Davlat mulki obyektlarini xususiylashtirish tartibi toʻgʻrisidagi nizomlarni tasdiqlash haqida (279-son)

06.10.2014

Oʻzbekiston Respublikasi Vazirlar Mahkamasining

qarori

Oʻzbekiston Respublikasi Prezidentining “Davlat mulki obyektlarini kichik biznes va xususiy tadbirkorlik subyektlariga sotish borasidagi qoʻshimcha chora-tadbirlar toʻgʻrisida” 2014-yil 3-iyuldagi PQ-2200-son qaroriga muvofiq, davlat mulki obyektlarini xususiylashtirish tartibini takomillashtirish, ularni sotish mexanizmlari va tartibotlari samaradorligini oshirish, shuningdek davlat mulki obyektlari bilan bitishuvlarni amalga oshirishda ommaviylik va oshkoralikni taʼminlash maqsadida Vazirlar Mahkamasi qaror qiladi:

1. Quyidagilar:

Davlat muassasalarini xoʻjalik jamiyatlariga oʻzgartirish tartibi toʻgʻrisidagi nizom 1-ilovaga muvofiq;

Davlat aksiyalarini sotish tartibi toʻgʻrisidagi nizom 2-ilovaga muvofiq;

Masʼuliyati cheklangan jamiyatlarning ustav fondlari (ustav kapitallari)dagi davlat ulushlarini sotish tartibi toʻgʻrisidagi nizom 3-ilovaga muvofiq;

Davlat koʻchmas mulk obyektlarini sotish tartibi toʻgʻrisidagi nizom 4-ilovaga muvofiq;

Yer uchastkasi va davlat koʻchmas mulk obyektiga mulk huquqini tasdiqlovchi davlat orderi shakli 41-ilovaga muvofiq;

Mulk huquqini tasdiqlovchi davlat orderini berish boʻyicha davlat xizmatlarini koʻrsatishning maʼmuriy reglamenti 51-ilovaga muvofiq;

Davlat aktivlarini xususiylashtirish va xususiylashtirish jarayonlarini muvofiqlashtirish davlat komissiyasi qarorlari boʻyicha sotish tartibi toʻgʻrisidagi nizom 6-ilovaga muvofiq;

Davlat mulki obyektlarini tanlov savdolarida va toʻgʻridan-toʻgʻri muzokaralar oʻtkazish yoʻli bilan sotishda investitsiyaviy va ijtimoiy majburiyatlarning eng kam miqdorini va turlarini belgilash, shuningdek davlat mulki obyektlarining oldi-sotdi shartnomalarining xaridorlar tomonidan bajarilishini nazorat qilish tartibi toʻgʻrisidagi nizom 7-ilovaga muvofiq tasdiqlansin.

3. Oʻzbekiston Respublikasi Hukumatining 9-ilovaga muvofiq baʼzi qarorlari oʻz kuchini yoʻqotgan deb hisoblansin.

4. Vazirliklar va idoralar oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsinlar.

5. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.

Oʻzbekiston Respublikasining Bosh vaziri Sh. MIRZIYOYEV

Toshkent sh.,

2014-yil 6-oktabr,

279-son

Vazirlar Mahkamasining 2014-yil 6-oktabrdagi 279-son qaroriga 1-ILOVA

Davlat muassasalarini xoʻjalik jamiyatlariga oʻzgartirish tartibi toʻgʻrisida

NIZOM

I. Umumiy qoidalar

1. Ushbu Nizom davlat muassasalarini (keyingi oʻrinlarda davlat tashkilotlari deb ataladi) aksiyadorlik jamiyati yoki masʼuliyati cheklangan jamiyat shaklidagi xoʻjalik jamiyatiga aylantirish tartibotlarini belgilaydi.

2. Davlat tashkilotlarini oʻzgartirish davlat organining, oʻzgartirilayotgan davlat tashkilotlari muassislarining takliflari, nodavlat yuridik shaxslarning, shuningdek jismoniy shaxslarning (keyingi oʻrinlarda tashabbuskorlar deb ataladi) buyurtmanomalariga muvofiq shakllantiriladigan va belgilangan tartibda Oʻzbekiston Respublikasi Prezidentining yoki Oʻzbekiston Respublikasi Vazirlar Mahkamasining yoxud Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari qarorlari bilan tasdiqlanadigan xususiylashtirish dasturlariga (davlat tashkilotlari roʻyxatlari) (keyingi oʻrinlarda xususiylashtirish dasturi deb ataladi) shuningdek, Oʻzbekiston Respublikasi Davlat aktivlarini boshqarish agentligining (keyingi oʻrinlarda — Agentlik) qarorlariga asosan, ushbu nizomning 1-ilovasiga binoan sxema boʻyicha amalga oshiriladi.

3. Davlat tashkilotini oʻzgartirish muddati va shartlarini belgilash Agentlik yoki uning hududiy boshqarmalari (keyingi oʻrinlarda — hududiy boshqarma) tomonidan amalga oshiriladi, agar Oʻzbekiston Respublikasi Prezidenti, Oʻzbekiston Respublikasi Vazirlar Mahkamasi yoxud Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari tomonidan vakolatlari doirasida qabul qilgan qarorlari bilan boshqacha qoida belgilanmagan boʻlsa.

4. Davlat tashkiloti oʻzgartirilayotgan xoʻjalik jamiyati shaklini tanlash ishlab chiqarishning oʻziga xos xususiyatlarini, uning faoliyati samaradorligini va ishlab chiqarish koʻlamlarini oshirish darajasini, asosiy vositalari qiymatini va oʻzgartirilayotgan davlat tashkiloti muassisining takliflarini hisobga olgan holda amalga oshiriladi.

5. Davlat tashkiloti xoʻjalik jamiyati etib oʻzgartirilayotganda, mazkur xoʻjalik jamiyati ustav fondidagi (ustav kapitalidagi) davlat ulushiga nisbatan aksiyadorning (ishtirokchining) vazifalari Agentlik yoki uning hududiy boshqarmasi tomonidan amalga oshiriladi.

II. Davlat tashkilotlarini oʻzgartirish boʻyicha tashabbus koʻrsatish

6. Davlat tashkilotlarini oʻzgartirish uchun takliflar va buyurtmanomalar tashabbuskorlar tomonidan Agentlikka yoki hududiy boshqarmaga beriladi.

7. Davlat organining, davlat tashkiloti muassisining davlat tashkilotini oʻzgartirish toʻgʻrisidagi taklifiga:

oʻzgartirilayotgan davlat tashkilotining amaldagi mulkchilik shaklini saqlab qolish zaruriyati yoʻqligi haqidagi birinchi rahbar tomonidan imzolanadigan va muhr bilan tasdiqlanadigan xulosa;

davlat tashkilotini Oʻzbekiston Respublikasining davlat muassasalari reyestriga kiritilganligi haqidagi guvohnoma;

davlat tashkiloti toʻgʻrisidagi asosiy maʼlumotlar Agentlik tomonidan belgilangan shakl boʻyicha;

taʼsis hujjatlari nusxalari, davlat tashkilotining kadastr hujjatlari va mahalliy davlat hokimiyati organining tegishli yer uchastkasini berish toʻgʻrisidagi qarori nusxalari ilova qilinadi.

8. Davlat tashkilotini oʻzgartirish uchun buyurtmanoma:

nodavlat yuridik shaxs nomidan ushbu Nizomning 2-ilovasiga binoan shakl boʻyicha rahbar yoki muassis bilan kelishgan holda uning tomonidan bunga vakolatlangan shaxs tomonidan imzolanishi lozim;

jismoniy shaxs nomidan ushbu Nizomning 3-ilovasiga binoan shakl boʻyicha oʻzi yoki bunga vakolatlangan shaxs tomonidan imzolanishi lozim.

Davlat tashkilotini oʻzgartirish toʻgʻrisidagi ariza elektron imzo bilan tasdiqlangan elektron shaklda Agentlikning veb-saytiga ham yuborilishi mumkin, shunda:

ariza beruvchi — jismoniy shaxs — familiyasi, ismi, otasining ismi, STIR, mobil telefon raqami, elektron manzilini koʻrsatadi;

ariza beruvchi — yuridik shaxs — tashkilot nomi, tashkilot STIRi, tashkilot rahbarining mobil telefon raqami va elektron pochta manzilini koʻrsatadi.

9. Agentlik yoki hududiy organ davlat tashkilotini oʻzgartirish uchun qonun hujjatlarida belgilangan cheklashlar mavjud boʻlmagan taqdirda, buyurtmanomani olgandan keyin besh ish kuni ichida davlat tashkilotining:

respublika mulki hisoblanganda uning muassisi;

munitsipal mulk boʻlganda tegishli mahalliy ijro etuvchi hokimiyat organiga davlat tashkiloti muassisining va mahalliy davlat hokimiyati organining birinchi rahbari tomonidan imzolanishi va muhr bilan tasdiqlanishi lozim boʻlgan davlat tashkilotini oʻzgartirishning maqsadga muvofiqligi toʻgʻrisidagi xulosani taqdim etish haqida soʻrovnoma yuboradi;

Agar davlat tashkilotining tashkiliy-huquqiy shaklini saqlab qolish zarur boʻlsa, uning birinchi rahbari soʻrov olingan kundan boshlab besh ish kuni ichida Agentlikni (tegishli hududiy boshqarmani) yozma ravishda xabardor qiladi va soʻrov olingan kundan boshlab 10 ish kunidan kechiktirmay, davlat tashkilotining tashkiliy-huquqiy shaklini saqlab qolish toʻgʻrisida tegishincha davlat tashkilotining birinchi rahbari va Qoraqalpogʻiston Respublikasi Vazirlar Kengashi Raisi, viloyatlar yoki Toshkent shahar hokimlari tomonidan imzolangan va muhr bilan tasdiqlangan va davlat tashkilotini rivojlantirishni nazarda tutuvchi, Oʻzbekiston Respublikasi Prezidenti, Vazirlar Mahkamasining qarori bilan yoki Vazirlar Mahkamasining tegishli Kotibiyati rahbari tomonidan tasdiqlangan tarmoq jadvaliga yoki yuqori turuvchi tashkilot tomonidan, agar u boʻlmagan taqdirda — tegishli Qoraqalpogʻiston Respublikasi Vazirlar Kengashi Raisi, viloyatlar yoki Toshkent shahar hokimlari tomonidan tasdiqlangan tegishli dastur (maktabgacha taʼlim, sogʻliqni saqlash, jismoniy tarbiya va sport boʻyicha taʼlim muassasalari bundan mustasno) ilova qilingan holda asoslantirilgan xulosani taqdim etadi;

Xulosa soʻrovnoma kelib tushgan kundan boshlab besh ish kuni ichida Agentlikka yoki hududiy boshqarmaga taqdim etiladi.

10. Agentlik yoki hududiy boshqarma davlat tashkilotini oʻzgartirishni rad etish haqida qaror qabul qiladi, agar:

davlat tashkiloti xususiylashtirilmaydigan obyektlar roʻyxatiga kirsa;

aholining ijtimoiy ehtiyojlarini qondirish maqsadida foydalanilishiga zarurat boʻlsa;

mazkur Nizomning 9-bandida koʻrsatilgan muddatlarga koʻra, davlat tashkilotini oʻzgartirish maqsadga muvofiq emasligi boʻyicha xulosa kiritilgan boʻlsa;

dasturda yoki tarmoq jadvalida belgilangan muddatlarda chora-tadbirlar bajarilmagan taqdirda, Agentlik yoki uning hududiy boshqarmasi, davlat tashkiloti munitsipal mulk hisoblanganda Qoraqalpogʻiston Respublikasi Vazirlar Kengashi Raisi, viloyatlar yoki Toshkent shahar hokimlari xulosasiga binoan, respublika mulki hisoblanganda davlat tashkiloti muassisining (yuqori turuvchi tashkilotining) roziligisiz tegishli davlat tashkilotini (taʼlim muassasalari, shu jumladan maktabgacha taʼlim, sogʻliqni saqlash, jismoniy tarbiya va sport boʻyicha taʼlim muassasalari bundan mustasno) xususiylashtirish dasturiga kiritishi mumkin.

Bu haqda davlat tashkiloti muassisi (uning yuqori turuvchi tashkiloti) Agentlik yoki uning hududiy boshqarmasi tomonidan qaror qabul qilingan paytdan 5 kun mobaynida yozma ravishda xabardor qilinadi.

11. Davlat tashkilotini oʻzgartirishni rad etish toʻgʻrisidagi qabul qilingan qaror toʻgʻrisidagi axborot Agentlik yoki hududiy boshqarma tomonidan davlat tashkilotini oʻzgartirish uchun buyurtmanoma (taklif) kelib tushgan paytdan boshlab oʻn ish kuni ichida, sabablari koʻrsatilgan holda, yozma shaklda ariza beruvchiga yetkaziladi.

12. Davlat tashkilotini oʻzgartirish uchun buyurtmanoma hududiy organga kelib tushgan taqdirda, oʻzgartirishni rad qilish uchun sabablar boʻlmaganda, hududiy boshqarma buyurtmanoma (taklif) kelib tushgan paytdan boshlab oʻn besh ish kun muddatda Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari boshqaradigan hamda tarkibiga Agentlik (tanlov komissiyasi raisining oʻrinbosari sifatida), Iqtisodiyot va moliya vazirligi, Soliq qoʻmitasi, Kadastr agentligi, Tabiat resurslari vazirligi, Qurilish va uy-joy kommunal xoʻjaligi vazirligi, Oʻzbekiston Savdo-sanoat palatasi, Sanitariya-epidemiologik osoyishtalik va jamoat salomatligi qoʻmitasi hududiy organlarining rahbarlari kiradigan hududiy tanlov komissiyasiga (keyingi oʻrinlarda — hududiy tanlov komissiyasi) quyidagi hujjatlarni ilova qilgan holda axborot yuboradi:

davlat tashkilotini oʻzgartirish uchun kelib tushgan buyurtmanomaning (taklifning) nusxasi;

Agentlik tomonidan belgilangan shakl boʻyicha davlat tashkilotini koʻzdan kechirish dalolatnomasi, binolar va inshootlarning kamida toʻrtta fotosuratini ilova qilgan holda;

Agentlik tomonidan belgilangan shakl boʻyicha davlat tashkiloti toʻgʻrisidagi asosiy maʼlumotlar;

kadastr hujjatlari nusxalari, shu jumladan kadastr xaritasi (rejasi);

davlat tashkiloti muassisi va mahalliy davlat hokimiyati organining davlat tashkilotini oʻzgartirishning maqsadga muvofiqligi toʻgʻrisidagi xulosalari;

oʻzgartirish mumkinligi toʻgʻrisidagi xulosa.

Hududiy tanlov komissiyasi davlat tashkilotini oʻzgartirish uchun berilgan buyurtmanomani (taklifni) Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari tomonidan xususiylashtirish toʻgʻrisida qaror qabul qilish uchun tasdiqlangan mezonlarga mos kelishini koʻrib chiqadi.

Agar davlat tashkilotini oʻzgartirish uchun Oʻzbekiston Respublikasi Prezidenti yoki Oʻzbekiston Respublikasi Vazirlar Mahkamasi qarori qabul qilinishi zarur boʻlsa, hududiy organ hududiy tanlov komissiyasining qaroriga asosan berilgan buyurtmanomani (taklifni) hujjatlarni ilova qilgan holda Agentlikka yuboradi.

Agentlik, zarur boʻlganda, hududiy boshqarmadan davlat tashkiloti toʻgʻrisidagi qoʻshimcha maʼlumotlar va hujjatlarni taqdim etish muddatini koʻrsatgan holda soʻrab olishi mumkin.

13. Davlat tashkilotini oʻzgartirish uchun buyurtmanoma (taklif) Agentlikka kelib tushgan taqdirda, oʻzgartirishni rad etish uchun sabablar boʻlmaganda, buyurtmanoma (taklif) mazkur Nizomning 10-bandida koʻrsatilgan hujjatlarni shakllantirish uchun hududiy boshqarmaga yuboriladi, hujjatlar oʻn besh ish kuni mobaynida hududiy organ tomonidan hududiy tanlov komissiyasiga taqdim etiladi.

14. Davlat tashkilotida uning tegishli obyektlariga oid kadastr hujjatlari, mahalliy davlat hokimiyati organining tegishli yer uchastkasini berish toʻgʻrisidagi qarori mavjud boʻlmaganda, koʻrsatilgan hujjatlar qonun hujjatlarida belgilangan tartibda sotuvdan oldingi tayyorgarlik doirasida tayyorlanadi.

15. Davlat tashkilotlarini oʻzgartirish uchun kelib tushgan buyurtmanomalar (takliflar) asosida hududiy tanlov komissiyalari va Agentlik har yili kamida bir marta tegishli vazirlik va idoralar bilan birgalikda Oʻzbekiston Respublikasi Prezidenti yoki Oʻzbekiston Respublikasi Vazirlar Mahkamasi qarori bilan xususiylashtiriladigan davlat tashkilotlari boʻyicha belgilangan tartibda Vazirlar Mahkamasiga takliflar kiritadi.

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari qarori boʻyicha xususiylashtiriladigan davlat tashkilotlari boʻyicha takliflar hududiy tanlov komissiyalari tomonidan tayyorlanadi va tasdiqlash uchun Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklariga kiritiladi.

Xususiylashtirish dasturiga kiritilgan davlat tashkilotlarining roʻyxati hududlar yoki tarmoqlar boʻyicha shakllantirilishi mumkin.

Xususiylashtirish dasturi Oʻzbekiston Respublikasi Qoraqalpogʻiston Respublikasi Vazirlar Kengashi, viloyatlar va Toshkent shahar hokimlari yoxud Oʻzbekiston Respublikasi Vazirlar Mahkamasi tomonidan tasdiqlanadi.

Oʻzbekiston Respublikasi Prezidentining qaroriga koʻra oʻzgartiriladigan davlat tashkilotlari Oʻzbekiston Respublikasi Prezidenti tomonidan tasdiqlanadigan xususiylashtirish dasturlariga kiritiladi.

16. Agar davlat tashkilotini oʻzgartirish uchun buyurtmanomani (taklifni) koʻrib chiqish natijalariga koʻra u xususiylashtirish dasturi loyihasiga kiritilsa, Agentlik yoki hududiy boshqarma yozma shaklda bu haqdagi tegishli axborotni buyurtmanoma (taklif) kelib tushgan paytdan boshlab bir oy muddatda ariza beruvchiga yetkazadi.

III. Davlat tashkilotini oʻzgartirish uchun tayyorlash

17. Tasdiqlangan xususiylashtirish dasturiga muvofiq Agentlik yoki hududiy boshqarma oʻzgartirish uchun tayyorlash boʻyicha Komissiyani (keyingi oʻrinlarda — Komissiya) tuzadi.

Komissiya tarkibiga Agentlik yoki hududiy boshqarma vakillari bilan bir qatorda:

muassis;

oʻzgartirilayotgan davlat tashkiloti maʼmuriyati va unda mehnat faoliyatini yuritayotgan ishchilar;

iqtisodiyot va moliya organi;

soliq xizmati organi;

xizmat koʻrsatuvchi bank;

mahalliy ijro hokimiyat organlari;

Kadastr agentligi vakillari kiritiladi.

Zarurat boʻlganda, Komissiya tarkibiga boshqa mutaxassislar kiritilishi mumkin.

18. Komissiyani shakllantirish uchun Agentlik yoki hududiy boshqarma tegishli davlat organlari va boshqa tashkilotlarga Komissiya tarkibiga ularni kiritish uchun nomzodlarni taqdim etish haqida soʻrovnoma yuboradi.

19. Ushbu Nizomning 17-bandida koʻrsatilgan tegishli davlat organlari va boshqa tashkilotlarning rahbarlari, soʻrovnoma kelib tushgandan keyin uch kun muddatda yozma ravishda Agentlik yoki hududiy boshqarmaga Komissiya tarkibiga kiritish uchun nomzodlar haqidagi maʼlumotlarni yuboradilar va kelgusida uni Komissiya ishida qatnashishi uchun zarur sharoitlar bilan taʼminlaydilar.

Komissiyada ishlash vaqtida Komissiya aʼzosining asosiy ish joyi boʻyicha ish haqi va boshqa qoʻshimcha toʻlovlari saqlanadi.

Komissiya oʻz faoliyatini bevosita oʻzgartirilayotgan davlat tashkilotida amalga oshiradi. Komissiya mustaqil ravishda oʻz ishining reglamentini tasdiqlaydi. Komissiya aʼzolari qabul qilayotgan qarorlari uchun qonun hujjatlariga binoan javobgar boʻladilar.

20. Komissiya faoliyatiga rahbarlikni va uning ishini tashkillashtirishni Agentlik yoki hududiy boshqarma tomonidan oʻz xodimlari orasidan tayinlanadigan Komissiya raisi amalga oshiradi.

Komissiya raisi oʻz vakolatlari doirasi quyidagi huquqlarga ega:

Komissiya aʼzolariga, oʻzgartirilayotgan davlat tashkilotining mansabdor shaxslariga Komissiya faoliyati masalalari boʻyicha topshiriqlar berish;

Agentlik yoki hududiy boshqarmaga Komissiya ishi reglamentini surunkali buzayotgan ayrim Komissiya aʼzolarini, ularni tegishli ravishda almashtirgan holda Komissiya tarkibidan chiqarish masalalarini koʻrib chiqish uchun kiritadi.

21. Komissiya majlisi unda Komissiya aʼzolarining kamida uchdan ikki qismi, shu jumladan Komissiya raisi qatnashgan taqdirda huquqiy vakolatga ega hisoblanadi. Komissiya qarorlari uning aʼzolarining oddiy koʻpchilik ovozi bilan qabul qilinadi va bayonnoma bilan rasmiylashtiriladi. Ovoz berish ochiq usulda oʻtkaziladi. Komissiyaning har bir aʼzosi bitta ovozga ega boʻladi. Ovozlar teng boʻlganda Komissiya raisining ovozi hal qiluvchi ovoz hisoblanadi.

Komissiya qarorining qabul qilinishiga rozi boʻlmagan Komissiya aʼzosi oʻz mulohazasini yozma ravishda bayon qilish va uni Agentlik yoki uning hududiy boshqarmasiga yuborish huquqiga ega.

22. Davlat tashkilotini oʻzgartirishga tayyorlash boʻyicha Komissiya tomonidan amalga oshiriladigan ishlar quyidagilardan iborat boʻladi:

moddiy va nomoddiy aktivlar tarkibini aniqlash;

oʻzgartirilayotgan davlat tashkilotining mol-mulklari saqlanishini taʼminlash choralarini belgilash;

davlat tashkilotini oʻzgartirish paytiga qadar ijro etilmagan majburiyatlarni aniqlash va bu haqda axborot tayyorlash;

Agentlik tomonidan tasdiqlanadigan shakl boʻyicha davlat tashkiloti oʻzgartirilishini oʻtkazish muddatlari va yangi vujudga kelgan xoʻjalik jamiyatining tashkiliy-huquqiy shaklini koʻrsatgan holda davlat tashkilotini oʻzgartirish rejasini tuzish;

yangi vujudga kelgan xoʻjalik jamiyatining taʼsis hujjatlari tayyorlanishini tashkil qilish;

boshqa masalalarni hal etish.

23. Oʻzgartirilayotgan davlat tashkilotining mol-mulkini va moliyaviy majburiyatlarini xatlovdan oʻtkazish Buxgalteriya hisobining milliy standartlariga muvofiq amalga oshiriladi.

24. Xatlovdan oʻtkazish oraliq balans tuzilgan sana boʻyicha oʻtkaziladi, bunda balansning har bir qatori tegishli xatlov roʻyxati bilan tasdiqlangan boʻlishi lozim.

Oʻtkazilgan xatlov yakunlariga koʻra ushbu Nizomning 4 — 9-ilovalariga binoan shakllar boʻyicha xatlovdan oʻtkazish dalolatnomalari tuziladi hamda Komissiya raisi va aʼzolari tomonidan imzolanadi.

25. Ish yakunlari boʻyicha Komissiya tomonidan Agentlik yoki hududiy boshqarmaga:

xatlovdan oʻtkazish komissiyasini tuzish toʻgʻrisidagi buyruq nusxasi;

Komissiya majlislarining bayonnomalari;

Komissiya aʼzolari va rahbari tomonidan imzolangan xatlovdan oʻtkazish dalolatnomalari;

oʻzgartirilayotgan davlat tashkilotining kadastr hujjatlari nusxalari, shu jumladan kadastr xaritasi (rejasi) va boshqa huquqni belgilovchi hujjatlar (mavjud boʻlganda);

yer uchastkasiga, yer osti boyliklari va boshqa tabiiy resurslarga boʻlgan huquqni tasdiqlovchi hujjatlar;

moliyaviy (oraliq) hisobot, auditorlik hisoboti bilan;

debitorlik va kreditorlik, shu jumladan kechiktirilgan qarzdorliklarning rasshifrovkasi (yoyib koʻrsatilgan holati);

davlat tashkilotiga nisbatan mavjud qoʻshimcha yuklamalar yoki cheklashlar toʻgʻrisida axborot;

davlat tashkiloti toʻgʻrisidagi asosiy maʼlumotlar — Agentlik tomonidan belgilangan shakl boʻyicha;

davlat tashkilotini oʻzgartirish boʻyicha chora-tadbirlar rejasi, yangi vujudga kelgan xoʻjalik jamiyatining taʼsis hujjatlari loyihalarini ilova qilgan holda;

zarurat boʻlganda davlat tashkilotining mulkiy majmuasini restrukturizatsiya qilish yoxud monopoliyaga qarshi qonun hujjatlari talablariga rioya qilgan holda davlat tashkilotini boshqa usulda (qoʻshib yuborish, birlashtirish, boʻlish, ajratib chiqarish) qayta tashkil etish boʻyicha taklif taqdim etiladi.

26. Fuqarolik muhofazasi va safarbarlik ahamiyatiga moliq obyektlari, arxiv hujjatlari, moddiy madaniy meros obyektlari va intellektual mulk obyektlari, qonun hujjatlariga muvofiq davlat siriga taalluqli hujjatlari mavjud boʻlgan davlat tashkiloti oʻzgartirilgan taqdirda, Komissiya tomonidan ushbu Nizomning 25-bandida koʻrsatilgan hujjatlarga qoʻshimcha tarzda mazkur obyektlar va mulk haqidagi tegishli axborot va ulardan kelgusida foydalanish, shuningdek safarbarlik topshiriqlarini bajarish boʻyicha taklif taqdim etiladi.

27. Oʻzgartirilayotgan davlat tashkilotining xususiylashtirilmaydigan mol-mulki, agar qonun hujjatlarida boshqa qoida belgilanmagan boʻlsa, yangi vujudga kelgan xoʻjalik jamiyatining ustav fondiga (ustav kapitaliga) kiritilmaydi hamda undan kelgusida oʻz vazifasiga muvofiq foydalanish sharti bilan tekin foydalanishga beriladi.

28. Komissiya tomonidan materiallar va hujjatlar taqdim etilgandan keyin yetti ish kundan kam boʻlmagan muddatda Agentlik yoki hududiy boshqarma:

tayyorlangan materiallar va hujjatlarda jiddiy kamchiliklar boʻlganda ularni qaytarish sabablarini koʻrsatgan holda va ularni takroriy taqdim etishning ular qaytarilgan paytdan boshlab oʻn ish kunidan oshmaydigan muddatini belgilagan holda puxtalashtirish uchun Komissiyaga qaytaradi. Agar Komissiya tomonidan materiallar va hujjatlarni qayta taqdim etishda qayd qilingan kamchiliklar bartaraf etilmagan (yoki toʻliq bartaraf etilmagan) boʻlsa, Komissiya tarqatib yuboriladi va yangisi tayinlanadi;

taqdim qilingan hujjatlar ushbu Nizomning 25 va 26-bandlariga muvofiq boʻlganda davlat tashkilotini oʻzgartirish rejasini tasdiqlaydi.

29. Komissiya ishining umumiy muddati u tashkil etilgan paytdan boshlab ikki oydan oshmasligi lozim. Agentlikning yoki hududiy boshqarmaning qarori bilan Komissiyaning ish muddati bir oydan ortiq boʻlmagan muddatga uzaytirilishi mumkin.

30. Yangi vujudga kelgan xoʻjalik jamiyatining xususiylashtirishdan keyingi barqaror faoliyat yuritishi va moliyaviy-iqtisodiy holatini taʼminlash, asosiy ishlab chiqarishga jalb qilinmagan mulk va asbob-uskunalarni qisqartirish, uning investitsiyaviy jozibadorligini va uning ustav fondidagi (ustav kapitalidagi) davlatga tegishli sotilayotgan aksiyalari (ulushlari) likvidliligini oshirish maqsadida Agentlik yoki hududiy boshqarma bilan tuziladigan shartnomalar asosida, ixtisoslashtirilgan moliyaviy, texnik va boshqa tashkilotlarning mutaxassislarini mustaqil maslahatchilar sifatida jalb qilgan holda, oʻzgartirilayotgan davlat tashkilotini xususiylashtirishdan oldin tayyorlashdan oʻtkazish mumkin.

Xususiylashtirish dasturiga kiritilgan davlat tashkilotini xususiylashtirishdan oldin tayyorlashdan oʻtkazish toʻgʻrisidagi qaror Agentlik hayʼati yoki hududiy tanlov komissiyasi tomonidan (Qoraqalpogʻiston Respublikasi Vazirlar Kengashi Raisining qarori bilan yoki viloyatlar va toshkent shahar hokimlari tomonidan tasdiqlangan xususiylashtirish dasturiga muvofiq oʻzgartirilayotgan davlat tashkilotlari boʻyicha) tarkibiga oʻzgartirilayotgan ushbu davlat organi kiradigan tegishli davlat organi bilan (yoki davlat tashkilotining muassisi bilan) kelishgan holda qabul qilinadi. Bunda iqtisodiyotning yetakchi tarmoqlari davlat tashkilotlarini xususiylashtirishdan oldin tayyorlashdan oʻtkazish toʻgʻrisidagi qaror Davlat aktivlarini xususiylashtirish va xususiylashtirish jarayonlarini muvofiqlashtirish boʻyicha davlat komissiyasi tomonidan qabul qilinadi.

31. Xususiylashtirish dasturi tasdiqlangan paytdan boshlab va davlat tashkilotlarini oʻzgartirish jarayoni oxiriga yetkazilgunga qadar:

uning muassislari tomonidan davlat tashkilotini qayta tashkil etish (qoʻshib yuborish, birlashtirish, boʻlish, ajratib chiqarish) va tugatishni (belgilangan tartibda toʻlovga qobiliyatsizlik tartib-taomillarini oʻtkazish bundan mustasno) amalga oshirish;

oʻzgartirilayotgan davlat tashkilotining oʻzining tezkor boshqaruv huquqida boʻlgan asosiy fondlarini begonalashtirish, hisobdan chiqarish, garovga berish, yuridik shaxslarning ustav fondlariga kiritish yoki boshqacha tarzda tasarruf etish yoxud boshqacha usullar bilan davlat mulkiga nisbatan majburiyatlarni yuzaga keltirish (joriy xoʻjalik faoliyati bilan bogʻliq hollar bundan mustasno) taqiqlanadi.

IV. Davlat tashkilotini oʻzgartirish toʻgʻrisidagi buyruqni qabul qilish va ijro etish

32. Agentlik xususiylashtirish dasturlarida belgilangan shartlar va muddatlarda oʻzgartirishni amalga oshiruvchi organni (Agentlik yoki hududiy boshqarmani) belgilaydi.

33. Oʻzgartirilayotgan davlat tashkilotini Komissiya tomonidan taqdim etilgan hujjatlar asosida Agentlik yoki hududiy boshqarma davlat tashkilotini oʻzgartirish toʻgʻrisida buyruq qabul qiladi.

Bunda:

davlat unitar korxonasi xoʻjalik jamiyati etib oʻzgartirilayotganda uning mulki inventarizatsiyadan oʻtkazilib, xoʻjalik jamiyati ustav fondining (ustav kapitalining) miqdori mulk baholashdan oʻtkazilmagan holda, soliq organlariga taqdim etilgan oxirgi buxgalteriya balansi maʼlumotlariga asosan;

davlat muassasasi xoʻjalik jamiyati etib oʻzgartirilayotganda uning mulki inventarizatsiyadan oʻtkazilib, xoʻjalik jamiyati ustav fondining (ustav kapitalining) miqdori mulk baholashdan oʻtkazilmagan holda, davlat muassasasi mulkining qoldiq (balans) qiymati boʻyicha belgilanadi.

Davlat tashkiloti aksiyadorlik jamiyatiga oʻzgartirilayotganda bir vaqtning oʻzida buyruq bilan qonun hujjatlari talablariga muvofiq tayyorlangan uning ustavi, ustav fondi miqdori va aksiyalar emissiyasi risolasi tasdiqlanadi.

