“Qimmatli qogʻozlar emissiyasi va emissiyaviy qimmatli qogʻozlar chiqarilishlarini davlat roʻyxatidan oʻtkazish qoidalarini tasdiqlash toʻgʻrisida”gi buyruqqa oʻzgartirish va qoʻshimchalar kiritish haqida (2000-3-son)

13.03.2014

OʻZBEKISTON RESPUBLIKASI DAVLAT RAQOBAT QOʻMITASI HUZURIDAGI QIMMATLI QOGʻOZLAR BOZORINI MUVOFIQLAShTIRISh VA RIVOJLANTIRISh MARKAZI BOSh DIREKTORINING

buyrugʻi

[Oʻzbekiston Respublikasi Adliya vazirligi tomonidan 2014-yil 13-martda roʻyxatdan oʻtkazildi, roʻyxat raqami 2000-3]

“Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida”gi Oʻzbekiston Respublikasining Qonuni (Oʻzbekiston Respublikasi qonun hujjatlari toʻplami, 2013-y., 1-son, 1-modda), Oʻzbekiston Respublikasi Prezidentining 2012-yil 13-noyabrdagi PF-4483-sonli “Oʻzbekiston Respublikasining Xususiylashtirish, monopoliyadan chiqarish va raqobatni rivojlantirish davlat qoʻmitasini tashkil etish toʻgʻrisida”gi (Oʻzbekiston Respublikasi qonun hujjatlari toʻplami, 2012-y., 46-47-son, 521-modda) va 2013-yil 28-avgustdagi PF-4561-sonli “Oʻzbekiston Respublikasi Prezidentining ayrim hujjatlariga qoʻshimcha va oʻzgartishlar kiritish, shuningdek ayrimlarini oʻz kuchini yoʻqotgan deb hisoblash toʻgʻrisida”gi (Oʻzbekiston Respublikasi qonun hujjatlari toʻplami, 2013-y., 36-son, 477-modda) farmonlariga, Oʻzbekiston Respublikasi Vazirlar Mahkamasining 2012-yil 22-maydagi 140-sonli “Oʻzbekiston Respublikasi Prezidentining “Fond bozorini yanada rivojlantirish chora-tadbirlari toʻgʻrisida” 2012-yil 19-martdagi PQ-1727-son qarorini amalga oshirish chora-tadbirlari haqida”gi (Oʻzbekiston Respublikasi qonun hujjatlari toʻplami, 2012-y., 21-son, 230-modda) va 2012-yil 1-noyabrdagi 313-sonli “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Statistik, soliq va moliyaviy hisobotlarni, litsenziyalanadigan faoliyat turlarini va ruxsat berish tartib-taomillarini tubdan qisqartirish chora-tadbirlari toʻgʻrisida” 2012-yil 16-iyuldagi PF-4453-son Farmoni)”gi (Oʻzbekiston Respublikasi qonun hujjatlari toʻplami, 2012-y., 44-son, 507-modda) qarorlariga, shuningdek Oʻzbekiston Respublikasi Vazirlar Mahkamasining 1996-yil 30-martdagi 126-sonli qarori (Oʻzbekiston Respublikasi Hukumatining qarorlari toʻplami, 1996-y., 3-son, 11-modda) bilan tasdiqlangan Oʻzbekiston Respublikasi Davlat raqobat qoʻmitasi huzuridagi Qimmatli qogʻozlar bozorini muvofiqlashtirish va rivojlantirish markazi toʻgʻrisidagi nizomga muvofiq buyuraman:

1. Oʻzbekiston Respublikasi Davlat mulki qoʻmitasi huzuridagi Qimmatli qogʻozlar bozori faoliyatini muvofiqlashtirish va nazorat qilish markazi Bosh direktorining 2009-yil 16-iyuldagi 2009-40-sonli “Qimmatli qogʻozlar emissiyasi va emissiyaviy qimmatli qogʻozlar chiqarilishlarini davlat roʻyxatidan oʻtkazish qoidalarini tasdiqlash toʻgʻrisida”gi buyrugʻiga (roʻyxat raqami 2000, 2009-yil 30-avgust) (Oʻzbekiston Respublikasi qonun hujjatlari toʻplami, 2009-y., 36-son, 394-modda) ilovaga muvofiq oʻzgartirish va qoʻshimchalar kiritilsin.

