Davlat kadastrlari yagona tizimiga tegishli davlat kadastrlari maʼlumotlarining tarkibi va ularni taqdim etish tartibi toʻgʻrisidagi nizomni tasdiqlash haqida (2618-son)
08.10.2014
Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasining
Qarori
[Oʻzbekiston Respublikasi Adliya vazirligi tomonidan 2014-yil 8-oktabrda roʻyxatdan oʻtkazildi, roʻyxat raqami 2618]
Oʻzbekiston Respublikasining “Davlat kadastrlari toʻgʻrisida”gi Qonuni hamda Vazirlar Mahkamasining 2005-yil 16-fevraldagi 66-sonli qarori bilan tasdiqlangan Davlat kadastrlari yagona tizimini yaratish va yuritish tartibi toʻgʻrisidagi nizomga muvofiq Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi qaror qiladi:
1. Davlat kadastrlari yagona tizimiga tegishli davlat kadastrlari maʼlumotlarining tarkibi va ularni taqdim etish tartibi toʻgʻrisidagi nizom ilovaga muvofiq tasdiqlansin.
2. Mazkur qaror rasmiy eʼlon qilingan kundan eʼtiboran kuchga kiradi.
Rais S. ARABOV
Toshkent sh.,
2014-yil 12-sentabr,
12-son
Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasining 2014-yil 12-sentabrdagi 12-sonli qaroriga ILOVA
Davlat kadastrlari yagona tizimiga tegishli davlat kadastrlari maʼlumotlarining tarkibi va ularni taqdim etish tartibi toʻgʻrisidagi
NIZOM
Mazkur Nizom Oʻzbekiston Respublikasining “Davlat kadastrlari toʻgʻrisida”gi Qonuni hamda Vazirlar Mahkamasining 2005-yil 16-fevraldagi 66-sonli qarori bilan tasdiqlangan “Davlat kadastrlari yagona tizimini yaratish va yuritish tartibi toʻgʻrisida”gi nizomga muvofiq, Davlat kadastrlari yagona tizimiga tegishli davlat kadastrlari maʼlumotlarining tarkibi va ularni taqdim etish tartibini belgilaydi.
1-bob. Umumiy qoidalar
1. Mazkur Nizomda quyidagi asosiy tushunchalar qoʻllaniladi:
atributiv maʼlumot — geografik axborot tizimi obyektlarining tavsiflarini taʼriflovchi jadvalli va/yoki matnli maʼlumotlar toʻplami;
geografik axborot tizimi (geoaxborot tizimi) (bundan buyon matnda GAT deb yuritiladi) — geografik obyektlar toʻgʻrisidagi maʼlumotlarni toʻplash, qayta ishlash, tahlil qilish, modellashtirish va aks ettirish, shuningdek raqamli kartografik, oʻxshash va matnli axborotdan foydalangan holda umumdavlat (tarmoqlararo) yoki tarmoq ahamiyatiga molik axborot va hisob-kitob vazifalarini hal etish uchun moʻljallangan avtomatlashtirilgan tizim;
Davlat kadastrlari yagona tizimining GAT (bundan buyon matnda DKYaT GAT deb yuritiladi) — Davlat kadastrlari yagona tizimi masalalarini yechish uchun moʻljallangan ixtisoslashtirilgan GAT;
davlat kadastrlarini yuritish boʻyicha vakolatli organlar — zimmasiga ayrim davlat kadastrlarini yuritish funksiyalari yuklatilgan vazirliklar, davlat qoʻmitalari, idoralar, xoʻjalik boshqaruvi organlari, mahalliy davlat hokimiyati organlari;
tematik qatlam — maʼlum hududdagi obyektlar toʻplami uchun umumiy boʻlgan koordinatalar tizimida bir mavzuga (oʻsimliklarga, avtomobil yoʻllariga va h.k.) tegishli bir tipdagi fazoviy obyektlarni raqamli ifodalash majmui;
fazoviy (geofazoviy) axborot — joy obyektlarining oʻrnashgan joyi toʻgʻrisidagi maʼlumotlarni oʻz ichiga oluvchi, maʼlum shaklda va koordinatalar tizimida ifodalangan axborot.
2. DKYaT GAT Oʻzbekiston Respublikasi Davlat soliq qoʻmitasi huzuridagi Kadastr agentligining (bundan buyon matnda Kadastr agentligi deb yuritiladi) Davlat kadastrlari palatasi tomonidan kartografik va tematik kadastr axborotini yagona geofazoviy axborot bazasiga integratsiyalash maqsadida yaratiladi hamda yuritiladi.
Davlat kadastrlari yagona tizimi Oʻzbekiston Respublikasi Milliy geografik axborot tizimida shakllantiriladi.
3. DKYaT GAT davlat hokimiyati va boshqaruvi organlarini, yuridik va jismoniy shaxslarni ularning faoliyati uchun, shu jumladan barcha turdagi resurslardan foydalanishni boshqarish va prognozlash masalalarini hal etish, ishlab chiqarish kuchlarini joylashtirish boʻyicha loyihaviy qarorlar qabul qilish, hududlarni rivojlantirish va boshqa shu kabi maqsadlar uchun zarur boʻlgan fazoviy (geofazoviy) axborot bilan operativ taʼminlashga moʻljallanadi.