Davlat tashkiloti masʼuliyati cheklangan jamiyatga oʻzgartirilayotganda buyruq bilan bir vaqtning oʻzida uning ustavi, ustav fondi (ustav kapitali) miqdori va ustav fondidagi davlat ixtiyorida qoladigan va investorlarga sotiladigan ulushlar tasdiqlanadi.

34. Davlat tashkilotini oʻzgartirish toʻgʻrisidagi buyruq, oʻzgartirilayotgan davlat tashkilotining ustavi, aksiyalar emissiyasi risolasi Agentlikning yoki hududiy boshqarmaning vakolatli rahbari tomonidan imzolanadi (tasdiqlanadi), qonun hujjatlarida belgilangan tartibda tarqatiladi va saqlanadi.

35. Davlat tashkilotini oʻzgartirish toʻgʻrisidagi buyruqda yangi vujudga kelgan xoʻjalik jamiyatining faoliyatini tashkillashtirish boʻyicha chora-tadbirlarni ijro qilishning aniq muddatlari va masʼul shaxslar koʻrsatiladi.

Bunda yangi vujudga kelgan xoʻjalik jamiyatini davlat roʻyxatidan oʻtkazish majburiyati oʻzgartirilayotgan davlat tashkilotining rahbariga yuklanadi.

36. Ushbu Nizomga muvofiq davlat tashkilotlari negizida tashkil etiladigan aksiyadorlik jamiyatlarini davlat roʻyxatidan oʻtkazishda roʻyxatga olish yigʻimlari va boshqa toʻlovlar undirilmaydi.

37. Agentlik yoki hududiy boshqarma uch ish kuni ichida Oʻzbekiston Respublikasi Iqtisodiyot va moliya vazirligiga yuboradi:

davlat tashkilotini aksiyadorlik jamiyatiga oʻzgartirish toʻgʻrisidagi buyruqni;

tashkil etilgan aksiyadorlik jamiyati aksiyalari emissiyasi risolasini yuboradi.

Aksiyalar chiqarilishini davlat roʻyxatidan oʻtkazish uchun tashkil etilgan aksiyadorlik jamiyati ijro etuvchi organi tomonidan hujjatlar toʻplami belgilangan tartibda shakllantiriladi va Oʻzbekiston Respublikasi Iqtisodiyot va moliya vazirligiga yuboriladi.

38. Yangi vujudga kelgan aksiyadorlik jamiyati shaklidagi xoʻjalik jamiyatining aksiyalari chiqarilishini davlat roʻyxatidan oʻtkazish Oʻzbekiston Respublikasi Iqtisodiyot va moliya vazirligi tomonidan bepul amalga oshiriladi.

39. Qimmatli qogʻozlarning Markaziy depozitariysi davlat roʻyxatidan oʻtkazilgan aksiyalar chiqarilishini qonun hujjatlarida belgilangan muddatlarda va tartibda hisobga qoʻyilishini amalga oshiradi.

40. Davlat tashkilotini xoʻjalik jamiyatiga oʻzgartirish toʻgʻrisidagi axborot Agentlik yoki hududiy boshqarma tomonidan davlat tashkilotini oʻzgartirish toʻgʻrisidagi buyruq imzolangan sanadan boshlab oʻttiz kun ichida ommaviy axborot vositalarida eʼlon qilinadi.

41. Yangi vujudga kelgan xoʻjalik jamiyatining boshqaruv organlarini saylash (tayinlash) u davlat roʻyxatidan oʻtkazilgan paytdan boshlab oʻn kun muddatda amalga oshiriladi.

Davlat mulkining yaxlitligini va but saqlanishini taʼminlash maqsadida oʻzgartirilayotgan davlat tashkilotining rahbari oʻz roziligiga asosan oʻzgartirish natijasida tashkil etilgan xoʻjalik jamiyatining rahbari etib tayinlanishi mumkin.

42. Yangi vujudga kelgan xoʻjalik jamiyati davlat tashkilotining oʻzgartirish paytida mavjud boʻlgan huquq va majburiyatlarining (shu jumladan uning xodimlari uchun ijtimoiy kafolatlarning) huquqiy vorisi hisoblanadi.

V. Davlat tashkilotlarini oʻzgartirishda kelishuvlar tuzish

43. Davlat tashkilotlarini oʻzgartirishda Agentlik yoki hududiy boshqarma va yangi vujudga kelgan xoʻjalik jamiyatining ijro etuvchi organi rahbari oʻrtasida muayyan majburiyatlarni bajarish toʻgʻrisida kelishuv tuzilishi mumkin.

44. Muayyan muddat mobaynida quyidagi majburiyatlarni bajarish oʻzaro majburiyatlar toʻgʻrisidagi kelishuvning shartlari boʻlishi mumkin:

yangi vujudga kelgan xoʻjalik jamiyatining muayyan faoliyat sohasini saqlash;

ish oʻrinlari sonini saqlash yoki koʻpaytirish;

yangi vujudga kelgan xoʻjalik jamiyati xodimlarining mehnat sharoitlarini va ijtimoiy-maishiy taʼminotini yaxshilash;

ekologik xavfsizlikni taʼminlash choralarini amalga oshirish;

fuqarolik muhofazasi, safarbarlik, ijtimoiy va tabiatni muhofaza qilish ahamiyatiga molik obyektlar hamda mol-mulkni asrash va saqlash.

Oʻzaro majburiyatlar toʻgʻrisidagi kelishuvda yangi vujudga kelgan xoʻjalik jamiyatining mulkni tasarruf etish huquqiga taʼsir oʻtkazuvchi belgilangan qoʻshimcha yuklamalar va cheklashlar hamda quyidagi tarzda ularga rioya qilishning shartlari aks ettiriladi:

yangi vujudga kelgan xoʻjalik jamiyatiga oʻzgartirish natijasida huquqi oʻtgan yer uchastkasining asosiy foydalanish maqsadini oʻzgartirishga taqiq;

toʻsiqsiz foydalanish, oʻtish, oʻtib ketish, chegara, geodeziya va boshqa belgilarni joylashtirish imkoniyati, elektr energiyasi uzatish, aloqa liniyalarini va quvurlarni, suv taʼminoti, kanalizatsiya va melioratsiya tizimlarini oʻtkazish va ulardan foydalanish imkoniyatini taʼminlash majburiyati;

tabiatni muhofaza qilish talablariga rioya qilish;

qonun hujjatlarida belgilangan boshqa qoʻshimcha yuklamalar va cheklashlar.

45. Kelishuv shartlarining bajarilishini nazorat va monitoring qilish Agentlik yoki hududiy boshqarma tomonidan amalga oshiriladi.

VI. Mulk huquqini tasdiqlovchi davlat orderini berish tartibi

46. Oʻzgartirilgan davlat tashkilotining mulkiga boʻlgan mulk huquqi yangi vujudga kelgan xoʻjalik jamiyatiga ushbu Nizomga 10-ilovadagi elektron shakldagi mulk huquqini tasdiqlovchi davlat orderi QR-kod qoʻyilgan holda, Davlat xizmatlari markazlari va (yoki) Yagona interaktiv davlat xizmatlari portali (keyingi oʻrinlarda — YIDXP) orqali beriladi. Ushbu elektron shakldagi mulk huquqini tasdiqlovchi davlat orderi jamiyatga va Davlat kadastrlari palatasining hududiy boshqarmasiga yuboriladi.

47. Mulk huquqini tasdiqlovchi davlat orderi yangi vujudga kelgan xoʻjalik jamiyatiga ushbu jamiyat boshqaruv organlari shakllantirilgandan soʻng oʻn ish kunidan koʻp boʻlmagan muddatda beriladi.

48. Mulk huquqini tasdiqlovchi davlat orderi berilganligi uchun davlat boji undirilmaydi.

49. Mulk huquqini tasdiqlovchi davlat orderi yoʻqolganda uning dublikati mulkdor yoki uning huquqiy vorisining (merosxoʻrlarining) tegishli arizaga asosan ikki hafta ichida beriladi.

Dublikat olish toʻgʻrisidagi arizaga davlat xizmatlari markazidan hujjat topilmaganligi haqida maʼlumotnoma ilova qilinadi:

Mulkiy huquqni tasdiqlovchi davlat orderining dublikati berilgandan soʻng Agentlik yoki hududiy organ besh ish kunidan koʻp boʻlmagan muddatda davriy bosma nashrda yoʻqolgan mulkiy huquqni tasdiqlovchi davlat orderining haqiqiy emasligi toʻgʻrisida eʼlon beradi.

VII. Davlat tashkilotlarini oʻzgartirish orqali tashkil etilgan xoʻjalik jamiyatlarining davlat aksiyalarini (ulushlarini) sotish

50. Davlat tashkilotlarini oʻzgartirish orqali tashkil etilgan aksiyadorlik jamiyatlarining davlat aksiyalarini sotish Davlat aksiyalarini sotish tartibi toʻgʻrisidagi nizomga muvofiq amalga oshiriladi.

51. Davlat tashkilotlarini oʻzgartirish orqali tashkil etilgan masʼuliyati cheklangan jamiyatlarning davlat ulushlarini sotish Masʼuliyati cheklangan jamiyatlarning ustav fondlaridagi (ustav kapitallaridagi) davlat ulushlarini sotish tartibi toʻgʻrisidagi nizomga muvofiq amalga oshiriladi.

VIII. Yakunlovchi qoida

52. Ushbu Nizom talablari buzilishida aybdor boʻlgan shaxslar qonun hujjatlariga muvofiq javobgar boʻladilar.

Davlat muassasalarini xoʻjalik jamiyatlariga oʻzgartirish tartibi toʻgʻrisidagi nizomga 1-ILOVA

Davlat muassasalarini xoʻjalik jamiyatlariga aylantirish

SXEMASI

BosqichlarSubyektlarTadbirlarBajarish muddatlari1-bosqichtashabbuskorlar:davlat organi, davlat tashkiloti taʼsischisi, yuridik va jismoniy shaxslar.Koʻrib chiquvchi organ:Davlat aktivlarini boshqarish agentligi (keyingi oʻrinlarda — Agentlik), uning hududiy boshqarmalari, hududiy tanlov komissiyasi1) Buyurtmanomalar va takliflar berish2) Agentlikning davlat muassasasini oʻzgartirish jarayoni boʻyicha tashabbus koʻrsatish toʻgʻrisidagi takliflari va arizalarini koʻrib chiqish.3) Xususiylashtirish dasturi (davlat muassasalari roʻyxati) loyihasini shakllantirish vaVazirlar Mahkamasiga yoki munitsipal mulk boʻyicha Qoraqalpogʻiston Respublikasi Vazirlar Kengashi Raisiga, viloyatlar va Toshkent shahar hokimlariga qaror qabul qilish uchun kiritish.Buyurtmanomalar tashabbuskorlik tartibida topshiriladi.Buyurtmanomalarni koʻrib chiqish yakunlari boʻyicha javob berish xususiylashtirish dasturiga kiritilgan taqdirda bir oy ichida amalga oshiriladi.Buyurtmanomalarning kelib tushishiga koʻra, lekin yiliga kamida bir marta.2-bosqichAgentlik, uning hududiy boshqarmasi,davlat va xoʻjalik boshqaruvi organlari, baholovchi tashkilot1) Agentlik yoki uning hududiy boshqarmasi davlat muassasasini oʻzgartirishga tayyorlash boʻyicha Komissiya tuzadi.2) Davlat muassasasining mol-mulki va moliyaviy majburiyatlarini xatlovdan oʻtkazishni tashkil qilish va oʻtkazish, xatlovdan oʻtkazish dalolatnomalarini rasmiylashtirish.3) Oʻzgartirish boʻyicha Komissiya tomonidan Agentlik yoki uning hududiy boshqarmasiga tegishli qarorlar qabul qilish uchun taqdim etiladigan hujjatlar va takliflarni koʻrib chiqish.5) Davlat muassasasini (zarurat boʻlganda) xususiylashtirishdan oldin tayyorlash.Komissiyani tuzish muddatlari Davlat aktivlarini boshqarish agentligi yoki uning hududiy organi tomonidan belgilanadi, agar Oʻzbekiston Respublikasi Prezidentining yoki Vazirlar Mahkamasining qarorlarida boshqacha qoida belgilanmagan boʻlsa.Komissiya ishining umumiy muddati u tuzilgan paytdan boshlab ikki oydan oshmaydi.Buxgalteriya hisobining milliy standartlarida nazarda tutilgan tartibda va muddatlarda oʻtkaziladi.Bir hafta muddatda.Xususiylashtirishdan oldin tayyorlashdan oʻtkazish muddatlari va shartlari Davlat komissiyasi tomonidan belgilanadi.3-bosqichAgentlik, uning hududiy boshqarmasi,roʻyxatdan oʻtkazuvchi organlar1) Mulk baholashdan oʻtkazilmagan holda, soliq organlariga taqdim etilgan oxirgi buxgalteriya balansi maʼlumotlari va oʻzgartirishga tayyorlash boʻyicha Komissiya tomonidan taqdim etilgan hujjatlar asosida Agentlik yoki uning hududiy boshqarmasi tomonidan davlat muassasasini oʻzgartirish toʻgʻrisida buyruq chiqarish.2) Tashkil etilgan xoʻjalik jamiyatini davlat roʻyxatidan oʻtkazish.Davlat muassasasini oʻzgartirish boʻyicha hujjatlar ijobiy koʻrib chiqilgandan keyin 10 kun ichida.Qonun hujjatlarida belgilangan muddatlarda.4-bosqichAgentlik, uning hududiy boshqarmasi,yangi vujudga kelgan xoʻjalik jamiyatiMuayyan muddat ichida ijtimoiy majburiyatlarni (faoliyat sohasini saqlash, ish oʻrinlari sonini saqlash va koʻpaytirish va h.k.)Qonun hujjatlarida belgilangan muddatlarda.5-bosqichAgentlik, uning hududiy boshqarmasiMulk huquqini tasdiqlovchi davlat orderini berish.Yangi vujudga kelgan xoʻjalik jamiyatining boshqaruv organlari shakllantirilgandan soʻng 10 ish kunidan koʻp boʻlmagan muddatda.

Davlat muassasalarini xoʻjalik jamiyatlariga oʻzgartirish tartibi toʻgʻrisidagi nizomga 2-ILOVA

‎‎Roʻyxatdan oʻtkazish № ________‎‎__________________________________________________‎‎(Davlat aktivlarini boshqarish agentligi yoki uning hududiy boshqarmasi)‎‎________ y. “____” _________________‎‎Davlat muassasasini oʻzgartirish uchun ‎‎BUYURTMANOMA‎‎‎______________________________________________________________________ni‎‎(davlat muassasasining) nomi‎‎oʻzgartirish toʻgʻrisida qaror qabul qilishingizni soʻrayman.‎‎‎‎‎‎Joylashgan manzili:‎‎___________________________________‎‎‎‎(manzili, telefoni, faksi)‎________________________________________________________________________Muassis:‎‎‎‎‎‎________________________________________________________________________‎‎Ariza beruvchi haqidagi maʼlumotlar:‎‎________________________________________________________________________‎‎(nodavlat yuridik shaxsning nomi)‎‎________________________________________________________________________‎‎(manzili, telefoni, faksi)‎‎________________________________________________________________________‎‎(roʻyxat raqami va davlat roʻyxatidan oʻtkazilgan sanasi)________________________________________________________________________‎‎‎‎(tashkiliy-huquqiy shakli)‎‎________________________________________________________________________‎‎(ustav fondidagi davlat ulushi — foizlarda, mavjud boʻlganda)‎‎‎‎‎‎Buyurtmanomani imzolashga vakil qilingan shaxs‎‎________________________________________________________________________‎‎(F.I.O., lavozimi)‎‎‎‎(imzo)‎‎‎‎M.Oʻ.‎‎‎‎‎‎__________ yil “___” _______________

Izoh: Hujjatni toʻldirishda tuzatishga va oʻchirib yozishga yoʻl qoʻyilmaydi.

Davlat muassasalarini xoʻjalik jamiyatlariga oʻzgartirish tartibi toʻgʻrisidagi nizomga 3-ILOVA

‎‎Roʻyxatdan oʻtkazish № ________‎‎__________________________________________________‎‎(Davlat aktivlarini boshqarish agentligi yoki uning hududiy boshqarmasi)‎‎________ y. “____” _________________‎‎Davlat muassasasini oʻzgartirish uchun ‎‎BUYURTMANOMA‎‎‎______________________________________________________________________ni‎‎(davlat muassasasining) nomi‎‎oʻzgartirish toʻgʻrisida qaror qabul qilishingizni soʻrayman.‎‎‎‎‎‎Joylashgan manzili:‎‎___________________________________‎‎‎‎(manzili, telefoni, faksi)‎________________________________________________________________________Muassis:‎‎‎‎‎‎________________________________________________________________________‎‎Ariza beruvchi haqidagi maʼlumotlar:‎‎________________________________________________________________________(jismoniy shaxsning F.I.O.)‎‎________________________________________________________________________‎‎(manzili, telefoni, faksi)‎‎________________________________________________________________________(pasport seriyasi, raqami, kim tomonidan va qachon berilgan)‎‎‎‎(imzo)‎‎‎‎‎‎__________ yil “___” _______________

Izoh: Hujjatni toʻldirishda tuzatishga va oʻchirib yozishga yoʻl qoʻyilmaydi.

Davlat muassasalarini xoʻjalik jamiyatlariga oʻzgartirish tartibi toʻgʻrisidagi nizomga 4-ILOVA

‎‎__________________________________________________ning‎‎(davlat muassasasining nomi)‎‎asosiy fondlarini xatlovdan oʻtkazish‎‎DALOLATNOMASI‎‎________ y “___” _____________holati boʻyicha‎‎‎‎‎‎‎‎‎‎‎t/rInv. ‎№Xatlov obyektining ‎nomi, texnik tavsifiQurilgan yili yoki foydalanishga ‎topshirilgan sanasi, oyi va yiliSoniBalans qiymati, ‎(ming soʻm)‎‎EskirishiQoldiq qiymati, ming soʻm‎‏Qurilish maydoni, ‎kv.m.*Izoh‎‏ming soʻm‎foiz‎‎‎‎‎‎‎‎‎‎‎‎

‎‎* Binolar va inshootlar boʻyicha.

‎‎Komissiya raisi‎‎Komissiya aʼzolari

Davlat muassasalarini xoʻjalik jamiyatlariga oʻzgartirish tartibi toʻgʻrisidagi nizomga 5-ILOVA

‎‎__________________________________________________ning‎‎(davlat muassasasining nomi)xatlovdan oʻtkazish davomida aniqlangan, oʻzgartirilayotgan davlat muassasasining ustav fondiga kiritilmagan asosiy fondlari‎‎DALOLATNOMASI________ yil “___” _____________dagi holati boʻyicha‎‎‎‎‎‎‎‎‎‎‎t/rInv.Xatlov obyektining ‎nomi, texnik tavsifiQurilgan yili yoki foydalanishga ‎topshirilgan sanasi, oyi va yiliSoniBalans qiymati, ‎(ming soʻm)‎‎EskirishiQoldiq qiymati, ‎ming soʻm‎‏Qurilish maydoni, ‎kv.m.*Izoh‎‏ming soʻm‎foiz‎‎‎‎‎‎‎‎‎‎‎‎

‎‎* Binolar va inshootlar boʻyicha.

‎‎Komissiya raisi‎‎Komissiya aʼzolari

Davlat muassasalarini xoʻjalik jamiyatlariga oʻzgartirish tartibi toʻgʻrisidagi nizomga 6-ILOVA

‎‎__________________________________________________ning‎‎(davlat muassasasining nomi)ijtimoiy infratuzilma va atrof-muhitni muhofaza qilish obyektlarini xatlovdan oʻtkazish‎‎DALOLATNOMASI________ yil “___” _____________dagi holati boʻyicha‎‎‎‎‎‎‎‎‎‎t/rInv.Xatlov obyektining ‎nomi, texnik tavsifiQurilgan yili yoki foydalanishga ‎topshirilgan sanasi, oy va yilSoniBalans qiymati, ‎(ming soʻm)‎‎EskirishiQoldiq qiymati, ‎ming soʻm‎‏Qurilish maydoni, ‎kv.m.*Izoh‎‏ming soʻm‎foiz‎‎‎‎‎‎‎‎‎‎‎‎

* Binolar va inshootlar boʻyicha.

‎‎Komissiya raisi‎‎Komissiya aʼzolari

Davlat muassasalarini xoʻjalik jamiyatlariga oʻzgartirish tartibi toʻgʻrisidagi nizomga 7-ILOVA

‎‎___________________________________________________________________ning‎‎(davlat muassasasining nomi)‎‎tugallanmagan qurilishini xatlovdan oʻtkazish ‎‎DALOLATNOMASI‎‎________ yil “___” _____________dagi holati boʻyicha‎‎‎‎Yil‎Xarajatlar hajmi ming rub, ‎soʻm-kupon, soʻm.‎Asos (bajarilgan ishlar ‎dalolatnomasi, raqami va sanasi)‎Izoh‎‎‎‎‎‎‎‎‎JAMI:‎‎‎‎‎‎‎‎Komissiya raisi‎‎‎‎Komissiya aʼzolari‎‎‎‎

Davlat muassasalarini xoʻjalik jamiyatlariga oʻzgartirish tartibi toʻgʻrisidagi nizomga 8-ILOVA

‎‎‎__________________________________________________ning‎‎(davlat muassasasining nomi)‎‎oʻrnatilmagan asbob-uskunalarini xatlovdan oʻtkazish ‎‎DALOLATNOMASI‎‎________ yil “___” _____________dagi holati boʻyicha‎‎‎‎‎‎‎t/r‎Inv. ‎№ ‎Xatlov obyektining nomi, ‎texnik tavsifi‎Ishlab chiqarilgan ‎yili‎Soni‎Balans qiymati, ‎ming soʻm ‎Izoh‎‎‎‎‎‎‎‎‎‎‎‎‎‎‎‎‎‎Komissiya raisi‎‎‎Komissiya aʼzolari

Davlat muassasalarini xoʻjalik jamiyatlariga oʻzgartirish tartibi toʻgʻrisidagi nizomga 9-ILOVA

Davlat muassasalarini xoʻjalik jamiyatlariga oʻzgartirish tartibi toʻgʻrisidagi nizomga 10-ILOVA

(10-ilova matni Oʻzbekiston Respublikasi Vazirlar Mahkamasining 2023-yil 10-martdagi 100-sonli qarori tahririda — Qonunchilik maʼlumotlari milliy bazasi, 10.03.2023-y., 09/23/100/0134-son)

Vazirlar Mahkamasining 2014-yil 6-oktabrdagi 279-son qaroriga 2-ILOVA

Davlat aksiyalarini sotish tartibi toʻgʻrisida

NIZOM

I. Umumiy qoidalar

1. Ushbu Nizom davlat mulkida boʻlgan aksiyalarni (keyingi oʻrinlarda — davlat aksiyalari) nodavlat yuridik shaxslarga, shuningdek, jismoniy shaxslarga xususiylashtirish tartibida sotish tartibini belgilaydi.

Ushbu Nizomning amal qilishi:

davlat aksiyalarini sudning qarori asosida sotishda;

Oʻzbekiston Respublikasi “Aksiyadorlik jamiyatlari va aksiyadorlarning huquqlarini himoya qilish toʻgʻrisida”gi Qonunining 40-moddasiga asosan aksiyadorlik jamiyatlarida aksiyadorlarning talabiga koʻra aksiyalarni olishda yuzaga keladigan munosabatlarga tatbiq etilmaydi.

2. Ushbu Nizomning maqsadlari uchun quyidagi asosiy tushunchalardan foydalaniladi:

davlat aksiyalari savdosi (keyingi oʻrinlarda savdolar deb ataladi) — fond birjasi, tegishli litsenziyaga ega boʻlgan yuridik shaxslar tomonidan yoki sotuvchi tomonidan tashkil etiladigan davlat aksiyalarini sotish boʻyicha savdolar;

birja bitimi — birja tomonidan savdoning qayd etilgan natijasi boʻyicha tuzilgan davlat aksiyalarining elektron shakldagi fond birjasi (keyingi oʻrinlarda birja deb ataladi) tomonidan roʻyxatdan oʻtkazilgan oldi-sotdi shartnomasi;

davlat aksiyalarining birja savdolari (keyingi oʻrinlarda birja savdolari deb ataladi) — birja savdosi qoidalariga va ushbu Nizomga muvofiq birja tomonidan tashkil etiladigan davlat aksiyalarining savdolari;

davlat aksiyalarining birjadan tashqari savdolari (keyingi oʻrinlarda birjadan tashqari savdolar deb ataladi) — tashkilotchisi sotuvchi yoxud tegishli qimmatli qogʻozlarning birjadan tashqari savdolari tashkilotchisi huquqini beruvchi litsenziyaga ega boʻlgan yuridik shaxs hisoblangan, qimmatli qogʻozlarning birjadan tashqari savdolari tizimida amalga oshiriladigan davlat aksiyalari savdolari;

sotib olish toʻlovi — sotib olinayotgan davlat aksiyalari uchun xaridor tomonidan milliy va (yoki) erkin ayirboshlanadigan valyuta (EAV)da toʻlanadigan pul mablagʻlari;

Davlat komissiyasi — Davlat aktivlarini xususiylashtirish va xususiylashtirish jarayonlarini muvofiqlashtirish davlat komissiyasi;

Hududiy tanlov komissiyasi — tegishli ravishda Qoraqalpogʻiston Respublikasi Vazirlar Kengashining Raisi, viloyatlar va Toshkent shahar hokimlari boshqaradigan hamda tarkibiga Agentlik (tanlov komissiyasi raisining oʻrinbosari sifatida), Iqtisodiyot va moliya vazirligi, Soliq qoʻmitasi, Kadastr agentligi, Tabiat resurslari vazirligi, Qurilish va uy-joy kommunal xoʻjaligi vazirligi, Savdo-sanoat palatasi, Sanitariya-epidemiologik osoyishtalik va jamoat salomatligi qoʻmitasi hududiy boshqarmalarining rahbarlari kiradigan tanlov komissiyasi;

emitent — ustav fondida davlat ulushi mavjud boʻlgan aksiyadorlik jamiyati;

investitsiyaviy majburiyatlar — davlat aksiyalarini sotib olishda xaridor tomonidan aksiyadorlik jamiyatiga (emitentga) investitsiyalarni amalga oshirish boʻyicha qabul qilinadigan pul bahosiga ega boʻlgan va qonun hujjatlariga zid boʻlmagan shakllarda amalga oshiriladigan majburiyatlar;

ijtimoiy majburiyatlar — davlat aksiyalarini sotib olishda xaridor tomonidan qabul qilinadigan pul bahosiga ega boʻlmagan va qonun hujjatlariga zid boʻlmagan shakllarda amalga oshiriladigan majburiyatlar;

axborot memorandumi — aksiyadorlik jamiyatining hisobot sanasidagi holati boʻyicha tijoriy, tashkiliy va boshqa tavsiflari toʻgʻrisidagi dastlabki axborotidan iborat boʻlgan hujjat;

lot — birja savdolariga qoʻyilayotgan va birjadan tashqari savdolar tizimidagi bir paketdagi davlat aksiyalarining miqdoriy oʻlchov birligi;

boshlangʻich narx — davlat aksiyalarini savdolarga qoʻyish uchun sotuvchi tomonidan belgilangan narx;

davlat aksiyalarining birjadan tashqari savdolari tashkilotchisi (keyingi oʻrinlarda birjadan tashqari savdolar tashkilotchisi deb ataladi) — sotuvchi yoxud qimmatli qogʻozlarning birjadan tashqari savdolari tashkilotchisi huquqini beruvchi tegishli litsenziyaga ega boʻlgan va birjadan tashqari savdolar tizimida davlat aksiyalarining savdolarini tashkil qilayotgan yuridik shaxs;

birja savdolariga xizmat koʻrsatuvchi tashkilotlar — birja, sotuvchining (xaridorning) vositachisi, Markaziy depozitariy;

sotuvchi — Davlat aktivlarini boshqarish agentligi (keyingi oʻrinlarda — Agentlik) yoki uning hududiy boshqarmalari (keyingi oʻrinlarda — hududiy boshqarma);

qimmatli qogʻozlarning birjadan tashqari savdolari tizimi (BTST) — qimmatli qogʻozlarning birjadan tashqari savdolari tashkilotchisi huquqini beruvchi tegishli litsenziyaga ega boʻlgan qimmatli qogʻozlar bozori professional qatnashchisi (keyingi oʻrinlarda BTST tashkilotchisi deb ataladi) tomonidan tashkil etilgan, qimmatli qogʻozlarni sotib olish va sotishga oid buyurtmanomalarni toʻplash va qanoatlantirishni taʼminlaydigan qimmatli qogʻozlarning birjadan tashqari savdolari elektron tizimi;

sotuvchining (xaridorning, qatnashchining) vositachisi — qimmatli qogʻozlar bozorida investitsion vositachi sifatidagi professional faoliyatni amalga oshirish huquqini beruvchi litsenziyaga ega boʻlgan, sotuvchi (xaridor) nomidan vakolat berilgan, shartnomaga asosan birja savdolarida va BTSTda davlat aksiyalarini sotish chogʻida vositachi boʻladigan yuridik shaxs;

talabgor — taklif etilgan yoki boshqa shartlarda tanlovda yoki toʻgʻridan-toʻgʻri muzokaralarda oʻzining qatnashish niyati toʻgʻrisida ariza bergan nodavlat yuridik yoki jismoniy shaxs (Oʻzbekiston Respublikasi rezidenti yoki norezidenti) yoki uning vakolatli vakili;

xaridor — sotuvchi bilan qonun hujjatlariga muvofiq davlat aksiyalarining oldi-sotdi shartnomasini tuzgan nodavlat yuridik yoki jismoniy shaxs (Oʻzbekiston Respublikasi rezidenti yoki norezidenti)”;

3. Davlat aksiyalarini sotish sotuvchi tomonidan davlat organlarining, xoʻjalik boshqaruvi organlarining yoki emitentning takliflariga, nodavlat yuridik shaxslarning, shuningdek jismoniy shaxslarning buyurtmanomalariga muvofiq shakllantirilgan va belgilangan tartibda respublika mulki hisoblanganda Oʻzbekiston Respublikasi Prezidentining, Oʻzbekiston Respublikasi Vazirlar Mahkamasining yoki munitsipal mulk hisoblanganda Qoraqalpogʻiston Respublikasi Joʻqorgʻi Kengesi, xalq deputatlari viloyatlar va Toshkent shahar Kengashlari tomonidan tasdiqlanadigan xususiylashtirish dasturlariga (davlat ulushi sotiladigan emitentlarning roʻyxatiga) (keyingi oʻrinlarda xususiylashtirish dasturlari deb ataladi) asosan ushbu Nizomning 1-ilovasiga binoan sxema boʻyicha amalga oshiriladi.

Savdolarda turgan, ilgari qabul qilingan xususiylashtirish dasturlariga muvofiq sotilayotgan davlat aksiyalari mazkur davlat aksiyalarini sotish muddati uzaytirilganda savdolardan olinmaydi.

4. Davlat aksiyalarini sotish birja, shuningdek “Davlat mulkini xususiylashtirish toʻgʻrisida”gi Qonunda belgilangan boshqa usullar orqali amalga oshiriladi.

Emitent ustav fondining 10 foizidan oshmaydigan davlat aksiyalari BTST savdolariga chiqariladi. Bunda savdoga chiqarilayotgan davlat aksiyalarining yalpi nominal qiymati sotuvchining davlat aksiyalarini BTST savdolariga qoʻyish toʻgʻrisidagi buyrugʻi qabul qilingan sanadagi holatiga belgilangan bazaviy hisoblash miqdorining 5000 baravaridan oshmasligi lozim. Mazkur summa oshib ketgan taqdirda, shuningdek agar davlat aksiyalari emitent ustav fondining 10 foizidan koʻproqni tashkil etsa, savdoga qoʻyish birja savdolarida amalga oshiriladi.

5. Davlat aksiyalarini birja savdolariga va BTST savdolariga qoʻyish miqdorlari sotuvchining buyrugʻi bilan belgilanadigan lotlarda amalga oshiriladi.

6. Davlat aksiyalari uch oy davomida sotilmaganda (Toshkent shahri va viloyat markazlari bundan mustasno) ularning boshlangʻich bahosi, qoldiq (balans) yoki sof aktivlari qiymatidan qatʼi nazar 10 foizigacha bosqichma-bosqich 10 foizdan pasaytiriladi.

