“ONIKS” OAJ ishlab chiqarish maydonlarini moliyaviy sogʻlomlashtirish va maqbullashtirish chora-tadbirlari toʻgʻrisida (83-son)

04.04.2014

Oʻzbekiston Respublikasi Vazirlar Mahkamasining

qarori

Ishlab chiqarish maydonlarini samarali foydalanish, moliyaviy sogʻlomlashtirish va ishlab chiqarishni modernizatsiyalash, texnik va texnologik qayta qurish uchun keng miqyosdagi investitsiyalarni jalb etish maqsadida, Oʻzbekiston Respublikasi Vazirlar Mahkamasi qaror qiladi:

1. “Oʻzeltexsanoat” AJ, Davlat raqobat komissiyasi va Oʻzbekiston Respublikasining Iqtisodiyot vazirligi tomonidan “Oniks” OAJni moliyaviy inqirozdan chiqarish, uning iqtisodiy holatini yaxshilash va ishlab chiqarish maydonlarini optimallashtirish boʻyicha kompleks chora-tadbirlar rejasi (yoʻl xaritasi) ishlab chiqilganligi inobatga olinsin.

Vazirlar Mahkamasining Mashinasozlik, elektrotexnika va aviatsiya sanoatiga oid savdo va standartlashtirish masalalari boʻyicha Hukumat komissiyasi mazkur “Yoʻl xaritasi”ni zarar koʻrgan va iqtisodiy nochor korxonalar boʻyicha qabul qilinayotgan qarorlar loyihalariga kiritishni taʼminlasin.

2. “Oniks” OAJning aksiyadorlar umumiy yigʻilishi va “Oʻzeltexsanoat” AJ tomonidan taklif qilingan va ishlab chiqarishda foydalanilmagan 1-ilovaga muvofiq binolar va inshootlarni ishlab chiqarishga tegishli energetika jihozlari va kommunikatsiyalarining belgilangan tartibda sotilishiga rozilik berilsin.

Bunda, mazkur binolar va inshootlarni sotishidan olingan mablagʻlar Oʻzbekiston Respublikasining “OʻzSanoatqurilishbank” ATBda maxsus hisobga qoʻyilib, faqat ishlab chiqarish modernizatsiyasi, texnik qayta qurilishi va bankning kreditlari toʻlanishi uchun sarf qilinadi.

3. Oʻzbekiston Respublikasining Davlat raqobat komissiyasi tomonidan “Oniks” OAJning operativ boshqaruvidagi 2-ilovada berilgan roʻyxatdagi ijtimoiy obyektlar ommaviy savdolar orqali realizatsiya qilinsin.

4. “Oniks” OAJ va “Oʻzeltexsanoat” AJ tomonidan bir oy muddatda Toshkent viloyati hokimligiga Boʻstonliq tumanida joylashgan “Nurafshon” bolalar sanatoriyasini joriy holatida topshirilsin.

5. Toshkent viloyati hokimligi “Nurafshon” bolalar sanatoriyasini qabul qilib, bir oy muddatda Davlat raqobat komissiyasi bilan birgalikda obyektdan samarali foydalanish boʻyicha Vazirlar Mahkamasiga takliflar kiritsin.

6. “Oʻzeltexsanoat” AJ va Oʻzbekiston Respublikasining Tashqi iqtisodiy aloqalar, investitsiyalar va savdo vazirligi hamda Iqtisodiyot vazirligi uch oy ichida Vazirlar Mahkamasiga “Oniks” OAJning 1-korpusida zamonaviy ishlab chiqarishni tashkil qilish boʻyicha loyiha manbalarini belgilash boʻyicha taklif kiritsin.

7. Oʻzbekiston Respublikasi Bosh vazirining oʻrinbosari U.U. Rozuqulov mazkur qarorning ijrosini taʼminlashga masʼul etib belgilansin.

Oʻzbekiston Respublikasining Bosh vaziri Sh. MIRZIYOYEV

Toshkent sh.,

2014-yil 4-aprel,

83-son

Vazirlar Mahkamasining 2014-yil 4-apreldagi 83-son qaroriga 1-ILOVA

“Oniks” OAJning ishlab chiqarishda foydalanilmayotgan, belgilangan tartibda sotilishi kerak boʻlgan bino va inshootlari, ularga tegishli boʻlgan energetika uskunalari va kommunikatsiyalari

ROʻYXATI

* Obyektlar “Oniks” OAJ hududida Toshkent shahri, Yangi Olmazor koʻchasi, 51-uyda joylashgan.

Vazirlar Mahkamasining 2014-yil 4-apreldagi 83-son qaroriga 2-ILOVA

“Oniks” OAJning tezkor boshqaruvida boʻlgan ommaviy savdolari orqali sotiladigan ijtimoiy obyektlarning

ROʻYXATI

* Obyektlar “Oniks” OAJ hududida Toshkent shahri, Yangi Olmazor koʻchasi, 51-uyda joylashgan.