“Soliq hisobotining shakllarini tasdiqlash toʻgʻrisida”gi qarorga oʻzgartirish va qoʻshimchalar kiritish haqida (2439-1-son)

13.06.2014

OʻZBEKISTON RESPUBLIKASI MOLIYA VAZIRLIGI OʻZBEKISTON RESPUBLIKASI DAVLAT SOLIQ QOʻMITASINING

Qarori

[Oʻzbekiston Respublikasi Adliya vazirligi tomonidan 2014-yil 13-iyunda roʻyxatdan oʻtkazildi, roʻyxat raqami 2439-1]

Oʻzbekiston Respublikasi Soliq kodeksi va Oʻzbekiston Respublikasi “Davlat soliq xizmati toʻgʻrisida”gi Qonunining 7-moddasiga muvofiq Oʻzbekiston Respublikasi Moliya vazirligi va Davlat soliq qoʻmitasi qaror qiladilar:

1. Oʻzbekiston Respublikasi Moliya vazirligi va Davlat soliq qoʻmitasining 2013-yil 4-martdagi 23, 2013-8-sonli “Soliq hisobotining shakllarini tasdiqlash toʻgʻrisida”gi qaroriga (roʻyxat raqami 2439, 2013-yil 22-mart) (Oʻzbekiston Respublikasi qonun hujjatlari toʻplami, 2013-y., 12(I)-son, 162-modda) ilovaga muvofiq oʻzgartirish va qoʻshimchalar kiritilsin.

2. Mazkur qaror rasmiy eʼlon qilingan kundan eʼtiboran kuchga kiradi.

Moliya vaziri R. AZIMOV

Toshkent sh.,

2014-yil 14-may,

34-son

Davlat soliq qoʻmitasi raisi B. PARPIYEV

Toshkent sh.,

2014-yil 14-may,

2014-19-son

Oʻzbekiston Respublikasi Moliya vazirligi va Davlat soliq qoʻmitasining 2014-yil 14-maydagi 34, 2014-19-sonli qaroriga ILOVA

“Soliq hisobotining shakllarini tasdiqlash toʻgʻrisida”gi qarorga kiritilayotgan oʻzgartirish va qoʻshimchalar

1. Qarorning 1-bandi oʻn ikkinchi xatboshisidagi “Taʼlim va tibbiyot muassasalarini rekonstruksiya qilish, mukammal taʼmirlash va jihozlash boʻyicha budjetdan tashqari jamgʻarmasiga” degan soʻzlar “budjetdan tashqari Umumtaʼlim maktablari, kasb-hunar kollejlari, akademik litseylar va tibbiyot muassasalarini rekonstruksiya qilish, mukammal taʼmirlash va jihozlash jamgʻarmasiga” degan soʻzlar bilan almashtirilsin.

2. 1-ilovada:

a) Yuridik shaxslardan olinadigan foyda soligʻi hamda obodonlashtirish va ijtimoiy infratuzilmani rivojlantirish soligʻi boʻyicha joriy toʻlovlarni hisoblash uchun maʼlumotnoma ushbu oʻzgartirish va qoʻshimchalarga 1-ilovaga muvofiq tahrirda bayon etilsin;

b) Yuridik shaxslardan olinadigan foyda soligʻi va obodonlashtirish va ijtimoiy infratuzilmani rivojlantirish soligʻi hisob-kitobida:

quyidagi mazmundagi 014-satr bilan toʻldirilsin:

110-satrning “Koʻrsatkichlar” ustuni quyidagi tahrirda bayon etilsin:

“Soliq solinishi lozim boʻlgan foyda (010-satr — 011-satr — 012-satr — 013-satr — 014-satr + 020-satr + 030-satr + 040-satr + 080-satr — 090-satr — 100-satr)”;

172-satrning “Koʻrsatkichlar” ustunidagi “10” raqami “5” raqami bilan almashtirilsin;

250-satrning “Koʻrsatkichlar” ustuni quyidagi tahrirda bayon etilsin:

“Obodonlashtirish va ijtimoiy infratuzilmani rivojlantirish soligʻi boʻyicha soliq solish bazasi (240-satr — 011-satr — 013-satr — 090-satr)”;

1-ilovaning izohi quyidagi mazmundagi 3 va 4-bandlar bilan toʻldirilsin:

“3. 011–01…, 021–02…, 031–03…, 041–04…, 051–05… va 061–06…-satrlar tuzilgan ijara shartnomalarining sonidan kelib chiqib toʻldiriladi.

