Oʻzbekiston Respublikasi samoviy hududida fuqaro va eksperimental aviatsiyasining parvoz qilish aviatsiya qoidalariga (OʻzR AQ-91) oʻzgartirish va qoʻshimchalar kiritish haqida (1723-6-son)
15.10.2014
Oʻzbekiston Respublikasi Parvozlar xavfsizligini nazorat qilish davlat inspeksiyasi boshligʻining
buyrugʻi
[Oʻzbekiston Respublikasi Adliya vazirligi tomonidan 2014-yil 15-oktabrda roʻyxatdan oʻtkazildi, roʻyxat raqami 1723-6]
Vazirlar Mahkamasining 2004-yil 26-fevraldagi 90-sonli qarori bilan tasdiqlangan Oʻzbekiston Respublikasi Parvozlar xavfsizligini nazorat qilish davlat inspeksiyasi toʻgʻrisidagi nizomga muvofiq buyuraman:
1. Oʻzbekiston Respublikasi Parvozlar xavfsizligini nazorat qilish davlat inspeksiyasi boshligʻining 2007-yil 12-sentabrdagi 141-sonli buyrugʻi (Oʻzbekiston Respublikasi qonun hujjatlari toʻplami, 2007-y., 41-42-son, 420-modda) bilan tasdiqlangan Oʻzbekiston Respublikasi samoviy hududida fuqaro va eksperimental aviatsiyasining parvoz qilish aviatsiya qoidalariga (OʻzR AQ-91) (roʻyxat raqami 1723, 2007-yil 29-sentabr) ilovaga muvofiq oʻzgartirish va qoʻshimchalar kiritilsin.
2. Mazkur buyruq rasmiy eʼlon qilingan kundan eʼtiboran kuchga kiradi.
Boshliq T. OʻLJAYEV
Toshkent sh.,
2014-yil 16-sentabr,
51-n-son
Oʻzbekiston Respublikasi Parvozlar xavfsizligini nazorat qilish davlat inspeksiyasi boshligʻining 2014-yil 16-sentabrdagi 51-n-sonli buyrugʻiga ILOVA
Oʻzbekiston Respublikasi samoviy hududida fuqaro va eksperimental aviatsiyasining parvoz qilish aviatsiya qoidalariga (OʻzR AQ-91) kiritilayotgan oʻzgartirish va qoʻshimchalar
1. I bobda:
a) 1-paragrafda:
“Togʻ aerodromi” degan atama quyidagi tahrirda bayon etilsin:
“Togʻ aerodromi — aerodrom nazorat nuqtasidan 25 km (13,5 d.mili) radiusda 500 metr (1650 fut) va undan ortiq balandliklarga ega boʻlgan notekis relyefda joylashgan aerodrom, shuningdek dengiz sathidan 1000 metr (3300 fut) va undan ortiq balandlikda joylashgan aerodrom.”;
“Koʻtarilish masofa” degan atama quyidagi tahrirdagi “Koʻtarilish masofasi” degan atama bilan almashtirilsin:
“Koʻtarilish masofasi — HK start nuqtasidan boshlab gorizontal yoʻnalishda start nuqtasi sathidan 10,7 metr (35 fut) balandlikka koʻtarilguncha bosib oʻtgan masofa.”;
“Standart atmosferada dengizning oʻrtacha darajasiga (QNN) keltirilgan aerodrom bosimi” degan atamaning nomi quyidagi tahrirda bayon etilsin:
“Standart atmosfera boʻyicha dengizning oʻrtacha darajasiga keltirilgan aerodrom bosimi (QNN)”;
“Zaxira aerodromi” degan atama quyidagi tahrirda bayon etilsin:
“Zaxira aerodromi — HKning texnik tasnifiga va foydalanishning har qanday vaqtida ish holatida boʻladigan, xizmat koʻrsatishning muhim turlari va vositalarini oʻz ichiga olgan, moʻljallangan aerodromgacha uchib borish imkoni boʻlmasa yoki maqsadga muvofiq boʻlmasa yoxud unda qoʻnish imkoni boʻlmasa HK uchib borishi mumkin boʻlgan aerodrom.
Zaxira aerodromlariga quyidagilar taalluqli boʻladi:
uchishdagi zaxira aerodromi — HK uchib chiqqanidan soʻng bunga zarurat tugʻiladigan boʻlsa, HK uchib chiqqan aerodromga qaytib qoʻnishning iloji boʻlmasa HK qoʻnishni amalga oshirishi mumkin boʻladigan zaxira aerodromi;
yoʻnalishdagi zaxira aerodromi — yoʻnalish boʻyicha parvozi chogʻida bunga zarurat tugʻilganida HK qoʻnishni amalga oshirishi mumkin boʻlgan aerodrom;
nazarda tutilgan joydagi zaxira aerodromi — belgilangan aerodromda qoʻnishni amalga oshirishning iloji boʻlmaganda yoki bu maqsadga muvofiq boʻlmaganda HK qoʻnishi mumkin boʻladigan aerodrom.”;
“Zaxira aerodromi” degan atamadan keyin quyidagi tahrirdagi “Zaxira aerodromiga ketish mumkin boʻlgan maksimal vaqt” degan atama bilan toʻldirilsin:
“Zaxira aerodromiga ketish mumkin boʻlgan maksimal vaqt — yoʻnalishdagi qandaydir nuqtadan yoʻnalishdagi zaxira aerodromigacha uchish vaqti bilan ifodalangan maksimal masofa.”;
“Samolyotning qoʻnishga kirishi” degan atama quyidagi tahrirdagi “Qoʻnishga kirish” degan atama bilan almashtirilsin:
“Qoʻnishga kirish — parvozning parvoz konfiguratsiyasi balandligidan qoʻnishga kirish konfiguratsiyasining UQY sathidan 15 metr (50 fut) (kirish tezligi 200 km/soat (110 uz) boʻlgan samolyotlar uchun 9 metr (30 fut)) gacha boʻlgan bosqichi.”;
“Togʻli joy” degan atama quyidagi tahrirda bayon etilsin:
“Togʻli joy — notekis relyefli, 25 km (13,5 d.mili) radiusda nisbiy balandlik oʻzgarishi 500 metr (1650 fut) va undan ortiq boʻlgan, shuningdek dengiz sathidan 1000 metr (3300 fut) va undan ortiq boʻlgan joy.”;
“Qirlik joy” degan atama quyidagi tahrirda bayon etilsin:
“Qirlik joy — notekis relyefli, 25 km (13,5 d.mili) radiusda nisbiy balandlik oʻzgarishi 200 metrdan 500 metrgacha (660 futdan 1650 futgacha) boʻlgan joy.”;
“Tekislik joy” degan atama quyidagi tahrirda bayon etilsin:
“Tekislik joy — 25 km (13,5 d.mili) radiusda nisbiy balandlik oʻzgarishi 200 metrgacha (660 futgacha) boʻlgan joy.”;
“Toʻsiqlar ustidan uchib oʻtishning minimal xavfsiz balandligi” degan atama “2 metrdan” degan soʻzlardan keyin “(7 futdan)” degan soʻzlar bilan toʻldirilsin;
“Minimal pastlashish balandligi (MPB)” degan atama “2 metrdan” degan soʻzlardan keyin “(7 futdan)” degan soʻzlar bilan toʻldirilsin;
“Parvozdagi ish vaqti” degan atamadan keyin quyidagi mazmundagi “EDTO (extended diversion time operation) kritik muhim tizimi” degan atama bilan toʻldirilsin:
“EDTO (extended diversion time operation) kritik muhim tizimi — HK tizimi boʻlib, uning ishlashi yomonlashsa EDTO parvozlari xavfsizligiga jiddiy taʼsir oʻtkazishi mumkin yoki uning toʻxtovsiz ishlashi EDTO parvozlarini amalga oshirishda uchish va qoʻnishda juda muhim oʻrin tutadi.”;
“Ikki dvigatelli samolyot parvozining orttirilgan uzoqligi (ETOPS — extended range operations with two engine airplanes)” degan atama chiqarib tashlansin;