Birja savdolariga va BTST savdolariga chiqarilgan davlat aksiyalari ularni savdoga qoʻyish narxi boʻyicha sotib olishga uch oy mobaynida buyurtmanoma boʻlmagan taqdirda, Davlat komissiyasi tomonidan belgilanadigan mexanizmga asosan narx bosqichma-bosqich pasaytirib borilishi mumkin.

7. Davlat aksiyalarini investitsiyaviy majburiyatlarni qabul qilish sharti bilan sotish davlat aksiyalari emitent ustav fondining 50 foizidan oshganda “Davlat mulkini xususiylashtirish toʻgʻrisida”gi Qonunda belgilangan boshqa usullarda amalga oshiriladi.

8. Davlat aksiyalarini Oʻzbekiston Respublikasining rezidentlariga sotish Oʻzbekiston Respublikasining milliy valyutasida amalga oshiriladi.

Oʻzbekiston Respublikasi norezidentlari davlat aksiyalarini EAV yoki Oʻzbekiston Respublikasining milliy valyutasida sotib olishlari mumkin.

Davlat aksiya paketlari xorijiy investorlarga “Toshkent” RFB savdolari orqali xorijiy valyutada sotilishi va ular boʻyicha toʻlovlar shartnomada belgilangan valyutada amalga oshirilishi mumkin;

Oʻzbekiston Respublikasi norezidentlari respublikaning vakolatli banklarida ochilgan xorijiy banklarning “loro” vakillik hisob raqamlaridagi milliy valyutadagi mablagʻlardan davlat aksiyalarini sotib olish uchun foydalanishlari mumkin.

9. Davlat aksiyalarini birja va birjadan tashqari savdolarga qoʻyish sotuvchi yoki sotuvchining vositachisi tomonidan sotuvchining buyrugʻi va (yoki) ular oʻrtasidagi shartnomaga asosan amalga oshiriladi.

10. Sotuvchining buyrugʻida:

sotiladigan davlat aksiyalarining nomi va soni;

lot miqdori. Bunda lot miqdori agar Oʻzbekiston Respublikasi Prezidenti yoki Hukumatining alohida qarorlari bilan boshqacha nazarda tutilmagan boʻlsa, bitta aksiya — bitta lot tamoyilida oʻrnatiladi.

savdolar tashkilotchisining nomi;

boshlangʻich narx (Oʻzbekiston Respublikasining milliy valyutasida) va (yoxud) EAVda;

davlat aksiyalarini sotish muddati va usullari (birja yoki birjadan tashqari savdolar, shuningdek ushbu Nizomning 6-bandiga binoan boshlangʻich savdoga qoʻyish narxini qadamba-qadam pasaytirish mexanizmi qoʻllaniladi) koʻrsatiladi.

Buyruqda boshqa maʼlumotlar ham koʻrsatilishi mumkin.

11. Davlat aksiyalari sotuvidan tushgan pul mablagʻlari Davlat aktivlarini boshqarish, transformatsiya va xususiylashtirish jamgʻarmasiga oʻtkaziladi, agar qonun hujjatlarida boshqacha qoida belgilanmagan boʻlsa, belgilangan tartibda taqsimlanadi.

12. Davlat aksiyalarining alohida hisobi Qimmatli qogʻozlarning depozitariysi (keyingi oʻrinlarda Markaziy depozitariy deb ataladi) tomonidan yuritiladi.

Markaziy depozitariy har oyda har oyning beshinchi sanasigacha Agentlikka hisobi yuritilayotgan davlat aksiyalari toʻgʻrisidagi axborotni elektron shaklda taqdim etadi.

13. Buyruq qabul qilingandan va davlat aksiyalarini birja va birjadan tashqari savdolarga qoʻyilishi haqidagi eʼlon ommaviy axborot vositalarida chop etilgandan keyin mazkur aksiyalar qayta baholanmaydi.

II. Davlat aksiyalarini sotish yuzasidan tashabbus koʻrsatish

14. Davlat aksiyalarini sotish yuzasidan davlat organi, xoʻjalik boshqaruvi organi, emitent, nodavlat yuridik yoki jismoniy shaxs tomonidan Agentlik yoki hududiy boshqarmaga tegishli ravishda takliflar yoki buyurtmanomalar berish yoʻli bilan tashabbus koʻrsatilishi mumkin.

15. Davlat organining, xoʻjalik boshqaruvi organining yoki emitentning davlat aksiyalari sotish toʻgʻrisidagi taklifiga:

davlat organi, xoʻjalik boshqaruvi organi yoki emitentning birinchi rahbari tomonidan imzolanadigan va muhr bilan tasdiqlanadigan sotishga tavsiya etilayotgan davlat aksiyalarini saqlab qolish zarurati mavjud emasligi toʻgʻrisidagi xulosa;

emitent toʻgʻrisidagi maʼlumotlar — Agentlik tomonidan belgilangan shakl boʻyicha;

emitentning taʼsis hujjatlari nusxasi ilova qilinadi.

Davlat aksiyalarini sotish toʻgʻrisidagi taklif bilan murojaat qilgan davlat organlari, xoʻjalik boshqaruvi organi yoki emitent uni koʻrib chiqish uchun yigʻim toʻlamaydilar.

16. Davlat aksiyalarini sotish uchun buyurtmanoma:

nodavlat yuridik shaxs nomidan ushbu Nizomning 2-ilovasiga binoan shakl boʻyicha rahbar yoki uning tomonidan bunga vakolat berilgan shaxs tomonidan imzolanishi lozim;

jismoniy shaxs nomidan ushbu Nizomning 3-ilovasiga binoan shakl boʻyicha oʻzi yoki bunga vakolat berilgan shaxs tomonidan imzolanishi lozim.

17. Agentlik yoki hududiy boshqarma davlat aksiyalarini sotish uchun qonun hujjatlarida belgilangan cheklashlar mavjud boʻlmagan taqdirda davlat aksiyalarini sotish uchun buyurtmanomani olgandan keyin besh ish kuni ichida tegishli davlat organiga yoki xoʻjalik boshqaruvi organiga ularni sotishning maqsadga muvofiqliligi toʻgʻrisidagi xulosani taqdim etish haqida soʻrovnoma yuboradi.

Davlat organining yoki xoʻjalik boshqaruvi organining birinchi rahbari tomonidan imzolangan va muhr bilan tasdiqlangan xulosa soʻrovnoma kelib tushgan kundan boshlab besh ish kuni ichida Agentlikka yoki hududiy boshqarmaga taqdim etiladi.

Davlat aksiyalarini saqlab qolishga ehtiyoj boʻlgan taqdirda Agentlik yoki hududiy boshqarma davlat aksiyalarini sotish uchun buyurtmanoma (taklif) kelib tushgan paytdan boshlab oʻn ish kuni ichida mazkur davlat aksiyalarining xususiylashtirilishi rad etilganligi haqida ariza beruvchiga rad etish sabablarini koʻrsatgan holda axborot beradi.

18. Davlat aksiyalarini sotish uchun buyurtmanoma (taklif) hududiy boshqarmaga kelib tushgan taqdirda, sotishni rad etish uchun sabablar boʻlmaganda, hududiy organ davlat aksiyalarini sotish uchun buyurtmanoma (taklif) kelib tushgan paytdan boshlab oʻn besh ish kuni ichida Hududiy tanlov komissiyasiga quyidagi hujjatlarni ilova qilgan holda axborot yuboradi:

emitentning taʼsis hujjatlari nusxalari;

emitentning davlat roʻyxatidan oʻtkazilganligi toʻgʻrisidagi guvohnomasi nusxalari;

emitentning tegishli obyektlari kadastr hujjatlari nusxalari;

birinchi rahbar tomonidan imzolangan va muhr bilan tasdiqlangan oxirgi uch yil uchun moliyaviy hisobotlar (1 va 2-shakllar) nusxalari;

davlat ulushi boʻyicha oxirgi uch yil ichida hisoblangan va toʻlangan (yoki toʻlanmagan) dividendlar summasi toʻgʻrisidagi maʼlumotlar;

jamiyat ustav fondidagi davlat ulushiga haqiqiy aktivlarning (asosiy vositalarni 1-yanvardagi holatiga koʻra har yillik qayta baholashdan keyingi) nisbati toʻgʻrisidagi axborot;

sotish mumkinligi toʻgʻrisidagi xulosa.

Hududiy tanlov komissiyasi munitsipal mulk hisoblangan davlat aksiyalarini sotish boʻyicha arizani (taklifni) Qoraqalpogʻiston Respublikasi Joʻqorgʻi Kengesi, xalq deputatlari viloyatlar va Toshkent shahar Kengashlarining xususiylashtirish toʻgʻrisidagi qarorini qabul qilishdan oldin koʻrib chiqadi.

Respublika mulki boʻlgan davlat aksiyalari boʻyicha Oʻzbekiston Respublikasi Prezidentining yoki Oʻzbekiston Respublikasi Vazirlar Mahkamasining qarorini qabul qilish zarur boʻlgan taqdirda, hududiy boshqarma hududiy tanlov komissiyasi qarori asosida ariza (taklif) boʻyicha tegishli maʼlumotlarni, hujjatlarni ilova qilgan holda Agentlikka yuboradi.

Agentlik, zarur boʻlganda, hududiy boshqarmadan emitent toʻgʻrisidagi qoʻshimcha maʼlumotlar va hujjatlarni, ularni taqdim etish muddatini koʻrsatgan holda soʻrab olishi mumkin.

19. Davlat aksiyalarini sotib olish uchun buyurtmanoma (taklif) Agentlikka kelib tushganda, sotishni rad etish uchun sabablar boʻlmagan taqdirda, buyurtmanoma (taklif) ushbu Nizomning 18-bandida koʻrsatilgan tartibda hujjatlarni rasmiylashtirish va oʻn besh ish kuni mobaynida hududiy boshqarma tomonidan ularni hududiy tanlov komissiyasiga taqdim etish uchun hududiy boshqarmaga yuboriladi.

20. Emitentda uning tegishli obyektlariga oid kadastr hujjatlari mavjud boʻlmaganda mazkur hujjatlar qonun hujjatlarida belgilangan tartibda sotuvdan oldingi tayyorgarlik doirasida tayyorlanadi.

21. Davlat aksiyalarini sotib olish uchun kelib tushgan buyurtmanomalar (takliflar) asosida hududiy boshqarma yiliga kamida bir marotaba hududiy tanlov komissiyasiga xususiylashtirish dasturlarini tasdiqlash boʻyicha takliflar kiritadi.

Davlat aksiyalarini sotib olish uchun kelib tushgan buyurtmanomalar (takliflar) va hududiy tanlov komissiyalari qarorlari asosida Agentlik yiliga kamida bir marotaba Oʻzbekiston Respublikasi Prezidentining qaroriga yoki Oʻzbekiston Respublikasi Vazirlar Mahkamasining qaroriga koʻra sotilishi lozim boʻlganlari boʻyicha Oʻzbekiston Respublikasi Vazirlar Mahkamasiga davlat aksiyalarini xususiylashtirish dasturlarini tasdiqlash boʻyicha takliflar kiritadi.

Qoraqalpogʻiston Respublikasi Joʻqorgʻi Kengesi, xalq deputatlari viloyatlar va Toshkent shahar kengashlarining qarorlari bilan xususiylashtiriladigan munitsipal mulk boʻlgan davlat aksiyalarini sotish boʻyicha takliflar hududiy tanlov komissiyasi tomonidan tayyorlanib, Qoraqalpogʻiston Respublikasi Vazirlar Kengashi Raisiga, viloyatlar va Toshkent shahar hokimlariga kelishish uchun kiritiladi.

Xususiylashtirish dasturiga kiritilgan ustav fondidagi davlat ulushi sotishga taklif etilayotgan emitentlarning roʻyxati hududlar yoki tarmoqlar boʻyicha shakllantirilishi mumkin.

Xususiylashtirish dasturi vakolati doirasida tegishincha Qoraqalpogʻiston Respublikasi Joʻqorgʻi Kengesi, xalq deputatlari viloyatlar va Toshkent shahar kengashlari tomonidan yoki Oʻzbekiston Respublikasi Prezidenti, Vazirlar Mahkamasi tomonidan tasdiqlanadi.

Ustav fondidagi davlat ulushi Oʻzbekiston Respublikasi Prezidentining qaroriga koʻra sotiladigan emitentlar Oʻzbekiston Respublikasi Prezidenti tomonidan tasdiqlanadigan xususiylashtirish dasturlariga kiritiladi.

22. Agar davlat aksiyalarini sotish uchun buyurtmanomani (taklifni) koʻrib chiqish natijalariga koʻra u xususiylashtirish dasturi loyihasiga kiritilsa Agentlik yoki hududiy boshqarma yozma shaklda bu haqdagi tegishli axborotni buyurtmanoma (taklif) tushgan paytdan boshlab bir oy muddatda ariza beruvchiga yetkazadi.

III. Davlat aksiyalarini sotishga tayyorlash

23. Tasdiqlangan xususiylashtirish dasturiga muvofiq Agentlik yoki uning hududiy boshqarmasi tomonidan Oʻzbekiston Respublikasining buxgalteriya hisobi milliy standartlariga muvofiq mol-mulk va moliyaviy majburiyatlarini inventarizatsiyadan oʻtkazish toʻgʻrisida emitentga yozma talabnoma yuboriladi.

24. Inventarizatsiyadan oʻtkazish oraliq balans tuzilgan sanadagi holati boʻyicha amalga oshiriladi, bunda balansning har bir satri tegishli xatlov roʻyxatlari bilan tasdiqlanishi lozim.

25. Davlat aksiyalarini xususiylashtirishga tayyorlashda Emitent rahbari tomonidan quyidagi hujjatlar taqdim etiladi:

Agentlik tomonidan belgilangan shaklga muvofiq, Emitent rahbari tomonidan tasdiqlangan asosiy vositalarni inventarizatsiyadan oʻtkazish dalolatnomalari;

koʻchmas mulkka va yer uchastkalariga boʻlgan huquqni tasdiqlovchi hujjatlar;

Emitent rahbari tomonidan tasdiqlangan ishlab chiqarish (xizmat koʻrsatish), tarkibiy boʻlinmalari va kommunikatsiya tarmoqlari toʻgʻrisidagi maʼlumotlar;

korxonadagi ishlab chiqarish jarayonining texnologik va ekologik xususiyatlaridan kelib chiqqan holda oʻtkazilgan auditorlik xulosalari, shuningdek korxonaning tashkiliy-huquqiy jihatdan kompleks tahliliy hisoboti;

Emitentning moliyaviy hisobotlari va oʻtgan hisobot yili natijalari toʻgʻrisidagi auditorlik xulosasi;

davlat aksiyalarini xususiylashtirishning tanlangan usuliga muvofiq boshqa hujjatlar.

26. Emitent tomonidan taqdim etilgan hujjatlar va materiallar koʻrib chiqilgandan keyin bir hafta muddatda Agentlik yoki hududiy boshqarma:

tayyorlangan hujjatlarda jiddiy kamchiliklar boʻlganda, ularni qaytarish sabablarini koʻrsatgan holda va ularni takroriy taqdim etishning ular qaytarilgan paytdan boshlab oʻn ish kunidan oshmaydigan muddatini belgilagan holda puxtalashtirish uchun emitentga qaytaradi;

taqdim qilingan hujjatlar ushbu Nizomning 25-bandiga muvofiq boʻlganda baholovchi tashkilot bilan qonun hujjatlarida belgilangan tartibda sotiladigan davlat aksiyalarini baholashdan oʻtkazish uchun shartnoma tuzadi.

27. Davlat aksiyalarini savdoga qoʻyishdagi boshlangʻich narxi sotuvchi tomonidan baholovchi tashkilotning aksiyalar qiymatini baholash toʻgʻrisidagi hisobotida hamda baholash toʻgʻrisidagi hisobotning ishonchliligini ekspertizadan oʻtkazish natijalari toʻgʻrisidagi ekspert xulosasida aniqlangan miqdorda belgilanadi.

Bunda davlat aksiyalari birja savdolariga chiqarilganda hamda baholash xalqaro nufuzga ega auditorlik kompaniyalarining Oʻzbekistonda belgilangan tartibda faoliyat yuritayotgan shuʼba korxonalari tomonidan amalga oshirilganda davlat aksiyalarini baholash hisobotlari haqqoniyligini majburiy ekspertizadan oʻtkazish talab etilmaydi.

Davlat aksiyalarini savdolarga qoʻyish Agentlik yoki hududiy boshqarmaning buyrugʻiga asosan amalga oshiriladi.

28. Davlat aksiyalarini sotish usuli, muddati va shartlari, agar Oʻzbekiston Respublikasi Prezidentining, Oʻzbekiston Respublikasi Vazirlar Mahkamasining Davlat komissiyasining yoxud Qoraqalpogʻiston Respublikasi Vazirlar Kengashi Raisining, viloyatlar va Toshkent shahar hokimlarining vakolatlari doirasida qabul qilingan yoxud Qoraqalpogʻiston Respublikasi Vazirlar Kengashi Raisining, viloyatlar va Toshkent shahar hokimlarining vakolatlari doirasida qabul qilingan qarorlarida boshqacha qoida belgilanmagan boʻlsa, sotuvchi tomonidan belgilanadi.

IV. Sotiladigan davlat aksiyalari toʻgʻrisidagi axborotni oshkor qilish

29. Sotiladigan emitent davlat aksiyalari toʻgʻrisidagi axborotni oshkor qilish sotuvchi yoki sotuvchining vositachisi tomonidan ushbu Nizomga va boshqa qonun hujjatlariga muvofiq amalga oshiriladi.

30. Sotishga tavsiya etilayotgan davlat aksiyalari toʻgʻrisidagi eʼlon (keyingi oʻrinlarda eʼlon deb ataladi) sotuvchining va birja savdolari tashkilotchisining rasmiy veb-saytida savdolar boshlanishidan kamida oʻttiz kun oldin chop etiladi.

Bayram va dam olish kunlarida savdolar oʻtkazilmaydi. Savdo kuni bayram va dam olish kunlariga toʻgʻri kelgan taqdirda, navbatdagi ish kunida oʻtkaziladi.

31. Eʼlon quyidagi axborotlardan iborat boʻlishi lozim:

sotuvchining va (yoki) uning vositachisining nomi, ularning bogʻlanish maʼlumotlari, jumladan pochta manzili, elektron pochtasi manzili, telefonlar, telefaks raqamlari va veb-sayti;

birja yoki birjadan tashqari savdolar tashkilotchisining nomi;

davlat aksiyalarini savdolarga qoʻyish sanasi va joyi;

emitentning nomi va pochta manzili;

emitentning faoliyat sohasi;

davlat aksiyalarining umumiy soni, toifasi, ustav fondidagi foizi va davlat aksiyalarini savdoga qoʻyishning boshlangʻich narxi;

emitentning ustav fondi miqdori (pul ifodasida) va oxirgi uch yil ichidagi moliyaviy-xoʻjalik faoliyati koʻrsatkichlari toʻgʻrisidagi axborot.

minimal investitsiyaviy va ijtimoiy majburiyatlar (mavjud boʻlgan taqdirda);

Eʼlonda boshqa maʼlumotlar ham boʻlishi mumkin.

32. Talabgor davlat aksiyalarining sotuvchisi va emitentdan davlat aksiyalarini sotib olish uchun oʻzi qaror qabul qilishi uchun zarur boʻlgan qoʻshimcha axborotni soʻrash va olishga haqlidir, oʻzining xususiyatiga koʻra xizmat yoki tijorat siri hisoblangan axborot bundan mustasno.

V. Davlat aksiyalarini birja savdolarida sotish

33. Davlat aksiyalarini birja savdolarida sotish ushbu Nizomda va birja savdosi qoidalarida belgilangan tartibda amalga oshiriladi.

34. Davlat aksiyalarini sotib olish uchun xaridor (xaridorning vositachisi) birja savdolari boshlanishidan kamida oʻttiz daqiqa oldin Hisob-kitob-kliring palatasida (keyingi oʻrinlarda HKKP deb ataladi) xaridor (xaridorning vositachisi) sotib olish niyatida boʻlgan davlat aksiyalari boshlangʻich narxining kamida 15 foizi miqdorida pul mablagʻlarini depozitga qoʻyishi shart. Pul mablagʻlari davlat aksiyalarining va xaridor vositachisining nomini koʻrsatgan yoki koʻrsatmagan holda depozitga qoʻyilishi mumkin.

Pul mablagʻlari xaridorning vositachisini koʻrsatmasdan depozitga qoʻyilgan taqdirda HKKPga topshiriq-shartnomaning nusxasi taqdim etiladi.

341. Fond birjasiga chiqarilgan davlatga tegishli aksiyalarni sotishga va oldi-sotdi shartnomasini rasmiylashtirishga faqat savdo jarayonlarida kamida ikkita ishtirokchi qatnashganda ruxsat beriladi.

35. EAV Oʻzbekiston Respublikasi Markaziy bankining depozit qoʻyilgan sanadagi kursi boʻyicha oʻtkaziladi.

36. Depozitga qoʻyilgan pul mablagʻlari HKKP tomonidan xaridorning (xaridor vositachisining) yozma arizasiga koʻra ariza olingan kundan boshlab besh bank kuni ichida pul mablagʻlari depozitga qoʻyilgan valyutada qaytariladi.

37. Davlat aksiyalari sotib olinganda topshiriq-shartnomada xaridorning davlat aksiyalari qiymatini va birja savdolariga xizmat koʻrsatuvchi tashkilotlarning xizmatlariga haq toʻlash boʻyicha majburiyatlari nazarda tutilishi shart.

38. HKKP birja savdolari qoidalarida belgilangan muddatda birjaga xaridor vositachisini koʻrsatgan holda depozitga qoʻyilgan pul mablagʻlari toʻgʻrisidagi maʼlumotlarni shakllantiradi va yuboradi.

39. HKKP Markaziy depozitariyning maʼlumotlariga asosan birjaga birja savdolariga qoʻyilayotgan davlat aksiyalari toʻgʻrisidagi zarur maʼlumotlarni taqdim etadi.

40. Davlat aksiyalarini sotib olish toʻlovlarini toʻlash muddati sotuvchi tomonidan belgilanadi, biroq bu muddat, agar Oʻzbekiston Respublikasi Prezidenti yoki Vazirlar Mahkamasi yoxud Davlat komissiyasi qarorida boshqacha qoida belgilanmagan boʻlsa, birja bitimi kuchga kirgan kundan boshlab uch yildan oshishi mumkin emas.

Birja bitimi roʻyxatdan oʻtkazilgandan keyin xaridor (xaridorning vositachisi) birja bitimining butun summasini bir yoʻla yoki boʻlib-boʻlib toʻlash orqali va birja savdolariga xizmat koʻrsatuvchi tashkilotlarning vositachilik toʻlovlarini:

birja savdolari qoidalarida belgilangan tartibda va muddatlarda HKKPdagi maxsus hisobvaraqlariga mablagʻlarni oʻtkazish yoʻli bilan (oʻzaro hisob-kitoblar milliy valyutada amalga oshirilgan taqdirda);

birja savdolari qoidalarida belgilangan tartibda va muddatlarda HKKPning maxsus hisobvaragʻiga birja bitimi roʻyxatdan oʻtkazilgan sanadagi Markaziy bank kursi boʻyicha mablagʻlarni oʻtkazish yoʻli bilan (oʻzaro hisob-kitoblar EAVda amalga oshirilgan taqdirda) toʻlashi shart.

Davlat aksiyalarini boʻlib-boʻlib toʻlash sharti bilan sotish boʻyicha birja bitimi tuzilgan kundan boshlab bir oy ichida xaridor tomonidan sotib olish toʻlovlarining 35 foizi miqdoridagi hamda 4 va 5-toifadagi tumanlarda joylashgan aksiyadorlik jamiyatlarning davlat aksiyalarini sotib olgan xaridorlarga, shuningdek, ushbu toifadagi hududda faoliyat yuritayotgan “AA” va undan yuqori toifadagi tadbirkorlik subyektlariga 35 foizdan kam boʻlgan (bundan ustav kapitalida 50 foiz va undan ortiq miqdorda davlat ulushi mavjud boʻlgan xoʻjalik jamiyatlari xaridor boʻlgan hollar mustasno) (sotib olish uchun depozitga qoʻyilgan mablagʻni inobatga olgan holda) dastlabki toʻlov amalga oshirilgan taqdirda, xaridorga sotib olish toʻlovlarini foizsiz boʻlib-boʻlib toʻlash huquqi beriladi.

Agar dastlabki toʻlov summasi ushbu bandning beshinchi xatboshisida nazarda tutilgan foizlardan (miqdorlardan) kam boʻlgan holatda, bir oylik muddat tugagan kundan keyingi kundan boshlab qolgan summaga har bir kun uchun Markaziy bankning asosiy stavkasi miqdorida yillik foizidan kelib chiqqan holda, quyidagi formula boʻyicha kunlik foizlar hisoblanadi.

Fd=Qd*(MBd/365)*Kd

Bunda:

Fd — toʻlov grafigi boʻyicha toʻlovni amalga oshirish davri uchun hisoblangan foizlar;

D — toʻlov grafigi boʻyicha toʻlovni amalga oshirish davri tartib raqami;

Qd — toʻlov grafigi boʻyicha toʻlovni amalga oshirish davridagi sotib olish toʻlovlari qoldigʻi;

MBd — Markaziy bankning foiz hisoblanayotgan davr uchun amalda boʻlgan asosiy foiz stavkasi. Bunda, toʻlov grafigidagi hisobga olinayotgan kunlar uchun bir nechta asosiy foiz stavkalari amalda boʻlsa, foiz miqdorlari tegishli kunlarga mos ravishda asosiy foiz stavkasi oʻzgartirilgan holda alohida-alohida hisoblanib, toʻlov grafigidagi davr uchun jamlanadi;

Kd — toʻlov grafigi boʻyicha toʻlovni amalga oshirish davrlari oraligʻidagi kunlar soni, bunda birinchi davr uchun kunlar soni birja bitimi tuzilgan sanadan keyingi kundan boshlab hisoblanadi.

Markaziy bankning asosiy stavkasi miqdorida yillik foizlar hisoblanadigan birja bitimi boʻyicha muddatida toʻlanmagan foizlar uchun xaridordan penya undirish nazarda tutilmaydi.

Bunda, hisoblangan foizlar birja bitimida belgilangan toʻlov grafigi boʻyicha har bir toʻlovni amalga oshirishning oxirgi muddatida toʻlanmagan taqdirda, toʻlov grafigi boʻyicha keyingi amalga oshirilgan toʻlov birinchi navbatda oldingi davr uchun hisoblangan foizlarni soʻndirishga yoʻnaltiriladi.

401. Davlat aksiyalari xaridorning chegirmani berish haqidagi elektron arizasiga muvofiq, sotib olish toʻlovlari bir oy muddatda toʻlanishini nazarda tutuvchi birja bitimi tuzilib, xarid toʻlovlari birja bitimi tuzilgan kundan boshlab bir oy davomida toʻlangan taqdirda, xaridorga xarid summasidan mazkur bitim tuzilgan sanada kuchda boʻlgan Oʻzbekiston Respublikasi Markaziy bankining asosiy stavkasi miqdorida chegirma beriladi, bundan chegirma qoʻllanilmaslik sharti bilan sotilgan, shuningdek boshlangʻich narxi pasaytirilgan holda sotilgan davlat aksiyalari mustasno.

Bunda xaridorga sotib olish toʻlovlarini mazkur chegirmani qoʻllagan holda toʻlash imkoni beriladi.

41. HKKP birja bitimi boʻyicha mablagʻlar tushgandan keyin:

kliring operatsiyasini amalga oshiradi;

Davlat aktivlarini boshqarish, transformatsiya va xususiylashtirish jamgʻarmasiga birja bitimi boʻyicha pul mablagʻlari oʻtkazmalarini va vositachilik toʻlovlarini toʻlash boʻyicha birja savdolariga xizmat koʻrsatuvchi tashkilotlarning hisobvaraqlariga pul oʻtkazmalarini amalga oshiradi;

sotuvchining vositachisiga sotilgan davlat aksiyalari boʻyicha amalga oshirilgan hisob-kitoblar toʻgʻrisidagi hisobotni taqdim etadi.

Sotib olish toʻlovlarini boʻlib-boʻlib toʻlash va xaridor tomonidan investitsiyaviy va (yoki) ijtimoiy majburiyatlar qabul qilish sharti bilan (agar mavjud boʻlgan taqdirda) sotilgan davlat aksiyalari boʻyicha birja bitimi doirasida xaridor tomonidan sotib olish toʻlovlari qisman amalga oshirilgan kundan boshlab ikki ish kuni ichida sotuvchi:

davlat aksiyalari sotilganligi toʻgʻrisida jamiyatni xabardor qiladi;

xaridorga birja bitimi boʻyicha barcha majburiyatlar, jumladan sotib olish toʻlovlari va penya (yuzaga kelgan taqdirda) toʻliq amalga oshirilgunga hamda investitsiyaviy va (yoki) ijtimoiy majburiyatlar toʻliq bajarilgunga qadar (agar mavjud boʻlgan taqdirda) aksiya qiymatining toʻlangan qismiga mutanosib ravishda jamiyat boshqaruvida ishtirok etish va dividendlar olish huquqi asosida sotuvchining depo hisobvaragʻidan xaridorning depo hisobvaragʻiga hisobdan chiqarish toʻgʻrisida topshiriq berish orqali xaridorga sotib olingan aksiyaga egalik qilish va undan foydalanish huquqini beradi, bunda investitsiya majburiyatlari bajarib boʻlingunga qadar xaridor tomonidan depozitar xizmatlarga haq toʻlash sharti bilan xaridorning depo hisobvaragʻidagi aksiyaning harakati Markaziy depozitariydagi “Qimmatli qogʻozlar” maxsus boʻlimida blokirovka qilinadi.

42. Xaridor (xaridorning vositachisi) tomonidan toʻlov muddati buzilgan taqdirda birja bitimi bekor qilinadi. Bunda HKKP xaridor tomonidan depozitga qoʻyilgan pul mablagʻlaridan belgilangan tartibda taqsimlanadigan birja bitimi summasining 5 foizi miqdorida sotuvchining foydasiga jarima hamda birja savdolariga xizmat koʻrsatuvchi tashkilotlarning vositachilik toʻlovlarini ushlab qoladi va qolgan pul mablagʻlarini xaridorning hisobvaragʻiga qaytaradi.

43. Birja savdolari haqiqiy emas deb topilgan yoki birja bitimi avval sotilgan bekor qilingan taqdirda davlat aksiyalari:

baholangan narxidan past qiymatida sotilgan davlat aksiyalarining savdolari natijalari haqiqiy emas deb topilgan (bekor qilingan) yoki bitim bekor qilingan taqdirda, agar ularni savdoga qoʻyish va birja bitimini bekor qilish (haqiqiy emas deb topish) sanasi orasidagi muddat bir yildan oshmagan boʻlganda shakllangan narx boʻyicha, baholangan narxidan baland qiymatida sotilganda oxirgi savdolarga chiqarilgan narx boʻyicha;

agar savdoga qoʻyish va birja bitimini avval sotilgan davlat aksiyalari boʻyicha bekor qilish (haqiqiy emas deb topish) sanasi orasidagi muddat bir yildan oshgan boʻlsa belgilangan tartibda takroriy baholashdan keyin birja savdolariga qoʻyilishi lozim.

44. Davlat aksiyalarini savdolardan olish sotuvchi vositachisi tomonidan sotuvchining yozma topshirigʻiga koʻra navbatdagi savdo sessiyasi boshlangunga qadar quyidagi hollarda amalga oshiriladi:

agar davlat aksiyalari birja savdolariga boshlangʻich qoʻyish narxining 10 foizigacha qadamba-qadam pasaytirish mexanizmi qoʻllangandan keyin uch oy mobaynida sotilmaganda;

“Aksiyadorlik jamiyatlari va aksiyadorlarning huquqlarini himoya qilish toʻgʻrisida”gi Oʻzbekiston Respublikasi Qonuniga muvofiq emitentning davlat aksiyalarini sotib olishni talab qilish huquqi vujudga kelganda;

Oʻzbekiston Respublikasi Prezidentining yoxud Oʻzbekiston Respublikasi Vazirlar Mahkamasining tegishli qarori qabul qilinganda.

441. Agar Davlat komissiyasining savdoga chiqarish boʻyicha nominal qiymatdan past boʻlmagan qiymatgacha qadamba-qadam pasaytirish mexanizmini qoʻllash toʻgʻrisidagi qarori qabul qilinsa, davlat aksiyalari avval chiqarilgan savdolarning bir xil savdo maydonchalarida sotilishi mumkin.