4. Toʻrttadan ortiq ijara shartnomasi mavjud boʻlganda, bir vaqtning oʻzida quyidagi shartlar bajarilganda koʻrsatkichlarni bitta satrga guruhlashga ruxsat etiladi:

a) ijaraga olinayotgan joydan foydalanish maqsadi bir xil boʻlganda. Masalan, bir nechta ijarachi ularga ijaraga berilgan joydan bir xil maqsadda — tayyor mahsulotni ishlab chiqarish uchun foydalanadi;

b) obyektlar (joylar) bitta hududda joylashganda. Masalan, Toshkent shahrida.

v) 1 kvadrat metr uchun ijara haqining summasi bir xil boʻlganda;

g) ijara shartnomasining amal qilish muddati bir xil boʻlganda.”;

5-ilovaning izohi quyidagi mazmundagi 5-band bilan toʻldirilsin:

“5. 2014-yilning 1-aprelidan 034 va 036-satrlarda koʻrsatilgan imtiyozlar bekor qilinganligi munosabati bilan, ushbu satrlarning qiymatlari faqat 2014-yilning 1-choragi yakuni boʻyicha toʻldiriladi va soliq hisoboti davri mobaynida oʻzgarishsiz qoladi.”;

6-ilovaning izohi quyidagi mazmundagi xatboshi bilan toʻldirilsin:

“2014-yilning 1-aprelidan 032 va 037-satrlarda koʻrsatilgan imtiyozlar bekor qilinganligi munosabati bilan, ushbu satrlarning qiymatlari faqat 2014-yilning 1-choragi yakuni boʻyicha toʻldiriladi va soliq hisoboti davri mobaynida oʻzgarishsiz qoladi.”;

8-ilovaning izohi quyidagi mazmundagi 5-band bilan toʻldirilsin:

“5. 2014-yilning 1-aprelidan jismoniy shaxslarning omonatlari (muddatli omonatlari, plastik kartochkalar boʻyicha omonatlar va joylashtirilgan jamgʻarma sertifikatlari) hajmlarining koʻpaygan summasiga imtiyoz bekor qilinganligi munosabati bilan, ushbu ilova faqat 2014-yilning 1-choragi yakuni boʻyicha toʻldiriladi va soliq hisoboti davri mobaynida oʻzgarishsiz qoladi.”;

v) Norezidentlarning daromadidan soliq agenti tomonidan toʻlov manbaidan ushlab qolinadigan yuridik shaxslardan olinadigan foyda soligʻining hisob-kitobi ushbu oʻzgartirish va qoʻshimchalarga 2-ilovaga muvofiq tahrirda bayon etilsin;

g) Oʻzbekiston Respublikasi hududida faoliyatni doimiy muassasa orqali amalga oshiradigan Oʻzbekiston Respublikasi norezidentlari tomonidan toʻlanadigan yuridik shaxslardan olinadigan foyda soligʻining hisob-kitobida:

01-varaq ushbu oʻzgartirish va qoʻshimchalarga 3-ilovaga muvofiq tahrirda bayon etilsin;

1-ilovada:

“Doimiy muassasa faoliyati bilan bogʻliq boʻlgan daromadlar” jadvalidan “110” raqami chiqarib tashlansin;

“Doimiy muassasa faoliyati bilan bogʻliq boʻlgan xarajatlar” jadvalidan “110” raqami chiqarib tashlansin;

d) ushbu oʻzgartirish va qoʻshimchalarga 4-ilovaga muvofiq tahrirda Yuridik shaxs — Oʻzbekiston Respublikasi norezidentining mol-mulkni realizatsiya qilishdan olingan daromadlari boʻyicha yuridik shaxslardan olinadigan foyda soligʻi hisob-kitobi bilan toʻldirilsin;

e) ushbu oʻzgartirish va qoʻshimchalarga 5-ilovaga muvofiq tahrirda Yuridik shaxs — Oʻzbekiston Respublikasi norezidentining mol-mulkni realizatsiya qilishdan olingan daromadlari boʻyicha yuridik shaxslardan olinadigan foyda soligʻi hisob-kitobini toʻldirish tartibi bilan toʻldirilsin;

j) ushbu oʻzgartirish va qoʻshimchalarga 6-ilovaga muvofiq tahrirda Yuridik shaxslardan olinadigan foyda soligʻi ushlab qolingan aksiyalar oldi-sotdisi boʻyicha bitimlar reyestri bilan toʻldirilsin.