4. DKYaT GATni yuritishning asosiy prinsiplari quyidagilardan iborat:
har bir davlat kadastri obyektining turi boʻyicha Oʻzbekiston Respublikasining barcha hududlarini toʻliq qamrab olish;
makon koordinatalarining yagona tizimini qoʻllash;
kadastr axborotlarini shakllantirish metodologiyasining yagonaligi;
kadastr axborotlarining ishonchliligi;
kadastr axborotlarining ochiqligi.
5. DKYaT GATga tegishli tematik qatlamlar davlat kadastrining har bir turi boʻyicha axborotni toʻplash va unga ishlov berish ishlarining bajarilishiga asosan shakllantirilishi va ularning nazorat holatida yuritilishi taʼminlanishi zarur.
2-bob. DKYaT GATga tegishli tematik qatlamlarni shakllantirish va ularni Davlat kadastrlari yagona tizimiga taqdim etish
1-§. DKYaT GATga tegishli tematik qatlamlarga qoʻyiladigan umumiy talablar
6. DKYaT GATga tegishli tematik qatlamlar davlat kadastrlarining har bir turi boʻyicha bazaviy kartografik asosdan foydalanib, obyekt turlari va axborot turlari (roʻyxatdan oʻtkazishga oid, hisobga olishga oid, baholashga oid) boʻyicha, ArcGIS dasturiy taʼminotida (*.shp, *.gdb, *.mdb formatlarda) shakllantiriladi.
7. DKYaT GATning bazaviy kartografik asosi 1:200 000 masshtabdagi kartaga muvofiq keladigan quyidagi tematik qatlamlardan tashkil topadi:
“Matematik asos” tematik qatlami;
“Gidrografiya” tematik qatlami;
“Joy relyefi” tematik qatlami;
“Aholi punktlari” tematik qatlami;
“Aloqa yoʻllari” tematik qatlami;
“Tuproq-oʻsimlik qoplami” tematik qatlami;
“Siyosiy va maʼmuriy chegaralar” tematik qatlami.
8. DKYaT GAT bazaviy kartografik asosining tematik qatlamlari hamda davlat kadastrlarining tegishli GATlarini yuritish uchun zarur kartografik asoslar Kadastr agentligi tomonidan shakllantiriladi hamda davlat kadastrlarini yuritish boʻyicha vakolatli organlarga taqdim etiladi.
9. DKYaT GATga tegishli tematik qatlamlarning matematik asosi bazaviy kartografik asosning matematik asosiga muvofiq boʻlishi lozim.
10. DKYaT GATga tegishli tematik qatlamlarni shakllantirishda vektorli obyektlarning (nuqtalar, chiziqlar va poligonlarning) oʻzaro bogʻliqligi va yondoshligi ularning fazoviy joylashuvini inobatga olgan holda tasvirlanadi.
11. DKYaT GATga tegishli tematik qatlamlarning atributiv maʼlumotlari davlat tilida yuritiladi.
2-§. Davlat kadastrlari yagona tizimiga tegishli davlat kadastrlari maʼlumotlarini taqdim etish
12. Davlat kadastrlari yagona tizimiga tegishli davlat kadastrlari maʼlumotlari davlat kadastrlarini yuritish boʻyicha vakolatli organlar tomonidan Kadastr agentligining Davlat kadastrlari palatasiga quyidagi muddatlarda taqdim etiladi:
1) texnogen xavf yuqori boʻlgan zonalar davlat kadastri boʻyicha — har yili mart oyida;
2) davlat suv kadastri (yer osti suvlari va suvdan foydalanish boʻlimlari), davlat oʻrmon kadastri, oʻsimlik dunyosi obyektlari davlat kadastri, muhofaza etiladigan tabiiy hududlar davlat kadastri, davlat shaharsozlik kadastri, gidrotexnika inshootlari davlat kadastri, madaniy meros obyektlari davlat kadastri, avtomobil yoʻllari davlat kadastri, yetkazib berish quvurlari davlat kadastri, aloqa obyektlari davlat kadastri, energetika obyektlari davlat kadastri, chiqindilarni koʻmish va utilizatsiya qilish joylari davlat kadastri, tabiiy xavf yuqori boʻlgan zonalar davlat kadastri (xavfli geologik jarayonlarning yuzaga chiqish hollari va seysmik xavf yuqori boʻlgan zonalar qismlari) boʻyicha — har yili aprel oyida;
3) hayvonot dunyosi davlat kadastri boʻyicha — har yili may oyida;
4) temir yoʻllar davlat kadastri, konlar, foydali qazilmalar va texnogen hosilalarning yuzaga chiqish hollari davlat kadastri boʻyicha — har yili iyun oyida;
5) davlat suv kadastri (er usti suvlari boʻlimi), tabiiy xavf yuqori boʻlgan zonalar davlat kadastri (gidrometeorologik hodisalar xavfi yuqori boʻlgan zonalar qismi) boʻyicha — har yili dekabr oyida;
6) davlat yer kadastri, binolar va inshootlar davlat kadastri, kartografiya-geodeziya davlat kadastrlari boʻyicha — yilning har choragida, keyingi oyning oʻninchi sanasiga qadar.
13. Davlat kadastrlari yagona tizimiga tegishli davlat kadastrlari maʼlumotlari davlat yer kadastri, binolar va inshootlar davlat kadastri, kartografiya-geodeziya davlat kadastrlari boʻyicha oʻtgan chorakning oxirgi sanasi holatiga koʻra, boshqa davlat kadastrlari boʻyicha oʻtgan yilning 31-dekabr sanasi holatiga koʻra taqdim etiladi.
