Oʻzbekiston Respublikasi Qurolli kuchlari safiga navbatdagi chaqiruv toʻgʻrisida (42-son)

28.01.2014

toshkent viloyati Oʻrtachirchiq tumani hokimining

Qarori

Oʻzbekiston Respublikasining “Umumiy harbiy majburiyat va harbiy xizmat toʻgʻrisida”gi Qonuniga (Oʻzbekiston Respublikasi Oliy Majlisining Axborotnomasi, 2002-y., 12-son, 217-modda) va Oʻzbekiston Respublikasi Prezidentining 2013-yil 20-dekabrdagi PQ-2093-sonli “Oʻzbekiston Respublikasi fuqarolarining muddatli harbiy xizmatga navbatdagi chaqiruvi hamda belgilangan xizmat muddatlarini oʻtab boʻlgan harbiy xizmatchilarni Qurolli Kuchlar rezerviga boʻshatish toʻgʻrisida”gi qaroriga asosan tuman fuqarolarini 2014-yil chaqiruv davrida muddatli harbiy xizmatga chaqirish hamda safarbarlik chaqiruvi rezervi xizmatiga olish ishlarini yuqori saviyada tashkil etish va oʻtkazish maqsadida qaror qilaman:

1. Oʻzbekiston Respublikasi Prezidentining 2013-yil 20-dekabrdagi PQ-2093-sonli “Oʻzbekiston Respublikasi fuqarolarining muddatli harbiy xizmatga navbatdagi chaqiruvi hamda belgilangan xizmat muddatlarini oʻtab boʻlgan harbiy xizmatchilarni Qurolli Kuchlar rezerviga boʻshatish toʻgʻrisida”gi va Toshkent viloyati hokimining 2013-yil 30-dekabrdagi 298-sonli qarorlari ijro va rahbarlik uchun qabul qilinsin.

2. Mazkur qarorga muvofiq:

1987-1996-yillarda tugʻilgan, chaqirilish muddatini kechiktirish huquqiga ega boʻlmagan Oʻzbekiston Respublikasi fuqarolari 2014-yilning fevral-mart oylarida muddatli harbiy xizmatga chaqirilishi;

muddatli harbiy xizmatning belgilangan muddatlarini oʻtab boʻlgan fuqarolar 2014-yilning mart-aprel oylarida Oʻzbekiston Respublikasi Qurolli Kuchlari rezerviga boʻshatilishi;

muddatli harbiy xizmatni oʻtashga yaroqli hamda chaqirilish muddatini kechiktirish va chaqirilishdan ozod etish huquqiga ega boʻlmagan, biroq ushbu chaqiruv mobaynida Qurolli Kuchlar safiga chaqirilmaydigan fuqarolar safarbarlik chaqiruvi rezerviga olinishi belgilanganligi qayd etib oʻtilsin.

3. Muddatli harbiy va safarbarlik chaqiruvi rezervidagi xizmatga chaqiruv ishlari 2014-yil 1-fevralidan 31-martiga qadar tuman Mudofaa ishlari boʻlimida chaqiruv komissiyasi tomonidan tasdiqlangan reja asosida amalga oshirilsin.

4. Tuman tibbiy komissiya faoliyatini muvofiqlashtiruvchi chaqiruv komissiyasi tarkibi 1-ilovaga, tuman Mudofaa ishlari boʻlimiga texnik xodimlar ajratuvchi korxona va tashkilotlar roʻyxati 2-ilovaga va avtotransport vositalarini ajratuvchi korxona va tashkilotlar roʻyxati 3-ilovaga va chaqiruv uchastkasida 1998-yilda chaqiruvgacha boʻlgan yoshlarni dispanser koʻrigidan oʻtkazish komissiya tarkibi 4-ilovaga asosan tasdiqlansin.

