Tuman fuqarolarini 2014-yil chaqiruv davrida muddatli harbiy xizmatga chaqirish hamda safarbarlik chaqiruvi rezervi xizmatiga olish ishlarini yuqori saviyada tashkil etish va oʻtkazish toʻgʻrisida (59-son)

13.01.2014

Toshkent viloyati Boʻka tumani hokimining

qarori

Oʻzbekiston Respublikasining “Umumiy harbiy majburiyat va harbiy xizmat toʻgʻrisida”gi Qonuniga, Oʻzbekiston Respublikasi Prezidentining 2013-yil 20-dekabrdagi PQ–2093-son “Oʻzbekiston Respublikasi fuqarolarining muddatli harbiy xizmatga navbatdagi chaqiruvi hamda belgilangan xizmat muddatlarini oʻtab boʻlgan harbiy xizmatchilarni Qurolli Kuchlar rezerviga boʻshatish toʻgʻrisida”gi qarorining ijrosini taʼminlash maqsadida qaror qilaman:

1. Oʻzbekiston Respublikasi Prezidentining 2013-yil 20-dekabrdagi PQ–2093-son “Oʻzbekiston Respublikasi fuqarolarining muddatli harbiy xizmatga navbatdagi chaqiruvi hamda belgilangan xizmat muddatlarini oʻtab boʻlgan harbiy xizmatchilarni qurolli kuchlar rezerviga boʻshatish toʻgʻrisida”gi hamda Toshkent viloyati hokimining 2013-yil 30-dekabr 298-sonli qarori ijro uchun qabul qilinsin.

2. Mazkur qarorga muvofiq:

muddatli harbiy xizmatning belgilangan muddatlarini oʻtab boʻlgan fuqarolar Oʻzbekiston Respublikasi Qurolli Kuchlari rezerviga boʻshatilishi;

chaqirilish muddatini kechiktirish huquqiga ega boʻlmagan Oʻzbekiston Respublikasi fuqarolari 2014-yilning fevral-mart oylarida muddatli harbiy xizmatga chaqirilishi;

muddatli harbiy xizmatni oʻtashga yaroqli hamda chaqirilishi muddatini kechiktirish va chaqirilishdan ozod etish huquqiga ega boʻlmagan, biroq ushbu chaqiruv mobaynida Qurolli Kuchlar safiga chaqirilmaydigan fuqarolar safarbarlik chaqiruvi rezerviga olinishi belgilanganligi qayd etilsin.

3. Boʻka tumani yoshlarni muddatli harbiy va safarbarlik chaqiruvi rezervi xizmatiga chaqiruv komissiyasi 1-ilovaga hamda tuman chaqiruv punktidagi jamoat, ichki tartib va tozalikni saqlash xamda tuman komendantlik xizmatini tashkil etish uchun zaxiradagi harbiylardan texnik ishchilar ajratish jadvali 2-ilovaga va tuman doimiy harbiy-tibbiy koʻrikdan oʻtkazuvchi tibbiy nazorat komissiya tarkibi 3-ilovaga muvofiq tasdiqlansin.

4. Tuman chaqiruv komissiyasi raisi (M. Sunnatullayev)ga:

tumandagi qishloq va mahalla fuqarolar yigʻini oqsoqollari, komissiya aʼzolari, komissiyaning yigʻilishlarida doimiy ravishda ishtirok etib komissiyada koʻrilgan masalalar yuzasidan umumlashtirilgan axborotlarni tuman hokimligiga taqdim etib borilishini taʼminlasin.

5. Tuman tibbiyot birlashmasi (A. Raxmattullayev)ga:

chaqiriluvchilarni harbiy xizmatga loyiqligini aniqlovchi hududiy tibbiy komissiyalarni malakali tibbiyot xodimlari bilan taʼminlash;

mazkur qarorning 3-ilovasiga muvofiq tuzilgan tuman doimiy harbiy tibbiy chaqiruv komissiyasi faoliyatini qatʼiy nazoratga olish;

navbatdagi chaqiruvga yuqori darajada tayyorgarlik koʻrib, chaqiriluvchilarni tibbiy koʻrikdan sifatli oʻtkazish uchun tuman doimiy harbiy-tibbiy chaqiruv komissiyasi tarkibida belgilangan tartibda malakali psixologlar ishtirok etishini taʼminlasin.