3-bob. DKYaT GATga taqdim etiladigan maʼlumotlarning tarkibi va mazmuni
14. DKYaT GATga taqdim etiladigan tematik qatlamlar masshtab qatoriga muvofiq maydonli, chiziqli yoki nuqtali tiplarda yaratiladi.
15. Har bir davlat kadastri boʻyicha tematik qatlamlar va ularning atributiv maʼlumotlar jadvali mazkur Nizomning 16 — 36-bandlariga muvofiq shakllantiriladi.
16. Texnogen xavf yuqori boʻlgan zonalar davlat kadastri boʻyicha mazkur Nizomning 1-ilovasiga muvofiq shakllardagi atributiv maʼlumotlar jadvallari yaratiladi va ular quyidagi tematik qatlamlardan iborat boʻladi:
“Texnogen xavf yuqori boʻlgan zonalarga ega korxonalar” tematik qatlami (1-jadval);
“Yuqori texnogen xavf yuzaga kelishi mumkin boʻlgan zonalar” tematik qatlami (2-jadval);
“Odamlarni zonadan evakuatsiya qilish yoki koʻchirish” tematik qatlami (3-jadval);
“Bino va inshootlarning yongʻin xavfliligi boʻyicha tavsifi” tematik qatlami (4-jadval);
“Yongʻinga qarshi suv manbalari” tematik qatlami (5-jadval);
“Radioaktiv mahsulotlarni, radioaktiv va boshqa moddalarni ishlab chiqarish, qayta ishlash, saqlash va ulardan foydalanish obyektlari” tematik qatlami (6-jadval);
“Radiatsiyaviy xavfga ega korxonalar” tematik qatlami (7-jadval);
“Radiatsiyaviy xavf yuzaga kelishi mumkin boʻlgan zonalar” tematik qatlami shakllantiriladi (8-jadval).
17. Davlat suv kadastri boʻyicha mazkur Nizomning 2-ilovasiga muvofiq shakllardagi atributiv maʼlumotlar jadvallari yaratiladi va ular quyidagi tematik qatlamlardan iborat boʻladi:
“Suv obyektlari — yer usti suvlari” tematik qatlami (1-jadval);
“Suvlarning sathlari”, “Suv sarfi” tematik qatlamlari (2-jadval);
“Yer osti suv konlari resurslari” tematik qatlami (3-jadval);
“Yer osti suv koni uchastkalarining tasdiqlangan zaxiralari” tematik qatlami (4-jadval);
“Suv chiqarish inshootlari” tematik qatlami (5-jadval);
“Yer osti suvlaridan foydalanish” tematik qatlami (6-jadval);
“Hududlarda suvdan turli ehtiyojlar uchun foydalanish” tematik qatlami (7-jadval).
18. Davlat oʻrmon kadastri boʻyicha mazkur Nizomning 3-ilovasiga muvofiq shakllardagi atributiv maʼlumotlar jadvallari yaratiladi va ular quyidagi tematik qatlamlardan iborat boʻladi:
“Oʻrmon xoʻjaligi boʻlimlari” tematik qatlami (1-jadval);
“Oʻrmon kvartallari” tematik qatlami (2-jadval);
“Oʻrmonli yerlar” tematik qatlami (3-jadval);
“Oʻrmonsiz yerlar” tematik qatlami (4-jadval).
19. Oʻsimlik dunyosi obyektlari davlat kadastri boʻyicha mazkur Nizomning 4-ilovasiga muvofiq shakllardagi atributiv maʼlumotlar jadvallari yaratiladi va ular quyidagi tematik qatlamlardan iborat boʻladi:
“Quyi oʻsimliklar” tematik qatlami (1-jadval);
“Tomirli oʻsimliklar” tematik qatlami (2-jadval);
“Qoʻziqorinlar” tematik qatlami (3-jadval);
“Yaylovlar va pichanzorlar tabiiy oʻsimlik qoplami holatining tavsifi” tematik qatlami (4-jadval).
20. Muhofaza etiladigan tabiiy hududlar davlat kadastri boʻyicha mazkur Nizomning 5-ilovasiga muvofiq shakllardagi atributiv maʼlumotlar jadvallari yaratiladi va ular quyidagi tematik qatlamlardan iborat boʻladi:
“Muhofaza etiladigan tabiiy hududlar” tematik qatlami (1-jadval);
“Muhofaza etiladigan tabiiy hududlarning oʻsimlik dunyosi” tematik qatlami (2-jadval);
“Muhofaza etiladigan tabiiy hududlarning hayvonot dunyosi” tematik qatlami (3-jadval);
“Davlat tabiat yodgorliklarining umumiy tavsifi” tematik qatlami (4-jadval);
“Muhofaza etiladigan tabiiy hududlarda tabiatni muhofaza qilish faoliyatining asosiy natijalari” tematik qatlami (5-jadval).
21. Davlat shaharsozlik kadastri boʻyicha mazkur Nizomning 6-ilovasiga muvofiq shakllardagi atributiv maʼlumotlar jadvallari yaratiladi va ular quyidagi tematik qatlamlardan iborat boʻladi:
“Shaharsozlik obyekti” tematik qatlami (1-jadval);
“Funksional zonalar” tematik qatlami (2-jadval);
“Hududni shaharsozlik nuqtai nazaridan baholash” tematik qatlami (3-jadval);
“Aholi punktini geologik zonalash” tematik qatlami (4-jadval).
