Oʻzbekiston Respublikasi fuqaro aviatsiyasining aviakorxonalaridagi oʻquv yurtlarini sertifikatlash qoidalariga oʻzgartirish va qoʻshimcha kiritish haqida (1881-1-son)

27.10.2014

Oʻzbekiston Respublikasi Parvozlar xavfsizligini nazorat qilish davlat inspeksiyasi BOShLIGʻINING

buyrugʻi

[Oʻzbekiston Respublikasi Adliya vazirligi tomonidan 2014-yil 27-oktabrda 1881-1-son bilan davlat roʻyxatidan oʻtkazildi]

Vazirlar Mahkamasining 2004-yil 26-fevraldagi 90-sonli qarori bilan tasdiqlangan Oʻzbekiston Respublikasi Parvozlar xavfsizligini nazorat qilish davlat inspeksiyasi toʻgʻrisidagi nizomga muvofiq buyuraman:

1. Oʻzbekiston Respublikasi Parvozlar xavfsizligini nazorat qilish davlat inspeksiyasi boshligʻining 2008-yil 10-noyabrdagi 228-sonli buyrugʻi (roʻyxat raqami 1881, 2008-yil 13-dekabr) (Oʻzbekiston Respublikasi qonun hujjatlari toʻplami, 2008-y., 51-son, 507-modda) bilan tasdiqlangan Oʻzbekiston Respublikasi fuqaro aviatsiyasining aviakorxonalaridagi oʻquv yurtlarini sertifikatlash qoidalariga ilovaga muvofiq oʻzgartirish va qoʻshimcha kiritilsin.

2. Mazkur buyruq rasmiy eʼlon qilingan kundan eʼtiboran kuchga kiradi.

Boshliq T. OʻLJAYEV

Toshkent sh.,

2014-yil 22-oktabr,

52-n-son

Oʻzbekiston Respublikasi Parvozlar xavfsizligini nazorat qilish davlat inspeksiyasi boshligʻining 2014-yil 22-oktabrdagi 52-n-sonli buyrugʻiga ILOVA

Oʻzbekiston Respublikasi fuqaro aviatsiyasining aviakorxonalaridagi oʻquv yurtlarini sertifikatlash qoidalariga kiritilayotgan oʻzgartirish va qoʻshimcha

3-ilovada:

a) 13-paragrafning nomi quyidagi tahrirda bayon etilsin:

“13-§. Sifatni taʼminlash tizimiga boʻlgan talablar va parvozlar xavfsizligini boshqarish tizimi”;

b) Quyidagi mazmundagi 431-band bilan toʻldirilsin:

“431. Oʻquv yurtlari parvozlar xavfsizligini boshqarish tizimini ishlab chiqadi va uni boshqarishning quyidagi tizimi orqali joriy qiladi:

parvozlar xavfsizligini taʼminlash siyosati va maqsadlarini belgilash;

parvozlar xavfsizligini oshirish uchun zarur boʻlgan tegishli choralarni qabul qilish;

parvozlar xavfsizligiga tahdid soluvchi xavf-xatarlarni aniqlash;

parvozlar xavfsizligi masalalarini ommalashtirish;

parvozlar xavfsizligini doimiy monitoring qilib borish;

parvozlar xavfsizligi samaradorligini nazorat qilish va baholash;

parvozlar xavfsizligini boshqarish tizimini muntazam ravishda takomillashtirish.

Oʻquv yurti tomonidan rahbar xodimlarning parvozlar xavfsizligini boshqarish tizimi boʻyicha majburiyati va javobgarligi belgilanishi lozim.”.