Oʻzbekiston Respublikasi Vazirlar Mahkamasining “Davlat boji stavkalari haqida” 1994-yil 3-noyabrdagi 533-son qarorini qisman oʻzgartirish toʻgʻrisida (100-son)

25.02.2003

Oʻzbekiston Respublikasi Vazirlar Mahkamasining

qarori

“Davlat boji haqida”gi Oʻzbekiston Respublikasining Qonuniga muvofiq Vazirlar Mahkamasi qaror qiladi:

1. Oʻzbekiston Respublikasi Vazirlar Mahkamasining 1994-yil 3-noyabrdagi 533-son qarori (Oʻzbekiston Respublikasi QT, 1994-y., 11-son, 49-modda) bilan tasdiqlangan Davlat boji stavkalari 4-bandining “p” kichik bandiga quyidagi oʻzgartirishlar kiritilsin:

ikkinchi xatboshidagi “eng kam ish haqining 10 foizi miqdorida” soʻzlari “eng kam ish haqining 2 baravari miqdorida” soʻzlari bilan almashtirilsin;

uchinchi xatboshidagi “eng kam ish haqining 1 baravari miqdorida” soʻzlari “eng kam ish haqining 10 baravari miqdorida” soʻzlari bilan almashtirilsin.

2. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari R.S. Azimov zimmasiga yuklansin.

Vazirlar Mahkamasining Raisi I. KARIMOV

Toshkent sh.,

2003-yil 25-fevral,

100-son