Tuman mahalliy budjetining 2013-yil IV-chorak xarajatlar qismiga oʻzgartirishlar kiritish toʻgʻrisida (43-q-son)

30.01.2014

Samarqand viloyati Paxtachi tumani hokimining

Qarori

Tuman hokimligi Moliya boʻlimining joriy yil 21-yanvardagi 02-9/12-sonli xati hamda tuman mahalliy budjetidan moliyalashtiriladigan budjet tashkilotlarida 2013-yil IV-chorak ijrosini sifatli bajarish maqsadida, Oʻzbekiston Respublikasi Budjet kodeksining (Oʻzbekiston Respublikasining Qonun hujjatlari toʻplami 2013-yil 52 (1)-son) 148-moddasi talabini inobatga olib, Oʻzbekiston Respublikasi “Mahalliy davlat hokimiyati toʻgʻrisida”gi Qonunining 6-moddasiga asosan qaror qilaman:

1. Tumanning 2013-yil mahalliy budjetining ijrosi boʻyicha budjet tasnifining ayrim boʻlim, kichik boʻlim, boblari hamda choraklar boʻyicha daromadlar va xarajatlar miqdorining umumiy mutanosibligini saqlash hamda tuman mahalliy budjeti oʻrtasida bir budjet mablagʻlari oluvchisi uchun budjet mablagʻlarining tegishli ravishda koʻpaytirilishi hamda rejadagi mablagʻlarni bir xarajat turidan ikkinchi xarajat turiga oʻtkazish yoʻli bilan mahalliy budjetning xalq taʼlimi, sogʻliqni saqlash va boshqa sohalarga ilovaga* muvofiq oʻzgartirishlar kiritilsin.

Ilova berilmaydi.

2. Tuman hokimligi Moliya boʻlimi (Sh. Kudratov)ga:

budjet tasnifining ayrim boʻlim, kichik boʻlim, boblari va har bir xarajat turlari boʻyicha tegishli oʻzgartirishlar kiritilishini belgilangan tartibda rasmiylashtirish va bu boradagi hujjatlarni quyi budjetlarga hamda tuman budjetidan moliyalashtiriladigan xarajatlarga ijro uchun yetkazish;

tuman hokimligi hududidagi budjet tashkilotlarining xarajatlar smetasiga budjet tasnifining ayrim boʻlim, boblari va har bir xarajat turlari boʻyicha tegishli oʻzgartirishlar kiritilishi va birinchi navbatdagi xarajatlar (ish haqi, ish haqiga ustama va nafaqalar)ni toʻliq moliyalashtirish, toʻlanishi ustidan qattiq nazorat oʻrnatish yuklatilsin.

3. Ushbu qarorning ijrosini nazorat qilish tuman hokimining oʻrinbosari A. Usmanov zimmasiga yuklansin.

Hokim v.v.b. B. BOBAXOLOV

Paxtachi t.,

2014-yil 30-yanvar,

43-q-son