45. Ushbu Nizomning 44-bandi ikkinchi xatboshida nazarda tutilgan hollarda savdolardan olingan davlat aksiyalari Oʻzbekiston Respublikasi Prezidentining, Oʻzbekiston Respublikasi Vazirlar Mahkamasining yoki Qoraqalpogʻiston Respublikasi Joʻqorgʻi Kengesi, xalq deputatlari viloyatlar va Toshkent shahar Kengashlari tomonidan vakolati doirasida qabul qilingan tegishli qaroriga asosan:

davlat tasarrufida qoladi va (yoki) keyingi xususiylashtirish dasturlariga kiritiladi;

davlat aksiyalarini xususiylashtirish boshqa usullar orqali amalga oshirilishi mumkin.

VI. Davlat aksiyalarini BTSTda sotish

46. Davlat aksiyalarini BTSTda sotish ushbu Nizomga va BTST tashkilotchisining qoidalariga muvofiq amalga oshiriladi.

47. Davlat aksiyalarini sotib olish uchun qatnashchi BTSTda savdolar boshlanishidan kamida oʻttiz daqiqa oldin HKKPda qatnashchi sotib olish niyatida boʻlgan davlat aksiyalari boshlangʻich narxining 100 foizidan kam boʻlmagan miqdorda pul mablagʻlarini depozitga qoʻyishi shart.

Pul mablagʻlari qatnashchining nomini koʻrsatmasdan HKKPda depozitga qoʻyilgan taqdirda topshiriq-shartnomaning nusxasi taqdim etiladi.

48. Depozitga qoʻyilgan pul mablagʻlari HKKP tomonidan qatnashchining yozma arizasiga koʻra ariza olingan kundan boshlab besh bank kuni ichida pul mablagʻlari depozitga qoʻyilgan valyutada qaytariladi.

49. HKKP BTST tashkilotchisining qoidalarida belgilangan muddatda BTST tashkilotchisiga qatnashchining depozitga qoʻyilgan pul mablagʻlari toʻgʻrisidagi maʼlumotlarni shakllantiradi va yuboradi.

50. HKKP Markaziy depozitariyning maʼlumotlariga asosan BTST tashkilotchisiga BTST savdolariga qoʻyilayotgan davlat aksiyalari toʻgʻrisidagi zarur maʼlumotlarni taqdim etadi.

51. HKKP davlat aksiyalarining oldi-sotdi shartnomasi tuzilgandan keyin:

kliring operatsiyasini amalga oshiradi;

Davlat aktivlarini boshqarish, transformatsiya va xususiylashtirish jamgʻarmasiga pul mablagʻlari oʻtkazmalarini va vositachilik toʻlovlarini toʻlash boʻyicha BTST tashkilotchisi, Markaziy depozitariy va xaridor vositachisining hisob raqamlariga pul mablagʻlari oʻtkazmalarini amalga oshiradi;

Markaziy depozitariyga davlat aksiyalarini oʻtkazish yuzasidan tegishli topshiriqnomalarni taqdim etadi;

sotuvchiga sotilgan davlat aksiyalari boʻyicha amalga oshirilgan hisob-kitoblar toʻgʻrisidagi hisobotni taqdim etadi.

52. Davlat aksiyalarining oldi-sotdi shartnomasi bekor qilingan yoki haqiqiy emas deb topilgan taqdirda ular ushbu Nizomning 43-bandida nazarda tutilgan tartibda belgilanadigan narx boʻyicha BTST savdolariga ushbu Nizomda belgilangan tartibda qoʻyilishi lozim.

53. Sotuvchi ushbu Nizomning 44-bandida koʻrsatilgan hollarda davlat aksiyalarini BTST savdolaridan oladi.

Bunda davlat aksiyalari ushbu Nizomga muvofiq aynan shu turdagi savdolarga qoʻyiladi.

54. Agar davlat aksiyalari BTSTga qoʻyilgan boshlangʻich narxning 10 foizigacha pasaytirilgandan keyin 3 oy mobaynida sotilmasa, davlat aksiyalari ularni ushbu Nizomning 45-bandiga muvofiq tasarruf etish uchun BTSTdan olinadi.

XII. Emitentning huquqlari va majburiyatlari

93. Xaridor va emitent davlat aksiyalarini investitsiyaviy va (yoki) ijtimoiy majburiyatlarni qabul qilish sharti bilan sotish boʻyicha oldi-sotdi shartnoma tuzilgan kundan boshlab oʻn kun muddatda xaridor tomonidan kiritiladigan investitsiyalardan foydalanish shartnomasini tuzishlari shart, unda quyidagi majburiy shartlar boʻlishi lozim:

investitsiya sifatida kiritilgan mablagʻlardan maqsadli foydalanish;

investitsiya sifatida kiritilgan xom ashyo va materiallar, ehtiyot qismlar va texnik qayta jihozlash va ishlab chiqarishni modernizatsiya qilish uchun butlovchi qismlardan maqsadli foydalanish;

tuzilgan shartnoma doirasida yuzaga keladigan nizolar va daʼvolarga nisbatan, birinchi navbatda mediatsiya tartib-taomilini amalga oshirish;

investitsiya kiritishning pulli yoki bepul tavsifi;

kiritilgan investitsiyalarni qoplash (investitsiyalar pulli tavsifda kiritiladigan taqdirda) va (yoki) ijtimoiy majburiyatlarni bajarish yoki xaridorning emitent ustav fondidagi ulushini, uning tomonidan sotib olingan davlat aksiyalariga mulk huquqini qoʻlga kiritgandan keyin koʻpaytirish (kapitalizatsiya qilish).

Investitsiyadan foydalanish toʻgʻrisidagi shartnomani tuzishni rad etishga yoʻl qoʻyilmaydi.

94. Xaridor tomonidan investitsiyaviy va (yoki) ijtimoiy majburiyatlar bajarilishi davomida emitent quyidagilarga majbur:

xaridorga, xaridor tomonidan oʻzining investitsiyaviy majburiyatlarini oʻz vaqtida va samarali amalga oshirishi bilan bogʻliq boʻlgan obyektdan va u haqdagi axborotdan erkin foydalanishiga ruxsat berish;

xaridorning talabi boʻyicha oldi-sotdi shartnomasida belgilangan muddatlarda investitsiyaviy (va ijtimoiy) majburiyatlar bajarilganligini tasdiqlovchi tegishli buxgalteriya hisobotlarini taqdim etish;

xaridorga davlat aksiyalarining oldi-sotdi shartnomasi va biznes-rejaga muvofiq investitsiyaviy (va ijtimoiy) majburiyatlarini bajarishiga toʻsqinlik qilmaslik;

xaridorni investitsiyaviy (va ijtimoiy) majburiyatlar bajarilishi davomida moliyaviy-iqtisodiy koʻrsatkichlardagi oʻzgarishlar toʻgʻrisida xabardor qilish.

XIII. Yakunlovchi qoidalar

95. Savdolarni tashkil etish va oʻtkazishda qatnashayotgan shaxslar qonun hujjatlarida belgilangan tartibda talabgorlar tomonidan taqdim etilgan hujjatlarning saqlanishi va maxfiyligini taʼminlash uchun javobgar boʻladilar.

96. Davlat aksiyalarini sotishda yuzaga keladigan nizolar va daʼvolarga nisbatan, birinchi navbatda mediatsiya tartib-taomili amalga oshiriladi.

Mediativ kelishuvga erishilmagan taqdirda, nizolar va daʼvolar qonunchilikda belgilangan tartibda koʻrib chiqiladi.

Davlat aksiyalarini sotish tartibi toʻgʻrisidagi nizomga 1-ILOVA

Davlat aksiyalarini sotish tartibi

SXEMASI

BosqichlarSubyektlarTadbirlarBajarish muddatlari1-bosqichTashabbuskorlar:davlat organi, xoʻjalik boshqaruvi organi; emitent; yuridik va jismoniy shaxslar.1. Taklif va arizalarni berish. Buyurtmanomalar tashabbuskorlik tartibida topshiriladi.Davlat aktivlarini boshqarish agentligi (keyingi oʻrinlarda — Agentlik), uning hududiy boshqarmasi,2. Agentlik yoki davlat aksiyalarini sotish jarayonini boshlash boʻyicha hududiy tanlov komissiyasi tomonidan taklif va arizalarni koʻrib chiqish.Buyurtmanomalarni koʻrib chiqish yakunlari boʻyicha javob berish xususiylashtirish dasturiga kiritilgan taqdirda bir oy ichida amalga oshiriladi.Agentlik, Hududiy tanlov komissiyasi3. Xususiylashtirish dasturi (aksiyalari sotiladigan aksiyadorlik jamiyatlarining roʻyxati) loyihasini shakllantirish va vakolat doirasida Vazirlar Mahkamasiga yoki Qoraqalpogʻiston Respublikasi Joʻqorgʻi Kengesi, xalq deputatlari viloyatlar va Toshkent shahar kengashiga qaror qabul qilish uchun kiritish. Takliflar va arizalar berishBuyurtmanomalarning kelib tushishiga qarab, lekin yiliga kamida bir marta.2-bosqichAgentlik, uning hududiy boshqarmasi, emitent, baholovchi tashkilot1. Tasdiqlangan Dasturga muvofiq Agentlik, uning hududiy boshqarmasi emitentga mol-mulk va moliyaviy majburiyatlarni inventarizatsiyadan oʻtkazish.Agentlik tomonidan aniqlanadigan muddatlarda, agar Oʻzbekiston Respublikasi Prezidentining yoki Vazirlar Mahkamasining qarorlarida boshqacha qoida belgilanmagan boʻlsa.2. Emitent tomonidan mol-mulk va moliyaviy majburiyatlarni inventarizatsiyadan oʻtkazishni tashkil etish va oʻtkazish, inventarizatsiya oʻtkazish dalolatnomalarini rasmiylashtirish.Buxgalteriya hisobining milliy standartlarida nazarda tutilgan tartibda va muddatlarda oʻtkaziladi.3. Tegishli qaror qabul qilish uchun emitent tomonidan Agentlikka yoki uning hududiy boshqarmasiga taqdim etiladigan hujjatlar va takliflarni koʻrib chiqish.Bir hafta muddatda.4. Davlat aksiyalarini baholashni oʻtkazish.Baholash xizmatlari koʻrsatish toʻgʻrisidagi shartnomada koʻrsatilgan muddatda.3-bosqichAgentlik, uning hududiy boshqarmasiEmitent taqdim etgan baholovchi tashkilotning korxonani baholash toʻgʻrisidagi hisoboti va hujjatlari asosida Agentlik, uning hududiy boshqarmasi tomonidan davlat aksiyalarini sotish toʻgʻrisidagi buyruqni chiqarish.Bunda davlat aksiyalarini sotuvga qoʻyish quyidagicha amalga oshiriladi:- BTSTda birjadan tashqari savdolarga qoʻyiladi, agar savdoga qoʻyilayotgan aksiyalar paketi emitent ustav fondining koʻpi bilan 10 foizini tashkil etsa;- birja savdolariga qoʻyiladi, agar savdoga qoʻyilayotgan aksiyalar paketining miqdori emitent ustav fondining 50 foizidan oshmasa;- tanlovga qoʻyiladi, agar savdoga qoʻyilayotgan aksiyalar paketining miqdori emitent ustav fondining 50 foizidan ortiq boʻlsa.Davlat aksiyalari boʻyicha hujjatlar toʻplami ijobiy koʻrib chiqilgandan keyin 3 ish kuni ichida. 4-bosqichAgentlik, uning hududiy boshqarmasi, birja savdolari tashkilotchisiAxborotni oshkor qilish va sotishga taklif qilinayotgan davlat aksiyalari boʻyicha sotuvchining va birja savdolari tashkilotchisining rasmiy veb-saytida eʼlon qilish.Birja savdolari va BTST birjadan tashqari savdolariga qoʻyish belgilangan sanadan, tanlovda toʻgʻridan-toʻgʻri sotilgan taqdirda — tanlov takliflari konvertlari ochiladigan sanadan — talabgorlardan takliflarni qabul qilish tamom boʻladigan sanadan kamida oʻttiz kun oldin.5-bosqichAgentlik, uning hududiy boshqarmasi, uning vositachisi, savdolar tashkilotchilariDavlat aksiyalarini sotish.Belgilangan muddatlarda.

Davlat aksiyalarini sotish tartibi toʻgʻrisidagi nizomga 2-ILOVA

Izoh: Hujjatni toʻldirishda tuzatishga va oʻchirib yozishga yoʻl qoʻyilmaydi.

Davlat aksiyalarini sotish tartibi toʻgʻrisidagi nizomga 3-ILOVA

Izoh: Hujjatni toʻldirishda tuzatishga va oʻchirib yozishga yoʻl qoʻyilmaydi.

Vazirlar Mahkamasining 2014-yil 6-oktabrdagi 279-son qaroriga 3-ILOVA

Masʼuliyati cheklangan jamiyatlar ustav fondlari (ustav kapitallari)dagi davlat ulushlarini sotish tartibi toʻgʻrisida

NIZOM

I. Umumiy qoidalar

1. Ushbu Nizom masʼuliyati cheklangan jamiyatlar ustav fondlari (ustav kapitallari)dagi davlat ulushlarini (bundan buyon davlat ulushi deb yuritiladi) xususiylashtirish tartibida nodavlat yuridik shaxslarga, shuningdek jismoniy shaxslarga sotish tartibini belgilaydi.

Ushbu Nizomning amal qilishi davlat ulushini sudning qarori asosida sotishda yuzaga keladigan munosabatlarga tatbiq etilmaydi.

2. Ushbu Nizomning maqsadlari uchun quyidagi asosiy tushunchalardan foydalaniladi:

jamiyat — ustav fondida (ustav kapitalida) davlatning ulushi boʻlgan masʼuliyati cheklangan jamiyat;

davlat ulushi savdolari (savdolar) — sotuvchi yoki auksion va tanlovlarni tashkil etish shu jumladan Oʻzbekiston Respublikasi Vazirlar Mahkamasi tomonidan belgilangan tartibda elektron shaklda oʻtkaziladigan va oʻtkazish boʻyicha xizmatlar koʻrsatuvchi ixtisoslashtirilgan tashkilot tomonidan davlat ulushini sotish boʻyicha tashkil etiladigan savdolar;

savdolar tashkilotchisi — sotuvchi yoxud sotuvchi bilan tuzilgan shartnomaga asosan “E-auksion” elektron savdo platformasida auksion va tanlovlarni tashkil etish va oʻtkazish boʻyicha xizmatlar koʻrsatuvchi ixtisoslashtirilgan tashkilot (bundan buyon matnda ixtisoslashtirilgan tashkilot deb yuritiladi);

talabgor — savdolarda oʻzining qatnashish niyati toʻgʻrisida ariza bergan nodavlat yuridik yoki jismoniy shaxs (Oʻzbekiston Respublikasining rezidenti va norezidenti);

qatnashchi — auksion yoki tanlovda qatnashishga qoʻyilgan talabgor yoki uning vakolatli vakili;

vakolatli vakil — qatnashchi (talabgor) tomonidan ishonchnomaga asosan auksion, tanlov yoki toʻgʻridan-toʻgʻri muzokaralarda qatnashish vakolati berilgan shaxs;

sotuvchi — Davlat aktivlarini boshqarish agentligi (keyingi oʻrinlarda — Agentlik) yoki uning hududiy boshqarmasi (keyingi oʻrinlarda — hududiy boshqarma);

xaridor — sotuvchi bilan qonun hujjatlariga muvofiq davlat ulushining oldi-sotdi shartnomasini (bundan buyon matnda oldi-sotdi shartnomasi deb yuritiladi) tuzgan nodavlat yuridik yoki jismoniy shaxs (Oʻzbekiston Respublikasi rezidentlari yoki norezidentlari);

Davlat komissiyasi — Davlat aktivlarini xususiylashtirish va xususiylashtirish jarayonlarini muvofiqlashtirish davlat komissiyasi;

Hududiy tanlov komissiyasi — tegishli ravishda Qoraqalpogʻiston Respublikasi Vazirlar Kengashining Raisi, viloyatlar va Toshkent shahar hokimlari boshqaradigan hamda tarkibiga Agentlik (tanlov komissiyasi raisining oʻrinbosari sifatida), Iqtisodiyot va moliya vazirligi, Soliq qoʻmitasi, Kadastr agentligi, Tabiat resurslari vazirligi, Qurilish va uy-joy kommunal xoʻjaligi vazirligi, Oʻzbekiston Savdo-sanoat palatasi, Sanitariya-epidemiologik osoyishtalik va jamoat salomatligi qoʻmitasi hududiy boshqarmalarining rahbarlari kiradigan tanlov komissiyasi;

tanlov — tanlov hujjatlari mezonlari va shartlariga muvofiq (har qanday nodavlat yuridik va jismoniy shaxs qatnashishi mumkin boʻlgan) qatnashchilar tomonidan taqdim etilgan eng yaxshi takliflarni tanlash orqali xaridorni aniqlash boʻyicha savdo shakli;

tanlov shartlari — tanlovni oʻtkazish tartibi, oʻtkazish joyi, taklifning narxi, qatnashchilarga qoʻyiladigan qoʻshimcha yuklamalar, investitsiyaviy va ijtimoiy majburiyatlar va talablar boʻyicha sotuvchi tomonidan belgilanadigan shartlar;

tanlov hujjatlari — davlat ulushi toʻgʻrisida, tanlov shartlari va tartib-taomillari toʻgʻrisidagi dastlabki axborotdan iborat savdo tashkilotchisi tomonidan talabgorlarga taqdim etiladigan tanlovni oʻtkazish qoidalari, tanlov takliflari shakllarini oʻz ichiga oluvchi hujjatlar toʻplami;

tanlov taklifi — tanlov hujjatlarida belgilanadigan shartlarda oldi-sotdi shartnomasini tuzish taklifi;

savdolarni oʻtkazish sanasi — auksion oʻtkazish yoki tanlov yakunlari yuzasidan xulosa chiqarish sanasi va vaqti;

sotib olish toʻlovi — sotib olinayotgan davlat ulushi uchun xaridor tomonidan milliy va (yoki) erkin ayirboshlanadigan valyutada (keyingi oʻrinlarda EAV deb ataladi) pul mablagʻlarida Davlat aktivlarini boshqarish, transformatsiya va xususiylashtirish jamgʻarmasiga bir yoʻla yoki boʻlib-boʻlib toʻlanadigan pul mablagʻlari;

investitsiyaviy majburiyatlar — davlat ulushlarini sotib olishda xaridor tomonidan jamiyatga investitsiyalarni amalga oshirish boʻyicha qabul qilinadigan pul bahosiga ega boʻlgan va qonun hujjatlariga zid boʻlmagan shakllarda amalga oshiriladigan majburiyatlar;

ijtimoiy majburiyatlar — davlat ulushlarini sotib olishda xaridor tomonidan qabul qilinadigan pul bahosiga ega boʻlmagan va qonun hujjatlariga zid boʻlmagan shakllarda amalga oshiriladigan majburiyatlar;

auksion — musobaqalashish asosida (har qanday nodavlat yuridik va jismoniy shaxs qatnashishi mumkin boʻlgan) xaridorni aniqlash shakli, bunda eng katta narxni taklif qilgan qatnashchi oldi-sotdi shartnomasini tuzish huquqiga ega boʻladi;

tanlov asosidagi auksion — auksionning sotuvchi tomonidan belgilangan mezonlar boʻyicha oldindan tanlangan maxsus taklif qilingan shaxslar qatnashishi mumkin boʻlgan turi;

boshlangʻich narx — davlat ulushini savdolarga qoʻyish uchun sotuvchi tomonidan belgilangan narx.

3. Davlat ulushini sotish sotuvchi tomonidan davlat organlarining yoki xoʻjalik boshqaruvi organlarining, jamiyatning takliflariga, nodavlat yuridik shaxslarning, shuningdek jismoniy shaxslarning buyurtmanomalariga muvofiq shakllantirilgan va belgilangan tartibda respublika mulki hisoblanganda Oʻzbekiston Respublikasi Prezidenti, Oʻzbekiston Respublikasi Vazirlar Mahkamasi yoki munitsipal mulk hisoblanganda Qoraqalpogʻiston Respublikasi Joʻqorgʻi Kengesi, xalq deputatlari viloyatlar va Toshkent shahar kengashi qarorlari bilan tasdiqlanadigan xususiylashtirish dasturlariga (jamiyatlarning roʻyxatlariga) (bundan buyon matnda xususiylashtirish dasturlari deb yuritiladi) asosan ushbu Nizomga 1-ilovaga binoan sxema boʻyicha amalga oshiriladi.

Savdolarda turgan, ilgari qabul qilingan xususiylashtirish dasturlariga muvofiq sotilayotgan davlat ulushlari mazkur davlat ulushlarini sotish muddati uzaytirilganda savdolardan olinmaydi.

Davlat ulushlarini sotish muddati va shartlarini belgilash, agar Oʻzbekiston Respublikasi Prezidentining, Oʻzbekiston Respublikasi Vazirlar Mahkamasining Davlat komissiyasi yoxud berilgan vakolatlar doirasida Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari qarorlarida boshqacha qoida belgilanmagan boʻlsa, sotuvchi tomonidan belgilanadi.

Davlat ulushlari uch oy davomida sotilmaganda (Toshkent shahri va viloyat markazlari bundan mustasno) ularning boshlangʻich bahosi, qoldiq (balans) yoki sof aktivlari qiymatidan qatʼi nazar 10 foizigacha bosqichma-bosqich 10 foizdan pasaytiriladi.

Savdolarda davlat ulushini sotib olishga uch oy mobaynida talabnoma tushmagan taqdirda, Davlat aktivlarini xususiylashtirish va xususiylashtirish jarayonlarini muvofiqlashtirish davlat komissiyasi tomonidan belgilanadigan mexanizmga asosan narx bosqichma-bosqich pasaytirib borilishi mumkin.

4. Davlat ulushlarini Oʻzbekiston Respublikasining rezidentlariga sotish Oʻzbekiston Respublikasining milliy valyutasida amalga oshiriladi.

Oʻzbekiston Respublikasining norezidentlari davlat ulushlarini EAVda yoki Oʻzbekiston Respublikasining milliy valyutasida sotib olishlari mumkin.

Oʻzbekiston Respublikasining norezidentlari davlat ulushlarini sotib olish uchun respublikaning vakolatli banklarida ochilgan xorijiy banklarning “loro” vakillik hisob raqamlaridagi milliy valyutadagi mablagʻlaridan foydalanishlari mumkin.

II. Davlat ulushlarini sotish yuzasidan tashabbus koʻrsatish

5. Davlat ulushini sotish yuzasidan davlat organi yoki xoʻjalik boshqaruvi organi, jamiyatning oʻzi, nodavlat yuridik yoki jismoniy shaxs tomonidan Agentlik yoki hududiy boshqarmaga tegishlicha takliflar yoki buyurtmanomalar berish yoʻli bilan tashabbus koʻrsatilishi mumkin.

6. Davlat organining yoki xoʻjalik boshqaruvi organining, jamiyatning oʻzining davlat ulushini sotish toʻgʻrisidagi taklifiga:

davlat organi, xoʻjalik boshqaruvi organi yoki jamiyatning oʻzining birinchi rahbari tomonidan imzolanadigan va muhr bilan tasdiqlanadigan sotishga taklif etilayotgan davlat ulushini saqlab qolish zarurati mavjud emasligi toʻgʻrisidagi xulosa;

Agentlik tomonidan belgilangan shakl boʻyicha jamiyat toʻgʻrisidagi asosiy maʼlumotlar;

jamiyatning taʼsis hujjatlari nusxalari ilova qilinadi.

7. Davlat ulushini sotish uchun buyurtmanoma:

nodavlat yuridik shaxs nomidan ushbu Nizomga 2-ilovaga binoan shakl boʻyicha rahbar yoki uning tomonidan bunga vakolat berilgan shaxs tomonidan imzolanishi lozim;

jismoniy shaxs nomidan ushbu Nizomga 3-ilovaga binoan shakl boʻyicha uning oʻzi yoki bunga vakolat berilgan shaxs tomonidan imzolanishi lozim.

8. Agentlik yoki hududiy boshqarma davlat ulushini sotish uchun qonun hujjatlarida belgilangan cheklashlar mavjud boʻlmagan taqdirda davlat ulushini sotish uchun buyurtmanomani olgandan keyin besh ish kuni ichida tegishli davlat organiga yoki xoʻjalik boshqaruvi organiga, qatnashchilarga uni sotishning maqsadga muvofiqligi toʻgʻrisidagi xulosani taqdim etish haqida soʻrovnoma yuboradi.

Davlat organining yoki xoʻjalik boshqaruvi organining birinchi rahbari tomonidan imzolangan va muhr bilan tasdiqlangan xulosa soʻrovnoma tushgan kundan boshlab besh ish kuni ichida Agentlikka yoki hududiy boshqarmaga taqdim etiladi.

Muayyan davlat ulushini davlat mulkida saqlab qolish ehtiyoji mavjud boʻlgan taqdirda Agentlik yoki hududiy boshqarma davlat ulushini sotish uchun buyurtmanoma (taklif) tushgan paytdan boshlab oʻn ish kuni ichida mazkur davlat ulushini sotish rad etilganligi haqida ariza beruvchini rad etish sabablarini koʻrsatgan holda xabardor qiladi.

9. Davlat ulushini sotish uchun buyurtmanoma (taklif) hududiy boshqarmaga tushgan taqdirda, sotishni rad etish uchun sabablar boʻlmaganda, hududiy boshqarma davlat ulushini sotish uchun buyurtmanoma (taklif) tushgan paytdan boshlab oʻn besh ish kuni ichida hududiy tanlov komissiyasi quyidagi hujjatlarni ilova qilgan holda axborot yuboradi:

jamiyatning taʼsis hujjatlari nusxalari;

jamiyatning davlat roʻyxatidan oʻtkazilganligi toʻgʻrisidagi guvohnoma nusxalari;

jamiyatning kadastr hujjatlari nusxalari;

birinchi rahbar tomonidan imzolangan va muhr bilan tasdiqlangan oxirgi uch yil uchun moliyaviy hisobotlar (1 va 2-shakllar) nusxalari;

davlat ulushi boʻyicha oxirgi uch yil ichida hisoblangan va toʻlangan (yoki toʻlanmagan) dividendlar summasi toʻgʻrisidagi maʼlumotlar;

jamiyat ustav fondidagi (ustav kapitalidagi) davlat ulushiga haqiqiy aktivlarning (asosiy vositalar 1-yanvarga har yili qayta baholangandan keyin) nisbati toʻgʻrisidagi axborot;

sotish mumkinligi toʻgʻrisidagi xulosa.

Hududiy tanlov komissiyasi davlat ulushini sotish boʻyicha arizani (taklifni) Qoraqalpogʻiston Respublikasi Joʻqorgʻi Kengesi, xalq deputatlari viloyatlar va Toshkent shahar kengashlarining xususiylashtirish toʻgʻrisida qaror qabul qilishi uchun koʻrib chiqadi.

respublika mulki boʻlgan davlat ulushi boʻyicha Oʻzbekiston Respublikasi Prezidentining yoki Oʻzbekiston Respublikasi Vazirlar Mahkamasining qarorini qabul qilish zarur boʻlgan taqdirda, hududiy boshqarma hududiy tanlov komissiyasi qarori asosida ariza (taklif) boʻyicha tegishli maʼlumotlarni, hujjatlarini ilova qilgan holda Agentlikka yuboradi.

Agentlik, zarur boʻlganda, hududiy boshqarmadan jamiyat toʻgʻrisidagi qoʻshimcha maʼlumotlar va hujjatlarni, ularni taqdim etish muddatini koʻrsatgan holda soʻrab olishi mumkin.

10. Davlat ulushini sotib olish uchun buyurtmanoma (taklif) Agentlikka kelib tushganda, sotishni rad etish uchun sabablar boʻlmagan taqdirda, buyurtmanoma (taklif) ushbu Nizomning 9-bandida koʻrsatilgan tartibda hujjatlarni rasmiylashtirish uchun hududiy organ tomonidan oʻn besh ish kuni mobaynida hududiy tanlov komissiyasiga yuboriladi.

11. Jamiyatda uning tegishli obyektlariga oid kadastr hujjatlari mavjud boʻlmaganda, koʻrsatilgan hujjatlar sotuvdan oldingi tayyorgarlik doirasida qonun hujjatlarida belgilangan tartibda tayyorlanadi.

12. Davlat ulushlarini sotish boʻyicha tushgan buyurtmanomalar (takliflar) asosida Agentlik va hududiy tanlov komissiyasi buyurtmanomalarni (takliflarni) tushishiga qarab, yiliga kamida bir marta Oʻzbekiston Respublikasi Vazirlar Mahkamasiga Oʻzbekiston Respublikasi Prezidenti yoki Oʻzbekiston Respublikasi Vazirlar Mahkamasi qarorlari boʻyicha sotiladigan davlat ulushlari boʻyicha xususiylashtirish dasturini tasdiqlash toʻgʻrisida taklif kiritadi.

Qoraqalpogʻiston Respublikasi Joʻqorgʻi Kengesi, xalq deputatlari viloyatlar va Toshkent shahar kengashlari qaroriga koʻra munitsipal mulk hisoblangan davlat ulushlarini sotish boʻyicha takliflar hududiy tanlov komissiyasi tomonidan tayyorlanadi va kelishish uchun tegishli ravishda Qoraqalpogʻiston Respublikasi Vazirlar Kengashi Raisiga, viloyatlar va Toshkent shahar hokimlariga kiritiladi.

Xususiylashtirish dasturiga kiritilgan, ustav fondlari (ustav kapitallari)dagi davlat ulushlari sotishga taklif etilayotgan jamiyatlarning roʻyxati hududlar yoki tarmoqlar boʻyicha shakllantirilishi mumkin.

Xususiylashtirish dasturi vakolati doirasida Qoraqalpogʻiston Respublikasi Joʻqorgʻi Kengesi, xalq deputatlari viloyatlar va Toshkent shahar kengashlari tomonidan yoki Oʻzbekiston Respublikasi Prezidenti, Vazirlar Mahkamasi tomonidan tasdiqlanadi;

Ustav fondlari (ustav kapitallari)dagi davlat ulushlari Oʻzbekiston Respublikasi Prezidentining qaroriga koʻra sotiladigan jamiyatlar Oʻzbekiston Respublikasi Prezidenti tomonidan tasdiqlanadigan xususiylashtirish dasturlariga kiritiladi.

13. Agar davlat ulushini sotish uchun buyurtmanomani (taklifni) koʻrib chiqish natijalariga koʻra u xususiylashtirish dasturi loyihasiga kiritilsa, Agentlik yoki hududiy boshqarma yozma shaklda bu haqdagi tegishli axborotni buyurtmanoma (taklif) tushgan paytdan boshlab bir oy muddatda ariza beruvchiga yetkazadi.

14. Davlat ulushlari jamiyat ishtirokchilari yoki jamiyatning oʻzi tomonidan jamiyat ishtirokchisining ulushini sotib olishning imtiyozli huquqini amalga oshirish tartibida sotib olinishi, yoxud qonun hujjatlari va ushbu Nizomda belgilangan tartibda auksion, tanlov orqali sotilishi mumkin.

III. Davlat ulushlarini sotishga tayyorlash

15. Tasdiqlangan xususiylashtirish dasturiga muvofiq Agentlik yoki hududiy boshqarma tomonidan Buxgalteriya hisobi milliy standartlariga muvofiq mol-mulk va moliyaviy majburiyatlarni inventarizatsiyadan oʻtkazish toʻgʻrisida jamiyatga yozma talabnoma yuboriladi.

16. Inventarizatsiyadan oʻtkazish oraliq balans tuzilgan sanadagi holati boʻyicha amalga oshiriladi, bunda balansning har bir satri tegishli xatlov roʻyxatlari bilan tasdiqlanishi lozim.

17. Davlat ulushini xususiylashtirishga tayyorlashda jamiyat rahbari tomonidan quyidagi hujjatlar taqdim etiladi:

Agentlik tomonidan belgilangan shaklga muvofiq, jamiyat rahbari tomonidan tasdiqlangan asosiy vositalarni inventarizatsiyadan oʻtkazish dalolatnomalari;

koʻchmas mulkka va yer uchastkalariga boʻlgan huquqni tasdiqlovchi hujjatlar;

jamiyat rahbari tomonidan tasdiqlangan ishlab chiqarish (xizmat koʻrsatish), tarkibiy boʻlinmalari va kommunikatsiya tarmoqlari toʻgʻrisidagi maʼlumotlar;

korxonadagi ishlab chiqarish jarayonining texnologik va ekologik xususiyatlaridan kelib chiqqan holda oʻtkazilgan auditorlik xulosalari, shuningdek korxonaning tashkiliy-huquqiy jihatdan kompleks tahliliy hisoboti;

jamiyatning moliyaviy hisobotlari va oʻtgan hisobot yili natijalari toʻgʻrisidagi auditorlik xulosasi;

davlat ulushini xususiylashtirishning tanlangan usuliga muvofiq boshqa hujjatlar.

