Oʻzbekiston “Yoshlik” jismoniy tarbiya va sport jamiyati faoliyatini takomillashtirish toʻgʻrisida (210-son)

01.08.2014

Oʻzbekiston Respublikasi Vazirlar Mahkamasining

qarori

Oʻzbekiston Respublikasi Prezidentining “Sogʻlom bola yili” Davlat dasturi toʻgʻrisida” 2014-yil 19-fevraldagi PQ-2133-son qarorining 80-bandiga muvofiq, shuningdek xalq taʼlimi tizimidagi oʻquvchi yoshlar oʻrtasida jismoniy tarbiya va sportni yanada ommalashtirish, rivojlantirish hamda yuksak mahoratli sportchilar zaxirasini tayyorlash maqsadida Vazirlar Mahkamasi qaror qiladi:

1. Oʻzbekiston “Yoshlik” jismoniy tarbiya va sport jamiyati (keyingi oʻrinlarda Jamiyat deb yuritiladi), Oʻzbekiston Respublikasi Xalq taʼlimi vazirligi, Oʻzbekiston Respublikasi Madaniyat va sport ishlari vazirligi, Oʻzbekiston Respublikasi Mehnat va aholini ijtimoiy muhofaza qilish vazirliklarining Jamiyatga quyidagi qoʻshimcha asosiy vazifalarni yuklash toʻgʻrisidagi takliflari maʼqullansin:

oʻquvchi yoshlar oʻrtasida jismoniy tarbiya va sportni keng targʻib qilish, bolalarning muntazam ravishda jismoniy tarbiya bilan shugʻullanishlari uchun shart-sharoitlar yaratish;

“Quvnoq startlar” va “Yozgi taʼtil” sport musobaqalarini oʻtkazish, “Umid nihollari” sport musobaqalarini oʻtkazish orqali Oʻzbekiston Respublikasi Xalq taʼlimi vazirligi koʻmagida oʻquvchilarda sogʻlom turmush tarzini shakllantirish va targʻib qilish;

sport musobaqalarining respublika bosqichlari gʻoliblari va sovrindorlari boʻlgan oʻquvchilardan Oʻzbekiston Respublikasi Xalq taʼlimi vazirligining sport turlari boʻyicha terma va zaxira jamoalarini shakllantirish hamda sport turlari boʻyicha federatsiyalar bilan hamkorlikda iqtidorli oʻquvchi sportchilarning xalqaro sport musobaqalarida qatnashishini taʼminlash.

2. Oʻzbekiston “Yoshlik” jismoniy tarbiya va sport jamiyati faoliyatini tubdan takomillashtirish hamda bolalarni sport bilan shugʻullanishga jalb etishga qaratilgan chora-tadbirlar kompleksi 1-ilovaga muvofiq tasdiqlansin.

3. Jamiyatning markaziy va mintaqaviy kengashlarining pul mablagʻlari quyidagilar hisobiga shakllantirilishi nazarda tutilsin:

jamiyat aʼzolarining aʼzolik badallaridan tushgan mablagʻlar;

budjet mablagʻlari;

yuridik va jismoniy shaxslarning xayriya ehsonlari, xorijiy va xalqaro tashkilotlar, xorijiy davlatlarning grantlari;

qonunchilik hujjatlarida taqiqlanmagan boshqa tushumlar.

4. Jamiyatning markaziy va mintaqaviy kengashlari taʼminoti xarajatlarini budjet mablagʻlari hisobidan moliyalashtirish tartibi saqlab qolinsin.

5. Quyidagilar:

Jamiyat faoliyati uchun 2 ta yengil transport vositasi ajratilishi va budjet mablagʻlari hisobidan saqlanishi inobatga olinsin;

Jamiyatning markaziy va mintaqaviy kengashlarining trener-oʻqituvchilariga Vazirlar Mahkamasining “Sport maktablari faoliyatini hamda sport maktablari trenerlari va mutaxassislari mehnatini moddiy ragʻbatlantirish tizimini yanada takomillashtirish toʻgʻrisida” 2010-yil 23-sentabrdagi 211-son qarori talablari asosida belgilangan ustama va qoʻshimcha haqlar tatbiq etiladi.