5. Oʻrtachirchiq tuman Tibbiyot birlashmasi (N. Arslanov)ga:

chaqiriluvchilarni muddatli harbiy xizmatga loyiqligini aniqlovchi tuman tibbiy komissiyasini malakali tibbiyot xodimlari bilan taʼminlash;

joriy yilning 31-martigacha tuman Mudofaa ishlari boʻlimi jadvaliga asosan chaqiriluvchilarning tibbiy lobaratoriya tekshiruvlaridan sifatli oʻtkazish va ushbu ishga shifokorlarni jalb etish;

doimiy asosda faoliyat yurituvchi shahar tibbiy chaqiruv komissiyasini zarur tibbiy asbob uskunalar va anjomlar bilan toʻliq taʼminlanishini tashkil etish vazifasi topshirilsin.

6.Tuman Xalq taʼlimi muassasalari faoliyatini metodik taʼminlash va tashkil etish boʻlimi (A. Abubakirov):

navbatdagi chaqiruvga yuqori darajada tayyorgarlik koʻrib, chaqiriluvchilarni tibbiy koʻrikdan sifatli oʻtkazish uchun tuman doimiy chaqiruv komissiyasi tarkibida belgilangan tartibda malakali psixologlar ishtirokini taʼminlasin.

7. Tuman Bandlikka koʻmaklashish va aholini ijtimoiy muhofaza qilish markazi (K. Qayumov)ga:

Qurolli Kuchlar safidan boʻshatilgan fuqarolarni, ularning xizmat davrida egallagan harbiy va fuqarolik mutaxassisliklarini hisobga olgan holda, belgilangan tartibda ishga joylashtirish choralarini koʻrib amalga oshirilgan ishlar boʻyicha haftalik maʼlumotlarni tuman komissiyasiga taqdim etib borsin.

8. Tuman Mudofaa ishlari boʻlimi (I. Moʻminov)ga:

tuman chaqiruv komissiyasi ishini belgilangan reja asosida oʻtkazishni taʼminlash;

viloyat Mudofaa ishlar boshqarmasi tomonidan berilgan reja asosida komandalarni toʻliq butlash, safarbarlik chaqiruv rezervi xizmati rejasini amalga oshirish, chaqiruvchilarni muddatli harbiy xizmatga joʻnatilishini tantanali tarzda amalga oshirish;

muddatli harbiy xizmatni oʻtab qaytayotgan harbiy xizmatchilarni tantanali kutib olishni tashkil etish vazifasi yuklatilsin.

9. “Mahalla” hayriya jamoat fondi tuman boʻlimi (R. Rajapov) va barcha mahalla fuqarolar yigʻinlari raislariga:

tuman Mudofaa ishlari boʻlimi talabi yuzasidan chaqiruvchilarni xabardor etish;

2014-yilgi safarbarlik chaqiruv rezervi xizmati rejasini bajarish uchun 7 nafardan sogʻligʻi jihatdan sogʻlom, oilaviy sharoiti yaxshi va pul badallarini toʻlash imkoni boʻlgan chaqiriluvchilarni tanlab olish va ular bilan shartnomalar tuzishni amalga oshirishda koʻmaklashish;

tuman Mudofaa ishlar boʻlimi bilan hamkorlikda mahallalarda ota-onalar va chaqiriluvchilar bilan tushuntirish, targʻibot-tashviqot ishlari olib borish vazifasi yuklatilsin.

10. Tuman Ichki ishlari boʻlimi (I. Xasanov):

2014-yil 1-fevralidan 31-martigacha Mudofaa ishlari boʻlimi chaqiruv komissiyasiga Ichki ishlar xodimlarining navbatchiligini joriy etish, harbiy xizmatdan boʻyin tovlagan chaqiriluvchilarni qonun hujjatlarida belgilangan tartibda choralar koʻrish va bu borada ular orasida tushuntirish ishlari olib borishiga alohida eʼtibor qaratish vazifasi yuklatilsin.

11. Tuman Madaniyat va sport ishlari boʻlimi (Z. Umarqulov) va tumandagi kasb-hunar kollejlari direktorlariga:

chaqiriluvchilar bilan Vatanparvarlik, Vatan mudofaasiga har tomonlama tayyor boʻlish haqidagi turli xil suhbatlar, uchrashuvlar, madaniy va sport tadbirlarini uyushtirish;

dunyo voqealari, siyosiy hayot va yangiliklar bilan tanishtirib borish maqsadida tuman Mudofaa ishlari boʻlimi chaqiruv uchastkasini vaqtli matbuot nashrlari bilan taʼminlash vazifasi yuklatilsin.