3. 2-ilovada:

a) Jismoniy shaxslarga mol-mulkni ijaraga berishdan olingan jismoniy shaxsning daromadlari toʻgʻrisidagi dastlabki tarzdagi deklaratsiyada:

02-varaq ushbu oʻzgartirish va qoʻshimchalarga 7-ilovaga muvofiq tahrirda bayon etilsin;

ilova ushbu oʻzgartirish va qoʻshimchalarga 8-ilovaga muvofiq tahrirda bayon etilsin;

ushbu oʻzgartirish va qoʻshimchalarga 9-ilovaga muvofiq tahrirda 2-ilova bilan toʻldirilsin;

b) Jismoniy shaxsning jami yillik daromadi toʻgʻrisidagi deklaratsiya ushbu oʻzgartirish va qoʻshimchalarga 10-ilovaga muvofiq tahrirda bayon etilsin;

v) ushbu oʻzgartirish va qoʻshimchalarga 11-ilovaga muvofiq tahrirda Chet el jismoniy shaxsining mol-mulkni realizatsiya qilishdan olingan daromadlari boʻyicha jismoniy shaxslardan olinadigan daromad soligʻi hisob-kitobi bilan toʻldirilsin;

g) ushbu oʻzgartirish va qoʻshimchalarga 12-ilovaga muvofiq tahrirda Chet el jismoniy shaxsining mol-mulkni realizatsiya qilishdan olingan daromadlari boʻyicha jismoniy shaxslardan olinadigan daromad soligʻi hisob-kitobini toʻldirish tartibi bilan toʻldirilsin;

d) ushbu oʻzgartirish va qoʻshimchalarga 13-ilovaga muvofiq tahrirda Jismoniy shaxslardan olinadigan daromad soligʻi ushlab qolingan aksiyalar oldi-sotdisi boʻyicha bitimlar reyestri bilan toʻldirilsin.

4. 3-ilovada:

a) Qoʻshilgan qiymat soligʻi hisob-kitobida:

quyidagi mazmundagi izoh bilan toʻldirilsin:

“* 0501, 0502, 0503-satrlar mikrofirma va kichik korxonalar toifasiga taalluqli boʻlmagan soliq toʻlovchilar tomonidan toʻldiriladi.”;

6-ilovaning izohidagi “0103-satr boʻyicha” degan soʻzlar “0701-satr boʻyicha” degan soʻzlar bilan almashtirilsin;

7 va 8-ilovalar tegishincha ushbu oʻzgartirish va qoʻshimchalarga 14 va 15-ilovalarga muvofiq tahrirda bayon etilsin;

b) Hisobvaraq-fakturalarni hisobga olish va rasmiylashtirish tartibida:

2-band quyidagi tahrirda bayon etilsin:

“2. Hisobvaraq-fakturalarning namunaviy shakllari ushbu Tartibning ilovasida keltirilgan.”;

quyidagi mazmundagi 151-band bilan toʻldirilsin:

“151. Jadval shaklini toʻldirishda transport vositalariga benzin, dizel yoqilgʻisi va gaz ishlatganlik uchun olinadigan soliq toʻlovchilari quyidagilarni koʻrsatib oʻtishlari lozim boʻladi:

1-ustunda — realizatsiya qilingan tovarlar, bajarilgan ishlar, koʻrsatilgan xizmatlarning nomi;

2- ustunda — oʻlchov birliklari (ularni koʻrsatishning imkoniyati boʻlsa);

3- ustunda — oʻlchov birligidan (ularni koʻrsatishning imkoniyati boʻlsa) kelib chiqib hisobvaraq-faktura boʻyicha realizatsiya qilingan tovarlar miqdori (hajmi);

4-ustunda — shartnoma (kontrakt) boʻyicha QQSni hisobga olmagan holda, QQSni oʻz ichiga oladigan davlat tomonidan tartibga solinadigan narxlar (tariflar) qoʻllanilgan taqdirda esa, QQS summasini hisobga olgan holda tovar oʻlchov birligiga toʻgʻri keladigan narxi (tarifi);

5-ustunda — realizatsiya qilingan tovarlar, bajarilgan ishlar va koʻrsatilgan xizmatlar jami sonining (hajmining) aksiz soligʻi va QQSsiz qiymati;

6-ustunda — aksiz toʻlanadigan tovarlar boʻyicha aksiz soligʻi stavkasi;

7-ustunda — aksiz toʻlanadigan tovarlar boʻyicha aksiz soligʻi summasi. Aksiz soligʻi toʻlovchilari hisoblanmaydigan yuridik shaxslar 6 va 7-ustunlarda “Aksiz soligʻisiz” degan shtampni qoʻyadilar (yoki yozuv kiritadilar);

8-ustunda — QQS stavkasi;