51. Oʻzbekiston “Yoshlik” jismoniy tarbiya va sport jamiyati boshqaruv, texnik, xizmat koʻrsatuvchi va oʻquv-yordamchi xodimlarining namunaviy shtatlari va mehnatga haq toʻlash shartlari 2-ilovaga muvofiq tasdiqlansin.

6. Toshkent shahar hokimligi Xalq taʼlimi vazirligi bilan birgalikda bir oy muddatda Jamiyat uchun jahon talablariga javob beradigan sport bazasini yaratish uchun Toshkent shahrida tegishli binoni hududi bilan Jamiyatga ajratish toʻgʻrisida Vazirlar Mahkamasiga taklif kiritsin.

7. Oʻzbekiston Respublikasi Moliya vazirligi har yilgi Oʻzbekiston Respublikasining Davlat budjeti parametrlarini shakllantirishda ushbu qarorning ijrosi bilan bogʻliq xarajatlarni nazarda tutsin.

9. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.I. Ikramov zimmasiga yuklansin.

Oʻzbekiston Respublikasining Bosh vaziri Sh. MIRZIYOYEV

Toshkent sh.,

2014-yil 1-avgust,

210-son

Vazirlar Mahkamasining 2014-yil 1-avgustdagi 210-sonli qaroriga 1-ILOVA

Oʻzbekiston “Yoshlik” jismoniy tarbiya va sport jamiyati faoliyatini tubdan takomillashtirish hamda bolalarni sport bilan shugʻullanishga jalb etishga yoʻnaltirilgan chora-tadbirlar

