2014/2015 oʻquv yilida Oʻzbekiston Respublikasi Bank-moliya akademiyasi magistraturasiga qabul toʻgʻrisida (167-son)

23.06.2014

Oʻzbekiston Respublikasi Vazirlar Mahkamasining

qarori

Oʻzbekiston Respublikasining moliya, bank va soliq tizimlari hamda iqtisodiyotning real sektori ayrim tarmoq va korxonalarida investitsiya faoliyati uchun yuqori malakali magistrlar tayyorlash maqsadida Vazirlar Mahkamasi qaror qiladi:

1. Oʻzbekiston Respublikasi Bank-moliya akademiyasi magistraturasiga qabul kvotalari mutaxassisliklar kesimida 1-ilovaga muvofiq tasdiqlansin.

2. “Investitsiyalarni boshqarish (real sektor uchun)” mutaxassisligi boʻyicha qabul kvotalari iqtisodiyotning real sektori ayrim tarmoq va korxonalari boʻyicha taqsimlanishi 2-ilovaga muvofiq tasdiqlansin.

3. Oʻzbekiston Respublikasi Bank-moliya akademiyasi magistraturasi Qabul komissiyasiga Akademiyaga oʻqishga kirish jarayonida magistratura mutaxassisliklari boʻyicha abituriyentlar toʻplagan ballarning reyting baholanishini hisobga olgan holda Akademiyaning qabul koʻrsatkichlariga belgilangan umumiy kvotalar doirasida oʻzgartirishlar kiritish huquqi berilsin.

4. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.I. Ikramov zimmasiga yuklansin.

Oʻzbekiston Respublikasining Bosh vaziri Sh. MIRZIYOYEV

Toshkent sh.,

2014-yil 23-iyun,

167-son

Vazirlar Mahkamasining 2014-yil 23-iyundagi 167-son qaroriga 1-ILOVA

Oʻzbekiston Respublikasi Bank-moliya akademiyasi magistraturasiga 2014/2015 oʻquv yili uchun qabul kvotalari

T/r Mutaxassislik shifri Mutaxassislik nomi Jami shu jumladan davlat granti toʻlov-kontrakt 1. 5A 230701 Bank ishi (faoliyat turlari boʻyicha) 55 18 37 2. 5A 230702 Bank hisobi va audit 12 5 7 3. 5A 230603 Investitsiyalarni boshqarish (real sektor uchun) 20 5 15 4. 5A 230603 Investitsiyalarni boshqarish (bank sektori uchun) 25 7 18 5. 5A 230601 Davlat moliyasini boshqarish 31 15 16 6. 5A 231301 Pensiya ishi 15 10 5 7. 5A 231201 Sugʻurta ishi 10 - 10 8. 5A 230602 Korporativ moliya va qimmatli qogʻozlar bozori 7 2 5 9. 5A 230902 Audit (moliya sohasida) 5 3 2 10. 5A 230801 Soliqlar va soliqqa tortish 20 10 10 JAMI 200 75 125

Izoh: “Davlat moliyasini boshqarish” mutaxassisligi boʻyicha davlat granti asosida 2 (ikki) ta oʻrin Oʻzbekiston Respublikasi Mudofaa vazirligi uchun maqsadli ravishda ajratilgan.

Vazirlar Mahkamasining 2014-yil 23-iyundagi 167-son qaroriga 2-ILOVA

“Investitsiyalarni boshqarish (real sektor uchun)” mutaxassisligi boʻyicha qabul kvotasining iqtisodiyotning real sektori ayrim tarmoq va korxonalari boʻyicha taqsimlanishi

T/r Vazirlik, idora va korxonalarning nomlari Jami Shu jumladan davlat granti toʻlov-kontrakt 1. Qishloq va suv xoʻjaligi vazirligi 1 1 - 2. Tashqi iqtisodiy aloqalar, investitsiyalar va savdo vazirligi 2 2 - 3. “Oʻzbekenergo” DAK 1 - 1 4. “Oʻzkimyosanoat” DAK 3 - 3 5. “Oʻzavtosanoat” AK 1 - 1 6. “Oʻzbekneftgaz” MXK 3 - 3 7. “Oʻzbekiston temir yoʻllari” DATK 2 - 2 8. “Oʻzbekiston havo yoʻllari” MAK 1 - 1 9. “Olmaliq togʻ-kon metallurgiya kombinati” OAJ 1 - 1 10. “Oʻzmetkombinat” OAJ 2 - 2 11. “Oʻzogʻirneftgazkimyoloyiha” instituti 3 2 1 JAMI 20 5 15

Izoh: Xususiylashtirish, monopoliyadan chiqarish va raqobatni rivojlantirish davlat qoʻmitasi, Aloqa, axborotlashtirish va telekommunikatsiya texnologiyalari davlat qoʻmitasi hamda “Navoiy kon-metallurgiya kombinati” OAJdan nomzodlarga boshqa mutaxassisliklar boʻyicha tanlovda ishtirok etishga ruxsat beriladi.