9-ustunda — tovarlar (ishlar, xizmatlar) sotib oluvchisiga taqdim etiladigan QQS summasi. QQS toʻlovchilari hisoblanmagan, shuningdek QQSdan ozod etiladigan tovarlarni (ishlarni, xizmatlarni) realizatsiya qiluvchi yuridik shaxslar 8 va 9-ustunlarda “Qoʻshilgan qiymat soligʻisiz” degan shtampni qoʻyadilar (yoki yozuv kiritadilar);

10-ustunda — jami realizatsiya qilingan tovarlarning, bajarilgan ishlarning, koʻrsatilgan xizmatlarning aksiz toʻlanadigan tovarlar boʻyicha aksiz soligʻini va QQSni qoʻshgan holda qiymati. Aksiz soligʻi va QQS toʻlovchisi hisoblanmaydigan korxonalar 10-ustunni toʻldirmaydilar;

11-ustunda — transport vositalariga benzin, dizel yoqilgʻisi va gaz ishlatganlik uchun olinadigan soliq stavkasi;

12-ustunda — transport vositalariga benzin, dizel yoqilgʻisi va gaz ishlatganlik uchun olinadigan soliq summasi;

13-ustunda — jami realizatsiya qilingan tovarlarning, bajarilgan ishlarning, koʻrsatilgan xizmatlarning aksiz toʻlanadigan tovarlar boʻyicha aksiz soligʻini, QQSni hamda transport vositalariga benzin, dizel yoqilgʻisi va gaz ishlatganlik uchun olinadigan soliqni qoʻshgan holda qiymati.

Hisobvaraq-fakturaning yakunlovchi satrida 5, 7, 9, 10, 12 va 13-ustunlar boʻyicha summalar jamlanadi.”;

23 — 30-bandlar quyidagi tahrirda bayon etilsin:

“23. Vositachi (ishonchli vakil) komitentning (topshiriq beruvchining) manfaatida vositachilik xizmatlarini koʻrsatish bilan bogʻliq shartnoma asosida amalga oshiriladigan tovarlarni (ishlarni, xizmatlarni) realizatsiya qilish va (yoki) sotib olish operatsiyalari boʻyicha unga birlamchi hujjatlar uchun qonun hujjatlari bilan belgilangan vositachi (ishonchli vakil) va komitentning (topshiriq beruvchining) barcha rekvizitlariga ega boʻlgan hisobot taqdim etadi. Vositachining (ishonchli vakilning) hisobotiga quyidagi maʼlumotlar kiritilgan boʻlishi lozim:

tegishli QQS summasi ajratilgan holda vositachi (ishonchli vakil) tomonidan realizatsiya qilingan (sotib olingan) tovarlar (ishlar, xizmatlar) miqdori va qiymati. Bunda hisobotga vositachi (ishonchli vakil) tomonidan tovarlar (ishlar, xizmatlar) komitentning (topshiriq beruvchining) manfaatida realizatsiya qilinganligini (sotib olinganligini) tasdiqlovchi shartnomalar, hisobvaraq-fakturalar, dalolatnomalar va boshqa hujjatlarning nusxalari ilova qilingan boʻlishi lozim;

komitent (topshiriq beruvchi) tomonidan qoplanishi lozim boʻlgan xarajatlarga vositachi (ishonchli vakil) tomonidan amalga oshiriladigan harakatlarni (operatsiyalarni) komitent (topshiriq beruvchi) oʻzi bajargan taqdirda yuzaga kelishi mumkin boʻlgan, vositachi (ishonchli vakil) tomonidan uchinchi shaxslarga vositachilik xizmatlarini koʻrsatish shartnomasi boʻyicha topshiriqni bajarish munosabati bilan (tovarlar (ishlar, xizmatlar) uchun haq toʻlash, soliqlar va boshqa majburiy toʻlovlarni toʻlash) toʻlangan mablagʻlar taalluqli. Bunda vositachi (ishonchli vakil) agar qonun hujjatlarida yoki vositachilik (topshiriq) shartnomasida boshqacha qoida belgilangan boʻlmasa komitentning (topshiriq beruvchining) mol-mulkini oʻzida saqlash boʻyicha xarajatlarni qoplatishga haqli emas. Hisobotga ushbu xarajatlarni yuzaga kelishi va toʻlanganligini tasdiqlovchi birlamchi hujjatlar ilova qilingan boʻlishi shart. Vositachi (ishonchli vakil) tomonidan komitent (topshiriq beruvchi) uchun amalga oshirilgan xarajatlarni tasdiqlovchi hujjatlar mavjud boʻlsa, komitent (topshiriq beruvchi) ushbu summalarni oʻz xarajatlari tarkibiga kiritishga va QQSni hisoblab chiqarish paytida tegishli QQS summasini hisobga olish huquqiga ega;

shartnoma shartlariga muvofiq vositachining (ishonchli vakilning) (agar vositachi (ishonchli vakil) QQS toʻlovchisi boʻlsa) QQSni oʻz ichiga oluvchi haqi summasi;

komitentdan (topshiriq beruvchidan) olingan avanslar summasi;

vositachilik (topshiriq) shartnomasini bajarish bilan bogʻliq vositachiga (ishonchli vakilga) toʻlanishi lozim boʻlgan summa.