2. Mazkur buyruq rasmiy eʼlon qilingan kundan eʼtiboran kuchga kiradi.

Bosh direktor B. ATAXANOV

Toshkent sh.,

2014-yil 31-yanvar

2014-04-son

Oʻzbekiston Respublikasi Davlat raqobat qoʻmitasi huzuridagi Qimmatli qogʻozlar bozorini muvofiqlashtirish va rivojlantirish markazi Bosh direktorining 2014-yil 31-yanvardagi 2014-04-son buyrugʻiga ILOVA

“Qimmatli qogʻozlar emissiyasi va emissiyaviy qimmatli qogʻozlar chiqarilishlarini davlat roʻyxatidan oʻtkazish qoidalarini tasdiqlash toʻgʻrisida”gi buyruqqa kiritilayotgan oʻzgartirish va qoʻshimchalar

1. Buyruq muqaddimasidagi “Davlat mulki qoʻmitasi huzuridagi Qimmatli qogʻozlar bozori faoliyatini muvofiqlashtirish va nazorat qilish markazi” degan soʻzlar “Davlat raqobat qoʻmitasi huzuridagi Qimmatli qogʻozlar bozorini muvofiqlashtirish va rivojlantirish markazi” degan soʻzlar bilan almashtirilsin.

2. Qoidalarda:

a) 1-bandda:

toʻqqizinchi xatboshi quyidagi tahrirda bayon etilsin:

“roʻyxatdan oʻtkazuvchi organ — Oʻzbekiston Respublikasi Davlat raqobat qoʻmitasi huzuridagi Qimmatli qogʻozlar bozori faoliyatini muvofiqlashtirish va rivojlantirish markazi va uning hududiy organlari;”;

oʻn toʻqqizinchi xatboshidagi “Emissiyaviy qimmatli qogʻozlar chiqarilishlarining yagona davlat reyestriga” degan soʻzlar “YaDRga” degan soʻz bilan almashtirilsin;

b) 31-bandning “v” kichik bandidan “va risolani” degan soʻzlar chiqarib tashlansin;

v) 35-banddagi “Oʻzbekiston Respublikasi Davlat mulkini boshqarish davlat qoʻmitasi” degan soʻzlar “Oʻzbekiston Respublikasining Xususiylashtirish, monopoliyadan chiqarish va raqobatni rivojlantirish davlat qoʻmitasi (bundan buyon matnda Davlat raqobat qoʻmitasi deb yuritiladi) yoki uning hududiy organi” degan soʻzlar bilan almashtirilsin;

g) 39-band quyidagi tahrirda bayon etilsin:

“39. Qimmatli qogʻozlarni chiqarish toʻgʻrisidagi qaror oʻz navbatida chiqarish toʻgʻrisidagi qarorda mavjud barcha axborotning ishonchliligi va toʻliqligini tasdiqlovchi emitentning yakkaboshchilik asosidagi ijroiya organi yoki kollegial ijroiya organi rahbari vazifasini bajaruvchi shaxs, shuningdek emitentning bosh hisobchisi (uning vazifasini bajaruvchi boshqa shaxs) tomonidan imzolanishi kerak. Agar emitentning joriy faoliyatini boshqarish tijorat tashkilotiga berilgan boʻlsa, chiqarish toʻgʻrisidagi qaror mazkur tashkilot rahbari tomonidan imzolanishi kerak.”;

d) 40-bandda:

beshinchi xatboshi quyidagi tahrirda bayon etilsin:

“investitsiya fondlari uchun — mazkur Qoidalarning 2v-ilovasiga.”;

quyidagi mazmundagi xatboshi bilan toʻldirilsin:

“Risolaga emitent yuridik shaxs sifatida davlat roʻyxatidan oʻtkazilganligi toʻgʻrisidagi guvohnoma nusxasi, banklar boʻlgan taqdirda esa — bank operatsiyalarini amalga oshirish huquqini beruvchi litsenziyaning nusxasi ilova qilinadi.”;

e) 42-band quyidagi tahrirda bayon etilsin:

“42. Risola oʻz navbatida risolada mavjud barcha axborotning toʻgʻriligi va toʻliqligini tasdiqlovchi emitentning yakkaboshchilik asosidagi ijroiya organi yoki kollegial ijroiya organi rahbari vazifasini bajaruvchi shaxs, shuningdek emitentning bosh hisobchisi (uning vazifasini bajaruvchi boshqa shaxs) tomonidan imzolanishi lozim. Agar emitentning joriy faoliyatini boshqarish tijorat tashkilotiga berilgan boʻlsa, risola mazkur tashkilot rahbari tomonidan imzolanishi kerak.

Qonun hujjatlariga muvofiq baholovchi tashkilot majburiy tarzda jalb etilgan taqdirda, risola unda koʻrsatilgan aksiya toʻlovi hisobiga kiritiladigan mol-mulkning baholash qiymati toʻgʻrisidagi maʼlumotlarni tasdiqlagan holda baholovchi tashkilot tomonidan ham imzolanishi shart.

