Qarshi shahrining 2014-yilgi asosiy makroiqtisodiy koʻrsatkichlari prognozi va mahalliy budjeti parametrlari toʻgʻrisida (X-348/3-son)

15.03.2014

Qashqadaryo viloyati Qarshi shahar hokimining

Qarori

Oʻzbekiston Respublikasi Prezidentining 2013-yil 25-dekabrdagi “Oʻzbekiston Respublikasining 2014-yilgi asosiy makroiqtisodiy koʻrsatkichlari prognozi va Davlat budjeti parametrlari toʻgʻrisida”gi PQ-2099-son qarori (Oʻzbekiston Respublikasi qonun hujjatlari toʻplami, 2013-y., 52-son, 690-modda) hamda Qashqadaryo viloyat hokimining 2014-yil 30-yanvardagi “Qashqadaryo viloyatining 2014-yilgi asosiy makroiqtisodiy koʻrsatkichlari prognozi va mahalliy budjeti parametrlari toʻgʻrisida”gi X-23/01-sonli qarorining ijrosini taʼminlash maqsadida Oʻzbekiston Respublikasining “Mahalliy davlat hokimiyati toʻgʻrisida”gi Qonunining 6-moddasiga asosan qaror qilaman:

1. Oʻzbekiston Respublikasi Prezidentining 2013-yil 25-dekabrdagi PQ-2099-sonli “Oʻzbekiston Respublikasining 2014-yilgi asosiy makroiqtisodiy koʻrsatkichlari prognozi va Davlat budjeti parametrlari toʻgʻrisida”gi, Qashqadaryo viloyat hokimining 2014-yil 30-yanvardagi “Qashqadaryo viloyatining 2014-yilgi asosiy makroiqtisodiy koʻrsatkichlari prognozi va mahalliy budjeti parametrlari toʻgʻrisida”gi X-23/01-sonli qarorlari hamda xalq deputatlari Qarshi shahar Kengashining 2014-yil 7-fevraldagi “Shahar mahalliy budjetining 2013-yildagi ijrosi hamda 2014-yildagi mahalliy budjeti toʻgʻrisida”gi 156/34-4-sonli qarori rahbarlik va ijro uchun qabul qilinsin.

2. Qarshi shahrining 2014-yilgi asosiy makroiqtisodiy koʻrsatkichlar prognozi 1-ilovaga muvofiq hamda 2014-yilgi shahar mahalliy budjetining parametrlari va shahar mahalliy budjetining 2014-yilgi naqd pul aylanmasining yoʻl qoʻyiladigan eng kam miqdorlari 2-ilovaga asosan tasdiqlansin.

Qarshi shahri mahalliy budjetining aylanma kassa mablagʻi meʼyorini amaldagi qonunlar bilan koʻzda tutilgan muddatlarda saqlash topshirilsin.

3. 2014-yilda umumdavlat soliqlaridan tushumlarni shahar mahalliy budjetiga ajratmalar meʼyorlari 3-ilovaga asosan tashkil topishi inobatga olinsin.

4. 2014-yil Qarshi shahri mahalliy budjetining daromad va xarajatlarini umumiy miqdorlariga viloyat mahalliy budjetidan subvensiya xarajatlari hamda beriladigan daromadlar koʻzda tutilmaganligi 4-ilovaga asosan tasdiqlansin.

5. Oʻzbekiston Respublikasi Soliq kodeksiga asosan shahar hududida joriy etilgan mahalliy soliqlar va yigʻimlarga belgilangan stavkalar miqdori 5-ilovaga asosan belgilanganligi maʼlumot uchun qabul qilinsin.

6. Qarshi shahar hokimligi moliya boʻlimi (Gʻ. Axmedov), Qarshi shahar Gʻaznachilik boʻlinmasi (O. Sharopov), Qarshi shahar Davlat soliq inspeksiyasi (F. Muxammadiyev) hamda shahar tashkilotlari rahbarlari budjetga toʻlovlar toʻliq tushishini hamda shahar mahalliy budjeti ijrosi jarayonida uning muvozanatini taʼminlash hamda qoʻshimcha daromad manbalarini qidirib topish, mahalliy budjetning xarajatlar qismi ijrosini taʼminlashga javobgar ekanliklari, shuningdek budjet tashkilotlarida budjet mablagʻlarining sarflanishi ustidan qattiq nazorat oʻrnatishlari belgilab qoʻyilsin.

7. Belgilab qoʻyilsinki, budjetdan mablagʻ bilan taʼminlanadigan barcha tashkilot va muassasalar rahbarlari budjet parametrlariga kiritilmagan tadbirlarni mablagʻ bilan taʼminlanganliklari hamda kreditor qarzlarni vujudga keltirganliklari uchun amaldagi qonunchilikka asosan shaxsan javobgardirlar.

8. Qarshi shahar hokimligi moliya boʻlimi, Qarshi shahar Gʻaznachilik boʻlinmasi hamda Qarshi shahar Davlat soliq inspeksiyasi shaharning 2014-yilgi mahalliy budjeti parametrlarining bajarilishi yuzasidan tahlillarni har chorak yakuni bilan shahar hokimi muhokamasiga kiritib borsinlar.

9. Qarshi shahri hokimining 2014-yil 15-yanvardagi X-51/01-sonli qarori oʻz kuchini yoʻqotgan deb hisoblansin.

10. Mazkur qarorning ijrosini taʼminlash Qarshi shahar hokimining iqtisodiyot va ijtimoiy rivojlantirish masalalari boʻyicha oʻrinbosari Sh. Xolmurodov zimmasiga yuklansin.

11. Mazkur qaror “Nasaf” gazetasida eʼlon qilinsin.

Hokim A. AChILOV

Qarshi sh.,

2014-yil 15-mart,

X-348/3-son

Shahar hokimining 2014-yil 15-martdagi X-348/3-sonli qaroriga 1-ILOVA

Shaharning 2014-yilgi asosiy makroiqtisodiy koʻrsatkichlari prognozi

Shahar hokimining 2014-yil 15-martdagi X-348/3-sonli qaroriga 2-ILOVA

Shahar mahalliy budjetining 2014-yilgi

ASOSIY KOʻRSATKIChLARI

Shahar hokimining 2014-yil 15-martdagi X-348/3-sonli qaroriga 3-ILOVA

2014-yilda umumdavlat soliqlari tushumlaridan shahar mahalliy budjetiga ajratiladigan meʼyorlari

Shahar hokimining 2014-yil 15-martdagi X-348/3-sonli qaroriga 4-ILOVA

Mahalliy budjetlarining 2014-yilgi daromad, xarajatlar, viloyat budjetidan beriladigan maqsadli subvensiyalar va daromadlar

HAJMI

Shahar hokimining 2014-yil 15-martdagi X-348/3-sonli qaroriga 5-ILOVA

Mahalliy soliqlar va yigʻimlarning

STAVKALARI