Vositachining hisobotiga shartnomada nazarda tutilgan boshqa maʼlumotlar ham kiritilishi mumkin.

24. Hisobotni taqdim etish muddati vositachi (ishonchli vakil) tomonidan komitentning (topshiriq beruvchining) manfaatida tovarlar (ishlar, xizmatlar) realizatsiya qilingan (sotib olingan) oy tugaganidan soʻng 5 bank ish kunidan oshmasligi lozim. Bunda vositachilik xizmatlarini koʻrsatish shartnomasida hisobotni topshirishning bundan kam boʻlgan muddat koʻrsatilishi mumkin.

25. Tovarlarni (ishlarni, xizmatlarni) topshiriq shartnomasi boʻyicha realizatsiya qilishda ishonchli vakil sotib oluvchi nomiga topshiriq beruvchi nomidan hisobvaraq-faktura taqdim etadi. Hisobvaraq-fakturada topshiriq beruvchi va sotib oluvchining rekvizitlaridan tashqari ishonchli vakilning rekvizitlari ham koʻrsatilishi lozim. Hisobvaraq-faktura uch nusxada taqdim etiladi. Birinchi nusxa sotib oluvchiga, ikkinchisi topshiriq beruvchiga beriladi, uchinchisi ishonchli vakilda saqlanadi.

26. Komitentning tovarlarini (ishlarini, xizmatlarini) vositachilik shartnomasi boʻyicha realizatsiya qilishda vositachi oʻzining nomidan ikki nusxada hisobvaraq-faktura taqdim etadi. Bunda “Etkazib beruvchi” satrida qoʻshimcha ravishda “Vositachi” koʻrsatiladi. Hisobvaraq-fakturada vositachi va sotib oluvchining rekvizitlaridan tashqari komitentning rekvizitlari ham koʻrsatilishi mumkin.

27. Komitentga (topshiriq beruvchiga) tegishli tovarlar (ishlar, xizmatlar) realizatsiyasini amalga oshiruvchi vositachi (ishonchli vakil), ushbu tovarlar (ishlar, xizmatlar) sotib oluvchisiga taqdim etilgan hisobvaraq-fakturalarni Taqdim etilgan hisobvaraq-fakturalar hisobi jurnalida saqlaydi. Koʻrsatib oʻtilgan hisobvaraq-fakturalarga tartib raqamlar vositachi (ishonchli vakil) tomonidan taqdim etiladigan hisobvaraq-fakturalar xronologiyasiga muvofiq beriladi. Bunda mazkur hisobvaraq-fakturalar Sotish reyestrida roʻyxatdan oʻtkazilmaydi va vositachi (ishonchli vakil) tomonidan taqdim etilgan hisobvaraq-fakturada koʻrsatilgan QQS summasi hisoblab chiqarilmaydi.

28. Vositachi (ishonchli vakil) komitentga tegishli boʻlgan tovarlarni (ishlarni, xizmatlarni) realizatsiya qilish boʻyicha operatsiyalarni amalga oshirishda komitent (topshiriq beruvchi) vositachidan (ishonchli vakildan) olingan hisobot asosida 5 bank ish kuni davomida vositachining (ishonchli vakilning) nomiga sanasi, shuningdek vositachi (ishonchli vakil) tomonidan sotib oluvchiga taqdim etilgan hisobvaraq-fakturaning koʻrsatkichlari aks ettirilgan hisobvaraq-faktura taqdim etadi. Bunda “Etkazib beruvchi” satriga qoʻshimcha ravishda “Komitent” (“Topshiriq beruvchi”) nomi koʻrsatiladi.

29. Komitent (topshiriq beruvchi) tomonidan vositachiga (ishonchli vakilga) taqdim etilgan hisobvaraq-faktura komitent (topshiriq beruvchi) tomonidan taqdim etiladigan hisobvaraq-fakturalar xronologiyasiga muvofiq raqamlanadi. Komitent (topshiriq beruvchi) tomonidan vositachiga (ishonchli vakilga) taqdim etilgan hisobvaraq-faktura komitentning (topshiriq beruvchining) Sotish reyestrida roʻyxatdan oʻtkaziladi.

