Oʻzbekiston Respublikasi Fanlar akademiyasi tuzilmasini yanada maqbullashtirish hamda respublika akademik ilm-fani va oliy taʼlimining integratsiyasini mustahkamlash chora-tadbirlari toʻgʻrisida (PQ-2204-son)

08.07.2014

Oʻzbekiston Respublikasi Prezidentining

Qarori

Oʻzbekiston Respublikasi Fanlar akademiyasi ilmiy muassasalarining tuzilmasini yanada maqbullashtirish hamda ularning faoliyati samaradorligini oshirish, oliy oʻquv yurtlarining ilmiy salohiyatini mustahkamlash va rivojlantirish, oliy oʻquv yurtlari professor-oʻqituvchilar tarkibi va talabalarini ilmiy-tadqiqot faoliyatiga keng jalb etishni taʼminlash, shuningdek oʻquv jarayonida ilmiy tadqiqotlar va innovatsiya ishlanmalari natijalaridan faol foydalanish maqsadida:

8. Quyidagilar begʻaraz ijara asosida:

Toshkent davlat texnika universiteti huzuridagi Tarmoq mashinashunosligi muammolari ilmiy-tadqiqot markazi Toshkent shahri, Doʻrmon yoʻli koʻchasi, 31-uyga;

Oʻzbekiston Respublikasi Fanlar akademiyasining Mikrobiologiya instituti Toshkent shahri, Abdulla Qodiriy koʻchasi, 7-b-uyga joylashtirilsin.

9. Oʻzbekiston Respublikasi Hukumati bilan Oʻmon Sultonligi Hukumati oʻrtasida imzolangan Bitimga muvofiq Oʻmon Sultonligi tomonidan begʻaraz ajratiladigan texnik koʻmak (grant) mablagʻlari hisobiga Abu Rayhon Beruniy nomidagi Sharq qoʻlyozmalari markazi fondining yangi kutubxona binosi qurilishi amalga oshirilishi maʼlumot uchun qabul qilinsin.

Oʻmon Sultonligi tomonidan begʻaraz ajratiladigan texnik koʻmak (grant) mablagʻlari hisobidan xarid qilinadigan va olib kiriladigan tovarlar (ishlar, xizmatlar) Oʻzbekiston Respublikasi Vazirlar Mahkamasi tomonidan tasdiqlanadigan roʻyxat boʻyicha bojxona toʻlovlaridan (jumladan, bojxona yigʻimlaridan), qoʻshilgan qiymat soligʻidan, davlat maqsadli jamgʻarmalariga majburiy ajratmalardan, shuningdek Moliya vazirligi huzuridagi Respublika yoʻl jamgʻarmasiga yigʻimlar toʻlashdan ozod qilinsin.

12. Mazkur qarorning ijrosini nazorat qilish Oʻzbekiston Respublikasining Bosh vaziri Sh.M. Mirziyoyev zimmasiga yuklansin.

Oʻzbekiston Respublikasi Prezidenti I. KARIMOV

Toshkent sh.,

2014-yil 8-iyul,

PQ-2204-son

Oʻzbekiston Respublikasi Prezidentining 2014-yil 8-iyuldagi PQ-2204-son qaroriga 1-ILOVA

Toshkent davlat sharqshunoslik instituti huzuridagi Abu Rayhon Beruniy nomidagi Sharq qoʻlyozmalari markazining

TAShKILIY TUZILMASI

Izoh.

Xodimlarning cheklangan umumiy soni — 76 nafar, shu jumladan ilmiy xodimlar — 46 nafar.

Yordamchi xodimlar soni normativlar boʻyicha belgilanadi.

Shuʼba mudiri lavozimi boʻyicha boʻlim mudiriga tenglashtiriladi.

Ilmiy-texnikaviy loyihalarni amalga oshirish uchun mutaxassislar va olimlar shartnoma asosida jalb etiladi.

Oʻzbekiston Respublikasi Prezidentining 2014-yil 8-iyuldagi PQ-2204-son qaroriga 2-ILOVA

Oʻzbekiston Milliy universiteti huzuridagi Polimerlar kimyosi va fizikasi ilmiy-tadqiqot markazining

TAShKILIY TUZILMASI

Direktor Ilmiy kengash Direktorning ilm-fan va innovatsiyalar boʻyicha oʻrinbosari Direktorning umumiy masalalar boʻyicha oʻrinbosari Ilmiy kotib Hisob-moliya va iqtisodiyot boʻlimi 5 “Istiqbolli polimerlar sintezi” laboratoriyasi Axborot-tahlil xizmati 1 Xoʻjalik va muhandislik-texnika xizmati 15 Kadrlar boʻyicha inspektor 1 “Nanotarkibiy kompozitsion polimer materiallar va polimerlar fizikasi” laboratoriyasi Maxsus boʻlim 1 Kutubxona 2 “Tadqiqotlarning fizika va fizika-kimyoviy usullari” laboratoriyasi “Polimerlar kimyosi va fizikasining nazariy asoslari” laboratoriyasi “Sellyuloza va uning hosilalari kimyosi va texnologiyasi” laboratoriyasi

Xodimlarning umumiy soni bajariladigan ilmiy-tadqiqot va innovatsiya ishlari hajmiga qarab 97 nafargachani, shu jumladan ilmiy xodimlar 55 nafargachani tashkil etadi.