18. Jamiyat tomonidan taqdim etilgan hujjatlar koʻrib chiqilgandan keyin bir hafta muddatda Agentlik yoki hududiy boshqarma:

tayyorlangan hujjatlarda jiddiy kamchiliklar boʻlganda, ularni qaytarish sabablarini koʻrsatgan holda va ularni takroriy taqdim etishning ular qaytarilgan paytdan boshlab oʻn ish kunidan oshmaydigan muddatini belgilagan holda puxtalashtirish uchun jamiyatga qaytaradi;

taqdim qilingan hujjatlar ushbu Nizomning 17-bandiga muvofiq boʻlganda baholovchi tashkilot bilan qonun hujjatlarida belgilangan tartibda sotiladigan davlat ulushini baholashdan oʻtkazish uchun shartnoma tuzadi.

19. Savdoga qoʻyishda davlat ulushining boshlangʻich narxi sotuvchi tomonidan baholovchi tashkilotning ulush qiymatini baholash toʻgʻrisidagi hisobotida hamda baholash toʻgʻrisidagi hisobotning ishonchliligini ekspertizadan oʻtkazish natijalari toʻgʻrisidagi ekspert xulosasida aniqlangan miqdorda belgilanadi.

Bunda, quyidagi holatlarda baholash hisobotlari haqqoniyligini majburiy ekspertizadan oʻtkazish talab etilmaydi:

davlat ulushini baholash xalqaro nufuzga ega auditorlik kompaniyalarining Oʻzbekistonda belgilangan tartibda faoliyat yuritayotgan shuʼba korxonalari tomonidan amalga oshirilganda;

davlat ulushi “E-auksion” elektron savdo platformasidagi auksion savdolariga chiqarilganda.

20. Davlat ulushini sotish usuli, muddatlari va shartlari, agar Oʻzbekiston Respublikasi Prezidentining, Oʻzbekiston Respublikasi Vazirlar Mahkamasining yoxud Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlarining vakolatlari doirasida qabul qilingan qarorlarida boshqacha qoida belgilanmagan boʻlsa, sotuvchi tomonidan belgilanadi.

21. Savdolarni tashkil etish va oʻtkazish ixtisoslashtirilgan tashkilot tomonidan uning mablagʻlari hisobiga amalga oshiriladi, agar sotuvchi va ixtisoslashtirilgan tashkilot oʻrtasida tuziladigan shartnomada boshqacha qoida belgilanmagan boʻlsa.

Davlat ulushlari sotuvchining oʻzi tomonidan sotiladigan hollarda sotuvchi ham savdolar tashkilotchisi sifatida qatnashishi mumkin.

IV. Davlat ulushining jamiyat qatnashchilari yoki jamiyatning oʻzi tomonidan sotib olinishi

22. Davlat ulushining boshlangʻich narxi belgilangandan keyin Agentlik yoki hududiy boshqarma jamiyat qatnashchilarini va jamiyatning oʻzini (tilxat olgan holda yoxud pochta boʻyicha topshirilganligi haqidagi xabarnoma bilan buyurtma xat yuborgan holda) mazkur jamiyatning ustav fondidagi (ustav kapitalidagi) davlat ulushini sotish niyati toʻgʻrisida yozma ravishda xabardor qiladi.

Jamiyatning yoxud uning qatnashchilarining ijobiy javobi olingan taqdirda davlat ulushini sotish oldi-sotdi shartnomasini tuzish orqali ushbu Nizomning 19-bandiga muvofiq sotuvchi tomonidan belgilangan narx boʻyicha amalga oshiriladi.

23. Jamiyatning bir nechta qatnashchilari davlat ulushini sotib olishga qiziqish bildirgan taqdirda Agentlik yoki hududiy boshqarma davlat ulushini ushbu qatnashchilarga ularning jamiyat ustav fondidagi (ustav kapitalidagi) ulushlari miqdoriga mos ravishda sotadi.

24. Jamiyat qatnashchilari va jamiyatning oʻzi davlat ulushini sotib olishni rad etgan yoxud Agentlik yoki hududiy boshqarmaning xatiga jamiyat xabardor qilingan kundan boshlab bir oy ichida javob boʻlmagan taqdirda, basharti jamiyat ustavida yoki jamiyat qatnashchilarining kelishuvida boshqacha qoida nazarda tutilmagan boʻlsa, davlat ulushi ushbu Nizomda belgilangan tartibda savdolarda sotilishi mumkin. Agentlik yoki hududiy organ davlat ulushini savdolarga qoʻyish toʻgʻrisida buyruq chiqaradi, unda davlat ulushining boshlangʻich narxini, sotish shartlari va savdolar turini tasdiqlaydi.

25. Davlat ulushini savdolarga qoʻyish toʻgʻrisidagi buyruq qabul qilingandan va davlat ulushi savdolarga qoʻyilishi toʻgʻrisida tegishli xabarnoma ommaviy axborot vositalarida chop etilgandan keyin, mazkur davlat ulushi qayta baholanmaydi.

V. Davlat ulushlarini auksionda sotish

26. Auksionni oʻtkazish uchun sotuvchi:

ixtisoslashtirilgan tashkilot bilan davlat ulushini sotish boʻyicha auksionni tashkil etish yuzasidan xizmatlar koʻrsatishga shartnoma tuzadi, unda shartnoma taraflarning rekvizitlari, shartnoma predmeti, ixtisoslashtirilgan tashkilot hamda sotuvchining huquq va majburiyatlari, shu jumladan savdolar tashkilotchisini zarur hujjatlar va sotilayotgan davlat ulushi toʻgʻrisidagi axborot bilan taʼminlash, taraflarning oʻzaro hisob-kitoblari tartibi va javobgarligi, qonun hujjatlariga muvofiq boshqa shartlar boʻlishi lozim;

auksionning sanasi va turini belgilaydi;

oʻzining rasmiy veb-saytida auksion oʻtkazilishi toʻgʻrisidagi xabarnomani (bundan buyon matnda auksion toʻgʻrisidagi xabarnoma deb yuritiladi) chop etadi (tanlov asosidagi auksionlar oʻtkazish hollaridan tashqari);

261. Davlat ulushini “E-auksion” elektron savdo platformasida sotishda auksion hayʼati tashkil etilmaydi.

27. Ixtisoslashtirilgan tashkilot, sotuvchi bilan tuzilgan shartnomaga va sotuvchining boshqa farmoyish beruvchi hujjatlariga muvofiq:

auksionda qatnashishga buyurtmanomalar berish muddatini belgilaydi;

auksion oʻtkazilishidan kamida oʻttiz kun oldin oʻzining va sotuvchining rasmiy veb-saytida auksion toʻgʻrisidagi xabarnomani eʼlon qiladi, bunda bayram va dam olish kunlarida savdolar oʻtkazilmaydi, savdo bayram va dam olish kunlariga toʻgʻri kelgan taqdirda, navbatdagi ish kunida oʻtkaziladi;

qonun hujjatlarida belgilangan tartibda sotilayotgan davlat ulushi toʻgʻrisidagi axborotni oshkor qiladi;

talabgorlarning auksionda qatnashishga buyurtmanomalarini roʻyxatdan oʻtkazadi;

tanlov asosidagi auksion oʻtkazilishi toʻgʻrisidagi xabarnomalarni (bundan buyon matnda tanlov asosidagi auksion toʻgʻrisidagi xabarnoma deb yuritiladi) yuboradi va mazkur xabarnomada koʻrsatilgan nodavlat yuridik va jismoniy shaxslardan buyurtmanomalar oladi;

talabgorlarni taqdim etiladigan hujjatlarning namunalari bilan taʼminlaydi va ularni rasmiylashtirishda yordam beradi;

ushbu Nizomga muvofiq talabgorlar sonidan auksion qatnashchilari roʻyxatini shakllantiradi;

auksion qatnashchilariga qatnashchining tartib raqami koʻrsatilgan chiptani va maxsus raqamli belgini beradi;

auksion toʻgʻrisidagi xabarnoma chop etilgan paytdan boshlab nodavlat yuridik va jismoniy shaxslarga ularning soʻrovnomalari boʻyicha auksionga qoʻyilgan davlat ulushi toʻgʻrisida qoʻshimcha axborot beradi;

auksion yakunlari toʻgʻrisidagi axborot chop etilishini amalga oshiradi, u auksion oʻtkazilgan kundan boshlab oʻttiz kun ichida ilgari auksion toʻgʻrisidagi xabarnoma chop etilgan aynan oʻsha ommaviy axborot vositalarida chop etiladi;

tuzilgan shartnomaga muvofiq boshqa funksiyalarni bajaradi.

28. Auksion toʻgʻrisidagi (tanlov asosidagi auksion toʻgʻrisidagi) xabarnoma quyidagi maʼlumotlarni oʻz ichiga olishi lozim:

savdolar tashkilotchisining nomi va pochta manzili, uning aloqa telefoni, telefaksi, elektron pochta manzili;

auksionga qoʻyilgan davlat ulushlarining miqdori;

sotilayotgan davlat ulushining boshlangʻich narxi;

jamiyatning nomi, uning joylashgan joyi, faoliyati sohasi;

auksion oʻtkaziladigan sana, vaqt va joy;

oldi-sotdi shartnomasi tuzilishining cheklangan muddati;

garovga qoʻyish miqdori, muddati va tartibi, uni qoʻyish uchun bank rekvizitlari;

buyurtmanomalarni qabul qilishning oxirgi muddati (kun va soat koʻrsatilgan holda);

qoʻshimcha axborot olish mumkin boʻlgan manzil va aloqa telefoni.

29. Tanlov asosidagi auksionni oʻtkazishda sotuvchi uning talablariga mos keladigan nodavlat yuridik va jismoniy shaxslar roʻyxatini oldindan aniqlaydi, ixtisoslashtirilgan tashkilot ularga tanlov asosidagi auksion toʻgʻrisidagi xabarnomani auksion boshlanishidan kamida oʻttiz kun oldin yuboradi. Tanlov asosidagi auksion toʻgʻrisidagi xabarnoma ommaviy axborot vositalarida chop etilmaydi va auksion taklif etilgan nodavlat yuridik va jismoniy shaxslar oʻrtasida oʻtkaziladi.

30. Auksionda qatnashish uchun talabgor majburiyatlarni bajarish taʼminoti sifatida qonunchilikda belgilangan miqdorda zakalat toʻlashi lozim.

31. “E-auksion” elektron savdo platformasida qatnashish uchun talabnomani qabul qilish, auksionni oʻtkazish, gʻolibni aniqlash va auksion natijalarini rasmiylashtirish qonunchilikda belgilangan tartibda amalga oshiriladi.

36. Auksionda qatnashishga savdolar tashkilotchisi tomonidan buyurtmanomalari qabul qilingan talabgorlarga ruxsat etiladi.

40. Davlat ulushlarini sotish boʻyicha auksionlar davlat ulushining boshlangʻich narxi qadamba-qadam oshirilgan tarzda savdolashish tarzida oʻtkaziladi.

46. Auksionlar birinchi auksion oʻtkazilgan sanadan eʼtiboran ikki oy mobaynida har oʻn kunda bir marotaba oʻtkaziladi.

VI. Davlat ulushlarini tanlovda sotish

47. Tanlovni oʻtkazish uchun sotuvchi:

davlat ulushlarini sotish boʻyicha tanlovni tashkil etish yuzasidan xizmatlar koʻrsatishga ixtisoslashtirilgan tashkilot bilan shartnoma tuzadi, unda shartnoma taraflarining rekvizitlari, shartnoma predmeti, savdolar tashkilotchisi va sotuvchining huquq va majburiyatlari, shu jumladan savdolar tashkilotchisini zarur hujjatlar va sotilayotgan davlat ulushi toʻgʻrisidagi axborot bilan taʼminlash, taraflarning oʻzaro hisob-kitoblari tartibi va javobgarligi, qonun hujjatlariga muvofiq boshqa shartlar boʻlishi lozim;

tanlov sanasi, shartlari va turini belgilaydi;

oʻzining rasmiy veb-saytida tanlov oʻtkazilishi toʻgʻrisidagi xabarnomani (bundan buyon matnda tanlov toʻgʻrisidagi xabarnoma deb yuritiladi) chop etadi;

471. Davlat ulushini “E-auksion” elektron savdo platformasida sotishda tanlov hayʼati tashkil etilmaydi;

“E-auksion” elektron savdo platformasida qatnashish uchun talabnomani qabul qilish, tanlovni oʻtkazish, gʻolibni aniqlash va tanlov natijalarini rasmiylashtirish qonunchilikda belgilangan tartibda amalga oshiriladi.

49. Ixtisoslashtirilgan tashkilot sotuvchi bilan tuzilgan shartnomaga va sotuvchining farmoyish beruvchi hujjatlariga muvofiq:

sotish uchun qoʻyilayotgan davlat ulushi, jamiyat toʻgʻrisidagi axborotni qonun hujjatlarida belgilangan tartibda oshkor etadi;

ilgari tanlov toʻgʻrisidagi xabarnoma chop etilgan aynan oʻsha ommaviy axborot vositalarida tanlov yakunlari haqidagi axborotni tanlov oʻtkazilgan kundan boshlab oʻttiz kun ichida chop etadi;

tuzilgan shartnomaga muvofiq boshqa funksiyalarni bajaradi.

50. Tanlov toʻgʻrisidagi xabarnoma quyidagi maʼlumotlarni oʻz ichiga olishi lozim:

savdolar tashkilotchisining nomi va pochta manzili, aloqa telefoni, telefaksi, elektron pochta manzili;

tanlovga qoʻyilgan davlat ulushining miqdori;

sotilayotgan davlat ulushining boshlangʻich narxi;

investitsiyaviy majburiyatlarning (kiritish shakli va shartlari yoyib koʻrsatilgan holda) va ijtimoiy majburiyatlarning eng kam hajmi;

mavjud qoʻshimcha yuklamalar toʻgʻrisidagi axborot;

jamiyatning nomi, uning joylashgan joyi, faoliyati sohasi;

talabgorlarning takliflari bildirilgan konvertlarni ochish sanasi, vaqti va joyi;

tanlov oʻtkazish sanasi, vaqti va joyi;

davlat ulushining oldi-sotdi shartnomasini (bundan buyon matnda oldi-sotdi shartnomasi deb yuritiladi) tuzishning cheklangan muddati;

zakalat qoʻyish miqdori, muddati va tartibi, uni qoʻyish uchun bank rekvizitlari;

buyurtmanomalarni qabul qilishning oxirgi muddati (kun va soat koʻrsatilgan holda);

tanlov hujjati va qoʻshimcha axborotni olish mumkin boʻlgan manzil.

52. Auksionda qatnashish uchun talabgor majburiyatlarning bajarilishini taʼminlash sifatida qonunchilikda belgilangan miqdorda zakalat toʻlashi shart.

63. Tanlov takliflarini baholash va tanlov gʻolibini aniqlash quyidagi formula boʻyicha amalga oshiriladi:

TT = (T*0,8)+(I*0,2), bunda:

TT — qatnashchining tanlov taklifi;

T — davlat ulushi uchun sotib olish toʻlovi summasi boʻyicha qatnashchining taklifi;

I — investitsiyaviy majburiyatlar miqdori boʻyicha qatnashchining taklifi.

65. Tanlovlar birinchi tanlov oʻtkazilgan sanadan eʼtiboran bir oy mobaynida har oʻn ish kunida bir marta davriylikda oʻtkaziladi.

VIII. Auksion va tanlov natijalarini rasmiylashtirish

67. “E-auksion” elektron savdo platformasida onlayn-auksion savdolari yakuni boʻyicha xaridorlar bilan oldi-sotdi shartnomalari savdo natijasi boʻyicha bayonnoma asosida elektron shaklda (shu jumladan, elektron raqamli imzo orqali) rasmiylashtiriladi.

68. Gʻolib oldi-sotdi shartnomasini imzolashdan bosh tortgan yoki rad etgan taqdirda:

sotuvchi auksion gʻolibi tomonidan taklif etilgan narxdan bir bosqich past narxni taklif etgan auksion qatnashchisi bilan shartnoma tuzishni taklif qiladi.

sotuvchi taklifi tanlov shartlariga eng koʻp muvofiq boʻlgan tanlovning boshqa qatnashchisi bilan shartnoma tuzishni taklif qiladi.

Agar ushbu qatnashchi ham oldi-sotdi shartnomasini imzolashni rad etsa, auksion yoki tanlov natijalari bekor qilinadi.

Oldi-sotdi shartnomasini imzolashdan bosh tortayotgan yoki rad etayotgan auksion yoki tanlov gʻolibiga uning toʻlagan zakalat summasi qaytarilmaydi.

69. Auksion yoki tanlov gʻolibi oldi-sotdi shartnomasini imzolashdan va davlat ulushini sotib olish boʻyicha, shuningdek kelishuv va auksion yoki tanlov jarayonini buzuvchi boshqa xatti-harakatlarda qatnashish oldi-sotdi shartnomasi shartlarini bajarishdan bosh tortgan yoki rad etgan taqdirda, u kelgusida mazkur davlat ulushini sotish boʻyicha navbatdagi savdolarda qatnashishi mumkin emas.

X. Davlat ulushlarining oldi-sotdi shartnomalarini tuzish

77. Bayonnoma imzolangandan keyin yigirma kundan kechikmay, agar auksion (tanlov) toʻgʻrisidagi xabarnomada boshqacha muddat belgilanmagan boʻlsa, auksion (tanlov) gʻolibi (qatnashchi) tomonidan oferta shartlariga eng koʻp javob beradigan talabgor bilan ERI orqali imzolanadigan elektron oldi-sotdi shartnomasi tuziladi.

Auksion (tanlov) oʻtkazish natijalari boʻyicha oldi-sotdi shartnomasi bir tarafdan sotuvchi va boshqa tarafdan gʻolib (qatnashchi) yoki talabgor oʻrtasida manfaatdor tarafning — balansda saqlovchining ishtirokida tuziladi.

Oldi-sotdi shartnomalarini roʻyxatdan oʻtkazish sotuvchi tomonidan amalga oshiriladi.

78. Oldi-sotdi shartnomasida quyidagi maʼlumotlar va shartlar aks ettirilishi kerak:

taraflarning nomi va manzillari;

oldi-sotdi shartnomasini tuzish uchun asoslar;

sotib olish toʻlovining miqdori, valyutasi, amalga oshirish shartlari, tartibi va muddatlari;

taraflarning majburiyatlari, jumladan sotilgan davlat ulushiga boʻlgan mulk huquqining sotuvchidan xaridorga oʻtishi shartlari, tartibi va ketma-ketligi, shu jumladan mulk huquqini tasdiqlovchi sertifikatni berish;

oldi-sotdi shartnomasi boʻyicha qabul qilinadigan majburiyatlarni oʻz vaqtida bajarmaganlik va (yoki) bajarmaganlik uchun javobgarlik, jarima miqdori va toʻlash shartlari;

nizolarni hal qilish tartibi, yuzaga keladigan nizolar va daʼvolarga nisbatan, birinchi navbatda mediatsiya tartib-taomilini amalga oshirish, oldi-sotdi shartnomasini bekor qilish shartlari, qoʻllanadigan huquq, fors-major holatlarini aniqlash va bunday holatda harakat qilish tartibi, tili, nusxalar soni, oldi-sotdi shartnomasiga oʻzgartirishlar va qoʻshimchalar kiritish shartlari, uning kuchga kirishi;

taraflarning kafolatlari tarzidagi ilovalar.

Oldi-sotdi shartnomasida zarur boʻlgan quyidagilar koʻrsatilishi mumkin:

xaridor tomonidan qabul qilinadigan investitsiyaviy majburiyatlar va ijtimoiy majburiyatlarning hajmi (pul ifodasida), umumiy mazmuni, amalga oshirish shartlari, ketma-ketligi va muddatlari;

toʻlovlar boʻlib-boʻlib toʻlanayotgan va investitsiyaviy va (yoki) ijtimoiy majburiyatlar bajarilayotgan davrda sotilayotgan davlat ulushidan xaridor tomonidan foydalanish shartlari;

xaridor tomonidan sotuvchi bilan kelishish uchun investitsiyaviy majburiyatlar va ijtimoiy majburiyatlarni amalga oshirishning batafsil dasturini (reja-jadvalini) tayyorlash va taqdim etish, ularning bajarilishi monitoringini olib borish muddati;

xaridor tomonidan investitsiyaviy majburiyatlar va ijtimoiy majburiyatlar asosiy bandlarining bajarilishi mazmunining taʼrifi, muddatlari, ular amalga oshirilganligi faktini tasdiqlash tartibi va shartlari.

79. Agentlik, hududiy boshqarma tomonidan sotib olish toʻlovlarining tushishi, xaridor tomonidan investitsiyaviy majburiyatlar va ijtimoiy majburiyatlarning soʻzsiz bajarilishi va ularning muddatlari yuzasidan doimiy monitoring amalga oshiriladi.

80. Xaridor bilan tuzilgan oldi-sotdi shartnomasi bekor qilingan taqdirda, u sotib olish toʻlovlarini chet el valyutasida amalga oshirgan boʻlsa, qaytarilishi lozim boʻlgan mablagʻlar tegishli jarima ushlab qolingandan keyin xaridor bilan kelishgan holda pul oʻtkazish sanasidagi kurs boʻyicha xaridor tomonidan koʻrsatilgan bank hisob raqamiga Oʻzbekiston Respublikasining milliy valyutasida oʻtkazib berilishi mumkin.

81. Baholangan narxidan past qiymatida sotilgan davlat ulushlarining savdolari yakunlari bekor qilingan yoki oldi-sotdi shartnomalari bekor qilingan yoxud haqiqiy emas deb topilgan taqdirda, agar ularni savdoga qoʻyish va oldi-sotdi shartnomasi bekor qilish (haqiqiy emas deb topish) sanasi orasidagi muddat bir yildan oshmagan boʻlganda shakllangan narxi boʻyicha, baholangan narxidan baland qiymatida sotilganda oxirgi savdolarga chiqarilgan narx boʻyicha — agar savdoga qoʻyish va shartnomalarni bekor qilish yoxud haqiqiy emas deb topish sanasi orasidagi muddat bir yildan oshmagan boʻlsa, amalga oshiriladi.

Bunda davlat ulushi ushbu Nizomning V va VI boʻlimlariga muvofiq tegishli ravishda aynan oʻsha turdagi savdolarga qoʻyiladi.

82. Savdoga qoʻyish va oldi-sotdi shartnomalarni bekor qilish yoxud haqiqiy emas deb topish sanasi oʻrtasidagi muddat bir yildan ortiq boʻlgan taqdirda davlat ulushi belgilangan tartibda takroran baholashdan keyin savdoga qoʻyiladi.

XI. Davlat ulushini sotish yakunlari boʻyicha hisob-kitob qilish va huquqni belgilovchi hujjatlarni rasmiylashtirish

83. Oldi-sotdi shartnomasini tuzgandan keyin xaridor yoki uning vakolatli vakili tuzilgan oldi-sotdi shartnomasining shartlariga muvofiq sotib olish toʻlovlarini amalga oshiradi hamda investitsiyaviy va ijtimoiy majburiyatlarni bajaradi. Bunda auksion yoki tanlovda yutib chiqilgan taqdirda gʻolib tomonidan toʻlangan zakalat sotib olish toʻlovlari summasiga qoʻshiladi, savdolarning qolgan qatnashchilariga esa toʻlagan zakalati besh bank kuni ichida qaytariladi.

84. Davlat ulushlarini sotib olish toʻlovlarini toʻlash muddati sotuvchi tomonidan belgilanadi, biroq u, agar Oʻzbekiston Respublikasi Prezidentining yoki Oʻzbekiston Respublikasi Vazirlar Mahkamasining yoxud Davlat komissiyasining qarorlarida boshqacha qoida belgilanmagan boʻlsa, oldi-sotdi shartnomasi kuchga kirgan kundan boshlab uch yildan oshishi mumkin emas.

Investitsiyaviy majburiyatlarni bajarish muddati besh yildan oshmasligi kerak, Oʻzbekiston Respublikasi Prezidentining, Oʻzbekiston Respublikasi Vazirlar Mahkamasining yoki Davlat komissiyasining alohida qarorlari boʻyicha davlat ulushlarini sotish hollari bundan mustasno.

Sotib olish toʻlovlari Davlat aktivlarini boshqarish, transformatsiya va xususiylashtirish jamgʻarmasiga bir yoʻla yoki boʻlib-boʻlib toʻlanadi.

Davlat ulushlarini boʻlib-boʻlib toʻlash sharti bilan sotish boʻyicha oldi-sotdi shartnomasi tuzilgan kundan boshlab bir oy ichida xaridor tomonidan sotib olish toʻlovlarining 35 foizi miqdoridagi hamda 4 va 5-toifadagi tumanlarda joylashgan masʼuliyati cheklangan jamiyatlarning davlat ulushlarini sotib olgan xaridorlarga, shuningdek, ushbu toifadagi hududda faoliyat yuritayotgan “AA” va undan yuqori toifadagi tadbirkorlik subyektlariga 35 foizdan kam boʻlgan (zakalat toʻlovini inobatga olgan holda) dastlabki toʻlov amalga oshirilgan taqdirda, xaridorga sotib olish toʻlovlarini foizsiz boʻlib-boʻlib toʻlash huquqi beriladi.

Agar dastlabki toʻlov summasi ushbu bandning toʻrtinchi xatboshisida nazarda tutilgan foizlardan (miqdorlardan) kam boʻlgan holatda, bir oylik muddat tugagan kundan keyingi kundan boshlab qolgan summaga har bir kun uchun Markaziy bankning asosiy stavkasi miqdorida yillik foizidan kelib chiqqan holda, quyidagi formula boʻyicha kunlik foizlar hisoblanadi.

Fd=Qd*(MBd/365)*Kd

Bunda:

Fd — toʻlov grafigi boʻyicha toʻlovni amalga oshirish davri uchun hisoblangan foizlar;

D — toʻlov grafigi boʻyicha toʻlovni amalga oshirish davri tartib raqami;

Qd — toʻlov grafigi boʻyicha toʻlovni amalga oshirish davridagi sotib olish toʻlovlari qoldigʻi;

MBd — Markaziy bankning foiz hisoblanayotgan davr uchun amalda boʻlgan asosiy foiz stavkalari. Bunda toʻlov grafigidagi hisobga olinayotgan kunlar uchun bir nechta asosiy foiz stavkalari amalda boʻlsa, foiz miqdorlari tegishli kunlarga mos ravishda asosiy foiz stavkasi oʻzgartirilgan holda alohida-alohida hisoblanib, toʻlov grafigidagi davr uchun jamlanadi;

Kd — toʻlov grafigi boʻyicha toʻlovni amalga oshirish davrlari oraligʻidagi kunlar soni, bunda birinchi davr uchun kunlar soni oldi-sotdi shartnomasi tuzilgan sanadan keyingi kundan boshlab hisoblanadi.

Markaziy bankning asosiy stavkasi miqdorida yillik foizlar hisoblanadigan shartnomalar boʻyicha muddatida toʻlanmagan foizlar uchun xaridordan penya undirish nazarda tutilmaydi.

Bunda, hisoblangan foizlar shartnomada belgilangan toʻlov grafigi boʻyicha har bir toʻlovni amalga oshirishning oxirgi muddatida toʻlanmagan taqdirda, toʻlov grafigi boʻyicha keyingi amalga oshirilgan toʻlov birinchi navbatda oldingi davr uchun hisoblangan foizlarni soʻndirishga yoʻnaltiriladi.

Xaridor sotilgan davlat ulushi uchun sotib olish toʻlovini muddatidan oldin toʻlashga haqli.

85. Davlat ulushlari xaridorning chegirmani berish haqidagi yozma (elektron) arizasiga muvofiq, sotib olish toʻlovlari bir oy muddatda toʻlanishini nazarda tutuvchi oldi-sotdi shartnomasi tuzilib, xarid toʻlovlari shartnoma tuzilgan kundan boshlab bir oy davomida toʻlangan taqdirda, xaridorga xarid summasidan mazkur shartnoma tuzilgan sanada kuchda boʻlgan Oʻzbekiston Respublikasi Markaziy bankining asosiy stavkasi miqdorida chegirma beriladi, bundan chegirma qoʻllanilmaslik sharti bilan sotilgan, shuningdek boshlangʻich narxi pasaytirilgan holda sotilgan davlat ulushlari mustasno.

Bunda xaridorga sotib olish toʻlovlarini mazkur chegirmani qoʻllagan holda toʻlash imkoni beriladi.

86. Investitsiyaviy va (yoki) ijtimoiy majburiyatlarsiz hamda sotib olish toʻlovlarini bir yoʻla toʻlash sharti bilan sotilgan davlat ulushlari boʻyicha sotib olish toʻlovlari toʻliq hajmda tushgan kundan boshlab oʻn ish kuni ichida sotuvchi:

davlat ulushi sotilganligi toʻgʻrisida jamiyatni xabardor qiladi;

xaridorga davlat xizmatlari markazlari va (yoki) Yagona interaktiv davlat xizmatlari portali (keyingi oʻrinlarda — YIDXP) orqali elektron shakl boʻyicha QR-kod qoʻyilgan holda jamiyat ustav fondidagi ulushga boʻlgan mulk huquqini tasdiqlovchi orderni (bundan buyon matnda order deb yuritiladi) beradi, u jamiyat ustaviga tegishli oʻzgartirishlar roʻyxatdan oʻtkazilgan paytgacha xaridorga jamiyatni boshqarishda qatnashish huquqini tasdiqlaydi.

87. Sotib olish toʻlovlarini boʻlib-boʻlib toʻlash va xaridor tomonidan investitsiyaviy va (yoki) ijtimoiy majburiyatlar qabul qilish sharti bilan sotilgan davlat ulushlari boʻyicha (davlat ulushi jamiyatning oʻziga sotilgan holatlar bundan mustasno) oldi-sotdi shartnomalari doirasida xaridor tomonidan sotib olish toʻlovlari qisman amalga oshirilgan kundan boshlab oʻn ish kuni ichida sotuvchi:

davlat ulushi sotilganligi toʻgʻrisida jamiyatni xabardor qiladi;

xaridorga oldi-sotdi shartnomasi boʻyicha barcha majburiyatlar, jumladan sotib olish toʻlovlari va penya (yuzaga kelgan taqdirda) toʻliq amalga oshirilgunga hamda investitsiyaviy va (yoki) ijtimoiy majburiyatlar toʻliq bajarilgunga qadar ulush qiymatining toʻlangan qismiga mutanosib ravishda jamiyat boshqaruvida ishtirok etish va dividendlar olish huquqi asosida Davlat xizmatlari markazlari va (yoki) YIDXP orqali QR-kod qoʻyilgan holda “tasarruf etish huquqisiz” orderni beradi.

88. Xaridor tomonidan oldi-sotdi shartnomasi boʻyicha barcha majburiyatlar, jumladan sotib olish toʻlovlari va penya (yuzaga kelgan taqdirda) toʻliq amalga oshirilib hamda investitsiyaviy va (yoki) ijtimoiy majburiyatlar toʻliq bajarilgandan soʻng va ular belgilangan tartibda sotuvchi tomonidan qabul qilingandan keyin xaridor sotib olingan davlat ulushiga nisbatan mulk huquqiga ega boʻladi.

Bunda xaridor Davlat xizmatlari markazlari va (yoki) YIDXP orqali ariza bergan kundan boshlab besh ish kunidan kechikmagan muddatda unga avval berilgan elektron shakldagi mulk huquqini tasdiqlovchi “tasarruf etish huquqisiz” orderga QR-kod qoʻyilgan holda “tasarruf etish huquqi bilan” belgisi qoʻyiladi.

881. Davlat ulushi belgilangan tartibda jamiyatning oʻziga sotilgan taqdirda, jamiyat tomonidan sotib olish toʻlovlari va penya (yuzaga kelgan taqdirda) toʻliq amalga oshirilib hamda oldi-sotdi shartnomasi boʻyicha barcha majburiyatlar, jumladan investitsiyaviy va (yoki) ijtimoiy majburiyatlar (mavjud boʻlgan taqdirda) belgilangan tartibda toʻliq bajarilgan deb eʼtirof etilgan kundan oʻn ish kuni ichida jamiyatga order beriladi.

89. Elektron shakldagi mulk huquqini tasdiqlovchi order davlat xizmatlari markazlari va (yoki) YIDXP orqali QR-kod qoʻyilgan holda tayyorlanadi, tartib raqamiga ega boʻladi va qatʼiy hisobda turadigan hujjat hisoblanadi.

91. Maxsus qogʻozda berilgan sertifikat blankasi yoʻqolganda uning dublikati elektron shaklda QR-kod qoʻyilgan holda davlat xizmatlari markazlari va (yoki) YIDXP orqali tegishli arizaga asosan ikki hafta ichida order beriladi.

