Toshkent shahridagi transport vositalarini 2014-yilda majburiy texnik koʻrikdan oʻtkazish haqida (171-son)

19.02.2014

Toshkent shahar hokimining

Qarori

“Yoʻl harakati xavfsizligi toʻgʻrisida”gi Oʻzbekiston Respublikasi Qonunining 13-moddasi (Oʻzbekiston Respublikasi Oliy Majlisining Axborotnomasi, 1999-y., 9-son, 215-modda), Oʻzbekiston Respublikasi Vazirlar Mahkamasining 2003-yil 31-yanvardagi 54-sonli qarori bilan tasdiqlangan “Transport vositalarini majburiy texnik koʻriqdan oʻtkazish tartibi toʻgʻrisida”gi nizomga (Oʻzbekiston Respublikasi qonun hujjatlari toʻplami, 2003-y., 1-2-son, 17-modda) muvofiq, yuridik va jismoniy shaxslarga, shuningdek xorijiy yuridik va jismoniy shaxslarga tegishli boʻlgan va belgilangan tartibda Oʻzbekiston Respublikasi Ichki ishlar vazirligining Davlat yoʻl harakati xavfsizligi xizmati organlarida roʻyxatdan oʻtkazilgan transport vositalarining (keyingi oʻrinlarda matnda “transport vositalarining” deb yuritiladi) 2014-yilda majburiy texnik koʻrigini (keyingi oʻrinlarda matnda “texnik koʻrigini” deb yuritiladi) tashkil qilish maqsadida, “Mahalliy davlat hokimiyati toʻgʻrisida”gi Oʻzbekiston Respublikasi Qonunining 6-moddasiga (Oʻzbekiston Respublikasi Oliy Kengashining Axborotnomasi, 1993-y., 9-son, 320-modda) asosan qaror qilaman:

1. Toshkent shahridagi transport vositalari va ularga tirkamalar 2014-yilda belgilangan tartibda majburiy texnik koʻrikdan oʻtkazilsin.

2. Toshkent shahrida transport vositalarini majburiy texnik koʻrikdan oʻtkazish boʻyicha komissiya tarkibi 1-ilovaga*, Toshkent shahrida transport vositalarini majburiy texnik koʻrikdan oʻtkazish jadvali 2-ilovaga* muvofiq tasdiqlansin.

* 1 va 2-ilovalar berilmaydi.

3. Toshkent shahrida transport vositalari joriy yilda quyidagi davriylikka muvofiq:

tijorat asosida yoʻlovchilar tashish uchun foydalaniladigan yengil avtomobillar, avtobuslar, tramvaylar va oʻtiriladigan joylar soni 8 ta va undan ortiq boʻlgan (haydovchining oʻrnidan tashqari), odamlarni muntazam tashish uchun jihozlangan yuk avtomobillari, yirik gabaritli, ogʻir vaznli va xavfli yuklarni tashish uchun maxsus transport vositalari hamda ularga tirkamalar — bir yilda ikki marta (birinchi marta — 1-martdan 30-iyungacha, ikkinchi marta — 1-sentabrdan 31-oktabrgacha);

ishlab chiqarilganligiga besh yildan koʻp boʻlmagan (ishlab chiqarilgan yili ham shu jumlaga kiradi) transport vositalari (tijorat asosida yoʻlovchilar tashish uchun foydalaniladigan yengil avtomobillar, avtobuslar, tramvaylar va oʻtiriladigan joylar soni 8 ta va undan ortiq boʻlgan (haydovchining oʻrnidan tashkari), odamlarni muntazam tashish uchun jihozlangan yuk avtomobillari, yirik gabaritli, ogʻir vaznli va xavfli yuklarni tashish uchun maxsus transport vositalari hamda ularga tirkamalardan tashqari) — ikki yilda bir marta;

ishlab chiqarilgan yilini hisobga olgan holda ishlab chiqarilganligiga besh yildan ortiq boʻlgan transport vositalari, shuningdek ishlab chiqarilgan vaqgi aniqlanmagan transport vositalari (tijorat asosida yoʻlovchilar tashish uchun foydalaniladigan yengil avtomobillar, avtobuslar, tramvaylar va oʻtiriladigan joylar soni 8 ta va undan ortiq boʻlgan (haydovchining oʻrnidan tashqari), odamlarni muntazam tashish uchun jihozlangan yuk avtomobillari, yirik gabaritli, ogʻir vaznli va xavfli yuklarni tashish uchun maxsus transport vositalari va ularga tirkamalardan tashqari) — bir yilda bir marta;

tirkamalar koʻrikka shatakchi (transport vositasi shatakchi deb hisoblangan paytda) uchun belgilangan muddatlarda texnik koʻriqdan oʻtkaziladi.