“Qoʻnishga kirishishning tahliliy vaqti” degan atamadan keyin quyidagi mazmundagi “Zaxiradagi aerodromgacha uzaytirilgan vaqt bilan bogʻliq boʻlgan parvozni amalga oshirish (EDTO)” degan atama bilan toʻldirilsin:
“Zaxiradagi aerodromgacha uzaytirilgan vaqt bilan bogʻliq boʻlgan parvozni amalga oshirish (EDTO) — ikki yoki undan ortiq gaz turbinali dvigatelli HKlarining yoʻnalishdagi zaxira aerodromigacha boʻlgan vaqt ostona vaqtidan oshgan vaqtdagi har qanday parvozi.”;
“Ostona vaqti” degan atama quyidagi tahrirdagi “Chegaralangan vaqt” degan atama bilan almashtirilsin:
“Chegaralangan vaqt — Oʻzbekiston Respublikasi Parvozlar xavfsizligini nazorat qilish davlat inspeksiyasi (bundan buyon matnda Oʻzbekiston Respublikasi Davavianazorat deb yuritiladi) tomonidan tasdiqlangan ekspluatant tomonidan oʻrnatilgan yoʻnalishdagi zaxira aerodromigacha boʻlgan vaqt bilan ifodalangan masofa.”;
“Qoʻnish oraliq masofa” degan atama quyidagi tahrirdagi “Qoʻnish oraliq masofasi” degan atama bilan almashtirilsin:
“Qoʻnish oraliq masofasi –HK 15 metr (50 fut) (tezligi 200 km/s (110 uz) dan kam HK uchun 9 metr (30 fut) balandlikdan batamom toʻxtagunga qadar bosib oʻtgan masofa.”;
“Shamol harakati” degan atama quyidagi tahrirda bayon etilsin:
“Shamol harakati — havodagi shamolning kuchi va tezligining oʻzgarishi, tepaga va pastga yoʻnalgan havo harakati (30 m (100 fut) balandlikda 2 m/sek. (4 uz) sekin, 2 — 4 m/sek. (4 — 8 uz) oʻrtacha, 4 — 6 m/sek. (8 — 12 uz) kuchli va 6 m/sek.dan ortiq (12 uz) juda kuchli).;
“Murakkab meteo sharoit” degan atamada “200 m.” degan soʻzlar “200 metr (660 fut)” degan soʻzlar bilan almashtirilsin;
“Oʻtish esheloni” degan atama quyidagi tahrirda bayon etilsin:
“Oʻtish esheloni — HK barometrik balandlik oʻlchagich (altimetr) shkalasini 760 mm.s.u.ni (1013.2 mbar (QNE)) asosidagi oʻlcham bosimidan standart atmosfera boʻyicha dengizning oʻrtacha darajasiga keltirilgan aerodrom bosimiga (QNN) yoki soʻrov asosida aerodromdagi atmosfera bosimiga (QFE) oʻtkazish esheloni. Oʻtish esheloni aerodrom hududidagi (aerouzel, HXB rayoni qismidagi) eng pastki eshelonini koʻrsatadi.”.
b) 2-paragraf quyidagi mazmundagi “dengiz mili” va “uzel” degan qisqartmalar bilan toʻldirilsin:
“dengiz mili — d.mili”;
“uzel — uz”.
2. 99-band quyidagi tahrirda bayon etilsin:
“99. Aerodrom hududida binolar, inshootlar, aloqa liniyalari, yuqori kuchlanishli elektr uzatish, radiotexnika liniyalari va HKlari parvoziga xavf tugʻdirishi yoki aerodromlarning radiotexnik aloqalarining normal ishlashi uchun xalaqit berishi mumkin boʻlgan boshqa obyektlarni joylashtirish Oʻzbekiston Respublikasi Vazirlar Mahkamasining 2014-yil 11-avgustdagi 226-son qarori bilan tasdiqlangan Parvozlar xavfsizligiga taxlid solishi mumkin boʻlgan faoliyatni amalga oshirish uchun ruxsatnoma berish tartibi toʻgʻrisida nizomga muvofiq amalga oshiriladi.”.
3. 126-band quyidagi tahrirda bayon etilsin:
“126. Murakkab meteorologik sharoitlarda parvozlarning xavfsizligini va samaradorligini taʼminlash uchun qoʻnish va qoʻnishlar uchun aniq kirishning ICAO boʻyicha toifalari oʻrnatiladi:
a) ICAO I toifasi — qoʻnish uchun aniq kirish va uskunalar boʻyicha qoʻnish uchun qaror qabul qilish balandligi kamida 60 metr (200 fut) va (yoki) koʻrish uzoqligi kamida 800 metr yoxud uchish-qoʻnish yoʻlakchasidagi koʻrish uzoqligi kamida 550 metr boʻlganda;
b) ICAO II toifasi — qoʻnish uchun aniq kirish va uskunalar boʻyicha qoʻnish qaror qabul qilish balandligi 60 metrdan (200 futdan) kam, lekin 30 metrdan (100 futdan) koʻp va uchish-qoʻnish yoʻlakchasidagi koʻrish uzoqligi kamida 300 metr boʻlganda;
v) ICAO IIIa toifasi — qoʻnish uchun aniq kirish va uskunalar boʻyicha qoʻnish qaror qabul qilish balandligi 30 metrdan (100 futdan) kam yoki qaror qabul qilish balandligi cheklanmagan va uchish-qoʻnish yoʻlakchasidagi koʻrish uzoqligi kamida 175 metr boʻlganda;
g) ICAO IIIv toifasi — qoʻnish uchun aniq kirish va uskunalar boʻyicha qoʻnish qaror qabul qilish balandligi 15 metrdan (50 futdan) kam yoki qaror qabul qilish balandligi cheklanmagan va uchish-qoʻnish yoʻlakchasidagi koʻrish uzoqligi 175 metrdan kam, lekin 50 metrdan koʻp boʻlganda;”
d) ICAO IIIs toifa — qoʻnish uchun aniq kirish va uskunalar boʻyicha qoʻnish qaror qabul qilish balandligi va uchish-qoʻnish yoʻlakchasidagi koʻrish uzoqligi cheklanmaganda.”.
4. 130-bandda:
“a” kichik bandda “30 m” degan soʻzlar “30 metr (100 fut)” degan soʻzlar bilan almashtirilsin;
“b” kichik band “200 metrgacha” degan soʻzlardan keyin “(600 futgacha)” degan soʻzlar bilan toʻldirilsin.
5. 131-band “200 metr” degan soʻzlardan keyin “(660 fut)” degan soʻzlar bilan toʻldirilsin.
6. 132-band “200 metrdan” degan soʻzlardan keyin “(660 futdan)” degan soʻzlar bilan toʻldirilsin.
7. 138-band quyidagi tahrirda bayon etilsin:
“138. Havo trassasining kengligi, qoida tariqasida, 10 km (5,4 d.mili) qilib belgilanadi. Alohida hollarda, RTV yetarlicha taʼminlanmagan hududlarda havo trassasining kengligi 20 km gacha (10,8 d.miligacha) kengaytirilishi mumkin.”.
8. 140-bandda:
“a” kichik band “10 km” degan soʻzlardan keyin “(5,4 d.mili)” degan soʻzlar bilan toʻldirilsin;
“b” kichik band “4 km.gacha” degan soʻzlardan keyin “(2,2 d.miligacha)” degan soʻzlar bilan toʻldirilsin.
9. 141-bandda:
“a” kichik band “5 km.dan” degan soʻzlardan keyin “(2,7 d.milidan)” degan soʻzlar bilan toʻldirilsin;
“b” kichik band “2 km.dan” degan soʻzlardan keyin “(1 d.milidan)” degan soʻzlar bilan toʻldirilsin.
10. 290-bandning “b” va “v” kichik bandlari “550 km/soat” degan soʻzlardan keyin “(297 uz)” degan soʻzlar bilan toʻldirilsin.
11. 294-bandning “b” kichik bandi “300 km” degan soʻzlardan keyin “(162 uz)” degan soʻzlar bilan toʻldirilsin.
12. 295-bandning “a” kichik bandi “550 km dan” va “450 km dan” degan soʻzlardan keyin tegishlicha “(297 uz.dan)” va “(245 uz.dan)” degan soʻzlar bilan toʻldirilsin.
