“Olmaliq kon-metallurgiya kombinati” ochiq aksiyadorlik jamiyati investitsiya loyihalarini oʻz vaqtida amalga oshirilishini taʼminlash boʻyicha qoʻshimcha chora-tadbirlar toʻgʻrisida (238-son)

20.08.2014

Oʻzbekiston Respublikasi Vazirlar Mahkamasining

qarori

Ishlab chiqarish quvvatlarini modernizatsiya qilishni, texnik va texnologik jihatdan qayta jihozlashni tugallash, raqobatbardoshli mahsulotlar ishlab chiqarishni koʻpaytirish, “Olmaliq KMK” ochiq aksiyadorlik jamiyatining eksport salohiyatini kengaytirish maqsadida Vazirlar Mahkamasi qaror qiladi:

1. Maʼlumot uchun qabul qilinsinki:

Oʻzbekiston Respublikasi Prezidentining 2011-yil 30-iyundagi PQ-1561-son va Oʻzbekiston Respublikasi Vazirlar Mahkamasining 2012-yil 5-iyuldagi 196-son qarorlariga muvofiq “Olmaliq KMK” OAJ mis eritish zavodida yangi sulfat kislota sexini qurish” va “Jizzax viloyatida portlandsement va oq sement ishlab chiqarishni tashkil etish” investitsiya loyihalarini amalga oshirish doirasida Oʻzbekiston Respublikasida ishlab chiqarilmaydigan va “Olmaliq KMK” OAJ tomonidan import qilinadigan materiallar, transport vositalari, asbob-uskunalar va ularning ehtiyot qismlari, shu jumladan texnik va loyiha hujjatlari 2014-yil 1-iyulgacha boʻlgan muddatga bojxona toʻlovlaridan (bojxona yigʻimlaridan tashqari) ozod qilinganligi;

“Olmaliq KMK” OAJ tomonidan 2014-yil 1-iyulga qadar yuqorida koʻrsatilgan materiallar, transport vositalari, uskunalar va ularga ehtiyot qismlar, shu jumladan texnik va loyiha hujjatlari olib kirilishi taʼminlandi.

2. Oʻzbekiston Respublikasida ishlab chiqarilmaydigan, “Olmaliq KMK” OAJ tomonidan import qilinadigan:

“Olmaliq KMK” OAJ mis eritish zavodida yangi oltingugurt kislotasi sexini qurish” investitsiya loyihasini amalga oshirish doirasida materiallar, asbob-uskunalar va ularga ehtiyot qismlar, shu jumladan texnik va loyiha hujjatlari 1-ilovaga muvofiq;

“Jizzax viloyatida portlandsement va oq sement ishlab chiqarishni tashkil etish” investitsiya loyihasini amalga oshirish doirasida materiallar, transport vositalari, asbob-uskunalar va ularga ehtiyot qismlar, shu jumladan texnik va loyiha hujjatlari 2-ilovaga muvofiq

3. Oʻzbekiston Respublikasi Davlat bojxona qoʻmitasiga 2014-yil 1-oktabrgacha boʻlgan muddatda ushbu qarorning 1 va 2-ilovalariga muvofiq tovarlarning bojxona rasmiylashtiruvini bojxona toʻlovlari boʻyicha imtiyozlarni qoʻllagan holda va, istisno tariqasida, eksport bojxona yuk deklaratsiyasini taqdim etmasdan amalga oshirishga ruxsat berilsin

4. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari G.I. Ibragimov zimmasiga yuklansin.

Oʻzbekiston Respublikasining Bosh vaziri Sh. MIRZIYOYEV

Toshkent sh.,

2014-yil 20-avgust,

238-son

Vazirlar Mahkamasining 2014-yil 20-avgustdagi 238-son qaroriga 1-ILOVA

“Olmaliq KMK” OAJ mis eritish zavodida yangi sulfat kislota sexini qurish” loyihasini amalga oshirish doirasida “Olmaliq KMK” OAJ tomonidan import qilinadigan, Oʻzbekiston Respublikasida ishlab chiqarilmaydigan materiallar, asbob-uskunalar va ularning ehtiyot qismlari, shu jumladan texnik va loyiha hujjatlar

ROʻYXATI

* TIF TNning yakuniy kodlari tovarlarni belgilangan tartibda bojxona rasmiylashtiruvidan oʻtkazishda aniqlashtiriladi.

Vazirlar Mahkamasining 2014-yil 20-avgustdagi 238-son qaroriga 2-ILOVA

“Jizzax viloyatida portlandsement va oq sement ishlab chiqarishni tashkil etish” investitsiya loyihasini amalga oshirish doirasida “Olmaliq KMK” OAJ tomonidan import qilinadigan, Oʻzbekiston Respublikasida ishlab chiqarilmaydigan materiallar, transport vositalari, asbob-uskunalar va ularning ehtiyot qismlari, shu jumladan texnik va loyiha hujjatlar roʻyxati

* TIF TNning yakuniy kodlari, tovarlarning nomi va miqdori bojxona rasmiylashtiruvida belgilangan tartibda aniqlanadi..