Yer soligʻi toʻlash stavkasi boʻyicha zona chegaralarining sxemasi va tariflarini tasdiqlash toʻgʻrisida (X-315/3-son)

25.03.2014

Qashqadaryo viloyati Qarshi tumani hokimining

Qarori

Oʻzbekiston Respublikasi Soliq kodeksi (Oʻzbekiston Respublikasi qonun hujjatlari toʻplami, 2007-y., 52 (I)-son), Oʻzbekiston Respublikasining “Davlat soliq xizmati toʻgʻrisida”gi Qonuni (Oʻzbekiston Respublikasi Oliy Majlisining Axborotnomasi, 1997-y., 9-son, 232-modda), Oʻzbekiston Respublikasi Prezidentining 2013-yil 25-dekabrdagi PQ-2099-son “Oʻzbekiston Respublikasining 2014-yilgi asosiy makroiqtisodiy koʻrsatkichlari prognozi va davlat budjeti parametrlari toʻgʻrisidagi”gi qarori (Oʻzbekiston Respublikasi qonun hujjatlari toʻplami, 2013-y., 52-son, 690-modda) ijrosi yuzasidan yer soligʻi toʻlovlarini oʻz vaqtida mahalliy budjetga undirilishini taʼminlash, yer soligʻi toʻlash stavkalari asosida hududdagi zona chegaralarini belgilash va tariflarini joriy qilish maqsadida qaror qilaman:

1. Oʻzbekiston Respublikasi Prezidentining 2013-yil 25-dekabrdagi PQ-2099 son “Oʻzbekiston Respublikasining 2014-yilgi asosiy makroiqtisodiy koʻrsatkichlari prognozi va davlat budjeti parametrlari toʻgʻrisida”gi qarorida oʻrnatilgan stavkalar asosida Qarshi tuman hududida 2014-yilda yuridik va jismoniy shaxslar tomonidan yer uchastkalaridan foydalanganlik uchun yer soligʻi stavkalari 1-ilovaga muvofiq tasdiqlansin.

2. Yer soligʻini toʻlash stavkalari boʻyicha Qarshi tumanining hududiy zona chegaralari 2-ilovaga muvofiq tasdiqlansin.

3. Qarshi tuman Davlat soliq inspeksiyasi (A. Mansurov)ga:

ilovaga muvofiq tasdiqlangan zonalar hududi boʻyicha yer soligʻini toʻlovchilardan soliqlarni hisoblash va undirish;

barcha mahallalar fuqarolar yigʻini hududlarida soliqlarning ahamiyati, ayrim toifadagi jismoniy shaxslarga soliqlardan beriladigan imtiyozlar toʻgʻrisida, shuningdek soliqlarning oʻz vaqtida toʻlab borilishi toʻgʻrisida keng tushuntirish ishlarini olib borish;

aholi oʻrtasida Oʻzbekiston Respublikasi soliq qonunchiligi boʻyicha amaldagi meʼyori-huquqiy hujjatlarning mohiyati yuzasidan mahalla fuqarolar yigʻini raisi va faollari ishtirokida muntazam ravishda seminar yigʻilishlar oʻtkazish vazifasi yuklatilsin.

4. Mazkur qaror rasmiy eʼlon qilingan kundan eʼtiboran kuchga kiradi.

5. Mazkur qarorning bajarilishini nazorat qilish tuman hokimining iqtisodiyot va ijtimoiy rivojlantirish masalalari boʻyicha oʻrinbosari N. Temirov zimmasiga yuklatilsin.

Hokim J. BOBOYEV

Qarshi t.,

2014-yil 25-mart,

X-315/3-son

Qarshi tuman hokimining 2014-yil 25-martdagi X-315/3 sonli qaroriga 1-ILOVA

Qarshi tuman hududida yuridik va jismoniy shaxslar tomonidan yer uchastkalaridan foydalanganligi uchun yer soligʻi

Stavkalari

Qarshi tuman hokimining 2014-yil 25-martdagi X-315/3-sonli qaroriga 2-ILOVA

Yer soligʻini toʻlash stavkalari boʻyicha Qarshi tumanining xududiy zona chegaralari