13. 296-band “300 metrdan” degan soʻzlardan keyin “(1000 futdan)” degan soʻzlar bilan toʻldirilsin.
14. 298-band “300 km.” va “500 metr” degan soʻzlardan keyin “(162 uz)” va “(0,3 d.mili)” degan soʻzlar bilan toʻldirilsin.
15. 299 va 301-bandlar “500 metr” degan soʻzlardan keyin “(0,3 d.mili)” degan soʻzlar bilan toʻldirilsin.
16. 326-bandning “d” kichik bandi quyidagi tahrirda bayon etilsin:
“d) ikkita gaz turbinali dvigatelga ega HKda EDTO qoidalari boʻyicha parvoz qilinganda, zaxiradagi aerodromlarni tanlash ekspluatantning EDTO (EDTO MANUAL) boʻyicha parvoz qilish haqidagi qoʻllanmasiga muvofiq amalga oshiriladi.”.
17. 329-band quyidagi tahrirda bayon etilsin:
“329. UPQ boʻyicha parvozlarda manzil uchun zaxira aerodrom sifatida shunday aerodrom tanlanishi mumkinki, unda uchib kelish vaqtiga kelib quyidagilar prognoz qilinayotgan boʻlsa:
a) bulutlarning pastki chegarasi balandligi minimumdan 50 metr (165 fut) va koʻrish uzoqligi 500 metr baland boʻlsa;
b) bulutlarning pastki chegarasi balandligi 90 metrdan (300 futdan) va koʻrish uzoqligi 1000 metrdan kam emas — agar aerodrom toifalashtirilgan minimum boʻyicha foydalanishga qoʻyilgan boʻlsa, komandir va HK esa ushbu toifaga mos keladigan tegishli toifa yoki minimum boʻyicha parvozlarga qoʻyilgan boʻlsa;
v) bulutlarning pastki chegarasi balandligi minimumdan 100 metr (330 fut) va koʻrish 1000 metrdan baland — tanlangan zaxira aerodromi manzil aerodromidan koʻpi bilan 50 km (27 d.mili) masofada joylashgan boʻlsa.”.
18. 331-band quyidagi tahrirda bayon etilsin:
“331. Uchib ketish uchun zaxira aerodromi shunday tanlanishi kerakki, undagi haqiqiy ob-havo va uchib kelish vaqtidagi ob-havo qoʻnish uchun belgilangan minimumdan past boʻlmasligi, parvoz boshlangan aerodromdan ungacha uchib borish masofasi barcha hollarda quyidagicha boʻlishi lozim:
a) ikkita dvigatelga ega HK uchun: 1 ta toʻxtab qolgan dvigateli bilan kreyser tezligidagi parvoz vaqti 1 soat ekvivalentidan uzoq boʻlmagan masofa, HK foydalanish boʻyicha qoʻllanmaga muvofiq, amaldagi uchish ogʻirligidan foydalanib shtil sharoitlariga va standart ob-havo sharoitlariga moslashgan sharoitda;
b) uchta va undan ortiq dvigatelga ega HK uchun: kreyser tezligidagi parvoz vaqti 2 soat ekvivalentidan uzoq boʻlmagan masofa, HK foydalanish boʻyicha qoʻllanmaga muvofiq, amaldagi uchish ogʻirligidan foydalanib shtil sharoitlariga va standart ob-havo sharoitlariga moslashgan sharoitda;
v) zaxira aerodromiga ketish mumkin boʻlgan maksimal vaqt doirasida joylashgan HK uchun: mazkur bandning “a” va “b” kichik bandlarida koʻrsatilgan masofa boʻyicha mezonlarga javob beradigan aerodrom mavjud boʻlmagan, birinchi zaxira aerodromi amaldagi uchish ogʻirligini hisobga olib zaxiradagi aerodromgacha ketadigan maksimal vaqt doirasida joylashgan sharoitda.”.
19. 333-band quyidagi tahrirda bayon etilsin:
“333. Quyidagi hollarda HK komandiriga zaxira aerodromi yoki parvoz boshlangan aerodromga ketish chegarasini hisobga olib uchish toʻgʻrisida qaror qabul qilish huquqi beriladi:
zaxiradagi aerodrom belgilanganda;
ketish chegarasidan manzil yoki zaxira aerodromigacha boʻlgan parvoz davomiyligi hisob-kitob boʻyicha ikki soatdan oshmasa;
HK ekipajiga qoʻnish davrida metereologik sharoit va parvozni amalga oshirish xususiyati hamda yoʻnalishdagi qoʻnish aerodromi haqidagi maʼlumot taqdim etilganda.
Ekspluatant tomonidan HKlarning parvoz-dispetcherlik kuzatuvi, parvozni amalga oshirish uchun xodimlar va uchuvchilar tayyorlash dasturi hamda ekspluatatsiya protsedurasi ustidan ekspluatatsiya nazorati oʻrnatiladi.”.
20. 334-bandning “b” kichik bandi “150 metrdan” degan soʻzlardan keyin “(500 futdan)” degan soʻzlar bilan toʻldirilsin.
21. 337-bandda:
“a” kichik band “5 km” degan soʻzlardan keyin “(2,7 d.mili)” degan soʻzlar bilan toʻldirilsin;
“b” kichik band “2 km” degan soʻzlardan keyin “(1 d.mili)” degan soʻzlar bilan toʻldirilsin.
22. 338-band “50 metr” degan soʻzlardan keyin “(165 fut)” degan soʻzlar bilan toʻldirilsin.
23. Quyidagi mazmundagi 342-band bilan toʻldirilsin:
“342. Yoʻnalishdagi zaxira aerodromigacha boʻlgan vaqt chegaralangan vaqtdan oshgan ikki yoki undan ortiq gaz turbinali dvigatelli HKning har qanday parvozi zaxira aerodromigacha uzaytirilgan vaqt bilan bogʻliq boʻlgan parvozni amalga oshirish (EDTO) hisoblanadi.
Bunday parvozlarni amalga oshiradigan HK uchun chegaralangan vaqt va zaxira aerodromiga ketish vaqti ekspluatant tomonidan belgilanadi. Bunda dvigatel tizimining ishonchliligi, EDTO parvozi uchun HK turining uchishga yaroqliligi haqidagi guvohnoma, EDTO texnik xizmat koʻrsatish dasturi hisobga olinishi hamda vaqt chegarasi boʻlmasligi kerak.
Parvoz vaqti chegaralangan vaqtdan oshgan taqdirda, agar zaxira aerodromi yaroqliligi belgilangan boʻlsa va oxirgi maʼlumot ulardagi sharoit kutilgan vaqtda oʻrnatilgan talablarga javob berishini koʻrsatsa, parvoz davom ettiriladi. Agar ushbu aerodromlarga kutilgan vaqtda xavfsiz kirish uchun sharoitda qandaydir toʻsqinliklar boʻlsa, zaxiradagi amaliyot rejasi qabul qilinadi.”.
24. 343-bandning “a” kichik bandi quyidagi tahrirda bayon etilsin:
“a) aerodrom hududida, aerodromdagi parvozlar doirasi chegarasida, oʻtish balandligida va pastda — standart atmosfera boʻyicha dengizning oʻrtacha darajasiga keltirilgan aerodrom bosimi (QNN) yoki soʻrov asosida aerodromdagi atmosfera bosimi (QFE) qiymati boʻyicha;”.
25. 344 — 347-bandlar quyidagi tahrirda bayon etilsin:
“344. Eshelonda parvoz qilish uchun barometrik balandlik oʻlchagichining shkalasini standart atmosfera boʻyicha dengizning oʻrtacha darajasiga keltirilgan aerodrom bosimi (QNN) yoki aerodromdagi atmosfera bosimi (QFE) qiymatidan 760 mm. s. ust.ga (QNE (1013,2 mbarga)) teng bosimga oʻtkazish oʻtish balandligi kesib oʻtilayotgan vaqtda amalga oshiriladi.
