Toshkent shahar Hamza tumanining nomini oʻzgartirish toʻgʻrisida (CQ-441-II-son)

29.08.2014

Oʻzbekiston Respublikasi Oliy Majlisi Senatining

Qarori

“Geografik obyektlarning nomlari toʻgʻrisida”gi Oʻzbekiston Respublikasi Qonunining 7-moddasiga muvofiq Oʻzbekiston Respublikasi Oliy Majlisining Senati qaror qiladi:

1. Oʻzbekiston Respublikasi Oliy Majlisi Qonunchilik palatasining “Toshkent shahar Hamza tumanining nomini oʻzgartirish toʻgʻrisida”gi 2014-yil 6-iyundagi 907-II-sonli qarori maʼlumot uchun qabul qilinsin.

2. Oʻzbekiston Respublikasi Vazirlar Mahkamasining taklifi qanoatlantirilsin — Toshkent shahar Hamza tumanining nomi Yashnobod tumani deb oʻzgartirilsin.

3. Ushbu qaror qabul qilingan kundan eʼtiboran kuchga kiradi.

Oʻzbekiston Respublikasi Oliy Majlisi Senatining Raisi I. SOBIROV

Toshkent sh.,

2014-yil 29-avgust,

SQ-441-II.