Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish hamda baʼzilarini oʻz kuchini yoʻqotgan deb hisoblash toʻgʻrisida (“Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida” Oʻzbekiston Respublikasining 2013-yil 30-apreldagi OʻRQ-352-son Qonuni) (45-son)

03.03.2014

Oʻzbekiston Respublikasi Vazirlar Mahkamasining

qarori

“Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida” Oʻzbekiston Respublikasining 2013-yil 30-apreldagi OʻRQ-352-son Qonuniga muvofiq, shuningdek standartlashtirish boʻyicha amalga oshirilayotgan ishlarni yanada takomillashtirish maqsadida Vazirlar Mahkamasi qaror qiladi:

1. Oʻzbekiston Respublikasi Hukumatining ayrim qarorlariga 1-ilovaga muvofiq oʻzgartirish va qoʻshimchalar kiritilsin.

2. Oʻzbekiston Respublikasi Hukumatining 2-ilovaga muvofiq ayrim qarorlari oʻz kuchini yoʻqotgan deb hisoblansin.

3. Vazirliklar va idoralar oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsinlar.

4. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari U.U. Rozuqulov zimmasiga yuklansin.

Oʻzbekiston Respublikasining Bosh vaziri Sh. MIRZIYOYEV

Toshkent sh.,

2014-yil 3-mart,

45-son

Vazirlar Mahkamasining 2014-yil 3-martdagi 45-son qaroriga 1-ILOVA

Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar

2. Vazirlar Mahkamasining 1993-yil 1-apreldagi 167-son qarori bilan tasdiqlangan Oʻzbekiston Respublikasi kichik hajmli kemalar boʻyicha davlat inspeksiyasi toʻgʻrisidagi nizomning 6-bandi oʻn toʻrtinchi xatboshidagi “andozalar, texnik shartlar” soʻzlari “texnik reglamentlar yoki standartlar” soʻzlari bilan almashtirilsin.

4. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar va qoʻshimchalar kiritish toʻgʻrisida” 1994-yil 12-avgustdagi 410-son qarorida:

a) 1-bandning “g” kichik bandi ikkinchi xatboshidan “va texnikaviy shartlarga” soʻzlari chiqarib tashlansin;

b) Oʻzbekiston Respublikasida standartlar va oʻlchov vositalari ustidan davlat nazorati toʻgʻrisidagi nizomda:

2-banddagi “*” “havola” va uning matni chiqarib tashlansin;

3-bandning “m” kichik bandidagi “texnik shartlar” va “n” kichik bandidagi “va texnik shartlarni” soʻzlari chiqarib tashlansin.

5. Vazirlar Mahkamasining 1995-yil 26-maydagi 185-son qarori (Oʻzbekiston Respublikasi QT, 1995-y., 5-son, 18-modda) bilan tasdiqlangan Uy-joy fondida va ijtimoiy-madaniy maqsadlardagi obyektlarda suv va gazni hisobga olish asboblarini oʻrnatish va ulardan foydalanish haqidagi nizomda:

a) II boʻlimda:

ikkinchi xatboshidagi “texnika shartlari” soʻzlari “texnik reglamentlari yoki standartlari” soʻzlari bilan almashtirilsin;

uchinchi xatboshidagi “maxsus davlat standartlari” soʻzlari “texnik reglamentlar yoki standartlar” soʻzlari bilan almashtirilsin;

b) III boʻlimning 4-bandidagi “shartlari” soʻzi “reglamentlari yoki standartlari” soʻzlari bilan almashtirilsin.

6. Vazirlar Mahkamasining 1995-yil 12-oktabrdagi 399-son qarori (Oʻzbekiston Respublikasi QT, 1995-y., 10-son, 40-modda) bilan tasdiqlangan Oʻzbekiston Respublikasi aholisiga maishiy xizmat koʻrsatish qoidalarida:

a) I boʻlimning 6-bandi beshinchi xatboshi quyidagi tahrirda bayon qilinsin:

“koʻrsatiladigan xizmatlarning barcha turlariga texnik reglamentlar yoki standartlar”;

b) III boʻlimda:

2-bandning ikkinchi xatboshidagi “standartlar, texnikaviy shartlar” soʻzlari “texnik reglamentlar yoki standartlar” soʻzlari bilan almashtirilsin;

13-banddagi “standartlashtirish boʻyicha normativ-texnik hujjatlar — xizmatlarning har bir turi standartlari, texnik shartlari” soʻzlari “xizmatlarning har bir turi texnik reglamentlari yoki standartlari” soʻzlari bilan almashtirilsin;

v) IV boʻlimning 6-bandidagi “standartlar, texnik shartlar” soʻzlari “texnik reglamentlar yoki standartlar” soʻzlari bilan almashtirilsin.