KOMPLEKSI

T/r Tadbirlar nomi Bajarish muddatlari Bajarish uchun masʼullar I. Jamiyat faoliyatini tubdan takomillashtirishga yoʻnaltirilgan ishlar 1. Jamiyat Markaziy Kengashi va uning tizimidagi mintaqaviy kengashlar hamda boshlangʻich tashkilotlar faoliyatini takomillashtirish yuzasidan uning zarur normativ hujjatlarini qayta koʻrib chiqish va takomillashtirish. 2014-yil 1-oktabr Oʻzbekiston “Yoshlik” jismoniy tarbiya va sport jamiyati, Xalq taʼlimi vazirligi, tegishli vazirliklar va idoralar 2. Jamiyatning markaziy va mintaqaviy kengashlarining xodimlari mehnatiga haq toʻlash boʻyicha razryadlar va namunaviy shtatlarni ishlab chiqish va tasdiqlash. Jamiyatning markaziy va mintaqaviy kengashlari trenerlari mehnatiga haq toʻlashni budjetdan moliyalashtiriladigan sport maktablari trener-oʻqituvchilari mehnatiga haq toʻlash tartibiga muvofiqlashtirish. 2014-yil 1-oktabrgacha Oʻzbekiston “Yoshlik” jismoniy tarbiya va sport jamiyati, Xalq taʼlimi vazirligi, Mehnat va aholini ijtimoiy muhofaza qilish vazirligi, Moliya vazirligi 3. Isteʼdodli yosh sportchilarni aniqlash, sportchilar zaxirasini tayyorlash va sport turlarini rivojlantirish ishlarini olib borish tartibini ishlab chiqish. 2014-yil 1-noyabr Oʻzbekiston “Yoshlik” jismoniy tarbiya va sport jamiyati, Xalq taʼlimi vazirligi 4. Sport maktablari oʻquvchi sportchilari, pedagoglar va boshqa xodimlar oʻrtasida sport musobaqalari, oʻquv yigʻini mashgʻulotlari oʻtkazish uchun Toshkent va Nukus shaharlarida hamda viloyatlar markazlarida zamonaviy moddiy texnik bazaga ega boʻlgan bittadan sport maktabi bino va inshootlarini Jamiyatning mintaqaviy kengashlariga bepul ravishda foydalanish uchun biriktirish. 2014-yil 20-sentabr Xalq taʼlimi vazirligi 5. Jamiyat tomonidan jahon talablariga javob beradigan sport bazasini yaratish uchun Toshkent shahrida tegishli binoni hududi bilan Jamiyatga ajratish, keyingi yillarda ushbu binoni Oʻzbekiston Respublikasi Xalq taʼlimi vazirligi huzuridagi bolalar sportini rivojlantirish jamgʻarmasi mablagʻlari hisobidan bosqichma-bosqich qurish va taʼmirlash ishlarini amalga oshirish. 2014-yil 15-sentabrgacha Toshkent shahar hokimligi, Oʻzbekiston Respublikasining Xususiylashtirish, monopoliyadan chiqarish va raqobatni rivojlantirish davlat qoʻmitasi va Xalq taʼlimi vazirligi II. Bolalarni sport bilan shugʻullanishga jalb etishga yoʻnaltirilgan ishlar 6. Xalq taʼlimi tizimidagi umumtaʼlim, sport maktablari hamda boshqa taʼlim muassasalari oʻquvchilari oʻrtasida turli sport musobaqalari va tadbirlarini oʻtkazish orqali seleksiya ishlari doimiy tarzda yoʻlga qoʻyilishini hamda yuqori mahoratli sportchilar tanlab olinishini taʼminlash. Bir yilda ikki marta Xalq taʼlimi vazirligi, Oʻzbekiston “Yoshlik” jismoniy tarbiya va sport jamiyati, tegishli vazirliklar va idoralar 7. Xalq taʼlimi tizimidagi: sport maktablarining yillik oʻsishi darajasini hududlar boʻyicha olib borilishini yoʻlga qoʻyish; har bir sport maktablari faoliyatini yanada rivojlantirish yuzasidan aniq vazifalarni belgilash; sport maktablarining faoliyatini tahlil etish, baholash va yaxshi natijalarga erishgan sport maktablarini ragʻbatlantirish; sport maktablari faoliyatini doimiy ravishda nazorat qilib borish maqsadida hisobotlarni eshitish va tahlil qilish. Bir yilda ikki marta Har 6 oyda Bir yilda bir marta Har chorak va yil yakunida Oʻzbekiston “Yoshlik” jismoniy tarbiya va sport jamiyati 8. Sport seksiyalari va toʻgaraklaridagi mashgʻulotlar jadvallarini maqbullashtirish, har xil sport turlari, eng avvalo sportning olimpiya turlari boʻyicha yangi qoʻshimcha seksiya va guruhlar tashkil etish hisobiga bolalarni, ayniqsa qizlarni sport bilan shugʻullanishga yanada kengroq jalb etish. Har chorakda Xalq taʼlimi vazirligi, Oʻzbekiston “Yoshlik” jismoniy tarbiya va sport jamiyati, tegishli vazirliklar va idoralar 9. Xalq taʼlimi tizimidagi taʼlim muassasalari oʻquvchilari, talabalari, oʻqituvchi va boshqa xodimlarining jismoniy tayyorgarligini belgilab beruvchi “Alpomish” va “Barchinoy” maxsus sport-test sinovlarini topshirish jarayonini toʻliq yoʻlga qoʻyish. Bir yilda bir marta Xalq taʼlimi vazirligi, Oʻzbekiston “Yoshlik” jismoniy tarbiya va sport jamiyati, tegishli vazirliklar va idoralar 10. Sport, tinchlik, hamkorlik va oʻzaro totuvlik gʻoyalarini hamda yuqori natijalarga erishgan yosh sportchi va trenerlarning yutuqlarini oʻquvchilar oʻrtasida targʻib qilish maqsadida davra suhbatlari uyushtirish; respublika hududlarida, ayniqsa qishloq joylarda tizimli asosda respublikaning yetakchi sportchilari, Olimpiada va Osiyo oʻyinlari, jahon chempionatlari va boshqa xalqaro musobaqalar chempionlari hamda sovrindorlari ishtirokida koʻrgazmali mahorat saboqlari oʻtkazilishini tashkil etish. Har oyda ikki marta Xalq taʼlimi vazirligi, Oʻzbekiston “Yoshlik” jismoniy tarbiya va sport jamiyati, tegishli vazirliklar, sport turlari boʻyicha respublika federatsiyalari bilan birgalikda 11. Sogʻlom turmush tarzini targʻib qilishga yoʻnaltirilgan umumtaʼlim maktab oʻquvchilari oʻrtasida hududlarda va umumrespublika miqyosida oʻtkaziladigan “Quvnoq startlar” sport musobaqalarini yuqori saviyada tashkil etish. Bir yilda bir marta Xalq taʼlimi vazirligi, Oʻzbekiston “Yoshlik” jismoniy tarbiya va sport jamiyati 12. “Umid nihollari” sport musobaqalarining barcha bosqichlari (maktab, tuman, shahar va viloyat) sifatli oʻtishini taʼminlash maqsadida kalendar rejalarni ishlab chiqish hamda musobaqalarni yuqori saviyada oʻtkazish. Har yili 2-chorakda Xalq taʼlimi vazirligi, Oʻzbekiston “Yoshlik” jismoniy tarbiya va sport jamiyati 13. Xalq taʼlimi tizimidagi taʼlim muassasalarida tashkil etilgan sport toʻgaraklari toʻgʻrisida maʼlumotlar bazasini yaratish. 2014-yil 1-oktabr Oʻzbekiston “Yoshlik” jismoniy tarbiya va sport jamiyati 14. Sport federatsiyalari bilan hamkorlikda sport turlari boʻyicha metodik tavsiyalar va oʻquv qoʻllanmalari, shuningdek sportni targʻib qiluvchi tarqatma materiallar, plakatlar yaratish hamda har bir taʼlim muassasasini taʼminlash. Har yilda bir marta Xalq taʼlimi vazirligi, Oʻzbekiston “Yoshlik” jismoniy tarbiya va sport jamiyati, tegishli vazirliklar va idoralar 15. Oʻqituvchilar va trenerlarning jismoniy tarbiya boʻyicha malakalarini oshirish va ularga metodik yordam koʻrsatish yuzasidan oʻquv seminarlar tashkil etish. Ishlab chiqilgan jadval asosida Xalq taʼlimi vazirligi, Respublika “Yoshlik” bolalar sport jamiyati, tegishli vazirlik va idoralar 16. Xalq taʼlimi tizimidagi 1-sport va 2-sport davlat statistika hisobot shakllarini barcha taʼlim muassasalaridan oʻz vaqtida qabul qilish va hisobotlarini yuritish. Bir yilda bir marta Xalq taʼlimi vazirligi, Oʻzbekiston “Yoshlik” jismoniy tarbiya va sport jamiyati, tegishli vazirliklar va idoralar