345. Qoʻnishni boshlash oldidan barometrik balandlik oʻlchagichining shkalasini 760 mm. s. ust.dan (QNE (1013,2 mbardan) qoʻnish aerodromining standart atmosfera boʻyicha dengizning oʻrtacha darajasiga keltirilgan aerodrom bosimi (QNN) yoki soʻrov asosida aerodromdagi atmosfera bosimi (QFE) qiymatiga HHB organi dispetcherining yanada pasayish toʻgʻrisidagi ruxsatidan soʻng oʻtish eshelonida amalga oshiriladi.
346. Yoʻnalish boʻylab parvozda quyi eshelondan past balandlikda barometrik balandlik oʻlchagichning bosim shkalasini standart atmosfera boʻyicha dengizning oʻrtacha darajasiga keltirilgan aerodrom bosimidan (QNNdan) yoki aerodromdagi atmosfera bosimidan (QFEdan) yoʻnalish boʻyicha dengiz sathiga keltirilgan minimal atmosfera bosimiga oʻtkazish fazoga koʻtarilish zonasidan va qoʻnish zonasidan (parvozlarning aerodrom doirasidan) chiqqandan keyin amalga oshiriladi.
347. Aerodromga yaqinlashganda quyi eshelondan past balandlikda barometrik balandlik oʻlchagichning bosim shkalasini yoʻnalish boʻyicha dengiz sathiga keltirilgan minimal atmosfera bosimidan standart atmosfera boʻyicha dengizning oʻrtacha darajasiga keltirilgan aerodrom bosimiga (QNNga) yoki soʻrov asosida aerodromdagi atmosfera bosimiga (QFEga) oʻtkazish fazoga koʻtarilish zonasiga va qoʻnish zonasiga kirganda (aerodrom doirasidagi parvozlarda) amalga oshiriladi.”.
26. 353-band quyidagi tahrirda bayon etilsin:
“353. Har bir aerodrom uchun uskunalar boʻyicha minimal xavfsiz parvoz balandligi belgilanadi, u avariya vaziyatlarida qoʻnishni boshlash sxemasi chegarasidan chiqishda pasayish uchun foydalanilishi mumkin va joy relyefi va undagi sunʼiy toʻsiqlarning eng yuqori nuqtasidan 300 metr (1000 fut) balandlikda, aerodromning nazorat nuqtasidan 46 km (25 d.mili) radiusda haqiqiy parvoz balandligining minimal zaxirasini taʼminlashi kerak. Agar joy relyefidagi balandliklar farqi undagi sunʼiy toʻsiqlarni hisobga olgan holda 100 metrdan (330 futdan) oshmasa, butun aerodrom hududi uchun yagona minimal xavfsiz balandlik belgilanadi. Balandliklar orasidagi farq katta boʻlsa, aerodrom hududi sektorlarga boʻlinadi va har bir sektor uchun minimal xavfsiz balandlik oʻrnatiladi.”.
27. 358-band quyidagi tahrirda bayon etilsin:
“358. Xavfsiz parvoz balandligini hisoblashda joy relyefining va sunʼiy toʻsiqlarning oshishini hisobga olish yoʻlagi quyidagicha boʻlishi lozim:
a) uchish va qoʻnish zonasida yoʻnalish oʻqidan ikki tomonga qarab:
UPQ boʻyicha parvozlarda 10 km dan (5,4 d.milidan);
VPQ boʻyicha parvozlarda 5 km dan (2,7 d.milidan);
b) aerodrom hududlari chegaralarida, kirish, chiqish yoʻlaklarida, shuningdek belgilangan yoʻnalishlarda:
UPQ boʻyicha parvozlarda va radiolokatsion nazorat boʻlganda yoʻnalish oʻqidan ikki tomonga qarab 10 km dan (5,4 d.milidan), radiolokatsion nazorat boʻlmaganda 25 km dan (13,5 d.milidan);
VPQ boʻyicha parvozlarda yoʻlak kengligi chegarasida;
v) havo trassalari, 1-toifali MHY va belgilangan yoʻnalishlarda (aerodrom hududidan tashqari):
UPQ boʻyicha parvozlarda yoʻnalish oʻqidan ikki tomonga qarab 25 km dan (13,5 d.milidan);
VPQ boʻyicha parvozlarda yoʻlak kengligi chegarasida (MHY, belgilangan yoʻnalishlarda);
g) VPQ boʻyicha trassadan tashqari (birinchi va ikkinchi toifadagi MHYdan tashqari) parvozlar bajarilganda:
eshelonlarda yoʻnalish oʻqidan ikki tomonga qarab 5 km dan (2,7 d.milidan);
quyi eshelondan pastda yoʻnalish oʻqidan ikki tomonga qarab 2 km dan (1 d.milidan).”.
28. 359-band “300 km” degan soʻzlardan keyin “(162 uz)” degan soʻzlar bilan toʻldirilsin.
29. 364-band “30 km” degan soʻzlardan keyin “(16,2 d.mili)” degan soʻzlar bilan toʻldirilsin.
30. 365 va 366-bandlar quyidagi tahrirda bayon etilsin:
“365. Vertikal eshelonlash intervallari quyidagicha oʻrnatiladi:
a) 30 eshelondan (900 metr) 410 eshelongacha (12500 metr) — 300 metrdan (1000 futdan) kam boʻlmagan;
b) 410 eshelon (12500 metr) va undan yuqori eshelon — 600 metrdan (2000 futdan) kam boʻlmagan;
v) tovushdan yuqori tezlikda parvozlarni bajaradigan HK bilan boshqa HK oʻrtasida — 1200 metr (4000 fut).
366. Quyi eshelondan pastdagi parvozlarda quyi eshelonlar bilan parvoz balandligi oʻrtasidagi vertikal masofa 300 metrdan (1000 futdan) kam boʻlmasligi kerak.
Quyi eshelondan pastdagi balandliklarda HKlarining VPQ boʻyicha tezligi soatiga 300 km/soatdan (162 uz.dan) ortiq boʻlmagan parvozlari har 150 metrda (500 futda), tezligi soatiga 300 km/soatdan (162 uz.dan) ortiq parvozlarda va boshqa barcha holatlarda — har 300 metrda (1000 futda) eshelonlanadi.”.
31. 367-band “300 metrdan” degan soʻzlardan keyin “(1000 futdan)” degan soʻzlar bilan toʻldirilsin.
32. 369-band “20 km” degan soʻzlardan keyin “(10,8 d.mili)” degan soʻzlar bilan toʻldirilsin.
33. 372-band “2 km” degan soʻzlardan keyin “(1 d.mili)” degan soʻzlar bilan toʻldirilsin.
34. 373, 374 va 375-bandlar quyidagi tahrirda bayon etilsin:
“373. VPQ boʻyicha parvozlarda boʻylama eshelonlashning minimal intervallari boshqa HK band qilib turgan parvoz eshelonini (balandligini) kesib oʻtish chogʻida, shuningdek bitta eshelondagi boshqa HKning parvoz yoʻnalishini kesib oʻtishda quyidagicha boʻlishi kerak:
a) parvoz tezligi soatiga 300 km (162 uz) va undan past boʻlgan HKlari uchun — 2 km (1 d.mili);
b) parvoz tezligi soatiga 301 — 550 km (163 — 297 uz) boʻlgan HKlari uchun — 5 km (2,7 d.mili).
374. UPQ boʻyicha va VQK qoidalari boʻyicha parvozlarda, uzluksiz radiolokatsion nazorat mavjud boʻlganda, bitta eshelonda (balandlikda) bitta yoʻnalish boʻylab ketayotgan HKlari oʻrtasida boʻylama eshelonlashning minimal intervallari quyidagicha boʻlishi kerak:
a) havo trassalarida, MHY va belgilangan yoʻnalishlarda — 30 km (16,2 d.mili);
b) yaqinlashish zonalarida — 20 km, (10,8 d.mili) HHB ATdan foydalanilganda — 10 km (5,4 d.mili);
v) uchish va qoʻnish zonasida — uchish ogʻirligi 136 tonna va undan katta boʻlgan HKlarining ortidan ketayotgan barcha HKlari uchun 10 km (5,4 d.mili), boshqa barcha hollarda 5 km (2,7 d.mili).