6. Tuman Bandlikka koʻmaklashish markazi (I. Bairov) Qurolli Kuchlar rezerviga boʻshatilgan fuqarolarni fuqarolik mutaxassisliklarini hisobga olgan holda, belgilangan tartibda ishga joylashtirish choralarini koʻrsin.

7. Tuman Xalq taʼlimi muassasalari faoliyatini metodik taʼminlash va tashkil etish boʻlimi (M. Mirsaliyeva) navbatdagi chaqiruvga yuqori darajada tayyorgarlik koʻrib, chaqiriluvchilarni tibbiy koʻrikdan sifatli oʻtkazishda chaqiruv komissiyasida belgilangan tartibda malakali psixologlar ishtirok etishini taʼminlasin.

8. Tuman Mudofaa ishlari (E. Adjiumerov), Ichki ishlar (A. Inogʻomov) boʻlimi, “Kamolot” yoshlar ijtimoiy harakati tuman kengashi (B. Valiyev), “Nuroniy” (R. Toʻychiyev), “Mahalla” (V. Muxammedova) jamgʻarmasi:

Oʻzbekiston Respublikasi Vazirlar Mahkamasining 2009-yil 14-yanvardagi 10-son “Fuqarolarni muddatli harbiy xizmatga yigʻish va joʻnatish, ularni harbiy qismlarda qabul qilish, shuningdek Oʻzbekiston Respublikasi Qurolli Kuchlari rezerviga boʻshatilgan harbiy xizmatchilarni yashash joylariga qaytarishni tashkil etish tizimini takomillashtirish chora-tadbirlari toʻgʻrisida”gi qarori (Oʻzbekiston Respublikasi qonun hujjatlari toʻplami, 2009-y., 3-son, 13-modda) talablariga muvofiq tuman fuqarolarini muddatli harbiy xizmatga chaqirilishi, ularni harbiy qismlarda qabul qilinishini, rezerviga boʻshatilgan harbiy xizmatchilarni yashash joylariga qaytarilishini;

keng jamoatchilik, faxriylar, sanʼat va madaniyat arboblari hamda badiiy jamoalar ishtirokida yoshlarni muddatli harbiy xizmatga kuzatish, ularga sovgʻalar berish, harbiy xizmatni oʻtab boʻlgan askarlarni kutib olish tadbirlari tantanali vaziyatda oʻtkazilishini taʼminlash vazifasi topshirilsin.

9. Tuman “Xalq ovozi” roʻznomasi muharriri (G. Yomgʻurova)ga:

chaqiriluvchilarni muddatli harbiy xizmatga tanlash va chaqiruv komissiyalari ishlarini, safarbarlik chaqiruvi rezervidagi xizmatining tashkil etilishi va Qurolli Kuchlar rezerviga boʻshatilgan harbiy xizmatchilarni joylarda kutib olinishini roʻznomada keng yoritib borilishini taʼminlasin.

10. Mazkur qaror rasmiy eʼlon qilingan kundan eʼtiboran kuchga kiradi.

11. Mazkur qarorning bajarilishini nazorat qilish tuman xokimi oʻrinbosari M. Sunnatullayev zimmasiga yuklatilsin.

Hokim D. SULTONOV

Boʻka sh.,

2014-yil 13-yanvar,

59-son

Tumani hokimining 2014-yil 13-yanvardagi 59-son qaroriga 1-ILOVA

Yoshlarni muddatli harbiy va safarbarlik chaqiruvi rezervi xizmatiga chaqiruv komissiyasi