12. Tuman Xotin-qizlar qoʻmitasi (F. Olimova), “Mahalla” xayriya jamoat fondi tuman boʻlimi (R. Rajapov), “Nuroniy” jamgʻarmasi (F. Mutalov), “Kamolot” YIH tuman Kengashi (Gʻ. Mamajonov), Madaniyat va sport ishlari boʻlimi (Z. Umarqulov):

Oʻzbekiston Respublikasi Vazirlar Maxkamasining 2009-yil 14-yanvardagi 10-sonli “Fuqarolarni muddatli harbiy xizmatga yigʻish va joʻnatish, ularni harbiy qismlarda qabul qilish, shuningdek Oʻzbekiston Respublikasi Qurolli Kuchlari rezerviga boʻshatilgan harbiy xizmatchilarni yashash joylariga qaytarishni tashkil etish tizimini takomillashtirish chora-tadbirlari toʻgʻrisida”gi qarori (Oʻzbekiston Respublikasi qonun hujjatlari toʻplami, 2009-y., 3-son, 13-modda) talablariga muvofiq tuman fuqarolarini muddatli harbiy xizmatga chaqirilishi, ularni harbiy qismlarda qabul qilinishini, rezerviga boʻshatilgan harbiy xizmatchilarni yashash joylariga qaytarilishini;

keng jamoatchilik, faxriylar, sanʼat va madaniyat arboblari hamda badiiy jamoalar ishtirokida yoshlarni muddatli harbiy xizmatga kuzatish, ularga sovgʻalar berish, harbiy xizmatni oʻtab boʻlgan askarlarni kutib olish tadbirlari tantanali vaziyatda oʻtkazilishini taʼminlash vazifasi topshirilsin.

13. Tuman “Mashʼal” gazetasi taxrirriyati (T. Hakimov):

chaqiriluvchilarni muddatli harbiy xizmatga tanlash va chaqiruv komissiyalari ishlarini, safarbarlik chaqiruvi rezervidagi xizmatining tashkil etilishi va Qurolli Kuchlar rezerviga boʻshatilgan harbiy xizmatchilarni joylarda kutib olinishini roʻznomada keng yoritib borilishini taʼminlasin.

14. Tuman hokimining 2013-yil 25-yanvardagi 3-sonli hamda 2013-yil 30-dekabrdagi 810-sonli “Oʻzbekiston Respublikasi qurolli kuchlari safiga navbatdagi chaqiruv toʻgʻrisida”gi qarorlari oʻz kuchini yoʻqotgan deb hisoblansin.

15. Mazkur qaror rasmiy eʼlon qilingan kundan eʼtiboran kuchga kiradi.

16. Mazkur qarorning ijrosini nazorat qilish tuman hokimining oʻrinbosari Sh. Hoshimov zimmasiga yuklatilsin.

Hokim B. IBRAGIMOV

Toʻytepa sh.,

2014-yil 28-yanvar,

42-son

Tuman hokimining 2014-yil 28-yanvardagi 42-sonli qaroriga 1-ILOVA

Tuman tibbiy komissiyalar faoliyatini muvofiqlashtiruvchi tuman chaqiruv komissiyasi

tarkibi

Sh. Hoshimov Tuman hokimining oʻrinbosari , komissiya raisi I. Moʻminov Tuman Mudofaa boʻlimi boshligʻi, komissiya raisi oʻrinbosari Y. Qosimov Tuman Mudofaa ishlari boʻlimi chaqiruv boʻlimi boshligʻi, chaqiruv komissiyasi kotibi Komissiya aʼzolari F. Olimova Tuman hokimining oʻrinbosari, Xotin-qizlar qoʻmitasi raisi L. Raxmatullayev Tuman Ichki ishlar boʻlimi boshligʻi oʻrinbosari R. Rajapov “Mahalla” jamgʻarmasi tuman boʻlimi raisi F. Mutalov “Nuroniy” jamgʻarmasi tuman boʻlimi raisi Gʻ. Mamajonov “Kamolot” YIX tuman boʻlimi Kengashi raisi