22. Gidrotexnika inshootlari davlat kadastri boʻyicha mazkur Nizomning 7-ilovasiga muvofiq shakllardagi atributiv maʼlumotlar jadvallari yaratiladi va ular quyidagi tematik qatlamlardan iborat boʻladi:
“Suv omborlari”, “III sinfdan past kapitallikdagi suv omborlari” va “Sel omborlari” tematik qatlamlari (1-jadval);
“Gidrouzellar” va “III klassdan past kapitallikdagi gidrouzellar” tematik qatlamlari (2-jadval);
“Kanallar” va “III klassdan past kapitallikdagi kanallar” tematik qatlamlari (3-jadval);
“Nasos stansiyalari” va “III klassdan past kapitallikdagi nasos stansiyalari” tematik qatlamlari (4-jadval);
“Kollektorlar” va “III klassdan past kapitallikdagi kollektorlar” tematik qatlamlari (5-jadval).
23. Madaniy meros obyektlari davlat kadastri boʻyicha mazkur Nizomning 8-ilovasiga muvofiq shakllardagi atributiv maʼlumotlar jadvallari yaratiladi va ular quyidagi tematik qatlamlardan iborat boʻladi:
“Arxitektura yodgorliklari” tematik qatlami (1-jadval);
“Arxeologik yodgorliklar” tematik qatlami (2-jadval);
“Monumental sanʼat yodgorliklari” tematik qatlami (3-jadval);
“Diqqatga sazovor joylar” tematik qatlami (4-jadval).
24. Avtomobil yoʻllari davlat kadastri boʻyicha mazkur Nizomning 9-ilovasiga muvofiq shakllardagi atributiv maʼlumotlar jadvallari yaratiladi va ular quyidagi tematik qatlamlardan iborat boʻladi:
“Avtomobil yoʻllarining umumiy koʻrinishi” va “Avtomobil yoʻllari” tematik qatlamlari (1-jadval);
“Sunʼiy inshootlar” tematik qatlami (2-jadval);
“Tartibga keltirish va jihozlash obyektlari” tematik qatlami (3-jadval);
“Yoʻllar chorrahalari va tutashuvlari” tematik qatlami (4-jadval);
“Himoya inshootlari” tematik qatlami (5-jadval);
“Bino-inshootlar” tematik qatlami (6-jadval).
25. Etkazib berish quvurlari davlat kadastri boʻyicha mazkur Nizomning 10-ilovasiga muvofiq shakllardagi atributiv maʼlumotlar jadvallari yaratiladi va ular quyidagi tematik qatlamlardan iborat boʻladi:
“Gaz yetkazib berish quvurlari — magistral gazoprovodlar” tematik qatlami (1-jadval);
“Gazoprovod-tarmoqlari” tematik qatlami (2-jadval);
“Gaz taqsimlash stansiyalari” tematik qatlami (3-jadval);
“Kompressor stansiyalari” tematik qatlami (4-jadval);
“Gazni yer ostida saqlash stansiyalari” tematik qatlami (5-jadval);
“Gazni yer ostida saqlash stansiyasi kon zonasi” tematik qatlami (6-jadval).
26. Aloqa obyektlari davlat kadastri boʻyicha mazkur Nizomning 11-ilovasiga muvofiq shakllardagi atributiv maʼlumotlar jadvallari yaratiladi va ular quyidagi tematik qatlamlardan iborat boʻladi:
“Xalqaro kommutatsiya markazlari va avtomatik shaharlararo telefon stansiyalari”, “Tuman telekommunikatsiya uzellari va shahar telekommunikatsiya bogʻlamalari”, “Avtomatik telefon stansiyalari” tematik qatlamlari (1-jadval);
“Radiorele stansiyalari” tematik qatlami (2-jadval);
“Radiotelevizion stansiyalar va radio eshittirish stansiyalari”, “Yoʻldosh aloqasi yer stansiyalari” tematik qatlamlari (3-jadval);
“Mobil aloqa kommutatsiyasi markazlari”, “Simsiz aloqa kommutatsion bogʻlamalari” tematik qatlamlari (4-jadval);
“Bazaviy qabul qilish-uzatish stansiyasi” tematik qatlami (5-jadval);
“Kabel aloqa liniyalari” tematik qatlami (6-jadval);
“Radiorele aloqa liniyalari” tematik qatlami (7-jadval);
“Pochta aloqasi hududiy tashkilotlari”, “Pochta aloqasi shahar va tuman bogʻlamalari”, “Pochtamtlar”, “Pochta aloqasi shahar va qishloq boʻlinmalari”, “Almashuv punktlari”, “Pochta punktlari”, “Kuryer aloqasi obyektlari” tematik qatlamlari (8-jadval).
27. Energetika obyektlari davlat kadastri boʻyicha mazkur Nizomning 12-ilovasiga muvofiq shakllardagi atributiv maʼlumotlar jadvallari yaratiladi va ular quyidagi tematik qatlamlardan iborat boʻladi:
“Issiqlik elektrostansiyalari va issiqlik elektr markazlari” tematik qatlami (1-jadval);
“Gidravlik elektrostansiyalar” tematik qatlami (2-jadval);
“Hududiy elektr tarmoqlari korxonalari” tematik qatlami (3-jadval);
“Magistral elektr tarmoqlari” tematik qatlami (4-jadval).
28. Chiqindilarni koʻmish va utilizatsiya qilish joylari davlat kadastri boʻyicha mazkur Nizomning 13-ilovasiga muvofiq shakllardagi atributiv maʼlumotlar jadvallari yaratiladi va ular quyidagi tematik qatlamlardan iborat boʻladi:
“Chiqindilarni koʻmish joylari” tematik qatlami (1-jadval);
“Chiqindilarni utilizatsiya qilish joylari” tematik qatlami (2-jadval).