Vazirlar Mahkamasining 2014-yil 1-avgustdagi 210-sonli qaroriga 2-ILOVA

Oʻzbekiston “Yoshlik” jismoniy tarbiya va sport jamiyati boshqaruv, texnik, xizmat koʻrsatuvchi va oʻquv-yordamchi xodimlarining namunaviy shtatlari va mehnatga haq toʻlash shartlari

1. Oʻzbekiston “Yoshlik” jismoniy tarbiya va sport jamiyati Markaziy kengashi

T/rLavozimlar nomiShtat birliklari soniMehnatga haq toʻlashning eng kam miqdoriga nisbatan(koeffitsiyentda)1.Raisning birinchi oʻrinbosari14,6102.Raisning sport ishlari boʻyicha oʻrinbosari14,3793.Raisning moliya va xoʻjalik ishlari boʻyicha oʻrinbosari14,3794.Kadrlar boʻyicha bosh mutaxassis 13,6255.Yuriskonsult1*6.Matbuot kotibi14,3797.Boʻlim boshligʻi44,1118.Bosh mutaxassis53,6259.Yetakchi mutaxassis53,38910.Bosh buxgalter-boʻlim boshligʻi14,11111.Buxgalter-bosh mutaxassis13,62512.Oʻqituvchi-trenerlar42**Jami64

