Tumanda maishiy chiqindi chiqarish uchun toʻlov narxini tasdiqlash toʻgʻrisida (67-son)

31.03.2014

jizzax viloyati Yangiobod tumani hokimining

Qarori

Oʻzbekiston Respublikasining 2002-yil 5-apreldagi “Chiqindilar toʻgʻrisida”gi 362-II-son Qonuni (Oʻzbekiston Respublikasi Oliy Majlisining Axborotnomasi 2002-y., 4-5-son, 72-modda), Oʻzbekiston Respublikasi Vazirlar Mahkamasining 1997-yil 25-apreldagi “Bozor iqtisodiyoti sharoitlarida aholiga kommunal xizmat koʻrsatishni takomillashtirish chora-tadbirlari toʻgʻrisida”gi 211-sonli va 2013-yil 3-dekabrdagi “Respublika aholi punktlarida sanitariya jihatidan tozalash tizimini rivojlantirish va takomillashtirish chora-tadbirlari toʻgʻrisida”gi 315-sonli qarori (Oʻzbekiston Respublikasi qonun hujjatlari toʻplami 2013-y., 49-son, 632-modda) ijrosini taʼminlash hamda tumanda aholi yashaydigan joylarni tozalash hamda sanitariya holatini yaxshilash maqsadida qaror qilaman:

1. Mulkchilik shaklidan qatʼi nazar, korxona, tashkilot va muassasa hamda aholi uchun chiqindi chiqarish toʻlovi tuman Obodonlashtirish boshqarmasining Moliya boʻlimi bilan kelishilgan chiqindi chiqarish kalkulatsiyasiga asosan quyidagi yangi narxda tasdiqlansin:

a) 1 (bir) tonna qattiq maishiy chiqindi (QMCh) — 19500 soʻm;

b) aholidan har 1 (bir) kishi uchun bir oyda — 100,92 soʻm.

2. Tuman Obodonlashtirish boshqarmasi (U. Normaxmatov)ga:

tumanda aholi yashaydigan joylarni tozalash va sanitariya holatini yaxshilashni taʼminlash uchun toʻplanib qolgan qattiq maishiy chiqindilarni muntazam ravishda chiqarilishini tashkil etish vazifasi yuklatilsin.

3. Tumandagi qishloq va mahalla fuqarolar yigʻinlari raislari, tuman davlat sanitariya-epidemiologiya nazorat markazi (B. Shermatov) bilan birgalikda aholi oʻrtasida chiqindi chiqarish uchun yangi toʻlov kalkulatsiyasi joriy etilganligi toʻgʻrisida tushuntirish ishlari olib borilsin.

4. Ushbu qaror rasmiy eʼlon qilingan kundan eʼtiboran kuchga kiradi.

5. Ushbu qarorning ijrosini nazorat qilish tuman hokimining birinchi oʻrinbosari A. Usmonov zimmasiga yuklatilsin.

Hokim A. QOʻLDOShOV

Yangiobod sh.,

2014-yil 31-mart,

67-son