10. Vazirlar Mahkamasining 2002-yil 28-martdagi 99-son qarori (Oʻzbekiston Respublikasi QT, 2002-y., 3-son, 17-modda) bilan tasdiqlangan Gazni hisobga olish priborlarini sotib olish, ularni kvartiralarda va yakka tartibdagi uylarda oʻrnatish va ulardan foydalanish tartibi toʻgʻrisidagi nizomda:

a) 2-bandning ikkinchi xatboshidagi “shartlarni” soʻzi “reglamentlar yoki standartlarni” soʻzlari bilan almashtirilsin;

b) 9-banddagi “shartlarga” soʻzi ““reglamentlar yoki standartlarga” soʻzlari bilan almashtirilsin;

v) 12-banddagi “shartlari” soʻzi “reglamentlari yoki standartlari” soʻzlari bilan almashtirilsin;

g) 17-bandning toʻrtinchi xatboshidagi “shartlarga” soʻzi “reglamentlar va standartlarga”, 37-banddagi va 42-bandning birinchi xatboshidagi “shartlariga” soʻzi “reglamentlari yoki standartlariga” soʻzlari bilan almashtirilsin.

12. Vazirlar Mahkamasining “Oʻzbekiston Respublikasida chakana savdo qoidalarini hamda Oʻzbekiston Respublikasida umumiy ovqatlanish mahsulotlarini (xizmatlarini) ishlab chiqarish va sotish qoidalarini tasdiqlash toʻgʻrisida” 2003-yil 13-fevraldagi 75-son qarorida (Oʻzbekiston Respublikasi QT, 2003-y., 2-son, 15-modda):

a) Oʻzbekiston Respublikasida chakana savdo qoidalarida:

6 va 170-bandlardagi “standartlar” soʻzi “texnik reglamentlar yoki standartlar” soʻzlari, 14-bandning sakkizinchi xatboshi, 37-bandning birinchi xatboshi, 48-banddagi, 170-bandning birinchi xatboshidagi va 176-banddagi “standartlarning” soʻzi “texnik reglamentlar va standartlarning” soʻzlari bilan almashtirilsin;

18-bandning uchinchi xatboshidagi “davlat” soʻzi “texnik reglamentlar va” soʻzlari bilan almashtirilsin;

55-bandda:

birinchi xatboshidagi “standartlar, texnik shartlar” soʻzlari “texnik reglamentlar yoki standartlar” soʻzlari bilan almashtirilsin;

uchinchi xatboshidagi “belgilangan standartlar talablariga va/yoki ishlab chiqaruvchining texnik shartlariga” soʻzlari “texnik reglamentlar yoki standartlarga” soʻzlari bilan almashtirilsin;

58-bandning birinchi xatboshidagi “standartlarning majburiy talablariga va texnik shartlarga” soʻzlari “texnik reglamentlar yoki standartlarning majburiy talablariga” soʻzlari bilan almashtirilsin;

72-banddagi “davlat standartlariga hamda texnik shartlarga” soʻzlari “texnik reglamentlar yoki standartlar talablariga” soʻzlari bilan almashtirilsin;

89-bandning birinchi xatboshidagi “standartlar yoki texnik shartlarga” soʻzlari “texnik reglamentlar yoki standartlarga” soʻzlari bilan almashtirilsin;

190-bandning oʻninchi xatboshidagi “standart talablariga, texnik shartlarga” soʻzlari “texnik reglamentlar yoki standartlar talablariga” soʻzlari bilan almashtirilsin;

b) Oʻzbekiston Respublikasida umumiy ovqatlanish mahsulotlarini (xizmatlarni) ishlab chiqarish va sotish qoidalarida:

4-banddagi “standartlar” soʻzi “texnik reglamentlar yoki standartlar” soʻzlari bilan almashtirilsin;

26-bandning sakkizinchi xatboshidagi “standartlar, texnik shartlar” soʻzlari “texnik reglamentlar yoki standartlar” soʻzlari bilan almashtirilsin.

15. Oʻzbekiston Respublikasi Vazirlar Mahkamasining 2003-yil 29-oktabrdagi 472-son qarori (Oʻzbekiston Respublikasi QT, 2009-y., 10-son, 103-modda) bilan tasdiqlangan Oʻzbekiston Respublikasining giyohvandlik vositalari, psixotrop moddalar va prekursorlarga boʻlgan ehtiyojini aniqlash tartibi toʻgʻrisidagi nizomning 10-bandidagi “texnik shartlarga” soʻzlari “texnik reglamentlarga yoki standartlarga” soʻzlari bilan almashtirilsin.

