Tibbiyot texnikasi ishlab chiqarishni boshqarishni tashkil etishni takomillashtirish toʻgʻrisida (490-son)

06.11.2003

Oʻzbekiston Respublikasi Vazirlar Mahkamasining

qarori

Zamonaviy tibbiyot asbob-uskunalari va tibbiyot maqsadidagi buyumlar ishlab chiqarishni tashkil etishni takomillashtirish va ular bilan davolash-profilaktika muassasalarini, ixtisoslashtirilgan tibbiy markazlarni taʼminlash maqsadida Vazirlar Mahkamasi qaror qiladi:

1. Oʻzbekiston Respublikasi Sogʻliqni saqlash vazirligi, “Oʻzfarmsanoat” davlat-aksiyadorlik konsernining va “Oʻztibtexnika” aksiyadorlik kompaniyasi muassislarining “Oʻztibtexnika” aksiyadorlik kompaniyasini “Oʻzfarmsanoat” davlat konserni tarkibidan Oʻzbekiston Respublikasi Sogʻliqni saqlash vazirligi tizimiga berish toʻgʻrisidagi taklifi qabul qilinsin.

2. Quyidagilar “Oʻztibtexnika” aksiyadorlik kompaniyasining asosiy vazifalari hisoblansin:

tibbiyot muassasalari va aholining zamonaviy tibbiyot asbob-uskunalari va texnologiyalariga boʻlgan ehtiyojini chuqur oʻrganib chiqish va ushbu ehtiyojlarni qondirish yuzasidan takliflar tayyorlash;

zamonaviy tibbiyot asbob-uskunalari va tibbiyot maqsadidagi buyumlar ishlab chiqarishni tashkil etishni takomillashtirish va ular bilan davolash-profilaktika muassasalarini, ixtisoslashtirilgan tibbiy markazlarni taʼminlash;

montaj va ishga tushirish-sozlash ishlarini, tibbiyot asbob-uskunalarining texnik servisini amalga oshirish;

sogʻliqni saqlash muassasalarini texnik jihozlash boʻyicha loyihalarini va texnik-iqtisodiy asoslashlarni ishlab chiqish;

tibbiyot asbob-uskunalariga texnik xizmat koʻrsatish muhandis-texnik xodimlar tayyorlashni va ularning malakasini oshirishni tashkil etish.

3. “Oʻztibtexnika” aksiyadorlik kompaniyasining tashkiliy tuzilmasi va uning ijro etuvchi apparati tuzilmasi 1 va 2-ilovalarga* muvofiq maʼqullansin.

*2-ilova berilmaydi.

4. Oʻzbekiston Respublikasi Sogʻliqni saqlash vazirligi Iqtisodiyot vazirligi va Moliya vazirligi bilan birgalikda bir oy muddatda 2004—2006-yillarda respublika tibbiyot muassasalarini zamonaviy tibbiyot asbob-uskunalari bilan jihozlash va unga texnik servis xizmati koʻrsatishni tashkil etish dasturini ishlab chiqsin va tasdiqlasin.

5. Oʻzbekiston Respublikasi Davlat mulki qoʻmitasi:

ikki oy muddatda amaldagi qonun hujjatlariga muvofiq “Oʻztibtexnika” aksiyadorlik kompaniyasining ustav fondi va emissiya prospektini xatlovdan va qayta roʻyxatdan oʻtkazsin;

davlatga tegishli aktivlarni boshqarish boʻyicha davlatning ishonchli vakili tayinlanishini taʼminlasin;

“Oʻztibtexnika” aksiyadorlik kompaniyasining davlat aktivlarini ishonchli boshqarish toʻgʻrisidagi shartnoma qoidalari ijrosi ustidan qattiq nazorat oʻrnatsin.

8. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A. Azizxoʻjayev zimmasiga yuklansin.

Vazirlar Mahkamasining Raisi I. KARIMOV

Toshkent sh.,

2003-yil 6-noyabr,

490-son

Vazirlar Mahkamasining 2003-yil 6-noyabrdagi 490-son qaroriga 1-ILOVA

“Oʻztibtexnika” aksiyadorlik kompaniyasining tashkiliy

tuzilmasi