Noshirlik va matbaa korxonalari tomonidan Oʻzbekiston Yozuvchilar uyushmasi huzuridagi “Ijod” fondiga ajratmalar toʻlash tartibi toʻgʻrisidagi nizomga oʻzgartirishlar kiritish haqida (2139-4-son)

07.04.2014

OʻZBEKISTON MATBUOT VA AXBOROT AGENTLIGI BOSh DIREKTORINING

buyrugʻi

[Oʻzbekiston Respublikasi Adliya vazirligi tomonidan 2014-yil 7-aprelda roʻyxatdan oʻtkazildi, roʻyxat raqami 2139-4]

Oʻzbekiston Respublikasining Budjet kodeksiga muvofiq buyuraman:

1. Oʻzbekiston matbuot va axborot agentligi bosh direktorining 2010-yil 26-avgustdagi 7-yu/b-son buyrugʻi (roʻyxat raqami 2139, 2010-yil 4-sentabr) (Oʻzbekiston Respublikasi qonun hujjatlari toʻplami, 2010-y., 35-36-son, 309-modda) bilan tasdiqlangan Noshirlik va matbaa korxonalari tomonidan Oʻzbekiston Yozuvchilar uyushmasi huzuridagi “Ijod” fondiga ajratmalar toʻlash tartibi toʻgʻrisidagi nizomda:

6-banddan “va budjetdan tashqari Oʻzbekiston Respublikasi Moliya vazirligi huzuridagi budjetdan tashqari Taʼlim va tibbiyot muassasalarini rekonstruksiya qilish, mukammal taʼmirlash va jihozlash jamgʻarmasiga” degan soʻzlar chiqarib tashlansin;

1-ilovaning oʻn uchinchi xatboshisidagi “budjetdan tashqari maqsadli jamgʻarmalarga” degan soʻzlar “davlat maqsadli jamgʻarmalariga” degan soʻzlar bilan almashtirilsin.

2. Ushbu buyruq Oʻzbekiston Respublikasi Moliya vazirligi, Davlat soliq qoʻmitasi, Savdo-sanoat palatasi va Oʻzbekiston Yozuvchilar uyushmasi huzuridagi “Ijod” fondi bilan kelishilgan.

3. Mazkur buyruq rasmiy eʼlon qilingan kundan eʼtiboran kuchga kiradi.

Bosh direktor A. YUNUSOV

Toshkent sh.,

2014-yil 1-aprel,

16-mh-son

Kelishildi:

Moliya vaziri R. AZIMOV

2014-yil 1-aprel

Davlat soliq qoʻmitasi raisi B. PARPIYEV

2014-yil 1-aprel

Savdo-sanoat palatasi raisi A. ShAYXOV

2014-yil 1-aprel

Oʻzbekiston Yozuvchilar uyushmasi huzuridagi “Ijod” fondi ijro etuvchi direktori E. AXMEDOV

2014-yil 1-aprel