30. Vositachi (ishonchli vakil) nomidan realizatsiya qilingan tovarlar (ishlar, xizmatlar) boʻyicha komitentdan (topshiriq beruvchidan) olingan hisobvaraq-fakturalar (topshiriq beruvchining nomidan ishonchli vakil tomonidan) vositachining (ishonchli vakilning) Olingan hisobvaraq-fakturalar hisobi jurnalida saqlanadi. Bunda ushbu hisobvaraq-fakturalar vositachining (ishonchli vakilning) Sotib olish reyestrida roʻyxatdan oʻtkazilmaydi va ushbu hisobvaraq-fakturalarda ajratib koʻrsatilgan QQS summasi vositachi (ishonchli vakil) tomonidan hisobga olinmaydi.”;

36-banddagi “25” raqami “27” raqami bilan almashtirilsin;

37-band quyidagi tahrirda bayon etilsin:

“37. Vositachi (ishonchli vakil) komitentga (topshiriq beruvchiga) vositachilik (topshiriq) shartnomasini bajarish boʻyicha oʻzining haqi summasiga alohida hisobvaraq-faktura taqdim etadi. Ushbu hisobvaraq-faktura vositachi (ishonchli vakil) tomonidan Sotish reyestrida, komitent (topshiriq beruvchi) tomonidan esa Sotib olish reyestrida roʻyxatdan oʻtkaziladi. Vositachi (ishonchli vakil) hisobvaraq-fakturaga qoʻshimcha ravishda komitent (topshiriq beruvchi) tomonidan imzolangan xizmat koʻrsatish toʻgʻrisidagi dalolatnomani rasmiylashtirishi lozim.”;

38-banddagi “32 — 35” raqamlari “31 — 35” raqamlari bilan almashtirilsin;

39-band quyidagi tahrirda bayon etilsin:

“39. Vositachining (ishonchli shaxsning) hisobotiga asosan komitent (topshiriq beruvchi) tomonidan qoplanishi lozim boʻlgan mablagʻlar, vositachi (ishonchli vakil) tomonidan oʻzining haqi summasiga taqdim etiladigan hisobvaraq-fakturaga ilova qilinadigan xizmatlar koʻrsatish toʻgʻrisidagi dalolatnomada koʻrsatiladi. Bunda vositachi (ishonchli vakil) tomonidan oʻzining haqi summasiga taqdim etiladigan hisobvaraq-fakturada komitent (topshiriq beruvchi) tomonidan qoplanishi lozim boʻlgan summa koʻrsatilmaydi.”;

44-band quyidagi tahrirda bayon etilsin:

“44. Komitent (topshiriq beruvchi) uchun realizatsiya qilish joyi Oʻzbekiston Respublikasi hududi boʻlgan norezident tomonidan bajariladigan (koʻrsatiladigan) ishlar (xizmatlar) olinganda, komitentning (topshiriq beruvchining) nomiga hisobvaraq-faktura ushbu Tartibning 31 — 35-bandlarida nazarda tutilgan tartibda rasmiylashtiradi.”;

ilova ushbu oʻzgartirish va qoʻshimchalarga 16-ilovaga muvofiq tahrirda bayon etilsin;

v) Olingan va realizatsiya qilingan tovarlar (ishlar, xizmatlar) boʻyicha hisobvaraq-fakturalar (hisobvaraq-faktura oʻrnini bosadigan hujjatlar) reyestrini yuritish tartibining 7-bandi quyidagi mazmundagi xatboshi bilan toʻldirilsin:

“Sotib olish reyestrining qoʻshimcha varaqlari uning ajralmas qismi hisoblanadi.”.

5. 6-ilovaning Suv resurslaridan foydalanganlik uchun soliq hisob-kitobiga ilovaning izohi quyidagi mazmundagi xatboshi bilan toʻldirilsin:

“2014-yilning 1-aprelidan 0202-satrda koʻrsatilgan imtiyoz bekor qilinganligi munosabati bilan, ushbu satrning qiymati faqat 2014-yilning 1-choragi yakuni boʻyicha toʻldiriladi va soliq hisoboti davri mobaynida oʻzgarishsiz qoladi.”.