Tuman hokimining 2014-yil 28-yanvardagi 42-sonli qaroriga 2-ILOVA

Mudofaa ishlari boʻlimida 2014-yil chaqiruvni sifatli va belgilangan reja — jadval asosida oʻtkazishni taʼminlash maqsadida texnik xodim ajratuvchi korxona va tashkilotlar

Roʻyxati

32-umumtaʼlim maktabi — 1 kishi (01.02.2014-y-dan 31.03.2014-y-gacha) 13-umumtaʼlim maktabi — 1 kishi (01.02.2014-y-dan 31.03.2014-y-gacha) 3-umumtaʼlim maktabi — 1 kishi (01.02.2014-y-dan 31.03.2014-y-gacha) 25-umumtaʼlim maktabi — 1 kishi (01.02.2014-y-dan 31.03.2014-y-gacha) Oʻrtachirchiq sanoat-servis kasb-hunar kolleji — 1 kishi (01.02.2014-y-dan 31.03.2014-y-gacha) Tuman Ijtimoiy-iqtisodiyot kasb-hunar kolleji — 1 kishi (01.02.2014-y-dan 31.03.2014-y-gacha) Tuman Pedagogika va xizmat koʻrsatish kasb-hunar kolleji — 1 kishi (01.02.2014-y-dan 31.03.2014-y-gacha)

Tuman hokimining 2014-yil 28-yanvardagi 42-sonli qaroriga 3-ILOVA

Tuman Mudofaa ishlar boʻlimida 2014-yil chaqiruvni sifatli va belgilangan reja — jadval asosida oʻtkazishni taʼminlash maqsadida navbatchi avtotransport ajratuvchi korxona va tashkilotlar

roʻyxati

“Oʻrtachirchiqparranda” MChJ — 01.02.2014-yildan 07.02.2014-yilgacha Qishloq xoʻjalikkimyo transport — 08.02.2014-yildan 15.02.2014-yilgacha MK “Vatanparvar” tashkiloti — 16.02.2014-yildan 23.02.2014-yilgacha Tuman yoʻl qurilish boʻlimi — 24.02.2014-yildan 04.03.2014-yilgacha “Oʻrtachirchiq tumangaz”korxonasi — 05.03.2014-yildan 12.03.2014-yilgacha TSI “Qorasuv paxta tozalash” zavodi — 13.03.2014-yildan 20.03.2014-yilgacha 74 sonli Avtokorxonasi — 21.03.2014-yildan 25.03.2014-yilgacha “OAO TMK” — 26.03.2014-yildan 31.03.2014-yilgacha Viloyat yigʻuv punktida komandalarni temir yoʻl vokzallariga olib borish uchun avtobus ajratish JADVALI “Davrtransservis” XK — 1 ta avtobus (7.02.2014-y-dan 09.02.2014-y-gacha) “Yulduz” XK — 1 ta avtobus (10.02.2014-y-dan 13.02.2014-y-gacha)

Tuman hokimining 2014-yil 28-yanvardagi 42-sonli qaroriga 4-ILOVA

Tuman Mudofaa ishlari boʻyicha boʻlimining chaqiruv uchastkasida 1998-yilda chaqiruvgacha boʻlgan yoshlarni dispanser koʻrigidan oʻtkazish komissiyasi

tarkibi

Katta shifokor — Z. Gʻulomov Ichki kasalliklar shifokori — A. Kulmanova Asab kasalliklar shifokori — M. Xamrayeva Ruxiy kasalliklar shifokori — B. Mirzaolimov Tish shifokori — A. Abdumalikov Quloq, burun, tomoq kasalliklar shifokori — U. Xamilov Teri tanosil kasalliklar shifokori — S. Dushabekov Koʻz shifokori — O. Meliboyeva Jarroh — X. Eshonov Kotiba — S. Egamberdiyeva