yangi turmush MMTP 2 — — 28.03.2014-y. Avtosaroyda 22. Paxtaobod tumani MTP DAJ 2 — — 29.03.2014-y. Avtosaroyda 23. Madaniyat Fayz sanoat MChJ 7 — — 31.03.2014-y. Avtosaroyda 24. Paxtaobod tumangaz filiali 3 — — 01.04.2014-y. Avtosaroyda 25. Paxtaobod tumani XTMFMT va TE boʻlimi 3 — — 02.04.2014-y. Avtosaroyda 26. Paxtaobod telekommunikatsiya bogʻlamasi 2 — — 03.04.2014-y. Avtosaroyda 27. “Nilufar” SICHF 6 — — 04.04.2014-y. Avtosaroyda 28. Paxtaobod tumani yoʻl xoʻjalik pudrat taʼmirlash foydalanish davlat korxonasi 4 — — 05.04.2014-y. Avtosaroyda 29. Maylisoy kanallar boshqarmasi 2 — — 07.04.2014-y. Avtosaroyda 30. Raximjon xoji f/x 4 — — 08.04.2014-y. Avtosaroyda 31. Ozod f/x 2 — — 09.04.2014-y. Avtosaroyda