375. UPQ boʻyicha parvozlarda radiolokatsion nazorat qoʻllanilganda boʻylama eshelonlashning minimal intervallari quyidagicha boʻlishi lozim:
a) bitta eshelonda (balandlikda) bitta yoʻnalishda ketayotgan HKlari oʻrtasida:
rayon dispetcherlik xizmatida (HXXK yoʻnalishlarda va ulardan tashqari yoʻnalishlarda) — 30 km (16,2 d.mili), HHB avtomatlashtirilgan tizimi yoki avtomatlashtirilgan ish joylaridan foydalanilganda — 20 km (10,8 d.mili);
yaqinlashish dispetcherlik xizmatida (aerodrom hududida (yaqinlashish zonasida)) — 20 km (10,8 d.mili), HHB avtomatlashtirilgan tizimi yoki avtomatlashtirilgan ish joylaridan foydalanilganda — 10 km (5,4 d.mili);
aerodrom dispetcherlik xizmatida (uchish va qoʻnish zonasida) 136 tonna va undan ortiq uchish ogʻirligiga ega boʻlgan HKlaridan keyin boshqa HKlari uchun — 10 km (6 d.mili), boshqa barcha holatlarda — 5 km (2,7 d.mili);
b) HKlari orasida boshqa band qilib turgan qarama-qarshi eshelonni (balandlikni) kesib oʻtish chogʻida:
rayon dispetcherlik xizmatida (yoʻnalishlarda va yoʻnalishlardan tashqari) — 10 km li (5,4 d.mili) intervalga rioya etgan holda 30 km (16,2 d.mili), HHB avtomatlashtirilgan tizimi yoki avtomatlashtirilgan ish joylaridan foydalanilganda — 30 km (16,2 d.mili), HK ajrashish vaqtida oʻrnatilgan vertikal eshelonlar intervallarini taʼminlash sharti bilan;
yaqinlashish dispetcherlik xizmatida (aerodrom hududida, yaqinlashish zonasida) –30 km (16,2 d. mili), HHB avtomatlashtirilgan tizimi yoki avtomatlashtirilgan ish joylaridan foydalanilganda –20 km (10,8 d.mili), HK ajrashish vaqtida oʻrnatilgan vertikal eshelonlar intervallarini taʼminlash sharti bilan;
aerodrom dispetcherlik xizmatida (uchish va qoʻnish zonasida) 20 km (10,8 d.mili). HHB avtomatlashtirilgan tizimi yoki avtomatlashtirilgan ish joylaridan foydalanilganda 30 km.li (16,2 d.mili) intervalga rioya etgan holda –15 km (8 d.mili), HK ajrashish vaqtida oʻrnatilgan vertikal eshelonlar intervallarini taʼminlash sharti bilan;
v) HKlari orasida boshqa HK band qilib turgan yoʻldosh eshelonni (balandlikni) kesib oʻtish chogʻida:
rayon dispetcherlik xizmatida (HXXK yoʻnalishlarda va ulardan tashqari yoʻnalishlarda) va yaqinlashish dispetcherlik xizmatida (aerodrom hududida, yaqinlashish zonasida) — 20 km (10,8 d.mili), HHB avtomatlashtirilgan tizimi yoki avtomatlashtirilgan ish joylaridan foydalanilganda — 10 km (5,4 d.mili);
aerodrom dispetcherlik xizmatida (uchish va qoʻnish zonasida) — 10 km (5,4 d.mili);
g) bitta eshelonda (balandlikda) kesishadigan yoʻnalishlar boʻylab ketayotgan HKlari oʻrtasida (kesishish burchaklari 45°dan 135°gacha va 225°dan 315°gacha boʻlganda), shuningdek kesishish (balandlik) boshqa HK bilan band boʻlgan eshelonni kesib oʻtishda:
rayon dispetcherlik xizmatida (HXXK yoʻnalishlarda va ulardan tashqari yoʻnalishlarda) — 40 km (21,6 d.mili), HHB avtomatlashtirilgan tizimi yoki avtomatlashtirilgan ish joylaridan foydalanilganda — 30 km (16,2 d.mili);
yaqinlashish dispetcherlik xizmatida (aerodrom hududida, yaqinlashish zonasida) — 30 km (16,2 d.mili), HHB avtomatlashtirilgan tizimi yoki avtomatlashtirilgan ish joylaridan foydalanilganda — 20 km (10,8 d.mili);
aerodrom dispetcherlik xizmatida (uchish va qoʻnish zonasida) — 10 km (5,4 d.mili).”.
35. 379 va 380-bandlar quyidagi tahrirda bayon etilsin:
“379. VPQ boʻyicha bitta balandlikdagi parvozlarda yonlama eshelonlashning minimal intervallari:
a) oldinda ketayotgan HKni quvib oʻtishda — 500 metr (0,3 d.mili);
b) qarama-qarshi kelayotgan HK parvozida — 2 km (1 d.mili);
v) quyi eshelondan past MHY boʻyicha parvozlardagi ajratilgan yoʻnalishlarda — 5 km (2,7 d.mili).
380. UPQ boʻyicha parvozlarda, radiolokatsion nazorat qoʻllanilganda yonlama eshelonlashtirishning minimal intervallari quyidagicha boʻlishi lozim:
a) yoʻldosh HK bilan band boʻlgan eshelonni (balandlikni) kesib oʻtish chogʻida:
rayon dispetcherlik xizmatida (havo trassalarida, zonal navigatsiya yoʻnalishlarda, MHY va ulardan tashqari yoʻnalishlarda) va yaqinlashish dispetcherlik xizmatida (aerodrom hududida, yaqinlashish zonasida) — 10 km (5,4 d.mili);
aerodrom dispetcherlik xizmati (uchish va qoʻnish zonasida) — 10 km (5,4 d. mili), HHB avtomatlashtirilgan tizimi yoki avtomatlashtirilgan uskunalar kompleksidan foydalanilganda — 5 km (2,7 d.mili);
b) boshqa HK band qilib turgan qarama-qarshi eshelonni (balandlikni) kesib oʻtish chogʻida:
rayon dispetcherlik xizmatida (havo trassalarida, zonal navigatsiya yoʻnalishlarda, MHY va ulardan tashqari yoʻnalishlarda) — 30 km li (16,2 d.mili) boʻylama intervalga rioya etgan holda 10 km (5,4 d.mili), HHB avtomatlashtirilgan tizimi yoki avtomatlashtirilgan uskunalar kompleksidan foydalanilganda — 10 km (5,4 d.mili);
yaqinlashish dispetcherlik xizmatida (aerodrom hududida, yaqinlashish zonasida) va aerodrom dispetcherlik xizmatida (uchish va qoʻnish zonasida) — 10 km (5,4 d.mili);
v) parallel havo trassalarining oʻqlari oʻrtasida masofa — 50 km (27 d.mili).”.
36. 390-band “10 km” degan soʻzlardan keyin “(5,4 d.mili)” degan soʻzlar bilan toʻldirilsin.
37. 407-bandning “j” kichik bandi “5 km ga” degan soʻzlardan keyin “(2,7 d.miliga)” degan soʻzlar bilan toʻldirilsin.
38. 408-bandning “j” kichik bandi “4 km ni” degan soʻzlardan keyin “(2,2 d.milini)” degan soʻzlar bilan toʻldirilsin.
39. 414-band “25 km” degan soʻzlardan keyin “(13,5 d.mili)” degan soʻzlar bilan toʻldirilsin.
40. 479-bandning “a” kichik bandi “200 metr” degan soʻzlardan keyin “(660 fut)” degan soʻzlar bilan toʻldirilsin.
41. 488-band “200 metr” degan soʻzlardan keyin “(660 fut)” degan soʻzlar bilan toʻldirilsin.
42. 489-band quyidagi tahrirda bayon etilsin:
“489. Havoga koʻtarilgandan soʻng balandlikka koʻtarilish toʻgʻri chiziq boʻylab quyidagidan kam boʻlmagunga qadar amalga oshiriladi:
a) 50 metr (165 fut) — aviatsiya ishlarini bajarishda HKlarida, agar bu turdagi ishlar uchun ishchi balandlik 50 metr (165 fut) va undan pastroq etib belgilangan boʻlsa;
b) 100 metr (330 fut) — doira boʻylab uchish tezligi 300 km/soat (162 uz) va undan kamroq boʻlgan HKlarida;
v) 200 metr (660 fut) — doira boʻylab uchish tezligi 300 km/soatdan (162 uz.dan) ortiq boʻlgan HKlarida.”.