29. Tabiiy xavf yuqori boʻlgan zonalar davlat kadastri boʻyicha mazkur Nizomning 14-ilovasiga muvofiq shakllardagi atributiv maʼlumotlar jadvallari yaratiladi va ular quyidagi tematik qatlamlardan iborat boʻladi:
“Xavfli geologik jarayonlar zonalari” tematik qatlami (1-jadval);
“Xavfli geologik jarayonlar kichik zonalari” tematik qatlami (2-jadval);
“Ayrim xavfli geologik jarayonlar yuzaga chiqish hollari” tematik qatlami (3-jadval);
“Seysmogen zonalar” tematik qatlami (4-jadval);
“Tebranish zonalari” tematik qatlami (5-jadval);
“Yer qobigʻining aktiv yorilish joylari” tematik qatlami (6-jadval);
“Kuchli zilzilalar izoseystlari (>5)” tematik qatlami (7-jadval);
“Zilzilalar epitsentrlari” tematik qatlami (8-jadval);
“Seysmik stansiyalar” tematik qatlami (9-jadval);
“Havo harorati 40 gradus va undan ortiq boʻlgan kunlar soni” tematik qatlami (10-jadval);
“Havoda oxirgi bahor ayozining boʻlishi sanasi” tematik qatlami (11-jadval);
“Tuproqda oxirgi bahor ayozining boʻlishi sanasi” tematik qatlami (12-jadval);
“Havoda birinchi kuz ayozining kelishi sanasi” tematik qatlami (13-jadval);
“Tuproq sirtida birinchi kuz ayozining boʻlishi sanasi” tematik qatlami (14-jadval);
“12 soat va undan kam vaqt mobaynida 30 mm va undan ortiq yomgʻir koʻrinishidagi kuchli yogʻinlar boʻlgan sutkalar soni” tematik qatlami (15-jadval);
“12 soat va undan kam vaqt mobaynida 20 mm va undan ortiq qor koʻrinishidagi kuchli yogʻinlar boʻlgan sutkalar soni” tematik qatlami (16-jadval);
“Yarim sutka mobaynida yomgʻir koʻrinishidagi kuchli yogʻinlar boʻlgan sutkalar soni” tematik qatlami (17-jadval);
“Yarim sutka mobaynida qor koʻrinishidagi kuchli yogʻinlar boʻlgan sutkalar soni” tematik qatlami (18-jadval);
“15 m/sek va undan ortiq tezlikdagi kuchli shamol boʻlgan sutkalar soni” tematik qatlami (19-jadval);
“Turli meʼyorlardan yuqori shamol tezligidagi kuchli shamollar boʻlgan sutkalar soni” tematik qatlami (20-jadval);
“Atmosfera qurgʻoqchiligi boʻlgan kunlarning umumiy soni” tematik qatlami (21-jadval);
“Gidrologik postlarning joylashuvi karta-sxemasi” tematik qatlami (22-jadval);
“Suv miqdorining gidrologik tavsiflari va hisobot yilining vegitatsiya davrida foizlardagi taʼminlanuvi” tematik qatlami (23-jadval);
“Sellar” tematik qatlami (24-jadval);
“Koʻchkilar” tematik qatlami (25-jadval).
30. Tabiiy xavf yuqori boʻlgan zonalar davlat kadastri boʻyicha mazkur Nizomning 29-bandida koʻrsatib oʻtilgan tematik qatlamlardan tashqari atributiv maʼlumotlar jadvaliga ega boʻlmagan quyidagi tematik qatlamlar ham yaratiladi:
“Koʻp yillik davr mobaynida havo harorati 40 gradus va undan ortiq boʻlgan kunlar sonining taqsimlanishi karta-sxemasi” tematik qatlami;
“Havo harorati 40 gradus va undan ortiq boʻlgan kunlar sonining taqsimlanishi karta-sxemasi” tematik qatlami;
“Kunlar taqsimlanishining koʻp yillik davr davomida atmosfera qurgʻoqchiligi koʻrsatkichi koʻrsatilgan karta-sxemasi” tematik qatlami;
“Kunlar taqsimlanishining hisobot yili davomida atmosfera qurgʻoqchiligi koʻrsatkichi koʻrsatilgan karta-sxemasi” tematik qatlami;
“Toshqinlar, suv bosish xavfining taqsimlanishi karta-sxemasi” tematik qatlami;
“Koʻchki xavfining tarqalishi karta-sxemasi” tematik qatlami.
31. Hayvonot dunyosi davlat kadastri boʻyicha mazkur Nizomning 15-ilovasiga muvofiq shakllardagi atributiv maʼlumotlar jadvallari yaratiladi va ular quyidagi tematik qatlamlardan iborat boʻladi:
“Sut emizuvchilar”, “Qushlar”, “Reptiliyalar”, “Suvda va quruqlikda yashovchi hayvonlar”, “Baliqlar” tematik qatlamlari (1-jadval);
“Umurtqasizlar” tematik qatlami (2-jadval).
32. Temir yoʻllar davlat kadastri boʻyicha mazkur Nizomning 16-ilovasiga muvofiq shakllardagi atributiv maʼlumotlar jadvallari yaratiladi va ular quyidagi tematik qatlamlardan iborat boʻladi:
“Stansiyalar” tematik qatlami (1-jadval);
“Peregonlar” tematik qatlami (2-jadval);
“Temir yoʻllar” tematik qatlami (3-jadval);
“Oʻtish joylari” tematik qatlami (4-jadval).
