2014-yilda qishloq xoʻjaligini mineral oʻgʻitlar bilan taʼminlash chora-tadbirlari toʻgʻrisida (PQ-2151-son)

14.03.2014

Oʻzbekiston Respublikasi Prezidentining

Qarori

[Koʻchirma]

Respublika qishloq xoʻjaligini mineral oʻgʻitlar bilan taʼminlash, shartnomalarni amalga oshirishda bozor mexanizmlarini yanada joriy etish va shartnomaviy munosabatlarni takomillashtirish, shuningdek mahsulot eksporti hajmlarini koʻpaytirish maqsadida:

1. 2014-yilda mineral oʻgʻitlarni ishlab chiqarish va taqsimlash balanslari 1 — 4-ilovalarga* muvofiq tasdiqlansin.

2. “Oʻzkimyosanoat” DAK qishloq xoʻjaligi tovar ishlab chiqaruvchilariga shartnoma asosida va haqini 100% oldindan toʻlash sharti bilan, davlat ehtiyojlari uchun qishloq xoʻjaligi mahsulotlari yetishtirishga moʻljallangan mineral oʻgʻitlarni 5-ilovadagi* jadvalga muvofiq sotishni amalga oshirsin.

* 1 — 5-ilovalar berilmaydi.

3. Belgilansinki, mineral oʻgʻitlarni birja savdolari orqali sotish belgilangan tartibda oldi-sotdi shartnomasi “Oʻzbekiston Respublika tovar-xomashyo birjasi” OAJ orqali rasmiylashtirilib, keyin xaridorning xohishiga koʻra, respublika viloyatlaridagi mahsulot ishlab chiqaruvchi korxonalardan yoki ularning vakolatli omborxonalaridan berib yuboriladi.

4. “Oʻzkimyosanoat” DAKning mineral oʻgʻitlar ishlab chiqaruvchi korxonalariga:

2014-yilning 1-mayidan boshlab, belgilangan tartibda, “qishloq xoʻjaligi tovar ishlab chiqaruvchilariga boshqa mahsulotlar yetkazib berish” balansining moddasi, shuningdek Oʻzbekiston Respublikasi Vazirlar Mahkamasi bilan kelishilgan holda “davlat ehtiyojlari uchun xarid qilinadigan qishloq xoʻjaligi mahsulotlarini yetishtirish uchun” balansining moddasi boʻyicha har oyning yakunida sotilmay qolgan mineral oʻgʻitlar hajmini eksportga sotishga;

“Oʻzbekiston Respublika tovar-xomashyo birjasi” OAJning valyuta maydonchasi orqali sotishga chiqarilgan eksport mahsulotiga talab boʻlmagan va jahon bozoridagi narxlar pasaygan hollarda, avvalgi birja sessiyasidagi boshlangʻich narxga nisbatan yangi boshlangʻich narxni qadam-baqadam 1,0 foizgacha, ammo mahsulot tannarxidan kam boʻlmagan miqdorgacha pasaytirishga ruxsat etilsin.

6. 2014-yilda mineral oʻgʻitlar ishlab chiqaradigan va sotadigan “Oʻzkimyosanoat” DAK korxonalari yetkazib berilgan mineral oʻgʻitlar uchun qarzlarni undirish toʻgʻrisida xoʻjalik sudlari va fuqarolik ishlari boʻyicha sudlarda koʻrilayotgan daʼvolar boʻyicha oldindan toʻlanadigan davlat boji toʻlashdan ozod qilinsin.

7. Oʻzbekiston Respublikasi Iqtisodiyot vazirligi “Oʻzkimyosanoat” DAK bilan birgalikda 2014-yilda mineral oʻgʻitlarni ishlab chiqarish va taqsimlash balansining tasdiqlangan parametrlari bajarilishi ustidan tizimli monitoring olib borsin, shuningdek yetkazib berilgan mahsulotlar uchun hisob-kitob qilinishi boʻyicha tegishli maʼlumotlarni Oʻzbekiston Respublikasi Vazirlar Mahkamasiga har chorakdan keyingi oyning 10-kunidan kechikmay taqdim etsin.

8. Mazkur qarorning ijrosini nazorat qilish Oʻzbekiston Respublikasining Bosh vaziri Sh.M. Mirziyoyev zimmasiga yuklansin.

Oʻzbekiston Respublikasi Prezidenti I. KARIMOV

Toshkent sh.,

2014-yil 14-mart,

PQ-2151-son