Xalqaro shartnomani tasdiqlash toʻgʻrisida (PQ-2243-son)

15.10.2014

Oʻzbekiston Respublikasi Prezidentining

Qarori

1. Eron Islom Respublikasi, Ummon Sultonligi, Qatar Davlati, Turkmaniston va Oʻzbekiston Respublikasi Hukumatlari oʻrtasida xalqaro transport va tranzit yoʻlagini yaratish toʻgʻrisidagi Bitim (Ashxobod Bitimi)ning amalga oshirilishi boʻyicha 2014-yil 6-avgustda Maskat shahrida imzolangan Memorandum tasdiqlansin.

2. Oʻzbekiston Respublikasi Tashqi ishlar vazirligi Oʻzbekiston Respublikasi tomonidan mazkur xalqaro shartnoma kuchga kirishi uchun zarur boʻlgan ichki davlat tartib-taomillari bajarilgani toʻgʻrisida depozitariyga tegishli bildirishnoma yoʻllasin.

3. Oʻzbekiston Respublikasi Vazirlar Mahkamasi hamda tegishli vazirlik va idoralar rahbarlari ushbu xalqaro shartnoma kuchga kirgandan keyin belgilangan tartibda Oʻzbekiston Respublikasining majburiyatlari bajarilishi ustidan nazoratni taʼminlasinlar.

4. Mazkur qarorning ijrosini nazorat qilish Oʻzbekiston Respublikasining Bosh vaziri Sh.M. Mirziyoyev zimmasiga yuklansin.

Oʻzbekiston Respublikasi Prezidenti I. KARIMOV

Toshkent sh.,

2014-yil 15-oktabr,

PQ-2243-son