Tuman aholi punktlarida sanitariya jihatidan tozalash tizimini rivojlantirish va takomillashtirish chora-tadbirlari toʻgʻrisida (230-q-son)

11.04.2014

Samarqand viloyati Nurobod tumani hokimining

Qarori

Oʻzbekiston Respublikasi Vazirlar Mahkamasining 2013-yil 3-dekabrdagi 315-sonli “Respublika aholi punktlarida sanitariya jihatidan tozalash tizimini rivojlantirish va takomillashtirish chora-tadbirlari toʻgʻrisida”gi (Oʻzbekiston Respublikasi qonun hujjatlari toʻplami, 2013-y., 49-son, 632-modda) hamda shu asosida viloyat hokimining 2013-yil 7-dekabrdagi 266-q-sonli qarorlari ijrosini tashkil etish maqsadida qaror qilaman:

1. Oʻzbekiston Respublikasi Vazirlar Mahkamasining 2013-yil 3-dekabrdagi 315-sonli “Respublika aholi punktlarida sanitariya jihatidan tozalash tizimini rivojlantirish va takomillashtirish chora-tadbirlari toʻgʻrisida”gi hamda shu asosida viloyat hokimining 2013-yil 7-dekabrdagi 266-q-sonli qarorlari rahbarlik va ijro uchun qabul qilinsin.

2. Oʻzbekiston Respublikasi Vazirlar Mahkamasining mazkur qarori bilan:

quyidagilar respublika mintaqalarida aholining qattiq maishiy chiqindilarini tashib ketish boʻyicha sanitariya jihatidan tozalashni tashkil qilishning asosiy vazifalari etib:

shaharlar va aholi punktlarining tashqi qiyofasiga boʻlgan zamonaviy shaharsozlik talablarini hisobga olgan holda, qattiq maishiy chiqindilarni tashib ketish va ularni sanitariya qoidalari va normalariga qatʼiy muvofiq holda joylashtirish ishlarining tashkil etilishini taʼminlanishi;

barcha bosqichlarda shu jumladan poligonlarda qattiq maishiy chiqindilarni toʻplash, sortlarga ajratish, tashish, poligonlarda koʻmib tashlashda sanitariya jihatidan tozalash obyektlaridan foydalanish va saqlash hamda ularni sanitariya va ekologiya talablariga muvofiq holda utilizatsiya qilish ishlarini tashkil etilishi;

aholi bandligini oshirish, sanitariya jihatidan tozalash sohasidagi ishlarni samarali tashkil etish uchun qoʻshimcha ish oʻrinlari va shart-sharoitlar yaratilishi;

qattiq maishiy chiqindilarni tashib ketish boʻyicha xizmatlar koʻrsatadigan tashkilotlarning moddiy-texnika bazasini mustahkamlanishi;

qattiq maishiy chiqindilar bilan ishlash obyektlarining sanitariya va ekologik holati yuzasidan jamoatchilik nazoratini taʼminlanishi belgilanganligi maʼlumot uchun qabul qilinsin.

3. Quyidagilar:

2014-2015-yillarda tumanda sanitariya jihatidan tozalash boʻyicha ixtisoslashtirilgan tashkilotlarni maxsus texnika bilan jihozlash dasturi 1-ilovaga* muvofiq;

2014-2015-yillarda tuman obodonlashtirish boshqarmasini maxsus texnika bilan jihozlash dasturi 2-ilovaga* muvofiq;

2014-2015-yillarda tuman aholi punktlarida axlatlarni toʻplash shoxobchalarini qurish va ularni konteynyerlar bilan jihozlash dasturi 3-ilovaga* muvofiq;

2014-2015-yillarda obodonlashtirish boshqarmasining faoliyat koʻrsatayotgan qattiq maishiy chiqindilar poligonlarini tartibga solish va ularni maxsus texnika bilan jihozlash dasturi 4-ilovaga* muvofiq;

2014-2015-yillarda sanitariya jihatidan tozalash boʻyicha ixtisoslashtirilgan tashkilotlarning faoliyat koʻrsatayotgan qattiq maishiy chiqindilar poligonlarini tartibga solish va ularni maxsus texnika bilan jihozlash dasturi 5-ilovaga* muvofiq;

2014-2015-yillarda tumanda obodonlashtirish boshqarmasining qattiq maishiy chiqindilar yangi poligonlarini qurish va ularni maxsus texnika bilan jihozlash dasturi 6-ilovaga* muvofiq;

yuqorida keltirilgan qarorlar bilan tasdiqlangan dasturlarni moliyalashtirish manbalari 7-ilovaga* muvofiq;

2014-2015-yillarda tuman markazida, shahar posyolkasida va qishloq aholi punktlarida sanitariya jihatidan tozalashni tashkil etishga doir kompleks tadbirlar (keyingi oʻrinlarda Kompleks tadbirlar deb ataladi) 8-ilovaga* muvofiq;

tuman hududi darajasida Kompleks tadbirlarni bajarish boʻyicha ishchi guruhlar tarkiblari 9 ilovaga* muvofiq tasdiqlansin.