Qoʻshimcha taʼminotga ega obligatsiyalar chiqarilgan taqdirda qoʻshimcha taʼminot taqdim etgan shaxs qoʻshimcha taʼminot toʻgʻrisidagi axborotning toʻgʻriligini tasdiqlagan holda risolani imzolashi shart.

Obligatsiyalar chiqarilishi boʻyicha qoʻshimcha taʼminot taqdim etgan shaxs tugatilganda (vafot etganda), emitent bu toʻgʻrisida unga maʼlum boʻlgan paytdan ikki ish kuni ichida mazkur chiqarilishdagi obligatsiya egalarini va roʻyxatdan oʻtkazuvchi organni yozma xabardor qilishi shart.”;

j) 43-bandda:

“b”, “v”, “j”, “z” va “i” kichik bandlardan “(ikki nusxada)” degan soʻzlar chiqarib tashlansin;

“g” va “k” kichik bandlar oʻz kuchini yoʻqotgan deb hisoblansin;

z) 44-bandning “g” va “d” kichik bandlari quyidagi tahrirda bayon etilsin:

“g) emitentning oxirgi uch yil davomida rentabellik, toʻlov qobiliyati, moliyaviy barqarorlik va likvidlik boʻyicha ijobiy koʻrsatkichlari mavjudligini tasdiqlovchi auditorlik tashkiloti xulosasining auditorlik tashkiloti tomonidan tasdiqlangan nusxasi;

d) emitentning obligatsiyalarni chiqarish toʻgʻrisidagi qaror tasdiqlangan sanadagi oʻz kapitali miqdorini (Oʻzbekiston Respublikasi milliy valyutasida) tasdiqlovchi auditorlik tashkiloti xulosasining auditorlik tashkiloti tomonidan tasdiqlangan nusxasi;”;

i) 46-band quyidagi tahrirda bayon etilsin:

“46. Qimmatli qogʻozlarni chiqarish toʻgʻrisidagi qaror va risola emitent tomonidan roʻyxatdan oʻtkazuvchi organga qogʻoz koʻrinishda taqdim etiladi.”;

k) oʻzbek tilidagi matnning 49-bandidagi “kundan boshlab, biroq” degan soʻzlar “kundan boshlab uch oy ichida, biroq” degan soʻzlar bilan almashtirilsin;

l) 57-bandda:

“a” kichik banddagi “aksiyadorlik kompaniya va xoldinglar” degan soʻzlar “xoʻjalik birlashmalari” degan soʻzlar bilan almashtirilsin;

“b” kichik banddagi “boshqarmalarida” degan soʻz “organlarida” degan soʻz bilan almashtirilsin;

m) 58-bandning uchinchi xatboshisidagi “boshqarmalariga” degan soʻz “organlariga” degan soʻz bilan almashtirilsin;

n) 60-bandda:

“b” kichik banddan “— ikki nusxada” degan soʻzlar chiqarib tashlansin;

“d” kichik banddagi “Oʻzbekiston Respublikasi Davlat mulki qoʻmitasi yoki uning hududiy boshqarmalarining” degan soʻzlar “Davlat raqobat qoʻmitasi yoki uning hududiy organlarining” degan soʻzlar bilan almashtirilsin;

“e” kichik band oʻz kuchini yoʻqotgan deb hisoblansin;

“z” kichik banddan “(ikki nusxada)” degan soʻzlar chiqarib tashlansin;

o) 61-banddagi “Oʻzbekiston Respublikasi Davlat mulkini boshqarish davlat qoʻmitasi yoki uning hududiy boshqarmasi” degan soʻzlar “Davlat raqobat qoʻmitasi yoki uning hududiy organi” degan soʻzlar bilan almashtirilsin;

p) quyidagi mazmundagi 641-band bilan toʻldirilsin:

“641. Davlat muassasasi aksiyadorlik jamiyati etib oʻzgartirilayotganda aksiyalarni birlamchi chiqarishni davlat roʻyxatidan oʻtkazish mazkur bob talablariga muvofiq amalga oshiriladi.”;

r) 65-banddagi “risolaning toʻrt nusxasini” degan soʻzlar “risolaning bir nusxasini” degan soʻzlar bilan almashtirilsin;

s) 66-banddagi “Qimmatli qogʻozlarni chiqarish toʻgʻrisidagi qaror va risolani” degan soʻzlar “Qimmatli qogʻozlarni chiqarish toʻgʻrisidagi qarorni” degan soʻzlar bilan almashtirilsin;

t) 67-banddan “va risola uch nusxada” degan soʻzlar chiqarib tashlansin;

u) 69-banddagi “besh” degan soʻz “ikki” degan soʻz bilan almashtirilsin;

f) 72-band quyidagi tahrirda bayon etilsin:

“72. Qimmatli qogʻozlar ochiq obuna yoʻli bilan joylashtirilganda emitent qimmatli qogʻozlar chiqarilishini davlat roʻyxatidan oʻtkazilganligi toʻgʻrisidagi maʼlumotni va risolada mavjud axborotdan istalgan manfaatdor shaxsning foydalanish tartibini oshkor qilishi shart. Bunda qimmatli qogʻozlar qoʻshimcha chiqarilishini qimmatli qogʻozlar chiqarilishi davlat roʻyxatidan oʻtkazilganligi toʻgʻrisidagi maʼlumot oshkor etilganidan keyin kamida ikki hafta oldin ochiq obuna yoʻli bilan joylashtirish taqiqlanadi.”;

x) 74-bandda:

“a” kichik banddagi “oluvchi oʻrtasida oldi-sotdi shartnomasi” degan soʻzlar “oluvchi oʻrtasida tegishli shartnoma” degan soʻzlar bilan almashtirilsin;

“v” kichik bandning beshinchi xatboshisidagi “qimmatli qogʻozlarini” degan soʻzlar “qimmatli qogʻozlari va (yoki) ulushlarini” degan soʻzlar bilan almashtirilsin;

toʻqqizinchi xatboshi chiqarib tashlansin;

oʻninchi va oʻn birinchi xatboshilar tegishincha toʻqqizinchi va oʻninchi xatboshilar deb hisoblansin;

toʻqqizinchi xatboshidagi “Aksiyalarni” degan soʻz “Qimmatli qogʻozlar va (yoki) ulushlarni” degan soʻzlar bilan almashtirilsin;

ts) oʻzbek tilidagi matnning 89-bandi birinchi xatboshisidagi “boʻlim” degan soʻz “bob” degan soʻz bilan almashtirilsin;

ch) 91-bandda:

“a” kichik banddan “(ikki nusxada)” degan soʻzlar chiqarib tashlansin;

“g” kichik band quyidagi tahrirda bayon etilsin:

“g) oʻzgartirish va qoʻshimchalar kiritilgan taqdirda, ustavga kiritilgan oʻzgartirish va qoʻshimchalarning notarial tasdiqlangan nusxasi;”;

sh) oʻzbek tilidagi matnning 92-bandi toʻrtinchi xatboshisidagi va 105-bandi “g” kichik bandidagi “boʻlimida” degan soʻz “bobida” degan soʻz bilan almashtirilsin;

e) 99-bandning birinchi xatboshisidagi “besh kun mobaynida ommaviy axborot vositalarida bu toʻgʻrisidagi axborotni nashr etishi” degan soʻzlar “ikki ish kuni mobaynida bu toʻgʻrisidagi axborotni oshkor etishi” degan soʻzlar bilan almashtirilsin;

yu) 103-band “, agar qonun hujjatlarida boshqacha holat nazarda tutilmagan boʻlsa” degan soʻzlar bilan toʻldirilsin;

ya) 108-bandning ikkinchi xatboshisi quyidagi tahrirda bayon etilsin:

“Bu holatda qoʻshimcha va (yoki) qayta ishlangan hujjatlarni taqdim etish sanasi qimmatli qogʻozlar chiqarilishini hamda ilgari roʻyxatdan oʻtkazilgan qimmatli qogʻozlar chiqarilishiga oʻzgartirish va (yoki) qoʻshimchalarni davlat roʻyxatidan oʻtkazish uchun hujjatlar taqdim etilgan sana deb hisoblanadi.”.

3. Qoidalarning 2-ilovasida:

““KELIShILGAN”, Oʻzbekiston Respublikasi Markaziy banki, (rahbarning lavozimi, F.I.Sh., imzo) (sana) ____________ 20___ y. M.Oʻ.” degan soʻzlar chiqarib tashlansin;

quyidagi mazmundagi izohlar bilan toʻldirilsin:

“Izohlar:

1. Qimmatli qogʻozlarga yopiq obuna oʻtkazilganda (qimmatli qogʻozlarning yangi chiqarilishida) emissiya risolasida 1 — 5, 7 — 10, 13 — 18, 22, 23-bandlar, 24-bandning “a”, “b”, “v” va “g” kichik bandlari, 25-bandning “b”, “e” va “l” kichik bandlari, 26-bandning “b”, “j” va “m” kichik bandlari, 27 — 31 va 39-bandlar toʻldiriladi.