43. 491-band “200 metr” va “200 metrdan” degan soʻzlardan keyin tegishlicha “(660 fut)” va “(660 futdan)” degan soʻzlar bilan toʻldirilsin.
44. 515-bandning “b” kichik bandi quyidagi tahrirda bayon etilsin:
“b) oʻtish eshelonida barometrik balandlik oʻlchagich bosimining shkalasini standart atmosfera boʻyicha dengizning oʻrtacha darajasiga keltirilgan aerodrom bosimiga (QNN) yoki soʻrov asosida aerodromdagi atmosfera bosimiga (QFE) oʻtkazishi, togʻli aerodromlarda aerodromdagi atmosfera bosimi (QFE) boʻyicha qoʻnishga kirayotganda, HHB organining dispetcheriga joriy balandlik haqida xabar berishi;”.
45. 519-bandning “a” kichik bandi “200 metr” degan soʻzlardan keyin “(660 fut)” degan soʻzlar bilan toʻldirilsin.
46. 556-band “100 metrdan” va “10 metrdan” degan soʻzlardan keyin tegishlicha “(330 futdan)” va “(35 futdan)” degan soʻzlar bilan toʻldirilsin.
47. 582 va 583-bandlar quyidagi tahrirda bayon etilsin:
“582. Aviatsiya ishlarini bajarish boʻyicha parvozlar tekislik va tepalik joylarda koʻrish uzoqligi 3000 metrdan kam boʻlmaganda va bulutlar pastki chegarasi 150 metrdan (500 futdan) past boʻlmaganda, shuningdek togʻ oldi, togʻli va parvozning eng chet nuqtasi togʻ choʻqqilaridan 5 km dan (2,7 d.milidan) kam boʻlmagan uzoqlikda boʻlgan platolarda VPQ boʻyicha amalga oshiriladi.
583. Togʻ choʻqqilaridan 5 km zonadagi uchastkalarga, shuningdek dengiz sathidan 2000 metr (6600 fut) balandlikda joylashgan togʻli platolarga ishlov berishga koʻrish uzoqligi 5000 metr va bulutlar pastki chegarasining balandligi 300 metrdan (1000 futdan) kam boʻlmaganda, bulutlar pastki chegarasining balandligi parvoz balandligidan 100 metrdan (330 futdan) kam boʻlmasligini taʼminlagan holda ruxsat etiladi.”.
48. 584-band “100 metr” degan soʻzlardan keyin “(330 fut)” degan soʻzlar bilan toʻldirilsin.
49. 585-band “50 metr” degan soʻzlardan keyin “(165 fut)” degan soʻzlar bilan toʻldirilsin.
50. 592 va 593-bandlar quyidagi tahrirda bayon etilsin:
“592. Uchastka chegaralarida turgan toʻsiqlar uzra 10 metrdan (35 futdan) kam boʻlmagan balandlikda, yuqori voltli EUT ustidan esa 20 metrdan (70 futdan) kam boʻlmagan balandlikda uchib oʻtishga ruxsat etiladi.
593. Elektr uzatish va samoviy aloqa tarmoqlari kesishgan uchastkalar ustidan uzatgichlar boʻylab shamol esayotgan tomonidan parvoz etishga:
a) shamol tezligi 5 m/s.gacha (10 uz.gacha) va 8 m/s (16 uz) boʻlganda, uzatgichlardan 50 metrdan kam boʻlmagan masofada;
b) shamol tezligi 6 — 8 m/s (12 — 16 uz) boʻlganda, uzatgichlardan 100 metrdan kam boʻlmagan masofada ruxsat etiladi.”.
51. 601-band “± 2 m/s” degan soʻzlardan keyin “(± 4 uz)” degan soʻzlar bilan toʻldirilsin.
52. 605-band “100 metr” va “200 metr” degan soʻzlardan keyin tegishlicha “(330 fut)” va “(660 fut)” degan soʻzlar bilan toʻldirilsin.
53. 606-band “50 metrdan” va “50 metr” degan soʻzlardan keyin tegishlicha “(165 futdan)” va “(165 fut)” degan soʻzlar bilan toʻldirilsin.
54. 609-bandda:
“b” kichik band “75 metrgacha” degan soʻzlardan keyin “(250 futgacha)” degan soʻzlar bilan toʻldirilsin;
“v” kichik band “60 metrdan 100 metrgacha” degan soʻzlardan keyin “(200 futdan 330 futgacha)” degan soʻzlar bilan toʻldirilsin.
55. 613-band “50 metrdan” degan soʻzlardan keyin “(165 futdan)” degan soʻzlar bilan toʻldirilsin.
56. 614-band quyidagi tahrirda bayon etilsin:
“614. Buyurtmachining kuzatuvchisi obyektni har tomonlama sinchiklab koʻzdan kechirishi uchun toʻsiqlar uzra 10 metrgacha (35 futgacha), yuqori voltli elektr uzatish tarmoqlarini koʻzdan kechirishda esa toʻsiqlar uzra 20 metrdan (70 futdan) kam boʻlmagan balandlikda parvozni amalga oshirishga ruxsat etiladi.”.
57. 615-band “50 metrdan” degan soʻzlardan keyin “(165 futdan)” degan soʻzlar bilan toʻldirilsin.
58. 616-band quyidagi tahrirda bayon etilsin:
“616. Buyurtmachining kuzatuvchisi lokal obyektni, joy uchastkasini har tomonlama sinchiklab koʻzdan kechirishi uchun HKni toʻsiqlar uzra 10 metrgacha (35 futgacha), yuqori voltli elektr uzatish tarmoqlarini koʻzdan kechirishda esa toʻsiqlar uzra 20 metrdan (70 futdan) kam boʻlmagan balandlikkacha pastlashiga ruxsat etiladi.”.
59. 619-band quyidagi tahrirda bayon etilsin:
“619. Yongʻinlar uzra parvozni amalga oshirishda yongʻinning chetroq qismida, daraxtlarning uchlari ustida, HK uchun 200 metrdan (660 futdan), vertolyotlar uchun 100 metrdan (330 futdan) past boʻlmagan balandlikkacha pastlashga ruxsat etiladi.”.
60. 634-band “150 metrdan” degan soʻzlardan keyin “(500 futdan)” degan soʻzlar bilan toʻldirilsin.
61. 635-band “200 metr” degan soʻzlardan keyin “(660 fut)” degan soʻzlar bilan toʻldirilsin.
62. 640-band quyidagi tahrirda bayon etilsin:
“640. Yuklarni tashlash parashyutlar bilan yoki ularsiz amalga oshirilishi mumkin. Yuklarni parashyutlarda tashlash 150 metrdan (500 futdan) kam boʻlmagan balandlikda amalga oshiriladi. HKlardan yuklarni parashyutsiz tashlashga quyidagi hollarda ruxsat etiladi:
tekis joyda 25 metrdan (80 futdan) past boʻlmagan balandlikda;
tepalikli joylarda 50 metrdan (165 futdan) past boʻlmagan balandlikda;
togʻli joylarda 100 metrdan (330 futdan) past boʻlmagan balandlikda.
Yuklarni vertolyotlardan tashlashga har qanday geografik sharoitlarda ham 25 metrdan (80 futdan) kam boʻlmagan balandlikda tashlashga ruxsat etiladi.”.
63. 642-band “300 metrdan” degan soʻzlardan keyin “(1000 futdan)” degan soʻzlar bilan toʻldirilsin.
64. 647-bandning “a” kichik bandi “100 metr” degan soʻzlardan keyin “(330 fut)” degan soʻzlar bilan toʻldirilsin.
65. 649-band “30 km” degan soʻzdan keyin “(16,2 d.mili)” degan soʻzlar bilan toʻldirilsin.
66. 652-band “150 metrdan” degan soʻzlardan keyin “(500 fut)” degan soʻzlar bilan toʻldirilsin.
