Soliq maslahatchilarining malakasini oshirish tartibi toʻgʻrisidagi nizomga oʻzgartirishlar kiritish haqida (2343-1-son)

11.07.2014

OʻZBEKISTON RESPUBLIKASI MOLIYA VAZIRINING

buyrugʻi

[Oʻzbekiston Respublikasi Adliya vazirligi tomonidan 2014-yil 11-iyulda roʻyxatdan oʻtkazildi, roʻyxat raqami 2343-1]

Oʻzbekiston Respublikasi “Soliq maslahati toʻgʻrisida”gi Qonunining 14-moddasiga, Oʻzbekiston Respublikasi Vazirlar Mahkamasining 2007-yil 20-martdagi 55-son “Soliq maslahati sohasini rivojlantirish chora-tadbirlari toʻgʻrisida”gi qaroriga muvofiq buyuraman:

1. Oʻzbekiston Respublikasi moliya vazirining 2012-yil 29-fevraldagi 23-son buyrugʻi (roʻyxat raqami 2343, 2012-yil 17-mart) (Oʻzbekiston Respublikasi qonun hujjatlari toʻplami, 2012-y., 12-son, 135-modda) bilan tasdiqlangan Soliq maslahatchilarining malakasini oshirish tartibi toʻgʻrisidagi nizomga ilovaga muvofiq oʻzgartirishlar kiritilsin.

2. Mazkur buyruq rasmiy eʼlon qilingan kundan eʼtiboran kuchga kiradi.

Vazir R. AZIMOV

Toshkent sh.,

2014-yil 30-iyun,

46-son

Oʻzbekiston Respublikasi moliya vazirining 2014-yil 30-iyundagi 46-son buyrugʻiga ILOVA

Soliq maslahatchilarining malakasini oshirish tartibi toʻgʻrisidagi nizomga kiritilayotgan oʻzgartirishlar

1. 5-banddagi “oʻquv kurslarida” degan soʻzlar “kurslarida” degan soʻz bilan almashtirilsin.

2. 8 va 9-bandlar quyidagi tahrirda bayon etilsin:

“8. Taʼlim muassasasi tomonidan soliq maslahatchilarining malakasini oshirish maxsus kurslarini oʻtaganligi toʻgʻrisida sertifikat beriladi.

9. Soliq maslahatchilari har yil 15-aprelgacha soliq maslahatchilarining malakasini oshirish maxsus kurslarini oʻtaganligi toʻgʻrisidagi sertifikat nusxalarini Oʻzbekiston Respublikasi Moliya vazirligiga taqdim etadilar.”.

3. Mazkur oʻzgartirishlar Oʻzbekiston Respublikasi Oliy va oʻrta maxsus taʼlim vazirligi bilan kelishilgan.

Oliy va oʻrta maxsus taʼlim vaziri A. VAXOBOV

2014-yil 27-iyun