16. Vazirlar Mahkamasining “2004-2006-yillarda fermer xoʻjaliklarini rivojlantirish konsepsiyasini amalga oshirish chora-tadbirlari toʻgʻrisida” 2003-yil 30-oktabrdagi 476-son qarorida (Oʻzbekiston Respublikasi QT, 2003-y., 10-son, 105-modda):

b) Moddiy-texnika resurslari yetkazib berishga Namunaviy shartnomaning 5.3-bandidagi “standart, texnik shartlar” soʻzlari “texnik reglamentlar yoki standartlar” soʻzlari bilan almashtirilsin.

17. Vazirlar Mahkamasining 2003-yil 11-noyabrdagi 499-son qarori bilan tasdiqlangan Radiochastota spektorini industrial radiotoʻsiqlardan himoya qilish toʻgʻrisidagi nizomning 10-bandidagi “davlat standartlari va texnik shartlar” soʻzlari “texnik reglamentlar” soʻzlari bilan almashtirilsin.

18. Vazirlar Mahkamasining “Oʻzbekiston Respublikasi Vazirlar Mahkamasi huzuridagi Davlat don inspeksiyasi faoliyatini tashkil etish masalalari toʻgʻrisida” 2004-yil 8-iyundagi 269-son qarorida (Oʻzbekiston Respublikasi QT, 2004-y., 6-son, 54-modda):

a) 1-bandning uchinchi xatboshidagi “shartlar” soʻzi “reglamentlar yoki standartlar” soʻzlari bilan almashtirilsin;

b) “Oʻzbekiston Respublikasi Vazirlar Mahkamasi huzuridagi Davlat don inspeksiyasi toʻgʻrisida”gi Nizomning 7-bandi uchinchi xatboshidagi “shartlar” soʻzi “reglamentlar yoki standartlar” soʻzlari bilan almashtirilsin.

22. Vazirlar Mahkamasining 2006-yil 20-fevraldagi 27-son qarori (Oʻzbekiston Respublikasi QT, 2006-y., 2-son, 11-modda) bilan tasdiqlangan Davlat axborot resurslari hamda ularni shakllantirish, ulardan foydalanish va ularni qoʻllab-quvvatlash uchun masʼul boʻlgan davlat organlari roʻyxatida:

a) 17-pozitsiya quyidagi tahrirda bayon qilinsin:

b) 17-1 pozitsiyasi chiqarib tashlansin.

23. Vazirlar Mahkamasining 2006-yil 7-sentabrdagi 190-son qarori (Oʻzbekiston Respublikasi QT, 2006-y., 9-son, 65-modda) bilan tasdiqlangan Tamaki xom ashyosini fermentlash va tamaki mahsulotlari ishlab chiqarish faoliyatini litsenziyalash toʻgʻrisidagi nizomda:

a) 7-bandda:

“b” kichik bandida:

ikkinchi xatboshidagi “davlat standartlariga va texnik shartlarga” soʻzlari “texnik reglamentlarga yoki standartlarga” soʻzlari bilan almashtirilsin;

yettinchi xatboshidagi “Sogʻliqni saqlash vazirligi bilan kelishilgan va “Oʻzstandart” agentligining tegishli organlarida roʻyxatdan oʻtkazilgan” soʻzlari chiqarib tashlansin;

toʻqqizinchi xatboshidagi “standartlar” soʻzi “texnik reglamentlar yoki standartlar” soʻzlari bilan almashtirilsin;

b) 8-bandning “b” kichik bandidagi “davlat standartlariga va boshqa normativ hujjatlarga” soʻzlari “texnik reglamentlarga yoki standartlarga” soʻzlari bilan almashtirilsin.

24. Vazirlar Mahkamasining 2007-yil 28-iyundagi 132-son qarori (Oʻzbekiston Respublikasi QT, 2007-y., 6-son, 36-modda) bilan tasdiqlangan Oʻzbekiston Respublikasida bosma va kitob, teleradio, audiovizual mahsulotlar va Internet tarmogʻi axborot resurslarini ishlab chiqarish va tarqatish sohasida qonun hujjatlariga rioya qilinishi ustidan monitoring olib borish tartibi toʻgʻrisidagi nizomning 4-bandi “a” kichik bandi uchinchi xatboshidagi “davlat va tarmoq standartlariga” soʻzlari “texnik reglamentlarga yoki standartlarga” soʻzlari bilan almashtirilsin.