67. 674-band quyidagi tahrirda bayon etilsin:
“674. HKK uchishga qaror qilish vaqtida quyidagi chegaralanishlarni inobatga olishi shart:
a) bulutlar pastki chegarasining balandligi parashyut bilan sakrashni bajarish balandligidan 100 metr (330 fut) baland boʻlishi kerak;
b) sakrashlarning minimal balandligi — 700 metr (2300 fut) boʻlishi kerak. 700 metrdan (2300 futdan) past boʻlgan balandlikdan sakrash har bir alohida hollarda faqat sakrashlar boshligʻining ruxsati bilan amalga oshiriladi. Ruxsatlar “HKK maʼlumotlar jurnali”da rasmiylashtiriladi.”.
68. 691-bandning birinchi xatboshisi “10 metrgacha” degan soʻzlardan keyin “(35 futgacha)” degan soʻzlar bilan toʻldirilsin.
69. 692-band “10 metr” degan soʻzlardan keyin “(35 fut)” degan soʻzlar bilan toʻldirilsin.
70. 693-band quyidagi tahrirda bayon etilsin:
“693. Muallaq turish va 10 metrgacha (35 futgacha) balandlikda parvoz qilish vertolyot sardorining minimumiga bogʻliq ravishda koʻrish masofasi 500 metrdan kam boʻlmaganda va bulutlar balandligi 50 metrdan (165 futdan) past boʻlmaganda ruxsat etiladi.”.
71. 695-band “10 metrdan” degan soʻzlardan keyin “(35 futdan)” degan soʻzlar bilan toʻldirilsin.
72. 753-bandning birinchi jumlasi quyidagi tahrirda bayon etilsin:
“OʻYEHK havo haroratini belgilashda bulutning eng pastidagi qatlamni erdan 400 metr (1300 fut), koʻrish masofasini kamida 5000 metr va yoʻnalishdagi parvozni toʻsiqdan kamida 50 metr (165 fut) balandlikda belgilash tavsiya etiladi.”.
73. 783-bandda “400 metrdan” degan soʻzlardan keyin “(1300 fut)” degan soʻzlar bilan toʻldirilsin.
74. 784-band “5 m/sek.dan” degan soʻzlardan keyin “(10 uz.dan)” degan soʻzlar bilan toʻldirilsin.
75. 785-band “300 metrdan” degan soʻzlardan keyin “(1000 futdan)” degan soʻzlar bilan toʻldirilsin.
76. 815 — band quyidagi tahrirda bayon etilsin:
“815. 4-klassdagi HKlari va vertolyotlar guruhini koʻchirish VPQ boʻyicha quyidagi hollarda bajariladi:
a) tekislik va tepalikli joylarda koʻrish masofasi kamida 4 km va bulutlarning pastki chegarasi kamida 250 metr (820 fut) boʻlganda;
b) togʻli hududda relyef balandligi 2000 metrgacha (6600 futgacha), koʻrish masofasi kamida 5 km boʻlgan, bulutlarning pastki chegarasi relyefning eng baland nuqtasidan 500 metrdan past boʻlmaganida yoki relyefning balandligi 2000 metrdan (6600 futdan) baland boʻlgan, koʻrish masofasi 10 km dan kam boʻlmagan, bulutlarning pastki chegarasi relyefning eng baland nuqtasidan 700 metrdan (2300 futdan) past boʻlmaganda. Bunda HKdan bulutlarning pastki chegarasigacha boʻlgan vertikal oraliq masofa barcha holatlarda 100 metrdan (330 futdan) kam boʻlmasligi lozim.”.
77. 877-band “30 km” degan soʻzlardan keyin “(16,2 d.mili)” degan soʻzlar bilan toʻldirilsin.
78. 891, 893, 897 va 898-bandlar oʻz kuchini yoʻqotgan deb hisoblansin.
79. 914-band “20 km” degan soʻzlardan keyin “(10,8 d.mili)” degan soʻzlar bilan toʻldirilsin.
80. 921-band “10 km dan” degan soʻzlardan keyin “(5,4 d.milidan)” degan soʻzlar bilan toʻldirilsin.
81. 923-band quyidagi tahrirda bayon etilsin:
“923. Bulutlar ostidan parvozni amalga oshirishga faqat kunduz kunlari VPQ talablari doirasida jala yogʻinlari hududidan tashqarida ruxsat beriladi, agar:
a) HK parvozi relyefli joylar va sunʼiy toʻsiqlar ustida haqiqiy xavfsiz balandlikdan kam boʻlmasa, ammo barcha hollarda tekislik va tepalikli joylarda 200 metrdan (660 futdan) va togʻli joylarda 600 metrdan (2000 futdan) kam boʻlmasa;
b) HKdan bulutlarning pastki chegarasigacha boʻlgan vertikal oraliq masofa 200 metrdan (660 futdan) kam boʻlmasa.”.
82. 924-band “500 metrga” degan soʻzlardan keyin “(1650 futga)” degan soʻzlar bilan toʻldirilsin.
83. 926-band “15 km dan” va “50 km dan” degan soʻzlardan keyin tegishlicha “(8 d. milidan)” va “(27 d. milidan)” degan soʻzlar bilan toʻldirilsin.
84. 928-band “900 metrdan” degan soʻzlardan keyin “(3000 futdan)” degan soʻzlar bilan toʻldirilsin.
85. 929-band “10 km” degan soʻzlardan keyin “(5,4 d.mili)” degan soʻzlar bilan toʻldirilsin.
86. 930-band “30 km” degan soʻzlardan keyin “(16,2 d.mili)” degan soʻzlar bilan toʻldirilsin.
87. 936-bandning “v” kichik bandi “3 m/s” degan soʻzlardan keyin “(6 uz)” degan soʻzlar bilan toʻldirilsin.
88. 940-bandning “a” kichik bandi “50 km dan” degan soʻzlardan keyin “(27 d. milidan)” degan soʻzlar bilan toʻldirilsin.
89. 942-band “600 metr” degan soʻzlardan keyin “(2000 fut)” degan soʻzlar bilan toʻldirilsin.
90. 951-band “5 km” degan soʻzlardan keyin “(2,7 d. mili)” degan soʻzlar bilan toʻldirilsin.
91. 966-band “100 metrgacha” degan soʻzlardan keyin “(330 futgacha)” degan soʻzlar bilan toʻldirilsin.
92. 967-band “100 metrdan” degan soʻzlardan keyin “(330 futdan)” degan soʻzlar bilan toʻldirilsin.
93. 1-ilovaning 4-boʻlimi “300 km/soat” degan soʻzlardan keyin “(162 uz)” degan soʻzlar bilan toʻldirilsin.
94. 6-ilova 2-jadvalining (“Tutib olingan HK signallari va tutib olgan HK signal-buyruqlari”) toʻrtinchi signallar seriyasi qatorining tutib olingan HK harakatlari ustuni quyidagi tahrirda bayon etilsin:
“HKlari
Kunduzi — UQY ustidan uchib oʻtishda aerodrom darajasidan 300 metrdan (1000 futdan) kam 600 metrdan (2000 futdan) koʻp boʻlmagan balandlikda shassilarni yigʻib olish va aerodrom ustida doira boʻylab parvozda davom etish.
Kechasi — UQY ustidan uchib oʻtishda aerodrom darajasidan 300 metrdan (1000 futdan) kam 600 metrdan (2000 futdan) koʻp boʻlmagan balandlikda shassilarni yigʻib olish va qoʻnish faralarini oʻchirib yoqish va aerodrom ustida doira boʻylab parvozda davom etish.Agar qoʻnish faralari bilan oʻchirib yoqishni iloji boʻlmasa, mavjud har qanday chiroqlarni oʻchirib yoqish.
Vertolyotlar
Kunduzi — aerodrom (Vertolyot qoʻnish maydonchasi) ustidan 50 metrdan (165 futdan) kam va 100 metrdan (330 futdan) ortiq boʻlmagan balandlikda uchib oʻtish hamda doira boʻylab uchishni davom ettirish.
Kechasi — aerodrom (Vertolyot qoʻnish maydonchasi) ustidan 50 metrdan (165 futdan) kam 100 metrdan (330 futdan) ortiq boʻlmagan balandlikda uchib oʻtishda qoʻnish faralari va aeronavigatsiya faralarini oʻchirib yoqish va doira boʻylab uchishni davom ettirish.”.