Dublikat berish toʻgʻrisidagi arizaga davlat xizmatlari markazidan hujjat topilmaganligi haqida maʼlumotnoma ilova qilinadi.

Sertifikat dublikati berilgandan soʻng Agentlik yoki hududiy boshqarma besh ish kunidan koʻp boʻlmagan muddatda davriy bosma nashrda yoʻqolgan sertifikatning haqiqiy emasligi toʻgʻrisida eʼlon beradi.

XII. Jamiyat ijro etuvchi organining huquqlari va majburiyatlari

92. Jamiyatning ijro etuvchi organi sotilgan davlat ulushiga huquqni belgilovchi hujjatlar xaridor tomonidan taqdim etilgan kundan boshlab qonun hujjatlarida belgilangan muddat mobaynida taʼsis hujjatlariga tegishli oʻzgartirishlar kiritilishini va ularning belgilangan tartibda roʻyxatdan oʻtkazilishini taʼminlashi shart.

93. Investitsiyaviy majburiyatlar bilan birgalikda oldi-sotdi shartnomasi tuzilgandan keyin oʻn kun muddatda xaridor va jamiyatning ijro etuvchi organi xaridor tomonidan kiritiladigan investitsiyalardan foydalanish toʻgʻrisidagi shartnomani tuzishlari shart, unda quyidagilar boʻlishi lozim:

investitsiyaviy majburiyatlar hisobiga kiritilgan mablagʻlardan maqsadli foydalanish shartlari;

investitsiyaviy majburiyatlar hisobiga kiritilgan xom ashyo va materiallar, ehtiyot qismlardan va texnik qayta jihozlash va ishlab chiqarishni modernizatsiyalash uchun butlovchi qismlardan maqsadli foydalanish shartlari;

investitsiyalar kiritishning pulli yoki bepul xususiyati shartlari;

kiritilgan investitsiyalarni qoplash (investitsiyalar pulli tusda kiritiladigan taqdirda) yoki davlat ulushiga mulk huquqi qoʻlga kiritilgandan keyin xaridorning jamiyat ustav fondidagi ulushini koʻpaytirish.

Investitsiyalardan foydalanish toʻgʻrisidagi shartnomani tuzishni rad etishga yoʻl qoʻyilmaydi.

94. Xaridor tomonidan investitsiyaviy majburiyatlar bajarilishi davomida jamiyatning ijro etuvchi organi quyidagilarga majbur:

xaridorga investitsiya obyektiga (jamiyatga) erkin kirib-chiqish va uning toʻgʻrisidagi axborotdan erkin foydalanishga ruxsat berish;

xaridorning talabi boʻyicha investitsiyaviy majburiyatlar bajarilganligini tasdiqlovchi tegishli buxgalteriya hujjatlarini taqdim etish;

oldi-sotdi shartnomasiga va investitsiyalar kiritish rejasiga muvofiq investitsiyaviy majburiyatlarini bajarishida xaridorga toʻsqinlik qilmaslik;

investitsiyaviy majburiyatlarini bajarishi davomida jamiyatning moliyaviy-iqtisodiy koʻrsatkichlaridagi oʻzgarishlar toʻgʻrisida xaridorni xabardor qilish.

XIV. Savdolarni tashkil etish va oʻtkazishda qatnashadigan shaxslarning javobgarligi

96. Savdolar tashkilotchisi qonun hujjatlarida belgilangan tartibda sotuvchi bilan tuzilgan davlat ulushlarini sotish boʻyicha xizmatlar koʻrsatish shartnomasi shartlari bajarilishi, savdolar qatnashchilari tomonidan taqdim etilgan hujjatlarning saqlanishi va maxfiyligi taʼminlanishi uchun javob beradi.

97. Jamiyatning ijro etuvchi organi qonun hujjatlariga muvofiq;

jamiyat mol-mulkining saqlanishi, jamiyatning taʼsis hujjatlariga oʻzgartirishlarning oʻz vaqtida kiritilishi va ularning tegishli davlat organida roʻyxatdan oʻtkazishning taʼminlanishi;

ushbu Nizomga muvofiq taqdim etiladigan axborotning ishonchliligi uchun javob beradi.

98. Sotuvchi, savdolar tashkilotchisi va qatnashchilar qonun hujjatlariga muvofiq ushbu Nizom talablariga rioya qilinishi uchun javob beradilar.

XV. Yakunlovchi qoida

99. Davlat ulushlarini savdolarda sotishda yuzaga keladigan nizolar va daʼvolarga nisbatan, birinchi navbatda mediatsiya tartib-taomili amalga oshiriladi.

Mediativ kelishuvga erishilmagan taqdirda nizolar va daʼvolar qonunchilikda belgilangan tartibda koʻrib chiqiladi.

Masʼuliyati cheklangan jamiyatlar ustav fondlari (ustav kapitallari)dagi davlat ulushlarini sotish tartibi toʻgʻrisidagi nizomga 1-ILOVA

Masʼuliyati cheklangan jamiyatlar ustav fondlari (ustav kapitallari)dagi davlat ulushlarini sotish

SXEMASI

BosqichlarSubyektlarTadbirlarBajarish muddatlari1-bosqichTashabbuskorlar:davlat organi;jamiyat;yuridik va jismoniy shaxslar — Davlat aktivlarini boshqarish agentligi (keyingi oʻrinlarda — Agentlik), uning hududiy boshqarmasi,hududiy tanlov komissiyasiAgentlik,hududiy tanlov komissiyasiTakliflar va arizalar berish. Davlat aksiyalarini sotish jarayoni yuzasidan tashabbus koʻrsatish toʻgʻrisidagi takliflar va arizalarni Agentlik yoki hududiy tanlov komissiyasi tomonidan koʻrib chiqish.Xususiylashtirish dasturi loyihasini (ustav fondlari (ustav kapitallari)dagi davlat ulushlari sotishga taklif etilayotgan jamiyatlarning roʻyxatini) shakllantirish va qaror qabul qilish uchun vakolat doirasida Oʻzbekiston Respublikasi Vazirlar Mahkamasiga yoki Qoraqalpogʻiston Respublikasi Vazirlar Joʻqorgʻi Kengesiga, xalq deputatlari viloyatlar va Toshkent shahar kengashiga qaror qabul qilish uchun kiritish.Buyurtmanomalar tashabbus koʻrsatish tartibida topshiriladi.Buyurtmanomalar xususiylashtirish dasturiga kiritilgan taqdirda, ularni koʻrib chiqish yakunlari boʻyicha javob bir oy muddatda beriladi.Buyurtmanomalar qabul qilinishiga koʻra, lekin yiliga kamida bir marotaba.2-bosqichAgentlik, uning hududiy boshqarmasijamiyatning ijro etuvchi organi, jamiyat qatnashchilariAgentlik, uning hududiy boshqarmasiBaholovchi tashkilotAgentlik, uning hududiy boshqarmasi, jamiyat qatnashchilari, jamiyatAgentlik yoki uning hududiy boshqarmasi jamiyatga mol-mulk va moliyaviy majburiyatlarni inventarizatsiyadan oʻtkazish toʻgʻrisidagi talabnomani yuboradi. Jamiyatning ijro etuvchi organi tomonidan mol-mulk va moliyaviy majburiyatlarni inventarizatsiyadan oʻtkazishni tashkil etish va oʻtkazish, inventarizatsiyadan oʻtkazish dalolatnomalarini rasmiylashtirish.Jamiyatning ijro etuvchi organi tomonidan tegishli qarorlar qabul qilish uchun Agentlikka yoki uning hududiy boshqarmasiga taqdim etiladigan hujjatlar va takliflarni koʻrib chiqish.Davlat ulushini baholash.Jamiyat qatnashchilariga va jamiyatning oʻziga davlat ulushini sotib olishni taklif qilish.Jamiyat yoki uning qatnashchilarining ijobiy javobi olingan taqdirda, toʻgʻridan-toʻgʻri oldi-sotdi shartnomasini tuzish.Agentlik tomonidan aniqlanadigan muddatlarda, agar Oʻzbekiston Respublikasi Prezidenti yoki Vazirlar Mahkamasining qarorlarida boshqacha qoida belgilanmagan boʻlsa.Buxgalteriya hisobining milliy standartlarida nazarda tutilgan tartibda va muddatlarda oʻtkaziladi.Bir hafta muddatda.Baholash xizmatlari koʻrsatish toʻgʻrisidagi shartnomada koʻrsatilgan muddatda.Davlat ulushining bozor qiymati aniqlangandan keyin.Ijobiy javob olingandan keyin 20 kun ichida.3-bosqichAgentlik, uning hududiy boshqarmasiJamiyatni xabardor qilgan kundan boshlab bir oydan soʻng, agar jamiyat ustavida yoki jamiyat qatnashchilarining kelishuvida boshqacha muddat nazarda tutilmagan boʻlsa yoki jamiyat tomonidan sotib olish rad etilgandan soʻng davlat ulushini baholash boʻyicha baholovchi tashkilotning hisoboti va jamiyat tomonidan taqdim etilgan hujjatlar asosida davlat ulushini savdolarga qoʻyish toʻgʻrisida buyruq chiqarish.Davlat ulushini xususiylashtirish boʻyicha hujjatlar toʻplami ijobiy koʻrib chiqilgandan keyin 3 ish kuni mobaynida.4-bosqichAgentlik, uning hududiy boshqarmasi, ixtisoslashtirilgan tashkilot (savdolar tashkilotchisi)Savdolarni tashkil etish boʻyicha xizmatlar koʻrsatishga ixtisoslashtirilgan tashkilot bilan shartnoma tuzish. Ommaviy savdolar (auksion va tanlov) oʻtkazilishi toʻgʻrisidagi eʼlonni rasmiy veb-saytda chop etish, sotishga taklif qilinayotgan davlat ulushi toʻgʻrisidagi axborotni oshkor qilish. Savdolar tashkilotchisi tomonidan ommaviy savdolarda qatnashish uchun buyurtmanomalar qabul qilish.Ommaviy savdolarni oʻtkazish.Tanlov natijalari toʻgʻrisida uning qatnashchilariga xabar berish.Ommaviy savdolarni oʻtkazish natijalarini rasmiylashtirish va oʻtkazilgan savdolar gʻolibi bilan davlat ulushining oldi-sotdi shartnomasini imzolash.Xizmatlar koʻrsatish toʻgʻrisidagi shartnomada koʻrsatilgan muddatlarda.Ommaviy savdolar oʻtkazilishidan kamida 30 kun oldin.Ommaviy savdolar oʻtkazilishi toʻgʻrisidagi eʼlonda belgilangan muddatlarda.2 oy ichida oʻn ish kunida bir marta davriylikda.Besh ish kuni ichida.Qonun hujjatlarida belgilangan muddatlarda.5-bosqichAgentlik, uning hududiy boshqarmasi, xaridorMulkchilik huquqini tasdiqlovchi orderni Agentlik yoki uning hududiy boshqarmasi tomonidan barcha sotib olish toʻlovlarini amalga oshirgan xaridorga berish.Sotib olish toʻlovlari toʻliq toʻlangan kundan boshlab 10 ish kunidan ortiq boʻlmagan muddat mobaynida:investitsiyaviy majburiyatlarsiz sotib olingan davlat ulushi boʻyicha;investitsiyaviy majburiyatlar mavjud boʻlgan taqdirda xaridorga xaridor oldi-sotdi shartnomasi boʻyicha barcha majburiyatlarni bajarib boʻlgunga qadar muddatga investitsiyaviy majburiyatlar toʻliq bajarilgungacha amalda boʻladigan “tasarruf etish huquqisiz” belgisi qoʻyilgan holda order beriladi, u jamiyat ustaviga tegishli oʻzgartirishlar roʻyxatdan oʻtkazilgan paytgacha xaridorga jamiyatni boshqarishda qatnashish huquqini tasdiqlaydi.6-bosqichAgentlikQoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, balansda saqlovchilar bilan birgalikdaDavlat ulushi 10 foizgacha pasaytirish qoʻllangandan keyin 3 oy ichida sotilmagan taqdirda, sotuvchi-jamiyat qatnashchisi sifatida jamiyatga davlat ulushini sotib olish talabi bilan jamiyatdan chiqishi toʻgʻrisidagi bildirishnoma yuborishi mumkin.Jamiyatda mablagʻlar yetarli boʻlmaganda sotuvchining qarori boʻyicha davlat ulushi jamiyat tomonidan ikki yilgacha boʻlib-boʻlib toʻlash sharti bilan sotib olinishi mumkin.Jamiyat sotib olishga mablagʻlari yetarli boʻlmaganligi sababli davlat ulushini sotib olishni rad etganda qonun hujjatlarida belgilangan tartibda mazkur jamiyatdan chiqish jarayoni tashabbusi bilan chiqiladi.Qonun hujjatlarida belgilangan muddatlarda.Ikki yilgacha boʻlib-boʻlib toʻlash.Qonun hujjatlarida belgilangan muddatlarda.

Masʼuliyati cheklangan jamiyatlar ustav fondlari (ustav kapitallari)dagi davlat ulushlarini sotish tartibi toʻgʻrisidagi nizomga 2-ILOVA

Izoh: Hujjatni toʻldirishda tuzatishga va oʻchirib yozishga yoʻl qoʻyilmaydi.

Masʼuliyati cheklangan jamiyatlar ustav fondlari (ustav kapitallari)dagi davlat ulushlarini sotish tartibi toʻgʻrisidagi nizomga 3-ILOVA

Izoh: Hujjatni toʻldirishda tuzatishga va oʻchirib yozishga yoʻl qoʻyilmaydi.

Vazirlar Mahkamasining 2014-yil 6-oktabrdagi 279-son qaroriga 4-ILOVA

Davlat koʻchmas mulk obyektlarini sotish tartibi toʻgʻrisida

NIZOM

I. Umumiy qoidalar

1. Ushbu Nizom davlatga mulk huquqi asosida tegishli boʻlgan mulkiy majmua (korxona), binolar va inshootlar, qurilishi tugallanmagan obyektlarni (bundan buyon matnda davlat koʻchmas mulk obyekti deb yuritiladi) nodavlat yuridik shaxslarga, shuningdek jismoniy shaxslarga xususiylashtirish tartibida sotish tartibini belgilaydi.

Ushbu Nizomning amal qilishi davlat koʻchmas mulk obyektlarini sud hal qiluv qaroriga asosan sotishda yuzaga keladigan munosabatlarga tatbiq etilmaydi.

2. Ushbu Nizomning maqsadlari uchun quyidagi asosiy tushunchalardan foydalaniladi:

davlat koʻchmas mulk obyektlari savdolari (savdolar) — sotuvchi yoki riyeltorlik tashkiloti shuningdek, auksion va tenderlar, shu jumladan, Oʻzbekiston Respublikasi Vazirlar Mahkamasi tomonidan belgilangan tartibda elektron shaklda, tashkil etish va oʻtkazish uchun xizmat qiluvchi ixtisoslashtirilgan tashkilot tomonidan davlat koʻchmas mulk obyektlarini sotish boʻyicha tashkil etiladigan savdolar;

savdolar tashkilotchisi — sotuvchi bilan qonun hujjatlarida belgilangan tartibda tuziladigan shartnomaga asosan davlat koʻchmas mulk obyektlarini sotish boʻyicha “E-auksion” elektron savdo platformasida auksionlar va tanlovlarni tashkil qilish hamda oʻtkazish xizmatlarini koʻrsatadigan ixtisoslashtirilgan tashkilot yoki sotuvchi;

talabgor — savdolarda oʻzining qatnashish niyati toʻgʻrisida ariza bergan nodavlat yuridik yoki jismoniy shaxs (Oʻzbekiston Respublikasining rezidenti va norezidenti);

qatnashchi — auksion yoki tanlovda qatnashishga qoʻyilgan talabgor yoki uning vakolatli vakili;

vakolatli vakil — qatnashchi (talabgor) tomonidan ishonchnomaga asosan auksion, tanlov yoki toʻgʻridan-toʻgʻri muzokaralarda qatnashish vakolati berilgan shaxs;

xaridor — sotuvchi bilan qonun hujjatlariga muvofiq davlat koʻchmas mulk obyektining oldi-sotdi shartnomasini (bundan buyon matnda oldi-sotdi shartnomasi deb yuritiladi) tuzgan nodavlat yuridik yoki jismoniy shaxs (Oʻzbekiston Respublikasi rezidenti yoki norezidenti);

sotuvchi — Oʻzbekiston Respublikasi Davlat aktivlarini boshqarish agentligi (keyingi oʻrinlarda — Agentlik) yoki uning hududiy boshqarmasi (keyingi oʻrinlarda — hududiy boshqarma);

Davlat komissiyasi — Davlat aktivlarini xususiylashtirish va xususiylashtirish jarayonlarini muvofiqlashtirish davlat komissiyasi;

Hududiy tanlov komissiyasi — tegishli ravishda Qoraqalpogʻiston Respublikasi Vazirlar Kengashining Raisi, viloyatlar va Toshkent shahar hokimlari boshqaradigan hamda tarkibiga Agentlik (tanlov komissiyasi raisining oʻrinbosari sifatida), Iqtisodiyot va moliya vazirligi, Soliq qoʻmitasi, Kadastr agentligi, Tabiat resurslari vazirligi, Qurilish va uy-joy kommunal xoʻjaligi vazirligi, Savdo-sanoat palatasi, Sanitariya-epidemiologik osoyishtalik va jamoat salomatligi qoʻmitasi hududiy boshqarmalarining rahbarlari kiradigan tanlov komissiyasi;

tanlov — tanlov hujjatlari mezonlari va shartlariga muvofiq (har qanday nodavlat yuridik va jismoniy shaxs qatnashishi mumkin boʻlgan) qatnashchilar tomonidan taqdim etilgan eng yaxshi takliflarni tanlash orqali xaridorni aniqlash boʻyicha savdo shakli;

tanlov shartlari — tanlovni oʻtkazish tartibi, oʻtkazish joyi, taklifning narxi, davlat koʻchmas mulk obyektlarining soni va miqdori, qoʻshimcha yuklamalar, qatnashchilarga qoʻyiladigan investitsiyaviy majburiyatlar va ijtimoiy majburiyatlar va talablar boʻyicha sotuvchi tomonidan belgilanadigan shartlar;

tanlov hujjatlari — davlat koʻchmas mulk obyektining texnik, tijorat, tashkiliy va boshqa tavsiflari toʻgʻrisidagi, shuningdek tanlov shartlari va tartib-taomili toʻgʻrisidagi dastlabki axborotdan iborat tanlov tashkilotchisi tomonidan talabgorlarga taqdim etiladigan tanlov oʻtkazish qoidalari, tanlov takliflari shakllarini oʻz ichiga oluvchi hujjatlar toʻplami;

tanlov taklifi — tanlov hujjatlarida belgilanadigan shartlarda shartnoma tuzish taklifi;

savdolarni oʻtkazish sanasi — auksion oʻtkazish yoki tanlov yakunlari yuzasidan xulosa chiqarish sanasi va vaqti;

sotib olish toʻlovi — sotib olinayotgan davlat koʻchmas mulk obyekti uchun xaridor tomonidan milliy va (yoki) erkin ayirboshlanadigan valyutada (keyingi oʻrinlarda EAV deb ataladi) Davlat aktivlarini boshqarish, transformatsiya va xususiylashtirish jamgʻarmasiga bir yoʻla yoki boʻlib-boʻlib toʻlanadigan pul mablagʻlari;

investitsiyaviy majburiyatlar — davlat koʻchmas mulk obyektini sotib olishda xaridor tomonidan davlat koʻchmas mulk obyektiga investitsiyalarni amalga oshirish boʻyicha qabul qilinadigan pul bahosiga ega boʻlgan va qonun hujjatlariga zid boʻlmagan shakllarda amalga oshiriladigan majburiyatlar;

ijtimoiy majburiyatlar — davlat koʻchmas mulk obyektini sotishda xaridor tomonidan qabul qilinadigan pul bahosiga ega boʻlmagan va qonun hujjatlariga zid boʻlmagan shakllarda amalga oshiriladigan majburiyatlar;

auksion — musobaqalashish asosida (har qanday nodavlat yuridik va jismoniy shaxs qatnashishi mumkin boʻlgan) xaridorni aniqlash boʻyicha savdo shakli, bunda eng katta narxni taklif qilgan qatnashchi davlat koʻchmas mulk obyektining oldi-sotdi shartnomasini tuzish huquqiga ega boʻladi;

tanlov asosidagi auksion — auksionning sotuvchi tomonidan belgilangan mezonlar boʻyicha oldindan tanlangan maxsus taklif qilingan shaxslar qatnashishi mumkin boʻlgan turi;

balansda saqlovchi — sotilayotgan davlat koʻchmas mulk obyekti biriktirilgan yuridik shaxs;

boshlangʻich narx — davlat koʻchmas mulk obyektini savdolarga qoʻyish uchun sotuvchi tomonidan belgilangan narx.

3. Davlat koʻchmas mulk obyekti davlat organlari yoki xoʻjalik boshqaruvi organlarining, balansda saqlovchining takliflariga, nodavlat yuridik shaxslarning, shuningdek, jismoniy shaxslarning buyurtmanomalariga muvofiq shakllantiriladigan va belgilangan tartibda respublika mulki hisoblanganda Oʻzbekiston Respublikasi Prezidentining, Oʻzbekiston Respublikasi Vazirlar Mahkamasining yoki munitsipal mulk hisoblanganda Qoraqalpogʻiston Respublikasi Vazirlar Kengashining Raisi, viloyatlar va Toshkent shahar hokimlarining qarorlariga muvofiq tasdiqlanadigan xususiylashtirish dasturlariga (davlat koʻchmas mulki obyektlarining roʻyxatlariga) (keyingi oʻrinlarda — xususiylashtirish dasturi) asosan ushbu Nizomga 1-ilovaga binoan sxema boʻyicha sotuvchi tomonidan sotiladi.

Davlat koʻchmas mulk obyektlarini sotish muddati va shartlari, agar Oʻzbekiston Respublikasi Prezidentining, Oʻzbekiston Respublikasi Vazirlar Mahkamasining, Davlat komissiyasining yoki Qoraqalpogʻiston Respublikasi Vazirlar Kengashi Raisining, viloyatlar va Toshkent shahar hokimlarining oʻz vakolati doirasida qabul qilingan qarorlarida boshqacha qoida belgilanmagan boʻlsa, sotuvchi tomonidan belgilanadi.

Savdolarda turgan, ilgari qabul qilingan xususiylashtirish dasturlariga muvofiq sotilayotgan davlat koʻchmas mulk obyektlari mazkur davlat koʻchmas mulk obyektlarini sotish muddati uzaytirilganda savdolardan olinmaydi.

Davlat koʻchmas mulk obyektlari uch oy davomida sotilmaganda (Toshkent shahri va viloyat markazlari bundan mustasno) ularning boshlangʻich bahosi, qoldiq (balans) qiymatidan qatʼi nazar 10 foizigacha bosqichma-bosqich 10 foizdan pasaytiriladi.

Savdolarda davlat koʻchmas mulk obyektlarini sotib olishga uch oy mobaynida talabnoma tushmagan taqdirda, Davlat aktivlarini xususiylashtirish va xususiylashtirish jarayonlarini muvofiqlashtirish davlat komissiyasi tomonidan belgilanadigan mexanizmga asosan narxni bosqichma-bosqich pasaytirib borilishi mumkin.

4. Davlat koʻchmas obyektlarini Oʻzbekiston Respublikasining rezidentlariga sotish Oʻzbekiston Respublikasining milliy valyutasida amalga oshiriladi.

Oʻzbekiston Respublikasining norezidentlari davlat koʻchmas mulk obyektlarini EAVda yoki Oʻzbekiston Respublikasining milliy valyutasida sotib olishlari mumkin.

Oʻzbekiston Respublikasining norezidentlari davlat koʻchmas mulk obyektlarini sotib olish uchun respublikaning vakolatli banklarida ochilgan xorijiy banklarning “loro” vakillik hisob raqamlaridagi milliy valyutadagi mablagʻlaridan foydalanishlari mumkin.

II. Davlat koʻchmas mulk obyektlarini sotish yuzasidan tashabbus koʻrsatish

5. Davlat koʻchmas mulk obyektlarini sotish yuzasidan davlat organi yoki xoʻjalik boshqaruvi organi, balansda saqlovchi, nodavlat yuridik yoki jismoniy shaxs tomonidan davlat koʻchmas mulk obyektlarini sotish uchun Agentlik yoki hududiy boshqarmaga tegishlicha takliflar yoki buyurtmanomalar berish yoʻli bilan tashabbus koʻrsatilishi mumkin.

6. Davlat organi, xoʻjalik boshqaruvi organi yoki balansda saqlovchining davlat koʻchmas mulk obyektini sotish toʻgʻrisidagi taklifiga:

davlat organi, xoʻjalik boshqaruvi organi yoki balansda saqlovchining birinchi rahbari tomonidan imzolanadigan va muhr bilan tasdiqlanadigan sotishga taklif etilayotgan davlat koʻchmas mulk obyektini saqlab qolish zarurati mavjud emasligi toʻgʻrisidagi xulosa;

kadastr hujjatlari, shu jumladan kadastr xaritasi (rejasi) nusxalari;

balansda saqlovchi Oʻzbekiston Respublikasining davlat muassasalari reyestriga kiritilganligi toʻgʻrisidagi guvohnoma, balansda saqlovchi davlat muassasasi boʻlgan taqdirda.

7. Davlat koʻchmas mulk obyektini sotish uchun buyurtmanoma:

nodavlat yuridik shaxs nomidan ushbu Nizomga 2-ilovaga binoan shakl boʻyicha rahbar yoki uning tomonidan bunga vakil qilingan shaxs tomonidan imzolanishi kerak;

jismoniy shaxs nomidan ushbu Nizomga 3-ilovaga binoan shakl boʻyicha oʻzi yoki bunga vakil qilingan shaxs tomonidan imzolanishi kerak.

8. Agentlik yoki hududiy boshqarma davlat koʻchmas mulk obyektini xususiylashtirish uchun qonun hujjatlarida belgilangan cheklashlar mavjud boʻlmagan taqdirda, buyurtmanomalar olingandan keyin besh ish kuni ichida:

respublika mulki hisoblanganda, davlat koʻchmas mulk obyektini balansida saqlovchining yuqori turuvchi tashkilotiga;

munitsipal mulk hisoblanganda, tegishli tuman (shahar) hokimiyati organiga uni sotishning maqsadga muvofiqligi toʻgʻrisida tegishlicha balansda saqlovchi va tuman (shahar) hokimiyati organining birinchi rahbari tomonidan imzolanadigan va muhr bilan tasdiqlanadigan xulosasini taqdim etish toʻgʻrisida soʻrovnoma yuboradi.

Agar davlat koʻchmas mulk obyektini saqlab qolish zarur boʻlsa, balansda saqlovchining yuqori turuvchi tashkilotining birinchi rahbari soʻrov olingan kundan boshlab besh ish kuni ichida Agentlikni (tegishli hududiy boshqarmani) yozma ravishda xabardor qiladi va soʻrov olingan kundan boshlab oʻn ish kunidan kechiktirmay, Agentlikka (tegishli hududiy boshqarmaga) davlat koʻchmas mulk obyektini saqlab qolish toʻgʻrisida tegishincha balansda saqlovchining birinchi rahbari va Qoraqalpogʻiston Respublikasi Vazirlar Kengashi Raisi, viloyat yoki Toshkent shahar hokimi tomonidan imzolanishi hamda muhrlar bilan tasdiqlanishi shart boʻlgan, davlat koʻchmas mulk obyektini rivojlantirishni nazarda tutuvchi hamda Oʻzbekiston Respublikasi Prezidenti, Vazirlar Mahkamasining qarori bilan tasdiqlangan dastur (taʼlim muassasalarining koʻchmas mulk obyektlari, jumladan, maktabgacha taʼlim muassasalari, sogʻliqni saqlash, jismoniy tarbiya va sport sohasidagi muassasalardan tashqari) yoki davlat koʻchmas mulk obyektini rivojlantirishni nazarda tutuvchi va Vazirlar Mahkamasining tegishli kotibiyati rahbari yoxud Qoraqalpogʻiston Respublikasi Vazirlar Kengashi Raisi, viloyat yoki Toshkent shahar hokimi tasdiqlagan tarmoq jadvali ilova qilingan asoslantirilgan xulosani taqdim etadi.

9. Davlat koʻchmas mulk obyektini sotish uchun buyurtmanoma (taklif) hududiy organga tushgan taqdirda, xususiylashtirishni rad etish uchun sabablar boʻlmaganda, hududiy boshqarma davlat koʻchmas mulk obyektini sotish uchun buyurtmanoma (taklif) tushgan paytdan boshlab oʻn besh ish kuni ichida hududiy tanlov komissiyasiga quyidagi hujjatlarni ilova qilgan holda axborot yuboradi:

davlat koʻchmas mulk obyektini sotish uchun tushgan buyurtmanomaning (taklifning) nusxasi;

Agentlik tomonidan belgilangan shakl boʻyicha kamida toʻrtta fotosuratni ilova qilgan holda davlat koʻchmas mulk obyektini koʻzdan kechirish dalolatnomasi;

Agentlik tomonidan belgilangan shakl boʻyicha davlat koʻchmas mulk obyekti toʻgʻrisidagi asosiy maʼlumotlar;

kadastr hujjatlari, shu jumladan kadastr xaritasi (rejasi) nusxalari;

balansda saqlovchi va mahalliy davlat hokimiyati organining davlat koʻchmas mulk obyektini sotishning maqsadga muvofiqligi toʻgʻrisidagi xulosalari;

sotish mumkinligi toʻgʻrisidagi xulosa.

Hududiy tanlov komissiyasi davlat koʻchmas mulki obyektini sotish boʻyicha arizani (taklifni) Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari tomonidan xususiylashtirish toʻgʻrisidagi qaror qabul qilish uchun tasdiqlangan mezonlarga muvofiqligini koʻrib chiqadi.

Oʻzbekiston Respublikasi Prezidentining yoki Oʻzbekiston Respublikasi Vazirlar Mahkamasining qarorini qabul qilish zarur boʻlgan taqdirda, hududiy boshqarma hududiy tanlov komissiyasi qarori asosida ariza (taklif) boʻyicha tegishli maʼlumotlarni, hujjatlarni ilova qilgan holda Agentlikka yuboradi.

Agentlik zarur boʻlganda, hududiy boshqarmadan davlat koʻchmas mulk obyekti toʻgʻrisidagi qoʻshimcha maʼlumotlar va hujjatlarni, ularni taqdim etish muddatini koʻrsatgan holda soʻrab olishi mumkin.

10. Davlat ulushini sotib olish uchun buyurtmanoma (taklif) Agentlikka kelib tushganda, sotishni rad etish uchun sabablar boʻlmagan taqdirda, buyurtmanoma (taklif) ushbu Nizomning 9-bandida koʻrsatilgan tartibda hujjatlarni rasmiylashtirish uchun hududiy boshqarma tomonidan oʻn besh ish kuni mobaynida hududiy tanlov komissiyasiga yuboriladi.

11. Davlat koʻchmas mulk obyektiga oid kadastr hujjatlari, mahalliy davlat hokimiyati organining tegishli yer uchastkasini berish toʻgʻrisidagi qarori mavjud boʻlmaganda, koʻrsatilgan hujjatlar sotuvdan oldingi tayyorgarlik doirasida qonun hujjatlarida belgilangan tartibda tayyorlanadi.

12. Davlat koʻchmas mulk obyektini sotish uchun tushgan buyurtmanomalar (takliflar) asosida Agentlik va hududiy komissiyasi buyurtmanomalar kelib tushishiga qarab, lekin kamida bir yilda bir marotaba Oʻzbekiston Respublikasi Prezidentining yoki Oʻzbekiston Respublikasi Vazirlar Mahkamasining qarori bilan sotiladigan davlat koʻchmas mulk obyektlari boʻyicha Oʻzbekiston Respublikasi Vazirlar Mahkamasiga xususiylashtirish dasturlarini tasdiqlash yuzasidan takliflar kiritadi.

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari qaroriga asosan xususiylashtiriladigan munitsipal koʻchmas mulk obyektlarini sotish boʻyicha takliflar hududiy tanlov komissiya tomonidan tayyorlanadi va tegishli ravishda Qoraqalpogʻiston Respublikasi Joʻqorgʻi Kengesi, xalq deputatlari viloyatlar va Toshkent shahar Kengashlariga kelishish uchun kiritiladi.