2. Oʻzbekiston “Yoshlik” jismoniy tarbiya va sport jamiyati mintaqaviy kengashlari

T/rLavozimlar nomiQoraqalpogʻiston RespublikasiAndijon viloyatiBuxoro viloyatiJizzax viloyatiQashqadaryo viloyatiNavoiy viloyatiNamangan viloyatiSamarqand viloyatiSurxondaryo viloyatiSirdaryo viloyatiToshkent viloyatiFargʻona viloyatiXorazm viloyatiToshkent shaharJami shtat birliklari soniMehnatga haq toʻlashning eng kam miqdoriga nisbatan (koeffitsiyentda)1.Rais oʻrinbosari11111111111111144,3582.Buxgalter11111111111111144,1113.Bosh mutaxassis22323122223222303,3894.Yetakchi mutaxassis21213122212211233,1595.Oʻqituvchi-trenerlar446773410861369895**Jami:10913121571016141120121413176

Izoh.

* Oʻzbekiston “Yoshlik” jismoniy tarbiya va sport jamiyati yuriskonsultiga Vazirlar Mahkamasining “Oʻzbekiston Respublikasi Prezidentining “Yuridik xizmat faoliyatini tubdan takomillashtirish chora-tadbirlari toʻgʻrisida” 2017-yil 19-yanvardagi PQ-2733-son qarorini amalga oshirish chora-tadbirlari haqida” 2017-yil 1-maydagi 250-son qaroriga muvofiq haq toʻlanadi.

** Oʻzbekiston “Yoshlik” jismoniy tarbiya va sport jamiyati oʻqituvchi-trenerlarining mehnatiga haq toʻlash boʻyicha bazaviy tarif stavkalari miqdorlari Vazirlar Mahkamasining “Xalq taʼlimi xodimlari mehnatiga haq toʻlashning takomillashtirilgan tizimini tasdiqlash toʻgʻrisida” 2005-yil 21-dekabrdagi 275-son qaroriga muvofiq belgilanadi.

Oʻzbekiston “Yoshlik” jismoniy tarbiya va sport jamiyatida texnik, xizmat koʻrsatuvchi va boshqa lavozimlarni kiritish meʼyorlari ilovaga muvofiq belgilanadi.

Oʻzbekiston “Yoshlik” jismoniy tarbiya va sport jamiyati Markaziy kengashi Maktabgacha va maktab taʼlimi vazirligi bilan kelishgan holda belgilangan shtat birliklari soni doirasida Markaziy kengashi va mintaqaviy kengashlari oʻrtasida qayta taqsimlanishi mumkin.

Oʻzbekiston “Yoshlik” jismoniy tarbiya va sport jamiyatida yangi boʻlim va lavozimlar tashkil qilingan taqdirda, tegishliligi boʻyicha yuqorida koʻrsatilgan lavozimlarning mehnatga haq toʻlash miqdorlari va shartlari qoʻllanadi.

Oʻzbekiston “Yoshlik” jismoniy tarbiya va sport jamiyati boshqaruv, texnik, xizmat koʻrsatuvchi va oʻquv-yordamchi xodimlarining namunaviy shtatlari va mehnatga haq toʻlash shartlariga ILOVA

Oʻzbekiston “Yoshlik” jismoniy tarbiya va sport jamiyatida texnik, xizmat koʻrsatuvchi va boshqa lavozimlarni kiritish

MEʼYORLARI

1. Oʻzbekiston “Yoshlik” jismoniy tarbiya va sport jamiyatining (keyingi oʻrinlarda — Jamiyat) Markaziy kengashida ombor mavjud boʻlsa, 1,0 ta shtat birligidan iborat ombor mudiri lavozimi kiritiladi.

