Tumanda geografik obyektlarning nomlari sohasidagi ishlarni tartibga solish chora-tadbirlari toʻgʻrisida (IV-28/137-son)

09.06.2014

Qashqadaryo viloyati Xalq deputatlari Kasbi tumani Kengashining

Qarori

Oʻzbekiston Respublikasining “Geografik obyektlarning nomlari toʻgʻrisida”gi Qonuni (Oʻzbekiston Respublikasi qonun hujjatlari toʻplami, 2011-y., 41-son, 448-modda) va Oʻzbekiston Respublikasi Vazirlar Mahkamasining 2012-yil 16-oktabrdagi 295-son “Geografik obyektlarning nomlari toʻgʻrisida”gi Oʻzbekiston Respublikasi Qonuniga muvofiq geografik obyektlarning nomlari sohasidagi ishlarni tartibga solish chora-tadbirlari haqida”gi qarori ijrosini taʼminlash maqsadida Geografik obyektlarni nomlash va qayta nomlash masalalari boʻyicha viloyat komissiyasining 2014-yil 4-apreldagi Vk-05-sonli xulosasi va tuman hokimligining aholi punktlarining tarkibiy qismlariga nom berish va ularning nomlarini oʻzgartirish toʻgʻrisidagi taklifini koʻrib chiqib, Oʻzbekiston Respublikasining “Mahalliy davlat hokimiyati toʻgʻrisida”gi Qonunining 6-moddasiga asosan xalq deputatlari tuman Kengashi qaror qiladi:

1. Geografik obyektlarni nomlash va qayta nomlash masalalari boʻyicha viloyat komissiyasining 2013-yil 4-dekabrdagi 2-sonli xulosasi va tuman hokimligining aholi punktlarining tarkibiy qismlariga nom berish va ularning nomlarini oʻzgartirish toʻgʻrisidagi taklifi maqullansin.

2. Tumanda nomlari oʻzgartiriladigan aholi punktlarining tarkibiy qismlarining roʻyxati 1-ilovaga, oʻz nomida qoldiriladigan aholi punktlarining tarkibiy qismlari roʻyxati 2-ilovaga muvofiq tasdiqlansin.

3. Tuman “Yermulkkadastr” xizmati DUK (X. Maxmaraximov), ichki ishlar boʻlimi (Z. Aliqulov) tegishli mutasaddi tashkilotlar bilan birgalikda geografik obyektlarning nomlari oʻzgartirilishi munosabati bilan hujjatlar rasmiylashtirilishini mazkur Qarorga muvofiqlashtirsinlar.

4. Mazkur qaror “Sadoqat” gazetasida eʼlon qilinsin.

5. Mazkur qarorning ijrosini nazorat qilish tuman hokimining birinchi oʻrinbosari va tuman hokimining oʻrinbosari (D. Zoitov)lar zimmalariga yuklatilsin.

Xalq deputatlari tuman Kengashining raisi A. XOLOV

Mugʻlon sh.,

2014-yil 9-iyun,

IV-28/137-son

Xalq deputatlari Kasbi tumani Kengashining navbatdagi 28-sessiyasining 2014-yil 9-iyundagi IV-28/137-son qaroriga 1-ILOVA

Kasbi tumanida nomlari oʻzgartiriladigan va yangidan nomlanadigan aholi punktlari

ROʻYXATI

Xalq deputatlari Kasbi tumani Kengashining navbatdagi 28-sessiyasining 2014-yil 9-iyundagi IV-28/137-son qaroriga 2-ILOVA

Nomlari oʻzgarmaydigan geografik obyektlar

ROʻYXATI