Xususiylashtirish dasturi, shuningdek Agentlik yoki uning hududiy boshqarmalari va hududiy tanlov komissiyalari Oʻzbekiston Respublikasi “Yergeodezkadastr” davlat qoʻmitasi, Qoraqalpogʻiston Respublikasi Vazirlar Kengashi, viloyatlar hokimliklari bilan birgalikda davlat mulkini xatlovdan oʻtkazish natijasida aniqlangan foydalanilmayotgan davlat mulki obyektlari roʻyxatidan tuzilishi mumkin.

Xususiylashtirish dasturiga kiritilgan, sotishga taklif etilayotgan davlat koʻchmas mulk obyektlari roʻyxati hududlar yoki tarmoqlar boʻyicha shakllantirilishi mumkin.

Xususiylashtirish dasturi vakolati doirasida Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari yoki Oʻzbekiston Respublikasi Prezidenti, Vazirlar Mahkamasi tomonidan tasdiqlanadi.

Oʻzbekiston Respublikasi Prezidentining qaroriga koʻra xususiylashtiriladigan davlat koʻchmas mulk obyektlari Oʻzbekiston Respublikasi Prezidenti tomonidan tasdiqlanadigan xususiylashtirish dasturlariga kiritiladi.

13. Agar davlat koʻchmas mulk obyektini sotish uchun buyurtmanomani (taklifni) koʻrib chiqish natijalariga koʻra u xususiylashtirish dasturi loyihasiga kiritilsa, Agentlik yoki hududiy boshqarma bu haqdagi yozma shakldagi tegishli axborotni buyurtmanoma (taklif) kelib tushgan paytdan boshlab bir oy muddatda ariza beruvchiga yetkazadi.

14. Davlat koʻchmas mulk obyektini xususiylashtirish toʻgʻrisidagi qaror qabul qilingan paytdan boshlab u yangi mulkdorga topshirilgunga qadar uni har qanday usulda oʻzgaga berish taqiqlanadi, qonun hujjatlarida belgilangan hollar bundan mustasno.

141. Mahallada tadbirkorlikni rivojlantirish, aholi bandligini taʼminlash va kambagʻallikni qisqartirish masalalari boʻyicha tuman (shahar) hokimining yordamchilari (keyingi oʻrinlarda — hokim yordamchilari) tomonidan oʻz hududlarida aniqlangan, hududi 2 000 kvadrat metrgacha boʻlgan davlat koʻchmas mulk obyektlari boʻlganda — hokim yordamchilarining onlayn-buyurtmanomasiga asosan belgilangan tartibga muvofiq toʻgʻridan-toʻgʻri “E-auksion” elektron savdo platformasidagi elektron onlayn-auksion savdolariga chiqariladi.

142. Vazirlik va idoralar, mahalliy ijro hokimiyati organlariga qarashli boʻlgan, uch oydan ortiq foydalanilmasdan boʻsh turgan davlat koʻchmas mulk obyektlari, ijtimoiy obyektlar bundan mustasno, Agentlik tomonidan belgilangan tartibga muvofiq ularning roziligisiz sotish uchun savdoga chiqariladi.

III. Davlat koʻchmas mulk obyektini sotishga tayyorlash

15. Tasdiqlangan xususiylashtirish dasturiga muvofiq Agentlik yoki hududiy boshqarma tomonidan Buxgalteriya hisobi milliy standartlariga muvofiq besh ish kuni ichida davlat koʻchmas mulki obyektini inventarizatsiyadan oʻtkazish toʻgʻrisida balansda saqlovchiga yozma talabnoma yuboriladi.

21. Sotilayotgan davlat koʻchmas mulk obyektining inventarizatsiyadan oʻtkazilishini tashkil etish va oʻtkazish Buxgalteriya hisobining milliy standartlariga muvofiq amalga oshiriladi.

Oʻtkazilgan inventarizatsiya yakunlariga koʻra Agentlik tomonidan tasdiqlangan shakllar boʻyicha tegishli inventarizatsiyadan oʻtkazish dalolatnomalari tuziladi hamda balansda saqlovchining rahbari tomonidan imzolanadi.

22. Ish yakunlari boʻyicha balansda saqlovchi tomonidan Agentlik yoki hududiy boshqarmaga besh ish kuni muddatida:

balansda saqlovchining rahbari tomonidan imzolangan asosiy vositalarni inventarizatsiyadan oʻtkazish dalolatnomalari;

davlat koʻchmas mulk obyektining kadastr hujjatlari, shu jumladan kadastr xaritasi (rejasi) va boshqa huquqni belgilovchi hujjatlar (mavjud boʻlganda) nusxalari;

yer uchastkasiga, yer osti boyliklari va boshqa tabiiy resurslarga boʻlgan huquqni tasdiqlovchi hujjatlar;

sotilayotgan davlat koʻchmas mulk obyektini tasarruf etish huquqiga taʼsir qiluvchi mavjud yuklamalar va cheklashlar toʻgʻrisidagi axborot;

Agentlik tomonidan belgilangan shakl boʻyicha davlat koʻchmas mulk obyekti toʻgʻrisidagi asosiy maʼlumotlar;

madaniy meros obyektlarini muhofaza qilish va ulardan foydalanish organining xulosasi (zarur boʻlganda).

23. Fuqarolik muhofazasi va safarbarlik ahamiyatiga molik obyektlari va mol-mulki, arxiv hujjatlari, moddiy-madaniy meros obyektlari va intellektual mulk obyektlari, qonun hujjatlariga muvofiq davlat siriga taalluqli hujjatlari mavjud boʻlgan davlat koʻchmas mulk obyekti sotilgan taqdirda, balansda saqlovchi tomonidan ushbu Nizomning 22-bandida koʻrsatilgan hujjatlarga qoʻshimcha tarzda mazkur obyektlar va mol-mulk haqidagi tegishli axborot va ulardan kelgusida foydalanish, shuningdek safarbarlik topshiriqlarini bajarishning holati boʻyicha maʼlumot taqdim etiladi.

24. Balansda saqlovchi tomonidan taqdim etilgan materiallar va hujjatlar koʻrib chiqilgandan keyin yetti kundan kam boʻlmagan muddatda Agentlik yoki hududiy boshqarma:

tayyorlangan hujjatlarda jiddiy kamchiliklar boʻlganda ularni qaytarish sabablarini koʻrsatgan holda va ularni takroriy taqdim etishning ular qaytarilgan paytdan boshlab besh ish kunidan oshmaydigan muddatini belgilagan holda puxtalashtirish uchun balansda saqlovchiga qaytaradi;

taqdim qilingan hujjatlar ushbu Nizomning 22 va 23-bandlariga muvofiq boʻlganda baholovchi tashkilot bilan davlat koʻchmas mulk obyektini baholashdan oʻtkazish uchun qonun hujjatlarida belgilangan tartibda shartnoma tuzadi.

25. Balansda saqlovchi ishining umumiy muddati talabnoma kelib tushgan paytdan boshlab besh ish kunidan oshmasligi lozim. Agentlik yoki hududiy boshqarmaning qarori bilan balansda saqlovchining ish muddati bir oydan ortiq boʻlmagan muddatga uzaytirilishi mumkin.

26. Davlat koʻchmas mulk obyektining savdolarga qoʻyishdagi boshlangʻich narxi sotuvchi tomonidan baholovchi tashkilotning davlat koʻchmas mulk obyektining qiymatini baholash toʻgʻrisidagi hisobotida hamda baholash toʻgʻrisidagi hisobotning ishonchliligini ekspertizadan oʻtkazish natijalari toʻgʻrisidagi ekspert xulosasida aniqlangan miqdorda belgilanadi.

Bunda, quyidagi holatlarda baholash hisobotlari haqqoniyligini majburiy ekspertizadan oʻtkazish talab etilmaydi:

davlat koʻchmas mulk obyektini baholash xalqaro nufuzga ega auditorlik kompaniyalarining Oʻzbekistonda belgilangan tartibda faoliyat yuritayotgan shuʼba korxonalari tomonidan amalga oshirilganda;

davlat koʻchmas mulk obyekti “E-auksion” elektron savdo platformasida auksion savdolariga chiqarilganda.

Davlat koʻchmas mulk obyektini savdolarga qoʻyish toʻgʻrisidagi buyruq qabul qilingandan va eʼlon ommaviy axborot vositalarida chop etilgandan keyin mazkur obyekt qayta baholanmaydi.

27. Davlat koʻchmas mulk obyektini savdolarga qoʻyish Agentlik yoki hududiy boshqarmaning buyrugʻiga asosan amalga oshiriladi.

28. Davlat koʻchmas mulk obyektini sotish usuli, muddatlari va shartlari, agar Oʻzbekiston Respublikasi Prezidentining, Oʻzbekiston Respublikasi Vazirlar Mahkamasining Davlat komissiyasining yoki Qoraqalpogʻiston Respublikasi Vazirlar Kengashi Raisining, viloyatlar va Toshkent shahar hokimlarining oʻz vakolati doirasida qabul qilingan qarorlarida boshqacha qoida belgilanmagan boʻlsa, sotuvchi tomonidan belgilanadi.

29. Savdolarni tashkil etish va oʻtkazish savdolar tashkilotchisi tomonidan sotuvchi bilan tuziladigan shartnomaga asosan, uning mablagʻlari hisobiga amalga oshiriladi.

Savdolar tashkilotchisi sifatida sotuvchi ham qatnashishi mumkin.

III1. Ijarachi tomonidan davlat koʻchmas mulk obyektini sotib olish tartibi

291. Sotilayotgan davlat koʻchmas mulk obyekti ijaraga berilgan boʻlsa, ushbu obyektning ijarachisi mazkur Nizomning 292-bandidagi talablarga mos kelganda toʻgʻridan-toʻgʻri oldi-sotdi shartnomasini tuzish orqali sotib olish mumkin.

292. Davlat koʻchmas mulk obyekti quyidagi talablarning barchasini bajargan ijarachiga oldi-sotdi shartnomasini tuzish huquqi beriladi:

2024-yil 1-yanvarga qadar tuzilgan ijara shartnomalari boʻyicha ijaraga olganiga kamida besh yil boʻlganda;

ijara shartnomasi “E-auksion” elektron savdo platformasi orqali tuzilganda;

obyektda kapital taʼmirlash, modernizatsiya qilish, tevarak-atrofini obodonlashtirish va bino-inshootlarni turli darajada yaxshilash boʻyicha ishlar amalga oshirilganda;

ijara toʻlovlari oʻz vaqtida toʻlab kelinganda.

293. Davlat koʻchmas mulk obyektining boshlangʻich bahosi belgilangan tartibda aniqlangandan keyin uch kun muddatda, sotuvchi ushbu davlat koʻchmas mulk obyektini ijaraga olgan ijarachini yozma ravishda (shaxsan tilxat orqali yoki pochtadan topshirilganligi maʼlum qilinadigan, shu jumladan elektron pochtadan buyurtma xat orqali) xabardor qiladi.

294. Ijarachi tomonidan davlat koʻchmas mulk obyektini toʻgʻridan-toʻgʻri sotib olish istagini bildirilgan taqdirda, oʻn kun muddatda ijara shartnomasida nazarda tutilgan holda ijaraga beruvchining yozma roziligiga asosan ijara olingan davlat koʻchmas mulk obyektini kapital taʼmirlash, modernizatsiya qilish, obyektga biriktirilgan yer maydoni doirasida tevarak-atrofini obodonlashtirish boʻyicha ishlarni amalga oshirilganligi toʻgʻrisida nazorat oʻlchovi natijalarini sotuvchiga taqdim etadi.

295. Tegishli hujjatlar toʻliq taqdim etilgan taqdirda, sotuvchi tomonidan besh kun muddatda ushbu Nizomning 26-bandiga muvofiq aniqlanadigan narxidan ijara davrida kiritilgan investitsiyalarni chegirib tashlash hisobiga mazkur obyektni shakllangan qiymatda ijarachiga taklif etadi.

Ijarachi, sotuvchining taklifi berilgandan soʻng, 20 kundan oshmagan muddatda obyektni sotib olishini tasdiqlashi haqidagi maʼlumotni hamda ijara davrida ijarachi tomonidan koʻchmas mulk obyektiga qilingan xarajatlarini tasdiqlovchi mustaqil auditorlik tashkiloti hisobotini taqdim etadi.

Bunda:

davlat koʻchmas mulk obyektining ijarachisiga uning ijara davrida foydalanilgan qismiga mos qismi taklif etiladi, bir obyektdan (uning qismlaridan) bir necha ijarachi foydalangan taqdirda, ularning har biriga obyektning oʻzlari tomonidan foydalangan qismi (ushbu qismlarning har biridan mustaqil foydalanish imkoniyatini nazarda tutgan holda) taklif etiladi;

davlat koʻchmas mulk obyektining ijarachisi jami maydonning 50 foiz yoki undan ortiq qismidan ijara asosida foydalangan taqdirda, unda ijarachi obyektni toʻliq holda sotib olish taklifini sotuvchiga berishi, sotuvchi tomonidan esa obyekt uning ushbu Nizomning 26-bandiga muvofiq aniqlanadigan narxidan ijara davrida kiritilgan investitsiyalarni chegirib tashlash orqali shakllangan qiymatda toʻliq holda sotish taklif etilishi mumkin;

obyektga qilingan xarajatlarning auditorlik tashkiloti tomonidan aniqlangan qiymatidan davlat koʻchmas mulki obyektining ajratib boʻlmaydigan tarkibiy qismi hisoblanmaydigan mol-mulklar qiymati chiqarib tashlanishi lozim;

obyektning ushbu Nizomning 26-bandiga muvofiq aniqlanadigan narxidan ijara davrida qilingan xarajatlarning auditorlik tashkiloti tomonidan aniqlangan qiymatini chegirishda avval ijarachiga ijara haqi yuzasidan berilgan chegirmalar qiymati inobatga olinishi lozim.

296. Ijarachi tomonidan davlat koʻchmas mulk obyektini sotib olishni rad etgan yoki ijarachi xabardor qilingan kundan boshlab oʻn ish kuni muddatida Agentlik yoki uning hududiy boshqarmasining murojaatiga javob bermagan yoxud oʻn kun muddatda oldi-sotdi shartnomasini tuzmagan taqdirda ushbu davlat koʻchmas mulk obyekti mazkur Nizom bilan belgilangan tartibda ommaviy savdolarga chiqariladi.

Davlat koʻchmas mulki obyektini (uning qismlarini) ijarachi (ijarachilar) tomonidan sotib olinishi ehtimolini inobatga olgan holda, sotuvchi obyekt qiymatini toʻliq holda hamda ijara asosida foydalanilayotgan qismi (qismlari)ni qiymatini alohida koʻrsatgan holda aniqlanishini taʼminlaydi.

Ijarachi ijara asosida davlat koʻchmas mulki obyektining toʻliq maydonidan foydalanmagan va faqat oʻzi tomonidan foydalanilgan qismini sotib olish istagini bildirgan taqdirda, sotuvchi tomonidan davlat koʻchmas mulki obyektining tegishli qismlari boʻyicha alohida kadastr hujjatlari belgilangan tartibda shakllantiriladi va keyin sotilishi taʼminlanadi.

IV. Davlat koʻchmas mulk obyektlarini auksionda sotish

30. Auksionni oʻtkazish uchun sotuvchi:

savdolar tashkilotchisi bilan davlat koʻchmas mulk obyektlarini sotish boʻyicha auksionni tashkil etish yuzasidan xizmatlar koʻrsatishga shartnoma tuzadi, shartnoma taraflarning rekvizitlari, shartnoma predmeti, savdolar tashkilotchisi va sotuvchining huquq va majburiyatlari, shu jumladan, savdolar tashkilotchisini zarur hujjatlar va sotilayotgan davlat koʻchmas mulk obyekti toʻgʻrisidagi axborot bilan taʼminlash, taraflarning oʻzaro hisob-kitoblari tartibi va javobgarligi, qonun hujjatlariga muvofiq boshqa shartlardan iborat boʻlishi lozim;

auksionning sanasi va turini belgilaydi;

oʻzining rasmiy veb-saytida auksion oʻtkazilishi toʻgʻrisidagi xabarnomani (bundan buyon matnda auksion toʻgʻrisidagi xabarnoma deb yuritiladi) eʼlon qiladi, tanlov asosidagi auksionlar oʻtkazish hollari bundan mustasno;

sotuvchi, riyeltorlik tashkiloti, balansda saqlovchi vakillaridan va, zarur boʻlganda, shu jumladan shartnoma asosida jalb etiladigan mustaqil ekspertlar va maslahatchilardan tashkil topgan kamida besh kishidan iborat tarkibda doimiy yoki vaqtincha ishlaydigan auksion komissiyasini shakllantiradi. Auksion komissiyasiga sotuvchining vakili boshchilik qiladi.

Auksion komissiyasi oʻzining ish reglamentini mustaqil ravishda tasdiqlaydi. Qaror komissiya aʼzolari umumiy sonining oddiy koʻpchilik ovozi bilan qabul qilinadi. Ovozlar teng boʻlib qolgan taqdirda auksion komissiyasi raisi hal qiluvchi ovoz huquqiga ega boʻladi.

Auksion komissiyasining qarorlari, agar uning majlisida uning aʼzolarining kamida uchdan ikki qismi qatnashsa qonuniy hisoblanadi.

Auksion komissiyasi talablarning yagonaligini va auksion natijalari boʻyicha qaror qabul qilishning xolisligini taʼminlaydi.

301. Davlat koʻchmas mulk obyektini “E-auksion” elektron savdo platformasida sotishda auksion hayʼati tuzilmaydi.

31. Savdolar tashkilotchisi sotuvchi bilan tuzilgan shartnomaga va sotuvchining boshqa farmoyish beruvchi hujjatlariga muvofiq:

auksionda qatnashishga buyurtmanoma berish muddatini belgilaydi;

auksion oʻtkazilishidan kamida oʻttiz kun oldin oʻzining va sotuvchining rasmiy veb-saytida auksion toʻgʻrisidagi xabarnomani chop etadi, bunda bayram va dam olish kunlarida savdolar oʻtkazilmaydi, savdo bayram va dam olish kunlariga toʻgʻri kelgan taqdirda, navbatdagi ish kunida oʻtkaziladi;

sotilayotgan davlat koʻchmas mulk obyektlari toʻgʻrisidagi axborotni qonun hujjatlarida belgilangan tartibda oshkor etadi;

talabgorlarning auksionda qatnashishga buyurtmanomalarini roʻyxatdan oʻtkazadi;

tanlov asosidagi auksion oʻtkazilishi toʻgʻrisidagi xabarnomani (bundan buyon matnda tanlov asosidagi auksion toʻgʻrisidagi xabarnoma deb yuritiladi) yuboradi va mazkur xabarnomada koʻrsatilgan nodavlat yuridik va jismoniy shaxslardan buyurtmanomalar oladi;

talabgorlarni taqdim etiladigan hujjatlarning namunalari bilan taʼminlaydi va ularni rasmiylashtirishda yordam beradi;

talabgorlardan ushbu Nizomga muvofiq auksion qatnashchilari roʻyxatini shakllantiradi;

auksion toʻgʻrisidagi xabarnoma chop etilgan paytdan boshlab nodavlat yuridik va jismoniy shaxslarga ularning soʻrovnomalari boʻyicha sotilayotgan davlat koʻchmas mulk obyekti toʻgʻrisida qoʻshimcha axborot beradi;

auksion yakunlari toʻgʻrisidagi axborotni chop etadi, u auksion oʻtkazilgan kundan boshlab oʻttiz kun ichida ilgari auksion toʻgʻrisidagi xabarnoma chop etilgan aynan oʻsha ommaviy axborot vositalarida chop etiladi;

tuzilgan shartnomaga muvofiq boshqa funksiyalarni bajaradi.

32. Auksion (tanlov asosidagi auksion) toʻgʻrisidagi xabarnoma quyidagi maʼlumotlarni oʻz ichiga olishi lozim:

savdolar tashkilotchisining nomi va pochta manzili, uning aloqa telefoni, telefaksi, elektron pochtasi manzili;

auksionga qoʻyilgan davlat koʻchmas mulk obyektlarining nomi, miqdori, tavsifi va ularning joylashgan joyi;

sotilayotgan davlat koʻchmas mulk obyektining boshlangʻich narxi;

balansda saqlovchining nomi, uning faoliyati sohasi;

auksion oʻtkaziladigan sana, vaqt va joy;

oldi-sotdi shartnomasi tuzilishining oxirgi muddati;

zakalat qoʻyish miqdori, muddati va tartibi, uni qoʻyish uchun bank rekvizitlari;

buyurtmanomalarni qabul qilishning oxirgi muddati (kun va soat koʻrsatilgan holda);

qoʻshimcha axborot olish mumkin boʻlgan manzil va aloqa telefoni.

33. Tanlov asosidagi auksionni oʻtkazishda sotuvchi uning talablariga mos keladigan nodavlat yuridik va jismoniy shaxslar roʻyxatini oldindan aniqlaydi, savdolar tashkilotchisi ularga yopiq auksion toʻgʻrisidagi xabarnomani auksion boshlanishidan kamida oʻttiz kun oldin yuboradi. Tanlov asosidagi auksion toʻgʻrisidagi xabarnoma ommaviy axborot vositalarida chop etilmaydi hamda auksion taklif etilgan nodavlat yuridik va jismoniy shaxslar oʻrtasida oʻtkaziladi.

34. Auksionda qatnashish uchun talabgor majburiyatlarni bajarish taʼminoti sifatida davlat koʻchmas mulk obyekti boshlangʻich narxining kamida 10 foizi miqdorida zakalat toʻlashi lozim. Zakalatning aniq miqdori sotuvchi tomonidan belgilanadi.

35. Auksionda qatnashish uchun buyurtmanomalar ochiq auksion (tanlov asosidagi auksion) toʻgʻrisidagi xabarnomada koʻrsatilgan muddatlarda qabul qilinadi.

351. “E-auksion” elektron savdo platformasida qatnashish uchun talabnomani qabul qilish, auksionni oʻtkazish, gʻolibni aniqlash va auksion natijalarini rasmiylashtirish qonunchilikda belgilangan tartibda amalga oshiriladi.

36. Auksionda qatnashish uchun talabgor yoki uning vakolatli vakili savdolar tashkilotchisiga shaxsan yoki pochta orqali auksion (tanlov asosidagi auksion) toʻgʻrisidagi xabarnomada belgilangan muddatlarda quyidagi hujjatlarni ilova qilgan holda auksionda qatnashish uchun buyurtmanomani ikki nusxada taqdim etadi:

nodavlat yuridik shaxslar uchun — davlat roʻyxatidan oʻtkazilganligi toʻgʻrisidagi guvohnomaning nusxasi va qonun hujjatlarida belgilangan tartibda rasmiylashtirilgan vakolatli vakilning auksionda qatnashishi uchun ishonchnoma, uning shaxsini tasdiqlaydigan hujjat nusxasini ilova qilgan holda;

jismoniy shaxslar uchun — pasportning nusxasi, auksionda vakolatli vakil qatnashgan taqdirda, qonun hujjatlarida belgilangan tartibda rasmiylashtirilgan ishonchnoma, uning shaxsini tasdiqlaydigan hujjat nusxasini ilova qilgan holda;

auksion (tanlov asosidagi auksion) toʻgʻrisidagi xabarnomada koʻrsatilgan bank hisobvaragʻiga zakalat toʻlanganligini tasdiqlaydigan toʻlov hujjatining nusxasi;

Taqdim etilgan hujjatlarning barcha varaqlari talabgorning imzosi bilan tasdiqlanadi.

37. Savdolar tashkilotchisi buyurtmanomaning ikkinchi nusxasiga hujjatlarning roʻyxati bilan birgalikda berilgan hujjatlar qabul qilinganligi toʻgʻrisida ular qabul qilingan sana va vaqtni koʻrsatgan holda belgi qoʻyadi, ushbu nusxa talabgorga yoki uning vakolatli vakiliga topshiriladi yoxud pochta orqali yuboriladi. Buyurtmanomalar sotuvchi tomonidan belgilanadigan tartibda hisobga olinishi lozim.

38. Tanlov toʻgʻrisidagi xabarnomada koʻrsatilgan qabul qilish muddati tugagandan keyin tushgan, ushbu Nizomning 36-bandida koʻrsatilgan talablarga muvofiq boʻlmagan buyurtmanomalar savdolar tashkilotchisi tomonidan qabul qilinmaydi.

Hujjatlarning tushgan sanasi savdolar tashkilotchisida roʻyxatdan oʻtkazilganligi toʻgʻrisidagi belgi boʻyicha belgilanadi.

Boshqa asoslar boʻyicha auksionda qatnashishning rad etilishiga yoʻl qoʻyilmaydi.

39. Savdolar tashkilotchisi tomonidan qabul qilinmagan buyurtmanomalar oʻsha kunning oʻzida talabgor yoki uning vakolatli vakiliga tilxat olib topshirish yoxud qabul qilish rad etilishining sabablari koʻrsatilgan holda pochta orqali (buyurtma xat topshirilganligi haqidagi xabarnoma bilan) yuborish yoʻli bilan qaytariladi. Bunda toʻlangan zakalat summasi besh bank kuni ichida qaytariladi.

40. Auksionda qatnashishga savdolar tashkilotchisi tomonidan buyurtmanomalari qabul qilingan talabgorlarga ruxsat etiladi.

41. Auksion qatnashchilariga auksionni oʻtkazish kuni auksion qatnashchisi chiptasi beriladi, unda qatnashchining raqami va auksionga qoʻyilgan davlat koʻchmas mulk obyektining nomi koʻrsatiladi. Qatnashchilarga shuningdek auksion davomida foydalaniladigan maxsus raqamli belgilar beriladi.

42. Auksion qatnashchisi auksion oʻtkazilishidan bir soat oldin savdo tashkilotchisiga yozma bildirishnoma berish yoʻli bilan buyurtmanomani qaytarib olishi mumkin. Ushbu holda qatnashchidan tushgan zakalat buyurtmanoma qaytarib olinishi toʻgʻrisidagi bildirishnoma savdolar tashkilotchisiga tushgan paytdan boshlab besh bank kunidan kech boʻlmagan muddatda qaytarilishi lozim.

43. Auksion, agar buyurtmanoma qabul qilish tamom boʻlishi sanasigacha birorta ham buyurtmanoma tushmasa yoki faqat bitta buyurtmanoma tushsa, boʻlib oʻtmagan deb eʼtirof etiladi.

Bunda savdolar tashkilotchisi bu toʻgʻrida auksion komissiyasini, sotuvchini va yagona buyurtmanomani bergan qatnashchini xabardor qiladi.

44. Davlat koʻchmas mulk obyektlarini sotish boʻyicha auksionlar obyektning boshlangʻich narxini qadamba-qadam oshirish tarzida oʻtkaziladi.

45. Auksionni savdolar tashkilotchisi tomonidan tayinlanadigan auksionchi oʻtkazadi. Auksion auksionchi tomonidan savdo predmeti, davlat koʻchmas mulk obyektining nomi, qisqacha tavsifi va boshlangʻich narxi, savdo jarayonida uni oshirish bosqichi (auksion bosqichi) eʼlon qilingan holda boshlanadi.

46. Auksionning dastlabki bosqichi auksion komissiyasi tomonidan boshlangʻich narxning 1 foizidan kam boʻlmagan miqdorda belgilanadi.

47. Auksion jarayonida har uch bosqichdan keyin auksionchi auksion bosqichini oshirish tomonga oʻzgartirishi mumkin. Bunda auksionchi narxni aytadi, qatnashchilar esa raqamli belgini koʻtarib davlat koʻchmas mulk obyektini mazkur narxda sotib olishga tayyorliklari toʻgʻrisida xabar beradilar.

48. Bir nechta qatnashchilar tomonidan qiziqish namoyon etilgan taqdirda auksionchi narxni auksion bosqichiga muvofiq oshirib navbatdagi narxni eʼlon qiladi.

49. Auksion navbatdagi narx uch marotaba eʼlon qilingandan keyin qatnashchilardan birortasi raqamli belgisini koʻtarmaganda yakunlanadi. Chiptasining raqami auksionchi tomonidan oxirgi marta aytilgan qatnashchi auksion gʻolibiga aylanadi. Shundan keyin auksionchi auksion savdosiga qoʻyilgan davlat koʻchmas mulk obyektining sotilganligini eʼlon qiladi, sotuv narxini va auksion gʻolibining chipta raqamini aytadi.

Auksionlar birinchi auksion oʻtkazilgan sanadan soʻng ikki oy ichida oʻn ish kunida bir marta davriylikda oʻtkaziladi.

V. Davlat koʻchmas mulk obyektlarini tanlovda sotish

50. Tanlovni oʻtkazish uchun sotuvchi:

savdolar tashkilotchisi bilan davlat koʻchmas mulk obyektlarini sotish boʻyicha tanlovni tashkil etish yuzasidan xizmatlar koʻrsatishga shartnoma tuzadi, shartnoma taraflarining rekvizitlari, shartnoma predmeti, savdolar tashkilotchisi va sotuvchining huquq va majburiyatlari, shu jumladan savdolar tashkilotchisini zarur hujjatlar va sotilayotgan davlat koʻchmas mulk obyekti toʻgʻrisidagi axborot bilan taʼminlash, taraflarning oʻzaro hisob-kitoblari tartibi va javobgarligi, qonun hujjatlariga muvofiq boshqa shartlardan iborat boʻlishi lozim;

tanlov sanasi, shartlari va turini belgilaydi;

oʻzining rasmiy veb-saytida tanlov oʻtkazilishi toʻgʻrisidagi xabarnomani (bundan buyon matnda tanlov toʻgʻrisidagi xabarnoma deb yuritiladi) eʼlon qiladi;

sotuvchi, savdolar tashkilotchisi, balansda saqlovchi vakillaridan va zarur boʻlganda, shu jumladan shartnoma asosida jalb etiladigan mustaqil ekspertlar va maslahatchilardan tashkil topgan kamida besh kishidan iborat tarkibda doimiy yoki vaqtincha ishlaydigan tanlov komissiyasini shakllantiradi. Tanlov komissiyasiga sotuvchining vakili boshchilik qiladi.

501. Davlat koʻchmas mulk obyektini “E-auksion” elektron savdo platformasida sotishda tanlov hayʼati tuzilmaydi.

“E-auksion” elektron savdo platformasida qatnashish uchun talabnomani qabul qilish, tanlovni oʻtkazish, gʻolibni aniqlash va tanlov natijalarini rasmiylashtirish qonunchilikda belgilangan tartibda amalga oshiriladi.

51. Tanlov komissiyasi oʻzining ish reglamentini mustaqil ravishda tasdiqlaydi. Qaror komissiya aʼzolari umumiy sonining oddiy koʻpchilik ovozi bilan qabul qilinadi. Ovozlar teng boʻlib qolgan taqdirda tanlov komissiyasi raisi hal qiluvchi ovoz huquqiga ega boʻladi.

Tanlov komissiyasining qarorlari, agar uning majlisida aʼzolarining kamida uchdan ikki qismi qatnashsa qonuniy hisoblanadi.

Tanlov komissiyasi talablarning yagonaligini va tanlov natijalari boʻyicha qaror qabul qilishning xolisligini taʼminlaydi va tanlov hujjatlarini tasdiqlaydi, ushbu hujjatlar umumiy qabul qilingan belgilar va nomlardan foydalangan holda tushunarli tilda, ikki xil talqin etilmaydigan soʻzlar va jumlalardan tuzilishi lozim.

52. Savdolar tashkilotchisi sotuvchi bilan tuzilgan shartnomaga va sotuvchining boshqa farmoyish beruvchi hujjatlariga muvofiq:

sotish uchun qoʻyilayotgan davlat koʻchmas mulk obyektlari toʻgʻrisidagi axborotni qonun hujjatlarida belgilangan tartibda oshkor etadi;

investorlarni, shu jumladan xorijiy investorlarni izlashni tashkil etadi va talabgorlarning sotilayotgan davlat koʻchmas mulk obyektlari bilan tanishishi uchun sharoitlar yaratadi;

tanlov hujjatlarini tayyorlaydi;

tanlovda qatnashish uchun buyurtmanomalar berish muddatini belgilaydi;

tanlov takliflari solingan konvertlarni ochish belgilangan sanadan kamida oʻttiz kun oldin oʻzining va sotuvchining rasmiy veb-saytida tanlov oʻtkazilishi toʻgʻrisidagi xabarnomani (bundan buyon matnda tanlov toʻgʻrisidagi xabarnoma deb yuritiladi) eʼlon qiladi, bunda bayram va dam olish kunlarida savdolar oʻtkazilmaydi, savdo bayram va dam olish kunlariga toʻgʻri kelgan taqdirda, navbatdagi ish kunida oʻtkaziladi;

talabgorlarga ularning soʻrovlari boʻyicha tanlov hujjatlarini beradi;

talabgorlarning tanlovda qatnashish uchun buyurtmanomalarini roʻyxatdan oʻtkazadi va ularning maxfiyligini va saqlanishini taʼminlaydi;

talabgorlarni taqdim etiladigan hujjatlarning namunalari bilan taʼminlaydi va ularni rasmiylashtirishda yordam beradi;

tanlov yakunlari toʻgʻrisidagi axborotni chop etadi, u tanlov oʻtkazilgan kundan boshlab oʻttiz kun ichida ilgari tanlov toʻgʻrisidagi xabarnoma chop etilgan aynan oʻsha ommaviy axborot vositalarida chop etiladi;

tuzilgan shartnomaga muvofiq boshqa funksiyalarni bajaradi.