2. Uy-joy kommunal xoʻjalik tizimiga oʻtkazilmagan Jamiyatda isitish mavsumida (5 oy) oʻt yoquvchi lavozimi:

lokal isitish tizimida koʻmir, torf, mazut va hokazolar bilan isitiladigan har bir qozonxonaga har bir oʻrin almashish ish vaqti uchun 2,0 ta shtat birligidan, tabiiy gaz yoqilgʻisi bilan ishlaydigan har bir qozonxonalarda (qozonxona hajmidan qatʼi nazar) har bir oʻrin almashish ish vaqti uchun 1,0 ta shtat birligidan;

alohida kichik qozonlari bilan isitiladigan har bir alohida manzilda joylashgan binolar majmuasiga har bir oʻrin almashish ish vaqti uchun qozonlar soni 6 tagacha boʻlsa 1,0 ta shtat birligidan, 6 va undan ortiq boʻlsa 2,0 ta shtat birligidan;

isitish pechlari orqali isitiladigan jamiyatda har 10 dona pech uchun 1,0 ta shtat birligi va keyingi har 5 dona pech uchun qoʻshimcha 0,5 ta shtat birligidan, lekin 0,5 ta shtat birligidan kam boʻlmagan holda;

pechka orqali isitiladigan, issiq suv bilan doimiy taʼminlanib turiladigan jamiyat uchun yuqoridagi 1,0 ta shtat birligidan iborat oʻt yoquvchi lavozimlaridan bittasi butun yil davomiga kiritiladi.

3. Binolarning foydalaniladigan ichki qismi, shu jumladan, xizmat xonalari, yoʻlaklar, zinapoyalar, faollar zali va sport zali hamda oʻquv sinflari maydonini tozalovchi farrosh lavozimi har 350 kv. m tozalash maydoni uchun 0,5 ta shtat birligi hisobidan kelib chiqqan (mutanosib) holda, biroq 0,5 ta shtat birligidan kam boʻlmagan miqdorda kiritiladi.

4. Jamiyatning qoplama toʻshalgan (asfalt, beton, bruschatka) hamda sport maydonlarining har 2500 kv.m maydoni uchun 1,0 ta shtat birligi hisobidan kelib chiqqan (mutanosib) holda, hovli supuruvchi lavozimi, biroq 0,5 ta shtat birligidan kam boʻlmagan holda kiritiladi.

5. Jamiyatning mevali bogʻ, gulzor va koʻkalamzorlashtirilgan 0,5 ga dan 2,0 ga gacha maydon uchun 1,0 ta shtat birligi, keyingi har 2,0 ga maydon uchun 1,0 ta shtat birligi hisobidan kelib chiqqan (mutanosib) holda, bogʻbon lavozimi kiritiladi (ijaraga bergan maydoni bundan mustasno).

6. Jamiyatni qoʻriqlash uchun dam olish va bayram kunlari hamda taʼtil davrida har bir oʻrin almashish ish vaqti hisobga olingan holda, 3,0 ta shtat birligidan iborat qorovul lavozimi kiritiladi.

7. Jamiyatda mavjud boʻlgan har bir soz avtotransport vositasi uchun 1,0 ta shtat birligidan iborat haydovchi lavozimi kiritiladi.

8. Jamiyatning har 500 yoritish nuqtalari (viklyuchatel, rozetka va koroba, bunda balansida boʻlgan koʻcha yoritish nuqtalari ham hisoblanadi) uchun 1,0 ta shtat birligi hisobidan kelib chiqqan holda, biroq 0,5 ta shtat birligidan kam boʻlmagan miqdorda elektromontyor lavozimi kiritiladi.

9. Jamiyatning suv quvurlari, kanalizatsiya tizimi va issiqlik quvvati bilan jihozlangan har 2000 kv.m foydali maydon uchun 1,0 ta shtat birligi hisobidan kelib chiqqan (mutanosib) holda, biroq 0,5 shtat birligidan kam boʻlmagan miqdorda chilangar-santexnik lavozimi kiritiladi.

10. Jamiyatning Markaziy kengashiga raisning birinchi oʻrinbosari uchun 1,0 ta shtat birligidan iborat kotib lavozimi kiritiladi.

11. Jamiyatning Markaziy kengashiga 1,5 ta shtat birligidan iborat tibbiyot hamshirasi lavozimi kiritiladi.

Izoh. Tibbiyot hamshirasiga ish haqi toʻlash Vazirlar Mahkamasining “Tibbiyot xodimlari mehnatiga haq toʻlashning takomillashtirilgan tizimini tasdiqlash toʻgʻrisida” 2005-yil 21-dekabrdagi 276-son qarori asosida tartibga solinadi.