2014-yilning 1-yarim yilligi uchun “Aholini ish bilan taʼminlash Dasturi”ni tasdiqlash toʻgʻrisida (16-son)

13.01.2014

Fargʻona viloyati Oltiariq tumani hokimining

Qarori

Tumanda aholini ish bilan taʼminlash sohasidagi davlat siyosatining asosiy yoʻnalishlarini amalga oshirish, aholini ish bilan taʼminlash, hamda Oʻzbekiston Respublikasining “Aholini ish bilan taʼminlash toʻgʻrisida”gi Qonunining 17-moddasi, 3-bandiga muvofiq qaror qilaman:

1. Oltiariq tumani Bandlikka koʻmaklashish va aholini ijtimoiy muhofaza qilish markazi tomonidan ishlab chiqilgan 2014-yilning 1-yarim yilligiga moʻljallangan “Aholini ish bilan taʼminlash toʻgʻrisida”gi tuman bandlik dasturi 1—11-ilovalarga* muvofiq tasdiqlansin.

* 1—11-ilovalar berilmaydi.

2. “Aholini ish bilan taʼminlash toʻgʻrisida”gi tuman bandlik dasturining bajarilishida quyidagi chora-tadbirlar ustuvor vazifa etib belgilansin va amalga oshirilsin;

Tuman Agrobanki (A. Shodmonov), tuman Asakabanki (O. Inoyatov), tuman Xalq banki (U. Xaydarov) boshqaruvchilari va tuman Bandlikka koʻmaklashish va aholini ijtimoiy muhofaza qilish markazi direktori (K. Qobilov) joylarda yaratiladigan yangi ish oʻrinlari uchun ajratilayotgan imtiyozli kredit mablagʻlari miqdorlarini belgilangan tartibda ajratilishiga amaliy yordam berish topshirilsin;

Tuman statistika boʻlimi (Sh Mamadaliyev), tuman bandlikka koʻmaklashish va aholini ijtimoiy muhofaza qilish markazi (K. Qobulov) boshliqlari hamkorlikda joylarda yaratiladigan yangi ish oʻrinlari hisobini olib borish ishlarini talab darajasiga yetkazish va ushbu koʻrsatkich boʻyicha hisobotlarni olib borish.

3. Tuman Bandlikka koʻmaklashish va aholini ijtimoiy muhofaza qilish markazi direktori (K. Qobulov)ga;

ijtimoiy muhofazaga muhtoj, mehnat bozorida teng sharoitlarda raqobatlashishga qodir boʻlmagan fuqarolarni 2014-yilda ishga joylashtirish boʻyicha qabul qilingan qarorlarning amalga oshirilishini taʼminlash va nazorat qilish;

aholini ish bilan taʼminlashda yoshlarga va Xotin-qizlarga alohida eʼtibor qaratish;

“Aholini ish bilan taʼminlash” Dasturida belgilangan vazifalarni bajarilishini taʼminlash hamda ajratilgan mablagʻlardan maqsadli foydalanishni tashkil etish vazifalari topshirilsin.

4. Tuman “Davr ovozi” gazetasi (O. Xakimov)ga ushbu qarorni gazetada yoritish yuklatilsin.

5. Ushbu qarorning bajarilishini nazorat qilish tuman hokimining oʻrinbosari A. Mamadaliyev zimmasiga yuklatilsin.

Hokim A. BOʻTAYEV

Oltiariq sh.,

2014-yil 13-yanvar,

16-son