2. Emissiya risolasida band va kichik bandlarning raqamlanishi emissiya risolasining haqiqatda toʻldirilgan band va kichik bandlaridan kelib chiqib amalga oshiriladi.”.

4. Qoidalarning 2a-ilovasida:

“XUSUSIYLAShTIRILGAN” degan soʻz “XUSUSIYLAShTIRILAYOTGAN” degan soʻz bilan almashtirilsin;

“Davlat mulki qoʻmitasi yoki uning hududiy boshqarmasi” degan soʻzlar “Davlat raqobat qoʻmitasi yoki uning hududiy organi” degan soʻzlar bilan almashtirilsin;

“, chiqarilish shakli” degan soʻzlar chiqarib tashlansin;

“Davlat mulki qoʻmitasi yoki uning hududiy boshqarmasi buyrugʻining” degan soʻzlar “Davlat raqobat qoʻmitasi yoki uning hududiy organi buyrugʻining” degan soʻzlar bilan almashtirilsin;

6-banddagi “Davlat mulki qoʻmitasi yoki uning hududiy boshqarmasi” degan soʻzlar “Davlat raqobat qoʻmitasi yoki uning hududiy organi” degan soʻzlar bilan almashtirilsin;

33-bandning “k” kichik bandidagi “Davlat mulki qoʻmitasi yoki uning hududiy boshqarmasining” degan soʻzlar “Davlat raqobat qoʻmitasi yoki uning hududiy organining” degan soʻzlar bilan almashtirilsin.

5. Qoidalarning 2b-ilovasi quyidagi mazmundagi izohlar bilan toʻldirilsin:

“Izohlar:

1. Qimmatli qogʻozlarga yopiq obuna oʻtkazilganda (qimmatli qogʻozlarning yangi chiqarilishida) emissiya risolasida 1 — 5, 7 — 10, 13 — 16, 18, 19, 30, 31-bandlar, 32-bandning “a”, “b”, “v” va “g” kichik bandlari, 33-bandning “b”, “e” va “l” kichik bandlari, 34-bandning “b”, “j” va “m” kichik bandlari, 35 — 39 va 48-bandlar toʻldiriladi.

2. Emissiya risolasida band va kichik bandlarning raqamlanishi emissiya risolasining haqiqatda toʻldirilgan band va kichik bandlaridan kelib chiqib amalga oshiriladi.”.

6. Mazkur oʻzgartirish va qoʻshimchalarning ilovasiga muvofiq tahrirda 2v-ilova bilan toʻldirilsin.

7. Qoidalarning 5-ilovasi oʻz kuchini yoʻqotgan deb hisoblansin.

8. Mazkur oʻzgartirish va qoʻshimchalar Oʻzbekiston Respublikasining Xususiylashtirish, monopoliyadan chiqarish va raqobatni rivojlantirish davlat qoʻmitasi va Oʻzbekiston Respublikasi Markaziy banki bilan kelishilgan.

Xususiylashtirish, monopoliyadan chiqarish va raqobatni rivojlantirish davlat qoʻmitasi raisi A. ABDUHAKIMOV

2014-yil 31-yanvar

Markaziy bank raisi F. MULLAJONOV

2014-yil 31-yanvar

“Qimmatli qogʻozlar emissiyasi va emissiyaviy qimmatli qogʻozlar chiqarilishlarini davlat roʻyxatidan oʻtkazish qoidalarini tasdiqlash toʻgʻrisida”gi buyruqqa kiritilayotgan oʻzgartirish va qoʻshimchalarga ILOVA

“Qimmatli qogʻozlar emissiyasi va emissiyaviy qimmatli qogʻozlar chiqarilishlarini davlat roʻyxatidan oʻtkazish qoidalariga 2v-ILOVA

* Baholovchi tashkilotni jalb qilish shart boʻlgan hollarda.

Izohlar:

1. Qimmatli qogʻozlarga yopiq obuna oʻtkazilganda (qimmatli qogʻozlarning yangi chiqarilishida) emissiya risolasida 1 — 6, 8 — 11, 13 — 17, 25-26, 27-bandning “a”, “b”, “v” va “g” kichik bandlari, 28-bandning “b”, “e” va “k” kichik bandlari, 29-30 va 36-bandlar toʻldiriladi.

2. Emissiya risolasida band va kichik bandlarning raqamlanishi emissiya risolasining haqiqatda toʻldirilgan band va kichik bandlaridan kelib chiqib amalga oshiriladi.”.