53. Tanlov toʻgʻrisidagi xabarnoma quyidagi maʼlumotlarni oʻz ichiga olishi lozim:

savdolar tashkilotchisining nomi va pochta manzili, uning aloqa telefoni, telefaksi, elektron pochtasi manzili;

tanlovga qoʻyilgan davlat koʻchmas mulk obyektlarining nomi, miqdori, tavsifi va ularning joylashgan joyi;

sotilayotgan davlat koʻchmas mulk obyektining boshlangʻich narxi;

investitsiyaviy majburiyatlarning (kiritish shakli va shartlari yoyib koʻrsatilgan holda) va ijtimoiy majburiyatlarning eng kam hajmi;

mavjud qoʻshimcha yuklamalar toʻgʻrisidagi axborot;

balansda saqlovchining nomi va uning faoliyati sohasi;

qatnashchilarning takliflari bildirilgan konvertlarni ochish sanasi, vaqti va joyi;

tanlov oʻtkazish sanasi, vaqti, joyi va shartlari;

davlat koʻchmas mulk obyektining oldi-sotdi shartnomasini (bundan buyon matnda oldi-sotdi shartnomasi deb yuritiladi) tuzishning oxirgi muddati;

zakalat qoʻyish miqdori, muddati va tartibi, uni qoʻyish uchun bank rekvizitlari;

buyurtmanomalarni qabul qilishning (kun va soat koʻrsatilgan holda) oxirgi muddati;

tanlov hujjatlarini va qoʻshimcha axborotni olish mumkin boʻlgan manzil.

55. Tanlovda qatnashish uchun talabgor majburiyatlarni bajarish taʼminoti sifatida davlat koʻchmas mulk obyekti boshlangʻich narxining kamida 10 foizi miqdorida zakalat toʻlashi shart. Zakalatning aniq miqdori sotuvchi tomonidan belgilanadi.

56. Tanlovda qatnashish uchun talabgor yoki uning vakolatli vakili savdolar tashkilotchisiga tanlov toʻgʻrisidagi xabarnomada belgilangan muddatlarda shaxsan yoki pochta orqali quyidagi hujjatlarni ilova qilgan holda buyurtmanomani ikki nusxada taqdim etadi:

nodavlat yuridik shaxslar uchun — qonun hujjatlarida belgilangan tartibda rasmiylashtirilgan vakolatli vakilning tanlovda qatnashishi uchun ishonchnoma, uning shaxsini tasdiqlaydigan hujjat nusxasini ilova qilgan holda;

jismoniy shaxslar uchun — pasportining nusxasi, tanlovda vakolatli vakil qatnashgan taqdirda, qonun hujjatlarida belgilangan tartibda rasmiylashtirilgan ishonchnoma, uning shaxsini tasdiqlaydigan hujjat nusxasini ilova qilgan holda;

biznes-reja imzolangan konvertda, shuningdek tanlov hujjatlariga muvofiq tuzilgan tanlov takliflari (taklif qilingan sotib olish toʻlovlari summasi va uni toʻlash muddatlari, taklif qilinayotgan investitsiya majburiyatlari summasi, uning shakli, muddati va kiritish sharti) bilan.

Taqdim etilgan hujjatlarning barcha varaqlari talabgorning imzosi bilan tasdiqlangan boʻlishi kerak.

57. Savdolar tashkilotchisi buyurtmanomaning ikkinchi nusxasiga hujjatlarning roʻyxati bilan birgalikda berilgan hujjatlar qabul qilinganligi toʻgʻrisida ular qabul qilingan sana va vaqtni koʻrsatgan holda belgi qoʻyadi, ushbu nusxa talabgorga yoki uning vakolatli vakiliga topshiriladi yoxud pochta orqali yuboriladi. Buyurtmanomalar sotuvchi tomonidan belgilanadigan tartibda hisobga olinishi lozim.

58. Tanlov toʻgʻrisidagi xabarnomada koʻrsatilgan qabul qilish muddati tugagandan keyin tushgan buyurtmanomalar savdolar tashkilotchisi tomonidan qabul qilinmaydi. Pochta orqali yuborilgan hujjatlarning tushgan sanasi savdolar tashkilotchisining roʻyxatdan oʻtkazishi boʻyicha belgilanadi.

59. Savdolar tashkilotchisi tomonidan qabul qilinmagan buyurtmanomalar oʻsha kunning oʻzida talabgor yoki uning vakolatli vakiliga tilxat olib topshirish yoxud qabul qilish rad etilishining sabablari koʻrsatilgan holda pochta orqali (buyurtma xat topshirilganligi haqidagi xabarnoma bilan) yuborish yoʻli bilan qaytariladi. Bunda toʻlangan zakalat summasi besh bank kuni ichida qaytariladi.

60. Agar:

ushbu Nizomning 56-bandida koʻrsatilgan hujjatlar roʻyxatiga muvofiq barcha hujjatlar taqdim etilmagan boʻlsa;

talabgor — nodavlat yuridik shaxsning tugatish bosqichida turganligi yoki bankrot deb topilganligi aniqlansa, talabgor yoki uning vakolatli vakili tanlov komissiyasi tomonidan tanlovda qatnashishga qoʻyilmaydi:

Boshqa asoslar boʻyicha tanlovda qatnashishning rad etilishiga yoʻl qoʻyilmaydi.

61. Konvertlarni ochishning belgilangan sanasigacha talabgor savdolar tashkilotchisini yozma ravishda xabardor qilgan holda oʻzining buyurtmanomasini qaytarib olish huquqiga ega. Savdolar tashkilotchisi koʻrsatib oʻtilgan bildirishnomani u tushgan kunda roʻyxatdan oʻtkazishi shart. Ushbu holda talabgordan tushgan zakalat tushgan bildirishnoma roʻyxatga olingan kundan boshlab besh bank kunidan kech boʻlmagan muddatda qaytarilishi lozim.

62. Tanlovda qatnashishga buyurtmanomalarni qabul qilish tanlov toʻgʻrisidagi xabarnoma chop etilgan kundan boshlanadi va xabarnomada belgilangan konvertlarni ochish sanasidan uch soat oldin toʻxtatiladi.

Tanlov savdo oʻtkazilishi toʻgʻrisidagi rasmiy eʼlon nashr etilgan kundan eʼtiboran 60 kundan ortiq boʻlmagan muddatda, aniq belgilangan mezonlarga muvofiq, shu jumladan investitsiya hajmlari va yangi ish oʻrinlari yaratish shartlari asosida oʻtkaziladi.

63. Tanlov, agar xabarnomada belgilangan konvertlarni ochish sanasida birorta ham buyurtmanoma tushmagan yoki faqat bitta buyurtmanoma tushgan boʻlsa, boʻlib oʻtmagan deb eʼtirof etiladi.

Bunda savdolar tashkilotchisi bu toʻgʻrida tanlov komissiyasini, sotuvchini va yagona buyurtmanomani bergan talabgorni xabardor qiladi.

64. Tanlov komissiyasi, agar berilgan tanlov takliflaridan hech biri tanlov shartlariga muvofiq boʻlmasa, tanlovni boʻlib oʻtmagan deb eʼtirof etishi mumkin.

65. Tanlov takliflari bildirilgan konvertlarning birinchi nusxalarini ochish tanlov komissiyasi tomonidan amalga oshiriladi. Konvertlarning ikkinchi nusxalari savdolar tashkilotchisida saqlanadi va takliflarning mazmuniga oid nizolar kelib chiqqan taqdirda ochiladi.

Yagona qatnashchining tanlov takliflari bildirilgan konvert ochilmaydi.

Tanlov qatnashchilari yoki ularning vakolatli vakillari konvertlarni ochishda hozir boʻlishlari mumkin.

Tanlov takliflari bildirilgan konvertlarni ochishda tanlov komissiyasi tomonidan tanlovda qatnashish shartlari va tartib-taomillariga rioya qilish, tanlov hujjatlarida koʻrsatilgan hujjatlarning mavjudligi tekshiriladi.

66. Konvertlarni ochish natijalari boʻyicha bayonnoma tuziladi, unda tushgan barcha tanlov takliflari hamda ularning tanlov shartlari va tartib-taomillariga muvofiqligi qayd etiladi.

67. Tanlov takliflarini baholash va tanlov gʻolibini aniqlash quyidagi formula boʻyicha amalga oshiriladi:

TT = (T*0,8)+(I*0,2), bunda:

TT — qatnashchining tanlov taklifi;

T — davlat koʻchmas mulk obyekti uchun sotib olish toʻlovi summasi boʻyicha qatnashchining taklifi;

I — investitsiyaviy majburiyatlar miqdori boʻyicha qatnashchining taklifi.

68. Tanlov turidan qatʼi nazar, tanlov gʻolibini aniqlash tanlov komissiyasining yopiq majlisida oʻtkaziladi.

Tanlov taklifi (biznes-reja) tanlov shartlariga eng koʻp darajada muvofiq deb eʼtirof etilgan qatnashchi tanlov gʻolibi deb eʼtirof etiladi.

Ikki yoki undan ortiq tanlov takliflari teng boʻlgan taqdirda taklifida sotib olish summasi yuqori boʻlgan qatnashchi gʻolib deb eʼtirof etiladi, agar sotib olish toʻlovi summasi boʻyicha ham, investitsiyaviy majburiyatlar miqdori boʻyicha ham bir xildagi takliflar berilgan boʻlsa — taklifi savdolar tashkilotchisi tomonidan oldin roʻyxatdan oʻtkazilgan qatnashchi gʻolib deb eʼtirof etiladi.

Savdolar tashkilotchisi tanlov qatnashchilarini uning natijalari bilan tanlov yakunlari toʻgʻrisida qaror qabul qilingan kundan boshlab besh ish kuni ichida xabardor qiladi.

69. Tanlovlar birinchi tanlov oʻtkazilgan sanadan soʻng ikki oy ichida oʻn ish kunida bir marta davriylikda oʻtkaziladi.

VI. Auksion va tanlov komissiyalarining huquqlari

70. Auksion va tanlov komissiyalari quyidagi huquqlarga ega:

ushbu Nizom, boshqa qonun hujjatlari talablari buzilgan, auksion yoki tanlov jarayonini buzadigan til biriktirish va boshqa oldindan koʻrib boʻlmaydigan holatlar aniqlangan taqdirda auksion yoki tanlovni oʻtkazishni toʻxtatish;

tegishlicha asoslagan holda auksion yoki tanlovni boʻlmagan deb eʼtirof etish;

tanlov qatnashchilarining tanlov takliflarini, ular tanlov hujjatlariga va tanlovni oʻtkazish shartlariga muvofiq boʻlmagan taqdirda, rad etish sabablarini koʻrsatib, tanlov qatnashchilarini xabardor qilgan holda, rad etish;

tanlov oʻtkazish sanasini, ilgari tanlov toʻgʻrisidagi xabarnoma chop etilgan aynan oʻsha ommaviy axborot vositalarida tegishli axborotni chop etish orqali yozma ravishda xabardor qilgan holda, tanlov toʻgʻrisidagi xabarnomada belgilangan muddatdan ikki oydan ortiq boʻlmagan muddatga koʻchirish;

auksion oʻtkazish sanasini ilgari auksion (tanlov asosidagi auksion) toʻgʻrisidagi xabarnoma chop etilgan aynan oʻsha ommaviy axborot vositalarida tegishli axborotni chop etish orqali (ilgari tanlov asosidagi auksion toʻgʻrisidagi xabarnoma yuborilgan nodavlat yuridik va jismoniy shaxslarga tegishli axborotni yuborgan holda) yozma ravishda xabardor qilgan holda, auksion (tanlov asosidagi auksion) toʻgʻrisidagi xabarnomada belgilangan muddatdan ikki oydan ortiq boʻlmagan muddatga koʻchirish;

auksion yoki tanlov oʻtkazilishini bekor qilish, bu toʻgʻrida sotuvchi va qatnashchilarni tegishlicha asoslagan holda xabardor qilish.

VII. Auksion va tanlov natijalarini rasmiylashtirish

71. Auksion yoki tanlov oʻtkazish yakunlari boʻyicha auksion yoki tanlov komissiyasi tomonidan tegishli ravishda auksion yoki tanlov savdolari bayonnomasi rasmiylashtiriladi, bayonnomada auksion yoki tanlovning barcha qatnashchilari, ularning takliflarining mazmuni va gʻolibni tanlash toʻgʻrisidagi qaror koʻrsatiladi.

711. Davlat koʻchmas mulk obyektini “E-auksion” elektron savdo platformasida sotishda elektron savdolar bayonnomasi xaridorga auksion (tanlov) gʻolibi bilan ERI orqali imzolanadigan elektron oldi-sotdi shartnomasini tuzish uchun yuboriladi.

72. Auksion yoki tanlov komissiyasining qaroriga muvofiq savdolar tashkilotchisi va gʻolib tomonidan savdo oʻtkazilgan kunda oldi-sotdi shartnomasini rasmiylashtirish uchun asos hisoblanadigan oʻtkazilgan savdolarning natijalari toʻgʻrisidagi bayonnoma imzolanadi.

Oʻtkazilgan savdoning natijalari toʻgʻrisidagi imzolangan bayonnoma sotuvchiga va gʻolibga taqdim etiladi.

73. Gʻolib bayonnomani yoki oldi-sotdi shartnomasini imzolashdan bosh tortgan yoki rad etgan taqdirda:

auksion komissiyasi tomonidan bayonnomaga tegishli belgi qoʻyiladi va sotuvchi auksion gʻolibi tomonidan taklif etilgan narxdan bir bosqich past narxni taklif etgan auksion qatnashchisi bilan shartnoma tuzishni taklif qiladi.

tanlov komissiyasi tomonidan bayonnomaga tegishli belgi qoʻyiladi va sotuvchi taklifi tanlov shartlariga eng koʻp muvofiq boʻlgan tanlovning boshqa qatnashchisi bilan shartnoma tuzishni taklif qiladi.

Agar ushbu qatnashchi ham oldi-sotdi shartnomasini imzolashni rad etsa, auksion yoki tanlov natijalari bekor qilinadi.

Bayonnomani va (yoki) oldi-sotdi shartnomasini imzolashdan bosh tortayotgan yoki rad etayotgan auksion yoki tanlov gʻolibiga, uning tomonidan toʻlangan zakalat summasi qaytarilmaydi.

74. Auksion yoki tanlov gʻolibi bayonnomani va (yoki) oldi-sotdi shartnomasini imzolashdan, davlat koʻchmas mulk shuningdek, kelishuv va auksion yoki tanlov jarayonini buzuvchi boshqa xatti-harakatlarda qatnashish obyektini sotib olish boʻyicha oldi-sotdi shartnomasi shartlarini bajarishdan bosh tortgan yoki rad etgan taqdirda, u kelgusida mazkur obyektni sotish boʻyicha navbatdagi savdolarda qatnashishi mumkin emas.

IX. Davlat koʻchmas mulk obyektlarining oldi-sotdi shartnomalarini tuzish

82. Bayonnoma imzolangandan keyin oʻn kundan kechikmay, agar auksion (tanlov) toʻgʻrisidagi xabarnomada boshqacha muddat belgilanmagan boʻlsa, auksion (tanlov) gʻolibi bilan oldi-sotdi shartnomasi tuziladi.

Auksion (tanlov) oʻtkazish natijalari boʻyicha oldi-sotdi shartnomasi bir tarafdan sotuvchi va boshqa tarafdan gʻolib hamda balansda saqlovchining ishtirokida tuziladi.

83. Oldi-sotdi shartnomasida quyidagi maʼlumotlar va shartlar aks ettirilishi kerak:

taraflarning nomi va manzillari;

oldi-sotdi shartnomasini tuzish uchun asoslar;

davlat koʻchmas mulk obyektining nomi va joylashgan joyi;

sotib olish toʻlovining miqdori, valyutasi, amalga oshirish shartlari, tartibi va muddatlari;

taraflarning majburiyatlari, shu jumladan sotilgan davlat koʻchmas mulk obyektiga boʻlgan mulk huquqining sotuvchidan xaridorga oʻtishi shartlari, tartibi va ketma-ketligi, shu jumladan mulk huquqini tasdiqlovchi davlat orderini berish;

oldi-sotdi shartnomasi boʻyicha qabul qilinadigan majburiyatlarni oʻz vaqtida bajarmaganlik va (yoki) bajarmaganlik uchun javobgarlik, jarima miqdori va toʻlash shartlari;

oldi-sotdi shartnomasi doirasida yuzaga keladigan nizolar va daʼvolarga nisbatan, birinchi navbatda mediatsiya tartib-taomilini amalga oshirish, oldi-sotdi shartnomasini bekor qilish shartlari, qoʻllanadigan huquq, fors-major holatlarini aniqlash va bunday holatda harakat qilish tartibi, tili, nusxalar soni, oldi-sotdi shartnomasiga oʻzgartirish va qoʻshimchalar kiritish shartlari, uning kuchga kirishi;

taraflarning kafolatlari shaklidagi ilovalar.

Oldi-sotdi shartnomasida zarurat boʻlganda quyidagilar koʻrsatilishi mumkin:

xaridor tomonidan qabul qilinadigan investitsiyaviy va ijtimoiy majburiyatlarning hajmi (pul ifodasida), umumiy mazmuni, amalga oshirish shartlari, ketma-ketligi va muddatlari;

xaridor tomonidan toʻlovlar boʻlib-boʻlib toʻlanayotgan va investitsiyaviy va (yoki) ijtimoiy majburiyatlar bajarilayotgan davrda sotilayotgan davlat koʻchmas mulk obyektidan foydalanish shartlari;

investitsiyaviy va ijtimoiy majburiyatlarni amalga oshirishning batafsil dasturini (reja-jadvalini) tayyorlash va xaridor tomonidan sotuvchi bilan kelishish uchun taqdim etishning, ularning bajarilishi monitoringini olib borishning muddati;

investitsiyaviy va ijtimoiy majburiyatlar asosiy bandlari mazmunining bayoni, xaridor tomonidan bajarilishi muddatlari, ularning amalga oshirilganligi holatini tasdiqlash tartibi va shartlari.

84. Agentlik, hududiy boshqarmasi tomonidan sotib olish toʻlovlarining tushishi, xaridor tomonidan investitsiyaviy va ijtimoiy majburiyatlarning soʻzsiz bajarilishi va ularning muddatlari yuzasidan doimiy monitoring amalga oshiriladi.

85. Xaridor bilan tuzilgan oldi-sotdi shartnomasi bekor qilingan taqdirda uning tomonidan sotib olish toʻlovlari xorijiy valyutada amalga oshirilgan boʻlsa, qaytarilishi lozim boʻlgan mablagʻlar tegishli jarima ushlab qolingandan keyin xaridor bilan kelishgan holda Oʻzbekiston Respublikasining milliy valyutasida ularni xaridor tomonidan koʻrsatilgan bank hisob raqamiga pul oʻtkazish sanasidagi kursi boʻyicha oʻtkazib berilishi mumkin.

86. Baholangan narxidan past qiymatida sotilgan davlat koʻchmas mulk obyektlarining savdolari yakunlari bekor qilingan yoki oldi-sotdi shartnomalari bekor qilingan yoxud haqiqiy emas deb topilgan taqdirda, agar ularni savdoga qoʻyish va oldi-sotdi shartnomasini bekor qilish (haqiqiy emas deb hisoblash) sanasi orasidagi muddat bir yildan oshmagan boʻlganda shakllangan narxi boʻyicha, baholangan narxidan baland qiymatida sotilganda oxirgi savdolarga chiqarilgan narx boʻyicha — agar savdoga qoʻyish va shartnomalarni bekor qilish yoxud haqiqiy emas deb topish sanasi orasidagi muddat bir yildan oshmagan boʻlsa, amalga oshiriladi.

Savdoga qoʻyish va shartnomalarni bekor qilish yoxud haqiqiy emas deb topish sanasi orasidagi muddat bir yildan oshgan boʻlsa davlat koʻchmas mulk obyektlari belgilangan tartibda takroriy baholashdan keyin savdoga qoʻyiladi.

Bunda davlat koʻchmas mulk obyektlari ushbu Nizomning tegishli ravishda IV va V boʻlimlariga muvofiq aynan oʻsha turdagi savdolarga qoʻyiladi.

87. Savdoga qoʻyish va oldi-sotdi shartnomasini bekor qilish yoxud uni haqiqiy emas deb topish sanasi oʻrtasidagi muddat bir yildan oshgan taqdirda davlat koʻchmas mulk obyekti belgilangan tartibda takroran baholashdan keyin savdoga qoʻyiladi.

X. Davlat koʻchmas mulk obyektini sotish yakunlari boʻyicha hisob-kitoblarni oʻtkazish va mulk huquqini tasdiqlovchi davlat orderini rasmiylashtirish

88. Oldi-sotdi shartnomasi tuzilgandan keyin xaridor yoki uning vakolatli vakili tuzilgan oldi-sotdi shartnomasining shartlariga muvofiq sotib olish toʻlovlarini amalga oshiradi hamda investitsiyaviy va ijtimoiy majburiyatlarni bajaradi. Bunda auksion yoki tanlovda yutib chiqilgan taqdirda gʻolib tomonidan toʻlangan zakalat sotib olish toʻlovlari summasiga qoʻshiladi, savdolarning qolgan qatnashchilariga esa toʻlagan zakalati besh bank kuni ichida qaytariladi.

89. Davlat koʻchmas mulk obyektlarini sotib olish toʻlovlarini toʻlash muddati sotuvchi tomonidan belgilanadi, biroq u oldi-sotdi shartnomasi kuchga kirgan kundan boshlab uch yildan oshmasligi lozim, agar Oʻzbekiston Respublikasi Prezidentining yoki Oʻzbekiston Respublikasi Vazirlar Mahkamasining yoxud Davlat komissiyasining qarorlarida boshqacha qoida belgilanmagan boʻlsa.

Davlat koʻchmas mulk obyektlarini boʻlib-boʻlib toʻlash sharti bilan sotish boʻyicha oldi-sotdi shartnomasi tuzilgan kundan boshlab bir oy ichida xaridor tomonidan sotib olish toʻlovlarining 35 foizi miqdoridagi hamda 4 va 5-toifadagi tumanlarda joylashgan davlat koʻchmas mulk obyektlarini sotib olgan xaridorlarga, shuningdek, ushbu toifadagi hududda faoliyat yuritayotgan “AA” va undan yuqori toifadagi tadbirkorlik subyektlariga 35 foizdan kam boʻlgan (zakalat toʻlovini inobatga olgan holda) (bundan ustav kapitalida 50 foiz va undan ortiq miqdorda davlat ulushi mavjud boʻlgan xoʻjalik jamiyatlari xaridor boʻlgan hollar mustasno) dastlabki toʻlov amalga oshirilgan taqdirda, xaridorga sotib olish toʻlovlarini foizsiz boʻlib-boʻlib toʻlash huquqi beriladi.

Agar dastlabki toʻlov summasi ushbu bandning uchinchi xatboshisida nazarda tutilgan foizlardan (miqdorlardan) kam boʻlgan holatda, bir oylik muddat tugagan kundan keyingi kundan boshlab qolgan summaga har bir kun uchun Markaziy bankning asosiy stavkasi miqdorida yillik foizidan kelib chiqqan holda, quyidagi formula boʻyicha kunlik foizlar hisoblanadi.

Fd=Qd*(MBd/365)*Kd

Bunda:

Fd — toʻlov grafigi boʻyicha toʻlovni amalga oshirish davri uchun hisoblangan foizlar;

D — toʻlov grafigi boʻyicha toʻlovni amalga oshirish davri tartib raqami;

Qd — toʻlov grafigi boʻyicha toʻlovni amalga oshirish davridagi sotib olish toʻlovlari qoldigʻi;

MBd — Markaziy bankining foiz hisoblanayotgan davr uchun amalda boʻlgan asosiy foiz stavkalari. Bunda, toʻlov grafigidagi hisobga olinayotgan kunlar uchun bir nechta asosiy foiz stavkalari amalda boʻlsa, foiz miqdorlari tegishli kunlarga mos ravishda asosiy foiz stavkasi oʻzgartirilgan holda alohida-alohida hisoblanib, toʻlov grafigidagi davr uchun jamlanadi.

Kd — toʻlov grafigi boʻyicha toʻlovni amalga oshirish davrlari oraligʻidagi kunlar soni, bunda birinchi davr uchun kunlar soni oldi-sotdi shartnomasi tuzilgan sanadan keyingi kundan boshlab hisoblanadi.

Markaziy bankning asosiy stavkasi miqdorida yillik foizlar hisoblanadigan shartnomalar boʻyicha muddatida toʻlanmagan foizlar uchun xaridordan penya undirish nazarda tutilmaydi.

Bunda, hisoblangan foizlar shartnomada belgilangan toʻlov grafigi boʻyicha har bir toʻlovni amalga oshirishning oxirgi muddatida toʻlanmagan taqdirda, toʻlov grafigi boʻyicha keyingi amalga oshirilgan toʻlov birinchi navbatda oldingi davr uchun hisoblangan foizlarni soʻndirishga yoʻnaltiriladi.

Investitsiyaviy majburiyatlarni bajarish muddati besh yildan oshmasligi kerak, davlat koʻchmas mulk obyektlarini Oʻzbekiston Respublikasi Prezidentining, Oʻzbekiston Respublikasi Vazirlar Mahkamasining yoki Davlat komissiyasining alohida qarorlari boʻyicha sotish hollaridan tashqari.

Sotib olish toʻlovlari Davlat aktivlarini boshqarish, transformatsiya va xususiylashtirish jamgʻarmasiga bir yoʻla yoki boʻlib-boʻlib toʻlanadi.

Xaridor sotilgan davlat koʻchmas mulk obyekti uchun sotib olish toʻlovini muddatidan oldin toʻlashga haqli.

90. Davlat koʻchmas mulk obyektlari xaridorning chegirmani berish haqidagi yozma (elektron) arizasiga muvofiq, sotib olish toʻlovlari bir oy muddatda toʻlanishini nazarda tutuvchi oldi-sotdi shartnomasi tuzilib, xarid toʻlovlari shartnoma tuzilgan kundan boshlab bir oy davomida toʻlangan taqdirda, xaridorga xarid summasidan mazkur shartnoma tuzilgan sanada kuchda boʻlgan Oʻzbekiston Respublikasi Markaziy bankining asosiy stavkasi miqdorida chegirma beriladi, bundan chegirma qoʻllanilmaslik sharti bilan sotilgan, shuningdek boshlangʻich narxi pasaytirilgan holda sotilgan davlat koʻchmas mulk obyektlari mustasno.

Bunda xaridorga sotib olish toʻlovlarini mazkur chegirmani qoʻllagan holda toʻlash imkoni beriladi.

91. Investitsiyaviy majburiyatlar va (yoki) ijtimoiy majburiyatlarsiz sotilgan davlat koʻchmas mulk obyekti boʻyicha sotib olish toʻlovlari toʻliq hajmda tushgan kundan boshlab besh ish kuni ichida sotuvchi:

balansda saqlovchini davlat koʻchmas mulk obyekti sotilganligi toʻgʻrisida xabardor qiladi;

xaridorga davlat xizmatlari markazlari va (yoki) Yagona interaktiv davlat xizmatlari portali (keyingi oʻrinlarda — YIDXP) orqali QR-kod qoʻyilgan holda elektron shakldagi mulk huquqini tasdiqlovchi davlat orderini beradi.

92. Xaridor tomonidan investitsiyaviy majburiyatlar va (yoki) ijtimoiy majburiyatlarni qabul qilish sharti bilan sotilgan davlat koʻchmas mulk obyekti boʻyicha, sotuvchi sotib olish toʻlovlari va penya (yuzaga kelgan taqdirda) toʻliq hajmda tushgan kundan boshlab besh ish kuni ichida xaridor oldi-sotdi shartnomasi boʻyicha barcha majburiyatlarni bajarib boʻlgunga qadar boʻlgan muddatga investitsiyaviy majburiyatlar va (yoki) ijtimoiy majburiyatlar toʻliq bajarilgungacha davlat xizmatlari markazlari va (yoki) YIDXP orqali QR-kod qoʻyilgan holda “tasarruf etish huquqisiz” belgisini qoʻygan holda davlat orderini beradi.

93. Oldi-sotdi shartnomasi boʻyicha barcha majburiyatlar bajarib boʻlingandan va ular belgilangan tartibda sotuvchi tomonidan qabul qilib olingandan keyin xaridor sotib olingan davlat koʻchmas mulk obyektiga nisbatan mulk huquqiga ega boʻladi.

Bunda xaridor davlat xizmatlari markazlari va (yoki) YIDXP orqali ariza bergan kundan boshlab besh ish kunidan kech boʻlmagan muddatda unga Agentlik yoki hududiy boshqarma tomonidan avval berilgan elektron shakldagi mulk huquqini tasdiqlovchi “tasarruf etish huquqisiz” sertifikatga QR-kod qoʻyilgan holda “tasarruf etish huquqi bilan” belgisi qoʻyiladi.

94. “Elektron shakldagi mulk huquqini tasdiqlovchi davlat orderi davlat xizmatlari markazlari va (yoki) YIDXP orqali QR-kod qoʻyilgan holda ushbu Nizomga 10-ilovaga muvofiq shakl boʻyicha tayyorlanadi, tartib raqamiga ega boʻladi va qatʼiy hisobda turadigan hujjat hisoblanadi.

96. Maxsus qogʻozda berilgan mulk huquqini tasdiqlovchi davlat orderi blankasi yoʻqolganda, uning dublikati elektron shaklda QR-kod qoʻyilgan holda davlat xizmatlari markazlari va (yoki) YIDXP orqali tegishli arizaga asosan ikki hafta ichida beriladi.

Dublikat berish toʻgʻrisidagi arizaga davlat xizmatlari markazidan hujjat topilmaganligi haqida maʼlumotnoma ilova qilinadi.

Mulk huquqini tasdiqlovchi Davlat orderining dublikati berilgandan soʻng Agentlik yoki hududiy boshqarma besh ish kunidan koʻp boʻlmagan muddatda davriy bosma nashrda yoʻqolgan mulk huquqini tasdiqlovchi Davlat orderining haqiqiy emasligi toʻgʻrisida eʼlon beradi.

XI. Balansda saqlovchining huquqlari va majburiyatlari

97. Balansda saqlovchi sotilgan davlat koʻchmas mulk obyektiga boʻlgan huquqni belgilovchi hujjatlar xaridor tomonidan taqdim etilgan kundan boshlab besh kun ichida sotuvchining ishtirokida qabul qilish — topshirish dalolatnomasi rasmiylashtirilishini va sotilgan davlat koʻchmas mulk obyekti xaridorga topshirilishini taʼminlashi shart.

98. Xaridor tomonidan investitsiyaviy majburiyatlar bajarilishi davomida balansda saqlovchi quyidagilarga majbur:

xaridorga sotilgan davlat koʻchmas mulk obyektidan va xaridor tomonidan oʻzining investitsiyaviy va ijtimoiy majburiyatlarini oʻz vaqtida va samarali amalga oshirishiga bogʻliq boʻlgan ushbu obyekt toʻgʻrisidagi axborotdan foydalanish imkoniyatini berish;

xaridorga oldi-sotdi shartnomasi va investitsiyalarni kiritish rejasiga muvofiq obyektda investitsiyaviy va ijtimoiy majburiyatlarini bajarishiga toʻsqinlik qilmaslik.

XII. Savdolarda sotilmagan davlat koʻchmas mulk obyektlarini tasarruf etish

99. Savdolarda sotilmagan munitsipal koʻchmas mulk obyektlari boʻyicha har yarim yillik yakunlariga koʻra Agentlik yoki hududiy boshqarmalar tomonidan Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari va ularning balansda saqlovchilari bilan birgalikda davlat koʻchmas mulk obyektlari roʻyxati, ularni xarid qiymatida sotish, qonunchilik hujjatlarida belgilangan tartibda konservatsiya qilish yoxud ularni buzish va boʻshab qoladigan yer uchastkalarini zaxira yerlar toifasiga oʻtkazish toʻgʻrisidagi takliflari bilan birgalikda hududiy tanlov komissiyasiga vakolati doirasida Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari tomonidan xususiylashtirish toʻgʻrisida qaror qabul qilish uchun kiritadi.

https://neolex.uz/uz/laws/law-2472701