Oʻzbekiston Respublikasi Prezidentining 2014-yil 8-iyuldagi PQ-2204-son qaroriga 3-ILOVA

Toshkent davlat texnika universiteti huzuridagi Tarmoq mashinashunosligi muammolari ilmiy-tadqiqot markazining

TAShKILIY TUZILMASI

Direktor “Mexanizm va mashinalar nazariyasi” laboratoriyasi Marketing va mahsulotni ilgari surish boʻlimi 1 “Suyuqlik, gaz va �idrouzatish tizimlari mexanikasi” laboratoriyasi Buxgalteriya 2 “Qishloq xoʻjaligi mashinalari va qishloq xoʻjaligi ekinlarini yigʻishtirish va qayta ishlash uskunalarini modellashtirish jarayonlari” laboratoriyasi Kadrlar boʻyicha inspektor 1 Maxsus boʻlim 1 Maʼmuriy-xoʻjalik xizmati 2

Xodimlarning umumiy soni bajariladigan ilmiy-tadqiqot va innovatsiya ishlari hajmiga qarab 48 nafargachani, shu jumladan ilmiy xodimlar 40 nafargachani tashkil etadi.

Oʻzbekiston Respublikasi Prezidentining 2014-yil 8-iyuldagi PQ-2204-son qaroriga 4-ILOVA

Oʻzbekiston Respublikasi Fanlar akademiyasi Inshootlar seysmik mustahkamligi institutining

TAShKILIY TUZILMASI

Direktor Ilmiy kengash Ilmiy ishlar boʻyicha direktor oʻrinbosari Ilmiy kotib Buxgalteriya 2 “Inshootlar seysmik mustahkamligini hisoblashning ilmiy asoslari va amaliy usullarini takomillashtirish” laboratoriyasi Axborot-tahlil xizmati 2 Kadrlar boʻyicha inspektor 1 “Tuproq qatlami, asos va poydevorlarning seysmik mustahkamligi” laboratoriyasi Axborot-resurs markazi 2 Maxsus boʻlim 1 “Konstruksiyalarni modellashtirish va inshootlar seysmik mustahkamligining texnik holatini baholash” laboratoriyasi “Inshootlarni seysmik mustahkamligi” jurnali Maʼmuriy-xoʻjalik xizmati 15 “Inshootlar seysmik mustahkamligining modelli va tabiiy sharoitda eksperimental tadqiqotlarini tashkil etish” laboratoriyasi

Xodimlarning umumiy soni bajariladigan ilmiy-tadqiqot va innovatsiya ishlari hajmiga qarab 67 nafargachani, shu jumladan ilmiy xodimlar 41 nafargachani tashkil etadi.

Oʻzbekiston Respublikasi Prezidentining 2014-yil 8-iyuldagi PQ-2204-son qaroriga 5-ILOVA

Oʻzbekiston Respublikasi Fanlar akademiyasining ilmiy muassasalarini tugatish va qayta tuzish bilan bogʻliq tashkiliy masalalarni yechish boʻyicha ishchi guruh

TARKIBI

R.S. Azimov — Oʻzbekiston Respublikasi Bosh vazirining birinchi oʻrinbosari, Ishchi guruh rahbari A.I. Ikromov — Oʻzbekiston Respublikasi Bosh vazirining oʻrinbosari, Ishchi guruh rahbari oʻrinbosari Sh.I. Salixov — Oʻzbekiston Respublikasi Fanlar akademiyasi prezidenti, Ishchi guruh rahbari oʻrinbosari A.V. Vahobov — Oʻzbekiston Respublikasi oliy va oʻrta maxsus taʼlim vaziri G.K. Saidova — Oʻzbekiston Respublikasi iqtisodiyot vaziri A.A. Abduhakimov — Oʻzbekiston Respublikasi Xususiylashtirish, monopoliyadan chiqarish va raqobatni rivojlantirish davlat qoʻmitasi raisi M.M. Ikromov — Oʻzbekiston Respublikasi adliya vazirining birinchi oʻrinbosari J.A. Qoʻchqorov — Oʻzbekiston Respublikasi moliya vaziri oʻrinbosari O.R. Parpiyev — Oʻzbekiston Respublikasi Vazirlar Mahkamasi huzuridagi Fan va texnologiyalarni rivojlantirishni muvofiqlashtirish qoʻmitasining ijro apparati rahbari B.A. Abduxalimov — Oʻzbekiston Respublikasi Fanlar akademiyasi vitse-prezidenti, Fanlar akademiyasining Sharqshunoslik instituti direktori A.A. Rizayev — Oʻzbekiston Respublikasi Fanlar akademiyasining Mexanika va inshootlar seysmik mustahkamligi instituti direktori S.Sh. Rashidova — Oʻzbekiston Respublikasi Fanlar akademiyasining Polimerlar kimyosi va fizikasi instituti direktori G.I. Muxamedov — Oʻzbekiston Milliy universiteti rektori R.X. Saidaxmedov — Toshkent davlat texnika universiteti rektori A.M. Mannonov — Toshkent davlat sharqshunoslik instituti rektori M.R. Boltaboyev — Vazirlar Mahkamasining ATD mudiri, ishchi guruh kotibi

Izoh. Komissiya aʼzolari boshqa ishga oʻtgan taqdirda, uning tarkibiga ushbu lavozimga yangi tayinlangan yoki tegishli funksiyalarni bajarish yuklangan shaxslar kiritiladi.