4. Viloyat hokimining mazkur qarori bilan:

viloyat tabiatni muhofaza qilish qoʻmitasi qattiq maishiy chiqindilarni koʻmib tashlash boʻyicha yangidan tashkil etilayotgan poligonlarni davlat ekologiya ekspertizasidan oʻtkazishni hamda qattiq maishiy chiqindilarni koʻmib tashlash va utilizatsiya qilish joylarining davlat kadastrini yuritishni taʼminlashi;

markaziy bank viloyat bosh boshqarmasi va viloyat tijorat banklariga, maxsus texnika sotib olish, qattiq maishiy chiqindilar poligonlarini tartibga solish va jihozlash uchun sanitariya jihatidan tozalash boʻyicha ixtisoslashtirilgan tashkilotlarga 1 va 5-ilovalarga* muvofiq imtiyozli kreditlar ajratish tavsiya etilishi;

viloyat Nazorat-taftish boshqarmasi amalga oshirilgan ishlarning yakunlari boʻyicha, bajarilgan ishlarning hajmlari, sifati va obyektlarni ishga tushirish muddatlarining tasdiqlangan dasturlarga, manzilli roʻyxatlarga hamda loyiha-smeta hujjatlarga muvofiqligini tekshiruvdan oʻtkazishi belgilanganligi maʼlumot uchun qabul qilinsin.

5. Tuman hokimining birinchi oʻrinbosari (Z. Niyozov), tuman bosh arxitektori (A. Raximov), tuman Tibbiyot birlashmasi (A. Nazarov), tuman hokimligi moliya boʻlimi (R. Ibragimov), tuman iqtisodiyot boʻlimi (A. Mavlanov) hamda tegishli tashkilotlar bilan quyidagilarni belgilangan tartibda taʼminlasinlar:

har yili 1-yanvargacha — tanlov savdolari oʻtkazish, pudrat shartnomalarini belgilangan tartibda tuzish hamda axlatlarni toʻplash shoxobchalari va qattiq maishiy chiqindilar poligonlari qurishning yakuniy manzilli roʻyxatlarini tasdiqlash;

tasdiqlangan dasturlarning, Kompleks tadbirlarning va ajratilayotgan mablagʻlardan maqsadli foydalanishning amalga oshirilishi yuzasidan tizimli monitoring olib borish;

ular oʻrtasida kooperatsiya aloqalarini oʻrnatilgan holda qattiq maishiy chiqindilarni sortlarga ajratish va qayta ishlash boʻyicha tijorat tashkilotlari tashkil etish.

Vazirlar Mahkamasining 2013-yil 3-dekabrdagi 315-sonli qarorining 3-bandi ikkinchi, uchinchi, oltinchi xatboshilarda koʻrsatilgan vazifalar ijrochilar tomonidan tuman hokimining 2013-yil 19-dekabrdagi 670-q-sonli qarori bilan bajarilganligi inobatga olinsin.

6. Belgilansinki, qattiq maishiy chiqindilarni tashib ketish xizmatlari koʻrsatish:

tuman markazida, Nurbuloq posyolkasida va qishloq aholi punktlarida obodonlashtirish boshqarmalari tomonidan amalga oshiriladi.

7. Belgilab qoʻyilsinki, hududlarda axlatlarni toʻplash shoxobchalari qurilishi tugallangach va ular konteynyerlar bilan jihozlangach axlatlarni toʻplash shoxobchalari, kelgusida ulardan foydalanish uchun, sanitariya jihatidan tozalash boʻyicha ixtisoslashtirilgan tashkilotlar tomonidan tekin foydalanish uchun beriladi.

8. Vazirlar Mahkamasining “Respublika aholi punktlarini obodonlashtirish ishlarini tashkil etishni takomillashtirish chora-tadbirlari toʻgʻrisida” 2013-yil 10-yanvardagi 4-son qaroriga (Oʻzbekiston Respublikasi QT 2013-y., 1-son, 2-modda) oʻzgartirish va qoʻshimchalar kiritilganligi munosabati bilan tuman hokimining 2013-yil 19-yanvardagi 26-q hamda 22-martdagi 128-q-sonli qarorlariga 10-ilovaga* muvofiq oʻzgartirish va qoʻshimchalar kiritilsin.

1—10-ilovalar berilmaydi.

9. Ushbu qaror qabul qilinishi bilan tuman hokimining 2013-yil 19-dekabrdagi 670-q-sonli qarori oʻz kuchini yoʻqotgan deb hisoblansin.

10. Mazkur qaror rasmiy eʼlon qilinganidan soʻng kuchga kiradi.

11. Ushbu qarorning ijrosini nazorat qilish tuman hokimining birinchi oʻrinbosari Z. Niyozov zimmasiga yuklatilsin..

Hokim J. IBRAGIMOV

Nurobod t.,

2014-yil 11-aprel,

230-q-son