33. Konlar, foydali qazilmalar va texnogen hosilalarning yuzaga chiqish hollari davlat kadastri boʻyicha mazkur Nizomning 17-ilovasiga muvofiq shakllardagi atributiv maʼlumotlar jadvallari yaratiladi va ular quyidagi tematik qatlamlardan iborat boʻladi:
“Metallga oid foydali qazilmalar (konlari)” tematik qatlami (1-jadval);
“Metallga oid foydali qazilmalar (yuzaga chiqish hollari)” tematik qatlami (2-jadval);
“Nometall foydali qazilmalar (konlari)” tematik qatlami (3-jadval);
“Nometall foydali qazilmalar (yuzaga chiqish hollari)” tematik qatlami (4-jadval);
“Radioaktiv xomashyo (konlari)” tematik qatlami (5-jadval);
“Radioaktiv xomashyo (yuzaga chiqish hollari)” tematik qatlami (6-jadval);
“Neft va gaz konlari” tematik qatlami (7-jadval);
“Tarqoq konlar” tematik qatlami (8-jadval);
“Toshkoʻmir va yonuvchi slanetslar konlari” tematik qatlami (9-jadval);
“Toshkoʻmir va yonuvchi slanetslarning yuzaga chiqish hollari” tematik qatlami (10-jadval).
34. Davlat yer kadastri boʻyicha mazkur Nizomning 18-ilovasiga muvofiq shakllardagi atributiv maʼlumotlar jadvallari yaratiladi va ular quyidagi tematik qatlamlardan iborat boʻladi:
“Hududiy darajadagi maʼmuriy-hududiy birliklar” tematik qatlami (1-jadval);
“Tuman (shahar) darajasidagi maʼmuriy-hududiy birliklar” tematik qatlami (2-jadval);
“Qishloq va shahar fuqarolar yigʻinlarining maʼmuriy-hududiy birliklari” tematik qatlami (3-jadval);
“Mintaqa hududini kadastr boʻyicha boʻlish” tematik qatlami (4-jadval);
“Tuman (shahar)ni kadastr boʻyicha boʻlish” tematik qatlami (5-jadval);
“Zonalar hududlarini kadastr boʻyicha boʻlish” tematik qatlami (6-jadval);
“Massivlar hududini kadastr boʻyicha boʻlish” tematik qatlami (7-jadval);
“Mavzelar hududini kadastr boʻyicha boʻlish” tematik qatlami (8-jadval);
“Yer uchastkalari” tematik qatlami (9-jadval);
“Yer uchastkalarini yer fondidan taqsimlash” tematik qatlami (10-jadval);
“Hududni iqtisodiy zonalash” tematik qatlami (11-jadval);
“Yerlarning sifat tarkibi (bonitirovka)” tematik qatlami (12-jadval).
35. Binolar va inshootlar davlat kadastri boʻyicha “Binolar va inshootlar” tematik qatlami yaratiladi va uning atributiv maʼlumotlar jadvali mazkur Nizomning 19-ilovasiga muvofiq shakllantiriladi.
36. Kartografiya-geodeziya davlat kadastri mazkur Nizomning 20-ilovasiga muvofiq shakllardagi atributiv maʼlumotlar jadvallari yaratiladi va ular quyidagi tematik qatlamlardan iborat boʻladi:
1:1 000 000, 1:500 000, 1:200 000, 1:100 000, 1:50 000, 1:25 000 va 1:10 000 masshtabli topografik kartalar noshirlik originallarining mavjudligi kartogrammalari tematik qatlamlari (1-jadval);
1:1000 000, 1:500 000, 1:200 000, 1:100 000, 1:50 000, 1:25 000 va 1:10 000 masshtabli topografik kartalar tiraj ottisklarining mavjudligi kartogrammalari tematik qatlamlari (2-jadval);
“Shaharlar va boshqa aholi punktlari topografik planlarining noshirlik originallari va tirajlash ottisklarining mavjudligi kartogrammalari” tematik qatlami (3-jadval);
“Aerofotosʼyomka materiallarining mavjudligi kartogrammalari” tematik qatlami (4-jadval);
“Oʻzbekiston Respublikasi hududi kosmik sʼyomkasi materiallarining mavjudligi kartogrammalari” tematik qatlami (5-jadval);
“Triangulatsiya, davlat geodezik tarmogʻi va davlat sʼyomka tarmogʻi punktlari boʻyicha kartogrammalar” tematik qatlami (6-jadval);
“Poligonometriya punktlari” tematik qatlami (7-jadval);
“Nivelirlash punktlari” tematik qatlami (8-jadval);
“Oʻzbekiston Respublikasining raqamli topografik kartalari” tematik qatlami (9-jadval);
“Oʻzbekiston Respublikasi shaharlarining raqamli topografik planlari” tematik qatlami (10-jadval).
4-bob. Yakuniy qoidalar
37. Mazkur Nizom talablarining buzilishida aybdor boʻlgan shaxslar qonunchilik hujjatlarida belgilangan tartibda javobgar boʻladi.