6. 7-ilovaning Yuridik shaxslarning mol-mulkiga solinadigan soliq hisob-kitobida:

02-varaq ushbu oʻzgartirish va qoʻshimchalarga 17-ilovaga muvofiq tahrirda bayon etilsin;

4-ilovada:

0201-satrdagi “uy-joy kommunal xoʻjaligi obyektlari” degan soʻzlar “kommunal xoʻjaligi obyektlari” degan soʻzlar bilan almashtirilsin;

02015-satrdagi “ishlab chiqarishga yangi joriy etilgan yangi texnologik jihozlar, besh yillik muddatga” degan soʻzlar “koʻpi bilan oʻn yil davomida ishlatib kelinayotgan mashina va asbob-uskunalar” degan soʻzlar bilan almashtirilsin;

Izoh quyidagi mazmundagi xatboshi bilan toʻldirilsin.:

“2014-yilning 1-aprelidan 0203, 0204, 0206 va 02010-satrlarda koʻrsatilgan imtiyozlar bekor qilinganligi munosabati bilan, ushbu satrlarning qiymatlari faqat 2014-yilning 1-choragi yakuni boʻyicha toʻldiriladi va soliq hisoboti davri mobaynida oʻzgarishsiz qoladi.”.

7. 8-ilovaning Qishloq xoʻjaligi ahamiyatiga molik boʻlmagan yerlar uchun toʻlanadigan yer soligʻi hisob-kitobiga 2-ilova ushbu oʻzgartirish va qoʻshimchalarga 18-ilovaga muvofiq tahrirda bayon etilsin.

8. 9-ilovada:

Transport vositalariga benzin, dizel yoqilgʻisi va gaz ishlatganlik uchun olinadigan soliq toʻlovchi haqidagi maʼlumotlarda:

“Yoqilgʻi quyish shoxobchasining joylashgan yeri” degan soʻzlar “Avtomobillarga yoqilgʻi quyish shoxobchasining joylashgan yeri*” degan soʻzlar bilan almashtirilsin;

quyidagi mazmundagi izoh bilan toʻldirilsin:

“* Transport vositalari uchun benzin, dizel yoqilgʻisi va gazni avtomobillarga yoqilgʻi quyish shoxobchalari orqali realizatsiya qiluvchi yuridik shaxslar tomonidan toʻldiriladi.”;

Transport vositalariga benzin, dizel yoqilgʻisi va gaz ishlatganlik uchun olinadigan soliq hisob-kitobi ushbu oʻzgartirish va qoʻshimchalarga 19-ilovaga muvofiq tahrirda bayon etilsin.

9. 10-ilovaning Yagona ijtimoiy toʻlov va fuqarolarning budjetdan tashqari Pensiya jamgʻarmasiga sugʻurta badallari hisob-kitobiga 3-ilova ushbu oʻzgartirish va qoʻshimchalarga 20-ilovaga muvofiq tahrirda bayon etilsin.

10. 11-ilovadagi “Taʼlim va tibbiyot muassasalarini rekonstruksiya qilish, mukammal taʼmirlash va jihozlash boʻyicha budjetdan tashqari” degan soʻzlar “budjetdan tashqari Umumtaʼlim maktablari, kasb-hunar kollejlari, akademik litseylar va tibbiyot muassasalarini rekonstruksiya qilish, mukammal taʼmirlash va jihozlash” degan soʻzlar bilan almashtirilsin.

11. 13-ilovada:

a) Soliq solish tartibini qoʻllash toʻgʻrisida xabarnomadagi “tushumdagi” degan soʻz “sof tushumdagi” degan soʻzlar bilan almashtirilsin;

b) Yagona soliq toʻlovi toʻlovchisi toʻgʻrisida maʼlumotdagi “tushumdagi” degan soʻz “sof tushumdagi” degan soʻzlar bilan almashtirilsin;

v) Yagona soliq toʻlovi hisob-kitobida:

0802-satrning “Koʻrsatkichlar” ustunidagi “10” raqamlari “5” raqamlari bilan almashtirilsin;

1-ilovaning izohi quyidagi tahrirda bayon etilsin:

“Izoh:

041 — 04...-satrlarning qiymati mos ravishda 031 — 03...-satrlar qiymatiga teng yoki kichik boʻlgan hollarda, 051 — 05...-satrlarda “0” qiymat koʻrsatiladi.

011–01…, 021–02…, 031–03…, 041–04…, 051–05… va 061–06…-satrlar tuzilgan ijara shartnomalarining sonidan kelib chiqib toʻldiriladi.