25. Vazirlar Mahkamasining 2009-yil 25-iyundagi 178-son qarori (Oʻzbekiston Respublikasi QT, 2009-y., 6-son, 52-modda) bilan tasdiqlangan Mahsulot taqsimotiga oid bitimlar va geologiya-qidiruv ishlari olib borish toʻgʻrisidagi bitimlar doirasida tovarlar, ishlar va xizmatlarni xarid qilishda tanlovlar oʻtkazish tartibi toʻgʻrisidagi nizomda:

a) 5-bandning oltinchi xatboshidagi “umumiy standartlarga” va “bunday standartlar” soʻzlari tegishli ravishda “texnik reglamentlarga yoki standartlarga” va “texnik reglamentlar yoki standartlar” soʻzlari bilan almashtirilsin;

b) 8-bandning sakkizinchi xatboshidagi “standartlarga, texnik shartlarga” soʻzlari “texnik reglamentlarga yoki standartlarga” soʻzlari bilan almashtirilsin;

v) 11-band “a” kichik bandining ikkinchi xatboshi quyidagi tahrirda bayon qilinsin:

“ular boʻyicha kontrakt tuzilishi zarur boʻlgan tovarning, ishlar va xizmatlar turining tavsifi, shu jumladan tovarning yoki ishlar va xizmatlar turining zarur texnik tavsiflari, ularning tavsifi va sifatini aks ettiruvchi standartlar”;

g) 32-bandning oʻn beshinchi xatboshidagi “xalqaro va milliy” soʻzlari “texnik reglamentlar yoki standartlar” soʻzlari bilan almashtirilsin.

26. Vazirlar Mahkamasining 2009-yil 13-avgustdagi 231-son qarori (Oʻzbekiston Respublikasi QT, 2009-y., 8-son, 60-modda) bilan tasdiqlangan Yadroviy materiallar aylanishini davlat tomonidan hisobga olish va nazorat qilish tartibi toʻgʻrisidagi nizomda:

a) 31-banddagi “davlat standartlari” soʻzlari “oʻlchovlar birligini taʼminlash boʻyicha normativ hujjatlarni” soʻzlari bilan almashtirilsin;

b) 32-bandagi “davlat yoki tarmoq standartlari” soʻzlari “oʻlchovlar birligini taʼminlash boʻyicha normativ hujjatlar”soʻzlari bilan almashtirilsin;

v) 33-banddagi “davlat standartlari” soʻzlari “oʻlchovlar birligini taʼminlash boʻyicha normativ hujjatlar” soʻzlari bilan almashtirilsin.

28. Vazirlar Mahkamasining 2011-yil 16-fevraldagi 35-son qarori (Oʻzbekiston Respublikasi QT, 2011-y., 2-son, 9-modda) bilan tasdiqlangan Oʻzbekiston Respublikasida xavfli yuklarni avtomobil transportida tashish qoidalarida:

a) 7-banddagi “standartlarga va texnik shartlarga” soʻzlari “texnik reglamentlarga yoki standartlarga” soʻzlari bilan almashtirilsin;

b) 121-banddagi “tayyorlash, sinash va qabul qilishga texnik shartlarga” soʻzlari “texnik reglamentlarga yoki standartlarga” soʻzlari bilan almashtirilsin.

31. Vazirlar Mahkamasining 2012-yil 19-dekabrdagi 356-son qarori (Oʻzbekiston Respublikasi QT, 2012-y., 12-son, 87-modda) bilan tasdiqlangan Axborot-kommunikatsiya texnologiyalarini rivojlantirish jamgʻarmasi toʻgʻrisidagi nizomning 4-bandi toʻrtinchi xatboshidagi “davlat tarmoq standartlari” soʻzlari “standartlar” soʻzi bilan almashtirilsin.

Vazirlar Mahkamasining 2014-yil 3-martdagi 45-son qaroriga 2-ILOVA

Oʻzbekiston Respublikasi Hukumatining oʻz kuchini yoʻqotgan deb hisoblanayotgan qarorlari

ROʻYXATI

1. Vazirlar Mahkamasining “Oʻzbekiston Respublikasida standartlash ishlarini tashkil etish toʻgʻrisida” 1992-yil 2-martdagi 93-son qarori (Oʻzbekiston Respublikasi QT, 1992-y., 3-son, 4-modda).

2. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida” 1994-yil 12-avgustdagi 410-son qarori 1-bandining “a” kichik bandi hamda 2 va 3-bandlari.

3. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida” 2003-yil 13-yanvardagi 14-son qaroriga (Oʻzbekiston Respublikasi QT, 2003-y., 1-son, 5-modda) ilovaning 1-bandi.