95. 9-ilovaning “Talab etiladigan yonilgʻi miqdorini aniqlash” boʻlimida:
qirq uchinchi xatboshi quyidagi tahrirda bayon etilsin:
“EDTO qoidalari boʻyicha parvozlarni bajaruvchi HK uchun yonilgʻining belgilangan zaxirasi qatnov yonilgʻisi miqdorining 5% idan kam boʻlmasligi kerak.”;
quyidagi tahrirdagi xatboshi bilan toʻldirilsin:
“Arktika va Antarktidada parvozlar bajarilayotganida, shuningdek boshqa holatlarda qoʻshimcha yonilgʻi tegishli qoʻllanmalar talablariga muvofiq ekspluatantning parvozlarni bajarish boʻyicha qoʻllanmasida belgilanadi.”.
96. 12 — 14-ilovalar mazkur oʻzgartirish va qoʻshimchalarning 1 — 3-ilovalariga muvofiq tahrirda bayon etilsin.
97. 15-ilovaning izohi “100 m” degan soʻzlardan keyin “(330 fut)” degan soʻzlar bilan toʻldirilsin.
98. 16 — 20-ilovalar mazkur oʻzgartirish va qoʻshimchalarning 4 — 8-ilovalariga muvofiq tahrirda bayon etilsin.
99. Mazkur oʻzgartirish va qoʻshimchalar Oʻzbekiston Respublikasi Mudofaa vazirligi, Vazirlar Mahkamasi huzuridagi Gidrometeorologiya xizmati markazi va “Oʻzbekiston havo yoʻllari” milliy aviakompaniyasi bilan kelishilgan.
Mudofaa vaziri K. BERDIYEV
2014-yil 16-sentabr,
Vazirlar Mahkamasi huzuridagi Gidrometeorologiya xizmati markazi bosh direktori V. ChUB
2014-yil 16-sentabr,
“Oʻzbekiston havo yoʻllari” Milliy aviakompaniyasi bosh direktori V. TYAN
2014-yil 16-sentabr,
Oʻzbekiston Respublikasi samoviy hududida fuqaro va eksperimental aviatsiyasining parvoz qilish aviatsiya qoidalariga (OʻzR AQ-91) kiritilayotgan oʻzgartirish va qoʻshimchalarga 1-ILOVA
“Oʻzbekiston Respublikasi samoviy hududida fuqaro va eksperimental aviatsiyasining parvoz qilish aviatsiya qoidalariga (OʻzR AQ-91) 12-ILOVA
Oʻzbekiston Respublikasi samoviy hududida fuqaro va eksperimental aviatsiyasining parvoz qilish aviatsiya qoidalariga (OʻzR AQ-91) kiritilayotgan oʻzgartirish va qoʻshimchalarga 2-ILOVA
“Oʻzbekiston Respublikasi samoviy hududida fuqaro va eksperimental aviatsiyasining parvoz qilish aviatsiya qoidalariga (OʻzR AQ-91) 13-ILOVA
Oʻzbekiston Respublikasi samoviy hududida fuqaro va eksperimental aviatsiyasining parvoz qilish aviatsiya qoidalariga (OʻzR AQ-91) kiritilayotgan oʻzgartirish va qoʻshimchalarga 3-ILOVA
“Oʻzbekiston Respublikasi samoviy hududida fuqaro va eksperimental aviatsiyasining parvoz qilish aviatsiya qoidalariga (OʻzR AQ-91) 14-ILOVA
Oʻzbekiston Respublikasi samoviy hududida fuqaro va eksperimental aviatsiyasining parvoz qilish aviatsiya qoidalariga (OʻzR AQ-91) kiritilayotgan oʻzgartirish va qoʻshimchalarga 4-ILOVA
“Oʻzbekiston Respublikasi samoviy hududida fuqaro va eksperimental aviatsiyasining parvoz qilish aviatsiya qoidalariga (OʻzR AQ-91) 16-ILOVA
Parvoz tezligi (uskunalar boʻyicha), km/soat (uz) Xavfsiz parvoz balandligi (haqiqiy), m (fut) UPQ boʻyicha VPQ boʻyicha Uchish va qoʻnish hududida (*) 300 (162 uz) va undan kam 300 (1000 fut) 100 (330 fut) 300 dan (162 uz.dan) ortiq 200 (660 fut) Yaqinlashish hududida, havo trassalari, MHY va belgilangan yoʻnalishlar boʻyicha: a) suv hududi, tekislik va tepalikli joylar ustidan 300 (162 uz) va undan kam 300 (1000 fut) 100 (330 fut) 300 dan (162 uz.dan) ortiq 200 (330 fut) b) relyefining absolyut balandligi 2000 m (6600 fut) va undan kam boʻlgan togʻli joylarda Parvoz tezligidan qatʼi nazar 600 (2000 fut) 300 (1000 fut) v) relyefining absolyut balandligi 2000 m (6600 fut) va undan ortiq boʻlgan togʻli joylarda Parvoz tezligidan qatʼi nazar 600 (2000 fut) 600 (2000 fut) Sogʻliqni saqlash tashkilotlari, qidiruv-qutqaruv, avariya-qutqaruv ishlari va ularga tayyorgarlik parvozlariga xizmat koʻrsatish boʻyicha shoshilinch parvozlar 300 (162 uz) va undan kam 600 (2000 fut) 50 (165 fut) ”.
Oʻzbekiston Respublikasi samoviy hududida fuqaro va eksperimental aviatsiyasining parvoz qilish aviatsiya qoidalariga (OʻzR AQ-91) kiritilayotgan oʻzgartirish va qoʻshimchalarga 5-ILOVA
“Oʻzbekiston Respublikasi samoviy hududida fuqaro va eksperimental aviatsiyasining parvoz qilish aviatsiya qoidalariga (OʻzR AQ-91) 17-ILOVA
Oʻzbekiston Respublikasi samoviy hududida fuqaro va eksperimental aviatsiyasining parvoz qilish aviatsiya qoidalariga (OʻzR AQ-91) kiritilayotgan oʻzgartirish va qoʻshimchalarga 6-ILOVA
“Oʻzbekiston Respublikasi samoviy hududida fuqaro va eksperimental aviatsiyasining parvoz qilish aviatsiya qoidalariga (OʻzR AQ-91) 18-ILOVA
Izoh: Uchastkaning murakkabligi va ekipajning tajribasidan kelib chiqqan holda aviakorxona komandiri barcha holatlarda ob-havoning jadvalda belgilangan koʻrsatkichlaridan kam boʻlmagan boshqa minimumlarini belgilashi mumkin.”.
Oʻzbekiston Respublikasi samoviy hududida fuqaro va eksperimental aviatsiyasining parvoz qilish aviatsiya qoidalariga (OʻzR AQ-91) kiritilayotgan oʻzgartirish va qoʻshimchalarga 7-ILOVA
“Oʻzbekiston Respublikasi samoviy hududida fuqaro va eksperimental aviatsiyasining parvoz qilish aviatsiya qoidalariga (OʻzR AQ-91) 19-ILOVA
Oʻzbekiston Respublikasi samoviy hududida fuqaro va eksperimental aviatsiyasining parvoz qilish aviatsiya qoidalariga (OʻzR AQ-91) kiritilayotgan oʻzgartirish va qoʻshimchalarga 8-ILOVA
“Oʻzbekiston Respublikasi samoviy hududida fuqaro va eksperimental aviatsiyasining parvoz qilish aviatsiya qoidalariga (OʻzR AQ-91) 20-ILOVA
Izoh: Tez tibbiy yordam koʻrsatish uchun parvozlarga tekislik va tepalikli hududlarda bulutlar pastki chegarasining balandligi 100 metrdan (330 futdan), relyefning eng baland nuqtasidan gorizontal koʻrish imkoniyati 1500 metrdan kam boʻlmagan, togʻli joylarda esa bulutlar pastki chegarasining balandligi 300 metrdan (1000 futdan), relyefning eng baland nuqtasidan gorizontal koʻrish imkoniyati 5000 metrdan kam boʻlmagan sharoitlarda ruxsat etiladi.”.