Tumanda qattiq maishiy chiqindilarni tashib chiqarish boʻyicha xizmat tariflarini belgilash toʻgʻrisida (459-son)

24.07.2014

Namangan viloyati Mingbuloq tumani hokimining

qarori

“Mahalliy davlat hokimiyati toʻgʻrisida”gi Oʻzbekiston Respublikasi Qonunining (Oʻzbekiston Respublikasi Oliy Kengashining Axborotnomasi, 1993-y., 9-son, 320-modda) 6, 25-moddalari, “Chiqindilar toʻgʻrisida”gi Oʻzbekiston Respublikasi Qonunining (Oʻzbekiston Respublikasi Oliy Majlisining Axborotnomasi, 2002-y., 4-5-son, 72-modda) 11-moddasi, Oʻzbekiston Respublikasi Vazirlar Mahkamasining 2013-yil 3-dekabrdagi “Respublika aholi punktlarida sanitariya jihatidan tozalash tizimini rivojlantirish va takomillashtirish chora-tadbirlari toʻgʻrisida”gi 315-son qaroriga (Oʻzbekiston Respublikasi qonun hujjatlari toʻplami, 2013-y., 49-son, 632-modda) asosan tuman hududidagi qattiq va maishiy chiqindilarni toʻplash, tashish va utilizatsiya qilish xizmatlarini takomillashtirish hamda tuman hududida sanitariya holatini yaxshilash maqsadida qaror qilaman:

1. Mingbuloq tuman hududida qattiq maishiy chiqindilarni tashib chiqarish boʻyicha 2014-yilning 1-avgustdan boshlab quyidagi tariflar belgilansin:

aholiga 1 kishiga 1 oyga 871 soʻm;

budjet tizimidagi tashkilot, muassasalarga 1 m3 qattiq maishiy chiqindilarni tashib chiqarish uchun 30 753 soʻm;

xoʻjalik hisobidagi tashkilotlarga 1 m3 qattiq maishiy chiqindilarni tashib chiqarish uchun 33 714 soʻm.

2. Aholi punktlari hududidan chiqindi tashishning kunlik reja-jadvali ilovaga muvofiq tasdiqlansin.

3. Mingbuloq tuman Obodonlashtirish boshqarmasi (F. Mirzaxmedov)ga:

bir oy muddatda tumandagi mahalla fuqarolar yigʻinlari va mulkchilik shaklidan qatʼiy nazar barcha xoʻjalik yurituvchi subyektlar bilan ixtiyoriylik asosida shartnomalar tuzish hamda koʻrsatilgan xizmatlar toʻlovlarini undirish boʻyicha zarur choralar koʻrilishini taʼminlash;

aholi punktlari hududidan chiqindi tashishning kunlik reja-jadvali asosida amalga oshirish topshirilsin.

4. Tuman hududida joylashgan barcha mahalla fuqarolar yigʻinlari raislari va mulkchilik shaklidan qatʼi nazar, barcha tashkilot, korxona rahbarlari 15 kun muddat ichida aholi xonadonlaridan, tashkilot, korxona hududidan hosil boʻlgan qattiq maishiy chiqindilarni tasdiqlangan tariflar boʻyicha tashib chiqarish yuzasidan Obodonlashtirish boshqarmasi bilan ixtiyoriylik asosida shartnoma tuzilishini, shuningdek koʻrsatilgan xizmatlar boʻyicha toʻlovlarni oʻz vaqtida hisob-kitob qilib borilishini taʼminlasinlar.

5. Tuman Davlat soliq inspeksiyasi (Sh. Abduraximov), tuman hokimligining moliya boʻlimi (Q. Qodirov), tuman Davlat sanitariya-epidemiologiya markazi (Sh. Xatamov), tuman Tabiatni muhofaza qilish inspeksiyasi (U. Mazairov) tuman Obodonlashtirish boshqarmasi tomonidan tumandagi barcha mahalla fuqarolar yigʻinlari hamda tashkilot, korxonalar bilan qattiq maishiy chiqindilarni tashib chiqarish boʻyicha shartnomalarni tuzishda, koʻrsatilgan xizmatlar uchun oʻz vaqtida hisob-kitob qilib borilishida amaliy yordam koʻrsatib borsinlar.

6. Barcha tijorat banklari rahbarlariga bank mijozlaridan qattiq maishiy chiqindi tashib chiqarish boʻyicha koʻrsatilgan xizmatlar uchun toʻlovlarni oʻz vaqtida hisob-kitob qilinishida amaliy yordam koʻrsatish tavsiya etilsin.

7. Tuman hokimligining moliya boʻlimi (Q. Qodirov)ga tuman mahalliy budjeti hisobidagi tashkilot va muassasalar xarajatlar smetasiga qattiq maishiy chiqindilarni tashib chiqarish boʻyicha belgilangan normativlar asosida zarur mablagʻlarni kiritish hamda ushbu mablagʻlarni oʻz vaqtida ajratilishini taʼminlash vazifasi topshirilsin.

8. Mazkur qaror rasmiy eʼlon qilingan kundan eʼtiboran kuchga kiradi.

9. Ushbu qarorning bajarilishini nazorat qilishni oʻz zimmamda qoldiraman.

Hokim X. BOZAROV

Mingbuloq t.,

2014-yil 24-iyul,

459-son

Tuman hokimining 2014-yil 24-iyuldagi 459-sonli qaroriga ILOVA

Mingbuloq tumani Obodonlashtirish boshqarmasi tomonidan aholi punktlari hududidan qattiq maishiy chiqindi tashishning kunlik

REJA-JADVALI

T/r Shaharcha va qishloq fuqarolar yigʻinlari nomi Hafta kunlari dushanba seshanba chorshanba payshanba juma shanba 1. Jomashuy ShFY Momoxon QFY 2. Gurtepa QFY Dovduq QFY Oltinkoʻl QFY 3. Gulbogʻ QFY Mehnatobod QFY Boʻston QFY