Yuridik shaxslarga qarashli boʻlgan transport vositalarining texnik koʻrigi 1-martdan 30-iyungacha oʻtkaziladi.

Jismoniy shaxslarga qarashli boʻlgan transport vositalarining texnik koʻrigi 1-yanvardan 31-avgustgacha oʻtkaziladi.

4. Transport vositalarini texnik koʻrikdan oʻtkazilganlik uchun qonun hujjatlarida belgilangan tartibda yigʻim undiriladi.

5. Toshkent shahar IIBB YHXB (S. Irisbekov), tuman hokimliklari:

Oʻzbekiston Respublikasi Vazirlar Mahkamasining 2003-yil 31-yanvardagi “Transport vositalarini majburiy texnik koʻriqdan oʻtkazish tartibi toʻgʻrisidagi nizomni tasdiqlash haqida”gi 54-son qarorining 3-bandiga muvofiq, Oʻzbekiston Respublikasi Mudofaa vazirligi, Ichki ishlar vazirligining ichki va soqchilik qoʻshinlari, Milliy xavfsizlik xizmatining harbiy boʻlinmalari transport vositalarini koʻrsatib oʻtilgan idoralar tomonidan belgilangan tartibda majburiy texnik koʻrikdan oʻgkazilishi inobatga olinsin.

6. Toshkent shahar IIBB YHXB (S. Irisbekov):

transport vositalarini texnik koʻriqdan oʻtkazish tartibi haqida ommaviy axborot vositalari orqali omma eʼtiboriga yetkazish ishlari tashkillashtirilsin;

yuridik shaxslarga tegishli transport vositalarini texnik koʻriqdan oʻtkazishda yuridik shaxsga tegishli hujjatlarni ilova qilingan holda, texnik koʻrik oʻtkaziladigan muddatlar toʻgʻrisidagi bildirishnoma yuborilishi, texnik koʻrik boshlanishidan kamida oʻn kun oldin belgilangan tartibda yuridik shaxsdan tegishli hujjatlar talab qilinishi;

jismoniy shaxslarga tegishli transport vositalarini texnik koʻrikdan oʻtkazishda, texnik koʻrikdan oʻtkazish uchun qonun hujjatlarida belgilangan tartibda transport vositasi egasidan yoki unga vakolatli shaxsdan tegishli hujjatlar talab qilinishi;

texnik koʻrikka qoʻyilgan, biroq texnik nosozlik tufayli koʻrikdan oʻtmagan tramvaylar foydalanish uchun qoʻyilmasligi nazoratga olinsin.

Texnik koʻrikdan oʻtkazilmagan transport vositalarini yoʻlga chiqargan komissiya tarkibidagi masʼul xodimlar qonun hujjatlarida belgilangan tartibda javobgarlikka tortilishi haqida ogohlantirilsin.

7. Majburiy texnik koʻrik davomida komissiya tarkibida ish olib borgan xodimlarning doimiy ish joylaridagi oylik ish haqlari saqlanib qolinishi inobatga olinsin.

8. “Toshkent oqshomi” va “Vecherniy Tashkent” tahririyati (A. Akromov), Axborot xizmati (X. Ermatov), mazkur qaror rasmiy eʼlon qilinsin hamda www.toshkent.uz veb-saytiga joylashtirilsin.

9. Mazkur qaror ijrosini nazorat qilish Toshkent shahar hokimining birinchi oʻrinbosari B. Raxmonov zimmasiga yuklatilsin.

Hokim R. USMONOV

Toshkent sh.,

2014-yil 19-fevral,

171-son