TARKIBI

T\r Asosiy tarkib Zaxirada 1. Komissiya raisi tuman hokimi oʻrinbosari M.Sunnatullayev Tuman hokimligi bosh mutaxassisi I. Kosimov 2. Komissiya raisi oʻrinbosari tuman mudofaa ishlari boʻlim boshligʻi E. Adjiumerov Tuman chaqiruv boʻlinmasi boshligʻi v.v.b. Q. Hakimov 3. Kotiba M. Jonodilova Kotiba Sh. Abduganiyeva Komissiya aʼzolari: 1. B. Saytimbetov tuman IIB boshligʻi kelishuv asosida — IIB oʻrinbosari 2. M. Abdulazizova tuman hokimining oʻrinbosari xotin-qizlar qoʻmitasi raisi G. Pulatova Xotin-qizlar qoʻmitasining mutaxassis 3. R. Tuychiyev tuman “NURONIY” jamgʻarmasi raisi R. Tuychiyev tuman “NURONIY” jamgʻarmasi mutaxassisi 4. V. Muxammedova tuman “MAXALLA” jamgʻarma raisi v.v.b. U. Egamberdiyeva “MAXALLA” jamgʻarmasi vakili 5. B. Valiyev “KAMOLOT” yoshlar ijtimoiy harakati raisi N. Murodova ”KAMOLOT” yoshlar ijtimoiy harakati vakili 6. L. Kosimova katta shifokor X. Xatamov tuman markaziy kasalxona shifokori

Tumani hokimining 2014-yil 13-yanvardagi 59-son qaroriga 2-ILOVA

Chaqiriluvchilarni tibbiy koʻrikdan oʻtkazishda qatnashuvchi shifokor-mutaxassislari

Tarkibi

T/r Tibbiy komissiya aʼzolari ASOSIY TARKIB ZAXIRADA F.I.Sh F.I.Sh 1. Katta shifokor Kosimova Lazokat Xatamov Xamidulla 2. Terapevt Usmonova Feruza Raxmatullayeva Mashxura 3. Xirurg Xudoykulov Raxmatilla Toshev Shokir 4. Nevropatolog Kudratov Valijon Mannopov Bexzod 5. Lor Razzakov Fazliddin Akbarov Abdumumin 6. Stomotolog Muminova Saodat Yaxyoyeva Inoyat 7. Oftalmolog Elmurodova Dildora Xusainova Muyassar 8. Psixiatr Xolmatova Olga Safarboyev Abdulla 9. Dermotovenerolog Nuraxmedov Abduraxim Kurbonov Jumaboy 10. UZI shifokori Rasuljonova Soxiba Isakulov Ulugbek 11. EKG shifokori Rasuljonova Soxiba Tuxtabayev Rustam 12. EKG xamshirasi Aditayeva Umida Gulomova Muqaddas 13. Tib. xamshira kotiba Jonadilova Mastura Abduganiyeva Shaxnoza 14. Endoskopiya shifokori Norxoʻjayev Umid 15. Tib. hamshira Raupova Raʼno Abdurashidova Sevara 16. Tib. Hamshira Qodirova Umida Shalabayeva Zarifa 17. Tib. hamshira Abdugineva Shaxnoza Sodiqova Nixola 18. Tib. hamshira Umirova Shaxnoza Usmonova Xumora 19. Kichik tibbiyot xodimi Xodjayeva Nigora Badanshina Roza

Tumani hokimining 2014-yil 13-yanvardagi 59-sonli qaroriga 3-ILOVA

Tumandagi Taʼlim muassasalari rahbarlarining chaqiruv mavsumida chaqiruv ishlarini samarali oʻtkazish uchun oʻz ixtiyorida boʻlgan xodimlarni tuman Mudofaa ishlari boʻyicha boʻlimiga belgilangan muddatli (ish joyi va ish haqqi saqlangan holda) ish safarbarligiga yuborish

Grafigi

T/r Muassasalar nomi Ishchi soni Muddati 1. 4-maktab 2 13.01.2014-y 31.03.2014-y 2. 5-maktab 2 13.01.2014-y 31.03.2014-y 3. 15-maktab 2 13.01.2014-y 31.03.2014-y 4. 16-maktab 2 13.01.2014-y 31.03.2014-y 5. 53-maktab 2 13.01.2014-y 31.03.2014-y 6. Boʻka agrosanoat va transport kasb-hunar kolleji 2 13.01.2014-y 31.03.2014-y 7. 15-Mehribonlik uyi 2 13.01.2014-y 31.03.2014-y