Toʻrttadan ortiq ijara shartnomasi mavjud boʻlganda, bir vaqtning oʻzida quyidagi shartlar bajarilganda koʻrsatkichlarni bitta satrga guruhlashga ruxsat etiladi:

a) ijaraga olinayotgan joydan foydalanish maqsadi bir xil boʻlganda. Masalan, bir nechta ijarachi ularga ijaraga berilgan joydan bir xil maqsadda — tayyor mahsulotni ishlab chiqarish uchun foydalanadi;

b) obyektlar (joylar) bitta hududda joylashganda. Masalan, Toshkent shahrida.

v) 1 kvadrat metr uchun ijara haqining summasi bir xil boʻlganda;

g) ijara shartnomasining amal qilish muddati bir xil boʻlganda.”;

4-ilova ushbu oʻzgartirish va qoʻshimchalarga 21-ilovaga muvofiq tahrirda bayon etilsin.

12. 14-ilovadagi Soliq solish tartibini qoʻllash toʻgʻrisida xabarnomadagi “tushumdagi” degan soʻz “sof tushumdagi” degan soʻzlar bilan almashtirilsin.

“Soliq hisobotining shakllarini tasdiqlash toʻgʻrisida”gi qarorga kiritilayotgan oʻzgartirish va qoʻshimchalarga 1-ilova.

“Soliq hisobotining shakllarini tasdiqlash toʻgʻrisida”gi qarorga kiritilayotgan oʻzgartirish va qoʻshimchalarga 2-ilova.

“Soliq hisobotining shakllarini tasdiqlash toʻgʻrisida”gi qarorga kiritilayotgan oʻzgartirish va qoʻshimchalarga 3-ilova.

“Soliq hisobotining shakllarini tasdiqlash toʻgʻrisida”gi qarorga kiritilayotgan oʻzgartirish va qoʻshimchalarga 4-ilova.

“Soliq hisobotining shakllarini tasdiqlash toʻgʻrisida”gi qarorga kiritilayotgan oʻzgartirish va qoʻshimchalarga 5-ilova.

“Soliq hisobotining shakllarini tasdiqlash toʻgʻrisida”gi qarorga kiritilayotgan oʻzgartirish va qoʻshimchalarga 6-ilova.

“Soliq hisobotining shakllarini tasdiqlash toʻgʻrisida”gi qarorga kiritilayotgan oʻzgartirish va qoʻshimchalarga 7-ilova.

“Soliq hisobotining shakllarini tasdiqlash toʻgʻrisida”gi qarorga kiritilayotgan oʻzgartirish va qoʻshimchalarga 8-ilova.

“Soliq hisobotining shakllarini tasdiqlash toʻgʻrisida”gi qarorga kiritilayotgan oʻzgartirish va qoʻshimchalarga 9-ilova.

“Soliq hisobotining shakllarini tasdiqlash toʻgʻrisida”gi qarorga kiritilayotgan oʻzgartirish va qoʻshimchalarga 10-ilova.

“Soliq hisobotining shakllarini tasdiqlash toʻgʻrisida”gi qarorga kiritilayotgan oʻzgartirish va qoʻshimchalarga 11-ilova.

“Soliq hisobotining shakllarini tasdiqlash toʻgʻrisida”gi qarorga kiritilayotgan oʻzgartirish va qoʻshimchalarga 12-ilova.

“Soliq hisobotining shakllarini tasdiqlash toʻgʻrisida”gi qarorga kiritilayotgan oʻzgartirish va qoʻshimchalarga 13-ilova.

“Soliq hisobotining shakllarini tasdiqlash toʻgʻrisida”gi qarorga kiritilayotgan oʻzgartirish va qoʻshimchalarga 14-ilova.

“Soliq hisobotining shakllarini tasdiqlash toʻgʻrisida”gi qarorga kiritilayotgan oʻzgartirish va qoʻshimchalarga 15-ilova.

“Soliq hisobotining shakllarini tasdiqlash toʻgʻrisida”gi qarorga kiritilayotgan oʻzgartirish va qoʻshimchalarga 16-ilova.

“Soliq hisobotining shakllarini tasdiqlash toʻgʻrisida”gi qarorga kiritilayotgan oʻzgartirish va qoʻshimchalarga 17-ilova.

“Soliq hisobotining shakllarini tasdiqlash toʻgʻrisida”gi qarorga kiritilayotgan oʻzgartirish va qoʻshimchalarga 18-ilova.

“Soliq hisobotining shakllarini tasdiqlash toʻgʻrisida”gi qarorga kiritilayotgan oʻzgartirish va qoʻshimchalarga 19-ilova.

“Soliq hisobotining shakllarini tasdiqlash toʻgʻrisida”gi qarorga kiritilayotgan oʻzgartirish va qoʻshimchalarga 20-ilova.

“Soliq hisobotining shakllarini tasdiqlash toʻgʻrisida”gi qarorga kiritilayotgan oʻzgartirish va qoʻshimchalarga 21-ilova.