38. Ushbu Nizom Oʻzbekiston Respublikasi Ichki ishlar vazirligi, Favqulodda vaziyatlar vazirligi, Qishloq va suv xoʻjaligi vazirligi, Madaniyat va sport ishlari vazirligi, Sogʻliqni saqlash vazirligi, Aloqa, axborotlashtirish va telekommunikatsiya texnologiyalari davlat qoʻmitasi, Geologiya va mineral resurslar davlat qoʻmitasi, Davlat arxitektura va qurilish qoʻmitasi, Tabiatni muhofaza qilish davlat qoʻmitasi, Fanlar akademiyasi, Vazirlar Mahkamasi huzuridagi Gidrometeorologiya xizmati markazi, Vazirlar Mahkamasi huzuridagi Yer qaʼrini geologik oʻrganish, sanoatda, konchilikda va kommunal-maishiy sektorda ishlarning bexatar olib borilishini nazorat qilish davlat inspeksiyasi, Vazirlar Mahkamasi huzuridagi Katta va alohida muhim suv xoʻjaligi obyektlarining texnik holatini hamda bexatar ishlashini nazorat qilish davlat inspeksiyasi, “Oʻzbekiston temir yoʻllari” davlat aksiyadorlik temir yoʻl kompaniyasi, “Oʻzavtoyoʻl” davlat aksiyadorlik kompaniyasi, “Oʻzbekenergo” davlat aksiyadorlik kompaniyasi va “Oʻzbekneftgaz” milliy xolding kompaniyasi bilan kelishilgan.
Ichki ishlar vaziri A. AXMEDBAYEV
2014-yil 2-sentabr
Favqulodda vaziyatlar vaziri T. XUDAYBERGENOV
2014-yil 3-sentabr
Qishloq va suv xoʻjaligi vaziri Sh. TEShAYEV
2014-yil 4-sentabr
Madaniyat va sport ishlari vaziri M. XODJIMATOV
2014-yil 26-avgust
Sogʻliqni saqlash vaziri A. ALIMOV
2014-yil 5-sentabr
Aloqa, axborotlashtirish va telekommunikatsiya texnologiyalari davlat qoʻmitasi raisi X. MIRZAXIDOV
2014-yil 26-avgust
Geologiya va mineral resurslar davlat qoʻmitasi raisi v. b. I. TURAMURATOV
2014-yil 25-avgust
Davlat arxitektura va qurilish qoʻmitasi raisining birinchi oʻrinbosari A. TOXTAYEV
2014-yil 22-avgust
Tabiatni muhofaza qilish davlat qoʻmitasi raisi B. ABDUSAMATOV
2014-yil 29-avgust
Fanlar akademiyasi prezidenti Sh. SALIXOV
2014-yil 25-avgust
Vazirlar Mahkamasi huzuridagi Gidrometeorologiya xizmati markazi bosh direktori V. ChUB
2014-yil 27-avgust
Vazirlar Mahkamasi huzuridagi “Sanoatgeokontexnazorat” davlat inspeksiyasi boshligʻi B. GULYAMOV
2014-yil 29-avgust
Vazirlar Mahkamasi huzuridagi “Davsuvxoʻjaliknazorat” davlat inspeksiyasi boshligʻi N. ERNAZAROV
2014-yil 26-avgust
“Oʻzbekiston temir yoʻllari” davlat aksiyadorlik temir yoʻl kompaniyasi boshqaruvi raisi A. RAMATOV
2014-yil 29-avgust
“Oʻzavtoyoʻl” davlat aksiyadorlik kompaniyasi boshqaruvi raisi A. ABDUVALIYEV
2014-yil 28-avgust
“Oʻzbekenergo” davlat aksiyadorlik kompaniyasi boshqaruvi raisi I. BASIDOV
2014-yil 22-avgust
“Oʻzbekneftgaz” milliy xolding kompaniyasi boshqaruvi raisi Sh. FAYZULLAYEV
2014-yil 25-avgust
Davlat kadastrlari yagona tizimiga tegishli davlat kadastrlari maʼlumotlarining tarkibi va ularni taqdim etish tartibi toʻgʻrisida nizomga 1-ILOVA
Texnogen xavf yuqori boʻlgan zonalar davlat kadastri boʻyicha tematik qatlamlar atributiv
Maʼlumotlari
5-jadvalga izoh:
3 — 5-ustunlar faqat gidrantlar uchun toʻldiriladi;
6-ustunda oʻt oʻchirish uchun qoʻllaniladigan suv manbalarining (suv havzalari, rezervuarlar, favvoralar va h.k.) hajmi koʻrsatiladi.
Davlat kadastrlari yagona tizimiga tegishli davlat kadastrlari maʼlumotlarining tarkibi va ularni taqdim etish tartibi toʻgʻrisida nizomga 2-ILOVA
Davlat suv kadastri boʻyicha tematik qatlamlar atributiv
maʼlumotlari
Davlat kadastrlari yagona tizimiga tegishli davlat kadastrlari maʼlumotlarining tarkibi va ularni taqdim etish tartibi toʻgʻrisida nizomga 3-ILOVA
Davlat oʻrmon kadastri boʻyicha tematik qatlamlar atributiv
Maʼlumotlari
Davlat kadastrlari yagona tizimiga tegishli davlat kadastrlari maʼlumotlarining tarkibi va ularni taqdim etish tartibi toʻgʻrisida nizomga 4-ILOVA
Oʻsimlik dunyosi obyektlari davlat kadastri boʻyicha tematik qatlamlar atributiv
MAʼLUMOTLARI
Davlat kadastrlari yagona tizimiga tegishli davlat kadastrlari maʼlumotlarining tarkibi va ularni taqdim etish tartibi toʻgʻrisida nizomga 5-ILOVA
Muhofaza etiladigan tabiiy hududlar davlat kadastri boʻyicha tematik qatlamlar atributiv
MAʼLUMOTLARI
Davlat kadastrlari yagona tizimiga tegishli davlat kadastrlari maʼlumotlarining tarkibi va ularni taqdim etish tartibi toʻgʻrisida nizomga 6-ILOVA
Davlat shaharsozlik kadastri boʻyicha tematik qatlamlar atributiv
MAʼLUMOTLARI
Davlat kadastrlari yagona tizimiga tegishli davlat kadastrlari maʼlumotlarining tarkibi va ularni taqdim etish tartibi toʻgʻrisida nizomga 7-ILOVA
Gidrotexnika inshootlari davlat kadastri boʻyicha tematik qatlamlar atributiv
MAʼLUMOTLARI
Davlat kadastrlari yagona tizimiga tegishli davlat kadastrlari maʼlumotlarining tarkibi va ularni taqdim etish tartibi toʻgʻrisida nizomga 8-ILOVA
Madaniy meros obyektlari davlat kadastri boʻyicha tematik qatlamlar atributiv
MAʼLUMOTLARI
Davlat kadastrlari yagona tizimiga tegishli davlat kadastrlari maʼlumotlarining tarkibi va ularni taqdim etish tartibi toʻgʻrisida nizomga 9-ILOVA
Avtomobil yoʻllari davlat kadastri boʻyicha tematik qatlamlar atributiv
maʼlumotlari
Davlat kadastrlari yagona tizimiga tegishli davlat kadastrlari maʼlumotlarining tarkibi va ularni taqdim etish tartibi toʻgʻrisida nizomga 10-ILOVA
Etkazib berish quvurlari davlat kadastri boʻyicha tematik qatlamlar atributiv
maʼlumotlari
Davlat kadastrlari yagona tizimiga tegishli davlat kadastrlari maʼlumotlarining tarkibi va ularni taqdim etish tartibi toʻgʻrisida nizomga 11-ILOVA
Aloqa obyektlari davlat kadastri boʻyicha tematik qatlamlar atributiv
maʼlumotlari
Davlat kadastrlari yagona tizimiga tegishli davlat kadastrlari maʼlumotlarining tarkibi va ularni taqdim etish tartibi toʻgʻrisida nizomga 12-ILOVA
Energetika obyektlari davlat kadastri boʻyicha tematik qatlamlar atributiv
maʼlumotlari
Davlat kadastrlari yagona tizimiga tegishli davlat kadastrlari maʼlumotlarining tarkibi va ularni taqdim etish tartibi toʻgʻrisida nizomga 13-ILOVA
Chiqindilarni koʻmish va utilizatsiya qilish joylari davlat kadastri boʻyicha tematik qatlamlar atributiv
maʼlumotlari
Davlat kadastrlari yagona tizimiga tegishli davlat kadastrlari maʼlumotlarining tarkibi va ularni taqdim etish tartibi toʻgʻrisida nizomga 14-ILOVA
Tabiiy xavf yuqori boʻlgan zonalar davlat kadastri boʻyicha tematik qatlamlar atributiv
maʼlumotlari
Davlat kadastrlari yagona tizimiga tegishli davlat kadastrlari maʼlumotlarining tarkibi va ularni taqdim etish tartibi toʻgʻrisida nizomga 15-ILOVA
Hayvonot dunyosi davlat kadastri boʻyicha tematik qatlamlar atributiv
maʼlumotlari
Davlat kadastrlari yagona tizimiga tegishli davlat kadastrlari maʼlumotlarining tarkibi va ularni taqdim etish tartibi toʻgʻrisida nizomga 16-ILOVA
Temir yoʻllar davlat kadastri boʻyicha tematik qatlamlar atributiv
maʼlumotlari
Davlat kadastrlari yagona tizimiga tegishli davlat kadastrlari maʼlumotlarining tarkibi va ularni taqdim etish tartibi toʻgʻrisida nizomga 17-ILOVA
Konlar, foydali qazilmalar va texnogen hosilalarning yuzaga chiqish hollari davlat kadastri boʻyicha tematik qatlamlar atributiv
Maʼlumotlari
Davlat kadastrlari yagona tizimiga tegishli davlat kadastrlari maʼlumotlarining tarkibi va ularni taqdim etish tartibi toʻgʻrisida nizomga 18-ILOVA
Davlat yer kadastri boʻyicha tematik qatlamlar atributiv
Maʼlumotlari
Davlat kadastrlari yagona tizimiga tegishli davlat kadastrlari maʼlumotlarining tarkibi va ularni taqdim etish tartibi toʻgʻrisida nizomga 19-ILOVA
Binolar va inshootlar davlat kadastri boʻyicha tematik qatlamlar atributiv
Maʼlumotlari
Davlat kadastrlari yagona tizimiga tegishli davlat kadastrlari maʼlumotlarining tarkibi va ularni taqdim etish tartibi toʻgʻrisida nizomga 20-ILOVA
Kartografiya-geodeziya davlat kadastri boʻyicha tematik qatlamlar atributiv
Maʼlumotlari
(Oʻzbekiston Respublikasi qonun hujjatlari toʻplami, 2014-y., 41-son, 512-modda; Qonunchilik maʼlumotlari milliy bazasi, 28.07.2021-y., 10/21/3313/0724-son; 25.08.2022-y., 10/22/2618-1/0773)